ბექა ნაცვლიშვილი - დიდი საბალანსო ჰესები თუ აშენდება, ეს უნდა გააკეთოს სახელმწიფომ, საპენსიო ფონდს დღესაც შეუძლია, გამოუშვას ობლიგაციები, რომლის საფუძველზე განხორციელდება მშენებლობა

„სულ ცოტა ხნის წინ ტარიფი მოსახლეობას და, მათ შორის, კომერციას გაეზარდა 5 თეთრით. ეს გაეზარდა იმიტომ, რომ ჩვენ ჩვენი შიდა გენერაცია არ ვართ, დამოკიდებული ვართ იმპორტზე და იმპორტის წილი გაიზარდა ზუსტად ჩვენი ელექტროენერგიის მოხმარების წილში. ვის გვინდა ჩვენ აქ ვუთხრათ, მოდით, ჩვენ ქვეყანაში სერიოზული წარმოება გააკეთეთ-თქო, როდესაც ყოველ სამ წელიწადში ერთხელ ელექტროენერგიის ტარიფი გეცვლება და ძირითადად არის მზარდი? ვის გინდა ეს უთხრა, რომ დაგეგმოს საკუთარი ბიზნესი? მე არ მაქვს საუბარი რაღაც ერთ, ორ და სამწლიან პროექტებზე, გრძელვადიან პროექტებზე, გრძელვადიან წარმოებაზე მაქვს საუბარი. არ ვიცი, ვიღაც ქარხანას რომ უთხრა, მოდი, მანქანების ქარხანა გახსენი პირობითად, ან ვინმეს უთხრა, მოდი, სასურსათო მეურნეობა გააკეთე, მაცივრები დადგი, ჟოლოები რომ გაყინო-თქო, პირობითად, ეს ყველაფერი ხომ ელექტროენერგიის ტარიფზეა დამოკიდებული? შენ რომ გათვლა გააკეთო და შენ ქვეყანაში სტაბილური რომ იყოს ელექტროენერგია, საკუთარი გენერაცია უნდა გქონდეს განვითარებული, რომ გარე პირობებზე არ იყო დამოკიდებული და, სულ მცირე, 10 წლით გაყინული უნდა გქონდეს ელექტროენერგიის ტარიფი, რათა მერე ბიზნესს ჰქონდეს საშუალება, საკუთარი ბიზნესი დაგეგმოს“, – განაცხადა მარგებაძემ.როგორც მცირე და საშუალო ჰესების ასოციაციის ხელმძღვანელმა აღნიშნა, დღეს ევროპაში არცერთი ახალი საცხოვრებელი სახლი აღარ შენდება, სადაც გაზი არის შეყვანილი და ყველაფერი ელექტროენერგიაზეა.„მათ შორის, ძალიან მალე დავინახავთ, ჩინური საავტომობილო ბიზნესი როგორ განვითარდება და ელექტრომობილებზე გადავა ძალიან დიდი უმრავლესობა. არ ვიცი, 15%-ს მივაღწევთ ალბათ, ძალიან მალე. სხვათა შორის, იმ გაზსაც, რომელიც ჰორმუზის სრუტით მიაქვთ თუ საიდანაც მიაქვთ, აირად აქცევენ და, საბოლოო ჯამში, აირებული გაზი ისევ ელექტროენერგიაში გარდაიქმნება. ამიტომ, როდესაც ჩვენ ვსაუბრობთ ენერგოდამოუკიდებლობაზე, ის რესურსი, რაც ჩვენ გვაქვს, წყლის, თუნდაც ქარის და თუნდაც მზის, თავისუფლად შეგვიძლია, გარდავქმნათ ისევ გაზში. ჩვენ გაზს ვწვავთ, რომ ელექტროენერგია მივიღოთ, ხომ? ამიტომ, ენერგოდამოუკიდებლობა და ენერგოუსაფრთხოება არის აბსოლუტურად სწორი მიდგომა“, – განაცხადა მარგებაძემ.მისივე თქმით, ჩვენ ასეთი საფრთხეების წინაშე ვდგავართ და ამ საფრთხეების გადაჭრას უნდა რადიკალური მოქმედებები.„ეს რაღაც ლაპარაკი უნდა გადავდოთ გვერდზე და სასწრაფოდ უნდა დავიწყოთ ჩვენი საკუთარი გენერაციების შექმნა“, – განაცხადა მარგებაძემ.

1777464251

როგორც ნაცვლიშვილმა აღნიშნა, როდესაც საუბარია ხოლმე იმაზე, რომ ეკონომიკა იზრდება და მზარდი ეკონომიკა ითხოვს მეტ ენერგეტიკას, ცხადია, ენერგეტიკის გარეშე ეკონომიკა ვერ ფუნქციონირებს, მაგრამ ისიც უნდა ვიცოდეთ, რა დარგები ვითარდება.„სახელმწიფოს აქვს რამე სტრატეგია, სადაც მე, როგორც მოქალაქეს, მექნება წარმოდგენა, რა დარგებს ავითარებს? ავითარებს, მაგალითად, ე.წ მაინინგს, დატა ცენტრებს და ასე შემდეგ, რომლის კაპიტალიზაციის მაჩვენებელი ძალიან მაღალია, შეიძლება, მაგრამ დასაქმების მაჩვენებელია ძალიან დაბალი, რომელიც თავისუფალ ეკონომიკურ ზონებშია და რომელსაც არანაირი ეკონომიკური სარგებელი რიგითი მოქალაქისთვის საქართველოში არ აქვს; ცდილობს, განავითაროს ეს სექტორი თუ ცდილობს განავითაროს, მაგალითად, დამამუშავებელი მრეწველობა, სადაც მაღალი დამატებითი ღირებულება იქმნება, ადამიანები საქმდებიან, კომპეტენციის საჭიროება ჩნდება და ასე შემდეგ“, – განაცხადა ნაცვლიშვილმა.ბექა ნაცვლიშვილმა ასევე განაცხადა, რომ საქართველოს აქვს დიდი პოტენციალი ქარის და მზის ენერგიის, თუმცა ამ მიმართულებით განვითარება არ მომხდარა.„განვავითარეთ ჩვენ ქარის ან მზის ენერგია, წინ წავიწიეთ? არა. ჩვენ გვინდა, აუცილებლად მივიდეთ სადღაც, რაღაც ჩავაბეტონოთ და ა.შ. ჩვენ გენერაცია როდის გჭირდება ხოლმე, როდის არის დეფიციტი? ეს არის ზამთრის პერიოდი, შემოდგომა-ზამთრის, შემოდგომა-ზამთრის პერიოდში კი სწორედ ქარი არის ყველაზე საინტერესო ჩვენთვის, გამომდინარე იქიდან, რომ ვარდნა, ანუ ფრუქტაცია ქარს ბევრად უფრო დაბალი აქვს, ვიდრე ამ შემთხვევაში წყალს. მოკლედ, ძალიან ბევრი ფაქტორია, რომელიც ჩვენ უნდა გავითვალისწინოთ და, უბრალოდ, რომ ჩვენ გვინდა, 2030 წელს ენერგოდამოუკიდებელი გავხდეთ, ასე მარტივი არ არის, ბევრი რაღაც არის“, – განაცხადა ნაცვლიშვილმა.

1777464206

თუნდაც 5,3%-ზე რომ დავთვალოთ და შემდგომი წლების განმავლობაში, საშუალოდ, 5%-იანი ზრდა რომ ავიღოთ, ჩვენ ვლაპარაკობთ საკუთარი მოხმარების 50%-ით გაზრდაზე და როდესაც ვსაუბრობთ ასეთი ტიპის მზარდ ტენდენციაზე, ცხადია, საჭიროება არის საკუთარი წარმოების განვითარების. როგორ შეიძლება, საკუთარი წარმოების განვითარება მოხდეს? ჩემი განსაკუთრებული პატივისცემა ქარსაც და მზესაც ამ კუთხით, მაგრამ მივდივართ წყალთან და ჰიდრო ნაწილთან. ჩვენ თუ არ წავედით დიდი ჰესების მშენებლობის მიმართულებით, უბრალოდ არ ვიცი, რომელ წელს არა, რომელ საუკუნეში გვექნება ენერგოდამოუკიდებლობის და თვითკმარობის პერსპექტივა, მე ამას ვერ გეტყვით, მაგრამ იმ შემთხვევაში, თუ წავედით დიდი ჰესების მშენებლობის მიმართულებით და ვსაუბრობთ „ნამახვანზე“, „ნენსკრაზე“, „ხუდონზე“, ჩვენ შეგვიძლია ვთქვათ, რომ, პრაქტიკულად, ეს უზრუნველყოფს თვითკმარობის ნაწილს. როცა ჩვენ ვიქნებით სრულიად მზად ამ ნაწილისთვის 2036 წლისთვის, ამავდროულად, ეს მაგალითად, გულისხმობს იმას, რომ ქვეყნიდან 50 მილიონის გადინება შევამციროთ“, – განაცხადა აბაშიშვილმა.მისი თქმით, როდესაც ვსაუბრობთ ეკონომიკურ ზრდაზე და ეკონომიკურ ეფექტებზე, არ უნდა დაგვავიწყდეს, რომ დიდი ჰესების მშენებლობას აქვს უდიდესი ფინანსური პოტენციალი, გარდა ელექტროენერგიის უზრუნველყოფისა.„ლაპარაკია, დაახლოებით, 8 მილიარდზე მეტ ინვესტიციაზე იმისთვის, რომ, ჯამში, ეს ენერგეტიკული სექტორი იმ კონდიციამდე მივიყვანოთ, რა კონდიციამდეც გვინდა. ამ 3 ჰესის შემთხვევაში ლაპარაკია 4 მილიარდის ინვესტიციაზე. პირდაპირი გავლენა ჯამური მშპ-ის ზრდაზე, დადგმული გენერაციის ჩათვლით, გვაქვს, დაახლოებით, 11 მილიარდი, საბაზისო სცენარში – 9,1 მილიარდი. ანუ, წარმოიდგინეთ, რა ციფრებზე ვსაუბრობთ და რა სიკეთეს მივიღებთ ამ ნაწილიდან, ასე რომ შევხედოთ და ფინანსურ ჭრილში გადმოვიტანოთ ეს ყველაფერი“, – განაცხადა აბაშიშვილმა.ამასთან, აბაშიშვილმა აღნიშნა, რომ ეს ნიშნავს უამრავ სამუშაო ადგილს და ეროვნული ვალუტის კურსის სიმყარეს.

1777464063

„შეთანხმებას დაემატა ინვესტიციების თავი, რომელსაც დოკუმენტი აქამდე არ მოიცავდა. ეს გულისხმობს, რომ მხარეები ხელს შეუწყობენ ორმხრივი ინვესტიციების მოზიდვას, გაამარტივებენ შესაბამის პროცედურებს და მაქსიმალურად ხელმისაწვდომს გახდიან ინფორმაციას, რომელიც საერთაშორისო ინვესტიციების განხორციელებისთვისაა საჭირო. ამ თვალსაზრისით, განსაკუთრებით მნიშვნელოვანია ელექტრონული კომერციის ნაწილი. ეს ის თანამედროვე პლატფორმაა, რომელზეც გლობალური ვაჭრობაა დამყარებული. ჩინეთი ამ სფეროში ერთ-ერთი ლიდერია და აქტიურად უწყობს ხელს მის განვითარებას. გასათვალისწინებელია ისიც, რომ საქართველოში ელექტრონული კომერციის ძირითადი წილი სწორედ ჩინურ პლატფორმებზე მოდის. ამ თვალსაზრისით, საკითხის ასახვა თავისუფალი ვაჭრობის შეთანხმებაში უმნიშვნელოვანესია. ეს გულისხმობს მომხმარებელთა ინტერესების დაცვასა და ელექტრონული კომუნიკაციების სფეროში პერსონალური მონაცემების უსაფრთხოების უზრუნველყოფას. აღნიშნული მიმართულება მომავალში კიდევ უფრო შეუწყობს ხელს ორ სახელმწიფოს შორის ელექტრონული კომერციის განვითარებასა და გაძლიერებას“, - განაცხადა გენადი არველაძემ.მისივე თქმით, საქართველოსა და ჩინეთს შორის თავისუფალი ვაჭრობის შეთანხმების ფარგლებში სანიტარულ და ფიტოსანიტარულ მიმართულებაში ახალი მექანიზმები ინერგება, რაც ტექნიკური და სავაჭრო ბარიერების დაჩქარებულად აღმოფხვრას ითვალისწინებს.„მნიშვნელოვანია სანიტარული და ფიტოსანიტარული ნაწილიც. აღნიშნული თავი ძველ შეთანხმებაშიც არსებობდა, თუმცა ახლა ჩვენ განვსაზღვრეთ კონკრეტული მექანიზმები, რომლებიც ტექნიკური და სავაჭრო ბარიერების უფრო სწრაფად აღმოფხვრას უზრუნველყოფს. ამ მიზნით შეიქმნება ორმხრივი კომიტეტი, რომელიც ბაზარზე პროდუქციის დაშვების საკითხებზე იმსჯელებს. დიდხანს მიმდინარეობდა მუშაობა ცხოველური წარმოშობის პროდუქტების, მაგალითად, თაფლისა და ფრინველის ხორცის ექსპორტზე. აქამდე მოქნილი და ეფექტური მექანიზმის არარსებობისა და ბიუროკრატიული ბარიერების გამო, ეს პროცესი დიდ დროს მოითხოვდა. თუმცა მნიშვნელოვან პროგრესს მივაღწიეთ და თავისუფალი ვაჭრობის რეჟიმით ქართული თაფლი ჩინურ ბაზარზე უკვე დაშვებულია. ასევე, ფრინველის ხორცზე ხელმოწერილია მემორანდუმი საქართველოს გარემოს დაცვისა და სოფლის მეურნეობის სამინისტროსა და ჩინეთის საბაჟო სამსახურს შორის. აღნიშნული შეთანხმება ადასტურებს, რომ ჩინური მხარე აღიარებს საქართველოში დანერგილ საკანონმდებლო ბაზასა და მონიტორინგის სისტემას“, - განაცხადა ეკონომიკისა და მდგრადი განვითარების მინისტრის მოადგილემ.მისივე თქმით, უფრო ქმედითი მექანიზმის დანერგვით, უკვე შესაძლებელია მოკლე ვადაში ჩინეთის ბაზარზე იმ პროდუქტების აღიარების მიღწევა, რომლებიც ბაზარზე დაშვებას საჭიროებენ.„ეს საშუალებას მოგვცემს, ორმხრივი თანამშრომლობის ფარგლებში, საქართველოში წარმოებულმა უფრო მეტმა პროდუქტმა დააკმაყოფილოს არსებული მოთხოვნები და სწრაფად განთავსდეს ჩინურ ბაზარზე. გვაქვს რეალური პოტენციალი, ჩინურ მხარეს შევთავაზოთ ისეთი პროდუქცია, რომლის იმპორტსაც ჩინეთი ამჟამად სხვა ქვეყნებიდან ახორციელებს“, - აღნიშნა არველაძემ.

1777463689

თუკი აქამდე, ინვოისისთვის, მეწარმეებს PDF ან Ecxel-ის ფაილში შაბლონის შექმნა, მესამე პირის მონაცემების ხელით შეყვანა, დოკუმენტის მეილზე გადაგზავნა და პროცესის რამდენიმე აპლიკაციაში მართვა უწევდათ - ახალი ფუნქციონალი მათ შესაძლებლობას აძლევს, სწრაფად და მარტივად, ავტომატურად დააგენერირონ ონვოისი, გადაგზავნონ ის, გადარიცხონ თანხა და აკონტროლონ ჩარიცხვის სტატუსი მობაილბანკშივე, აპლიკაციიდან გაუსვლელად. ამასთანავე, ყველა ინვოისი და ჩარიცხვის დამდასტურებელი დოკუმენტი, ერთ სივრცეში, ბიზნეს მობაილბანკში იქნება თავმოყრილი.ინოვაციური გადაწყვეტით, ბიზნესმომხმარებელი მნიშვნელოვნად ზოგავს დროს და ის მაქსიმალურად დაზღვეულია შესაძლო ხარვეზებისგან.ახალი ფუნქციონალით სარგებლობა ეფექტიანია არა მხოლოდ მეწარმისთვის, არამედ მყიდველისთვისაც, რომელსაც ინვოისი მობაილბანკში გაეგზავნება და მას აღარ მოუწევს მომწოდებლის მონაცემების ხელით შეყვანა. ინვოისის მიღების შემდეგ, გადარიცხვის ღილაკზე დაწკაპუნებით, თანხა კონკრეტული პროდუქტის ან მომსახურების მომწოდებელ კომპანიის ანგარიშზე გადაირიცხება.ფინანსების ერთ სივრცეში სამართავად, ასევე, ინვოისების მართვის ფუნქციონალით სარგებლობისთვის, გადმოწერეთ თიბისის ბიზნეს მობაილბანკი - https://tbc-business.onelink.me/Ierb/w9ok9vfz და გაიმარტივეთ ყოველდღიურობა.

1777462915

მორიგი შეხვედრა დუშეთში გაიმართა და ის ცესკოს პრესსპიკერმა ნათია იოსელიანმა გახსნა. ახალგაზრდებთან საუბრისას მან ყურადღება გაამახვილა ისეთ მნიშვნელოვან საკითხებზე, როგორებიცაა - არჩევნების მნიშვნელობა და ამომრჩევლის როლი დემოკრატიული პროცესების განვითარებაში.ნათია იოსელიანმა განსაკუთრებული ყურადღება დეზინფორმაციის საკითხს დაუთმო და ის საარჩევნო პროცესის ერთ-ერთ მთავარ გამოწვევად დაასახელა, ამასთან მან ახალგაზრდებს ამ მიმართულებით საარჩევნო ადმინისტრაციის სტრატეგიაც გააცნო.ცესკოს პრესსპიკერმა ასევე ისაუბრა იმ სასწავლო-საგანმანათლებლო პროექტებზე, რომლებსაც ცესკო ახალგაზრდებთან მიმართებაში ახორციელებს.ახალგაზრდებმა ასევე მიიღეს ინფორმაცია იმის შესახებ, თუ როგორ ხდება არჩევნების ორგანიზება და როგორია საარჩევნო ადმინისტრაციის ინსტიტუციური მოწყობა - ამ საკითხებზე მათ დეტალურად ესაუბრა დუშეთის საოლქო საარჩევნო კომისიის თავმჯდომარე მაია ველთაური.დუშეთში ახალგაზრდებთან შეხვედრა 28 აპრილს გაიმართა და მას  40-მდე ახალგაზრდა დაესწრო.შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.

1777460436