საქართველოს ბიზნეს ასოციაციაში უნგრეთის ელჩთან შეხვედრა გაიმართა

აფბა, „ბრიტანულ-ქართულ აკადემიასთან“ დაკავშირებული სასამართლო დავების პროფესიონალურ მონიტორინგს აწარმოებს. დავას, აკადემიიდან გაშვებული, ყოფილი დირექტორი და 30%-ის მფლობელი ნათია ჯანაშია და მისი მეუღლე დავით ცეცხლაძე, ინვესტორთან, რომელიც ბრიტანულ-ქართული აკადემიის 70 პროცენტს ფლობს, 2 წელია აწარმოებს.მენეჯმენტში ყოფნის კონტრაქტით განსაზღვრული 5 წლიანი ვადის ამოწურვის შემდეგ, ინვესტორმა  აღარ გააგრძელა ხელშეკრულება ნათია ჯანაშიასა და მისი მეუღლე დავით ცეცხლაძესთან, რასაც ამ უკანასკნელების მხრიდან სასამართლო დავა მოყვა. ამავდროულად, „საქართველოს განათლების ჯგუფის“ მიმართვის საფუძველზე, ნათია ჯანაშიას მენეჯმენტში 5 წლის მანძილზე ყოფნის დროს, „ბრიტანულ-ქართულ აკადემიის“ კუთვნილი თანხების დიდი ოდენობით გაფლანგვა-დატაცების ფაქტზე ფინანსთა სამინისტროს საგამოძიებო სამსახურში აღძრულია სისხლის სამართლის საქმე.„ლონდონის სასამართლოში შეტანილი სარჩელით ნათია ჯანაშია ღიად და მწვავედ დაუპირისპირდა ბიძინა ივანიშვილის ხელისუფლებას და თავად ბიძინა ივანიშვილს, დაადანაშაულა იგი რეჟიმის ჩამოყალიბებაში, სასამართლოზე ზეწოლაში, კორუფციაში და რუსეთისკენ გადახვევაში“, - აფასებს გიორგი კაპანაძე სარჩელის იმ პუნქტებს, სადაც მოსარჩელე, ფაქტობრივად, სანქციებს მოითხოვს საქართველოს მოსამართლეების, იუსტიციის მინისტრისა და სხვა თანამდებობის პირების მიმართ.აფბას ხელმძღვანელის ინფორმაციით, ნათია ჯანაშიას მიერ ლონდონის სასამართლოში წინა წელს შეტანილი სარჩელი, ჯერ კიდევ არ განხილულა.„ლონდონის სასამართლო არ განმარტავს სხდომის დანიშვნის გადაწევის მიზეზებს, მაგრამ ფაქტია, რომ ნათია ჯანაშიასა და მისი მეუღლის დავით ცეცხლაძის მხრიდან საქართველოს ხელისუფლების გაშავებისა და მოსამართლეების სანქცირების მცდელობა ფიასკოს განიცდის, რაც ჯანაშია-ცეცხლაძის მდგომარეობას კიდევ უფრო ამძიმებს,“ - განაცხადა გიორგი კაპანაძემ.

1777375994

დავით სონღულაშვილმა ვეტერინარებს პროფესიული დღე მიულოცა და დარგში გაწეული სამუშაოსთვის მადლობა გადაუხადა. მინისტრმა საკუთარ გამოსვლაში ხაზი გაუსვა ვეტერინარიის დარგის მნიშვნელობას ქვეყნის აგროსექტორის განვითარებისა და საზოგადოებრივი ჯანმრთელობის დაცვის პროცესში.„ცხოველთა მსოფლიო ჯანდაცვის ორგანიზაციის მხარდაჭერა კიდევ ერთხელ მიუთითებს ღონისძიების მნიშვნელობას და წარმოაჩენს ჩვენი ქვეყნის პროგრესს აღნიშნულ სფეროში. განსაკუთრებით მნიშვნელოვანია, რომ ეს პლატფორმა ქმნის შესაძლებლობას, საერთაშორისო და რეგიონულ გამოწვევებთან დაკავშირებით გაიმართოს პროფესიული მსჯელობა და განხილვა. აღნიშნული კი ხელს უწყობს დარგის შემდგომ განვითარებასა და წინსვლას, რაც ჩვენი ქვეყნისთვის განსაკუთრებული მნიშვნელობის მატარებელია”, - აღნიშნა დავით სონღულაშვილმა.WOAH-ის გენერალურმა მდივანმა ემანუელ სუბეირანმა განსაკუთრებული ყურადღება გაამახვილა საქართველოს მიერ ვეტერინარიის სფეროში მიღწეულ პროგრესზე და ქვეყნის როლზე რეგიონში.„გარემოს დაცვისა და სოფლის მეურნეობის მინისტრთან გასულ წელს გამართული შეხვედრის შემდეგ, კიდევ ერთხელ დავრწმუნდი იმ პროგრესში, რომელიც საქართველოს ვეტერინარიის დარგში აქვს. მადლობა მინდა გადაგიხადოთ ცხოველთა ჯანდაცვის მსოფლიო ორგანიზაციასთან მჭიდრო თანამშრომლობისა და დარგის გაძლიერებისთვის. საქართველოს მიღწევები ნამდვილად დასაფასებელია”, - აღნიშნა ემანუელ სუბეირანმა.საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ ყურადღება გაამახვილა სექტორებს შორის თანამშრომლობის მნიშვნელობაზე და აღნიშნა, რომ მსგავსი კონფერენციები ხელს უწყობს გამოცდილების გაზიარებასა და ერთიანი მიდგომების ჩამოყალიბებას.„სოფლის მეურნეობის სექტორთან ეფექტიანი თანამშრომლობის გარეშე ჯანდაცვის სისტემისთვის მნიშვნელოვნად გართულდებოდა მალარიისგან თავისუფალი ქვეყნის სტატუსის მოპოვება. ასევე, ქვეყნის მიერ მიღწეული სხვა წარმატებები, მათ შორის ცოფთან ბრძოლის მიმართულებით, სწორედ ამ მჭიდრო და კოორდინირებული თანამშრომლობის შედეგია. მსგავსი ფორმატის ღონისძიებები გვაძლევს შესაძლებლობას, კიდევ უფრო გავაღრმაოთ ეს თანამშრომლობა”, - აღნიშნა მიხეილ სარჯველაძემ.კონფერენციაში 20-მდე ქვეყნის წარმომადგენელი და WOAH-ის დელეგატები მონაწილეობენ. ღონისძიების ფარგლებში განიხილება ვეტერინარიის სფეროში არსებული გლობალური და რეგიონული გამოწვევები. დისკუსიის ფორმატში მონაწილეები იღებენ ინფორმაციას ცხოველთა ჯანმრთელობის დაცვის ღონისძიებების, ტრანსსასაზღვრო დაავადებების პრევენციის, ლაბორატორიული შესაძლებლობებისა და „ერთიანი ჯანმრთელობის“ პრინციპების დანერგვის შესახებ.

1777374841

პირველი ქართველი ქალი ჯაზ-მუსიკოსის გიული ჩოხელის ფირფიტის და ლეგენდარული ნანი ბრეგვაძის ვინილის და მისი შემოქმედებისადმი მიძღვნილი წიგნის გამოცემის შემდეგ, თიბისი კონცეპტი ამჯერად, წარმოგიდგენთ ქართული მუსიკის ლირიკის გენიის - ინოლა გურგულიას უნიკალური საარქივო აუდიოჩანაწერების ვინილების ნაკრებს.შვიდი ვინილისგან შემდგარი ნაკრები, სხვადასხვა წყაროდან თავმოყრილ, 100 საარქივო აუდიო ჩანაწერს ხუთ ალბომად აერთიანებს. აუდიო ჩანაწერების ნაწილი აქამდე უცნობი იყო ფართო აუდიტორიისთვის. კოლექციის საფუძველი ოჯახში დაცული იშვიათი მაგნიტოფირის ჩანაწერები აღმოჩნდა, სადაც ინოლა გურგულია საკუთარ სიმღერებს ასრულებს. მიუხედავად ტექნიკური ხარვეზებისა, ეს ჩანაწერები განსაკუთრებული ისტორიული და კულტურული ღირებულებით გამოირჩევა. I ვინილი „გახსოვს?“ – აერთიანებს ადრეულ, შინაურ ჩანაწერებს და ინოლას შემოქმედების საწყის ეტაპს წარმოაჩენს. II ვინილი – „გამეორება ძნელია“ – მოიცავს კინოს, თეატრისა და ქალაქურ-ხალხურ რეპერტუარს და გამოირჩევა ჟანრობრივი მრავალფეროვნებით. III ვინილი – „ბედნიერი ვარ“ – ძირითადად გამოუქვეყნებელ მასალას აერთიანებს. აქვე მოისმენთ ინოლას მიერ მოთხრობილ მისავე ბიოგრაფიის ჩანაწერს. IV ვინილი – „მოვალ და გიმღერებ“ – ასახავს 2023 წელს აღმოჩენილ ჩანაწერებს. V ვინილი – „...პირველად იყო სიმღერა“ – მოიცავს შედარებით გვიანდელ ჩანაწერებს და ემოციურად ავტორის შემოქმედებით შეჯამებად აღიქმება. ინოლა გურგულიას (1929–1977) ქართული მუსიკის ისტორიაში განსაკუთრებული ადგილი აქვს - მომღერალს, კომპოზიტორსა და პოეტს, რომლის შემოქმედებაც დღემდე ინარჩუნებს ემოციურ სიღრმესა და განსაკუთრებულ ესთეტიკას. მისი შემოქმედება, როგორც საავტორო ისე თარგმანებსა და უცხოურ მოტივებზე შექმნილი სიმღერები, უნიკალურ სინთეზს ქმნის ქართულ და მსოფლიო მუსიკალურ კულტურას შორის.ინოლა გურგულია სიმღერების აღნიშნული ნაკრები წარმოადგენს მნიშვნელოვან კულტურულ მოვლენას, რომელიც არა მხოლოდ ინოლა გურგულიას შემოქმედების ახლებურად აღმოჩენას სთავაზობს მსმენელს, არამედ მომავალ თაობებს უნარჩუნებს ქართული საავტორო სიმღერის ერთ-ერთ ყველაზე ძვირფას მემკვიდრეობას.28 აპრილიდან, თიბისი კონცეპტის მომხმარებლები 15%-იანი ფასდაკლებით შეძლებენ ვინილების ნაკრების შეძენას, მარჯანიშვილის 7-ში თიბისი კონცეპტის საკოლექციო მაღაზიაში.  ნაკრები, ასევე, ხელმისაწვდომი იქნება მაღაზია „რეტრომანიაში".გთხოვთ გაითვალისწინოთ რომ ვინილების ნაკრების რაოდენობა ლიმიტირებულია.

1777370368

შეხვედრისას მხარეებმა ვრცლად იმსჯელეს ორ ქვეყანას შორის არსებულ ეკონომიკურ ურთიერთობებზე, მათ შორის ექსპორტ-იმპორტის დინამიკასა და სავაჭრო კავშირების შემდგომი გაფართოების პერსპექტივებზე. საუბარი, ასევე, შეეხო ბიზნესსექტორისთვის ერთ-ერთ ყველაზე აქტუალურ პრობლემას, კვალიფიციური კადრების დეფიციტს, რაც მნიშვნელოვნად აფერხებს სხვადასხვა სექტორის ოპერირებას და განსაკუთრებული ხაზი გაესვა, იმ საგანმანათლებლო პროგრამების მხარდაჭერას, რომელსაც უნგრეთის მთავრობა წლების განმავლობაში ქართველი ახალგაზრდებისთვის ახორციელებს.„ჩვენთვის მნიშვნელოვანია პარტნიორ ქვეყნებთან აქტიური დიალოგი. უნგრეთის ელჩთან შეხვედრა იყო კარგი შესაძლებლობა, განგვეხილა ისეთი სტრატეგიული საკითხები, როგორიცაა ვაჭრობის ხელშეწყობა და შრომის ბაზარზე არსებული დისბალანსი. გვჯერა, რომ მსგავსი ფორმატის თანამშრომლობა ხელს შეუწყობს ახალი ბიზნესკავშირების დამყარებასა და საერთო პრობლემების გადაჭრის გზების ძიებას,“ განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.შეხვედრის დასასრულს, მხარეებმა გამოთქვეს მზადყოფნა, აქტიურად ითანამშრომლონ ეკონომიკური კავშირების გაძლიერებისა და გამოცდილების გაზიარების მიმართულებით.

1777369659

რეზიდენტი იურიდიული პირებისათვის 2026 წლის მარტის ბოლოს, კომერციულ ბანკებს ეროვნული ვალუტით გაცემული ჰქონდათ 11.04 მილიარდი ლარის (წინა თვესთან შედარებით 2.53%-ით მეტი), ხოლო უცხოური ვალუტით 21.04 მილიარდი ლარის (წინა თვესთან შედარებით 3.60%-ით მეტი) მოცულობის სესხი (გაცვლითი კურსის ეფექტის გარეშე, 3.51 %-ით მეტი).2026 წლის მარტის განმავლობაში 1.68%-ით, ანუ 624.92 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და მარტის ბოლოსათვის 37.79 მილიარდი ლარი შეადგინა.2026 წლის მარტის ბოლოსათვის, მთლიანი სესხების ლარიზაციის კოეფიციენტმა 57.51% შეადგინა. წინა თვის ბოლო მდგომარეობასთან შედარებით, შემცირდა 0.27 პროცენტული პუნქტით (გაცვლითი კურსის ეფექტის გამორიცხვით, შემცირდა 0.26 პროცენტული პუნქტით).

1777369440

“ვარდობისთვე” „სილქ ჰოსფითალითის“ ორგანიზებით იმართება. სტუმრებს შესაძლებლობა ექნებათ, დაესწრონ მუსიკალურ და პოეზიის საღამოებს, კულტურულ ღონისძიებებს, დაათვალიერონ გამოფენები და მონაწილეობა მიიღონ აქტივობებში, რომლებიც წინანდლის მამულს კიდევ ერთხელ აქცევს შეხვედრებისა და შთაგონების სივრცედ.„ვარდობისთვის“ ფარგლებში, წინანდლის ამფითეატრში პირველად გაიმართება „სუხიშვილების“ ფესტივალი. სამი დღის განმავლობაში წარმოდგენილი იქნება განსხვავებული პროგრამები, რომლებიც აერთიანებს ანსამბლის მრავალწლიანი რეპერტუარის გამორჩეულ ნაწილს და თანამედროვე ხედვას.ვარდობისთვის პროგრამა22,23,24 მაისი | სუხიშვილების ფესტივალი: კლასიკური პროგრამა, „ზეკარი” და „ქარაბშა”14 მაისი | იბერო-ამერიკული პოეზიის საღამო დათო ტურაშვილის მონაწილეობით15 მაისი | დათო მაღრაძის ლექსების კრებულის „ჰამლეტის სარკე“ და ერეკლე ბეჟუაშვილის წიგნის „ვარსკვლავქვეშეთში” პრეზენტაციაფესტივალის ბილეთები ხელმისაწვდომია ვებგვერდზე tkt.ge“ვარდობისთვის” ფარგლებში, SOLO Visa ბარათით გადახდისას ბილეთებზე მოქმედებს 20% ფასდაკლება.ამასთან, მთელი თვის მანძილზე SOLO Visa ბარათით გადახდისას მომხმარებლები ისარგებლებენ 50%-იანი ფასდაკლებით წინანდლის მამულის სასტუმროს ნომრებზე (გარდა “სუხიშვილების” ფესტივალის თარიღებისა).ვარდობისთვის ორგანიზატორი და მასპინძელია: სილქ ჰოსფითალითი და წინანდლის მამული.გენერალური სპონსორი და მხარდამჭერი: SOLOსპონსორები: Visa, Silknet, Borjomi

1777368600