ბანკები და ფინანსები ელ.ვერსია #614

ღონისძიება მისასალმებელი სიტყვით აზერბაიჯანის რესპუბლიკის სოფლის მეურნეობის მინისტრმა მაჯნუნ მამედოვმა გახსნა.გახსნის ღონისძიების დასრულების შემდეგ, დავით სონღულაშვილმა გარემოს დაცვისა და სოფლის მეურნეობის სამინისტროს მხარდაჭერითა და სოფლის განვითარების სააგენტოს ორგანიზებით აგროგამოფენაზე CASPIAN AGRO 2026  წარმოდგენილ საქართველოს პავილიონში აზერბაიჯანის პრეზიდენტს ილჰამ ალიევს უმასპინძლა.„Caspian Agro წარმოადგენს ერთ-ერთ უმსხვილეს აგროსასურსათო გამოფენას და მასში საქართველოს მონაწილეობა განსაკუთრებულად მნიშვნელოვანია, რადგან ის ხელს უწყობს ქვეყნის პოზიციონირებას რეგიონულ ჭრილში და კიდევ უფრო მეტად აღრმავებს არა მხოლოდ ორი ქვეყნის ურთიერთობას, არამედ საქართველოს წარმოაჩენს რეგიონში, როგორც აგროსასურსათო პროდუქციის მწარმოებელს. მნიშვნელოვანია, რომ დღეს საქართველოს სტენდთან მობრძანებული იყო აზერბაიჯანის პრეზიდენტი, რაც კიდევ ერთხელ ხაზს უსვამს ჩვენი ქვეყნის მონაწილეობის მნიშვნელობას. გამოფენა გამოირჩევა შედეგიანობით, წინა წლებში მონაწილე კომპანიებმა უკვე შეძლეს კონტრაქტების გაფორმება, რაც ქართულ კომპანიებს აძლევს შესაძლებლობას ექსპორტის გაფართოების, რეგიონში მეტად წარმოჩენის და ჯამში ეს ყველაფერი ხელს უწყობს ქვეყნის ეკონომიკის გაძლიერებას“,- განაცხადა დავით სონღულაშვილმა.მსგავსი საერთაშორისო აგროგამოფენები მნიშვნელოვანი შესაძლებლობაა ქართული პროდუქციის პოპულარიზაციისთვის, სავაჭრო კავშირების გაღრმავებისთვის და ორ ქვეყანას შორის აგროსასურსათო პროდუქციის ექსპორტ-იმპორტის ზრდისთვის. აღნიშნული თანამშრომლობა ხელს უწყობს როგორც ბიზნესკავშირების გაფართოებას, ისე რეგიონში ეკონომიკური განვითარების გაძლიერებას.საერთაშორისო აგროგამოფენის CASPIAN AGRO ქართულ პავილიონში წარმოდგენილია კომპანიების  ბიოპლანტი, ჰობი, ვასაძის პური, ფარკონი, ჯეონატურალსი, აჩინებული, ჩელთი და მეღვინეობა ვინიტორი მუკუზნის მიერ  წარმოებული  ღვინო, ნატურალური წვენები, საკონდიტრო  და საკონსერვო ნაწარმი, თაფლი, სანელებლები და ორგანული სასუქი.საერთაშორისო აგროგამოფენა CASPIAN AGRO 2026  5 მაისს გაიხსნა და 7 მაისს დასრულდება. 2026 წელს  ღონისძიებაში მსოფლიოს 20-ზე მეტი ქვეყანა მონაწილეობს.მინისტრ დავით სონღულაშვილთან ერთად გამოფენას აზერბაიჯანის რესპუბლიკაში საქართველოს საქმეთა დროებით რწმუნებული მაია თაბაგარი,  მინისტრის მოადგილე ლაშა დოლიძე, სოფლის განვითარების სააგენტოს დირექტორი ზურაბ გოზალიშვილი და  სურსათის ეროვნული სააგენტოს უფროსი გიორგი იაკობაშვილი ესწრებოდნენ.

1777992192

გამწვანების აქციის პარალელურად „თეგეტა ჰოლდინგმა“ თანამშრომლებს „მწვანე გამოწვევა“ შესთავაზა. კომპანიის სათავო ოფისში „მწვანე სივრცე“ მოეწყო, სადაც თანამშრომლებს შეგროვებული მაკულატურის ჩაბარება შეეძლოთ. გამოწვევაში „თეგეტას“ ფილიალები ჩაერთნენ, რის შედეგადაც, ჯამში, 1 ტონამდე მაკულატურა შეგროვდა, რომელიც პარტნიორ გადამმუშავებელ კომპანიას გაეგზავნა, შედეგად კი მოჭრისგან 15 ხე გადარჩება. ინიციატივის ფარგლებში, ჰოლდინგმა ყველაზე ეკომეგობრული ფილიალი და ეკომეგობრული დეპარტამენტი გამოავლინა და წაახალისა.მარიამ ჯაფარიძე, „თეგეტა ჰოლდინგის“ კორპორაციული სოციალური პასუხისმგებლობის კოორდინატორი: „გარემოს დაცვა და საზოგადოების ცნობიერების ამაღლება „თეგეტას“ კორპორაციული მდგრადობის ერთ-ერთი სტრატეგიული მიმართულებაა. გვიხარია, რომ ხეების დარგვა იმ პროექტის ნაწილია, რომელმაც ახალი სიცოცხლე უნდა შესძინოს რუსთავის ჭალის ტყეს. „თეგეტაში“ მსგავსი პროექტების მხარდაჭერის დიდი გამოცდილება გვაქვს. ჩვენთვის განსაკუთრებით მნიშვნელოვანია ისიც, რომ პროექტში „თეგეტას“ თანამშრომლებიც ჩაერთნენ. მიხარია, რომ ჩვენი წვლილი შეგვაქვს როგორც ქალაქ რუსთავის გამწვანებასა და მისი ეკოსისტემის გაუმჯობესებაში, ისე შიდა ორგანიზაციული კულტურის გაძლიერებაში, რომელიც მეორადი ქაღალდების ნარჩენების შეგროვებასა და გადამუშავებას მოიცავს“.რუსთავის ჭალა მდინარე მტკვრის ორივე სანაპიროზე დაახლოებით 300 ჰექტარს მოიცავს. ქალაქის განაშენიანება მტკვრის ჭალის გარშემო მიზანმიმართულად დაიგეგმა, რადგან ამ ტერიტორიას რუსთავის ინდუსტრიულ ზონაში ჰაერის ნაკადის გაწმენდის ფუნქცია უნდა შეესრულებინა. გარდა ამისა, ჭალაში 140-მდე სახეობის ფრინველი ბინადრობს. სწორედ ამიტომ ჭალის ტყის აღდგენას განსაკუთრებული მნიშვნელობა აქვს რუსთავისთვის. პროექტი რუსთავის მერიასთან პარტნიორობით განხორციელდა.შალვა ახვლედიანი, „თეგეტა გრინ პლანეტის" დირექტორი: „თეგეტა გრინ პლანეტის“ საქმიანობა პირდაპირ უკავშირდება გარემოზე ზრუნვას. კომპანიის მისია სპეციფიკური ნარჩენების მართვაა, რაც მათ რეციკლირებას, გადამუშავებასა და აღდგენას გულისხმობს. გარემოსთვის მავნე ნარჩენების გადამუშავების პარალელურად, აქტიურად ვუწყობთ ხელს ისეთ ინიციატივებს, რომლებიც გამწვანებას, ტყეების გაშენებასა და ეკოსისტემის გაუმჯობესებას მოიცავს. რუსთავის ჭალა უმნიშვნელოვანეს როლს ასრულებდა ქალაქის ცხოვრებაში, თუმცა 90-იანი წლებიდან ვითარება შეიცვალა: ტყე გაიჩეხა, ბიომრავალფეროვნება გაუარესდა და ეკოსისტემა დაზიანდა. „თეგეტა გრინ პლანეტში“ დიდ მნიშვნელობას ვანიჭებთ და კარგად ვიაზრებთ ჩვენს წილ პასუხისმგებლობას ამ მიდამოებისთვის პირვანდელი იერსახის დაბრუნების ხელშესაწყობად. იმედი გვაქვს, რომ ასეთი კარგი და ფართომასშტაბიანი პროექტი მომავალშიც გაგრძელდება“.გამწვანების აქცია და მწვანე გამოწვევა „თეგეტა ჰოლდინგმა" დედამიწის დღეს მიუძღვნა, რომელიც 1970 წლიდან მსოფლიოს მასშტაბით ყოველწლიურად აღინიშნება. წელს ამ დღის ლოზუნგი იყო „ჩვენი ძალა, ჩვენი პლანეტა“, რაც გარემოზე ზრუნვის პროცესში თითოეული ადამიანის ძალისხმევის მნიშვნელობას წარმოაჩენს.რუსთავის ჭალის ტყის აღდგენის პროცესში „თეგეტა ჰოლდინგი“ და „თეგეტა გრინ პლანეტი“ მესამე წელია, ერთვებიან. წინა წლებში, მოხალისეებთან ერთად, 3 000 ნერგი დაირგა, ამჯერად კი მასშტაბი მნიშვნელოვნად გაფართოვდა.რაც შეეხება „მწვანე გამოწვევას“, „თეგეტაში“ პროექტი უკვე ერთგვარ ტრადიციად იქცა და მესამე წელია, იმართება. ამ ინიციატივაში ყოველწლიურად ასობით „თეგეტელი“ ერთვება და, ჯამში, უკვე 3 ტონაზე მეტი მაკულატურაა შეგროვებული. მაკულატურის პარტნიორი ორგანიზაციებისთვის მიწოდების შედეგად კომპანია წიგნებს იღებს, რომლებსაც „თეგეტა“ სოფლის ბიბლიოთეკებში ბავშვებისათვის აგზავნის.--გარემოს დაცვა „თეგეტა ჰოლდინგის“ კორპორაციული პასუხისმგებლობის (CSR) სტრატეგიული მიმართულებაა, რომელიც მდგრადი განვითარების პრინციპების გათვალისწინებით იგეგმება.„თეგეტა” აქტიურად მუშაობს მდგრად სატრანსპორტო გადაწყვეტაზე ნულოვანი ემისიების მისაღწევად, ნარჩენების ეფექტიანად მართვისა და გარემოსდაცვითი ცნობიერების ამაღლების მიმართულებით. „თეგეტა გრინ პლანეტთან“ ერთად, ყოველწლიურად გროვდება ათასობით ტონა საავტომობილო ნარჩენი - მეორადი საბურავები, აკუმულატორები და ზეთები, რომლებიც ტექნიკური რეგლამენტის შესაბამისად გადამუშავდება. თეგეტა აფართოებს ელექტრომანქანების დამტენების ქსელს, მისი ავტოპარკი კი ნაწილობრივ სრულად ელექტრული და ჰიბრიდული ავტომობილებისგან შედგება, მათ შორის, შიდა ბიზნესპროცესებს - სასაწყობე მეურნეობასა და გადაზიდვებს ეკომეგობრული ტრანსპორტით მართავს. ინფრასტრუქტურული პროექტები კი ითვალისწინებს მზის პანელების მონტაჟსა და ბუნებრივი რესურსების მდგრად გამოყენებას. დამატებით, „თეგეტა“ მუდმივად მუშაობს მომხმარებლებისა და თანამშრომლების ჩართულობის წასახალისებლად გარემოსდაცვით პროექტებში, მათ შორისაა კამპანიები - „არ გადაყარო, ჩააბარე”, მომხმარებლების მიერ ჩაბარებული ასობით ტონა სპეციფიკური ნარჩენი, მაკულატურისა და პლასტმასის შეგროვებისთვის განთავსებული ათეულობით მწვანე ყუთი თეგეტას სერვისცენტრებსა და ფილიალებში, დასუფთავებისა და გამწვანების აქციები, ახალგაზრდების ინფორმირება და ა.შ.

1777988700

ქალაქი, რომელიც მხოლოდ მის ბავშვობას არ ინახავს - ქუთაისი ცხოვრობს მის აზროვნებაში, დამოკიდებულებებში, იმ გზაში, რომელსაც დღეს მიჰყვება. ქუთაისი მისთვის არის სიყვარულის, იუმორისა და სიმშვიდის ერთობლიობა - ის განსაკუთრებული მუხტი, რომელიც გასწავლის, სირთულეებს სიმშვიდით შეხვდე და საქმე გულით აკეთო.აქ დრო თითქოს სხვანაირად მოძრაობს. ეს არის სივრცე, რომელიც არ გაჩქარებს, პირიქით, გაძლევს დროს, რომ საკუთარი თავი აღმოაჩინო. ქალაქი, სადაც ადამიანებს შორის ზღვარი ხშირად პირობითია, და სრულიად უცნობიც კი შეიძლება ერთ წამში შენიანი გახდეს.“ჩემთვის ქუთაისი არის ქალაქი, რომელიც გასწავლისფიქრს და გაძლევს დროს საკუთარი თავისაღმოსაჩენად. აქ ვისწავლე, რომ ნებისმიერსირთულეს იუმორით და სიმშვიდით უნდა შეხვდე, ხოლო საქმე სიყვარულით აკეთო. ეს არის ადგილი, სადაც ადამიანებს შორის ზღვარი პირობითია დასრულიად უცნობიც კი შეიძლება ერთ წამში შენიანადდა ნაცნობად იგრძნო”, - აღნიშნავს გიორგი.სწორედ ამ გარემოში ისწავლა გიორგიმ მთავარი - დაინახოს გამოსავალი იქ, სადაც სხვები მხოლოდ პრობლემას ამჩნევენ.“ქუთაისმა მასწავლა მთავარი – გამოსავლის პოვნა იქ, სადაც სხვები მხოლოდ პრობლემას ხედავენ. როცამინიმალური რესურსით მაქსიმალურ შედეგს იღებ. ჩემს პროფესიაში, ტექნოლოგიებში, ეს თვისებაგადამწყვეტია: ნებისმიერი რთული კოდი თუსისტემური ხარვეზი სწორედ ასეთ მოქნილ მიდგომასმოითხოვს.გარდა ამისა, ამ ქალაქმა ჩამომიყალიბა შინაგანისიმტკიცე. აქ სწავლა და ამოცანებთან ჭიდილი, ყოველდღიური ცხოვრება ერთგვარი მამოძრავებელიძალა იყო, რამაც მასწავლა, რომ სირთულე არადაბრკოლება, არამედ ზრდის შესაძლებლობაა. სწორედ ეს არდანებების და არგაჩერების თვისებამეხმარება, რომ დღეს ნებისმიერ გამოწვევას მშვიდადდა მომზადებული შევხვდე. საბოლოოდ, ქუთაისმამასწავლა, რომ ცოდნა ყველაზე დიდი ძალაა, ხოლოსწორი ხედვა, ნებისმიერი მიზნის მისაღწევადსაუკეთესო იარაღი”, - გვიყვება გიორგი.ეს უნარი კი შემთხვევით არ ჩნდება. ის ყალიბდება პატარა, თითქოს უმნიშვნელო მომენტებიდან - როცა ბავშვობაში რაღაცას შლი, მერე თავიდან აწყობ, ცდი, შეცდომას უშვებ და თავიდან იწყებ.გიორგისთვის ეს პროცესი 8-9 წლის ასაკში დაიწყო. ტექნიკასთან „ჩხირკედელაობა“ მისთვის თამაში კი არა, აღმოჩენა იყო - ელექტროძრავებით პატარა მოწყობილობების აწყობა, იდეის წარმოდგენა და შემდეგ მისი რეალობაში გადმოტანა.მოგვიანებით ეს ცნობისმოყვარეობა Minecraft-ის სამყაროში გაგრძელდა - სივრცეში, სადაც ფანტაზია პირდაპირ იქცევა მოქმედებად. მაგრამ სწორედ აქედან დაიწყო უფრო ღრმა კითხვები: რა დგას ამ ყველაფრის უკან? როგორ მუშაობს სისტემა?პასუხების ძიება მალე პრაქტიკად იქცა. თუ ვინმეს კომპიუტერზე პრობლემა შეექმნებოდა, უკვე იცოდნენ - გიორგი მოაგვარებდა. 10-11 წლის ასაკში კი საკუთარი YouTube არხიც ჰქონდა, სადაც სხვებსაც უზიარებდა ცოდნას - მარტივი, ყოველდღიური პრობლემების გადაჭრის გზებს.“არხი ძირითადად საგანმანათლებლო იყო: ვასწავლიდი კომპიუტერთან დაკავშირებულ ყველაზეგავრცელებულ საკითხებს, მაგალითად, საათისგასწორებას და მსგავს რაღაცებს. ასევე ვიღებდისხვადასხვა ნივთის შექმნის პროცესს და ზოგადსაინფორმაციო ვიდეოებს.და, ალბათ, ამ ყოველივემ ჩაუყარა საფუძველი ჩემიდა ტექნოლოგიების კავშირს. შემდეგ უკვეპროგრამული ენების შესწავლაზე გადავედი. თავიდანსწავლა React-ით დავიწყე, თუმცა მალე მივხვდი, რომეს ნაკლებად მაინტერესებდა. უფრო ალგორითმულდა საფიქრალ სამუშაოზე გადავედი. დავიწყეალგორითმული უნარ-ჩვევების განვითარება დასხვადასხვა ამოცანის ამოხსნა. როცა მივხვდი, რომდამოუკიდებლად ისე ვეღარ ვუმკლავდებოდისირთულეებს, როგორც მინდოდა, რეპეტიტორთანდავიწყე სიარული. მაშინ AI არ იყო ცნობილი და ისეგანვითარებული და მჭირდებოდა ადამიანი, ვინცკონკრეტულ პრობლემას უფრო ღრმად ამიხსნიდა.ეს იყო მისი პირველი ნაბიჯები არა მხოლოდ ტექნოლოგიებში, არამედ აზროვნების იმ სტილში, რომელიც დღესაც განსაზღვრავს მის გზას.სკოლა ამ პროცესში მნიშვნელოვანი ეტაპი აღმოჩნდა - ადგილი, სადაც სწავლა მუდმივ გამოწვევასთან ასოცირდებოდა. ამოცანები, დისკუსიები, დაუღალავი ფიქრი - ეს ყველაფერი ქმნიდა გარემოს, რომელიც არ გაძლევდა გაჩერების საშუალებას. სწორედ აქ გაჩნდა ის შინაგანი მუხტი, რომელიც დღემდე არ აძლევს საშუალებას დაკმაყოფილდეს მიღწეულით.“თანამედროვე ტექნოლოგიურ სამყაროში წარმატებამხოლოდ ტექნიკური ცოდნით არ განისაზღვრება, ესარის კრიტიკული აზროვნებისა და პრობლემებისგადაჭრის უნარის ერთობლიობა, სადაც ნებისმიერირთული ამოცანა ლოგიკურ ნაწილებად იშლება დაოპტიმალური გამოსავალი იძებნება. ამ პროცესსსაფუძვლად უდევს მუდმივი სწავლისა დაგანვითარების მზაობა, რაც საშუალებას გვაძლევს, სწრაფად შევითვისოთ ახალი ტექნოლოგიები დაშევინარჩუნოთ აქტუალობა ცვალებად გარემოში. ყველაზე გენიალური კოდიც კი უფასურია, თუ მას სხვაადამიანებამდე ვერ მიიტან, სწორედ რბილიუნარები(კომუნიკაცია და სხვა) არის ხიდიტექნოლოგიასა და ადამიანს შორის, ის გვეხმარებაგუნდურ მუშაობაში, იდეების სწორად მიტანასა და იმისგააზრებაში, თუ რა სჭირდება რეალურადმომხმარებელს”, - გვიყვება გიორგი.ის ახლა კომპიუტერულ მეცნიერებას სწავლობს და Backend-ის მიმართულებით ივითარებს ცოდნას - იქ, სადაც იდეა რეალურ პროდუქტად იქცევა. მას აინტერესებს არა მხოლოდ შედეგი, არამედ პროცესი - როგორ მუშაობს სისტემა შიგნიდან, როგორ იქმნება რთული მექანიზმები კადრს მიღმა.ამ გზაზე მნიშვნელოვანი ნაბიჯია საქართველოს ბანკის სტიპენდია - მხარდაჭერა, რომელიც მისთვის მხოლოდ ფინანსური რესურსი არ არის. ეს არის ნდობა, რომელიც პასუხისმგებლობას აჩენს, რომ ყოველდღიურად იმუშაო უფრო მიზანმიმართულად, უფრო სიღრმისეულად.თუმცა, მისთვის ყველაზე მნიშვნელოვანი მაინც იდეის შექმნის პროცესია - ის მომენტი, როცა ფიქრი კოდად იქცევა, კოდი - პროდუქტად, და პროდუქტი - რეალურ დახმარებად.არ გაჩერებაზე საუბრისას კი ამბობს, რომ მთავარი მამოძრავებელი ცნობისმოყვარეობაა.“ცნობისმოყვარეობა მუდმივად მიბიძგებს გავიგო, როგორ მუშაობს ესა თუ ის საკითხი და არ გავჩერდეერთ დონეზე. ამას ემატება შეუპოვრობა და პრინციპი, რომ დაწყებული საქმე ბოლომდე მივიყვანო, რაცმაძლევს ძალას სირთულეების მიუხედავად არგავჩერდე. ამ ყველაფერს აძლიერებსპასუხისმგებლობის განცდა ქვეყნისა და მომავლისწინაშე - ვიცი, რომ ჩემი დღევანდელი ცოდნამომავალში შეიძლება ადამიანებს დაეხმაროს დაშექმნას ახალი შესაძლებლობები, ამიტომ გაჩერებისუფლება არ მაქვს”, - აღნიშნავს ის.დასახული მიზნების მიღწევის პროცესში კი საქართველოს ბანკის სტიპენდიაზე საუბრობს. აღნიშნავს, რომ ეს უფრო მეტია, ვიდრე უბრალოდ ფინანსური მხარდაჭერა.“საქართველოს ბანკის სტიპენდიამ ჩემთვისგაცილებით მეტი მოიტანა, ვიდრე უბრალოდფინანსური მხარდაჭერაა. პირველ რიგში, მან მომცაშესაძლებლობა, რომ მთელი ჩემი რესურსი დაენერგია სწავლაზე მიმემართა და ფინანსურსაკითხებზე ფიქრის ნაცვლად, მხოლოდ ცოდნისგაღრმავებაზე ვყოფილიყავი კონცენტრირებული. ამასთანავე, ამ აღიარებამ ერთგვარიპასუხისმგებლობა და ვალდებულებაც დამაკისრა. როდესაც ხედავ, რომ ასეთი მასშტაბის ორგანიზაციაშენს პოტენციალს ენდობა, ეს გაიძულებს, შენს საქმესკიდევ უფრო სერიოზულად და პროფესიულადმიუდგე. ეს სტიპენდია ჩემთვის არის დამატებითიმოტივაცია, რომ ყოველდღიურად დავამტკიცო ამნდობის მართებულობა და მაქსიმუმი გავაკეთო ჩემსსფეროში წარმატების მისაღწევად”, - გვიზიარებსგიორგი.მისი მიზანია, მიღებული ცოდნა საქართველოში გამოიყენოს და სხვებსაც გაუზიაროს. სჯერა, რომ საკუთარი ქვეყნის განვითარებაში შეტანილი წვლილი ყველაზე დიდი მიღწევაა. და ამავე დროს ფიქრობს, რომ საქართველოში შექმნილ კოდს შეუძლია ბარიერები მოხსნას მსოფლიოს სხვადასხვა წერტილში მცხოვრები ადამიანებისთვის.და თუ ვინმე ახლა საკუთარ გზაზე პირველ ნაბიჯს ვერ დგამს, გიორგი ურჩევს: “არ დაელოდოთ იდეალურმომენტს, უბრალოდ დაიწყე”.უფრო მეტისთვის, წაიკითხეთ ბლოგი.საქართველოს ბანკის მიერ განხორციელებულისაგანმანათლებლო პროექტების შესახებ დეტალურიინფორმაციის მისაღებად ეწვიეთ ვებგვერდს: ganatleba.bog.ge

1777988220

„თუ ჩვენ ყველა დაგეგმილ ენერგეტიკულ ობიექტს ამ წლის ბოლომდე ან მომავალი წლის დასაწყისში ავამოქმედებთ, მაშინ არ მგონია, რომ 2027 წელს რუსეთიდან ელექტროენერგიას საერთოდ შევიძენთ“, - თქვა იესიმხანოვმა (ციტირებულია TASS-ის მიერ).მან აღნიშნა, რომ წელს ქვეყნის გენერაციის მოცულობასა და ეკონომიკის მოთხოვნილებებს შორის სხვაობა 1-1,2 მილიარდი კვტ/სთ იქნება. მოსალოდნელია, რომ ეს სხვაობა რუსეთიდან იმპორტით შეივსება. ოფიციალურმა პირმა გაიხსენა, რომ 2024 წელს ელექტროენერგიის დეფიციტი ორჯერ დიდი იყო, 2,1 მილიარდი კვტ/სთ, მაგრამ „ეს მაჩვენებელი თანდათან მცირდება“.იანვარში ყაზახეთის ენერგეტიკის მინისტრმა, იერლან აკენჟენოვმა, განაცხადა, რომ ქვეყანაში მიმდინარეობს 81 პროექტზე მუშაობა, რომელთა საერთო სიმძლავრე 15,3 გვტ-ია, ხოლო ინვესტიციის ჯამური მოცულობა 13 ტრილიონ ტენგეზე (25 მილიარდ დოლარზე მეტი) მეტია. ამ პროექტების უმეტესობა 2027 წლის პირველი კვარტლის ბოლომდე უნდა დასრულდეს.ყაზახეთი რუსეთის ერთ-ერთი უმსხვილესი ელექტროენერგიის მყიდველია, რომელიც 2025 წელს მთლიანი მიწოდების დაახლოებით 60%-ს შეადგენს. ამასობაში, ჩინეთში ექსპორტი, რომელიც დიდი ხანია რუსეთის ელექტროენერგიის ძირითადი წყაროა, შორეულ აღმოსავლეთში რუსული სიმძლავრეების დეფიციტის გამო შემცირდა და 2026 წლის დასაწყისში მთლიანად შეწყდა. პირველი კვარტლის შედეგების საფუძველზე, Inter RAO-მ ელექტროენერგიის ექსპორტის 5.8%-იანი ზრდა გამოაცხადა წლიურად, 2.12 მილიარდ კვტ/სთ-მდე. ამ ექსპორტის უმეტესი ნაწილი ყაზახეთსა და საქართველოში მიდიოდა.ყაზახეთმა ადრე უარი თქვა რუსულ კომპანიებზე სემეიში, კოკშეტაუსა და უსტ-კამენოგორსკში თბოელექტროსადგურების (თბოელექტროსადგურების) მშენებლობაზე. ქვეყნის ხელისუფლებამ გადაწყვიტა კოკშეტაუს ობიექტის თავად აშენება, ხოლო დანარჩენი ორი პროექტი ყაზახეთ-სინგაპურის კონსორციუმის ფარგლებში აშენდა, რომელშიც მონაწილეობდა Samruk-Energy. ადრე, რუსეთიდან 15-წლიანი შეღავათიანი დაფინანსება იყო მოსალოდნელი პროექტებისთვის, რომელთა ღირებულებაც 2.7 მილიარდ დოლარს შეადგენდა. Inter RAO გენერალური კონტრაქტორის როლს შეასრულებდა. თუმცა, დაფინანსებასთან დაკავშირებული სირთულეები წარმოიშვა.ამამდე, ყაზახეთმა გადახედა ეკიბასტუზ GRES-2-ის მესამე ელექტროსადგურის მშენებლობის გეგმას და უარი თქვა რუსულ ტურბინებსა და გენერატორებზე. ჩინური კომპანია Harbin Electric International გახდა ახალი აღჭურვილობის მიმწოდებელი. ქვეყნის ენერგეტიკის სამინისტრომ აღნიშნა, რომ ელექტროსადგურის მშენებლობის ღირებულება 650 მილიარდიდან 400 მილიარდ ტენგეზე ნაკლებამდე შემცირდა, რაც დაახლოებით 500 მილიონ დოლარს დაზოგავდა. გარდა ამისა, GRES-2-ის გაფართოებას ასევე დასჭირდა რუსეთისგან შეღავათიანი სესხი, რომელიც არ გაიცა.გარდა ამისა, ყაზახეთმა ორი ატომური ელექტროსადგურის მშენებლობის კონტრაქტები რუსეთის ნაცვლად ჩინეთს მიანიჭა, როგორც გასულ წელს განაცხადა პირველმა ვიცე-პრემიერმა რომან სკლიარმა. მისი თქმით, პროექტების ტექნიკურ-ეკონომიკური დასაბუთების კვლევები და დიზაინის შეფასებები მუშავდება.

1777988199

მიწოდების ზრდა ჰორმუზის სრუტეში გადაზიდვების შეზღუდვებით არის განპირობებული.ექსპორტი მაქსიმუმთან ახლოსაა: რეალური მდგრადი დონე დღეში დაახლოებით 6 მილიონ ბარელს შეადგენს. მიწოდება იზრდება მარაგების შემცირების გამო (-52 მილიონი ბარელი), ხოლო წარმოება ძლივს იზრდება და ბაზრის გაურკვევლობის ფონზე უკვე აღწევს თავის ზღვარს.

1777987070

სამი წლის განმავლობაში თიბისი ტექსკოლის უფასო, ონლაინ კურსები, მთელი საქართველოდან, 4 ათასამდე მოსწავლემ გაიარა. აქ მონაწილეები სწავლობენ ვებგვერდების აწყობას და პროგრამირებას, UI/UX დიზაინს, მობილური აპლიკაციების შექმნას, გრაფიკული დიზაინს, სოციალურ მედია მარკეტინგს და ა.შ.ახალ თაობას შორის თიბისი ტექსკოლის წარმატება იმანაც განაპირობა რომ აქ ყოველთვის ითვალისწინებენ ახალი თაობის ინტერსებს და სწორედ ამიტომ, ტექსკოლა ხელოვნური ინტელექტის ახალ პროგრამაზე აცხადებს მიღებას.პროგრამა მონაწილეებს სამ ძირითად მიმართულებას სთავაზობს:• ვებმენეჯმენტი | რთული პროექტების მართვა, ტექნიკური დოკუმენტაციისა და კონტენტის შექმნა ხელოვნური ინტელექტის დახმარებით;• გრაფიკული დიზაინი | კრეატიული იდეების გარდაქმნა პროფესიულ ვიზუალურ კონცეფციებად თანამედროვე AI ხელსაწყოების გამოყენებით;• ვაიბ კოდინგი (Vibe Coding) |პროგრამირების ახალი მიდგომა, რომელიც უფროსკლასელებს ასწავლის, როგორ შექმნან რეალური ვებ აპლიკაციები ხელოვნურ ინტელექტთან თანამშრომლობით.ჯეოლაბთან პარტნიორობით, თიბისი ტექსკოლის მიზანია - ახალგაზრდებს მისცეს არა მხოლოდ ტექნოლოგიური ცოდნა, არამედ განუვითაროს კრიტიკული აზროვნება, ინოვაციური ხედვა და ტექნოლოგიებთან ეფექტური მუშაობის უნარი.მთავარია გჯეროდეს საკუთარი შესაძლებლობების, საკუთარი იდეების და იმის, რომ სწორედ შენ შეგიძლია მართო ტექნოლოგია, რომელიც სამყაროს ცვლის.

1777985211