თიბისის მხარდაჭერით, “ზეტ ტრანს გრუპმა” 100 ვაგონი შეიძინა

წყალმომარაგების სექტორის უმსხვილესი ინვესტორის, Aqualia-ს რეგიონული დირექტორი, ბოლო დროს საქართველოში გამართულ დარგობრივ დისკუსიებს პოზიტიურად აფასებს და მიიჩნევს, რომ ქვეყანას უზარმაზარი ეკონომიკური პოტენციალი აქვს. მისი თქმით, Aqualia-ს საქართველოში სტაბილური ბიზნესგარემო დახვდა, რაც კომპანიის საქმიანობის წარმატებასა და როგორც ჯორჯიან უოთერ ენდ ფაუერის, ისე მთლიანად GGU ჯგუფის საერთაშორისო აღიარებებშიც აისახა. ამ მხრივ, მან განსაკუთრებით გამოყო „ჯივიპის“ გაწევრიანება კომუნალური კომპანიების პრესტიჟულ გლობალურ კავშირში - Leading Utilities of the World (LUOW). ბოფილის განმარტებით, ეს აღიარება კომპანიამ საერთო პროდუქტიულობის, წყალმომარაგების ქსელების ეფექტური ოპერირებისა და მდგრადი ფინანსური რესურსების შექმნის კატეგორიებში მოიპოვა, რაც საოპერაციო გაუმჯობესების უმაღლეს სტანდარტზე მიუთითებს.ხოსე ენრიკე ბოფილმა ინტერვიუში ისაუბრა 2026 წლის ივნისში, ავტორიტეტული სააგენტოების, Fitch-ისა და S&P Global-ის მიერ GGU ჯგუფის საკრედიტო რეიტინგების ამაღლებაზე. მისი შეფასებით, ეს აღიარება პირდაპირ კავშირშია ქვეყნის ეკონომიკურ მდგომარეობასთან. ამასთანავე, მან განსაკუთრებული ყურადღება დაუთმო საქართველოში არსებულ სატარიფო რეგულირების სისტემას და ხაზგასმით აღნიშნა, რომ ქართულ მეთოდოლოგიას ხშირად აზიარებს საერთაშორისო კონფერენციებზე, როგორც კერძო სექტორისა და მომხმარებლის ინტერესების დაბალანსების საუკეთესო მაგალითს.„საქართველოს ენერგეტიკისა და წყალმომარაგების მარეგულირებელი ეროვნული კომისია შესანიშნავად მუშაობს. ჩვენ მათთან მჭიდროდ ვთანამშრომლობთ, რათა შევიმუშაოთ ისეთი სატარიფო სტრუქტურა, რომელიც უზრუნველყოფს როგორც წყალმომარაგების სისტემის განვითარებისთვის საჭირო და აუცილებელ საინვესტიციო ნაკადებს, ისე ხელმისაწვდომ ფასს მოსახლეობისთვის“.ბოფილის თქმით, Aqualia მუდმივად მზად არის მჭიდროდ ითანამშრომლოს ხელისუფლებასთან, მარეგულირებელსა და მუნიციპალიტეტებთან, რათა საკუთარი გლობალური გამოცდილება ქვეყნის სხვადასხვა რეგიონში წყალმომარაგების სექტორის განსავითარებლად მიმართოს.

1784198172

შეხვედრაზე მიმოიხილეს ორ ქვეყანას შორის სავაჭრო-ეკონომიკურ სფეროში თანამშრომლობის საკითხები და რეგიონული მნიშვნელობის პროექტები.ყურადღება გამახვილდა სატრანზიტო-ლოგისტიკური მიმართულებით პარტნიორობის გაღრმავების მნიშვნელობაზე. საუბარი შეეხო შუა დერეფნის განვითარების პერსპექტივებსა და დაკავშირებადობის შესაძლებლობების კიდევ უფრო გააქტიურების აუცილებლობას.ფინანსთა მინისტრმა სტუმარს გააცნო საქართველოში მიმდინარე მაკროეკონომიკური პარამეტრები და საშუალოვადიანი პროგნოზები.თავის მხრივ, თურქმენეთის მინისტრთა კაბინეტის თავმჯდომარის მოადგილემ ისაუბრა თურქმენეთის ძირითადი ეკონომიკური მაჩვენებლების შესახებ.შეხვედრის დასასრულს, მხარეებმა იმედი გამოთქვეს, რომ თურქმენეთის პრეზიდენტის ვიზიტი საქართველოში ხელს შეუწყობს ორ ქვეყანას შორის ვაჭრობისა და ინვესტიციების წახალისებას.

1784197993

სეულში გამართული ღონისძიება მოიცავდა პროფესიულ დეგუსტაციას და მასატერკლასს სახელწოდებით The Birthplace of Wine. მოწვეულ სტუმარს შორის, მეღვინეობის დარგის ექსპერტები, სომელიეები, ბაიერები, მედიის წარმომადგენლები და ინფლუენსერები იყვნენ.ღონისძიებას კორეელი ღვინის მწერალი სანგმი კიმი უძღვებოდა, რომელმაც სტუმრებს ქართული ღვინის კულტურის, ისტორიისა და თანამედროვე ინდუსტრიის შესახებ პრეზენტაცია წარუდგინა.აღნიშნული ღონისძიება განხორციელდა კამპანიის „ქართული ღვინის თვე“ ფარგლებში, რომელიც მოიცავდა ქართული ღვინის დეგუსტაციებს ქალაქ სეულში.აზიის რეგიონში, კორეის რესპუბლიკა, ჩინეთთან და იაპონიასთან ერთად, ქართული ღვინის ერთ-ერთ სტრატეგიულ ბაზარს წარმოადგენს, სადაც ღვინის ეროვნული სააგენტოს მხარდაჭერით სხვადასხვა მარკეტინგული ღონისძიება იმართება. კორეის რესპუბლიკაში მსგავსი ფორმატის ღონისძიება მეხუთედ ჩატარდა.სააგენტოს კონტრაქტორი მარკეტინგული კომპანია Wine21.com, კორეის რესპუბლიკაში ღვინის ყველაზე მსხვილი ონლაინ პორტალია, რომელიც შექმნილია დარგის ექსპერტების მიერ და მომხმარებლებს სთავაზობს ამომწურავ ინფორმაციას კორეის ბაზარზე არსებული ღვინოების შესახებ.

1784196940

მისივე თქმით, მნიშვნელოვანია, რომ კომპლექსი ემსახურება თურქეთის, აზერბაიჯანის, ცენტრალური აზიისა და ევროპის დამაკავშირებელ ტრანზიტულ ნაკადებს და კომპანია საერთაშორისო გადამზიდავებს სთავაზობს ზუსტად ისეთივე უმაღლესი ხარისხის მომსახურებას, როგორსაც ისინი მსოფლიოს წამყვან ინდუსტრიულ ჰაბებში იღებენ.„მიხარია, რომ დღეს ამ შთამბეჭდავ კომპლექსში ვიმყოფები. როგორც მოგეხსენებათ, ჩვენი ქვეყნის ერთ-ერთი უმთავრესი პრიორიტეტი არის ჩვენი სატრანზიტო ფუნქციის განვითარება და, რა თქმა უნდა, ასეთი შთამბეჭდავი, მასშტაბური და საინტერესო ახალი პროექტები ხელს უწყობს ჩვენი ქვეყნის სატრანზიტო ფუნქციის განვითარებას. ეს არის ძალიან მასშტაბური პროექტი, დაახლოებით 100 მილიონი ლარის ინვესტიციაა მასში განხორციელებული და ასეთი მასშტაბური პროექტი ჩვენს ეკონომიკურ პოტენციალს მნიშვნელოვნად აძლიერებს. ეს არის თბილისის შემოვლით გზაზე შექმნილი უნიკალური პლატფორმა, რომელიც თავისი სტანდარტებით სცილდება შიდასახელმწიფოებრივ ჩარჩოებს. ეს არის პირველი მულტიბრენდული და მრავალფუნქციური სივრცე ამიერკავკასიაში, რომელიც სერვისის სრულ სპექტრს აერთიანებს ერთ ადგილზე, რაც, ბუნებრივია, ძალიან მნიშვნელოვანია.ეს კომპლექსი ემსახურება თურქეთის, აზერბაიჯანის, ცენტრალური აზიის და ევროპის დამაკავშირებელ ტრანზიტულ ნაკადებს და კომპანია საერთაშორისო გადამზიდავებს სთავაზობს ზუსტად ისეთივე უმაღლესი ხარისხის მომსახურებას, როგორსაც ისინი მსოფლიოს წამყვან ინდუსტრიულ ჰაბებში იღებენ.ჩვენ გვიხარია, რომ ბიზნესი დღეს თავად აწესებს განვითარების ახალ, უმაღლეს თამასას და ამ კუთხით „თეგეტა ჰოლდინგი“ არის ნამდვილად გამორჩეული. დასაფასებელია ასევე კომპანიის მიდგომა გარემოს დაცვისა და შრომის უსაფრთხოებისადმი. სახიფათო ნარჩენების მართვის თანამედროვე, უსაფრთხო სტანდარტები აჩვენებს, რომ ჩვენი ლოგისტიკური დერეფანი არა მხოლოდ სწრაფი და ეფექტური, არამედ ცივილიზებული და მდგრადიც არის.სახელმწიფოსთვის მსგავსი ინიციატივების მხარდაჭერა არის პრიორიტეტი, რადგან მდგრადი სატრანზიტო დერეფანი წარმოუდგენელია განვითარებული თანამედროვე სერვისების გარეშე. მე მინდა, მადლობა გადავუხადო „თეგეტა ჰოლდინგის“ დამფუძნებელს, ბატონ თემურს, მადლობა „თეგეტა ჰოლდინგის“ ხელმძღვანელებს, თითოეულ თანამშრომელს იმისთვის, რომ ეს ბიზნესინიციატივა ძალიან დიდი წარმატებით შედგა და განხორციელდა. მსგავსი მასშტაბური პროექტები კიდევ უფრო ამყარებს საქართველოს პოზიციას გლობალურ ეკონომიკურ რუკაზე“, – განაცხადა პრემიერ-მინისტრმა.

1784195778

ახალი ვაგონები უკვე მოძრაობს აზერბაიჯანი-საქართველოს მიმართულებით დაკარბამიდის ტრანსპორტირებას ახორციელებს. ვაგონებიექსპლუატაციაში აპრილიდან შევიდა და თვეშისაშუალოდ სამ-ოთხ ბრუნს ასრულებს. ამ პერიოდშიბათუმის პორტის მიმართულებით დაახლოებით 40 000 ტონა ტვირთი უკვე გადაზიდულია.ვაგონების დამატება მნიშვნელოვნად ზრდის ქვეყანაშისარკინიგზო გადაზიდვების შესაძლებლობებს - პროექტიხელს უწყობს რეგიონში არსებული სპეციალიზებულისატვირთო ვაგონების დეფიციტის შემცირებასა დაზრდის ტვირთების გამტარუნარიანობას. ასევეაძლიერებს, საქართველოს, როგორც შუა დერეფნისმნიშვნელოვანი სატრანზიტო ქვეყნის, როლს. „უკვე 10 წელზე მეტია “ზეტ ტრანს გრუპთან” ვპარტნიორობთ და არაერთი მნიშვნელოვანი პროექტიგანვახორციელეთ წარმოებისა და სერვისებისმიმართულებით. ეს ინვესტიცია კიდევ ერთი მაგალითია, თუ როგორ შეუძლია ბიზნესისა და ბანკისპარტნიორობას შექმნას ღირებულება როგორცკომპანიისთვის, ისე ქვეყნის ეკონომიკისთვის. ახალივაგონები აძლიერებს შუა დერეფნისგამტარუნარიანობას და ხელს უწყობს ლოგისტიკურისექტორის განვითარებას. ლოგისტიკა კი ქვეყნისეკონომიკის მნიშვნელოვანი მიმართულებაა. მისი წილიმშპ-ში 6%-ია. სექტორის ზომიდან და სტრატეგიულიდანიშნულებიდან გამომდინარე, ტრანსპორტი დადასაწყობება თიბისისთვისაც პრიორიტეტულიმიმართულებაა. ამიტომ აქტიურად ვაფინანსებთინფრასტრუქტურულ პროექტებს, ბიზნესისგაფართოებასა და თანამედროვე ტექნოლოგიებისდანერგვას. ამის შედეგია, რომ ბოლო სამ წელშითიბისის ლოგისტიკის სექტორის საკრედიტო პორტფელი74%-ით გაიზარდა და 436 მილიონ ლარს შეადგენს“, - დავით კონცელიძე, თიბისის კორპორატიული საბანკობიზნესის მართვის მიმართულების ვიცე-პრეზიდენტი.“კომპანიის მიერ განხორციელებულმა ინვესტიციამდადებითი შედეგი უკვე გამოიღო ტვირთბრუნვისზრდისა და ლოგისტიკური პროცესების ეფექტიანობისმიმართულებით. ჩვენთვის მთავარი პრინციპებიადროის ოპტიმიზაცია, ტვირთის გადაზიდვა უსაფრთხოდდა ხარისხის სრული დაცვით. ახალმა, თანამედროვესავაგონე პარკმა ამ მიმართულებით ჩვენიშესაძლებლობები კიდევ უფრო მაღალ დონეზე აიყვანა, რაც შუა კორიდორის კონკურენტუნარიანობისთვისფუნდამენტურად მნიშვნელოვანია. განსაკუთრებითმნიშვნელოვანია, რომ ანაკლიის ღრმაწყლოვანიპორტის პროექტი უკვე აქტიურ ფაზაში გადავიდა, ჩვენ კიამ მასშტაბურ პროექტს სრულ მზადყოფნაში ვხვდებით -განახლებული, თანამედროვე სავაგონე პარკით, რომლის გაფართოებაც, საჭიროების შემთხვევაში,კვლავაც შეგვიძლია. ეს გვაძლევს ჯანსაღ ამბიციას, რომჩვენი მრავალწლიანი გამოცდილებით, საერთაშორისოპარტნიორული ქსელითა და რეალური მატერიალურ-ტექნიკური რესურსით შევძლებთ მნიშვნელოვანიწვლილის შეტანას ანაკლიის პორტის განვითარებაში.დარწმუნებული ვართ, რომ ჩვენი ჩართულობა ხელსშეუწყობს შუა კორიდორისა და მთლიანადსაქართველოს სატრანზიტო პოტენციალის კიდევ უფროგაძლიერებას”,- ალექსი ნიკოლაიშვილი, Ztrans Group-ისდამფუძნებელი.

1784189966

„სწორედ ამ მიზანს ემსახურება ჩვენი ინიციატივაც - საგადახდო მომსახურების ტარიფებისა და დეპოზიტების საპროცენტო განაკვეთების შედარების ახალი პლატფორმა, რომელიც მომხმარებელს პირველად აძლევს შესაძლებლობას, ერთიან სივრცეში, საქართველოს ეროვნული ბანკის ოფიციალურ ვებგვერდზე მოიძიოს, შეადაროს და შეაფასოს ბაზარზე მოქმედი საგადახდო მომსახურების პროვაიდერების ტარიფები და საკომისიოები, ასევე სხვადასხვა ბანკში დეპოზიტებზე შეთავაზებული საპროცენტო სარგებლიდან შეარჩიოს დანაზოგის განთავსების ყველაზე ხელსაყრელი შესაძლებლობა“, - განაცხადა ნათია თურნავამ.მისივე თქმით, პლატფორმა მნიშვნელოვან როლს შეასრულებს კონკურენტული გარემოს გაძლიერებაში, რაც საბოლოოდ, ხელს შეუწყობს როგორც მომსახურების ხარისხის გაუმჯობესებას, ისე სამართლიანი და ეფექტიანი ბაზრის განვითარებას.სებ-ის პრეზიდენტის თქმით, ახალი პლატფორმა, რომელზეც მუშაობა ორი წლის წინ ევროკავშირის დირექტივების შესრულების პროცესში დაიწყო,  სხვადასხვა ევროპულ ქვეყნებში მოქმედი მსგავსი პლატფორმები შესწავლისა და საუკეთესო პრაქტიკების გამოცდილების გაზიარებით შეიქმნა.„გვჯერა, რომ ეს იქნება პრაქტიკული და ძალიან სასარგებლო ინსტრუმენტი მომხმარებლებისა და ფინანსური ბაზრის მონაწილეებისთვის, კიდევ ერთი მნიშვნელოვანი ნაბიჯი უფრო ღია, გამჭვირვალე და კონკურენტული ფინანსური ეკოსისტემის ჩამოყალიბებისკენ, სადაც ნებისმიერ ადამიანს აქვს შესაძლებლობა, ფინანსური გადაწყვეტილებები სრულყოფილ და ობიექტურ ინფორმაციაზე დაყრდნობით მიიღოს“, - აღნიშნა ნათია თურნავამ.სებ-ის ახალი პლატფორმის საშუალებით მომხმარებელს შესაძლებლობა  ექნება: შეადაროს სხვადასხვა კომერციული ბანკის საგადახდო ანგარიშებთან დაკავშირებული მომსახურების ტარიფები; სხვადასხვა ფილტრის გამოყენებით შეარჩიოს მომსახურებები მისთვის საინტერესო კრიტერიუმებით და მარტივად შეადაროს სხვადასხვა ბანკის შეთავაზებები; მიიღოს განახლებული ინფორმაცია კომერციული ბანკების მიმდინარე გაცვლითი კურსების შესახებ; გამოიყენოს მარტივი, რთული, საბარათე და ვალუტის გაცვლის კალკულატორები სხვადასხვა მომსახურებით სარგებლობასთან დაკავშირებული ხარჯების წინასწარ შესაფასებლად; ასევე, შეადაროს კომერციულ ბანკებში მოქმედი დეპოზიტების ეფექტური საპროცენტო განაკვეთები და აირჩიოს ფულის დაზოგვის მისთვის საუკეთესო ალტერნატივა.

1784189152