ბიზნესიდან მდგრად განვითარებამდე - პროკრედიტ ბანკი რეგიონული ბიზნეს შეხვედრების ახალ სერიას იწყებს

როგორც მინისტრმა აღნიშნა, დაავადებებისგან თავისუფალი ოფიციალური სტატუსი განიხილება არა მხოლოდ პირდაპირი ეკონომიკური სარგებლის, არამედ, ეროვნული ვეტერინარული სისტემის სიძლიერისა და სანდოობის თვალსაზრისით.„ასეთი აღიარებები ადასტურებს, რომ ქვეყანას გააჩნია ეფექტიანი ვეტერინარული მართვის სისტემა, მათ შორის დაავადებების ზედამხედველობის მექანიზმები, ლაბორატორიული შესაძლებლობები, ცხოველთა იდენტიფიკაციისა და მიკვლევადობის სისტემა, საგანგებო რეაგირების მექანიზმები და ცხოველთა ჯანმრთელობის დაცვის მსოფლიო ორგანიზაციასთან (WOAH) გამჭვირვალე ანგარიშგება. ასეთი აღიარება აძლიერებს სავაჭრო პარტნიორების ნდობას, ხელს უწყობს ბაზრებზე წვდომას და ამყარებს საქართველოს, როგორც სანდო და პასუხისმგებლიანი სავაჭრო პარტნიორის რეპუტაციას“, - განაცხადა გარემოს დაცვისა და სოფლის მეურნეობის მინისტრმა.სიტყვით გამოსვლის დროს, დავით სონღულაშვილმა მადლობა გადაუხადა ცხოველთა ჯანმრთელობის მსოფლიო ორგანიზაციის გენერალურ დირექტორს თბილისში გამართული მსოფლიო ვეტერინარიის დღისადმი მიძღვნილ ღონისძიებაში მონაწილეობისთვის.„ეს ვიზიტი მნიშვნელოვანი შესაძლებლობა იყო საქართველოსა და ცხოველთა ჯანმრთელობის დაცვის მსოფლიო ორგანიზაციას (WOAH) შორის თანამშრომლობის კიდევ უფრო გასაძლიერებლად“, - განაცხადა დავით სონღულაშვილმა.„საქართველო რეგიონულ ჰაბად ყალიბდება ვაჭრობისა და ტრანსპორტირების მიმართულებით. გვჯერა, რომ ძლიერი ვეტერინარული სისტემები სულ უფრო მნიშვნელოვან როლს შეასრულებს არა მხოლოდ დაავადებების პრევენციაში, არამედ რეგიონული სტაბილურობის, ეკონომიკური მდგრადობისა და უსაფრთხო ტრანსსასაზღვრო ვაჭრობის გაძლიერებაში თანამედროვე ურთიერთდაკავშირებულ მსოფლიოში“, - განაცხადა გარემოს დაცვისა და სოფლის მეურნეობის მინისტრმა.მინისტრმა ყურადღება ცოფის კონტროლის მიმართულებით განხორციელებულ ღონისძიებებზე გაამახვილა და აღნიშნა, რომ 2013 წლიდან, საქართველოში დაიწყო ცოფის პრევენციისა და კონტროლის ეროვნული პროგრამა. ხელშესახები შედეგები მიღწეულია. 2013 წელთან შედარებით, რომელიც საბაზისო წლად განიხილება, საქართველოში ცხოველებში ცოფის შემთხვევები დაახლოებით 93%-ით შემცირდა.ცხოველთა ჯანმრთელობის დაცვის მსოფლიო ორგანიზაციის (WOAH) 93-ე გენერალური სესიის ფარგლებში გამართულ პანელურ დისკუსიას ესწრებოდნენ მინისტრის მოადგილე ლაშა ავალიანი, სურსათის ეროვნული სააგენტოს უფროსი გიორგი იაკობაშვილი და საფრანგეთის რესპუბლიკაში საქართველოს საგანგებო და სრულუფლებიანი ელჩი ირაკლი ყურაშვილი.ინფორმაციას საქართველოს გარემოს დაცვისა და სოფლის მეურნეობის სამინისტრო ავრცელებს.

1779182897

მთავრობის მეთაურის შეფასებით, აზერბაიჯანში ვიზიტის ფარგლებში რამდენიმე მიმართულებით საეტაპო მნიშვნელობის შეთანხმებები გაფორმდა.„პირველი მიმართულება უკავშირდება  აზერბაიჯანიდან გაზის იმპორტს და ტრანზიტს. აქ განსაკუთრებული მნიშვნელობა ენიჭებოდა სოციალური გაზის შეთანხმების გაგრძელებას. 20 წლით იყო დადებული ეს შეთანხმება და მას ვადა ეწურებოდა ამ წლის ბოლომდე. განსაკუთრებით მნიშვნელოვანი იყო ჩვენი ქვეყნისთვის, ხალხისთვის, რომ  ეს ხელშეკრულება გაგრძელდა 20 წლით. სოციალური გაზი სოციალური ტარიფით, სოციალური ფასით საქართველოს მიეწოდება შემდეგი 20 წლის განმავლობაშიც. ამისთვის, რა თქმა უნდა, განსაკუთრებული მადლობა უნდა გადავუხადოთ აზერბაიჯანულ მხარეს“, - განაცხადა ირაკლი კობახიძემ.პრემიერ-მინისტრის შეფასებით, ქართულ მხარეს ძალიან კარგი შედეგები აქვს ელექტროენერგიის იმპორტთან და ტრანზიტთან დაკავშირებითაც.მთავრობის მეთაურმა ხელშეკრულების დეტალებზე არ ისაუბრა და აღნიშნა, რომ ეს კომერციული საიდუმლოებაა.„რომ არ იყოს კომერციული საიდუმლოება, კიდევ უფრო გასაგები გახდებოდა საზოგადოებისთვის ის უდიდესი სარგებელი, რომელიც ამ შეთანხმებას მოაქვს ჩვენი ქვეყნისთვის, საზოგადოებისთვის. ელექტროენერგიის  მიმართულებითაც გვაქვს ძალიან კარგი შედეგები, რაც ძალიან მომგებიანია ქვეყნისთვის, საზოგადოებისთვის. რაც შეეხება ბაქო-თბილისი-სუფსის მილსადენის ფუნქციონირებას, გასული 3 წლის განმავლობაში საერთოდ იყო გაჩერებული ეს მილსადენი, არ მუშაობდა. შესაბამისად, ქვეყანა კარგავდა პოტენციურ შემოსავალს. მრავალთვიანი მოლაპარაკებების შედეგად, ჩვენ შევთანხმდით აზერბაიჯანულ მხარესთან, რომ აღდგება ამ მილსადენის ფუნქციონირება და ამის საფუძველზე ყოველწლიურად ათეულობით მილიონი ლარის შემოსავალს მიიღებს ჩვენი ქვეყანა.  ძალიან კარგი პირობებია, რაზეც შევთანხმდით აზერბაიჯანულ მხარესთან. აქაც არის კომერციული საიდუმლოება“, - აღნიშნა ირაკლი კობახიძემ.

1779182569

მათივე ცნობით, აქედან, ექსპორტი 2 439.9 მლნ. აშშ დოლარს შეადგენს (გაიზარდა 21.1 პროცენტით), ხოლო იმპორტი 5 692.9 მლნ. აშშ დოლარს (შემცირდა 4.9%-ით).„საქართველოს უარყოფითმა სავაჭრო ბალანსმა 2026 წლის იანვარ- აპრილში 3 253.0 მლნ. აშშ დოლარი შეადგინა, რაც საგარეო სავაჭრო ბრუნვის 40.0 პროცენტია.2026 წლის იანვარ-აპრილში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 72.1 პროცენტი შეადგინა. უმსხვილესი საექსპორტო სამეული შემდეგნაირად ჩამოყალიბდა: ყირგიზეთი (272.8 მლნ. აშშ დოლარი), ჩინეთი (255.1 მლნ. აშშ დოლარი) და აზერბაიჯანი (211.3 მლნ. აშშ დოლარი).2026 წლის იანვარ-აპრილში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.5 პროცენტი შეადგინა. პირველ სამეულში შედის: თურქეთი (903.1 მლნ. აშშ დოლარი), რუსეთი (766.3 მლნ. აშშ დოლარი) და ჩინეთი (678.2 მლნ. აშშ დოლარი).2026 წლის იანვარ-აპრილში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 66.7 პროცენტი შეადგინა. ქვეყნის უმსხვილესი სავაჭრო პარტნიორები არიან: თურქეთი (1 095.3 მლნ. აშშ დოლარი), რუსეთი (965.7 მლნ. აშშ დოლარი) და ჩინეთი (933.3 მლნ. აშშ დოლარი).2026 წლის იანვარ-აპრილში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 537.4 მლნ. აშშ დოლარით, რაც მთელი ექსპორტის 22.0 პროცენტს შეადგენს. მეორე ადგილს იკავებს ნავთობი და ნავთობპროდუქტები 324.1 მლნ. აშშ დოლარით (მთლიანი ექსპორტის 13.3 პროცენტი), ხოლო მესამე ადგილზეა ძვირფასი ლითონების მადნები და კონცენტრატები 225.1 მლნ. აშშ დოლარით (9.2 პროცენტი).უმსხვილესი საიმპორტო სასაქონლო ჯგუფი 2026 წლის იანვარ-აპრილში წარმოდგენილი იყო მსუბუქი ავტომობილების სახით, რომლის იმპორტმა 925.9 მლნ. აშშ დოლარი და მთელი იმპორტის 16.3 პროცენტი შეადგინა. მეორე ადგილს იკავებს ნავთობი და ნავთობპროდუქტები 471.3 მლნ. აშშ დოლარით (იმპორტის 8.3 პროცენტი), ხოლო მესამე ადგილზეა ნავთობის აირები და სხვა აირისებრი ნახშირწყალბადები 254.1 მლნ. აშშ დოლარით (იმპორტის 4.5 პროცენტი)“, - აღნიშნულია გავრცელებულ ინფორმაციაში.

1779180986

მათივე ცნობით, ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 63.6 პროცენტს შეადგენს. აღნიშნული მაჩვენებელი წინა წლის შესაბამის პერიოდთან შედარებით 73.5 პროცენტით გაიზარდა და 1 551.0 მლნ. აშშ დოლარს გაუტოლდა.„2026 წლის იანვარ-აპრილში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 69.0 პროცენტი შეადგინა. ამ მხრივ, უმსხვილესი საექსპორტო პარტნიორებია: ჩინეთი (247.5 მლნ. აშშ დოლარი), რუსეთი (182.7 მლნ. აშშ დოლარი) და თურქეთი (177.0 მლნ. აშშ დოლარი).2026 წლის იანვარ-აპრილში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი 313.2 მლნ. აშშ დოლარით, აღნიშნული სასაქონლო ჯგუფის წილი მთლიანი ადგილობრივი ექსპორტის 20.2 პროცენტს შეადგენს. მეორე ადგილზეა ძვირფასი ლითონის მადნები და კონცენტრატები, 225.1 მლნ. აშშ დოლარით (მთლიანი ადგილობრივი ექსპორტის 14.5 პროცენტი), ხოლო მესამე ადგილს იკავებს ფეროშენადნობები 94.6 მლნ. აშშ დოლარით (მთლიანი ადგილობრივი ექსპორტის 6.1 პროცენტი)- აღნიშნულია ინფორმაციაში.

1779180916

შეხვედრაზე მხარეებმა საქართველოსა და იორდანიას შორის აგროსასურსათო სექტორში თანამშრომლობის პოტენციალი და მიმართულებები განიხილეს.„ბაზრების დივერსიფიცირება ერთ-ერთი მნიშვნელოვანი საკითხია, რომელიც ჩვენი ქვეყნის ეკონომიკის, მათ შორის აგრარული დარგის გაძლიერებას უწყობს ხელს. იქ სადაც არსებობს თანამშრომლობის რეალური პოტენციალი, ჩვენ ის უნდა გამოვიყენოთ. საქართველოს და იორდანიის სოფლის მეურნეობის სამინისტროებს შორის მიმდინარეობს ურთიერთგაგების მემორანდუმზე მუშაობა, რომელიც მიზნად ისახავს თანამშრომლობის გაძლიერებას სოფლის მეურნეობისა და სურსათის უსაფრთხოების სფეროებში“,-განაცხადა დავით სონღულაშვილმა.შეხვედრაზე ყურადღება დაეთმო ორმხრივი სავაჭრო ურთიერთობების ზრდის შესაძლებლობებს.„მინისტრთან გამართულ შეხვედრაზე განვიხილეთ ვაჭრობის ყველა შესაძლო მიმართულება და თანამშრომლობის პერსპექტივები. იორდანიას აქვს არაერთი პროდუქტი, რომელიც შესაძლებელია ექსპორტირებული იყოს საქართველოში, ხოლო საქართველოს მხრიდან შესაძლებელია მაღალი ხარისხის მეცხოველეობის პროდუქციის, განსაკუთრებით კი ცხვრის, იმპორტი. აღნიშნულ პროდუქტზე იორდანიაში მაღალი მოთხოვნა არსებობს. ჩვენ ქართულ მხარესთან განვიხილავთ, თუ როგორ შეიძლება განისაზღვროს სავაჭრო ბრუნვა და გაძლიერდეს ორმხრივი თანამშრომლობა ამ სფეროში. ამასთან ერთად, განვიხილავთ სხვა ტექნიკურ საკითხებსაც, მათ შორის თანამედროვე ტექნოლოგიების, სოფლის მეურნეობის საინფორმაციო სისტემების, ჭკვიანი სოფლის მეურნეობისა და ექსტენციის სერვისების მიმართულებით თანამშრომლობის შესაძლებლობებს. ჩვენ დიდი იმედით ვუყურებთ ქართულ მხარესთან აღნიშნული მიმართულებებით სამომავლო პარტნიორობას“, - განაცხადა იორდანიის სოფლის მეურნეობის მინისტრმა საებ ხრესატმა.აღსანიშნავია, რომ გასულ, 2025 წელს, საქართველოდან იორდანიაში ექსპორტმა 1.3 მილიონი აშშ დოლარი შეადგინა, ძირითადი საექსპორტო პროდუქცია თხილი იყო. იორდანიიდან საქართველოში, ძირითადად იმპორტირებულია, ფინიკი და მცირე რაოდენობით დაკონსერვებული ბოსტნეული.ცხოველთა ჯანმრთელობის დაცვის მსოფლიო ორგანიზაციის (WOAH) 93-ე გენერალური სესიის ფარგლებში გამართულ შეხვედრაზე მინისტრებმა ასევე ისაუბრეს აგრობიზნესის მიმართულებით ინვესტიციების ხელშეწყობაზე, მათ შორის გადამუშავების, ლოგისტიკისა და მიწოდების ჯაჭვების გაძლიერების საკითხებზე.

1779180727

ტრენინგი, რომელსაც წამყვანი ექსპერტი, ციფრული მმართველობის სააგენტოს ინფორმაციული უსაფრთხოების მენეჯერი ნიკოლოზ გიორგაშვილი უძღვებოდა, ისეთ აღიარებულ საერთაშორისო სტანდარტებს დაეფუძნა, როგორიცაა ISO/IEC 27001, ISO 27005 და ISO 31000.დღის განმავლობაში მონაწილეებმა განიხილეს ინფორმაციული უსაფრთხოების მართვის სისტემის (ISMS) მიზნები, მისი პრაქტიკაში დანერგვისათვის აუცილებელი ინფორმაცია, პროცესის წარმატებით განხორციელებისათვის საჭირო როლების გადანაწილება. განსაკუთრებული ყურადღება დაეთმო რისკების მართვის ჩარჩოს, იდენტიფიკაციითა და შეფასებით დაწყებული მათ მართვამდე. თეორიულ სესიებთან ერთად, დღის წესრიგი მოიცავდა პრაქტიკულ სავარჯიშოებსა და დისკუსიებს, რაც მონაწილეებს დაეხმარა მიღებული ცოდნის რეალურ ბიზნეს პროცესებთან ადაპტირებაში.ტრენინგის ფარგლებში, დეტალურად განიხილეს კონტროლის მექანიზმების დანერგვისა და უწყვეტი გაუმჯობესების პროცესი, ასევე, სხვადასხვა ტიპის ორგანიზაციებისთვის საერთაშორისო სტანდარტების სექტორული იმპლემენტაციის სპეციფიკა.„ციფრული ტრანსფორმაციის ეპოქაში ინფორმაციული უსაფრთხოება აღარ არის მხოლოდ ტექნიკური საკითხი, ის ბიზნესის უწყვეტობისა და ინსტიტუციური სტაბილურობის განუყოფელი ნაწილია. საქართველოს ბიზნეს ასოციაციისთვის პრიორიტეტულია წევრი კომპანიებისთვის მსგავსი მაღალტექნოლოგიური და სტრატეგიული ცოდნის გაზიარება. აღნიშნული ტრენინგის გამართვა საქართველოს ბიზნეს ასოციაციის ორგანიზებით კიდევ ერთხელ ხაზს უსვამს ჩვენს სურვილს, ხელი შევუწყოთ თანამედროვე საერთაშორისო სტანდარტების დამკვიდრებასა და საქართველოში ბიზნესის მდგრად განვითარებას“ განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.

1779180555