“თავი მაღლა, თვალები მიზანზე და მოძრაობა მხოლოდ წინ” | თამრი ხურცილავა, სუხიშვილების მოცეკვავე

საგზაო უსაფრთხოება „თეგეტა ჰოლდინგის“ კორპორაციული სოციალური პასუხისმგებლობის (CSR) ერთ-ერთი მთავარი მიმართულებაა. კომპანიაში ამ თემაზე მუშაობა წლებია, სისტემურად მიმდინარეობს. მათ შორის, „თეგეტა“ ყოველწლიურად უერთდება გაეროს საგზაო უსაფრთხოების გლობალურ კამპანიას.თათია ხორბალაძე, „თეგეტა ჰოლდინგის“ სტრატეგიული კომუნიკაციების მთავარი ოფიცერი: „თეგეტას“ კორპორაციული პასუხისმგებლობის სტრატეგიის ერთ-ერთი მთავარი მიმართულება უსაფრთხოებაა, განსაკუთრებით კი საგზაო უსაფრთხოების მხარდაჭერა. ეს კამპანიაც სწორედ ამ მიზანს ემსახურება. გვინდა, საზოგადოებამდე მივიტანოთ სათქმელი, თუ რამდენად მნიშვნელოვანია საგზაო უსაფრთხოების წესების დაცვა, განსაკუთრებით იმ ფონზე, როდესაც მძიმე შემთხვევების მაჩვენებლები იზრდება. წელს გადავწყვიტეთ, განსხვავებული და კრეატიული ფორმით შეგვეხსენებინა ადამიანებისთვის, რომ უსაფრთხოება არ უნდა ვივარაუდოთ. ყველაზე სახიფათო სწორედ ის სიტყვებია, რომლებიც გზაზე ხშირად გაგვიელვებს ხოლმე თავში: „გადავასწრებ“, „გავძვრები“ და ა.შ. ამიტომ ჩვენი მთავარი გზავნილიც არის - მეტი რომ გავიაროთ უსაფრთხოდ, უსაფრთხოება არ უნდა ვივარაუდოთ“.კამპანიის კრეატიულ კონცეფციაზე სააგენტო Joyboy-მ იმუშავა. იდეა კი იმ ფსიქოლოგიურ დამოკიდებულებას ეფუძნება, რომელიც ბევრ მძღოლსა თუ ქვეითს აქვს - რომ კონკრეტული საფრთხე მათ არ შეეხებათ და გამონაკლისები სწორედ ისინი იქნებიან. ამის საპირისპიროდ კამპანიის მთავარი გზავნილია: „უსაფრთხოებას ნუ ივარაუდებ - გაიარე მეტი უსაფრთხოდ“.კამპანია მრავალმხრივ აქტივობებს აერთიანებს - გზებზე განთავსებული ვიზუალური მესიჯებიდან და სპეციალურად შექმნილი ბილბორდებიდან დაწყებული, სოციალური მედიის კომუნიკაციებით, ვიდეორგოლებითა და სხვადასხვა ციფრული პლატფორმისთვის შექმნილი გზავნილებით დასრულებული. მთავარი მიზანი კი ერთია - ადამიანებს შეახსენოს, რომ საჭესთან თითოეული გადაწყვეტილება პასუხისმგებლობასთან არის დაკავშირებული.გიორგი კვიტატიანი, კრეატიული სააგენტო Joyboy-ს შემოქმედებითი ხელმძღვანელი: „საგზაო უსაფრთხოების წესები პრაქტიკულად ყველამ იცის, თუმცა რეალურ მომენტებში ამ წესებს სათანადო ყურადღება ხშირად არ ეთმობა. ამიტომ გვინდოდა, რაც შეიძლება ღრმა ადამიანური სიმართლე გვეპოვა ამ პრობლემასთან მიმართებით და ისეთი კრეატიული გადაწყვეტა მოგვეძებნა, რომელიც ადამიანს გულგრილს ვერ დატოვებდა. სწორედ ასე მივედით იმ სიტყვებამდე, რომლებსაც ადამიანები ხშირად ცნობიერად თუ ქვეცნობიერად საკუთარ თავს ეუბნებიან -„დამითმობს“, „დამინახავს“. რეალურად ძალიან ბევრი საგზაო შემთხვევა სწორედ ამ სიტყვებით იწყება. კამპანიაში სიტყვები მხოლოდ ტექსტური ელემენტი არ არის - ისინი თავად იქცევიან იმ რისკის სიმბოლოდ, რომელსაც დაუფიქრებელი გადაწყვეტილებები ქმნის“.ვიზუალებზე დამატებულია სტატისტიკაც, რომელიც ადამიანებს ახსენებს, რომ ეს შემთხვევები გამონაკლისს არ უშვებს და გზაზე პასუხისმგებლობა ყველას თანაბრად ეკისრება. კამპანიის ვიზუალური ნაწილი კონკრეტულ ფრაზებსა და მათ შედეგებს შორის კავშირს უსვამს ხაზს. მაგალითად, ერთ-ერთ გზავნილში გამოყენებულია სიტყვა „დამინახავს“, რომელსაც თან ახლავს შეტყობინება, რომ „ავტომობილის მართვისას მძღოლის ტვინი ინფორმაციის 50%-ს ვერ აღიქვამს“, ხოლო მთავარი მესიჯია - „უსაფრთხოებას ნუ ივარაუდებ“. კიდევ ერთი ვიზუალი სპეციალურად ტექნიკურ გაუმართაობას ეძღვნება და ეფუძნება სიტყვას „გამიძლებს“, რომელიც განსხვავებული კონცეფციით ავტომფლობელებს ისეთ რისკებზე მიუთითებს, როდესაც ავტომობილს გარეგნულად არაფერი ეტყობა, მფლობელები კი მიიჩნევენ, რომ ყველაფერი წესრიგშია, მაშინ როდესაც ყველაზე დიდ პრობლემებს მანქანის „შინაგანი“ გაუმართაობა ქმნის. საქსტატის მონაცემებზე დაყრდნობით, ყოველი მეათე ავარიის მიზეზი მანქანის ტექნიკური გაუმართაობაა. სხვა ვიზუალებში გამოყენებული სიტყვებიც - „დამითმობს“, „გავძვრები“ და „გადავასწრებ“ - კონკრეტულ საგზაო რისკებსა და რეალურ ფაქტებთან არის დაკავშირებული.კამპანია „ვოლვო ქარ კავკასიას“ მხარდაჭერით მიმდინარეობს - შვედური ბრენდის, რომლის ძირითადი ღირებულება უსაფრთხოებაა და ამ მიმართულებით მაღალი სტანდარტებითა და ინოვაციური მიდგომებით გამოირჩევა.ეკა კევლიშვილი, „ვოლვო ქარ კავკასიას“ მარკეტინგის ხელმძღვანელი: „მიუხედავად იმისა, რომ Volvo მუდმივად იკვლევს ავარიების გამომწვევ მიზეზებს და ყოველ ახალ მოდელში უსაფრთხოების კიდევ უფრო განვითარებულ ტექნოლოგიებს ნერგავს, რომლებიც კამერებისა და რადარის დახმარებით საფრთხის წინასწარ ამოცნობასა და შეჯახების პრევენციაზე მუშაობს, უსაფრთხოების მთავარი საფუძველი მაინც ადამიანის პასუხისმგებლობა რჩება. თანამედროვე ტექნოლოგიებს შეუძლია რისკების შემცირება და კრიტიკულ მომენტებში დახმარება, თუმცა ვერცერთი სისტემა ვერ ჩაანაცვლებს მძღოლისა და ქვეითის გააზრებულ გადაწყვეტილებებს გზაზე. ამიტომაც უსაფრთხოება არ უნდა ვივარაუდოთ - ის ყოველდღიური პასუხისმგებლობაა”.სწორედ ამიტომ, კამპანიის ფარგლებში, „თეგეტა მოტორსის“ ფილიალებში მისული პირველი 100 მომხმარებელი სავალი ნაწილის უფასოდ შემოწმებას შეძლებს, რათა დარწმუნდეს, რომ მისი ავტომობილი ტექნიკურად სრულად გამართული და უსაფრთხოა. ტექნიკური გაუმართაობის აღმოჩენის შემთხვევაში კი ავტომობილის შეკეთებაში მათ მაღალკვალიფიციური პროფესიონალები დაეხმარებიან. კამპანიის მხარდამჭერია საცხებ-საპოხი მასალების მწარმოებელი ბრენდი Shell-იც, რომლის ოფიციალური წარმომადგენელი საქართველოში „თეგეტა მოტორსია“.„თეგეტა ჰოლდინგი“ 30 წელზე მეტია, მომხმარებლებს საერთაშორისო სტანდარტებისა და უსაფრთხოებაზე ორიენტირებული ბრენდების პროდუქტებსა და მომსახურებას სთავაზობს. თუმცა კომპანიისთვის უსაფრთხოება მხოლოდ ტექნიკური გამართულობით არ შემოიფარგლება. „თეგეტაში“ მიაჩნიათ, რომ საგზაო უსაფრთხოების კულტურის დანერგვა მძღოლებისა და ქვეითების პასუხისმგებლობიანი დამოკიდებულების გარეშე შეუძლებელია. სწორედ ამიტომ კომპანია საზოგადოებაში ცნობიერების ამაღლებასა და უსაფრთხო ქცევის ხელშეწყობას სხვადასხვა სოციალური კამპანიითა და საგანმანათლებლო ინიციატივით ცდილობს. „გაიარე მეტი უსაფრთხოდ“ კი ამ მიმართულებით კიდევ ერთი მცდელობაა, საზოგადოებას შეახსენოს, რომ გზაზე თითოეულ გადაწყვეტილებას მნიშვნელობა აქვს.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია. 

1779118560

ვიზიტის მიზანს საქართველოს, როგორც მოცვის ინდუსტრიის სწრაფად განვითარებადი ქვეყნის, საერთაშორისო პოზიციონირების გაძლიერება და გლობალურ ქსელებში ინტეგრაციის ხელშეწყობა წარმოადგენდა.ვიზიტის ფარგლებში მარიო სტეტამ ასოციაციის წევრ კომპანიებთან, სექტორის წარმომადგენლებთან, სოფლის მეურნეობის მინისტრთან და სხვა დაინტერესებულ მხარეებთან გამართა შეხვედრები. მან ასევე მოინახულა მოცვის ფერმები, სანერგეები და ინფრასტრუქტურა, სადაც გაეცნო ქართული მოცვის წარმოების შესაძლებლობებს, ხარისხის მართვის პროცესსა და საექსპორტო პოტენციალს.„საქართველოს ბანკისთვის აგრო სექტორის მხარდაჭერა პრიორიტეტული მიმართულებაა. მოხარულები ვართ, რომ ლურჯი მოცვის მწარმოებელთა ასოციაციასთან თანამშრომლობის ფარგლებში, საერთაშორისო მოცვის ორგანიზაციის თავმჯდომარეს ვუმასპინძლეთ. გვჯერა, რომ მსგავსი ვიზიტები ხელს უწყობს საერთაშორისო გამოცდილებისა და ცოდნის გაზიარებას, ქართული მოცვის საერთაშორისო ცნობადობის ზრდასა და ახალი პარტნიორობების ჩამოყალიბებას, რაც საბოლოოდ ქართული აგრობიზნესის განვითარებასა და კონკურენტუნარიანობის გაძლიერებაზე აისახება. ჩვენ აქ არ ვჩერდებით და მომავალშიც არაერთ საინტერესო ინიციატივას განვახორციელებთ ქართული აგროსექტორის მხარდასაჭერად“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა.

1779117643

თანამშრომლობის ფარგლებში, საზღვარგარეთ სწავლის მსურველებს შესაძლებლობა ექნებათ, დაესწრონ შეხვედრებს, მიიღონ რჩევები აპლიკაციების ეფექტურად შევსებასთან დაკავშირებით და გაზარდონ საკუთარი შანსები, მიიღონ სრული დაფინანსება.ერთ-ერთი ასეთი ინიციატივა საერთაშორისო სასტიპენდიო პროგრამების შესახებ დაგეგმილი ვებინარია, რომელსაც საქართველოს ბანკი 25 მაისს გამართავს.ვებინარზე მონაწილეებს შესაძლებლობა ექნებათ, მიიღონ ინფორმაცია Fulbright-ის, Chevening-ის, Miami Ad School Europe-ისა და UWC-ის საერთაშორისო სასტიპენდიო პროგრამების შესახებ.შეხვედრაზე აღნიშნულ შესაძლებლობებზე ისაუბრებენ და რჩევებს გააზიარებენ: გიორგი ჩავლეიშვილი, განათლების ცენტრ LEAF-ის დამფუძნებელი და ჯულიეტა პაკაცოშვილი, აკადემიური მრჩეველი.ვებინარზე დასწრების მსურველებმა უნდა გაიარონ რეგისტრაცია ბმულზე.ეს საქართველოს ბანკისა და LEAF-ის პარტნიორობის ფარგლებში განხორციელებული ერთ-ერთი ინიციატივაა, რომელიც ახალგაზრდებისთვის საერთაშორისო განათლებაზე ხელმისაწვდომობის გაზრდასა და მათი განვითარების მხარდაჭერას ისახავს მიზნად. ეს ერთობლივი ინიციატივების მხოლოდ ნაწილია, თანამშრომლობის ფარგლებში კიდევ არაერთი აქტივობის განხორციელება იგეგმება.

1779115251

“სუხიშვილები პასუხისმგებლობისა და თავისუფლების სინთეზია. იქ ვისწავლე, რომ ყველაზე დიდი წარმატება საკუთარ თავზე გამარჯვებაა,“ - ამბობს თამრი ხურცილავა, რომლისთვისაც მოცეკვავეობა მხოლოდ პროფესია არასდროს ყოფილა. მისთვის ეს არის შინაგანი რიტმი, დისციპლინა, მუდმივი ძიება და გზა, რომელიც არასდროს ჩერდება.აღნიშნულ ბლოგში გიყვებით თამრი ხურცილავაზე. ადამიანზე, რომელმაც ბავშვობის ოცნება ყოველდღიურ რეალობად აქცია და დღეს იმავე მუხტს უკვე ახალ თაობას გადასცემს.ცეკვა 5 წლის ასაკში დაიწყო. როგორც თავად იხსენებს, ძალიან მალე მისი მიზანი „სუხიშვილებში“ მოხვედრა გახდა. არ აცდენდა რეპეტიციებს, მუდმივად ვითარდებოდა და შეუჩერებლად განაგრძობდა გზას, მანამ სანამ ოცნება რეალობად არ აქცია და სახელმწიფო ანსამბლის წევრი არ გახდა.“უწყვეტმა მოძრაობამ იმ სცენამდე მიმიყვანა, სადაც პირველად სუხიშვილების ცეკვა ვნახე და სადაც ჩემი ბავშვობის ოცნება დაიბადა. ხუთი წლის ვიყავი, როცა დარბაზში შევაბიჯე და მაშინვე ვიგრძენი, რომ რაღაც დიდის ნაწილი გავხდი. ეს იყო კავშირი, რომელიც ჩემში მუდამ არსებობდა. იმ დღეს კი უბრალოდ ფორმა მიიღო,“ - იხსენებს ის.კითხვაზე, რას ნიშნავს მისთვის წარმატება, თამრი გვპასუხობს: ეს არის სიყვარული, რომელსაც ვიღებ მაყურებლისგან, მოსწავლეებისა და გარშემომყოფებისგან. ხოლო წარმატების საიდუმლო კი ორ სიტყვაში ეტევა: დისციპლინა და გულით სურვილი.ბრენდად ქცეული ანსამბლის წევრობა, სიამაყესთან ერთად, კიდევ უფრო დიდ პასუხისმგებლობასთან რომ ასოცირდება ამაზე ყველა თანხმდება. განსაკუთრებით მაშინ, როცა სცენის მიღმაც გცნობენ, და შენს თითოეულ ნაბიჯს განსაკუთრებული ყურადღებით ადევნებენ თვალს.რა გასაკვირია, რომ ჩვენი ბლოგის გმირი, მრავალწლიანი გამოცდილების შემდეგაც კი სცენაზე გასვლის წინ ყოველთვის ნერვიულობს. თუმცა საკმარია როლში შესვლა და შინაგან დაძაბულობას თავისუფლება ანაცვლეს, სადაც ყოველი ილეთი მის შინაგან რიტმს ირეკლავს.დღეს თამრი ხურცილავა საკუთარ გამოცდილებას ახალ თაობას უზიარებს. მისი ენერგიისა და ცეკვისადმი სიყვარულის გადაცემას ცდილობს ბავშვებში, რომლებიც იმ გზას გადიან, რომელსაც 5 წლის თამრი გადიოდა. შესაბამისად, ახლა თავად ცდილობს იყოს შთაგონებისა და მაგალითის წყარო.“მოსწავლეებს სულ ვეუბნები, რომ არასოდეს გაჩერდნენ, გააკეთონ ისე, როგორც გამოსდით. როცა მიზანი და შენი საქმე გიყვარს, ეს უკვე თავისით გაძლევს ძალას და აღარ გაჩერებს,“ - აღნიშნავს თამრიმისთვის ცეკვა ყოველთვის მოძრაობაზე მეტს ნიშნავდა. ეს იყო დისციპლინა, შინაგანი სიმტკიცე და რწმენა, რომ დანებება არასდროს არის გამოსავალი. ამიტომაც ცდილობს, ეს დამოკიდებულება გადასცეს მათ ვინც ამ პროფესიაში პირველ ნაბიჯებს დგამს.“რაც არ უნდა მოხდეს, თავი მაღლა, თვალები მიზანზე და მოძრაობა მხოლოდ წინ“ - ამბობს თამრი და ამ სიტყვებით აერთიანებს ყველაფერს, რაც მისი პროფესიული გზის საფუძველია: შრომას, მიზანს, მუდმივ წინსვლასა და არ გაჩერებას.უფრო მეტისთვის, ნახეთ საქართველოს ბანკის ვიდეო:

1779113508

უცნობი ისტორიები, უნიკალური ფოტოები და პირადი მოგონებები, რომლებიც აქამდე არცერთ საძიებო სისტემასა თუ საარქივო სივრცეში არ მოიპოვებოდა, ნიკოლოზ წულუკიძემ წლების წინ ერთიან შემოქმედებით კონცეფციად შეკრა და მაყურებელს სპექტაკლის სახით წარუდგინა. 5 მაისს რუსთაველის ეროვნულ თეატრში მისულმა საზოგადოებამ კიდევ ერთხელ შეძლო გამორჩეული სპექტაკლის ნახვა, ასევე ამ დღეს გაიმართა ამავე სპექტაკლზე დაფუძნებით შექმნილი წიგნის “ქართული თეატრის ამბავის” პრეზენტაცია.„ქართული თეატრის ისტორია არ არის მხოლოდ წარსული, ეს არის ცოცხალი პროცესი, რომელიც დავიწყებას არ უნდა მიეცეს. სწორედ ამიტომ, დღეს ჩვენ მაყურებელს კიდევ ერთხელ წარვუდგინეთ სპექტაკლი “ქართული თეატრის ამბავი ანუ…”, რომელიც თეატრალურ ამბებს აერთიანებს. ეს არის მულტიმედიური მცდელობა, ხელახლა აღმოვაჩინოთ ჩვენი კულტურული ფესვები. მადლობა ბაზის ბანკს ამ პროექტის გვერდით დგომისთვის. მათი სოციალური პასუხისმგებლობა და კულტურისადმი ერთგულება გვაძლევს საშუალებას, ჯეროვნად დავაფასოთ ჩვენი ისტორია და მივიტანოთ მაყურებლამდე”- განაცხადა ნიკოლოზ წულუკიძემ.“თანამედროვე სამყაროში ბიზნესის როლი მხოლოდ ეკონომიკური საქმიანობით არ შემოიფარგლება. ჩვენ ვზრუნავთ ქვეყნის კულტურულ პროგრესზეც და დიდი პატივია ამ მნიშვნელოვანი პროექტის მხარდაჭერა, რომელიც ერთდროულად აცოცხლებს თეატრალურ ისტორიას და გზას უხსნის ახალ შემოქმედებით ძიებებს. “ქართული თეატრის ამბავი ანუ…” გამორჩეულია თავისი უნიკალური ამბებით, მიხარია, რომ მაყურებელმა კიდევ ერთხელ შეძლო ამ სპექტაკლის სცენაზე ხილვა. ჩვენ კვლავაც გავაგრძელებთ იმ პროექტების მხარდაჭერას, რომლებიც ხელოვნების სფეროს აძლიერებს და ქართული თეატრის ისტორიას აცოცხლებს.“ - განაცხადა ბაზის ბანკის სტრატეგიული კომუნიკაციების და ბრენდინგის დეპარტამენტის უფროსმა, თამარ ხადურმა.

1779112049

მისივე თქმით, საერთაშორისო საფინანსო ინსტიტუტები საქართველოს ეკონომიკური ზრდის პროგნოზებს აუმჯობესებენ, თუმცა მთავრობის შეფასებით, ეკონომიკური ზრდა IMF-ის პროგნოზზე მაღალი იქნება.„ყველა საფინანსო ინსტიტუტმა გაზარდა ჩვენი ეკონომიკური ზრდის პროგნოზი, მათ შორის ბოლოს IMF-მა, სავალუტო ფონდმა 6%-მდე ასწია და ეს ინფორმაცია მალე ალბათ საჯარო გახდება“, - განაცხადა გიორგი კაკაურიძემ.

1779111947