ბიზნესების მხარდასაჭერად, თიბისიმ IFC-სა და CDP-ისთან პარტნიორობა გააფორმა

ბერეკაშვილმა აღნიშნა ისიც, რომ ევროპის ქვეყნებთან შედარებით, საწვავზე ფასების ზრდა საქართველოში მნიშვნელოვნად დაბალია.„ბოლო პერიოდის განმავლობაში ენერგორესურსებზე ფასები მნიშვნელოვნად გაიზარდა, რაც დიდწილად გამოწვეულია საერთაშორისო ფაქტორებით. კერძოდ, ჰორმუზის სრუტეში შექმნილი დაძაბულობით. შესაბამისად, ბოლო ორი თვის განმავლობაში ენერგორესურსებზე ფასებმა მნიშვნელოვნად აიწია და კრიტიკულ ზღვრამდეც არის მისული.ამის გათვალისწინებით მნიშვნელოვანია სექტორთან შეხვედრა. ჩვენთვის გასაგებია ისიც, რომ აღნიშნულ კრიზისამდე საქართველოში რეგიონში ერთ ერთი ყველაზე დაბალი ფასები იყო, განსაკუთრებით ევროპის ქვეყნებთან შედარებით. ფასების ზრდა საქართველოში მნიშვნელოვნად დაბალია, ვიდრე არის ევროპის სხვა ქვეყნებში“, - განაცხადა ბერეკაშვილმა პარლამენტის დროებითი კომისიის სხდომის დაწყებისას.

1777540965

როგორც ეკონომისტი აღნიშნავს,  ექსპორტის წინმსწრებმა ზრდამ იმპორტის ზრდასთან შედარებით და ექსპორტით იმპორტის გადაფარვის გაუმჯობესებამ ასახვა ჰპოვა იმ ქვეყანათა რაოდენობის ზრდაში, რომლებთანაც საქართველოს დადებითი სავაჭრო ბალანსი აქვს. - მათი რაოდენობა გასულ წელთან შედარებით ცხრით გაიზარდა და 49-ს მიაღწია.არჩვაძის შეფასებით, მსოფლიოში მაღალი ვოლატილობის ფონზე საქართველოს ეკონომიკის დინამიზმი, ექსპორტის წინმსწრები ზრდა, სავალუტო რეზერვების დინამიური მატება და მიღწეული შედეგები არა მხოლოდ ქვეყნის მდგრადობას, არამედ საქართველოს გეოპოლიტიკური როლისა და მნიშვნელობის მკვეთრ ზრდას ადასტურებს.„2026 წლის მარტში, გლობალური ეკონომიკური შოკებისა და დაძაბულობის მიუხედავად,  საქართველოს ეკონომიკა განაგრძობდა დინამიურ განვითარებას, რის შედეგადაც ეკონომიკურმა ზრდამ  წინა წლის მარტთან 10.7 პროცენტი შეადგინა (მთლიანად პირველ კვარტალში: +9.1%). ეს საუკეთესო მაჩვენებელია ბოლო 14 თვის მანძილზე.  ზრდის აღნიშნული ტემპი თითქმის 3.5-ჯერ და მეტად  აღემატება გლობალური ეკონომიკის 2026 წლის საპროგნოზო მაჩვენებელს (სპარსეთის ყურეში დაწყებული საომარი მოქმედებების დაწყების შემდეგ: +3.1%, ნაცვლად ადრინდელი +3.3%-სა).რეალურ გამოხატულებაში, 2026 წლის მარტში საქართველოს ეკონომიკის მასშტაბი პანდემიამდელ, 2019 წლის დონეს თითქმის 1.6-ჯერ (+57.4%) აღემატებოდა, რაც ანალოგიურ გლობალურ მაჩვენებელს (+22.7%) 2.5-ჯერ უსწრებს.მარტში ინფლაციამ წინა თვესთან 0.8 პროცენტი, ხოლო წლიურ განზომილებაში (- 2025 წლის მარტთან) - 4.3 პროცენტი შეადგინა. წინა, თებერვლის თვესთან შედარებით, ერთი თვის ინფლაციის მაჩვენებელი გაიზარდა 0.6 პუნქტით, ხოლო წლიური ინფლაცია შემცირდა 0.5 პუნქტით. ინფლაცია წლიურ ინფლაციაში მთავარი „წვლილი“ შეიტანა სურსათის (+7.5%) გაძვირებამ, რომელზეც მოვიდა ინფლაციური მატების თითქმის 60 პროცენტი.  ინფლაციის წლიურ „ყულაბაში“ ინფლაციის 11.4 პროცენტით თავისი წვლილი შეიტანა საწვავის გაძვირებამაც. (ცნობისათვის: წლიურმა ინფლაციამ მარტში  შეადგინა: აშშ-ში- 3.3%, EU27-ში  – 2.8%).2026 წლის მარტში ნარჩუნდებოდა ექსპორტის წინმსწრები - თითქმის 5.5-ჯერ უფრო სწრაფი - ზრდა იმპორტის ზრდასთან შედარებით  (მატება: 24.0% vs. 4.4%; აბსოლუტური მოცულობა: $697.0 მლნ. ვს. $1587.4 მლნ.; მთლიანი ბრუნვა: +6.8%). საგარეო სავაჭრო ბრუნვის წლიური მატების 2/3 2026 წლის მარტში მოდიოდა ექსპორტის და 1/3 - იმპორტის მატებაზე ($134.8 მლნ. vs. $67.3 მლნ.).განსაკუთრებით შთამბეჭდავია ადგილობრივი ექსპორტის ზრდა, რომელმაც გასული წლის მარტის მაჩვენებელს 82.9 პროცენტით გადააჭარბა და რეკორდულად მაღალი, 463.1 მლნ. აშშ დოლარი შეადგინა. ბოლო ხუთი თვეა, რაც ადგილობრივი ექსპორტის წლიური მატების საშუალო ტემპი 60 პროცენტს აღემატება.  ამჟამად მთელი ექსპორტის 2/3 (66.4%) ადგილობრივ ექსპორტზე მოდის, რაც გასული წლის ანალოგიურ მაჩვენებელს 21.4 პუნქტით აღემატება. ადგილობრივი ექსპორტის მატების ტემპი თითქმის 5-ჯერ აღემატებოდა სამამულო პროდუქტის ნომინალურ ზრდას, რაც ცალსახად ადასტურებს საქართველოს ეკონომიკური პოტენციალისა და საერთაშორისო ექსპანსიისა და კონკურენტუნარიანობის არსებით გაუმჯობესებას.მარტში, წინა წლის მარტთან შედარებით, საგარეო სავაჭრო ბრუნვის მატების 65.1 პროცენტი ექსპორტის მატებაზე მოდიოდა,  რაც მთლიანად ადგილობრივი ექსპორტის დამსახურებაა.საექსპორტო ექსპანსია განსაკუთრებით თვალშისაცემია  ეროვნული ვალუტის გამყარების პირობებში. - ლარის კურსი აშშ დოლართან 2026 წლის მარტში წინა წლის მარტთან შედარებით გამყარდა 2.2 პროცენტით.მარტში ექსპორტით იმპორტის გადაფარვამ 43.8 პროცენტი შეადგინა, რაც წინა წლის ანალოგიურ მაჩვენებელზე 6.8 პუნქტით მაღალია. ექსპორტის წინმსწრებმა ზრდამ იმპორტის ზრდასთან შედარებით და ექსპორტით იმპორტის გადაფარვის გაუმჯობესებამ ასახვა ჰპოვა იმ ქვეყანათა რაოდენობის ზრდაში, რომლებთანაც საქართველოს დადებითი სავაჭრო ბალანსი აქვს. - მათი რაოდენობა გასულ წელთან შედარებით ცხრით გაიზარდა და 49-ს მიაღწია. საქართველოს საგარეო სავაჭრო ბრუნვაში პირველ სამ ადგილს იკავებენ თურქეთი, რუსეთი და ჩინეთი. - მათზე მოდის საგარეო სავაჭრო ბრუნვის 38.1 პროცენტი და ადგილობრივი ექსპორტის 41.5 პროცენტი. ამასთან, ამ „დიდ სამეულზე“ მოდის ექსპორტის მატების თითქმის 3/5 (58.9%). გასულ წელთან შედარებით ამ ქვეყნებში საქართველოს ადგილობრივი ექსპორტი თითქმის გაორმაგდა (+97.3%) და პირველ კვარტალში 466.4 მლნ. აშშ დოლარი შეადგინა. აღსანიშნავია, რომ „დიდ სამეულთან“ მთლიანი ექსპორტის 94.7 პროცენტი ადგილობრივ ექსპორტზე მოდის.2026 წლის მარტში რუსეთის წილად მოდიოდა  საქართველოს საგარეო სავაჭრო ბრუნვის 13.8 პროცენტი, მათ შორის ექსპორტის 7.7 პროცენტი და იმპორტის 16.5 პროცენტი.  რუსეთის წილად მოდიოდა საქართველოში იმპორტირებული ნედლი ნავთობის 100 პროცენტი, ხორბლისა და მესლინის იმპორტის 87.9 პროცენტი და ნავთობისა და ნავთობპროდუქტების იმპორტის 34.7 პროცენტი.მიუხედავად იმისა, რომ 2026 წელს მნიშვნელოვნად შემცირდა მსუბუქი ავტომობილების როგორც იმპორტი (- 26.1%), ისე ექსპორტი (-27.2%), მთლიან ექსპორტში 21.1-პროცენტიანი წილით ისინი მაინც ინარჩუნებენ ლიდერ პოზიციას. ამასთან, საქართველოში შემოყვანილი მსუბუქი ავტომობილების თითქმის 3/5 (57.7%) განკუთვნილია მათი შემდგომი გაყვანისათვის სხვა ქვეყნებში (რეექსპორტი).2026 წლის მარტში უცხოეთიდან საქართველოში განხორციელებულმა ფულადმა ტრანზაქციებმა 320.6 მლნ. აშშ დოლარი (+9.8%), ხოლო წმინდა ტრანზაქციებმა – 282.9 მლნ აშშ დოლარი (+9.3%) შეადგინა. შემოსული ტრანზაქციების 73.8 პროცენტი ექვს ქვეყანაზე მოდიოდა (აშშ, იტალია, რუსეთის ფედერაცია, გერმანია, საბერძნეთი და ისრაელი), სადაც ქართული შრომითი ემიგრაცია ყველაზე მრავალრიცხოვანია. აშშ-დან შემოსული ტრანზაქციები (61.0 მლნ. აშშ დოლარი)  თითქმის 1.6-ჯერ (59.7%-ით) აღემატება რუსეთის ფედერაციიდან შემოსულ ტრანზაქციებს. ამასთან, საქართველოში შემოსული ტრანზაქციების მოცულობა დასახელებული ექვსეულიდან დასავლეთის ხუთი ქვეყნის მიხედვით 5.2-ჯერ აღემატება რუსეთიდან შემოსულ თანხებს (2025 წ. მარტში - 4.6-ჯერ). ერთ წელიწადში საქართველოში შემოსული ტრანზაქციების მოცულობაში რუსეთის წილი  შემცირდა 13.0 პროცენტული პუნქტიდან 11.9 პროცენტამდე, აშშ-სა კი, პირიქით, გაიზარდა - 18.4 პროცენტიდან 19.0 პროცენტამდე.ეკონომიკის მაღალი დინამიზმი, ექსპორტის, შემოსული ფულადი გზავნილების და ეროვნული ვალუტის კურსის ზრდა პოზიტიურად აისახება ქვეყნის ფინანსურ და ფულად-საკრედიტო სისტემაზე. ეროვნული ბანკის საერთაშორისო რეზერვების ზრდამ მარტში წლიურად (+46.5%) თითქმის სამჯერ გადააჭარბა ეკონომიკის ნომინალურ ზრდას და 6.3 მლრდ აშშ დოლარი შეადგინა, რაც მიმდინარე წლის იმპორტის საშუალო თვიურ  მაჩვენებელს 4.6-ჯერ აღემატება.მსოფლიოში მაღალი ვოლატილობის ფონზე საქართველოს ეკონომიკის დინამიზმი,  ექსპორტის წინმსწრები ზრდა იმპორტის ზრდასთან შედარებით, სავალუტო რეზერვების დინამიური მატება,  მიღწეული შედეგები და გატარებული ღონისძიებები ადასტურებს არა მარტო საქართველოს ეკონომიკისა და სახელმწიფო ინსტიტუტების მდგრადობას და შემდგომი დინამიური ზრდის მასშტაბურ პოტენციალს, არამედ მკვეთრად აუმჯობესებს საქართველოს გეოპოლიტიკურ როლსა და მნიშვნელობას გლობალური ეკონომიკის შეუფერხებელი ფუნქციონირებისათვის ესოდენ საჭირო საკომუნიკაციო უზრუნველყოფის მხრივ.“ - წერს არჩვაძე.

1777540152

როგორც გადაცემა Business Insider Georgia-ში მინისტრის მოადგილემ განმარტა, ჩინეთში კერძო სექტორის მიმართულებით გამართულ შეხვედრებზე განსაკუთრებული ყურადღება დაეთმო ავტოინდუსტრიას.„კერძო სექტორთან შეხვედრებზე საუბრისას აუცილებელია აღვნიშნოთ ის მნიშვნელოვანი მოლაპარაკებები, რომლებიც ავტოინდუსტრიის წარმომადგენლებთან გავმართეთ. ჩინური ელექტრომობილები დღეს მოწინავე პოზიციებს იკავებს არა მხოლოდ ადგილობრივ, არამედ საერთაშორისო, მათ შორის ევროპულ ბაზარზეც. ამ კონტექსტში შეხვედრები გაიმართა ისეთ კომპანიებთან, როგორიცაა Xiaomi და BAIC. ორივე მათგანი ინდუსტრიის ფლაგმანია და მათ მნიშვნელოვანი წვლილი შეიტანეს ელექტრომობილების განვითარებისა და წარმოების საქმეში“, - აღნიშნა გენადი არველაძემ.მისივე თქმით, ქართულმა მხარემ მათ კონკრეტული შეთავაზებები გაუკეთა.„ამ მიმართულებით ჩვენ წარვადგინეთ კონკრეტული შეთავაზებები იმის შესახებ, თუ რამდენად მიმზიდველია საქართველო წარმოების გადმოსატანად. ხაზი გაესვა თავისუფალი ვაჭრობის შეთანხმებებს, რომლებიც ინვესტორებს საერთაშორისო ბაზრებზე წვდომას უადვილებს. ასევე, ყურადღება გავამახვილეთ ხელსაყრელ ბიზნესგარემოსა და ლიბერალურ საგადასახადო რეჟიმზე, რაც საერთაშორისო ინვესტორებისთვის საგადასახადო წნეხს მნიშვნელოვნად ამცირებს. ჩინური მხარისთვის განსაკუთრებით საინტერესო აღმოჩნდა ის უპირატესობები, რომლებსაც საქართველოში წარმოებული პროდუქცია ევროპულ ბაზარზე მიიღებს.  მათ გამოხატეს ინტერესი, რომლის საფუძველზეც საკითხის დეტალურ შესწავლას გააგრძელებენ. ბუნებრივია, მსგავსი მასშტაბური გადაწყვეტილებები ერთ დღეში არ მიიღება. მნიშვნელოვანია, რომ შეხვედრაზე დაისვა კონკრეტული კითხვები, რომლებზეც ამომწურავი პასუხები გავეცით. თანამშრომლობა სამუშაო რეჟიმში გაგრძელდება და დარწმუნებულები ვართ, რომ საქართველოში ჩინური ავტოინდუსტრიული კომპანიების მოსაზიდად დიდ ინტერესს შევქმნით“, - აღნიშნა მინისტრის მოადგილემ.

1777540019

ღონისძიების ძირითადი მიზანი წევრ სახელმწიფოებში დამკვირვებლების წინაშე არსებული მუდმივი და ახალი გამოწვევების შეფასება,  დამკვირვებლების უფლებების  დაცვის კუთხით არსებული სამართლებრივი ინსტრუმენტების ეფექტურობისა და შეზღუდვების შესწავლა, შემდგომი ქმედებების შესაძლო გზების განხილვა და ევროპის საბჭოს სავალდებულო ინსტრუმენტის პოტენციური დამატებითი ღირებულების, მასშტაბისა და მიზანშეწონილობის შესახებ ინფორმირებული დიალოგის წარმოებაში წვლილის შეტანა იყო.ცენტრალური საარჩევნო კომისიის თავმჯდომარე გიორგი კალანდარიშვილმა დებატების ფორმატში საქართველოს საარჩევნო ადმინისტრაციის გამოცდილებაზე, ინკლუზიურ საარჩევნო გარემოსა და ზოგადად არჩევნების სანდოობისა და გამჭვირვალობის მიმართულებით განხორციელებულ საქმიანობებზე ისაუბრა.„ერთობლივი დებატები არის შესაძლებლობა, რომ ორგანიზატორებმა პირადად ჩვენგან მიიღონ ობიექტური და გადამოწმებული ინფორმაცია ყველა იმ აქტუალურ საკითხზე, რომლის ირგვლივაც შეიძლება არსებობდეს გარკვეული წუხილები და რომელმაც შესაძლოა მნიშვნელოვანი როლი შეასრულოს საზოგადოებრივი აზრის ჩამოყალიბებაში. ჩემს გამოსვლაში ვისაუბრე საერთაშორისო და ადგილობრივი სადამკვირვებლო ორგანიზაციების როლზე და უშუალოდ დაკვირვების პროცესში ობიექტურობის და მიუკერძოებლობის მნიშვნელობაზე.მნიშვნელოვანია, რომ არჩევნების შესახებ მომზადებული ანგარიშები და შეფასებები ეფუძნებოდეს რეალურ ფაქტებს და მტკიცებულებებს და არ გამომდინარეობდეს  არჩევნების პოლიტიკური შედეგებიდან.ამასთან, დისკუსიის ფარგლებში ხაზგასმით აღინიშნა, რამდენად მნიშვნელოვანია საერთაშორისო სადამკვირვებლო ორგანიზაციების, მაგალითად ისეთების როგორიცაა ეუთო/ოდირი, დასკვნების პატივისცემა და მათი რეკომენდაციების გაზიარება ყველა ჩართული მხარის მიერ, რადგან ამ დასკვნების აღიარების გარეშე ფაქტობრივად აზრს კარგავს დაკვირვების პროცესის მნიშვნელობაც“, - განაცხადა ცესკოს თავმჯდომარე გიორგი კალანდარიშვილმა.დებატების დროს მნიშვნელოვანი ყურადღება გამახვილდა ადგილობრივი და საერთაშორისო დამკვირვებლების, როგორც არჩევნებში ჩართული მხარეების როლზე. დაკვირვების სამართლებრივ ჩარჩოებზე, მათ შორის გარანტიებზე, ხარვეზებზე, კარგ პრაქტიკასა და გამოწვევებზე. მხარეებმა ასევე განიხილეს არჩევნების მთლიანობისა და საზოგადოების ნდობის გაძლიერების მიმართულებით განსახორციელებელი ერთობლივი მოქმედების სტრატეგია და შემდგომი ნაბიჯები.ერთობლივი დებატები 28-29 აპრილს საფრანგეთის დედაქალაქ პარიზში გაიმართა.

1777539810

SIST-ის პირველი კამპუსი დადიანის ქუჩაზე მდებარეობს და სასწავლო პროცესს 2026 წლის სექტემბრიდან დაიწყებს. კამპუსი 4,300 კვ.მ ფართობზეა განთავსებული და 600 მოსწავლეზეა გათვლილი. სკოლა აერთიანებს თანამედროვე ლაბორატორიებს, ბიბლიოთეკასა და სპორტულ დარბაზს.SIST განსაკუთრებულ ყურადღებას პრაქტიკული და თანამედროვე უნარების განვითარებას უთმობს. STEM მიმართულებების (მეცნიერება, ტექნოლოგიები, ინჟინერია და მათემატიკა) ინტეგრირებული სწავლება, მცირე ზომის კლასები და თითო კლასში ორი მასწავლებელი ინდივიდუალურ მიდგომას უზრუნველყოფს. სწავლება მრავალენოვანია და მოიცავს ინგლისურ, ფრანგულ, გერმანულ და იტალიურ ენებს.სკოლაში 50-მდე გამოცდილი პროფესიონალი მუშაობს. შვეიცარიის წამყვან საგანმანათლებლო ცენტრებთან თანამშრომლობის ფარგლებში აკადემიური გუნდი კვალიფიკაციის ამაღლების პროგრამაშია ჩართული. ხოლო ადმინისტრაციულ გუნდს მენეჯმენტის მიმართულებით მიღებული აქვს განათლება მსოფლიოს ისეთ წამყვან უნივერსიტეტებში, როგორებიცაა: University College London და Harvard Business School.მომდევნო ეტაპზე სკოლა ქსელის გაფართოებასა და დამატებითი კამპუსების გახსნას გეგმავს.თიბისი SIST-ის დამფუძნებელ ჯგუფთან 2021 წლიდან თანამშრომლობს და ამ პერიოდში არაერთი პროექტი აქვს დაფინანსებული - როგორც კომერციული უძრავი ქონების, ისე პროფესიული განათლების მიმართულებით. სკოლის გახსნა ამ პარტნიორობის კიდევ ერთი, ახალი ეტაპია.განათლების მხარდაჭერა თიბისისთვის ერთ-ერთი უმნიშვნელოვანესი პრიორიტეტია. ბოლო სამ წელში ბანკის პორტფელი ამ მიმართულებით გაორმაგდა და 190 მილიონამდე ლარს შეადგენს. მსგავსი პროექტების ხელშეწყობით, თიბისი ხელს უწყობს საქართველოში თანამედროვე სწავლების მეთოდების დანერგვას და ახალგაზრდებისთვის საერთაშორისო სტანდარტების შესაბამისი განათლების ხელმისაწვდომობას.

1777537174

საქსტატის თანახმად, მარტში საქართველოს კერძო სექტორის, ანუ დღგ-ის გადამხდელი კომპანიების ბრუნვამ 15.6 მილიარდი ლარი შეადგინა, რაც წინა წლის ანალოგიურ პერიოდთან შედარებით 13.4%-ით მეტი იყო. საქსტატის თანახმად, ეკონომიკური ზრდა შეეხო ფაქტობრივად ყველა სექტორს გარდა სასტუმროებისა და ტურიზმის და ადმინისტრაციული და დამხმარე მომსახურების სექტორებისა."2026 წლის მარტში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, ინფორმაცია და კომუნიკაცია, პროფესიული, სამეცნიერო და ტექნიკური საქმიანობები, სამთომოპოვებითი მრეწველობა, მშენებლობა, ტრანსპორტი და დასაწყობება. კლების ტენდენცია დაფიქსირდა ადმინისტრაციული და დამხმარე მომსახურების, ასევე სასტუმროებისა და რესტორნების სექტორში,"- ნათქვამია საქსტატის ანგარიშში.

1777536400