ლაშა ხუციშვილი საქართველოში გერმანიის ელჩს, ბარბარა ფოსს შეხვდა

შეხვედრის ფარგლებში, ირაკლი ლექვინაძე კონკურენციისა და მომხმარებლის უფლებების დაცვის საკითხებზე პრეზენტაციას გაუძღვა. მან ახალგაზრდებს გააცნო კონკურენციის პოლიტიკის ძირითადი პრინციპები, კონკურენციის შემზღუდველი პრაქტიკების გამოვლენისა და მათ წინააღმდეგ ბრძოლის მექანიზმები. სააგენტოს თავმჯდომარემ განუმარტა, თუ რა გავლენა აქვს კონკურენციას მათ ყოველდღიურ ცხოვრებაზე, კერძოდ, როგორ უწყობს კონკურენტული გარემო ხელს მომხმარებლისთვის უკეთესი ფასის, ხარისხისა და არჩევანის შეთავაზებას.შეხვედრის ერთ-ერთ მნიშვნელოვან მიმართულებას მომხმარებელთა უფლებები წარმოადგენდა. მონაწილეებმა დეტალური ინფორმაცია მიიღეს დისტანციურად, მათ შორის, ონლაინ შეძენილი საქონლის დაბრუნების 14-დღიანი უპირობო უფლებისა და კანონით გათვალისწინებული ორწლიანი სამართლებრივი გარანტიის შესახებ. განიხილეს ის პრაქტიკული მაგალითები, რომელთა ცოდნა მომხმარებლებს საკუთარი უფლებების დაცვასა და ინფორმირებული გადაწყვეტილებების მიღებაში ეხმარება.ირაკლი ლექვინაძემ ახალგაზრდებს გააცნო პორტალი ekalata.gov.ge, რომელიც სხვადასხვა სავაჭრო ქსელში ფასების შედარებისა და ინფორმირებული არჩევანის გაკეთების შესაძლებლობას იძლევა. თავმჯდომარემ ახალგაზრდებს დეტალური ინფორმაცია მიაწოდა სააგენტოს საგანმანათლებლო ელექტრონული რესურსების, კონკურენციის ონლაინ ლექსიკონისა და მათი გამოყენების შესახებ, რაც მათ ყოველდღიურ ცხოვრებაში მომხმარებლის უფლებების დაცვასა და ინფორმირებული არჩევანის გაკეთებაში დაეხმარება.შეხვედრები მიზნად ისახავს კონკურენციისა და მომხმარებელთა უფლებების შესახებ ახალგაზრდების ინფორმირებულობისა და ცნობიერების გაზრდის ხელშეწყობას. ადიგენში გამართული შეხვედრა ახალგაზრდობის სააგენტოსთან გაფორმებული მემორანდუმის ფარგლებში განხორციელდა. ინიციატივა ქვეყნის სხვადასხვა მუნიციპალიტეტში საგანმანათლებლო შეხვედრების ჩატარებას ითვალისწინებს.

1792758916

Capital Square 22-სართულიანი პრემიუმ კლასის კომპლექსია, რომელიც გმირთა მოედნიდან 2 წუთის სავალზე მდებარეობს. ტერიტორიაზე განთავსდება მაღალი კლასის საცხოვრებელი აპარტამენტები ლობითა და კონსიერჟის მომსახურებით, A კლასის ბიზნესცენტრი, კომერციული ფართები, დახურული საცურაო აუზი და ფიტნესდარბაზი.კომპლექსში ტერიტორიის ნახევარზე მეტი რეკრეაციულ სივრცეებს დაეთმობა, სადაც შენარჩუნდება მრავალწლოვანი ხე-მცენარეები,  მოეწყობა დაცული და ავტომობილებისგან თავისუფალი ეზო, საბავშვო და მოსასვენებელი სივრცეები.პროექტს 13-წლიანი გამოცდილების მქონე დეველოპერული კომპანია “საბურთალო ფიჭვები” განახორციელებს.„თიბისისთვის მნიშვნელოვანია თანამედროვე სტანდარტების, ენერგოეფექტური და მწვანე პროექტების მხარდაჭერა, რომლებიც ქალაქის განვითარებასთან ერთად ცხოვრების ხარისხის გაუმჯობესებასაც ემსახურება. Capital Square სწორედ ამ მიდგომას იზიარებს და მოხარული ვართ, რომ კომპანიასთან ეს ჩვენი პირველი თანამშრომლობაა. მსგავსი ინიციატივების მხარდაჭერით, წლებია, პარტნიორებთან ერთად ხელს ვუწყობთ უძრავი ქონების სფეროს განვითარებას და 42%-იანი წილით სექტორის წამყვანი დამფინანსებლები ვართ”, - გიორგი კურცხალია, თიბისის კორპორატიული საბანკო ბიზნესის მართვის დეპარტამენტის უფროსი კორპორატიული ბანკირი.„Capital Square-ის იდეა მხოლოდ თანამედროვე საცხოვრებელი კომპლექსის შექმნას არ გულისხმობს. ჩვენ ვქმნით გარემოს, რომელიც ადამიანებს მომავლის ხარისხს  აწმყოში შესთავაზებს. კაპიტალ სქვერში საცხოვრებელი, სამუშაო და დასვენებისთვის განკუთვნილი სივრცეები მწვანე არქიტექტურასთან  ჰარმონიულად ერთიანდება.  Capital Square თბილისის გულში, გმირთა მოედანთან, აკადემ ქალაქის ტერიტორიაზე მდებარეობს. უნიკალური ლოკაცია შესაძლებლობას იძლევა, იცხოვროთ თბილისის ცენტრის მშვიდ და მწვანე ნაწილში და ამავდროულად, იყოთ ქალაქის დინამიური ცხოვრების ეპიცენტრში, სტრატეგიულ ლოკაციებსა და ბიზნესცენტრებთან სულ რამდენიმე წუთის სავალზე.მოხარულები ვართ, რომ პროექტის ფინანსური პარტნიორი თიბისი ბანკია.  ჩვენთვის ეს პარტნიორობა არა მხოლოდ ფინანსური მხარდაჭერის, არამედ პროექტის ხარისხისა და განვითარების მიმართ ნდობის მნიშვნელოვანი გამოხატულებაა’’, -  ბათია ჯანაძე, ,,კაპიტალ სქვერის’’ დამფუძნებელი.

1792758800

მეტიც, რამდენიმე წლის წინ, ანაკომ რომ მითხრა გათხოვებას ვაპირებო, ძალიან გამიკვირდა, - რა დროს შენი გათხოვებაა შვილო, ჯერ პატარა ხარ-მეთქი და თვითონ უფრო გაკვირვებულმა მითხრა, - მამი უკვე დიდი ვარ, უკვე გავიზარდე და უკვე ოცდაერთი წლის გავხდიო.ოცდაერთი წლის ქალს, მე რომ გათხოვებას ვერ დავუშლიდი, კი მივხვდი და ანა-მარიამს "ვეფხისტყაოსანიც" გავატანეთ მზითევში და მერე თამარ მერლანიც დაიბადა. პატარა თამარს რომ ჩვენთან მოიყვანდნენ ხოლმე კვირაობით და უზომო სიხარულით ვაღებდი კარს, საბოლოოდ ვრწმუნდებოდი, რომ მე თვითონ უკვე აღარ ვიყავი პატარა. თუმცა, არც მერე, უკვე ლაპარაკი რომ დაიწყო, თამარს არასოდეს მოუმართავს ჩვენთვის როგორც ბებიასა და ბაბუასთვის და ყოველთვის პირდაპირ სახელებით მოგვმართავდა. რასაკვირველია ჩემთვის, როგორც ქართლელისთვის, ისედაც უცნაურად ჟღერს სიტყვა ბაბუა და როგორც რუსთაველი ამბობს, სინამდვილეში პაპა ვარ, მაგრამ მთავარი ამ შემთხვევაში, მაინც ფუნქციაა, რომელსაც კარგად ვერ ვასრულებ და არც კარგი პაპა ვარ და არც კარგი ბაბუა. ჩვენი სტერეოტიპული წარმოდგენებიც იმ ურთიერთობებზე, რაც ბაბუასა და შვილიშვილებს შორის წიგნებში თუ ფილმებში არსებობდა, მგონი ისედაც აღარ არსებობს, რადგან თამარ მერლანის თაობა, უკვე სულ სხვა თაობაა. საქართველოშიც და საერთოდ სამყაროშიც, მართლა სულ სხვა თაობა გაჩნდა ბევრი მიზეზის გამო და ერთ-ერთი მთავარი კი - უსასრულო ტექნოლოგიური ცვლილებებია.სამყარო ისე შეიცვალა, რომ ჩვენც სხვა გზები უნდა ვეძებოთ ჩვენი შვილებისა და შვილიშვილების გასაცნობად, მათთან ურთიერთობისა და მეგობრობის შესანარჩუნებლად და რაც ყველაზე მნიშვნელოვანია, ჩვენ უნდა შევძლოთ მათი გაგება.როცა დედებს ან ბებიებს, დილიდანვე აქვთ თავები ჩარგული ეგრეთ წოდებულ გაჯეტებში, შვილიშვილებსაც ძალიან აინტერესებთ რას "სქროლავენ" უფროსები ასე გამწარებულები, მაგრამ მე მაინც იმედი მაქვს, რომ მათი ცხოვრების ყველაზე კეთილი თანამგზავრი, მაინც წიგნი იქნება.ამასწინათ მივადექი კიდეც თამარ მერლანს იმ წიგნით ხელში, რომელიც საბავშვო მწერალმა კრისტინ როშიფტემ შექმნა და ქართულად უკვე თარგმნეს და გამოსცეს კიდეც (ისევე როგორც უამრავ ქვეყანაში), მაგრამ მთავარი მაინც ქართულად გამოცემაა, რადგან თანამედროვე ნორვეგიელი ავტორი იმის ახსნას ცდილობს პატარა მკითხველებისთვის, რასაც დიდებს გვასწავლიდა შოთა რუსთაველი ჯერ კიდევ მეთორმეტე საუკუნეში.წიგნს ჰქვია "მოდი, ერთად დავითვალოთ" და აბა ჯერ კიდევ როდის ეწერა "ვეფხისტყაოსანში," რომ სამყაროში უთვალავი ფერია და ეს არის კიდეც ამ სამყაროს მთავარი ხიბლი და უპირატესობა. ჯერ კიდევ როდის გვითხრა რუსთაველმა რომ სამყაროს მთავარი საგანძური, არის ერთი, კონკრეტული ადამიანი და ადამიანი უნდა იყოს კიდეც ადამიანისთვის ყველაზე მთავარი ღირებულება.იმედია ჩვენი შვილიშვილებისთვისაც, ყველაზე რთულ და გამოწვევებით სავსე დროში, სიყვარული იქნება მათი ცხოვრების გზაც და ხიდიც, როგორც ამას "ვეფხისტყაოსანი" გვკარნახობდა.და იმედია, სადაც ბევრი წიგნი და სიყვარული იქნება, იქნება ბედნიერებაც და თავისუფლებაც...

1792757826

ფინანსთა სამინისტროს ცნობით, გაცნობითი ხასიათის შეხვედრაზე განხილულ იქნა ორ ქვეყანას შორის ურთიერთობის საკითხები და სხვადასხვა სექტორში მიმდინარე თანამშრომლობის პროექტები.ამასთან, უწყების ცნობით, საუბარი შეეხო რეგიონში არსებული გამოწვევების ფონზე, ქვეყნის მაკროეკონომიკურ ვითარებას, საშუალოვადიან პროგნოზებს, დაკავშირებადობისა და სხვა საინვესტიციო პროექტების მიმართულებით საქართველოს გეგმებს.შეხვედრას დაესწრნენ ფინანსთა მინისტრის მოადგილე ეკატერინე გუნცაძე და გერმანიის საელჩოს განვითარების სფეროში თანამშრომლობის განყოფილების უფროსი ანა-მარია შნაიდერი.

1792755337

„როგორც წესი, ფინანსურ პროდუქტებში ინვესტირებასთან დაკავშირებული საშუამავლო საქმიანობა მოითხოვს შესაბამისი მარეგულირებელი ორგანოს მიერ გაცემულ საქმიანობის ლიცენზიას. აღნიშნული ნებართვის გარეშე პირის საშუამავლო საქმიანობა შეიძლება წარმოადგენდეს საქართველოს კანონმდებლობით გათვალისწინებულ სისხლის სამართლის დანაშაულს, კერძოდ, უკანონო სამეწარმეო საქმიანობას.აღსანიშნავია, რომ ფინანსურ პროდუქტებს განეკუთვნება არა მხოლოდ ტრადიციული ფინანსური ინსტრუმენტები, როგორებიცაა აქციები, ობლიგაციები და სხვა, მათ შორის, ტოკენიზებული ფორმით არსებული ფასიანი ქაღალდები, არამედ უფრო კომპლექსური ინსტრუმენტებიც ფინანსური დერივატივების სახით, როგორიცაა ფინანსური კონტრაქტები ფასთა შორის სხვაობაზე (CFD) და ბინარული ოფციონები.ფინანსური კონტრაქტი ფასთა შორის სხვაობაზე (CFD) წარმოადგენს ისეთ კონტრაქტს, რომლის საფუძველზე ინვესტორი თანხმდება სამომავლოდ მიიღოს ან გადაიხადოს შესაბამისი საბაზისო აქტივის ან საბაზისო მაჩვენებლის საწყის (CFD პოზიციის გახსნისას დაფიქსირებულ) და სამომავლო (CFD პოზიციის დახურვისას დაფიქსირებულ) ფასებს/დონეებს შორის სხვაობა. CFD-ის საბაზისო აქტივი შეიძლება იყოს, მათ შორის, ფასიანი ქაღალდი, ვალუტა, საქონელი (მაგ., ძვირფასი მეტალი), ვირტუალური აქტივი (მათ შორის „კრიპტო ვალუტა“), ხოლო საბაზისო მაჩვენებელი - საპროცენტო განაკვეთი, გაცვლითი კურსი, ინდექსი და სხვა. ამასთან, კონტრაქტის კომერციული სახელწოდება არ არის გადამწყვეტი ფასთა შორის სხვაობის კონტრაქტად მისი მიჩნევისათვის. მაგალითად, ბოლო პერიოდში გავრცელებული ე. წ. ‘Perpetual futures’/‘perpetual contract’-ები აგრეთვე შეიძლება წარმოადგენდეს მათი მახასიათებლების მიხედვით CFD-ს.რაც შეეხება ბინარულ ოფციონს, იგი ისეთი სახის კონტრაქტია, რომლის მიხედვითაც ინვესტორი ფულად თანხას მიიღებს ან გადაიხდის იმის მიხედვით, დადგება თუ არა კონტრაქტის ვადის ამოწურვის მომენტისთვის ან ვადის ამოწურვამდე საბაზისო აქტივის ფასთან ან საბაზისო მაჩვენებელთან დაკავშირებული რომელიმე წინასწარ განსაზღვრული მოვლენა. ბინარული ოფციონის საბაზისო აქტივი CFD-ის მსგავსად შეიძლება იყოს, მათ შორის, ფასიანი ქაღალდი, ვალუტა, საქონელი (მაგ., ძვირფასი მეტალი), ვირტუალური აქტივი (მათ შორის „კრიპტო ვალუტა“), ხოლო საბაზისო მაჩვენებელი - საპროცენტო განაკვეთი, გაცვლითი კურსი, ინდექსი, ინფლაცია და სხვა. ამ შემთხვევაშიც, კონტრაქტის კომერციული სახელწოდება არ არის გადამწყვეტი ბინარულ ოფციონად მისი მიჩნევისათვის. ამ თვალსაზრისით, უნდა აღინიშნოს, რომ ბოლო პერიოდში გავრცელდა ე.წ. „Prediction Market“-ები, რომლებიც პოტენციურ ინვესტორს კონკრეტული მოვლენის დადგომასთან დაკავშირებით ვაჭრობის შესაძლებლობას (ე. წ. ‘event contract’) სთავაზობენ. პოტენციურმა ინვესტორებმა განსაკუთრებული სიფრთხილე უნდა გამოიჩინონ, როცა შესაბამისი მოვლენა რომელიმე ზემოხსენებულ ფინანსურ აქტივთან ან ფინანსურ მაჩვენებელთან არის დაკავშირებული, ვინაიდან მათთვის ასეთი კონტრაქტების შეთავაზება შესაძლოა საჭიროებდეს შესაბამისი მარეგულირებელი ორგანოს მიერ გაცემულ ლიცენზიას“, - ნათქვამია გავრცელებულ ინფორმაციაში.ეროვნული ბანკი კიდევ ერთხელ აფრთხილებს მოსახლეობას, განსაკუთრებული ყურადღება გამოიჩინონ ისეთ პირებთან კომუნიკაციისას, რომლებიც მათ ზემოხსენებულ ფინანსურ პროდუქტებში ინვესტირებას სთავაზობენ. ამავდროულად, სები მოუწოდებს მოქალაქეებს გადაამოწმონ არიან თუ არა აღნიშნული პირები უფლებამოსილი მარეგულირებელი ორგანოს მიერ ლიცენზირებულნი.საქართველოს ეროვნული ბანკის მიერ ლიცენზირებული საბროკერო, აქტივების მმართველი კომპანიებისა და კომერციული ბანკების ჩამონათვალი ხელმისაწვდომია სების ოფიციალურ ვებგვერდზე: საბროკერო კომპანიები საინვესტიციო ფონდები და აქტივების მმართველი კომპანიები კომერციული ბანკები

1792753745

თბილისის საქალაქო სასამართლოში გრძელდება"ბრიტანულ-ქართული აკადემიის" მინორიტარი აქციონერისა (30%) და ყოფილი დირექტორის, ნათია ჯანაშიას მიერ წამოწყებული დავის განხილვა მაჟორიტარი აქციონერის (70%), "საქართველოს განათლების ჯგუფის" ("საქართველოს კაპიტალის" შვილობილი) წინააღმდეგ.ნათია ჯანაშიამ ეს დავა 2024 წელს წამოიწყო. მხარეებს შორის რამდენიმე სასამართლო პროცესი მიმდინარეობს, როგორც სამოქალაქო, ისე სისხლის სამართლის მიმართულებით.2026 წლის 22 ოქტომბერს, მოსამართლე ზვიად ესებუამ გამართა მორიგი მოსამზადებელი სხდომა საქმეზე, სადაც “საქართველოს განათლების ჯგუფი” ნათია ჯანაშიასა და დავით ცეცხლაძისთვის იმ თანხების დაკისრებას ითხოვს, რომელსაც წლების განმავლობაში“ბრიტანულ-ქართული აკადემია” არ იღებდა მათიშვილების და ნათესაურად მათთან დაკავშირებული სხვა მოწაფეების სწავლის ქირისგან გათავისუფლების გამო. ასევე იმ თანხების დაკისრებას, რომელსაც“აკადემია” იხდიდა მათი ოჯახის წევრების ჯანმრთელობის დაზღვევასა და სხვა და სხვა მიზნით მოგზაურობებში.მოსამზადებელ სხდომის მოცემულ ეტაპზე დაიკითხა მოპასუხის (ნათია ჯანაშიას) მხარის მიერ გამოძახებული მოწმე, - “ბრიტანულ ქართული აკადემიის” მოქმედი მთავარი ბუღალტერი, რომელიც იმავე პოზიციაზე მუშაობდა მაშინაც, როცა „აკადემიის“ მენეჯმენტს ნათია ჯანაშია მეუღლესთან, დავით ცეცხლაძესთან ერთად განაგებდა.ნათია ჯანაშიას ადვოკატის მხრიდან, სხდომის მიმდინარეობისას, დაისვა ბევრი კითხვა, რომელთა ძირითადი არსიც მდგომარეობდა იმაში, რომ მოწმეს აეხსნა სასამართლოსთვის, უგზავნიდა თუ არა იგი „აკადემიის“ მაჟორიტარ პარტნიორს ყოველთვიურ და ყოველწლიურ ფინანსურ ანგარიშებს, სადაც ჩაშლილად იქნებოდა წარმოდგენილი, თუ ვინ იყვნენ  „აკადემიის“ ბიუჯეტიდან გაწეული იმ ხარჯების ბენეფიაციარები, ვინც სადაზღვევო პროდუქტებითა და მოგზაურობისთვის საჭირო რესურსით სარგებლობდა. ასევე, კონკრეტულად რომელი მოწაფეები იყვნენ სწავლის ქირისგან სრულად, თუ ნაწილობრივ გათავისუფლებულები.აღნიშნული ტიპის კითხვები სხვადასხვა რაკურსითა და ფორმულირებით იყო დასმული, მოწმის პასუხების შინაარსიდან გამომდინარეობდა, რომ ანგარიშებში, ასევე ხარჯების საპროგნოზო მაჩვენებლებში, რაც „აკადემიის“ პარტნიორებს ყოველთვიურ და ყოველწლიურ ჭრილში ეგზავნებოდათ, ყველა მონაცემი მითითებული იყო კუმულაციური (კონსოლიდირებული) ფორმატით და მათში არ ყოფილა ჩაშლილი თუ კონკრეტულად რომელი მოწაფე იყო განთავისუფლებული გადასახადისგან და ასევე ის, თუ კონკრეტულად ვინ ფინანსდებოდა და რამდენით, სადაზღვევო პოლისების შეძენისას თუ საერთაშორისო მგზავრობებისას.მოსამზადებელი სხდომის ეს ეტაპი აღნიშნული მოწმის დაკითხვით დასრულდა. სასამართლო გადაიდო 2026 წლის 19 ნოემბრისთვის და სხდომა ასევე ნათია ჯანაშიას წარმომადგენლების მიერ გამოძახებული მოწმის - „ბრიტანულ-ქართული აკადემიის“ ფინანსური დირექტორის დაკითხვით გაგრძელდება.არსებული ინფორმაციით, სადავო თანხის ჯამური მოცულობა 1 მილიონ 800 000 ლარს აღწევს. სარჩელით ასევე მოთხოვნილია საპროცენტო სარგებელი ამ თანხაზე. კერძოდ, უცხოურ ვალუტაში არსებულ მოთხოვნაზე წლიური 2,47%, ხოლო ეროვნულ ვალუტაში არსებულ მოთხოვნაზე წლიური 8,22%.

1792749116