სანამ თავის ნებაზე მომდინარე მტკვარი თბილისში ბეტონის ჯებირებში მოექცეოდა, მას რამდენიმე კუნძული ჰქონდა, რომლებიც საბჭოთა დროს გაუჩინარდა - როდესაც ლავრენტი ბერიამ მარჯვენა და მარცხენა სანაპიროს განაშენიანება დაიწყო. ჩვენი რესპონდენტი, ისტორიკოსი უშანგი რუხაძე გვიამბობს:მადათოვის კუნძულითბილისში ერთ-ერთი ყველაზე ცნობილი მადათოვის კუნძული დღევანდელი გალაკტიონისა და ბარათაშვილის ხიდებს შორის იყო. ის თავიდან ერეკლე მეფის სიძის, დავით ორბელიანის საკუთრება ყოფილა და ორბელიანის კუნძული ერქვა. სადაც დღეს მშრალი ხიდია, იქ მტკვარი ორად იყოფოდა და ქმნიდა კუნძულს. შემდეგში ეს ადგილი ბერიას ბრძანებით ამოუშრიათ. ამომშრალი მტკვრის ტოტის გადაღმა მდგარა უმშვენიერესი ბაღებით გარშემორტყმული ორბელიანების სასახლე.დავით ორბელიანის გარდაცვალების შემდეგ მისმა მემკვიდრეებმა XIX საუკუნის 20-იან წლებში კუნძული გენერალ მირბაჯან მადათოვს მიჰყიდეს და მას შემდეგ მადათოვის კუნძულად მოიხსენიებოდა. 1837 წელს რუსეთის იმპერატორი ნიკოლოზ პირველი საქართველოს, როგორც რუსეთის ერთ-ერთი გუბერნიის დასათვალიერებლად ჩამოვიდა. ქართველმა თავადაზნაურობამ გრანდიოზული აღლუმი მას მადათოვის კუნძულზე მოუწყო.დროსთან ერთად კუნძულმა ძველებური ბრწყინვალება დაკარგა. ხეხილის ბაღები გაჩეხეს, ერთ მხარეს წვრილ-წვრილი საწარმოები გაიხსნა, ნაწილი - ნაგავსაყრელად იქცა. მტკვარზე დაცურებული ტივების გაჩერების ერთ-ერთი პუნქტი მადათოვის კუნძული იყო, სადაც მორებს ჯაგეტიანების და ტერ-ასატუროვების საამქროებში ამუშავებდნენ. დღეს მადათოვის კუნძულის ადგილას დედაენის ბაღი და იუსტიციის სახლია. კუნძული ისტორიის საკუთრება 1938 წლიდან გახდა. მისი არსებობა მხოლოდ მაშინ ახსენდებოდათ, როდესაც მტკვარი საგრძნობლად დაიწევდა და კუნძულის ფრაგმენტი გამოჩნდებოდა.ორთაჭალის კუნძულიმეორე კუნძული ორთაჭალის ბაღების სახელით იყო ცნობილი. კუნძული ნახევარ ქალაქს ამარაგებდა ხილით, ბოსტნეულით და თევზეულითაც კი. 1724 წელს ვახუშტი ბაგრატიონის შედგენილ თბილისის გეგმაზე ორთაჭალის კუნძული მოხსენიებულია კრწანისის ბაღად, რადგანაც მაშინ ორთაჭალა სოფელ კრწანისს ეკუთვნოდა.კუნძული მოქცეული იყო მტკვრის ძირითად კალაპოტსა და მის მარჯვენა ტოტს შორის. დღეს დაახლოებით იმ ადგილას ორთაჭალჰესია. თავდაპირველად ორთაჭალის ბაღები მეფის ოჯახსა და თავადაზნაურობას ჰქონდა გაყოფილი. XIX საუკუნიდან ბაღებს კერძო მესაკუთრეები დაეუფლნენ.იოსებ გრიშაშვილი წერდა: "ძველად ქალაქგარეთ მხოლოდ ორი დროის გასატარებელი ადგილი არსებობდა: მდაბიო ხალხისათვის - ორთაჭალის ბაღები და ევროპულად გაზრდილთათვის - მუშტაიდი. ორთაჭალის ბაღში ორი რესტორანი გახლდათ - "არგენტინა" და "ელდორადო". ბაღებში საროსკიპოებიც იყო. ამ კუნძულს სტუმრობდა ალექსანდრე პუშკინი. ორთაჭალის ბაღები გრიგოლ ორბელიანს მოხსენიებული აქვს ლექსში "მუხამბაზი". ქეიფის მოყვარული ორბელიანი ხშირად ილხენდა იქ. კუნძულს სახელი გაუთქვა ნიკო ფიროსმანმა, რომელიც აქაურობის ხშირი სტუმარი იყო. მისი ტილო "ორთაჭალის ტურფა" ყველასათვის ცნობილია. XX საუკუნის დასაწყისში აქ პოეტებისა და საზოგადო მოღვაწეების საყვარელი თავშესაყარი იყო.ორთაჭალის ბაღები არსებობდა 1950-იან წლებამდე, ორთაჭალჰესის აგებამდე. შემდეგ სანაპიროებიც მოეწყო, მტკვრის ტოტი მოისპო და კუნძულმაც არსებობა შეწყვიტა.სატიოს კუნძულიკიდევ ერთი კუნძული, რომელიც ნაკლებად არის ცნობილი, მდებარეობდა დაახლოებით დღევანდელი თამარ მეფის ხიდსა და რესტორან "არაგვს" შორის. ეს პატარა კუნძული ბაღებით იყო დაფარული. კუნძულს ზოგი სატიოს, ზოგიც - სატივოს ეძახდა. შიდა ქართლიდან ტივით წამოღებული ხილი, ბოსტნეული, ხეტყის მასალა, თუ პირუტყვი ამ ადგილას ჩერდებოდა და მერე რკინიგზისკენ გადაინაცვლებდა. სატიოც მტკვრის ბეტონის კალაპოტში მოქცევის შედეგად გაქრა. მტკვარზე კიდევ იყო სხვა უმნიშვნელო ზომის უსახელო კუნძულები.ბერიას ხე და ორთაჭალის ბაღებიტერენტი გრანელის მოგონებებიდან: "ერთხელ ორთაჭალაში მივდიოდი ჩემს ნაცნობ მებაღე ილიკო ელიავასთან. გზაზე ბამბის საპენტ ფაბრიკასთან ვიღაცამ მანქანა გააჩერა, შევცბი, შევხედე - ლავრენტი ბერია იყო. მკითხა, საით გაგიწევიაო. მებაღეებთან მივდივარ, ბატონო ჩემო-მეთქი. ჰო, ეს კარგია! - ხელი ჩამომართვა და გზა განაგრძო. მე კი ვინახულე ჩემი ნაცნობი მებაღე ილიკო ელიავა, რომელსაც ვუამბე ბერიასთან ჩემი შეხვედრის ამბავი. გაიცინა - ბერია ხშირად ხვდება და საუბრობს ორთაჭალა-კრწანისის მებაღეებთანო".მებაღე მიხეილ ძიძიგური განაგებდა და უვლიდა ბერიას ბაღს ორთაჭალაში. მოგვიანებით იხსენებდა: "ერთ დღეს ბაღში შემოვიდნენ ლავრენტი ბერია და მისი მეუღლე ნინო გეგეჭკორი. ბერიამ ბაღში ორი შუშა კიტრი მოწყვიტა და შემდეგ ცოლ-ქმარი ჩემკენ გამოემართა. ორივე მომესალმა, ხელი ჩამომართვა და მთხოვა, მომეტანა სკამი, დანა, თეფში და მარილი. მე მათ ვთხოვე, შინ შემოსულიყვნენ, მაგრამ ბერიამ სიცილით მითხრა, - მე კაბინეტში ჯდომა არ მაკლია, ცის ქვეშ ყოფნა უფრო მსიამოვნებსო. თხოვნა შევუსრულე. შემდეგ მკითხა, როგორ გეპყრობიან ჩემი თანამშრომლები, ხომ არ გავიწროებენო. არა, ბატონო, ყველაფერი კეთდება მებაღეების სასარგებლოდ-მეთქი. შემდეგ მთხოვა, ბაღებსა და მის მიდამოებში დარგული არც ერთი ხე არავინ მოჭრასო. როდესაც კრწანისი მთავრობის რეზიდენციის ადგილი გახდა, ქუჩების გასაგანიერებლად, რამდენიმე ხის მოჭრა გახდა საჭირო. მე გზის გამყვანი ინჟინერი გავაფრთხილე, ბერიამ დამავალა, ბაღის მიდამოებში არც ერთი ხე არ მოიჭრას-მეთქი. მეორე დილით მოვიდა ბერია მეუღლითურთ და რამდენიმე თანამშრომლის თანხლებით დაათვალიერეს ის ადგილი, სადაც ხეები უნდა მოჭრილიყო. გზის გამყვანთ ბერიამ ჰკითხა, იქნებ ხეები გადავარჩინოთ და არ მოვჭრათო?! შესაძლებელია, უთხრა ინჟინერმა, მაგრამ ცოტა ძნელი იქნება და ამავე დროს გზა უფრო დაიკლაკნება და სილამაზესაც დაკარგავსო. მაშინ ბერიამ თქვა, ხეები მოჭერით, მაგრამ იქვე ახლოს დარგეთ კაკლის ხეო. დღეს ეს ხე ამშვენებს მიდამოს, რომელსაც კრწანისელი მებაღეები ბერიას ხეს ეძახიან. ბერია და მისი მეუღლე ნინო დაგვემშვიდობნენ და წავიდნენ. ნინო იყო ლამაზი და ტკბილმოსაუბრე, მასში არ იგრძნობოდა მეუღლის ავტორიტეტით გამოწვეული მაღალი და აწეული ტონით საუბარი. კრწანისელი მებაღეები მას იცნობდნენ, როგორც კეთილსა და ყველას შემწეს".წყარო: kvirispalitra.ge

1758367755

პროექტში მონაწილეობა შეუძლია ყველა დამწყებ Youtube კრეატორს. გამარჯვებული კი საქართველოს ბანკისგან ფულად ჯილდოს მიიღებს 20 000 ლარის ოდენობით.“კრეატორის” პირველ ეტაპზე 20 მონაწილე შეირჩევა მათგან კი შერჩეული 8 მონაწილე გააგრძელებს პროექტში მონაწილეობას. 7 ტურის განმავლობაში შეასრულებენ მენტორებისგან მიღებულ საკონკურსო დავალებებს. ყოველი ეტაპის შემდეგ, ჟიურის შეფასებების, ვიდეოების ნახვებისა და მაყურებელთა რეაქციების საფუძველზე პროექტს ერთი მონაწილე დატოვებს.მთელი პროექტის განმავლობაში დამწყებ იუთუბერებს შეაფასებენ და ახალ დავალებებს მისცემენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო).მუდმივ ჟიურისთან ერთად ყოველ ეპიზოდს ეყოლება მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს გაუზიარებს.“საქართველოს ბანკისთვის YouTube სივრცე ძალიან საინტერესოა. ჩვენ არაერთ კრეატორთან ვთანამშრომლობთ და ვუჭერთ მხარს. თუმცა, გვჯერა, რომ ამ სივრცეს წინ განვითარების გრძელი გზა აქვს. ამიტომ, გადავწყვიტეთ, ჩვენი წვლილი შეგვეტანა YouTube ეკოსისტემის განვითარების პროცესში, რათა ხელი შევუწყოთ დამწყებ და უკვე გამოცდილ კრეატორებს, შექმნან კიდევ უფრო საინტერესო კონტენტი და აითვისონ პლატფორმის პოტენციალი. ჩვენი მხარდაჭერით გვინდა ერთი მხრივ, შევამციროთ არსებული ბარიერები, მეორე მხრივ კი ახალბედა კრეატორებისთვის შევქმნათ განვითარების რეალური შესაძლებლობა. სწორედ ამიტომ, მიზნად ვისახავთ, დაინტერესებულ ადამიანებს მივცეთ ცოდნა და შესაძლებლობა, რათა გადადგან პირველი, მყარი ნაბიჯები და მნიშვნელოვანი როლი ითამაშონ ქართული Youtube სივრცის განვითარებაში,“- განმარტავს მარიამ ცანავა, საქართველოს ბანკის ბრენდის მიმართულების ხელმძღვანელი.პროექტში მონაწილეობის მსურველებმა უნდა შეავსონ სარეგისტრაციო ფორმა და ატვირთონ საკუთარი ვიდეო creator.bog.ge-ზე. შერჩეულ მონაწილეებს კი ჟიური თავად დაუკავშირდება.უფრო მეტისთვის, ნახეთ ვიდეო.

1758349380

იასონ ლორთქიფანიძე 1919-1921 წლებში საქართველოს სახელმწიფო ბანკის პირველი მმართველი იყო. მისი წვლილი განსაკუთრებულია ცენტრალური ბანკის ჩამოყალიბებასა და სხვა, არამედ სხვა არაერთ ეროვნულ საქმეში. ის იყო საქართველოს დამოუკიდებლობის აქტის ხელმომწერი, სათავეში ედგა ქართველთა შორის წერა-კითხვის გამავრცელებელ საზოგადოებას, იყო ქართული უნივერსიტეტის დამაარსებელი კომისიის წევრი, მისი თაოსნობით, განჯაში ნიკოლოზ ბარათაშვილის საფლავის ადგილსამყოფელი მოიძიეს. ის ცნობილი ქართველი მწერლის, ნიკო ლორთქიფანიძის უფროსი ძმაა.ნათია თურნავამ მადლობა გადაუხადა საზოგადოებრივ მაუწყებელს საქართველოს პირველი ცენტრალური ბანკის საუკუნოვანი ისტორიით დაინტერესებისთვის და ისაუბრა იასონ ლორთქიფანიძის განსაკუთრებულ წვლილზე, რაც მას საქართველოს საფინანსო სექტორის ჩამოყალიბებასა და განვითარებაში მიუძღვის.„ჩვენთვის ძალიან მნიშვნელოვანია მომავალ თაობებს გავაცნოთ და შემოვუნახოთ ისეთი გმირების ისტორიები, როგორიც იასონ ლორთქიფანიძე იყო. ჩვენი მხრივ, მუდმივად ვიზრუნებთ, რომ ღირსეულად გავაგრძელოთ ისტორია და დავრჩეთ იმ ღირებულებების და ფასეულობების ერთგული, რამაც სებ-ის საუკუნოვანი ისტორიის შექმნა განაპირობა.აღსანიშნავია იასონ ლორთქიფანიძის ეპისტოლური დანატოვარიც, რომელიც მნიშვნელოვან ცნობებს იძლევა საბანკო და ეკონომიკური საკითხების შესახებ და რომელიც საფუძვლად დაედო დღევანდელ ფილმს. გეტყვით ასევე, რომ დოკუმენტურ ფილში იასონ ლორთქიფანიძის ხელნაწერი შრიფტია გამოყენებული,“ - აღნიშნა ნათია თურნავამ.საქართველოს პირველი არხის გენერალური დირექტორის, თინათინ ბერძენიშვილის განცხადებით, სიმბოლურია ისეთი დოკუმენტური ფილმის შექმნა, რომელიც ეძღვნება ორ მნიშვნელოვან თარიღს, ეროვნული ვალუტის 30-ე წლისთავს და პირველი მაუწყებლობის დაწყების 100 წლის იუბილეს.„ეროვნული ვალუტის, ლარის დაბადების 30 წლისთავი ძალიან მნიშვნელოვანი თარიღია. ასევე, წელს სრულდება პირველი მაუწყებლობის დაბადებიდან 100 წლის იუბილე. ეს თარიღები ჩვენს ქვეყანას და თითოეულ მოქალაქეს ეკუთვნის. ამიტომ ძალიან სიმბოლურია, რომ შეიქმნა დოკუმენტური ფილმი, რომელიც ამ ორ მნიშვნელოვან თარიღს ეძღვნება და საუკეთესოდ ასახავს ჩვენი ქვეყნის ისტორიას, კულტურას და მემკვიდრეობას. ასევე, მნიშვნელოვანია, რომ ეროვნულმა ბანკმა საზოგადოებრივ მაუწყებელს მოუმზადა სიურპრიზი - გამოშვებული იქნება მონეტა სპეციალურად საზოგადოებრივი მაუწყებლის სიმბოლიკით. დარწმუნებული ვარ, მაყურებელი საუკეთესოდ შეაფასებს ამ ფილმს“, - აღნიშნა თინათინ ბერძენიშვილმა.როგორც პირველი არხის სამეურვეო საბჭოს თავმჯდომარემ, ვასილ მაღლაფერიძემ განაცხადა, იასონ ლორთქიფანიძის შესახებ ფილმით პირველი არხის დოკუმენტური ფილმების სტუდია აგრძელებს ეროვნული მეხსიერების შექმნას, რაც ქვეყანას წაადგება.აღსანიშნავია, რომ ორი თარიღი, ლარის 30 წლისთავი და საზოგადოებრივი მაუწყებლის 100 წლის იუბილე ემთხვევა ერთმანეთს. დარწმუნებული ვარ, ასეთი ინტელექტუალური, კულტურული პროექტები გაგრძელდება, მრავლად იქნება და წაადგება ჩვენს ქვეყანას“, - აღნიშნა ვასილ მაღლაფერიძემ.„დღეს შედგა პრემიერა დოკუმენტური ფილმისა იასონ ლორთქიფანიძეზე. ეს არის ქართული ეროვნული ბანკის პირველი მმართველი და პირველი ხელმძღვანელი. ამ ფილმით პირველი არხის დოკუმენტური ფილმების სტუდია აგრძელებს ეროვნული მეხსიერების შექმნას. პროდუქცია, რაც ამ სტუდიაში იქმნება, არ არის კომერციული პროექტი, თუმცა რაც დრო გადის, მით უფრო ემატება ფასი და მნიშვნელობა. ეს პროდუქცია ეხება იმ ძალიან მნიშვნელოვანს, რაც არის დაკავშირებული ეროვნულ იდენტობასთან.საქართველოს პირველი არხის მედიის დირექტორის, რუსუდან მანჯგალაძის თქმით, იასონ ლორთქიფანიძის შესახებ შეიქმნა პორტრეტული ფილმი, საიდანაც მაყურებელი ამ ადამიანის შესახებ ბევრ საინტერესოს შეიტყობს.„დაახლოებით ერთი წლის წინ, როდესაც ეროვნულმა ბანკმა დაიწყო სამზადისი ეროვნული ვალუტის, ლარის 30 წლის იუბილესთან დაკავშირებით, ვფიქრობდით, რა შეიძლებოდა, გაგვეკეთებინა. სწორედ მაშინ გაჩნდა იდეა, რომ შექმნილიყო დოკუმენტური ფილმი იასონ ლორთქიფანიძეზე. ჩვენ ბევრი არაფერი ვიცით იმ ადამიანის შესახებ, რომელიც გახლდათ სწორედ ეროვნული ბანკის პირველი მმართველი, რომლის დროსაც დამკვიდრდა პირველი ეროვნული ვალუტა და რომელსაც უკავშირდება ნიკოლოზ ბარათაშვილის საფლავის მოძიების და შემდეგ მისი ჩამოსვენების ორგანიზება. მას უდიდესი წვლილი აქვს ქართული უნივერსიტეტის დაფუძნებაშიც. გადავწყვიტეთ, რომ სწორედ ასეთი პორტრეტული ფილმი შეგვექმნა მასზე. ვფიქრობ, ჩვენს მაყურებელს ფილმი მოეწონება და ბევრ ახალ საინტერესოს შეიტყობს“, - განაცხადა რუსუდან მანჯგალაძემ.აღსანიშნავია, რომ ბოლო პერიოდში ეროვნულმა ბანკმა არაერთი ინიციატივა განახორციელა იასონ ლორთქიფანიძის სახელის უკვდავსაყოფად, მათ შორის: წელს საქართველოს ეროვნულ ბანკს გადაეცა იასონ ლორთქიფანიძის უნიკალური საოჯახო არქივი, რომელიც ახლა ყვარლის ფულის მუზეუმში ინახება და საზოგადოებისთვისაც ხელმისაწვდომია.გასულ წელს ეროვნული ბანკის საკასო ცენტრის მიმდებარე ქუჩასა და სკვერს იასონ ლორთქიფანიძის სახელი მიენიჭა. თბილისში, ანტონ ფურცელაძის N12-ში, საქართველოს სახელმწიფო ბანკის პირველი მმართველის მემორიალური დაფა გაიხსნა.დოკუმენტური ფილმის „ბანკირის დღიურები“ პრემიერას, რომელიც საზოგადოებრივი მაუწყებლის განახლებული შენობის კინოდარბაზში „ილუზიონი“ გაიმართა, თბილისის საკრებულოს წევრები იურიდიულ საკითხთა და ადამიანის უფლებათა დაცვის კომისიის თავმჯდომარე ნინო ვარდოსანიძე და სახელდებისა და სიმბოლიკის კომისიის თავმჯდომარე ლევან აბაშიძე, ასევე იასონ ლორთქიფანიძის შთამომავლები ესწრებოდნენ.დოკუმენტური ფილმის სატელევიზიო პრემიერა პირველი არხის ეთერში შაბათს, 20 სექტემბერს, 19:30 საათზე გაიმართება.

1758294592

პროექტის ჯამური ღირებულება 25 მლნ. ლარია, საქართველოს ბანკის ინვესტიცია კი 20 მლნ. ლარს შეადგენს.აღნიშნული პროექტის ფარგლებში, გორის მუნიციპალიტეტ სოფელ ზერტში,  47  ჰა-ზე ვაშლის ინტენსიური ბაღები გაშენდა, რომელიც აღჭურვილია თანამედროვე სეტყვის საწინააღმდეგო და წვეთოვანი სარწყავი სისტემებით. ასევე, აშენდა სამაცივრე მეურნეობა, რომელიც 1 500 ტონამდე პროდუქტის შენახვისთვის არის განკუთვნილი.„ინტენსიური ტიპის ბაღებში ვაშლის ჯიშები გემოვნური თვისების  და ბაზარზე არსებული მოთხოვნიდან გამომდინარე შეირჩა, ესენია:  გოლდენი, რედ დელიშეზი, გალა, გრანი სმიტი, პინოვა და ჯონაპრინცი. საქართველოს ბაზარზე ბიო პროდუქტის დეფიციტია, მოთხოვნა კი მაღალი. სწორედ ამიტომ მიღებულ იქნა გადაწყვეტილება ორგანული ვაშლის წარმოებაზე, ამჟამად8.41  ჰა-ზე  გაშენებულ ბაღებში  მიმდინარეობს ბიოსერთიფიცირების პროცესი.გაშენებული ბაღების მასშტაბებმა წარმოქმნა სამაცივრე მეურნეობის შექმნის აუცილებლობა.  რაც განხორციელდა  იტალიელი კონსულტანტების ჩართულობითა და საქართველოს ბანკის ფინანსური მხარდაჭერით.სამაცივრე მეურნეობა გვაძლევს  შესაძლებლობას, ვაშლი ხანგრძლივი პერიოდის განმავლობაში შევინახოთ და მისი მაღალი გემოვნური და ხარისხობრივი თვისებები მაქსიმალურად შევინარჩუნოთ. დანამდვილებით შეიძლება ითქვას, რომ ჩვენი და  საქართველოს ბანკის ურთიერთთანამშრომლობით შექმნილი პროექტები სასოფლო-სამეურნეო საქმიანობაში ერთგვარ „ნოუ ჰაუ“-ს წარმოადგენს. სამომავლოდ, ასევე გორის მუნიციპალიტეტში, ვგეგმავთ დამატებით, 10ჰა. ბაღების გაშენებას და პროდუქციის როგორც ადგილობრივ ბაზარზე რეალიზაციას, ასევე ექსპორტზე გატანს“, - განაცხადა დავით ჯაფარიძემ,  „ვაშლის აგრობაღების“ დირექტორმა.“მოხარულები ვართ, რომ ჩვენს პარტნიორ კომპანია “ვაშლის აგრობაღებთან” ერთად მნიშვნელოვანი წვლილი შეგვაქვს აგრო სექტორის განვითარებაში. თანამშრომლობის ფარგლებში კომპანიამ ვაშლის ინტენსიური ბაღები გააშენა და თანამედროვე  მოწყობილობებითა და ენერგოეფექტური დანადგარებით აღჭურვილი სამაცივრე მეურნეობა ააშენა. სამომავლოდ კი, კიდევ უფრო მეტად გაფართოებას, მეურნეობის კიდევ უფრო მეტად გაზრდას და საერთაშორისო ბაზრების ათვისებას გეგმავს. გვინდა წარმატებები ვუსურვოთ გუნდს.  ჩვენ კი არ ვჩერდებით და ვაგრძელებთ რეგიონებში ბიზნესების მხარდაჭერას“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა.

1758288660

წელს, კამპანიის ფარგლებში პროექტი „მოიწვიე ფინედუ კლასში“ იგეგმება, რომელიც მოსწავლეებში ეკონომიკური და ფინანსური განათლების ზრდის ხელშეწყობას ისახავს მიზნად.ინიციატივის ფარგლებში, ფინედუს დესპანები სკოლებს 2-31 ოქტომბრის შუალედში ესტუმრებიან და ახალგაზრდებს ისეთ საბაზისო ეკონომიკურ პრინციპებს აუხსნიან, როგორიცაა დანაზოგის შეგროვება, ფინანსების სწორი განკარგვა და სხვა. გაკვეთილები V-XII კლასის მოსწავლეებს ჩაუტარდებათ. V-VII კლასელებისთვის ფინედუს დესპანები პრეზენტაციითა და თამაშის ელემენტებით ჩაატარებენ გაკვეთილებს VIII-XII კლასელებს კი ფინედუს დესპანები პრეზენტაციასთან ერთად, სპეციალური სამაგიდო თამაშით -„ფინანსური ასოციაციობანა“ ესტუმრებიან და ბავშვებს ფინანსურ ტერმინებზე დააფიქრებენ. სამაგიდო თამაში "ფინანსური ასოციაციობანა" შემუშავდა საქართველოს ეროვნული ბანკის ინიციატივით, საქართველოს ბანკის მხარდაჭერით, კომპანია "თამაშობანას" მიერ. ინიციატივის ფარგლებში დესპანები საქართველოს ბანკის თანამშრომლებიც იქნებიან.ამასთან, „მოიწვიე ფინედუ კლასში“ ინიციატივა ეროვნული ვალუტის - ლარის შემოღებიდან 30 წლის იუბილეს ეძღვნება.ინფორმაციისთვის, დაზოგვის მსოფლიო დღის ისტორია 1924 წელს იწყება. სწორედ ამ დღეს, იტალიის ქალაქ მილანში ჩაეყარა საფუძველი იმ თარიღს, რომელსაც თანამედროვე მსოფლიოს არაერთი ქვეყანა უერთდება და სხვადასხვა ღონისძიებით აღნიშნავს. დაზოგვის მსოფლიო დღის მიზანია მოსახლეობაში დაზოგვის სარგებლიანობის შესახებ ცნობიერების ამაღლება, ფინანსური ცოდნის გაღრმავება და დაზოგვის წახალისება. საქართველოში ამ ინიციატივის ძირითად სამიზნე ჯგუფი ბავშვები და ახალგაზრდები არიან. დაზოგვის დღეს თავისი სიმბოლოც ჰყავს - ჭიანჭველა "გროვია".ღონისძიებასთან დაკავშირებით დამატებითი ინფორმაციის მისაღებად ეწვიეთ ვებგვერდს.

1758283560

ამ ბაზრის პოტენციალი კარგად დაინახა “გაყიდვების ასოციაციამ”. პლატფორმა, რომელიც 100-ზე მეტ წევრს აერთიანებს, 8-9 ოქტომბერს, ტაშკენტში, კონფერენციას გამართავს, სახელწოდებითი -“საქართველო - უზბეკეთი აბრეშუმის გზა”.“გაყიდვების ასოციაციის გუნდმა მასშტაბური გამოფენისთვის მზადება 6 თვის წინ დავიწყეთ და კონცეფციაში დიდი ძალისხმევა ჩავდეთ. ღონისძიება რამდენიმე აქტივობისგან შედგება და სხვადასხვა ფორმატის დახურულ შეხვედრას მოიცავს. ღონისძიებაში 46 კომპანიის წარმომადგენელი, ჯამში კი, საქართველოდან 200-მდე ვიზიტორი მონაწილეობს. მათ შესაძლებლობა ექნებათ, პირდაპირი შეხება ჰქონდეთ უზბეკეთის წამყვან სტეიკჰოლდერებთან. კონფერენციის მეორე დღეს ჩატარდება გამოფენა, სადაც დაახლოებით 4000 სტუმარს ველით. შესაბამისად, ქართულ ბიზნესს ნამდვილად ეძლევა უნიკალური შანსი, დამკვიდრდეს უზბეკეთის ბაზარზე. მით უფრო, როდესაც ქართული პროდუქტისა თუ სერვისისადმი ინტერესი  და ნდობა ნამდვილად არსებობს”,-  გაყიდვების ასოციაციის პრეზიდენტი, დავით ჩიკვაიძე. ბრენდი, რომელიც ქართულ კომპანიებს ამ ნდობასა და გამოცდილებას ახვედრებს, თიბისია. ბიზნესგამოფენის მხარდაჭერის  გადაწყვეტილება  პირდაპირ უკავშირდება ბანკის მისიას - იყოს ბიზნესის N1 მხარდამჭერი, მათი განვითარების ყველა ეტაპზე.“ეს მხარდაჭერა კომპანიებისთვის ნიშნავს რეალურ შესაძლებლობას, უცხო ბაზარზე პირველი ნაბიჯები გაცილებით მარტივად და უსაფრთხოდ გადადგან, გააფართოონ პოტენციურ პარტნიორთა წრე- დამყარონ კავშირები, გაიგონ ბაზრის სპეციფიკა და მოახდინონ სწორი პოზიციონირება ახალ გარემოში. პარალელურად, ბანკი განიხილავს საჭიროების შემთხვევაში, ფინანსურ მხარდაჭერასაც, რაც ბიზნესს აძლევს შესაძლებლობას, საკუთარი იდეები რეალურ პროექტებად გარდაქმნან და ოპერირება თავდაჯერებულად დაიწყონ. მსგავსი ინიციატივები,  საუკეთესო შესაძლებლობას ქმნის კომპანიებისთვის, შეხვდნენ ადგილობრივ ბიზნესებს, გამართოთ B2B შეხვედრები, გაეცნონ  უზბეკურ ბაზარს და ოპერირება მეტი ცოდნით და  თავდაჯერებულობით გააგრძელონ”, - ვეფხვია ლომინაშვილი, თიბისის ბიზნესსეგმენტის მართვის ლიგის ლიდერი. კონფერენციისა და მასში მონაწილეობის შესახებ დეტალურ ინფორმაცია ხელმისაწვდომია ვებ-გვერდზე:  https://www.salesassociation.ge/ .

1758278517