მან ხაზი გაუსვა საპენსიო სააგენტოს როლის მნიშვნელობას საქართველოს მოსახლეობის სოციალური დაცვისა და ეკონომიკის განვითარებაში. ფინანსთა მინისტრმა სააგენტოს თითოეულ თანამშრომელს მიულოცა მიღწეული წარმატებები და მადლობა გადაუხადა გაწეული საქმიანობისთვის.როგორც მან აღნიშნა, 2024 წლის ბოლოსთვის სააგენტოს აქტივების მოცულობა 6.1 მილიარდ ლარს, ხოლო ჯამურმა დაგენერირებულმა ამონაგებმა 1.44 მილიარდ ლარს მიაღწია.  2024 წლის ბოლოსთვის საპენსიო სქემაში გაწევრიანებული იყო 1.4 მილიონამდე ადამიანი და დაგროვებითი პენსიით სარგებლობდა 15.0 ათასზე მეტი პირი (პენსიის სახით გაიცა 61.1 მლნ ლარი).მნიშვნელოვანია აღინიშნოს, რომ დინამიკური პორტფელის ამონაგებმა 2024 წელს 13.6% შეადგინა, ხოლო ამავე პერიოდში დაბალანსებული და კონსერვატული პორტფელების ამონაგების შესაბამისად 12.8% და 11.6% იყო.„საპენსიო რეფორმის დადებითი შედეგები რამდენიმე მიმართულებით ვრცელდება. საპენსიო სქემის უფრო და უფრო მეტი მოსარგებლე (სქემაში მონაწილეთა ასაკის გათვალისწინებით) მომდევნო წლებში იგრძნობს მნიშვნელოვან სარგებელს, რაც აისახება თითოეული მოქალაქის კეთილდღეობაზე. აღნიშნული პირველ რიგში მნიშვნელოვანია საპენსიო ასაკის მოსახლეობის უკეთესი სოციალური გარანტიების კუთხით და ასევე უზრუნველყოფს ფისკალურ მდგრადობას, რადგან დაგროვებითი სქემა ღირსეული საპენსიო სქემის შექმნისთვის უმნიშვნელოვანესია, სახელმწიფოს მიერ დაფინანსებულ სოციალურ (ე.წ. პირველი სვეტის) პენსიასთან ერთად“, - განაცხადა ფინანსთა მინისტრმა ლაშა ხუციშვილმა.როგორც მან აღნიშნა, საპენსიო სააგენტოს მიერ განხორციელებული თითოეული ღონისძიება, გონივრულად დაბანდებული და მართული საპენსიო აქტივები, სასიცოცხლოდ მნიშვნელოვანია ქვეყნის მოქალაქეების კეთილდღეობისათვის.მისი თქმით ასევე, გასათვალისწინებელია საპენსიო ფონდის, როგორც ფინანსური რესურსის მნიშვნელობა დანაზოგებისა და ქვეყნის ფინანსური სისტემისათვის.ფინანსთა მინისტრმა ისაუბრა  სააგენტოს როგორც მენეჯმენტის, ისე თითოეული თანამშრომლის პროფესიონალიზმზე, რამაც დიდი როლი ითამაშა საპენსიო რეფორმისა და საპენსიო სისტემის მიმართ ნდობის ჩამოყალიბებაში.„საპენსიო სქემისა და სააგენტოს მიმართ გაზრდილი ნდობა და საზოგადოებასთან სწორი კომუნიკაცია, მნიშვნელოვანია და ამ მიზნით განსაკუთრებული როლი ენიჭება ფინანსური განათლების მიმართულებას და მოქალაქეთა ცნობიერების ამაღლებას დანაზოგების, ინვესტიციების, ამონაგების, რისკის და სხვა ფინანსური ინსტრუმენტების მიმართულებით. სააგენტოს ამ მიმართულებით არაერთი აქტივობა აქვს განხორციელებული, თუმცა მნიშვნელოვანია რომ მსგავსი აქტივობები კიდევ უფრო აქტიურად გაგრძელდეს მომავალში.მან ახლად შერჩეული საბჭოს წევრებს წარმატებები უსურვა საქმიანობაში და იმედი გამოთქვა, რომ  საპენსიო სააგენტო  მომავალ წლებშიც კვლავ წარმატებით განაგრძობს საქმიანობას.

1743426681

შეთავაზებები, რომლებიც საქართველოს ბანკის ბიზნეს მობილბანკში შეგიძლიათ აღმოაჩინოთ, მოიცავს ფასდაკლებებსა და უფასო სერვისებს ფინანსურ, ტექნოგიურ, ლოჯისტიკურ თუ სხვა მიმართულებებზე. მათ შორისაა:30%-იანი ფასდაკლება სოციალური მედიის მართვის მომსახურებაზე —MartexMartex ციფრული მარკეტინგული სააგენტოა, რომელიც ორიენტირებულია მცირე და საშუალო ბიზნესის, სტარტაპერების მომსახურებასა და მხარდაჭერაზე. იგი საქართველოს ბანკის სასტარტო ბიზნეს ნაკრების მფლობელებს 30%-იან ფასდაკლებას სთავაზობს სოციალური მედიის მართვის მომსახურებაზე.25%-იანი ფასდაკლება ბუღალტრულ სერვისებზე — Antsენთების მიზანია, პრემიუმ ხარისხის ბუღალტრული და საგადასახადო მომსახურება ხელმისაწვდომი გახადოს თითოეული ბიზნესისთვის. კომპანია საქართველოს ბანკის ბიზნესმომხმარებლებს ბუღალტრული და საგადასახდო მხარის გამართვას, გაციფრულებასა და საერთაშორისო სტანდარტებთან შესაბამისობაში მოყვანას სთავაზობს. გარდა ამისა, მომხმარებლები მიიღებენ საგადასახადო ექსპერტების რჩევებს მათი ტრანზაქციების ეფექტურად დასაგეგმად და სამართავად.20%-მდე ფასდაკლება Onway-ის საკურიერო მომსახურებაზე — OnwayOnway საკურიერო კომპანიაა, რომელიც ციფრული პლატფორმისა და ლოგისტიკური სოფტის საშუალებით პასუხობს როგორც კერძო, ისე კორპორატიული მომხმარებლების საჭიროებებს. კომპანია საქართველოს ბანკის ბიზნეს მომხმარებლებისთვის აწესებს 20%-მდე ფასდაკლებას წერილობითი კორესპონდენციის, ასევე მცირე და დიდი ზომის ამანათების გადაზიდვაზე საქართველოს მასშტაბით.უფასო სერვისები Glaze-ისგანGlaze საქართველოს ბანკის მომხმარებლებს სთავაზობს პლატფორმაზე სრულიად უფასოდ რეგისტრაციას და 3 თვე უფასო მომსახურებას. Glaze არის შეკვეთებისა და გადახდების გადაწყვეტა კაფეებისთვის, ღონისძიებების ადგილებისთვის და სასტუმროებისთვის.Glaze მომხმარებლებს სთავაზობს სერვის ორ პაკეტს: Glitter და Sparkle. ორივე პაკეტი მოიცავს ულიმიტო შეკვეთებს, ულიმიტო პროდუქტების დამატებას და განთავსებას პლატფორმაზე. ორივე სერვისის მიღება სრულიად უფასოდ შეუძლიათ საქართველოს ბანკის მომხამრებლებს პირველი 6 თვის განმავლობაში.Quick Shipper-ის უფასო სერვისები 2 თვის განმავლობაშიQuickShipper-ი ციფრული პლატფორმაა, რომელიც ბიზნესებს ნებისმიერი არხით გაყიდული პროდუქტის მომხმარებლამდე მიტანასა და შეკვეთების ეფექტურად მართვაში ეხმარება. QuickShipper-ის სპეციალური შეთავაზება საქართველოს ბანკის ბიზნეს მომხმარებლებისთვის კი შემდეგნაირია:2 თვე უფასოდ გამოიყენებთ QuickShipper-ის ციფრულ პლატფორმას საკუთარი კურიერების სამართავად;3-ჯერ უფასოდ მოგემსახურებათ QuickShipper-ის ნებისმიერი პარტნიორი კომპანიის კურიერი.გარდა ამისა, საქართველოს ბანკი მომხმარებლებს ათობით სხვა ბიზნესის პროდუქტებსა და მომსახურებაზე შეღავათებსა და სპეციალურ პირობებს სთავაზობს. გაიგეთ მეტი შეთავაზებების შესახებ საქართველოს ბანკის ბიზნეს მობილბანკიდან.მეტი ინფორმაციისთვის ეწვიეთ ბმულს ან გადმოწერეთ საქართველოს ბანკის ბიზნეს მობილბანკი.

1743425634

„ჩვენ ეკონომიკური ზრდა 6%-ზე გვაქვს დაგეგმილი, თუმცა, მიმდინარე წლის ორ თვეში საკმაოდ მაღალი ზრდა გვქონდა და აქედან გამომდინარე, ჩვენი მოლოდინია, რომ შესაძლოა, ეს წელი დაგეგმილზე უფრო მაღალი ეკონომიკური ზრდით დავამთავროთ. რა თქმა უნდა, ეს ბევრ ფაქტორზეა დამოკიდებული, მაგრამ მთავრობის ეკონომიკური გუნდი ძალისხმევას არ ზოგავს, რომ მაქსიმალურად მაღალი ეკონომიკური ზრდა გვქონდეს და ამავე დროს, ეკონომიკური ზრდა ინკლუზიურიც იყოს“, - აღნიშნა პირველმა ვიცე-პრემიერმა.საქსტატის მონაცემებით, იანვარში ეკონომიკურმა ზრდის მაჩვენებელი 11.1%, ხოლო თებერვალში 7.7% დაფიქსირდა. აღსანიშნავია, რომ გასულ თვის ზრდაში პოზიტიური წვლილი შეიტანა აქტივობის ზრდამ არაერთ სექტორში. ამასთან, თებერვალში დღგ-ის გადამხდელ საწარმოთა ბრუნვა წინა წლის შესაბამისი თვის მაჩვენებელთან შედარებით 8.7%-ით გაიზარდა, ხოლო ახლად დარეგისტრირებულ საწარმოთა რაოდენობამ 5,954 შეადგინა.„წელს პირველ თვეში გვქონდა ორნიშნა ეკონომიკური ზრდა, თებერვალშიც საკმაოდ მაღალი ზრდა დაფიქსირდა, მიუხედავად საბაზისო მაჩვენებლისა. ასე რომ, ჩვენი მოლოდინით მიმდინარე წელი საკმაოდ დინამიური უნდა იყოს, იქიდან გამომდინარე, რომ ჩვენ საკმაოდ ბევრი პროექტი გვაქვს, რომლებიც წელს უნდა განხორციელდეს, 2025 წელს უნდა მოხდეს ძალიან ბევრი საინვესტიციო გადაწყვეტილების რეალიზებაც. ასევე წელს გვაქვს ძალიან ბევრი ინიციატივა, მათ შორის ეკონომიკური ინიციატივები, რომლებიც მიმდინარეობს და თავის შედეგს გამოიღებს“, - განაცხადა ეკონომიკისა და მდგრადი განვითარების მინისტრმა.

1743422648

აღნიშნული ფუნქციონალის  გამოყენებისთვის ბიზნესებმა უნდა მონიშნონ, როგორი შეთავაზების გაკეთება სურთ. მაგალითისთვის, თუ სურთ  შეთავაზების ფარგლებში,  ყოველ ოთხშაბათს, მომხმარებლებმა გადახდილი თანხის 20%-ი დაიბრუნონ, ამას შეთავაზების სახით შექმნიან.  ეს ბიზნესებს შესაძლებლობას აძლევს, პროცესი უფრო ავტომატიზებული გახადონ, რადგან არ მოუწევთ რამდენიმე შეთავაზების შექმნა.  ასევე, მათ შეუძლიათ აარჩიონ ის დღე როცა განსაკუთრებით სჭირდებათ კონკრეტულ სეგმენტში გაყიდვების ზრდა.ბიზნესის სპეციფიკიდან გამომდინარე, ყოველკვირეული შეთავაზებების გარდა, ბიზნესებს შეუძლიათ  შექმნან ყოველთვიური შეთავაზებაც  (მაგალითად, თვის ყოველ 15 რიცხვში). ეს ყოველივე ბიზნესებს შესაძლებლობას აძლევს, მომხმარებლებს სხვადასხვა აქცია სისტემატურად შესთავაზონ და ამით კიდევ უფრო გაზარდონ ლოიალურობა.აღსანიშნავია, რომ Ads მენეჯერის ბიზნეს მომხმარებლებს შესაძლებლობას აძლევს, საქართველოს ბანკის 1 500 000-ზე მეტ ციფრულ მომხმარებელს საკუთარი პროდუქტი თუ სერვისი სრულიად უფასოდ  გააცნოს და ამით  გაყიდვები გაზარდოს.შეთავაზების შექმნისთვის ეწვიეთ manager.bog.ge-ს თუ ხართ დირექტორი, ხოლო თუ მარკეტერი ხართ - სთხოვეთ დირექტორს გაგიწეროთ შესაბამისი როლი.თუ დირექტორი ხართ, manager.bog.ge-ში შესვლას იმ სახელითა და პაროლით შეძლებთ, რომლითაც ბიზნეს მობილბანკში/ინტერნეტბანკში და ფიზიკური პირის მობილბანკში სარგებლობთ.შეთავაზების შექმნის ინსტრუქცია ნახეთ აქ.უფრო ვრცლად, Ads მენეჯერის გამოყენებაზე ბიზნესკურსის გასავლელად ეწვიეთ ბმულს.

1743419234

ბაზისბანკის მთლიანი საკრედიტო პორტფელი 17%-ით გაიზარდა და 3 მილიარდი ლარი შეადგინა, ხოლო დეპოზიტების პორტფელი წინა წლის ანალოგიურ პერიოდთან შედარებით 16%-ით გაიზარდა და 2.6 მილიარდი ლარი შეადგინა.იურიდიული პირების საკრედიტო პორტფელის მოცულობით, ბაზისბანკი სტაბილურად იკავებს ადგილს უმსხვილესი ბანკების სამეულში. 2024 წელს, ბაზისბანკის მიერ ბიზნესის დაფინანსების ტემპი კიდევ უფრო გაიზარდა და იურიდიული პირების საკრედიტო პორტფელი 21%-ით გაიზარდა და 2.1 მილიარდი ლარი შეადგინა. იურიდიული პირების დეპოზიტების მოცულობა 1.3 მილიარდი ლარია.2024 წელს, საცალო სესხების მოცულობამ 0.9 მილიარდი ლარი, ხოლო საცალო დეპოზიტების მოცულობამ 1.3 მილიარდი ლარი შეადგინა.ბაზისბანკის ჯგუფში შემავალი სალიზინგო და სადაზღვევო კომპანიების 2024 წლის მონაცემებით, ბბ ლიზინგის პორტფელმა 41.3 მილიონ ლარს გადააჭარბა, პორტფელის ზრდამ წინა წლის ანალოგიურ პერიოდთან შედარებით 63% შეადგინა. ბბ დაზღვევის მიერ 2024 წელს მოზიდული პრემია 33 მილიონი ლარია, პრემიის ზრდამ წინა წლის ანალოგიურ პერიოდთან შედარებით 60% შეადგინა.2024 წლის 31 დეკემბრის მდგომარეობით, წმინდა მოგება 87.4 მილიონ ლარს შეადგენს. წლის ბოლოსთვის უკუგებამ მთლიან აქტივებზე (ROA) 2.4% შეადგინა, ხოლო უკუგებამ საკუთარ კაპიტალზე (ROE) 15%.2024 წელს, Global Banking & Finance Awards-ის პრესტიჟულ ყოველწლიურ დაჯილდოებაზე, ბაზისბანკმა საერთაშორისო აღიარება ოთხ ნომინაციაში მოიპოვა, მათ შორის: წლის საუკეთესო კორპორატიული ბანკი, საუკეთესო ბანკი მცირე და საშუალო ბიზნესისთვის და საუკეთესო პერსონალური საბანკო მომსახურება.  2024 წელს, ბაზისბანკი, IFC-მ „გლობალური ვაჭრობის დაფინანსების პროგრამის“ ფარგლებში ქალთა დაფინანსების მიმართულებით აღმოსავლეთ ევროპის გამორჩეულ ბანკად აღიარა.„ბაზისბანკი აგრძელებს ქართულ საფინანსო ბაზარზე მდგრად განვითარებას და პოზიციების თანმიმდევრულ განმტკიცებას. მომხმარებლისთვის საუკეთესო საბანკო გამოცდილების შექმნით და ბანკთან თანამშრომლობის მაქსიმალურად გამარტივებით, ვთავაზობთ კომფორტულ საბანკო, სალიზინგო და სადაზღვევო მომსახურებას. 2024 წელს, ჩვენმა გუნდმა მნიშვნელოვანი ნაბიჯები გადადგა ბაზისბანკის სტრატეგიული მიზნების განხორციელების მიმართულებით და ჩვენს მიერ დასახული ამბიციური გეგმები გვარწმუნებს, რომ მიმდინარე წელსაც განსაკუთრებულ შედეგებს მივაღწევთ" - დავით ცაავა, ბაზისბანკის გენერალური დირექტორი.

1743417025

დღეს თბილისის საერთაშორისო აეროპორტში კომპანიის A320 ტიპის ხომალდმა 156 მგზავრით პირველი რეისი შეასრულა. ავიაკომპანია „ბრიტიშ ეარვეისი“ ლონდონი-თბილისი-ლონდონის მიმართულებით პირდაპირ რეგულარულ რეისებს კვირაში 4 სიხშირით შეასრულებს.როგორც მინისტრის მოადგილემ აღნიშნა, განსაკუთრებით სასიხარულოა, რომ ბრიტანულმა ავიაკომპანიამ პირველი რეისი თბილისის მიმართულებით სრულად დატვირთული ბორტით შეასრულა. მარიამ ქვრივიშვილის თქმით, არანაკლებ მნიშვნელოვანია, ლონდონში თვითმფრინავი ასევე სრული დატვირთვით დაბრუნდება, რაც უკვე მეტყველებს იმაზე, რომ არსებული პირდაპირი ფრენა ძალიან წარმატებული იქნება.„ჩვენ გვაქვს დაგეგმილი მასშტაბური მარკეტინგული კამპანიები დიდ ბრიტანეთში იმისთვის, რომ საქართველოს, როგორც ტურისტული მიმართულების ცნობადობა გაიზარდოს. გვაქვს არაერთი პროექტი ავიაკომპანიასთან იმისთვის, რომ კიდევ ერთხელ წავახალისოთ ჩვენი ქვეყნის ცნობადობა და დარწმუნებული ვარ, რომ „ბრიტიშ ეარვეისის“ შემოსვლა ჩვენი ქვეყნის ტურიზმისა და ავიაციის სექტორისთვის ახალი განაცხადი იქნება,“ - განაცხადა მინისტრის მოადგილემ.მისი თქმით, შედეგად, გაიზრდება ტურისტული ნაკადები დიდი ბრიტანეთიდან, რაც პირველ რიგში, უზრუნველყოფს, რომ გააძლიეროს საქართველოს ტურისტულ ინდუსტრიაში მცირე, საშუალო და მსხვილი მეწარმეები და თავის წვლილს შეიტანს ჩვენი ქვეყნის ეკონომიკის განვითარებაში. „შეგვიძლია საფუძვლიანად ვივარაუდოთ, რომ მიმდინარე წელი ტურიზმისა და სამოქალაქო ავიაციის ინდუსტრიაში ძალიან წარმატებული იქნება,“ - აღნიშნა მინისტრის მოადგილემ.

1743416966