ვიოლა ფონ კრამონი - ჩვენ ივანიშვილის წინააღმდეგ სანქციების დაწესებაზე უნდა ვისაუბროთ

26 ოქტომბრის არჩევნებში ტექნოლოგიების ფართო მასშტაბით გამოყენების უპირატესობებზე, ამომრჩეველთა განათლებისა და საარჩევნო ადმინისტრაციაში მიმდინარე საქმიანობების შესახებ მისიის წარმომადგენლებს ინფორმაცია ცესკოს თავმჯდომარე გიორგი კალანდარიშვილმა მიაწოდა. მან, ასევე, ისაუბრა საუბნო საარჩევნო კომისიის პოტენციურ წევრთა სერტიფიცირების მიზნით გაწეული სამუშაოების შესახებ.„მნიშვნელოვანი შეხვედრა გავმართეთ ეუთოს დემოკრატიული ინსტიტუტებისა და ადამიანის უფლებათა ოფისის წარმომადგენლებთან. განვიხილეთ მთელი რიგი მნიშვნელოვანი საკითხები, რომელიც უკავშირდება არჩევნების ადმინისტრირების მიმართულებით გაწეულ და დაგეგმილ საქმიანობებს. ტექნოლოგიების ფართო მასშტაბით გამოყენება, რა თქმა უნდა, აღნიშნული არჩევნების საერთაშორისო და ევროპული სტანდარტების შესაბამისად ჩასატარებლად მნიშვნელოვან ფაქტორს წარმოადგენს. ჩვენთვის მნიშვნელოვანია, შევინარჩუნოთ საარჩევნო მთლიანობისა და გამჭვირვალობის უმაღლესი სტანდარტები. თანამშრომლობა ODIHR-თან ამ მხრივ გადამწყვეტია და მზად ვართ მისიის წარმომადგენლებს მივაწოდოთ გადამოწმებული და ობიექტური ინფორმაცია“, - განაცხადა ცესკოს თავმჯდომარემ.გიორგი კალანდარიშვილმა კიდევ ერთხელ დაადასტურა ცესკოს მზადყოფნა მჭიდროდ ითანამშრომლოს ODIHR-ის მისიასთან და ხაზი გაუსვა მუდმივი კომუნიკაციისა და თანამშრომლობის მნიშვნელობას. როგორც მან აღნიშნა: „საარჩევნო ადმინისტრაციისთვის ფასდაუდებელია ODIHR-ის მიერ გაწეული მხარდაჭერა და ზედამხედველობა. ჩვენ ორიენტირებულები ვართ გამჭვირვალობაზე და ღია ვართ კონსტრუქციული გამოხმაურებისთვის, რომელიც დაგვეხმარება გავაუმჯობესოთ ჩვენი პრაქტიკა“.დღევანდელ შეხვედრას ეუთოს დემოკრატიული ინსტიტუტებისა და ადამიანის უფლებათა ოფისის საარჩევნო დეპარტამენტის ხელმძღვანელი - მეგან ფიცჯერალდი, უფროსი მრჩეველი ახალი საარჩევნო ტექნოლოგიების საკითხებში - ვლადიმირ მისევი, მრჩეველი/ოფიცერი საარჩევნო საკითხებში - ქსენია დაშუტინა და ეუთოს საპარლამენტო ასამბლეის ადმინისტრაციული და პროგრამის მთავარი ოფიცერი - ტიმ ნობლაუ ესწრებოდნენ.შეხვედრა დღეს ცესკოში გაიმართა და მას, ასევე, დაესწრნენ ცესკოს თავმჯდომარის მოადგილე გიორგი შარაბიძე, ცესკოს წევრი დიმიტრი ჯავახაძე და საერთაშორისო ურთიერთობების და პროტოკოლის განყოფილების უფროსი თამარ კაპანაძე.

1716306779

ინდოეთის გადასამუშავებელმა ქარხნებმა მცირე ხნით შეწყვიტეს რუსული ნავთობის იმპორტი Sovcomflot-ის კუთვნილი ტანკერებით მას შემდეგ, რაც თებერვალში ვაშინგტონმა კომპანიის გემები და მისი 14 ტანკერი დაასახელა, როგორც დასავლეთის სანქციების დამრღვევი.ინდოეთი, მსოფლიოში მესამე უდიდესი ნავთობის იმპორტიორი და მომხმარებელი, რუსული ნავთობის ყველაზე დიდი მომხმარებელია, საუბარია საზღვაო ტანკერებით მიღებულ ნავთობზე.აპრილში, 2024/25 ფინანსური წლის პირველ თვეში, ინდოეთის გადამმუშავებელი ქარხნები იღებდნენ დღეში თითქმის 1,8 მილიონ ბარელ რუსულ ნავთობს, დაახლოებით 8,2%-ით მეტს წინა თვესთან შედარებით. რუსეთი გახდა ინდოეთის ნავთობის მთავარი მიმწოდებელი 2023/24 ფინანსურ წელს, რითაც ახლო აღმოსავლეთისა და OPEC-ის მწარმოებლების ბაზრის წილი შემცირდა.

1716296198

Technovation Girls SAKARTVELO 2024-ის კონკურსი ორი ასაკობრივი ჯგუფისთვის, 13-15 წლის და 16-18 წლის მოზარდებისთვის, გაიმართა. წლევანდელ კონკურსში 700-ზე მეტმა გოგონამ და 250-მა მენტორმა მიიღო მონაწილეობა.  წარდგენილი პროექტებიდან ადგილობრივმა ჟიურიმ გადაარჩია ნამუშევრები და გამოვლინდა გამარჯვებული გუნდები, რომლებიც საერთაშორისო კონკურსში მიიღებენ მონაწილეობას საქართველოს სახელით:გუნდი „Easy Care“ | პროექტით „Easy Care“ |აჭარაგუნდი „Visionairy Girls“ | პროექტით „Volunify“ | თბილისიგუნდი „Hypotenuse 5“ | პროექტი „Gamige“ | თბილისიგუნდი „Wondermakers“ |პროექტი „Quake Quest“ | თბილისიგუნდი „AgronicEye“ | პროექტი „AgronicEye“ |კახეთი, თბილისიგუნდი „AI Eyes“ | პროექტი „AI Eyes“ | აჭარაგუნდი „MQM“ | პროექტი „MemorEase“ | თბილისიგუნდი "Victorious Secrets | პროექტი „L.I.F.E.M.I.N.E“ |იმერეთიივნისში საქართველოს გამარჯვებული გუნდები საერთაშორისო ჟიურის მიერ შეფასდებიან, რის შემდეგაც დასახელდებიან ფინალისტები და რეგიონული გამარჯვებულები. 2024 წლის სეზონის გამარჯვებული გუნდები, ოქტომბერში, ფინალის მსოფლიო სამიტზე გამოვლინდებიან. Technovation Girls SAKARTVELO 2024-ის კონკურსში გამოვლენილი საუკეთესო 20 გუნდი მონაწილეობას მიიღებს ტექნოლოგიურ საზაფხულო ბანაკში, საქართველოში.თიბისი, როგორც ტექნოლოგიური კომპანია, Technovation Girls SAKARTVELO-ს მხარდაჭერით, მიზნად ისახავს ტექნოლოგიური ეკოსისტემის განვითარების ხელშეწყობას, ამ სფეროში გოგონების გაძლიერებას და ზოგადად ახალგაზრდა თაობაში ტექნოლოგიურ საკითხებთან დაკავშირებით ცნობადობის ამაღლებას.

1716293498

რაც შეეხება წელს, 4 თვის მონაცემებს, იანვარ-აპრილში , წინა წლის ანალოგიურ პერიოდთან შედარებით, ჩინური ავტომობილების იმპორტი 46%-ით არის გაზრდილი. კერძოდ, 2024 წლის 4 თვეში აღნიშნული ქვეყნიდან საქართველოში 832 ერთეული (11,065 მლნ აშშ დოლარი) მანქანა შემოვიდა, 2023 წლის იგივე პერიოდში - 570 (6,836 მლნ აშშ დოლარი).რაც შეეხება ღირებულებას, სტატისტიკური მონაცემების მიხედვით, აპრილში ერთი ჩინური ავტომობილის იმპორტი, დაახლოებით, 11 300 აშშ დოლარი დაჯდა. თუმცა, ფასი გამოანგარიშებულია საშუალო მაჩვენებლებით, შესაბამისად, მარკის, მოდელის და წლოვანების მიხედვით, შესაძლოა, უფრო მეტი ან ნაკლებიც დაჯდეს.ამასთან, შეგახსენებთ, რომ საქართველოში ჩინური მანქანების ბაზრობის გახსნა იგეგმება. როგორც ჩინეთის რესპუბლიკის ელჩმა საქართველოში ჭოუ ციენმა დღეს გამართულ პრესკონფერენციაზე განაცხადა, ჩინური მანქანების ბაზრობა, სავარაუდოდ, ქუთაისში გაიხსნება. თუმცა, ზუსტი თარიღი ამ ეტაპზე უცნობია.წყარო: BPN.GE

1716290052

„ქუთაისის პირველი საჯარო სკოლა საქართველოს ერთ-ერთი უძველესი საგანმანათლებლო კერაა, ის მრავალი გამოჩენილი ქართველი საზოგადო მოღვაწის სასწავლებელი იყო და მდიდარი ისტორიით ხასიათდება. შესაბამისად, სკოლა XIX და XX საუკუნეში არა მხოლოდ საქართველოს, არამედ მთლიანად რეგიონის ინტელექტუალურ და შემოქმედებით ცენტრს წარმოადგენდა.სულ მალე კი ამ სამსაუკუნოვანი ისტორიის მქონე სკოლაში საქართველოს ბანკის იდეათეკა გაიხსნება - მულტიფუნქციური საგანმანათლებლო სივრცე ახალგაზრდებისთვის, რომელიც მოსწავლეებს შემეცნებისთვის, განათლებისა და განვითარებისთვის საჭირო ყველა რესურსით უზრუნველყოფს.თუმცა, სანამ სკოლის მდიდარი გამოცდილებისა და თანამედროვე სივრცის ურთიერთგადაკვეთაზე უფრო ვრცლად ვისაუბრებდეთ, სკოლის ისტორიას მოგიყვებით. სამი საუკუნის ამბავი - ქუთაისის პირველი სკოლა სამ საუკუნოვან ისტორიას აერთიანებს. მისი ამბავი ჯერ კიდევ 1830 წლიდან იწყება. მაშინ, ქუთაისში საშუალო ტიპის სამაზრო სასწავლებელი დაარსდა, სულ რაღაც 20 წელიწადში, 1850 წელს კი, ის ქუთაისის გუბერნიის შექმნის გამო ჯერ გიმნაზიად, შემდეგ კი, 1879 წელს კლასიკურ გიმნაზიად გადაკეთდა. XX საუკუნის დასაწყისში კლასიკური გიმნაზია გაუქმდა და ამ პერიოდიდან მოყოლებული, XXI საუკუნის დასაწყისამდე მრავალგზის იცვალა სახე. 2005 წლიდან კი ის აკაკი წერეთლის სახელობის პირველი საჯარო სკოლის სახელით ფუნქციონირებს.მრავალი გარდატეხისა და ცვლილების მიუხედავად, სკოლას საგანმანათლებლო საქმიანობა არც ერთ ეტაპზე არ შეუწყვეტია.შესაბამისად, ქუთაისის კლასიკური გიმნაზია მრავალი „ოქროს თაობის“ წარმომადგენლის სასწავლებლად იქცა. აქ აღიზარდნენ აკაკი წერეთელი, ნიკო ნიკოლაძე, სერგეი მესხი, გიორგი წერეთელი... - ის ადამიანები, რომლებმაც საქართველოში საუნივერსიტეტო განათლებას ჩაუყარეს საფუძველი.ამასთან, გიმნაზიის მოსწავლეები იყვნენ სიმბოლისტი პოეტებიც: ტიციან ტაბიძე, კოლაუ ნადირაძე, ვალერიან გაფრინდაშვილი, შალვა აფხაიძე, რომელთა ლიტერატურული შემოქმედება ევროპეიზაციის იდეასა და ჩვენში ევროპული კულტურის პოპულარიზაციას ემსახურებოდა.პირველი სკოლა დღეს-2014 წლიდან ქუთაისის პირველი სკოლის დირექტორი სალომე სარალიძეა. როგორც გვიყვება, სკოლის მიზანი მოსწავლეებისთვის ისეთი ხარისხიანი განათლების მიცემაა, რომელიც მათ დასავლეთის, განსაკუთრებით კი გერმანიის წამყვან უნივერსიტეტებში სწავლის გაგრძელებაში დაეხმარება. რათა შემდეგ, მიღებული ცოდნა საკუთარი ქვეყნის განვითარებას მოახმარონ“, - აცხადებენ „საქართველოს ბანკში“.„უკანასკნელი ათწლეულის განმავლობაში, სოციალური გამოკვლევის თანახმად, სკოლა უცვლელად ინარჩუნებს ერთ-ერთი ყველაზე მოთხოვნადი სკოლის სტატუსს, რასაც ჩვენი მოსწავლეებისა და კურსდამთავრებულების წარმატება განაპირობებს როგორც ოლიმპიადებზე, ასევე საგრანტო კონკურსებში.ჩვენთვის მთავარი მიზანი, დასავლური, მაღალი ხარისხის განათლების სტანდარტებზე სწორებაა. ამიტომ, ვცდილობ, სკოლაში მუდმივად განვახორციელოთ ახალი პროექტები და პროგრამები, დავუპარტნიორდეთ სხვადასხვა ორგანიზაციებს, რაც დაგვეხმარება, ჩვენი მოსწავლეებისთვის შევქმნათ განვითარების კიდევ უფრო ბევრი შესაძლებლობა.მაგალითად, როგორც გოეთეს ინსტიტუტის პარტნიორმა სკოლამ, მოვიპოვეთ DSD-ს სტატუსი, რომლის საფუძველზეც გერმანული ენის გაძლიერებული სწავლება გადავიდა გერმანული უწყების კომპეტენციაში. ამით წარმატებულ მოსწავლეებს გზა ეხსნებათ გერმანული უნივერსიტეტებისაკენ, რითაც გრძელდება კლასიკური გიმნაზიის საუკეთესო ტრადიცია. გენდერული კუთხით ჩართული ვართ გაეროს ქალთა ფონდისა და UNPRA-ს მხარდაჭერით მიმდინარე პროექტში „გენდერული თანასწორობა ერთად სტერეოტიპებისა და გენდერული ძალადობის წინააღმდეგ“, მონაწილეობა მივიღეთ პროექტში „დემოკრატია იწყება სკოლიდან“ - აცხადებს სალომე სალარიძე.„საქართველოს ბანკის“ იდეათეკა - სივრცე შემეცნებისთვის მოსწავლეებისთვის განათლების კიდევ უფრო მეტი შესაძლებლობის შესაქმნელად კი სულ მალე ქუთაისის პირველ საჯარო სკოლაში „საქართველოს ბანკის“ იდეათეკა გაიხსნება.„საქართველოს ბანკის“ იდეათეკა მულტიფუნქციური საგანმანათლებლო სივრცეა, რომელიც მოსწავლეებს შემეცნებისა და განვითარებისთვის საჭირო ინსტრუმენტებით უზრუნველყოფს. ის ახალგაზრდებს აძლევს წვდომას მრავალფეროვან ბიბლიოთეკაზე, როგორც ზოგადი ასევე სასკოლო განათლებისთვის საჭირო რესურსებზე, STEM კუთხეზე, კომპიუტერებსა და პროექტორებზე.რაც ნიშნავს იმას, რომ „საქართველოს ბანკის“ იდეათეკა მოსწავლეებისთვის ქმნის სივრცეს, ახალი აღმოჩენებისთვის.დღეს, „საქართველოს ბანკის“ იდეათეკები საქართველოს 9 რეგიონის 21 სკოლაში ფუნქციონირებს და 11 000-ზე მეტი მოსწავლისთვის ქმნის განათლების შესაძლებლობებს. ქუთაისის პირველ საჯარო სკოლაში გახსნილი იდეათეკა კი 2000-ზე მეტ მოსწავლეს დაეხმარება, იპოვონ პასუხები მათთვის საინტერესო კითხვებზე, შეიმეცნონ უფრო მეტი და გადადგან პირველი ნაბიჯები მეცნიერების უსაზღვრო სამყაროში“, - ნათქვამია „საქართველოს ბანკის“ გავრცელებულ ინფორმაციაში.

1716289440

ერთობლივ ღონისძიებაზე EBRD-ის ხაზინამ და სებ-მა ოფიციალურად წარმოადგინეს ნაშრომი სათაურით „ფინანსური ბაზრის განვითარების საფუძვლების შექმნა: ევროპის რეკონსტრუქციისა და განვითარების ბანკის (EBRD) საქართველოში მუშაობის 10-ზე მეტი წლის რეტროსპექტივა.“ ნაშრომში მოცემულია საქართველოს ფინანსური ლანდშაფტის ფორმირებაში EBRD-ის, ეროვნული ბანკისა და ადგილობრივი ფინანსური ინსტიტუტების ჩართულობის ანალიზი.ნაშრომი შვეიცარიის ეკონომიკურ საკითხებში სახელმწიფო სამდივნოს (SECO) მხარდაჭერით მომზადდა.დოკუმენტში ყურადღება გამახვილებულია ორ მნიშვნელოვან ელემენტზე: ადგილობრივ ეკონომიკაში ქართული ლარის როლის გაზრდაზე და რეალური ეკონომიკის მდგრადი და ჯანსაღი დაფინანსებისთვის საჭირო ინსტრუმენტებისა და ინფრასტრუქტურის შექმნაზე.ნათია თურნავას თქმით, EBRD-ის ხაზინის მიერ წარმოდგენილ ანალიზში კიდევ ერთხელ არის ხაზგასმული, რომ საქართველო პატარა ქვეყნის საინტერესო მაგალითია ღია ეკონომიკითა და ფინანსური სექტორით და მიუხედავად ყველა წინააღმდეგობისა, წარმატებას მიაღწია.„ევროპის რეკონსტრუქციისა და განვითარების ბანკი საქართველოს ეროვნული ბანკისა და მე ვიტყოდი, მთლიანად საქართველოს ეკონომიკის ერთ-ერთი უძლიერესი პარტნიორია. ფინანსური ბაზრების განვითარების თვალსაზრისით, EBRD-თან განსაკუთრებული თანამშრომლობა გვაქვს და დღევანდელი ნაშრომი, რომელიც პირველად წარვადგინეთ, სწორედ ამ ათწლიან, ძლიერ თანამშრომლობას ასახავს. განსაკუთრებით გამოვყოფდი ჩვენს ერთობლივ გეგმებს კაპიტალის ბაზრის განვითარების მიმართულებით. გარდა ამისა, ვაგრძელებთ თანამშრომლობას ფინანსური ბაზრის და მასზე წარმოდგენილი პროდუქტების უფრო მეტად დივერსიფიცირების მიმართულებითაც. აქვე უნდა აღინიშნოს, რომ EBRD დედოლარიზაციის პროგრამის მხარდამჭერია, ასევე ძალიან დიდი წვლილი აქვს და მომავალშიც მხარს დაუჭერს ეროვნული ვალუტის – ლარის შემდგომ განმტკიცებას და მის დომინირებას სხვადასხვა საფინანსო ინსტრუმენტის სახით“, – აღნიშნა ნათია თურნავამ.

1716282749