სოკარ ჯორჯია პეტროლეუმი და Mercy Corps საქართველო ახალგაზრდული მეწარმეობის მხარდასაჭერად ერთიანდებიან

როგორც ნონიაძემ „მედიაცენტრ მთავარში" განაცხადა, ისინი პარლამენტს აუცილებლად მიმართავენ და ითხოვენ, რომ მოლაპარაკების და განხილვის პროცესში ჩაერთონ.„საქართველოს პარლამენტში შემოდის ახალი კანონპროექტი, რომელიც განბაჟების ვალდებულებას ზემოთ წევს. ეს ძირითადად ეხება 6 წელზე ზემოთ ავტომობილებს. შეიძლება საზოგადოების დიდმა ნაწილმა არ იცის, რომ 6 წელზე ზემოთ ავტომობილების განბაჟების აქციზის გადასახადიც იზრდება. თუ იყო 80 თეთრი 6 წლის ავტომობილი, 1.50 თეთრი ხდება. უძვირებს როგორც ახალი ავტომობილის მყიდველებს გადასახადს, ასევე შედარებით ძველი, უფრო ასაკოვანი ავტომობილების მფლობელებსაც. ფაქტობრივად, ეს ეხება ისეთ დარგს, როგორიცაა ავტოიმპორტი. ზარალდებიან მომხმარებლები, ჩვენი ქვეყნის მოქალაქეები. საქსტატის მონაცემებით, მოქალაქეების 95%-ზე მეტს არ აქვს საშუალება 6 წელს ზემოთ ავტომობილის შეძენის.შესაბამისად, ეს დადგენილება რომ შემოვა, საუკეთესო შემთხვევაში, 5% შეძლებს ავტომობილის შეძენას, თუმცა, სხვა შემთხვევაში, მოქალაქეების 90%-ისთვის ხელმიუწვდომელია. გამოდის, რომ მაგალითად, 2016 წლის ავტომობილის განბაჟებაში იმავე რაოდენობა უნდა გადაიხადოს, რა ფასადაც ავტომობილი შეიძინა. ფაქტობრივად, თუ ისე გავაძვირეთ განბაჟების გადასახადი, რომ 2022-2023 წლის ავტომობილის ფასი დაგვიჯდება, მაშინ რა ლოგიკაა ამაში? რატომ უნდა იყიდოს 2015 ან 2016 წლიანი ავტომობილი, როდესაც შეუძლია ადამიანს უფრო ახალი ავტომობილი შეიძინოს. სწორედ ამაში მდგომარეობს საკითხი, რომ მომხმარებელს არა აქვს ამის საშუალება და ფუფუნება, რომ ასე ძვირი გადაიხადოს“, - განაცხადა ნონიაძემ.ისინი მოითხოვენ შეიქმნას სამუშაო ჯგუფი, სადაც სექტორის წარმომადგენლებს არგუმენტირებული დიალოგის წარმართვის შესაძლებლობა ექნებათ.„ამ თემასთან დაკავშირებით ჩვენ აუცილებლად გვინდა პარლამენტს მივმართოთ. გვინდა, რომ მოლაპარაკებების და განხილვის პროცესში ჩავერთოთ. ჩვენი ინფორმაციით, ამ კვირაში აპირებენ ამ კანონპროექტის განხილვას და დაჩქარებული წესით მიღებას. აუცილებლად გვექნება ამ თემასთან დაკავშირებით კითხვები. გვაქვს გარკვეული მოთხოვნაც: პირველი საკითხია, რომ უნდა გადაიხედოს 6 წლიანი ასაკობრივი ზღვარი და 10 წლამდე გაიზარდოს. მეორე საკითხია, რომ 10 წლამდე ასაკის ავტომობილებისთვის აქციზის გადასახადი განისაზღვროს 1 ლარით და 50 თეთრით ძრავის კუბურ სანტიმეტრზე, ხოლო 10 წელზე მეტი ასაკის ავტომობილებისთვის 4 ლარი და 5 თეთრი. ასევე, შეიქმნას სამუშაო ჯგუფი, სადაც სექტორის წარმომადგენლებს არგუმენტირებული დიალოგის წარმართვის შესაძლებლობა ექნებათ. ჩვენ არ ვითხოვთ რეგულაციების გაუქმებას. ვითხოვთ სამართლიან, ეკონომიკურად დასაბუთებულ და ქვეყნის ინტერესებზე მორგებული გადაწყვეტილების მიღებას“, - განაცხადა ნონიაძემ.მისი თქმით, ვიდრე მთავრობა გადაწყვეტილების შესახებ გამოაცხადებდა, დარგის სპეციალისტებთან და მათთან კონსულტაცია არ ყოფილა.„განმარტებით ბარათში პირდაპირ უწერიათ, რომ იქ არავისთან კონსულტაცია არ გაუვლიათ. ან განმარტებითი ბარათის ავტორი ტყუის ან მინისტრები ტყუიან, როდესაც ამბობენ, რომ დარგის სპეციალისტებთან გაიარეს კონსულტაცია. პირადად ჩვენთან და დარგის სპეციალისტებთან ასეთი კომუნიკაცია არ შემდგარა, რომ მაგიდასთან დავმსხდარიყავით, მოლაპარაკება გვქონოდა, ჩვენი არგუმენტები გაგვეცვალა და საპასუხო რეაქციას დავლოდებოდით. მსგავსი არაფერი ყოფილა“, - განაცხადა ნონიაძემ.საქართველოს ხელისუფლება ქვეყანაში 6 წელზე მეტი წლოვანების ავტომობილების შემოყვანას აღარ კრძალავს. სანაცვლოდ, მთავრობის გადაწყვეტილებით, ავტომობილის შემოყვანის აქციზი კონკრეტული თანხით, ანუ ერთ კუბზე 4,5 ლარით განისაზღვრება. 6 წელზე მეტი წლოვანების ავტომობილების განბაჟება ახალი ტარიფით ძალაში 1-ელი აპრილიდან შევა.

1773652228

ადმინისტრაციული შენობების მშენებლობა დასრულებულია  ცაგერში, ლენტეხსა და ონში.  ამბროლაურში მიმდინარე სამშენებლო სამუშაოებს  ეროვნული სატყეო სააგენტოს უფროსი ბესიკ ამირანაშვილი ადგილზე გაეცნო. ეროვნული სატყეო სააგენტოს ინიციატივით, ქვეყნის მასშტაბით, ჯამში, 10 ადმინისტრაციული შენობა მოეწყობა.„სატყეო სამსახურების გაძლიერებისა და მოსახლეობისთვის სატყეო სააგენტოს სერვისებზე ხელმისაწვდომობის გამარტივების მიზნით, დამატებით აშენდა ახალი ადმინისტრაციული შენობები, რაც  ადგილობრივ მოსახლეობასა და კერძო სექტორს მისცემს შესაძლებლობას, ტყესთან დაკავშირებული ინფორმაცია ადგილზე, გაცილებით მარტივად მიიღონ“, -აღნიშნა  ეროვნული სატყეო სააგენტოს უფროსმა, ბესიკ ამირანაშვილმა.ინსტიტუციური შესაძლებლობების გაძლიერება და  შესაბამისი სამუშაო პირობების შექმნა, ისევე, როგორც სააგენტოს ტექნიკური გადაიარაღება თანამედროვე ტექნოლოგიური საშუალებებით,  სატყეო რეფორმის  ერთ-ერთი პრიორიტეტული მიმართულებაა.

1773651840

„დღეს ძალიან სასიხარულო მომენტია, ვინაიდან ეს მუშაობა, რომელიც ერთობლივად გაიმართა Galt & Taggart-ის, რომელიც ჩვენი შვილობილი ორგანიზაციაა, როგორც მოგეხსენებათ, და სოფლის მეურნეობის სამინისტროს სხვადასხვა მიმართულების მიმართულებებით, მათ შორის სააგენტოებთან, მთლიანობაში ითარგმნა იმ ანალიტიკაში, რომელიც იქნება წარმოდგენილი დღეს.საქართველოს ბანკის როლი ამ ინდუსტრიაში ძალიან აქტიურია. ჩვენ ყველანაირად ვცდილობთ, რომ ამ ინდუსტრიაში მოქმედ პირებს, ბიზნესებს მხარში დავუდგეთ და ვითანამშრომლოთ იმისთვის, რომ განავითარონ და გააფართოვონ საკუთარი წარმოება.სოფლის მეურნეობაში მართლაც ბოლო წლების განმავლობაში ძალიან დიდი პოზიტიური ძვრები არის და ამას სჭირდება კიდევ უფრო განვითარება და, ასე ვთქვათ, ამ ტრაექტორიაზე სვლის გაგრძელება.ჩვენი როლი ამ მიმართულებით იქნება, რომ გავაგრძელებთ ანალიტიკის დამუშავებას და წარდგენას საზოგადოებისადმი და ამ სექტორში მოღვაწე ყველა ბიზნესისათვის და სახელმწიფოსთვის, ვინაიდან ესეთი ტიპის ანალიტიკა მნიშვნელოვანია სწორი გადაწყვეტილებების მიღებისთვის“, - აღნიშნა არჩილ გაჩეჩილაძემ. 

1773651266

„ჯუნი“ ისრაელის ავიახაზების ოფიციალური წარმომადგენელია საქართველოში და ადგილობრივი ბაზრის 30%-ზე მეტს ფლობს, რაც წელიწადში დაახლოებით 150 000 ვიზიტორს შეადგენს. კომპანიის რეპუტაცია დაფუძნებულია სანდოობაზე, სტაბილურობასა და სექტორის სიღრმისეულ ცოდნაზე.აღსანიშნავია, რომ „ჯუნი“ იყო კომპანია, რომელმაც ფინანსურად დაუჭირა მხარი პარტნიორ ავიაკომპანიას, რათა ზამთრის სეზონზეც უზრუნველეყო ოპერაციების უწყვეტობა ბათუმში. აღნიშნულმა სტრატეგიულმა სუბსიდიამ ხელი შეუწყო მთელი წლის განმავლობაში საჰაერო კავშირის შენარჩუნებას, ტურისტული ნაკადების მხარდაჭერასა და ბაზრის სტაბილურობას დაბალი სეზონის პერიოდში. კომპანიის პროაქტიური ინვესტიცია ნათლად გამოხატავს დანიშნულების ადგილის განვითარებისადმი გრძელვადიან ერთგულებას და ავიაკომპანიებთან მყარ პარტნიორულ ურთიერთობებს.დღეისათვის კომპანია აქტიურად აფართოებს გეოგრაფიულ არეალს და მუშაობს ინდოეთის მზარდ ბაზარზე, სადაც საქართველოს, როგორც მიმზიდველი ტურისტული მიმართულების პოპულარიზაციას უწევს.„მოხარულნი ვართ, რომ საქართველოს ბიზნეს ასოციაციის დიდ ოჯახს კიდევ ერთი ძლიერი და მაღალი რეპუტაციის მქონე კომპანია შემოუერთდა. ტურიზმი ჩვენი ქვეყნის ეკონომიკის ერთ-ერთი წამყვანი სექტორია, ხოლო „ჯუნის“ მსგავსი პროფესიონალური და სტრატეგიულად მოაზროვნე მოთამაშეების აქტიურობა კიდევ უფრო აძლიერებს ბიზნესგარემოს. დარწმუნებულნი ვართ, რომ ჩვენი თანამშრომლობა ნაყოფიერი იქნება და ერთობლივი ძალისხმევით ხელს შევუწყობთ დარგში არსებული გამოწვევების დაძლევასა და ახალი შესაძლებლობების რეალიზებას“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1773649200

აზიურ ფაროსანასთან ბრძოლის  მართვის ცენტრში გამართულ შეხვედრაზე  ცენტრის ხელმძღვანელმა დავით აშორდიამ რეგიონების ჯგუფის უფროსებთან მიმდინარე წლის სამოქმედო გეგმა განიხილა.ინტენსიური წამლობების დაწყებამდე, სააგენტოს სპეციალისტები „მონიტორინგის ხაფანგების“, „მოიზიდე და გაანადგურე სადგურების“, ფერომონიანი ხაფანგების განთავსებას იწყებენ. მონიტორინგის შედეგად კი, შემდეგ ეტაპზე, დასავლეთ საქართველოს  ყველა რეგიონის ადმინისტრაციულ ერთეულში წერტილოვანი წამლობები ცივი შესხურებით მეთოდით დაიწყება.„წელსაც, წინა წლების მსგავსად, ჩატარდება მასშტაბური ღონისძიებები. სპეციალიზებული ტექნიკა სრულად არის მობილიზებული. ჩვენი პრიორიტეტია სასოფლო-სამეურნეო კულტურების დაცვა“, - განაცხადა დავით აშორდიამ.სამუშაო შეხვედრას აჭარის სოფლის მეურნეობის სამინისტროს მონიტორინგისა და შეფასების დეპარტამენტის უფროსი ირაკლი ონიანიც ესწრებოდა. ირაკლი ონიანმა ხაზგასმით აღნიშნა, რომ სურსათის ეროვნული სააგენტოს მიერ გასულ წელს აჭარაში მავნებლის საწინააღმდეგოდ ჩატარებულმა მასშტაბურმა ღონისძიებებმა სასოფლო-სამეურნეო კულტურების ზიანი  მინიმუმადე შეამცირა და ციტრუსის მოსავლის ხარისხი მნიშვნელოვნად გაუმჯობესდა.შეხვედრაზე ხაზი გაესვა მოსახლეობის ჩართულობის აუცილებლობას, რაც კომპლექსური ღონისძიებების ეფექტიანობისათვის უმნიშვნელოვანესია. სურსათის ეროვნული სააგენტოს სპეციალისტები, მავნებელთან ბრძოლის პარალელურად, მოსახლეობის ინფორმირებულობასაც აქტიურად გააგრძელებენ.

1773646980

აღნიშნული პარტნიორობა პირდაპირ ეფუძნება „სოკარ ჯორჯია პეტროლეუმის“ კორპორაციული სოციალური პასუხისმგებლობის (CSR) სტრატეგიას. კომპანიის პრიორიტეტი ახალგაზრდების მხარდაჭერა, მათი პროფესიული განვითარება და ეკონომიკური გაძლიერებაა. „სოკარის“ ხედვით, რეგიონებში მცხოვრები მომავალი თაობის გაძლიერება და მეწარმეობის ხელშეწყობა ქვეყნის მდგრადი განვითარების უმნიშვნელოვანესი საფუძველია. სწორედ ეს ღირებულებები გახდა Mercy Corps საქართველოსთან თანამშრომლობის მთავარი მოტივატორი. პროექტი, რომელიც „ავსტრიის საერთაშორისო პარტნიორობის“ (International Partnerships Austira) დაფინანსებით ხორციელდება, მიზნად ისახავს დამატებითი ფინანსური რესურსების მობილიზებასა და ახალგაზრდული მეწარმეობის მხარდაჭერას ქვეყნის ოთხ რეგიონში, 21 მუნიციპალიტეტში. ერთობლივი ძალისხმევით, მომდევნო 3 წლის განმავლობაში უზრუნველყოფილი იქნება: • 65 ახალგაზრდა მეწარმის პირდაპირი დაფინანსება; • მასშტაბური ტრენინგებისა და მენტორობის პროგრამები; • ინდივიდუალური საკონსულტაციო მხარდაჭერა; • სტრატეგიული ქვე-პროექტების განხორციელება და განვითარება. „სოკარ ჯორჯია პეტროლეუმისთვის“ გადამწყვეტია პროექტის ხელშესახები ეფექტი, რაც RDYE-ის პირველმა ფაზამ უკვე დაადასტურა: დაფინანსდა 60 საწარმო, შეიქმნა 33 ახალი პროდუქტი და დასაქმდა 219 ადამიანი (მათ შორის 75 ქალი მენეჯერულ პოზიციაზე). განსაკუთრებით საამაყოა ის ფაქტი, რომ დაფინანსებული საწარმოებიდან 14 უკვე გასცდა მშობლიური რეგიონის ფარგლებს, ხოლო 6 მათგანი საერთაშორისო ბაზარზეც ოპერირებს. ინიციატივის მეორე ფაზა, რომელიც 2025 წლის ოქტომბრიდან 2028 წლის ოქტომბრამდე გაგრძელდება, სრულად დაფარავს ქვემო ქართლის, სამცხე-ჯავახეთის, აჭარისა და გურიის რეგიონებს.„სოკარ ჯორჯია პეტროლეუმი“ მომავალშიც აქტიურად დაუჭერს მხარს იმ ინიციატივებს, რომლებიც ქმნის ახალ ეკონომიკურ შესაძლებლობებს რეგიონებში და უზრუნველყოფს ქვეყნის მდგრად სოციალურ წინსვლას

1773645598