„ჩინეთის საგადახდო სისტემასთან მიერთება არა მარტო დააზღვევს რისკებს, არამედ კავშირი გახდება ბევრად უფრო იაფი და მარტივი“

ამის შესახებ აზერბაიჯანის სახელმწიფო ნავთობკომპანიის (SOCAR) პრეზიდენტმა, როვშან ნაჯაფმა განაცხადა.მისი გამოსვლა აშშ-აზერბაიჯანის სავაჭრო-სამრეწველო პალატის 30 წლის იუბილესადმი მიძღვნილ საერთაშორისო კონფერენციაზე „აშშ-აზერბაიჯანის სავაჭრო და ბიზნესის დღის წესრიგი: ბაზრების დაკავშირება - მომავლის შექმნა“ გახსნის სესიაზე შედგა, სახელწოდებით „ორმხრივი ვაჭრობისა და სტრატეგიული თანამშრომლობის გაძლიერება“.ხაზგასმით აღნიშნა, რომ ამერიკული კორპორაციები პირველთა შორის იყვნენ, ვინც მონაწილეობა მიიღო აზერბაიჯანის მასშტაბურ ნავთობისა და გაზის ინიციატივებში. SOCAR-ის ხელმძღვანელმა გაიხსენა, რომ ამ პარტნიორობას მყარი საფუძველი ჩაეყარა „საუკუნის კონტრაქტის“ ხელმოწერით.როვშან ნაჯაფმა აღნიშნა, რომ ბოლო წლების განმავლობაში SOCAR-სა და ამერიკულ ბიზნესს შორის ნაყოფიერი თანამშრომლობა ენერგეტიკული სექტორის მრავალ სეგმენტში გაფართოვდა. მან ხაზგასმით აღნიშნა, რომ დღევანდელი პარტნიორობა მოიცავს არა მხოლოდ კვლევასა და წარმოებას, არამედ ინჟინერიას, ციფრულ ინოვაციებსა და მდგრადი განვითარების პროექტებსაც. ხაზგასმით აღინიშნა, რომ ბიზნეს პროცესებში ხელოვნური ინტელექტის აქტიური დანერგვისა და მონაცემთა ცენტრებზე მზარდი მოთხოვნის გათვალისწინებით, ამ სფეროსაც დიდი ყურადღება ექცევა.კომპანიის პრეზიდენტმა ასევე აღნიშნა, რომ აზერბაიჯანი უზრუნველყოფს ევროპის ბაზრებზე ბუნებრივი აირის სტაბილურ მიწოდებას სამხრეთის გაზის დერეფნის მეშვეობით. ამრიგად, ქვეყანა მნიშვნელოვან როლს ასრულებს ევროპის ენერგეტიკული უსაფრთხოების განმტკიცებაში.როვშან ნაჯაფმა ხაზგასმით აღნიშნა, რომ ხელსაყრელი გეოგრაფიული მდებარეობის, თანამედროვე ინფრასტრუქტურისა და წარმატებული საერთაშორისო პარტნიორობის მრავალწლიანი გამოცდილების წყალობით, აზერბაიჯანი აგრძელებს თავისი სტატუსის განმტკიცებას, როგორც რეგიონალური ენერგეტიკული ცენტრისა და კასპიის აუზის მთავარი კარიბჭის.„SOCAR დიდ ინტერესს იჩენს ამერიკულ ბაზარზე შესვლისა და აშშ-ში პროექტებში წილების შეძენის მიმართ. ამჟამად აქტიური მოლაპარაკებები მიმდინარეობს რიგ ამერიკელ პარტნიორებთან“, - დაასკვნა მან.

1773224722

გამოცემის მიხედვით, ამერიკულ ბრენდ Chobani-ს დამფუძნებელი ჰამდი ულუკაია 13,5 მილიარდი დოლარის წმინდა ქონებით სიის სათავეში მოექცა. მან შეინარჩუნა თურქეთის უმდიდრესი ადამიანის სტატუსი.მეორე ადგილზეა Yıldız Holding-ის თავმჯდომარე მურატ ულკერი 5,3 მილიარდი დოლარის წმინდა ქონებით.

1773224151

ამის შესახებ Forbes-ი წერს.ინფორმაციის თანახმად, უმდიდრესი რუსების ერთობლივმა სიმდიდრემ გასულ წელს ახალ რეკორდს - 696,5 მილიარდ დოლარს მიაღწია.Severstal-ის დამფუძნებელი ალექსეი მორდაშოვი რუს ბიზნესმენებს შორის ახალი ლიდერი გახდა; ბოლო წლის განმავლობაში, მეწარმისა და მისი ოჯახის სიმდიდრე რუსებისთვის რეკორდულ 37 მილიარდ დოლარამდე გაიზარდა.„ეს მოხდა ოქროს ფასების სწრაფი ზრდის და, შესაბამისად, მისი კომპანიის, Nordgold-ის შეფასების ზრდის წყალობით“, - წერს Forbes.მას მოჰყვა Norilsk Nickel-ის პრეზიდენტი ვლადიმერ პოტანინი, რომლის წმინდა ქონება დაახლოებით 29,7 მილიარდ დოლარს შეადგენს. მესამე ადგილზე ნავთობკომპანია Lukoil-ის დამფუძნებელი ვაგიტ ალეკპეროვი გავიდა 29,5 მილიარდი დოლარით.სიის ქვემოთ არიან „ნოვატეკის“ აღმასრულებელი დირექტორი ლეონიდ მიხელსონი და მისი ოჯახი (28.3 მილიარდი დოლარი) და სულეიმან კერიმოვი და მისი ოჯახი (25.7 მილიარდი დოლარი).როგორც გამოცემა აღნიშნავს, ბოლო ერთი წლის განმავლობაში რეიტინგს ცხრა ადამიანი დაემატა.„დოლარის შესუსტებამ რუსი მილიარდერების სასარგებლოდ იმოქმედა - რუბლი ბოლო ერთი წლის განმავლობაში 16%-ით გამყარდა. თუ ერთი წლის წინ 80 მილიარდი რუბლის წმინდა ქონება, დოლარებში გადაყვანილი, არასაკმარისი იყო Forbes-ის გლობალურ რეიტინგში მოსახვედრად, 2026 წელს ამ ზომის რუბლებში წმინდა აქტივების მქონე ბიზნესმენებს აქვთ შანსი, რომ სიაში მოხვდნენ - მიმდინარე გაცვლითი კურსით, მათი ქონება 1 მილიარდ დოლარს აჭარბებს“, - განმარტავს Forbes.

1773223811

კავკასიის რეგიონში ჯილდოსთვის კონკურენცია სამ ქვეყანას - საქართველოს, სომხეთსა და აზერბაიჯანს - შორის მიმდინარეობს. 2025 წლის შედეგების მიხედვით, 2024 წლის მსგავსად, „ტოიოტა ცენტრი თეგეტამ“ კვლავაც შეძლო უმაღლესი შეფასების მიღება და რეგიონში საუკეთესო შედეგის დაფიქსირება.მარიამ მელიაშვილი, „ტოიოტა ცენტრი თეგეტას“ გენერალური დირექტორი: „ტოიოტა ცენტრი თეგეტასთვის“ Kaizen Award-ის უკვე მეორედ მიღება განსაკუთრებული აღიარებაა. ეს ნიშნავს, რომ კომპანია წარმატებით ნერგავს კაიზენის ფილოსოფიას. კიდევ ერთხელ დადასტურდა, რომ ჩვენი გუნდი მუშაობს საერთაშორისო სტანდარტების შესაბამისად და მუდმივად ცდილობს ხარისხისა და ეფექტიანობის გაზრდას, მომსახურების პროცესების ოპტიმიზაციასა და მომხმარებლის გამოცდილების გაუმჯობესებას. სწორედ ამ მიდგომით კავკასიის რეგიონში უმაღლესი შეფასება მივიღეთ, რითაც დავადასტურეთ, რომ ჩვენი საქმიანობა Toyota-ს გლობალურ სტანდარტებს შეესაბამება.ასეთი მაღალი სტანდარტის შენარჩუნება, რა თქმა უნდა, დიდი პასუხისმგებლობაა. კაიზენის ფილოსოფიაც ხომ იმას გულისხმობს, რომ განვითარება არასდროს შევწყვიტოთ. ჩვენთვის მნიშვნელოვანია, ეს მიდგომა კიდევ უფრო გავაღრმაოთ, გავზარდოთ გუნდის ჩართულობა, დავნერგოთ ახალი ინიციატივები და მუდმივად გავაუმჯობესოთ როგორც შიდა პროცესები, ისე მომხმარებლის გამოცდილება. ჩვენი მიზანია, „ტოიოტა ცენტრი თეგეტა“ ამ მიმართულებით რეგიონში ყოველთვის გამორჩეული მაგალითი იყოს“.კაიზენი (Kaizen) იაპონური მენეჯმენტის კონცეფციაა, რომელიც უწყვეტ გაუმჯობესებას ნიშნავს. ტერმინი ორი იაპონური სიტყვისგან შედგება: „კაი“ ნიშნავს ცვლილებას, ხოლო „ზენ“ – უკეთესობისკენ. ის შეგვიძლია პირდაპირ ვთარგმნოთ, როგორც „ცვლილება უკეთესობისკენ“, რასაც საფუძვლად უწყვეტი გაუმჯობესება უდევს. ეს მიდგომა განსაკუთრებით განვითარდა Toyota-ს საწარმოო სისტემაში და დღესაც კომპანიის კორპორაციული კულტურის ერთ-ერთ ფუნდამენტურ პრინციპად რჩება. მიდგომა ეფუძნება იდეას, რომ მცირე, ყოველდღიური ცვლილებები პროცესების ეფექტიანობასა და ხარისხს მნიშვნელოვნად ზრდის და კომპანია წარმატებამდე მიჰყავს.კაიზენის პრინციპები პრაქტიკაში გულისხმობს პროცესების მუდმივ შეფასებასა და დახვეწას, რესურსების უფრო ეფექტიან გამოყენებას, თანამშრომლების აქტიურ ჩართულობასა და მომხმარებელზე მაქსიმალურად ორიენტირებულ მომსახურებას. სწორედ ამ მიდგომის წყალობით კომპანიებს შეუძლიათ მომსახურების ხარისხის გაუმჯობესება, პროცესების დაჩქარება და მომხმარებლის გამოცდილების მუდმივი განვითარება.„ტოიოტა ცენტრი თეგეტა“ ამ ფილოსოფიას ყოველდღიურ საქმიანობაში აქტიურად იყენებს. მომხმარებელზე ორიენტირებული მიდგომის ფარგლებში, კომპანია იაპონური ბრენდის ავტომობილის შეძენასა და მოვლასთან დაკავშირებულ სერვისებს მომხმარებელს ერთ სივრცეში, „ერთი ფანჯრის“ პრინციპით სთავაზობს. პარალელურად, „ტოიოტა ცენტრი თეგეტა“ აგრძელებს საოპერაციო პროცესების დახვეწას და თანამედროვე ტექნოლოგიების დანერგვას, რაც მომსახურების ხარისხის კიდევ უფრო გაუმჯობესებას ემსახურება.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

1773223800

შეხვედრაზე განსაკუთრებული ყურადღება გამახვილდა საქართველოსა და თურქეთს შორის სოფლის მეურნეობის სფეროში მიმდინარე პროექტებსა და სამომავლო თანამშრომლობის შესაძლებლობებზე. აღინიშნა ქვეყნებს შორის ცოდნის, გამოცდილებისა და ტექნოლოგიების გაცვლის მნიშვნელობა, რაც ხელს შეუწყობს რეგიონში სოფლის მეურნეობის მდგრად განვითარებას და  პარტნიორობის გაძლიერებას.„თურქეთის თანამშრომლობისა და კოორდინაციის სააგენტოსთან სხვადასხვა მიმართულებით ჩვენი თანამშრომლობა მრავალი წელია ნაყოფიერად მიმდინარეობს. მეზობელ ქვეყნებს, საქართველოსა და თურქეთს, საერთო ინტერესები აქვთ რეგიონში სოფლის მეურნეობის განვითარების კუთხით.  ჩვენ ღია ვართ ახალი წინადადებებისთვის,  რაც ხელს შეუწყობს თანამშრომლობის კიდევ უფრო გაძლიერებას”, - აღნიშნა გიორგი წკრიალაშვილმა.შეხვედრაზე მხარეებმა ასევე განიხილეს მინერალური რესურსების მიმართულებით თანამშრომლობის გაძლიერების შესაძლებლობები. TIKA-ს თბილისის ოფისის კოორდინატორის სალიჰ ოზერის განცხადებით, საქართველო და თურქეთი მჭიდრო ეკონომიკურ კავშირებს ინარჩუნებენ, ამიტომ მინერალური რესურსების სფეროში თანამშრომლობა განსაკუთრებით მნიშვნელოვანი იქნება.შეხვედრას მინერალური რესურსების ეროვნული სააგენტოს უფროსი აბელ აბესაძე და სამინისტროს სხვა შესაბამისი სამსახურების წარმომადგენლები ესწრებოდნენ.

1773222876

ინფორმაცია დეპარტამენტის ვებსაიტზე გამოქვეყნდა.გარდა ამისა, ამ გზების მშენებლობის ზედამხედველობის ტენდერიც გაუქმდა.თავის დოკუმენტებში დეპარტამენტი აცხადებს, რომ ტენდერების გაუქმების მიზეზი დაბალი კონკურენცია იყო.რუსთავი-წითელის ხიდისა და ალგეთი-სადახლოს გზატკეცილის მონაკვეთები აღმოსავლეთ-დასავლეთის და სამხრეთ-ჩრდილოეთის საერთაშორისო საავტომობილო დერეფნების ნაწილია, რომლებიც საქართველოს აზერბაიჯანისა და სომხეთის საზღვრებთან აკავშირებს.აღსანიშნავია, რომ გზის ეს მონაკვეთი ოთხ ლოტად არის დაყოფილი. პროექტი ითვალისწინებდა 61.3 კილომეტრიანი, ოთხზოლიანი, ბეტონის გზატკეცილის მშენებლობას გარე განათების სისტემით. გარდა ამისა, დაგეგმილი იყო სულ 26 ხიდისა და 11 სატრანსპორტო კვანძის მშენებლობა.ჯერ კიდევ 2024 წელს, გზების დეპარტამენტმა გამოაცხადა, რომ მშენებლობა 2025 წელს დაიწყებოდა, ოთხივე მონაკვეთი კი ეტაპობრივად უნდა დასრულებულიყო სამუშაოების დაწყებიდან 30 თვის განმავლობაში.ასევე აღსანიშნავია, რომ პროექტი თანადაფინანსებული იყო ევროპის საინვესტიციო ბანკის (EIB) და მთავრობის მიერ, ხოლო EIB-მა გამოყო 250 მილიონი ევროს ოდენობის სესხი.

1773222788