ნათია ჯანაშიას ადვოკატი ფინანსთა სამინისტროს საგამოძიებო სამსახურის უფროსს, ლევან ხარაბაძეს კორუფციაში ადანაშაულებს და სუს-ში უჩივის

(მატარებლების მოძრაობის განრიგი იხილეთ თანდართულ ცხრილში)ბილეთების შეძენა შესაძლებელია: ჩვენი ვებგვერდის საშუალებით: https://gr.com.ge  ჩვენი აპლიკაციის საშუალებით: iOS - https://apps.apple.com/ge/app/georgian-railway/id6746049057Android - https://play.google.com/store/apps/details?id=ge.railway.mobile  საქართველოს რკინიგზის სალაროებში; საქართველოს რკინიგზის პარტნიორი კომპანიების მეშვეობით.

1780656118

სემეკის თავმჯდომარემ სიტყვით გამოსვლისას ყურადღება გაამახვილა საქართველოს ენერგეტიკულ პოლიტიკაზე, ჰესების მშენებლობის საჭიროებაზე, სემეკის როლსა და რეგულაციებზე განახლებადი ენერგიების განვითარების მიმართულებით.დისკუსიის ფარგლებში მონაწილეებმა განიხილეს სახელმწიფო პოლიტიკა ენერგოდამოუკიდებლობასთან მიმართებით, საქართველოს პოტენციალი განახლებადი ენერგიების განვითარების კუთხით, არსებული საკანონმდებლო ჩარჩო, საინვესტიციო გარემოს გაუმჯობესების მიზნით შემუშავებული მექანიზმები. იმსჯელეს არსებულ გამოწვევებსა და მათი გადაჭრის გზებზე.პანელურ დისკუსიაში მონაწილეობა მიიღეს ეკონომიკისა და მდგრადი განვითარების სამინისტროს ენერგოეფექტურობისა და განახლებადი ენერგიების პოლიტიკის და მდგრადი განვითარების დეპარტამენტის უფროსმა, საინჟინრო მეცნიერებათა დოქტორმა მარგალიტა არაბიძემ, საქართველოს ბიზნესასოციაციის აღმასრულებელმა დირექტორმა ლევან ვეფხვაძემ, UNESCAP-ის ენერგეტიკის განყოფილების დირექტორმა ჰონგპენგ ლიუმ, Celtic Sea Power-ის ყოფილმა თავმჯდომარემ, გაერთიანებული სამეფოს საზღვაო ძალების კომოდორმა სტუვ ჯერმა, „Photomate Caucasus“-ის რეგიონულმა დირექტორმა დავით ტყეშელაშვილმა, კომპანია „შაინ ენერჯის“ დამფუძნებელმა ნინო გადელიამ.თბილისის მდგრადი განვითარების XVI რეგიონულ ფორუმში, რომელიც ქ. თბილისში 3-6 ივნისს იმართება, მონაწილეობას იღებენ საქართველოს ცენტრალური და ადგილობრივი ხელისუფლების წარმომადგენლები, პარლამენტის წევრები, მაღალი დონის ქართველი და უცხოელი მომხსენებლები, ასევე ბიზნესსექტორის, აკადემიური წრეებისა და დიპლომატიური კორპუსის წარმომადგენლები.მონაწილეები მსჯელობენ მდგრადი სოციალურ-ეკონომიკური განვითარების, ეკონომიკური ზრდის, ენერგოუსაფრთხოების, განახლებადი ენერგიის მოხმარებისა და განვითარების, მდგრადი ურბანული განვითარების, სივრცითი მოწყობის, სატრანსპორტო რეფორმისა და სხვადასხვა საკითხის შესახებ.

1780655909

როგორც გარემოსდაცვითი  ინფორმაციისა და  განათლების ცენტრი დირექტორმა თამთა დევდარიანმა პროექტის პრეზენტაციაზე განაცხადა, პროექტის მიზანია საქართველოს ადაპტაციის შესაძლებლობების გაძლიერება შემდეგი მიმართულებებით: ეროვნული და სექტორული დონეების კოორდინაციის გაუმჯობესება;  კლიმატის რისკებისა და მოწყვლადობის სისტემური შეფასება;  ადაპტაციის პოლიტიკისა და გეგმების ინტეგრირება სახელმწიფო პოლიტიკაში; კერძო სექტორის ჩართულობის გაძლიერება; ადაპტაციის დაფინანსების სტრატეგიის შემუშავება და მონიტორინგისა და შეფასების სისტემის განვითარება.„დღეს, როდესაც კლიმატის ცვლილება უკვე აღარ წარმოადგენს მხოლოდ მომავლის გამოწვევას და იგი ყოველდღიურად ახდენს გავლენას ჩვენი საზოგადოების, ეკონომიკისა და გარემოს მდგრადობაზე, განსაკუთრებულ მნიშვნელობას იძენს სახელმწიფოს მზაობა და ერთიანი, გრძელვადიანი ხედვა. სწორედ ამიტომ, ეროვნული ადაპტაციის გეგმის შემუშავება არა მხოლოდ საერთაშორისო ვალდებულებების შესრულებას, არამედ ქვეყნის უსაფრთხო და მდგრად განვითარებასაც უკავშირდება“- განაცხადა თამთას დევდარიანმა.მისივე თქმით,  ეროვნული ადაპტაციის გეგმის წარმატებით შემუშავება და განხორციელება მხოლოდ ფართო უწყებათაშორისი თანამშრომლობით, გამოცდილების გაზიარებითა და ერთობლივი პასუხისმგებლობით იქნება შესაძლებელი. თითოეული უწყებისა და პარტნიორის ჩართულობა გადამწყვეტ მნიშვნელობას ატარებს იმისათვის, რომ შევქმნათ რეალისტური, ეფექტიანი და გრძელვადიან პერსპექტივაზე ორიენტირებული ეროვნული დოკუმენტი.გარემოს დაცვის მსოფლიო დღესთან დაკავშირებით, გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით,  კლიმატის ცვლილებასთან ადაპტაციის საქართველოს ეროვნული გეგმის (NAP) - პროექტის გახსნითი ღონისძიებასთან ერთად,  პროექტ  „განათლება მწვანე მომავლისთვის“ ფარგლებში საუკეთესო პედაგოგების დაჯილდოვება და დედაენის ბაღში გასართობ/შემეცნებითი ღონისძიებები გაიმართა.

1780655814

როგორც მან გადაცემა "ბიზნესპარტნიორში" აღნიშნა, მყისიერი გადახდების სისტემა მომხმარებლებს თანხის რამდენიმე წამში გადარიცხვის შესაძლებლობას მისცემს."როგორც ცნობილია ეროვნული ბანკის საქმიანობას და მის ფუნქციებს განსაზღვრავს საქართველოს ორგანული კანონი ეროვნული ბანკის შესახებ და სწორედ ამ კანონით განსაზღვრულია ეროვნული ბანკის ერთ-ერთი ფუნქცია- ხელი შეუწყოს საგადახდო სისტემების მდგრად, უსაფრთხო და ეფექტიან ფუნქციონირებას. სწორედ, ამ ფუნქციის შესრულების მიზნით ეროვნული ბანკი მართავს, ნერგავს და ავითარებს საგადახდო სისტემას. ახლახან განხორციელდა ძირეული განახლება არსებული საგადახდო სისტემის, რომელშიც ჩართულია ყველა კომერციული ბანკი, მიკრობანკი, ფინანსთა სამინისტროს სახაზინო სამსახური და ასევე, ეროვნული ბანკი.ეს არის ერთადერთი სისტემა ქვეყნის მასშტაბით, რომელშიც ჩართულია ყველა ეს სუბიექტი. აღნიშნული კი, უზრუნველყოფს ფულადი სახსრების მიმოცვლას კომერციულ ბანკებს ფინანსთა სამინისტროს სახაზინო სამსახურსადა საქართველოს ეროვნულ ბანკს შორის. კერძოდ, ნებისმიერი ბანკის მომხმარებელს შესაძლებლობა აქვს გადარიცხოს თანხა ნებისმიერი ბანკის მომხმარებელთან და ეს არის უკვე ნორმა და არა სიახლე. ეროვნული ბანკი უკვე წლების განმავლობაში ასრულებს ამ ფუნქციას.რა შეიცვალა ამ განახლებით?! - პირველ რიგში, უნდა აღინიშნოს, რომ ასეთი ძირეული განახლება განხორციელდა 15 წლის წინ. ამის შემდეგ, ბუნებრივია, ტექნოლოგიურად ბევრი რამ შეიცვალა და მომავალში გარკვეული რისკები რომ არ წარმოშობილიყო უკვე საჭირო იყო სისტემა განგვეახლებინა ტექნოლოგიურად. აღნიშნულმა მოგვცა ის, რომ გადარიცხვები გაცილებით სწრაფად მუშავდება სისტემის შიგნით. დარწმუნებული ვარ, ამას გრძნობენ კომერციული ბანკები და ეს საბოლოო ჯამში გავლენას იქონიებს მომხმარებლის გამოცდილებაზე.ახალი ინფრასტრუქტურის საშუალებით მომხმარებლებს შესაძლებლობა ექნებათ, თავიანთი გადარიცხვები უფრო სწრაფად და უსაფრთხოდ შეასრულონ. უნდა აღინიშნოს, რომ ეს იყო პირველი ნაბიჯი ტექნოლოგიური განახლების და იმ რეფორმების, რასაც ეროვნული ბანკი გეგმავს. ამ განახლებით შეიქმნა მყარი ტექნოლოგიური საფუძველი მომდევნო რეფორმებისთვის.აქ, პირველ რიგში, ვგულისხმობთ მყისიერი გადახდების სისტემის დანერგვის შესაძლებლობას. ამ სისტემის დანერგვისთვის აუცილებელი იყო არსებული ინფრასტრუქტურის ტექნოლოგიური განახლება და ის უკვე უზრუნველყოფს მომავალი მყისიერი გადახდების სისტემის მხარდაჭერას. უნდა აღინიშნოს, რომ მყისიერი გადახდების სისტემა მთლიანად შეცვლის მომხმარებლების გამოცდილებას - ის, თუ როგორ შესრულდება გადარიცხვები ამ სისტემის დანერგვის შემდგომ. გადარიცხვა შესრულდება რამდენიმე წამში - მისი ინიცირებიდან მიმღების ანგარიშზე ასახვამდე და გადამხდელი მიიღებს შეტყობინებას, რომ ეს თანხა უკვე მიიღო ადრესატმა. ეს არის ის ძირითადი ცვლილება, რასაც ჩვენ ამ რეფორმების შედეგად ველით. მსოფლიო ბანკი ჩვენ მხარდაჭერას გვიწევდა როგორც განხორციელებულ პროექტში, ისე მყისიერი გადახდების სისტემის დანერგვის ფარგლებშიც. ჩართული არიან საერთაშორისო დონის ექსპერტები საგადახდო სფეროში და ჩვენ ყოველდღიურად გვაქვს შესაძლებლობა გავიზიაროთ საერთაშორისო გამოცდილება და ის გადმოვიტანოთ ჩვენს სისტემებში. შესაბამისად, ჩვენს სისტემებში დავნერგეთ ისეთი შესაძლებლობები, რომ მომავალში სხვა ქვეყნების სისტემებთან ინტეგრაცია უფრო მარტივად შევძლოთ. ეს არის ის მომდევნო რეფორმები, რომლებზედაც შემდგომ ეტაპებზე უფრო დეტალურად შეგვეძლება საუბარი", - აცხადებს ნატალია ჭყოიძე.ცნობისთვის, სებ-მა წარმატებით დაასრულა დროის რეალურ რეჟიმში ანგარიშსწორებისა (RTGS) და კლირინგის სისტემების განახლება.RTGS-ის განახლებული სისტემის დანერგვა მიზნად ისახავს ფინანსური სექტორისა და მომხმარებლებისთვის - ფიზიკური და იურიდიული პირებისთვის - უფრო სწრაფი, უსაფრთხო და საიმედო მომსახურების უზრუნველყოფას, ასევე საერთაშორისო სტანდარტებთან კიდევ უფრო მეტად დაახლოებას. გარდა ამისა, ახალი ინფრასტრუქტურა ქმნის კარგ საფუძველს მომავალი ინოვაციური სერვისების, მათ შორის, მყისიერი გადახდების სისტემისა(IPS) და დამატებითი ციფრული მომსახურებების განვითარებისთვის.

1780655705

მინისტრმა ყურადღება გაამახვილა კლიმატის ცვლილების მზარდ გავლენაზე და აღნიშნა, რომ ქვეყნისთვის განსაკუთრებით მნიშვნელოვანია ადაპტაციის შესაძლებლობების გაძლიერება, კლიმატის რისკების შეფასების გაუმჯობესება და სხვადასხვა სექტორში გრძელვადიანი, მდგრადი განვითარების მიდგომების დანერგვა.„მსოფლიოს მასშტაბით კლიმატის ცვლილება ერთ-ერთ უმთავრეს გამოწვევად რჩება და სულ უფრო მეტ ქვეყანას უბიძგებს, განვითარების პოლიტიკა ახალ კლიმატურ რეალობას მოარგოს. საქართველო, როგორც ბიომრავალფეროვნებით მდიდარი ქვეყანა, განსაკუთრებულ ყურადღებას უთმობს ბუნებრივი რესურსების მდგრად მართვასა და ეკოსისტემების დაცვას. შესაბამისად, საქართველოს მთავრობის ერთ-ერთი პრიორიტეტია გარემოსდაცვითი მმართველობის გაძლიერება, რაც როგორც საკანონმდებლო, ისე ინსტიტუციურ რეფორმებს მოიცავს. ამ მიმართულებით მნიშვნელოვანი ნაბიჯები იდგმება დაცული ტერიტორიების გაფართოების, ტყისა და წყლის რესურსების მდგრადი მართვისა და კლიმატის ცვლილებასთან ადაპტაციის ღონისძიებების განხორციელების მიმართულებით“, - განაცხადა დავით სონღულაშვილმა.კლიმატის ცვლილებასთან ადაპტაციის ეროვნული გეგმა პროექტის „შესაძლებლობების გაძლიერება საქართველოს ეროვნული ადაპტაციის გეგმის პროცესის მხარდასაჭერად“ ფარგლებში შემუშავდება, რომელსაც საქართველოს გარემოს დაცვისა და სოფლის მეურნეობის სამინისტრო და გარემოსდაცვითი ინფორმაციისა და განათლების ცენტრი, გაეროს გარემოს დაცვის პროგრამის (UNEP) და კლიმატის მწვანე ფონდის (GCF) ფინანსური მხარდაჭერით ახორციელებენ.ადაპტაციის ეროვნული გეგმა ქვეყნისთვის პირველი სისტემური ჩარჩო დოკუმენტი იქნება, რომელიც კლიმატის ცვლილებისადმი ადაპტაციის ღონისძიებების გრძელვადიან დაგეგმვას, კოორდინაციასა და ეროვნულ და სექტორულ პოლიტიკაში ინტეგრირებას უზრუნველყოფს. პროცესის შედეგად მომზადდება კლიმატის ცვლილებასთან ადაპტაციის 10-წლიანი სტრატეგიული ხედვა და 5-წლიანი ეროვნული სამოქმედო გეგმა. ამასთან, პროექტი ხელს შეუწყობს მმართველობისა და კოორდინაციის მექანიზმების გაძლიერებას, საჭირო მონაცემებისა და ინფორმაციის ანალიზს, ადაპტაციის დაფინანსების სტრატეგიის შემუშავებასა და მონიტორინგისა და შეფასების სისტემის განვითარებას.გარემოს დაცვის მსოფლიო დღის ფარგლებში, დედაენის ბაღში მთელი დღის განმავლობაში მრავალფეროვანი შემეცნებით-გასართობი ღონისძიებები გაიმართება. საღამოს კი ღონისძიება პროექტის „განათლება მწვანე მომავლისთვის“ კონკურსის გამარჯვებული პედაგოგების დაჯილდოებით დასრულდება.გარემოს დაცვის მსოფლიო დღე გაეროს გენერალური ასამბლეის გადაწყვეტილებით 1972 წლიდან აღინიშნება და მიზნად ისახავს გარემოსდაცვით საკითხებზე საზოგადოების ცნობიერების ამაღლებასა და გარემოს დაცვის პროცესში მოქალაქეთა აქტიურ ჩართულობას.2026 წლის გარემოს დაცვის მსოფლიო დღის გზავნილია - „ბუნებით შთაგონებული. კლიმატისთვის. ჩვენი მომავლისთვის“.

1780652777

„2017 წლიდან ბაქო-თბილისი-ყარსის სარკინიგზო ქსელი სატესტო რეჟიმში მუშაობდა. თუ ტენდენციას დავაკვირდებით, ნაკადები მკვეთრად მზარდი იყო. მაგალითად, 2025 წელს, 2024 წელთან შედარებით, ქსელის დატვირთულობა 6-ჯერ გაიზარდა. შესაბამისად, უნდა აღინიშნოს, რომ საპროექტო მაჩვენებლებით გამტარუნარიანობა 1 მილიონი ტონიდან 5 მილიონ ტონამდე გაიზარდა. ჩვენ ამ მიმართულებით, რა თქმა უნდა, ეფექტური მართვა გვჭირდება და ძალიან სწორი გადაწყვეტილება იყო, რომ საქართველოს რკინიგზა იქნება ოპერატორი აღნიშნულ ქსელზეც“, - განაცხადა თამარ იოსელიანმა საზოგადოებრივი მაუწყებლის გადაცემა „ბიზნეს პარტნიორში“ სტუმრობისას.მინისტრის მოადგილის თქმით, აღნიშნული მოდელი უზრუნველყოფს სწრაფ, ეფექტიან და პროგნოზირებად სატრანსპორტო მარშრუტს.„თუმცა, იმისთვის, რომ ამ ქსელზე ოპერირება ეფექტიანი იყოს და შეიქმნას ის სინერგია, რომელსაც „საქართველოს რკინიგზა“ ქვეყნის ტერიტორიაზე ტვირთების გადაზიდვის კუთხით უზრუნველყოფს, რა თქმა უნდა, ორივე მხარის გადაწყვეტილებით, კომპანია ამ მაგისტრალის ოპერატორიც უნდა იყოს. ეს აუცილებელია იმისთვის, რომ უზრუნველვყოთ სწრაფი, სწორი, ეფექტური და პროგნოზირებადი მარშრუტის ჩამოყალიბება“, - აღნიშნა თამარ იოსელიანმა.ამასთან, მინისტრის მოადგილის შეფასებით, საქართველოს რკინიგზის როლი განხილული უნდა იყოს საქართველოში მიმდინარე სატრანსპორტო რეფორმის კონტექსტში.„რეფორმებს, რომლებსაც სატრანსპორტო მიმართულებით ვახორციელებთ, ერთ დიდ სურათში ვუყურებთ და ეს ნიშნავს იმას, რომ ბაქო-თბილისი-ყარსის რკინიგზაც სწორედ ამ პოლიტიკის ერთ-ერთი უმნიშვნელოვანესი ნაწილია. საქართველოს რკინიგზაში მიმდინარე პროცესები, ცხადია, კიდევ უფრო გაამყარებს ჩვენი ქვეყნის როლს შუა დერეფნის კონტექსტში. შესაბამისად, ჩვენი მიზანი, ვიყოთ სატრანსპორტო ჰაბი და ამ კუთხით მოვემსახუროთ რეგიონს, სტრატეგიულად უმნიშვნელოვანესია“, - აღნიშნა თამარ იოსელიანმა.

1780650313