მივესალმებით რუსეთთან თუნდაც პირდაპირ ფრენებს და თუნდაც უვიზო მიმოსვლას - კახა კალაძე

ამასთან, ყირიმის წილი უკრაინაში ომის დაწყებამდე 17-19%-ის ფარგლებში მერყეობდა. თუმცა უკრაინის ტერიტორიაზე რუსული არმიის სრულმასშტაბიანი შეჭრის პირველივე წელს ის 3%-მდე დაეცა.ომამდელ პერიოდში იალტაში, სევასტოპოლსა და ფეოდოსიაში შედიოდა ჯავშნის საშუალოდ 6%, 7% და 4%."წინა სეზონებთან შედარებით, ამ ზაფხულს ყირიმში გაცილებით ნაკლები ჯავშნები იქნება", - დაადასტურა Sutochno.ru-ს აღმასრულებელმა დირექტორმა იური კუზნეცოვმა.მისი თქმით, მოთხოვნის შემცირების გამო, ყირიმის ყველაზე პოპულარულ ადგილებშიც კი საცხოვრებლის ფასები ახლა უფრო დაბალია, ვიდრე გასულ წელს. იალტაში საშუალო მოთხოვნილი განაკვეთი შემცირდა 8%-ით (3,86 ათას რუბლამდე დღეში), სევასტოპოლში - 7%-ით (3 ათას რუბლამდე). ამავდროულად, რუსეთის კურორტებზე საშუალო ფასები წლის განმავლობაში 15%-ით გაიზარდა.ყირიმში დასვენების მოთხოვნის შემცირების ფონზე, სოჭში დასვენების მსურველთა რიცხვი მაქსიმუმამდე გაიზარდა ხუთი წლის განმავლობაში.VTsIOM-ის კვლევის თანახმად, თუ 2022 წელს რუსების 9% აპირებდა ზაფხულში ყირიმში დასვენებას, წელს მათი წილი 5%-მდე დაეცა. ეს არის ყველაზე დაბალი დონე ნახევარკუნძულის ანექსიის შემდეგ, თუ არ გავითვალისწინებთ 2020 წლის პანდემიურ წელს, როდესაც მოგზაურობის მოთხოვნა დაეცა ყველა განხილულ სფეროში.რეგულარული თავდასხმებისა და უკრაინის მოსალოდნელი კონტრშეტევის შესახებ ჭორების შედეგად, ყირიმში ტურისტული ბიზნესი კატასტროფის პირას იყო. გარდა ამისა, ომის დაწყებიდან, სიმფეროპოლის აეროპორტი დაკეტილია. ნახევარკუნძულის ჩრდილო-აღმოსავლეთით (არმიანსკში, ჯანკოიში, ქერჩში და ა.შ.) ტერორისტული საფრთხის მაღალი დონე მოქმედებს განუსაზღვრელი ვადით. ასევე, რუსეთის პრეზიდენტმა ვლადიმერ პუტინმა დააწესა ყირიმში საშუალო დონის რეაგირების რეჟიმი.ტურისტები უარს ამბობენ ნახევარკუნძულზე დასასვენებლად წასვლაზე, რომელიც რეალურად აღმოჩნდა ფრონტის ზონა, თქვა ბორის ზელინსკიმ, ოკუპირებულ ყირიმში ტურიზმის ინდუსტრიის რუსეთის კავშირის ხელმძღვანელმა. უფრო მეტიც, მისი თქმით, მატერიკიდან სეზონურ მუშაკებს ყირიმში ჩასვლის ეშინიათ.ეკა უკლება

1686143210

როგორც დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე აღნიშნა, ასფალტის საფარი 1 600 მეტრ სიგრძეზე დაიგება.მისი თქმით, პროექტის პირველ ეტაპზე მთლიანად შეიცვლება და განახლდება მიწისქვეშა კომუნიკაციები. მათ შორის, წყალმომარაგების, წყალარინების, სანიაღვრე, გაზმომარაგების და სხვადასხვა საჰაერო ქსელი, რომლებიც მიწისქვეშა კაბელ-არხებში განთავსდება.„ბოლო წლებში არაერთი ინფრასტრუქტურული პროექტი განვახორციელეთ, თუმცა, ცხადია, უამრავი გამოწვევა არსებობს და ეტაპობრივად მივყვებით. გვინდა, ყველა იმ ქუჩისა და გამზირის მოწესრიგება-განახლება მოხდეს, რომელიც პრობლემურია და პრიორიტეტულია. 10 ივნისიდან ვიწყებთ უნივერსიტეტის ქუჩის რეაბილიტაციას. აღნიშნულ ქუჩაზე, რომელიც საკმაოდ დატვირთულია, ძალიან მძიმე მდგომარეობაა. პირველ რიგში, შესაცვლელია მიწისქვეშა კომუნიკაციები, რომლებიც კრიტიკას ვერ უძლებს და მოწესრიგებას საჭიროებს. 1 600 მეტრის სიგრძის გზის სავალ ნაწილზე დაიგება ასფალტის საფარი, მოეწყობა ტროტუარი და გარე განათების ქსელი. დამონტაჟდება ახალი LED ლამპიონები, ხოლო ელექტროგადამცემი ხაზები მიწისქვეშ განთავსდება. ტერიტორიაზე ასევე ჩატარდება გამწვანების სამუშაოები და ქუჩაზე არსებული ინფრასტრუქტურა ადაპტირდება შშმ პირებისთვის“, – განაცხადა თბილისის მერმა.თბილისის მერიის ცნობით, შეზღუდვის პერიოდში ავტომობილები უნივერსიტეტის ქუჩაზე გადაადგილებას შეძლებენ ცალმხრივად, მხოლოდ ანა პოლიტკოვსკაიას ქუჩიდან მიხეილ თამარაშვილის ქუჩის მიმართულებით, ხოლო მიხეილ თამარაშვილის ქუჩიდან სატრანსპორტო საშუალებებს უნივერსიტეტის ქუჩაზე შეხვევა შეეზღუდებათ.სატრანსპორტო საშუალებებს მიხეილ თამარაშვილის ქუჩიდან უნივერსიტეტის ქუჩის მიმართულებით გადაადგილება შეეძლებათ ვაჟა-ფშაველას გამზირისა და სანდრო ეულის ქუჩის გამოყენებით.ასევე პერიოდულად, წინასწარი შეტყობინების საფუძველზე, შეიზღუდება უნივერსიტეტისა და მიმდებარე ქუჩებს შორის ავტომანქანების მოძრაობა.შეზღუდვის პერიოდში შეიცვლება საზოგადოებრივი ტრანსპორტის მოძრაობის სქემა:N363 ავტობუსი იმოძრავებს წრიულად – სოფელ თხინვალიდან პეტრე ქავთარაძის ქუჩით დაუკავშირდება უნივერსიტეტის ქუჩას და დაეშვება თამარაშვილის გამზირისკენ, შემდეგ კი გაემართება სოფელ თხინვალის მიმართულებით.N302, N304, N310, N392 ავტობუსები უნივერსიტეტის ქუჩისა და გიორგი დანელიას ქუჩის კვეთასთან წრეზე მობრუნდებიან კვლავ უნივერსიტეტის ქუჩისკენ, სადაც იქნება მათი ბოლო გაჩერება.

1686140841

7 ივნისი, 2023 წ.რუსეთის კონტროლირებულ უკრაინის სამხრეთ ნაწილში (ხერსონის რეგიონი) მდებარე ნოვა კახოვკას კაშხალი აფეთქდა. მის აფეთქებაში კიევი და მოსკოვი ერთმანეთს ადანაშაულებენ. კაშხალი უზარმაზარ წყალსაცავს მოიცავს. მასში დაგუბებული წყლით მარაგდება რუსეთის კონტროლირებული ზაპოროჟიას ატომური ელექტროსადგური და ოკუპირებული ყირიმის ნახევარკუნძული. აფეთქებამ კაშხლის ჰიდროელექტროსადგურიც დააზიანა.ათიათასობით ადამიანს ტერიტორიის დატოვებისკენ მოუწოდეს. ადგილობრივი დროით შუადღისას, ქალაქ ხერსონის რკინიგზის სადგურიდან მოსახლეობის ნაჩქარევი ევაკუაცია დაიწყო.უკრაინის პოლიციამ თავისი ტელეგრამ-არხით ხალხს მხოლოდ პირველადი მოხმარების ნივთების, აუცილებელი დოკუმენტებისა და შინაური ცხოველების წაღება/წაყვანა ურჩია.ხერსონის ოლქის სამხედრო ადმინისტრაციის ხელმძღვანელმა, ალექსანდრ პროკუდინმა, რომელიც ამ თანამდებობაზე უკრაინის ხელისუფლებამ დანიშნა, ვიდეომიმართვისას განაცხადა: „ევაკუაცია დაიწყო. გთხოვთ, თქვენი სიცოცხლის გადასარჩენად ყველაფერი გააკეთოთ. სასწრაფოდ დატოვეთ საშიში ადგილები“.ომის დაწყების შემდეგ კაშხალს ორმაგი სტრატეგიული მნიშვნელობა ჰქონდა. პირველი, იგი ძალიან დიდია, იუტას შტატში მდებარე დიდი მლაშე ტბის (Great Salt Lake) ეკვივალენტი. კაშხლის წყალსაცავში 18 კუბური კილომეტრი წყალია დაგუბებული.ათობით სოფელი, დაბა და თავად ქალაქი ხერსონი, ელექტროენერგიისა და წყლის მხრივ, კახოვკას კაშხალზეა დამოკიდებული.მეორე, იგი უკვე დიდი ხანია, რაც პოტენციურ სამიზნეს წარმოადგენს. 2022 წლის ოქტომბერში პრეზიდენტმა ზელენსკიმ განაცხადა, რომ კაშხალი შესაძლოა რუსული არმიის სამიზნე გახდეს და დასავლეთს მის დასაცავად ზომების მიღებისკენ მოუწოდა.კაშხალი, რომელიც 1956 წელს აშენდა და 30 მეტრის სიმაღლისა და 3,2 კილომეტრის სიგრძისაა, კვეთს მნიშვნელოვან სანაოსნო გზას, რომელიც მდინარე დნიპროა. ამჟამად რუსული შეიარაღებული ძალები მდინარის სამხრეთ-აღმოსავლეთით არიან განლაგებული, უკრაინელებმა კი რეგიონის დასავლეთი ნაწილი დაიბრუნეს, მათ შორის რეგიონის დედაქალაქი ხერსონი.წყარო

1686138527

გამოცემის ცნობით, ტენდენცია შეიმჩნევა აშშ-ის სანქციების მეათე პაკეტის შემოღების შემდეგ, რომელიც ითვალისწინებს შემაკავებელი ზომების შემოღების შესაძლებლობას რუსეთის ფედერაციასთან მომუშავე ბანკების მიმართ. შეზღუდვები, სხვა საკითხებთან ერთად, ვრცელდება სახსრების, საქონლის ან მომსახურების ნებისმიერ მიწოდებაზე დაბლოკილი პირისთვის ან მისი მხრიდან.ერთ-ერთი თანამოსაუბრის თქმით, ახლა ადგილობრივ კომპანიებს ელექტრონიკის წარმოებისთვის კომპონენტების "ალტერნატიული" HS კოდებით შემოტანა მოუწევთ.სხვა წყარომ თქვა, რომ გადახდის დაბლოკვა ხდება უახლესი თაობის სატელეკომუნიკაციო აღჭურვილობის, ასევე შენახვის სისტემებისა და სერვერების მიწოდებაში. ცენტრალურმა ბანკმა განმარტა, რომ „კონკრეტული უცხოური ბანკების შესაბამისობის პროცედურები დამოკიდებულია მათ შიდა პოლიტიკაზე და სხვადასხვა პერიოდში შეიძლება ხასიათდებოდეს სიხისტის სხვადასხვა ხარისხით“.

1686136661

Trading Economics-ის მიხედვით, ანალიტიკოსები საშუალოდ მხოლოდ 0,4%-ით შემცირებას ელოდნენ.იმპორტი 4,5%-ით შემცირდა - 217,69 მლრდ აშშ დოლარამდე, ამასთან, მაჩვენებელი ზედიზედ მესამე თვეა ეცემა.ექსპერტები იმპორტის უფრო მკვეთრ კლებას ელოდნენ - 8%-ით.

1686136198

ჯიმ როუანი, ვოლვოს აღმასრულებელმა დირექტორი: „Volvo EX30-ით ჩვენ მიზნად დავისახეთ, პრემიუმ ხარისხის ელექტროგადაადგილება ბევრად უფრო ფართო აუდიტორიას შევთავაზოთ. ვიცით, რომ ელექტრომობილებზე გადასასვლელად ექსპლუატაციის ხარჯები და ღირებულება კვლავ ერთ-ერთი ყველაზე დიდი გამოწვევაა.  ამ ავტომობილით გვინდა, ხაზი გავუსვათ იმას, რომ EX30 არის პატარა, მაგრამ ძლიერი ავტომობილი, ის გთავაზობთ ყველაფერს, რაც Volvo-სგან გსურთ, მაგრამ უფრო მცირე ფორმატში. ვოლვოს ნებისმიერი მოდელის მსგავსად, ის უსაფრთხოა და შექმნილია ადამიანებისა და მათი საჭიროებების გათვალისწინებით“.ვოლვოს წარმომადგენლების თქმით, მათ სტრატეგიულ ტრანსფორმაციაში EX30 კიდევ ერთი წინგადადგმული ნაბიჯია. ბრენდის სტრატეგიაა, 2025 წლისთვის ჯერ 40 პროცენტით შეამციროს CO2-ის გამონაბოლქვი, ხოლო 2040 წლისათვის კლიმატის თვალსაზრისით ნეიტრალურ კომპანიად იქცეს.ემისიების შემცირებაზე საუბრისას აღსანიშნავია ისიც, რომ პატარა ავტომობილის დასამზადებლად ნაკლები მასალაა საჭირო. სწორედ ალუმინი და ფოლადია ის ორი ყველაზე დიდი მიზეზი, რომლებსაც CO2-ის გამოყოფა უკავშირდება. იგივეა მიდგომა სალონისა და ფუნქციონალის შემთხვევაშიც. ვოლვოს დიზაინერებმა Volvo EX30-ის რამდენიმე ფუნქცია გააერთიანეს ერთ კომპონენტში. ეს კი, თავის მხრივ, ავტომობილში საჭირო ნაწილების რაოდენობას ამცირებს.დამცავი სისტემებიEX30 აღჭურვილია ვოლვოს უსაფრთხოების უმაღლესი სტანდარტებით.მაგალითად, მას აქვს უსაფრთხოების სპეციალური ფუნქცია ველოსიპედებისათვის, რომელიც ეხმარება, თავიდან აიცილოს ეგრეთ წოდებული „კარის გამოღებისას“ ავარიები.ასეთი ინციდენტების შესამცირებლად Volvo EX30 აღჭურვილია კარის გაღების სიგნალით, რომელიც მძღოლს გამაფრთხილებელი სიგნალით მოსალოდნელ საფრთხეზე მიანიშნებს. კარის გაღების გაფრთხილება ვოლვოს Safe Space ტექნოლოგიის ერთ-ერთი მახასიათებელია.სიმშვიდის შეგრძნებაEX30-ს მოჰყვება ციფრული გასაღების ფუნქციაც, რაც საკმაოდ მოსახერხებელია და აადვილებს ავტომობილის სხვებთან გაზიარებას. აგებულია რა UWB და CCC ინდუსტრიის მოწინავე სტანდარტებზე, მისი ტექნოლოგია თავსებადი იქნება ტელეფონების ბრენდებისა და მოდელების ფართო სპექტრთან.ახალი მოდელისთვის შექმნილი აპლიკაცია მოიცავს ავტომობილთან დაკავშირებულ ყველა შესაბამის მომსახურებას, დაწყებული დატენით, დამთავრებული სავსე ავტოსადგომზე თქვენი მანქანის პოვნით.დიზაინიEX30-ში წარმოდგენილია ვოლვოს დიზაინის ყველა ღირებულება, თუმცა უფრო მცირე ფორმატში. ღერძებს შორის დიდი მანძილი, დიდი ბორბლები და თანაბარი შვერილები ექსტერიერს დაბალანსებულსა და დახვეწილს ხდის. ის ერთმნიშვნელოვნად ელექტრომობილია, თავდაჯერებული ექსტერიერით, დახურული ფარით და Thor's Hammer-ის ფარების ციფრული გამოსახულებით; ექსტერიერის ხუთი მკვეთრი ფერით, ელეგანტური ღია ლურჯიდან ნათელ და ექსპრესიულ მკვეთრ ყვითლამდე.ბატარეის საჭიროებებზე მორგებული ტექნიკური მახასიათებლებიმომხმარებელს შეუძლია, აირჩიოს ბატარეის ტექნოლოგია, რომელიც საუკეთესოდ შეესაბამება მის მოთხოვნებს. EX30-ს გთავაზობთ სამი ელექტროტრანსმისიის ვარიანტით და ორი განსხვავებული ტიპის ბატარეით, რაც ასევე საშუალებას გვაძლევს, შემოგთავაზოთ მიმზიდველი ფასი EX30-ის ბაზარზე წარმოდგენისთვის.თუ დროის უმეტეს ნაწილს ქალაქში ატარებთ ან უფრო მოკლე მანძილებს გადიხართ დამუხტვებს შორის, ვოლვო გთავაზობთ ერთძრავიან ვარიანტს LFP ბატარეით. LFP სტანდარტული დიაპაზონის ბატარეა, რომელიც ლითიუმის რკინის ფოსფატის ქიმიურ შენაერთს იყენებს, უფრო ეკონომიურია და საწარმოებლად ნაკლებ რესურსს მოიხმარს, რაც ნიშნავს იმას, რომ ის საუკეთესო ვარიანტია, თუ მაქსიმალური დიაპაზონი არ გჭირდებათ.თუ თქვენ გირჩევნიათ დიაპაზონის მაქსიმალური გაზრდა - NMC გაფართოებული დიაპაზონის ბატარეით, EX30 უდავოდ თქვენი არჩევანი გახდება. NMC აკუმულატორი შეიცავს ლითიუმს, ნიკელს, მანგანუმსა და კობალტს და თავის ენერგიას უფრო ეფექტურად გამოიმუშავებს, ვიდრე LFP ვარიანტი. ეს ერთძრავიანი, გაფართოებული დიაპაზონის მქონე ვარიანტი აკუმულატორის დამუხტვებს შორის 480 კმ-ამდე მანძილის გავლის საშუალებას გაძლევთ.დაბოლოს, თუ ფუნქციონალი თქვენი პრიორიტეტია, აირჩიეთ Twin Motor Performance ვარიანტი, რომელშიც გათვალისწინებულია NMC აკუმულატორი დამატებით მეორე ელექტროძრავთან. EX30-ის ეს სრულამძრავიანი ვარიანტი უზრუნველყოფს 315 კვტ (428 ცხ.ძ.) და 0-100 კმ/სთ-დან 3.6 წამში აჩქარებს - ის ოფიციალურად არის ჩვენი ყველაზე სწრაფად აჩქარებადი მანქანა ვოლვოს ისტორიაში.EX30 გამოირჩევა სწრაფი დამუხტვის შესაძლებლობით. გაფართოებული დიაპაზონის Twin Motor ვარიანტს აქვს დატენის სიმძლავრე 153 კვტ-მდე, ხოლო სტანდარტული დიაპაზონის ავტომობილს - 134 კვტ სიმძლავრე. ეს ნიშნავს იმას, რომ თქვენ შეგიძლიათ, თქვენი აკუმულატორი 10-დან 80 პროცენტამდე დამუხტოთ 25 წუთზე ცოტა მეტი ხნის განმავლობაში. მანქანის ცენტრალური ეკრანისა და აპლიკაციის საშუალებით შესაძლებელია, დააყენოთ ამპერაჟი, დამუხტვის მაქსიმალური დონე და თავად განსაზღვროთ, როდის გსურთ დამუხტვის დაწყება.მოსახერხებელი ზომით, ჭკვიანი ტექნოლოგიითა და სხვადასხვა კონფიგურაციით Volvo EX30 შექმნილია მომხმარებელთა ფართო სპექტრისთვის.Volvo EX30 დღეიდან ხელმისაწვდომი გახდება შერჩეულ ბაზრებზე.შვედური ბრენდის მოლოდინია, რომ მომდევნო წლებში EX30  ერთ-ერთი ყველაზე გაყიდვადი მოდელი იქნება. ამის მიზეზი კი მომხმარებლების მხრიდან გლობალურად მზარდი მოთხოვნაა მცირე, სრულად ელექტრიფიცირებულ პრემიუმ SUV-ებზე.--გასულ წელს Volvo Car Group-ის საოპერაციო მოგებამ 22.3 მილიარდი შვედური კრონი შეადგინა.  გლობალური მასშტაბით  ვოლვოს 615,121 ავტომობილი გაიყიდა და შემოსავალმა 330,1 მილიარდ შვედურ კრონს მიაღწია.სკანდინავიური ბრენდი 100-ზე მეტ ქვეყანაში საქმიანობს. კავკასიის რეგიონში კი მას „ვოლვო ქარ კავკასია“ წარმოადგენს. „თეგეტა ჰოლდინგის“ შვილობილი კომპანია ბაზარზე 2019 წლიდან ოპერირებს და შვედური ბრენდის „ვოლვოს“ ოფიციალური იმპორტიორია ამიერკავკასიასა და შუა აზიაში. 

1686135520