კოვზანაძე - საპენსიო სააგენტოს მმართველობითმა საბჭომ სისტემის თითოეული მონაწილის ინტერესით უნდა იხელმძღვანელოს

მემორანდუმს ხელი მოაწერეს საქართველოს ეროვნული ბანკის პრეზიდენტმა ნათია თურნავამ და პროფესიული გაერთიანება „ბუღალტერთა კავშირის“ დირექტორმა ტატიანა ბერიძემ.ნათია თურნავას თქმით, ეროვნული ბანკი მუდმივად ზრუნავს ინკლუზიური გარემოს შექმნაზე როგორც ორგანიზაციის შიგნით, ასევე მისი საზედამხედველო მანდატის ფარგლებში.„ეროვნული ბანკი აგრძელებს სტრატეგიული ნაბიჯების გადადგმას და რეგულაციების შემუშავებას, რაც ქალების პროფესიულ გაძლიერებას ემსახურება. ვფიქრობ, ეროვნულ ბანკსა და „ბუღალტერთა კავშირს“ შორის გაფორმებული ურთიერთგაგების მემორანდუმი, დააჩქარებს მრავალფეროვანი და თანაბარუფლებიანი ფინანსური სექტორის ჩამოყალიბებას, ასევე ხელს შეუწყობს არსებული ბარიერების აღმოფხვრასა და ქალი ლიდერებისთვის მეტი შესაძლებლობების გაჩენას“, - განაცხადა ეროვნული ბანკის პრეზიდენტმა.შეთანხმება მიზნად ისახავს ეროვნულ ბანკსა და „ბუღალტერთა კავშირს“ შორის ერთობლივი ღონისძიებებისა და პროექტების განხორციელებას, რომელიც მნიშვნელოვნად შეუწყობს ხელს ეროვნული ბანკის მანდატის ფარგლებში რეგულირებულ საკითხებზე ორგანიზაციის წევრების პროფესიული კვალიფიკაციის ამაღლებას.ურთიერთთანამშრომლობის მემორანდუმი ითვალისწინებს საერთო ინტერესის ფარგლებში, ცნობიერების ამაღლების მიზნით, სამუშაო შეხვედრების, კონფერენციების და სიმპოზიუმების ერთობლივ ორგანიზებას.პროფესიული გაერთიანება „ბუღალტერთა კავშირი“ აქტიურად საქმიანობს ბუღალტერთა პროფესიული განვითარების ხელშეწყობის მიმართულებით, რასაც სწავლებისა და გადამზადების პროგრამების საშუალებით ახორციელებს. მათ შორის, განსაკუთრებით აღსანიშნავია ფინანსისტ ქალთა გაძლიერებისკენ გადადგმული ნაბიჯები.

1743599259

აღნიშნული შეთავაზების ფარგლებში, საკრედიტო AmEx ბარათის მფლობელებს შესაძლებლობა აქვთ ICR-ის ყველა მაღაზიაში მაისის ბოლომდე  გაორმაგებული MR ქულები დააგროვონ. აქცია ქართულ ბრენდებზეც ვრცელდება.“საქართველოს ბანკი მომხმარებელთა კმაყოფილებაზე ზრუნვას და მათი საჭიროებების კვლევას აქტიურ რეჟიმში აგრძელებს. AmEx ბარათის მფლობელებისთვის უკვე კარგად ნაცნობია MR ქულების სისტემა, სადაც ქულების დაგროვება ყოველი გადახდისას ავტომატურად ხდება,  შემდეგ კი მათი გადაცვლა მომხარებლებს სხვადასხვა ნივთსა თუ მომსახურებაში შეუძლიათ. გაზაფხულის დადგომას ბევრი მიზეზის გამო ველოდებით. ამ მოლოდინის ერთ-ერთი მთავარი მოტივაცია კი ხშირად გარდერობის განახლებაა.საგაზაფხულო შოპინგი კიდევ უფრო სასიამოვნოა თუ საქართველოს ბანკის საკრედიტო AmEx ბარათი გაქვთ, რადგან ICR-ის ყველა მაღაზიაში MR ქულების დაგროვებას გაორმაგებული რაოდენობით შეძლებთ. ჩვენ კი აქ არ ვჩერდებით და ვაგრძელებთ მომხმარებლებს ის სერვისები თუ პროდუქტები შევთავაზოთ, რაც მათ ყველაზე მეტად სჭირდებათ“, - აცხადებენ საქართველოს ბანკშისაქართველოს ბანკის შეთავაზებები სრულად შეგიძლიათ იხილოთ ბმულზე.

1743597766

ტექნოლოგიური ჰაბის მეშვეობით შესაძლებელი იქნება საქართველოს ინოვაციების ეკოსისტემით გლობალური ტექნოლოგიური კომპანიების, უცხოური ვენჩურული ფონდებისა და ენჯელ - ინვესტორთა ქსელების დაინტერესება და ქვეყანაში შესაბამისი ინვესტიციების მოზიდვა.„ამერიკის შეერთებული შტატები და კერძოდ, სილიკონის ველი ქართული ინოვაციური სტარტაპ ეკოსისტემის უმთავრესი პარტნიორია. აქ არის თავმოყრილი მსოფლიოს ვენჩურული კაპიტალისა და ინტელექტუალური რესურსის აბსოლუტური უმრავლესობა, შესაბამისად, ქალაქ სან-ფრანცისკოში საქართველოს ინოვაციური ჰაბის გახსნა უმნიშვნელოვანესი წინ გადადგმული ნაბიჯი იქნება ქართული სტარტაპ ეკოსისტემის კიდევ უფრო გაძლიერებისთვის“ - განაცხადა ეკონომიკისა და მდგრადი განვითარების მინისტრის მოადგილემ, ირაკლი ნადარეიშვილმა.ტექნოლოგიური ჰაბი, რომელსაც ეკონომიკისა და მდგრადი განვითარების სამინისტროს  ინოვაციებისა და ტექნოლოგიების სააგენტო საგარეო საქმეთა სამინისტროს ხელშეწყობით გახსნის,  სან-ფრანცისკოში საქართველოს გენერალური საკონსულოს ბაზაზე ამოქმედდება. საკონსულო სან ფრანცისკოში 2020 წლიდან ფუნქციონირებს და მნიშვნელოვან როლს ასრულებს გლობალური ტექნოლოგიებისა და ინოვაციების ცენტრში - სილიკონ ველიზე საქართველოს ინოვაციების ეკოსისტემის წარმოჩენასა და ქართული სტარტაპების საქმიანობის ხელშეწყობაში. ჰაბის მეშვეობით საქართველო შეძლებს საერთაშორისო არენაზე უკეთ მოახდინოს განვითარებული ინოვაციური სტარტაპ ეკოსისტემის მქონე ქვეყნის პოზიციონირება. აღსანიშნავია, რომ საქართველო პირველი ქვეყანა იქნება რეგიონში, რომელიც სილიკონის ველზე ტექნოლოგიურ ჰაბს გახსნის.ინოვაციებისა და ტექნოლოგიების სააგენტოს ხელმძღვანელის,  ავთანდილ კასრაძის ინფორმაციით, ტექნოლოგიური ჰაბის ერთ-ერთი ცენტრალური ფუნქცია ქართული სტარტაპების კომპეტენციათა გაძლიერება იქნება, რაც გულსხმობს მათთვის სილიკონ ველის მენტორებთან ერთად მენტორშიპ პროგრამების გამართვას, მათ შორის, სხვადასხვა სახის ტრენინგებისა და ვორქშოფების ორგანიზებას. მისივე თქმით, ასევე დაგეგმილია კულტურული გაცვლა, რაც გულისხმობს საქართველოს ტექნოლოგიური და ინოვაციური პოტენციალის წარმოჩენას, ქართული კულტურის საღამოებს ტექნოლოგიური ბიზნეს წრეებისთვის და ორმხრივ სტარტაპ გაცვლითს პროგრამებს.ტექნოლოგიური ჰაბის საქმიანობა მიმართული იქნება ქართული სტარტაპების “ნეთვორქინგის” გაძლიერებაზე პოტენციურ ინვესტორებთან და სხვა ტექნოლოგიურ სტარტაპებთან, რაც გულისხმობს დემო დღეებს საერთაშორისო ინვესტორებისთვის, B2B შეხვედრებს პოტენციურ პარტნიორებთან, კლიენტებთან და ინვესტორებთან და პრეზენტაციებს საქართველოს ინოვაციების ეკოსისტემის შესახებ. გარდა ამისა, ასევე მოხდება ქართული სტარტაპების მხარდაჭერა ბიზნესის მიმართულებით, რაც გულისხმობს იურიდიულ და ბიზნეს კონსულტაციებს აშშ ბაზარზე შესვლისთვის, ოფისის სივრცით სარგებლობას ქართული სტარტაპებისთვის და ბიზნეს კონტაქტების ბაზის შექმნას და გაზიარებას.„სან-ფრანცისკოში,  სადაც კონცენტრირებულია მსოფლიო საინვესტიციო კაპიტალის უდიდესი ნაწილი, ინოვაციების ჰაბის გახსნით ქართულ სტარტაპებს ექნებათ პირდაპირი წვდომა ინვესტორებთან, რაც მნიშვნელოვნად გაზრდის მათი დაფინანსების შანსებს. ჰაბი იქნება ქართული სტარტაპების, ინოვატორებისა და მეწარმეებისთვის ერთგვარი ხიდი გლობალურ ტექნოლოგიურ ეკოსისტემაში მოსახვედრად. გრძელვადიან პერსპექტივაში, ვიმედოვნებთ, რომ ჰაბი ხელს შეუწყობს ორმხრივ ინვესტიციებს - არამხოლოდ ამერიკული ინვესტიციების მოზიდვას რეგიონში, არამედ რეგიონალური ინვესტიციების მიმართვას ამერიკულ ბაზარზე“ - აღნიშნა საქართველოს გენერალურმა კონსულმა სან-ფრანცისკოში ლევან ყულიჯანიშვილმა.სან-ფრანცისკოში ტექნოლოგიური ჰაბის გახსნის მიზნით საქართველოს ეკონომიკისა და მდგრადი განვითარებისა და საგარეო საქმეთა სამინისტროებს შორის მემორანდუმი გაფორმდება. შედეგად, ორი სამთავრობო უწყება გააძლიერებს თანამშრომლობას საქართველოს ინოვაციური ეკოსისტემისა და საინფორმაციო ტექნოლოგიების განვითარების და ინვესტიციებისა და ინოვაციების ხელშემწყობი ინიციატივების განხორციელების მიმართულებით.აღსანიშნავია, რომ დღეის მონაცემებით, საქართველოს ინოვაციების და ტექნოლოგიების სააგენტოს თანადაფინანსების გრანტების პროგრამის ფარგლებში 279 სტარტაპია დაფინანსებული, რომელთა შორის ახალგაზრდების წილი 43 პროცენტია. მათი საქმიანობის შედეგად შეიქმნა 4000-მდე ახალი სამუშაო ადგილი. დაფინანსებულმა სტარტაპებმა 545 მილიონი ლარის კერძო ფინანსური სარგებელი მოიპოვეს, ხოლო სააგენტოს დაარსებიდან დღემდე საგრანტო პროგრამებით სტარტაპებისთვის გაცემული თანხა 43.5 მილიონ ლარს შეადგენს.

1743597470

"საზოგადოების მაღალი ინტერესიდან გამომდინარე, საჭიროდ მიგვაჩნია, დამატებითი ინფორმაცია გავავრცელოთ იმ სტანდარტებთან დაკავშირებით, რომელიც არის რეალური გარანტია, ვაწარმოოთ უმაღლესი ხარისხის ჯანსაღი, უსაფრთხო რძის პროდუქტი და გავაგრძელოთ ლიდერობა ბაზარზე ჩვენი 25-წლიანი გამოცდილებით. პირველ რიგში, ხაზს ვუსვამთ, რომ ნებისმიერი ნედლეული - რძე, რომელსაც ,,სანტე“ იღებს, შემოწმებულია ხარისხის უმაღლესი ევროპული სტანდარტით. თუ რძე ატარებს რაიმე ტიპის პოტენციურ რისკს ხარისხთან დაკავშირებით, არ მიიღება და არ ვიყენებთ წარმოებაში."სანტეს“ მაღალტექნოლოგიურად აღჭურვილი და პროფესიონალებით დაკომპლექტებული ლაბორატორია გვაძლევს საშუალებას, ნედლეულის ხარისხი შემოწმდეს მიღებამდე. შემდეგ კი ვაკონტროლოთ პროდუქციის ხარისხი მთელი საწარმოო ჯაჭვის განმავლობაში. სწორედ ხარისხის სტანდარტები და ლაბორატორია გვაძლევს საშუალებას, მკაცრად ვაკონტროლოთ და არ ჩავიბაროთ უხარისხო ნედლეული. ამისი მაგალითია ის, რომ სანტე იყო პირველი, რომელმაც 2018 წელს რამდენჯერმე აღმოაჩინა ხარისხობრივი შეუსაბამობა ,,ყვარლის ბაგის“ მიერ მოწოდებულ რძეში და არ შეისყიდა მისგან რძე (ინფორმაცია დასტურდება სასამართლო დავაში წარმოდგენილ დოკუმენტაციაში)."სანტეს“ რძის პროდუქტები გადის რამდენიმეეტაპიან შემოწმებას, ვიდრე მომხმარებლამდე მივა. შემოწმება იწყება ნედლეულიდან. ფერმერების მიერ მოწოდებული რძე მიღებამდე ქარხნის ლაბორატორიაში მოწმდება მიკრობიოლოგიურად, ანტიბიოტიკებზე, რძის შემცველობაზე. ქსელში გაშვებამდე, მომხმარებელთან მიწოდებამდე, პროდუქტები კიდევ რამდენჯერმე მოწმდება ხარისხობრივად, როგორც საკუთარ, ისე გარე აკრედიტებულ ლაბორატორიაში (მიკრობიოლოგიურად, პათოგენებზე). შესაბამისად, ჩვენს საწარმოში წარმოებული ნებისმიერი რძის პროდუქტი არის გარანტირებულად უმაღლესი ხარისხის, ჯანსაღი და უსაფრთხო ჩვენი მომხმარებლისთვის.,,სანტე“ იყო პირველი კომპანია, რომელმაც 2010 წელს განავითარა რძის მიღების ინფრასტრუქტურა, დანერგა ევროპული ხარისხის სტანდარტები ნედლეულის შემოწმებაზე და დღემდე ახორციელებს ინვესტიციებს დარგის განვითარებაში. "სანტე“, როგორც დარგის ლიდერი, ნერგავს საერთაშორისო და ევროპულ სტანდარტებს, რომლის ფარგლებში ხელს ვუწყობთ საქართველოში ფერმერული მეურნეობის გაზრდასა და განვითარებას.ხარისხის კონტროლის გამკაცრების მიზნით და იმისთვის, რომ ხელი შეგვეწყო ფერმერული მეურნეობის განვითარებისთვის საქართველოში, 2022 წლიდან კომპანიამ შექმნა პროფესიონალი ზოოტექნიკოსების ჯგუფი, რომლებიც სისტემატურად ატარებენ ,,სანტეს“ პარტნიორი ფერმების აუდიტს. კონსულტაციებისა და გადამზადების საშუალებით ნერგავენ ევროპულ პრაქტიკას როგორც რძის უსაფრთხოების კუთხით, ასევე მსხვილფეხა პირუტყვის სწორი მოვლისა და მათი ჯანმრთელობის უზრუნველყოფის მიზნით.ამის პარალელურად ჩვენ დავიწყეთ აგრომომარაგების პროგრამა, რომლის ფარგლებშიც ვეხმარებით ფერმერებს, ხელი მიუწვდებოდეთ მაღალი ხარისხის ევროპულ საკვებ ნედლეულზე პირუტყვებისთვის, რაც აუცილებელია მათი ჯანმრთელობისა და ჯანსაღი რძის წარმოებისთვის.,,სანტე“ 1997 წლიდან დღემდე უმსხვილესი რძის გადამმუშავებელი კომპანიაა საქართველოში, რომელიც წლის განმავლობაში 20 მილიონამდე ლიტრ რძეს იბარებს და ამუშავებს. იმისთვის, რომ დარგი განვითარდეს და ბაზარზე ხელმისაწვდომი იყოს უმაღლესი ხარისხის რძის პროდუქტები, ემუშავება და განვითარებაში ხელს უწყობს ყველა იმ ფერმასა თუ ფერმერს, რომელიც უსაფრთხო და მაღალი ხარისხის რძეს აწარმოებს", - წერს კომპანია.

1743596172

სამუშაო შეხვედრაზე ეროვნული ბანკის ფინანსური ბაზრებისა და მაკროეკონომიკისა და სტატისტიკის დეპარტამენტების წარმომადგენლები საკუთარ გამოცდილებას ყირგიზ კოლეგებს უზიარებენ.ღონისძიების მონაწილეებს მისასალმებელი სიტყვით მიმართა ეროვნული ბანკის  პირველმა ვიცე-პრეზიდენტმა ეკატერინე მიქაბაძემ."მოგეხსენებათ, სსფ-ს კვლევის თანახმად, მონეტარული პოლიტიკის ჩარჩოს მოდერნიზების კუთხით, საქართველო მოწინავე პოზიციას იკავებს კავკასიასა და ცენტრალურ აზიაში. ეს ჩვენი პროფესიონალი გუნდის დამსახურებაა და მოხარულნი ვართ, ჩვენი გამოცდილება სხვა ცენტრალური ბანკების კოლეგებსაც გავუზიაროთ. ეროვნული ბანკი მზაობას გამოთქვამს, მომავალშიც აქტიურად ჩაერთოს ტექნიკური დახმარების სამუშაო შეხვედრებში. საერთაშორისო სავალუტო ფონდთან თანამშრომლობა ეროვნული ბანკისთვის ძალზე მნიშვნელოვანია და ერთობლივად ორგანიზებული სამუშაო შეხვედრები კიდევ ერთი დასტურია ჩვენ შორის არსებული მრავალწლიანი, მზარდი პარტნიორობის“, - აღნიშნა ეკატერინე მიქაბაძემ.აღნიშნული ვორქშოპი ხორციელდება ეროვნული ბანკის საგანმანათლებლო სივრცის პროექტის ფარგლებში, რომელიც ორგანიზებულია სსფ-ს შესაძლებლობების განვითარების რეგიონულ ცენტრთან ერთად, სადაც ეროვნული ბანკი თავად უზრუნველყოფს ცოდნის გაზიარებას საერთაშორისო პარტნიორებისთვის.2023 წელს, CCAMTAC-ის სამუშაო პროგრამის ფარგლებში, საქართველოს ეროვნულმა ბანკმა ყაზახეთისა და უზბეკეთის ცენტრალური ბანკების წარმომადგენლებს უმასპინძლა. 2024 წელს კი გაიმართა სემინარი ფინანსური პროგრამირებისა და პოლიტიკის შესახებ, რომელშიც საქართველოს საჯარო სექტორის წარმომადგენლებიც მონაწილეობდნენ.

1743594627

Euromoney-ს ჟიური ყოველწლიურად საუკეთესო პრემიუმ საბანკო სერვისებისა და მომსახურების მიმწოდებელ ფინანსურ ინსტიტუტებს აფასებს მთელი მსოფლიოდან. მკვლევრები და გამომცემლობის რედაქციის წევრები კი ქვეყნის მასშტაბით საუკეთესო შედეგის მქონე ფინანსურ ინსტიტუტებს ასახელებენ.Euromoney-ს ჟიურის შეფასებით, საქართველოს ბანკის მიერ პრემიუმ მომხმარებლებისთვის შექმნილი საბანკო პროდუქტები და სერვისები სრულად ერგება მათ სურვილებსა და საჭიროებებს, რომლებიც ტექნოლოგიური განვითარების პარალელურად, მუდმივად იცვლება.ამ პრობლემის გადასაჭრელად, საქართველოს ბანკის პრემიუმ მიმართულება შესაძლებლობას აძლევს მომხმარებლებს, ერთი სივრციდან ჰქონდეთ წვდომა ისეთ სერვისებზე, როგორებიც არის: ფიზიკური და ციფრული ბარათის შეკვეთა; სამოგზაურო, ავტოპასუხისმგებლობისა და სახლის დაზღვევის შეძენა; კომუნალური გადასახადების გადახდა; ციფრული სასაჩუქრე ბარათების შეძენა; მანქანის სივრცე; მედლების სივრცე; შეთავაზებების სივრცე; გადარიცხვები და სხვა.ამასთან, საქართველოს ბანკის პრემიუმ მიმართულება შესაძლებლობას აძლევს მომხმარებლებს, ისარგებლონ პირადი ბანკირის, კონსიერჟის, პირადი ბროკერის სერვისებით. მობილბანკის, ინტერნეტს ბანკინგის თუ იმეილ საბანკო სერვისების მეშვეობით განახორციელონ ტრანზაქციები როგორც ქვეყნის შიგნით, ასევე, საზღვარგარეთ, მართონ საკუთარი ფინანსური აქტივები, ქასთოდი პროფილები, და ჰქონდეთ პირდაპირი კავშირი პირად ბანკირთან.„სასიხარულოა ეს წოდება მთელი გუნდისთვის. განსაკუთრებით ვამაყობ იმით, რომ ამ წოდებას ზედიზედ ორი წელია ვინარჩუნებთ. ვფიქრობ, ამაში მომხმარებელთან ურთიერთობის ჩვენი ფილოსოფია გვეხმარება, რომელიც ნდობაზეა დამყარებული. ეს საშუალებას გვაძლევს მომხმარებლისთვის ვიყოთ ნამდვილი მრჩევლები, ნდობით აღჭურვილი პირები და საქმიანი პარტნიორები მათ ცხოვრებაში. ყოველდღიურად ვცდილობთ ტრადიციული ტრანზაქციული საბანკო გამოცდილება განვითარების ახალ  ეტაპზე ავიყვანოთ. მადლობა მინდა გადავუხადო საქართველოს ბანკის ყველა თანამშრომელს, რომელმაც წლების მანძილზე პრემიუმ ბანკინგის მიმართულების შენებაში თავისი წვლილი შეიტანა. მადლობა Euromoney-ს ამ აღიარებისთვის!“, - აღნიშნავს თამარ ფხაკაძე, SOLO გაყიდვების და ქსელის განვითარების დეპარტამენტის დირექტორი.აღსანიშნავია, რომ Euromoney-ს გამომცემლობამ საქართველოს ბანკის პრემიუმ მიმართულება საქართველოში საუკეთესოდ დაასახელა High-Net-Worth მომხმარებლებისთვის.

1743591720