"სელფი მობაილს" ახალი გენერალური დირექტორი ჰყავს

ამის შესახებ The New York Times-ი წერს.მათი ინფორმაციით, საუბარია TikTok-ის ამერიკული აქტივების სრულ შესყიდვაზე. წერილი, რომელშიც გამოხატული იყო Amazon-ის მზადყოფნა შეიძინოს პლატფორმა, გაეგზავნა აშშ-ის ვიცე-პრეზიდენტს ჯ.დ. ვენსს და კომერციის მდივანს ჰოვარდ ლუტნიკს.მოლაპარაკებებში ჩართული მხარეები ამ წინადადებას სერიოზულად არ აღიქვამენ, ამავდროულად, Amazon არის ყველაზე დიდი კომპანია, რომელმაც TikTok-ის შეძენის სურვილი გამოთქვა.მანამდე აშშ-ის პრეზიდენტმა დონალდ ტრამპმა განაცხადა, რომ არ ისურვებდა TikTok-ის დაბლოკვას და დარწმუნებული იყო, რომ პლატფორმის გაყიდვის გარიგება დაიდება.ტრამპმა 20 იანვარს ინაუგურაციის შემდეგ ხელი მოაწერა აღმასრულებელ ბრძანებას, რომლის მიზანია შეერთებულ შტატებში პლატფორმის დაბლოკვის გადადება მინიმუმ 75 დღით (5 აპრილამდე). მან ასევე განუცხადა ჟურნალისტებს, რომ შეერთებულ შტატებს უნდა ჰქონდეს TikTok-ის ნახევარზე უფლება, მაგრამ არ განმარტა, თუ რას ნიშნავს ეს.

1743674877

ჩინეთის ერთ-ერთმა უმსხვილესმა ავტომწარმოებელმა, იანვრიდან მარტამდე მოახერხა 416,388 ელექტრომობილის გაყიდვა, რაც თითქმის 40%-ით მეტია წინა წელთან შედარებით.ჰიბრიდების გაყიდვებმა შეადგინა 569,710 ერთეული, რაც 76%-ით მეტია 2024 წლის პირველ კვარტალთან შედარებით.მხოლოდ მარტში, BYD-მ 206,084 ელექტრო მანქანა გაიტანა საზღვარგარეთ, რამაც ექსპორტი 111%-ით გაზარდა.ანალიტიკოსების შეფასებით, BYD წელს კიდევ ერთ რეკორდს დაამყარებს და მთელ მსოფლიოში 5,5 მილიონ ავტომობილს გაყიდის. გასულ წელს შედეგი იყო 4,3 მილიონი, ხოლო 2023 წელს – 3 მილიონი.

1743674387

როგორც ტრამპმა თეთრ სახლში გამართულ ღონისძიებაზე აღნიშნა, დროა ამერიკა აყვავდეს.ამასთან, შეერთებული შტატების ლიდერმა ვიეტნამს 46%-იანი, ტაივანს 32%-იანი, იაპონიას 24%-იანი, ინდოეთს 26%-იანი, სამხრეთ კორეას 25%-იანი, ტაილანდს 36%-იანი, ჩინეთს კი 34%-იანი ტარიფები დაუწესა.„ეს არის გათავისუფლების დღე, რომელსაც დიდი ხანია, ველოდებით. 2025 წლის 2 აპრილი სამუდამოდ შევა ისტორიაში, როგორც ამერიკის ინდუსტრიის აღორძინების დღე, დღე, როცა ამერიკა გამდიდრდება. ამერიკით ისარგებლეს თაღლითებმა, ჩვენს გადასახადის გადამხდელებს 50 წლის მანძილზე ძარცვავდნენ, მაგრამ ეს ასე აღარ გაგრძელდება. მალე მოვაწერ ხელს აღმასრულებელ ბრძანებას, რომელიც აამოქმედებს საპასუხო ტარიფებს, რაც იმას ნიშნავს, რომ რასაც ისინი ჩვენთან აკეთებენ, ჩვენ მათ გავუკეთებთ. ეს ძალიან მარტივია“, – განაცხადა დონალდ ტრამპმა.

1743670868

Finance Derivative Magazine ფინანსებსა და ბიზნესზე ორიენტირებული გლობალური გამოცემაა, რომელიც ნიდერლანდებშია დაფუძნებული. მისი ჯილდო მიზნად ისახავს ამ მიმართულებებში გამორჩეული მიღწევების მქონე კომპანიების აღიარებასა და გაძლიერებას.„ჩვენი ჯილდო გამოარჩევს იმ კომპანიებსა და მთავარ მოთამაშეებს, რომლებმაც განსაკუთრებული პერფორმანსი აჩვენეს და რომლებიც კიდევ უფრო დიდი სიმაღლეებისკენ მიისწრაფვიან. შესაბამისად, ეს ჯილდო წარმოადგენს პლატფორმას მათი აღიარებისა და წარმოჩენისთვის. ჩვენ ყურადღებას ვაქცევთ როგორც მცირე ზომის ბაზრებს, ისე დიდ ფირმებს, რომლებიც საერთაშორისო მოდელებს სხვადასხვა რეგიონში ნერგავენ“, - ნათქვამია გამოცემის ოფიციალურ განცხადებაში.აღსანიშნავია, რომ გალტ & თაგარტი შეაფასეს კაპიტალის ბაზრის განვითარების, საბროკერო, კვლევითი და საკონსულტაციო მომსახურების ჭრილში.„მოხარული ვართ, რომ გალტ & თაგარტმა ქვეყანაში საუკეთესო საინვესტიციო ბანკისა და საუკეთესო ფინანსური საკონსულტაციო კომპანიის ჯილდო მიიღო. გალტ & თაგარტი აქტიურად მუშაობს როგორც ქვეყანაში, ისე რეგიონში კაპიტალის ბაზრის განვითარების კუთხით და მომხმარებლებს სთავაზობს მაღალი დონის, დივერსიფიცირებულ სერვისებს. ჩვენ ვამაყობთ, რომ აღნიშნული აღიარება აფასებს გალტ & თაგარტს როგორც წამყვან საკონსულტაციო კომპანიას შერწყმა-შესყიდვის (M&A) და სხვა ფინანსური კონსულტაციების მიმართულებით, რაც კომპანიისთვის სტრატეგიული მიმართულებაა. მადლობას ვუხდით Finance Derivative Magazine-ს აღიარებისთვის, და ამასთანავე, განსაკურებულ მადლობას ვუხდი გალტ & თაგარტის გუნდის თითოეულ წევრს ამ ჯილდოს მოსაპოვებლად გაწეული ინდივიდუალური ძალისხმევისთვის“, - აცხადებს გიორგი კუპრაშვილი, გალტ & თაგარტის გენერალური დირექტორი.

1743669533

მინისტრმა შეხვედრაზე ბოლო პერიოდში ქართულ დაფნაზე მოთხოვნის ზრდაზე გაამახვილა ყურადღება და აღნიშნა, რომ სახელმწიფო პროგრამების ფარგლებში დაფნის როგორც პირველადი წარმოება, ასევე შენახვა-გადამუშავების მიმართულებაა მხარდაჭერილი, რაც მომავალშიც შენარჩუნდება.აღსანიშნავია, რომ საქართველოს მასშტაბით, პროგრამის „დანერგე მომავალი“ ფარგლებში, 2.000 ჰექტრამდე  ფართობზე დაფინანსდა დაფნის ბაღების გაშენება, მათ შორის, სამეგრელო-ზემო სვანეთის რეგიონი ლიდერია, ბაღების გაშენება 1,200 ჰექტრამდე ფართობზეა დაფინანსებული.კომპანიის „ლაურუსი“ დაფნის გადამმუშავებელი საწარმო  სოფლის განვითარების სააგენტოს  ბენეფიციარია. კომპანიამ საქმიანობის განვითარების ეტაპზე არაერთხელ ისარგებლა პროექტით „შეღავათიანი აგროკრედიტი”,  მიმდინარე სესხის ოდენობა 800,000 ლარს შეადგენს.  საწარმოში სეზონურად 130 ადგილობრივია დასაქმებული.  გასულ წლებში კომპანია სეზონზე 200 ტონა მშრალ დაფნას აწარმოებდა, ჩინეთის ბაზარზე ქართული დაფნის მიმართ გაზრდილი ინტერესის შედეგად საწარმომ  მშრალი დაფნის წარმოება 300 ტონამდე გაზარდა.საქართველოს მასშტაბით, დაფნის გადამუშავების  მიზნობრიობით გაცემული შეღავათიანი აგროკრედიტი  9,4  მლნ ლარს აღემატება, მათ შორის, სამეგრელო-ზემო სვანეთის რეგიონში  დაფნის გადამუშავების მიზნობრიობით  გაცემული  შეღავათიანი აგროსესხების ღირებულება 6,1 მლნ ლარზე მეტია. სესხის პროცენტის სუბსიდირებას სოფლის განვითარების სააგენტო ახორციელებს.აღსანიშნავია, რომ წარმოების და საერთაშორისო ბაზრებზე მოთხოვნის ზრდის ფონზე, მზარდია დაფნის ფოთლის ექსპორტი.  2024 წელს ექსპორტის ღირებულებამ  34.4 მლნ აშშ დოლარი შეადგინა, რაც 2023 წლის მაჩვენებელს 94%-ით აღემატება. მთავარი საექსპორტო ბაზარი ჩინეთია.

1743668658

მინისტრი თხილის მწარმოებელ ფერმერებს შეხვდა და მათგან დარგში არსებულ გამოწვევებზე მიიღო ინფორმაცია.როგორც დავით სონღულაშვილმა აღნიშნა, თხილის წარმოება დასავლეთ საქართველოს მოსახლეობის ერთ-ერთი მთავარი შემოსავლის წყაროა. მინისტრის განცხადებით, ფაროსანა კვლავ მთავარ გამოწვევად რჩება; სამინისტრო წელსაც აქტიურ სამუშაოებს განახორციელებს მავნებელთან ბრძოლის მიმართულებით, თუმცა, კვლავ მნიშვნელოვან ფაქტორად რჩება ადგილობრივი ფერმერების აქტიურობა.კომპანიის  „ჯიმა ნუთსი“ თხილის გადამმუშავებელი საწარმო,  სოფლის განვითარების  სააგენტოს  პროექტის „შეღავათიანი აგროკრედიტი“  ფარგლებში, 2020 წელს ამოქმედდა. კომპანიამ საწარმოს შექმნისათვის 2  მლნ ლარზე მეტი ინვესტიცია განახორციელა. საწარმოში, სადაც დასაქმებულია 35 ადამიანი,  1500 ტონა გაუტეხავი  თხილის გადამუშავებაა შესაძლებელი.  სოფლის განვითარების სააგენტოს ტექნიკური დახმარების პროგრამის ფინანსური მხარდაჭერით, თხილის საწარმოში სურსათის უვნებლობის საერთაშორისო სისტემა BRC დაინერგა. 2022 წლიდან, კომპანია წარმოებული პროდუქციის ექსპორტს ახორციელებს, ძირითადად, აზიისა და აფრიკის ქვეყნებში.აღსანიშნავია, რომ  პროექტის ,,შეღავათიანი აგროკრედიტი“ ფარგლებში, თხილის შენახვა-გადამუშავების მიზნობრიობით, საქართველოს მასშტაბით, 80 მლნ ლარზე მეტი ღირებულების  სესხებია გაცემული, სადაც სოფლის განვითარების სააგენტოს თანადაფინანსება  24 მლნ ლარს აღემატება.  რაც შეეხება სამეგრელო-ზემო სვანეთის რეგიონს, აღნიშნული მიზნობრიობით 54,6 მლნ ლარის ღირებულების სესხებია გაცემული, სადაც სოფლის განვითარების სააგენტოს დაფინანსება  16,7  მლნ ლარს აღემატება.გარემოს დაცვისა და სოფლის მეურნეობის სამინისტრო უკვე წლებია ფერმერების საჭიროებებზე მორგებულ პროგრამებს ახორციელებს. ეს მხარდაჭერა მომავალშიც აქტიურად გაგრძელდება. 

1743668062