ფინანსთა სამინისტროს საგამოძიებო სამსახურმა სისხლის სამართლის კოდექსის 192-ე მუხლის მეორე ნაწილით (უკანონო სამეწარმეო საქმიანობა) გამოძიება დაიწყო.
უწყებას გამოძიების მიზნით ეროვნულმა ბანკმა მიმართა.
,,ჰენრის პირამიდის” საქმეზე ფინანსთა სამინისტროს საგამოძიებო სამსახურმა გამოძიება დაიწყო
1788608839
სხვა სიახლეები
,,ჰენრის პირამიდის” საქმეზე ფინანსთა სამინისტროს საგამოძიებო სამსახურმ...
უწყებას გამოძიების მიზნით ეროვნულმა ბანკმა მიმართა.
1788608839
ფინანსური განათლების ეროვნული ჯილდოს 5 ფინალისტი გამოვლინდა, პროექტის...
კონკურსი მიზნად ისახავს სკოლებში ფინანსური განათლების გაძლიერებას, მასწავლებელთა მოტივაციის ამაღლებს და სწავლების ხარისხის გაუმჯობესებას ინოვაციური მიდგომების დანერგვით.კონკურსის ფარგლებში პედაგოგებს შესაძლებლობა ჰქონდათ, 2025-2026 სასწავლო წლის განმავლობაში განეხორციელებინათ ფინანსური განათლების ხელშემწყობი აქტივობები. ჟიურიმ, რომლის შემადგენლობაშიც ეროვნული ბანკის, ბაზისბანკის, განათლების, მეცნიერებისა და ახალგაზრდობის სამინისტროსა და აკადემიური სფეროს წარმომადგენლები შედიოდნენ, მონაწილეთა მიერ წარდგენილი განაცხადები, განხორციელებული აქტივობები და შექმნილი მასალები წინასწარ დადგენილი კრიტერიუმების მიხედვით შეაფასა.11 სექტემბერს გაიმართება ფინალური ღონისძიება, სადაც გამოვლინდება ფინანსური განათლების ეროვნული ჯილდოს გამარჯვებული.
1788608378
ქართული აგროსასურსათო პროდუქცია ჩინეთში, საერთაშორისო გამოფენაზე „SIAL...
საქართველოს პავილიონში 11 ქართული კომპანიაა წარმოდგენილი. „აჩინებული“, „არტვაინი“, „აქტო’’, „კახური ტრადიციული მეღვინეობა“, „რუისპირი“, „ჩელთი“, „თაკარა ვაინსი“, „ხოდელი მეღვინეობა“, „მუკუზნის ღვინის სარდაფი“, „წყალი მარგებელი“ და „აიდიეს ბორჯომი“ გამოფენაზე ღვინოს, სპირტიან სასმელებს, ნატურალურ წვენებსა და მინერალურ წყალს წარადგენენ.„SIAL Guangzhou“ ქართული კომპანიებისთვის მნიშვნელოვანი ბიზნესპლატფორმაა, რომელიც პოტენციურ პარტნიორებთან შეხვედრის, ახალი ბიზნესკონტაქტების დამყარებისა და პროდუქციის საერთაშორისო აუდიტორიისთვის წარდგენის შესაძლებლობას ქმნის.ჩინეთში „SIAL Guangzhou“-ზე საქართველოს პავილიონის პირველად წარდგენა ქართული აგროსასურსათო პროდუქციის ცნობადობის გაზრდასა და ახალი ბაზრების ათვისებას უწყობს ხელს, რაც ქართული პროდუქციის საექსპორტო არეალის გაფართოების შესაძლებლობას იძლევა.SIAL-ის საერთაშორისო გამოფენებში საქართველოს მონაწილეობა ქართული აგროსასურსათო პროდუქციის პოპულარიზაციასა და საერთაშორისო ბაზრებზე მისი პოზიციონირების გაძლიერებას ემსახურება.
1788595973
საქართველოს ეროვნული ბანკი „თვის მიმოხილვას“ აქვეყნებს
ძირითადი ტენდენციებიინფლაცია აგვისტოში წლიურმა ინფლაციამ 5.6% შეადგინა, ხოლო ივლისთან შედარებით ფასების საერთო დონემ 0.4%-ით მოიმატა საბაზო ინფლაციამ, რომელიც სამომხმარებლო კალათიდან მერყევ სურსათის, ენერგომატარებლების და სიგარეტის ფასებს გამორიცხავს, აგვისტოში 3.6% შეადგინა მომსახურების ინფლაცია 4.4%-ს გაუტოლდა საბანკო სექტორი ივლისში, გაცვლითი კურსის ეფექტის გამორიცხვით, სესხების ზრდის ტემპი 0.2 პპ-ით გაიზარდა და წლიური მაჩვენებელი 14.7%-ს გაუტოლდა დეპოზიტების დოლარიზაცია ივლისში 0.5 პპ-ით შემცირდა და 43.2% შეადგინა ივლისში, მთლიანი საკრედიტო პორტფელის დოლარიზაციამ 41.3% შეადგინა საგარეო სექტორი იმპორტი - საქონლის იმპორტი წლიურად 5.8%-ით გაიზარდა და 1.7 მლრდ აშშ დოლარს გაუტოლდა. ივლისში იმპორტის ზრდა ძირითადად შუალედური მოხმარების საქონლის იმპორტის ზრდამ განაპირობა, რომლის წვლილმა 6.5 პპ შეადგინა ექსპორტი - ექსპორტი 30.0%-ით გაიზარდა და 793.9 მლნ აშშ დოლარი შეადგინა. ივლისში საქონლის რეგისტრირებული ექსპორტის წლიური ზრდა ძირითადად სამომხმარებლო (15.4 პპ წვლილით) და შუალედური მოხმარების (13.8 პპ წვლილით) საქონლის ექსპორტის ზრდამ განაპირობა. ასევე, გაზრდილია საინვესტიციო საქონლის ექსპორტიც (0.8 პპ წვლილით) ივლისის მდგომარეობით, წინა თვესთან შედარებით, ოფიციალური საერთაშორისო რეზერვები 404.6 მლნ აშშ დოლარით გაიზარდა. რეზერვების მთლიანმა მოცულობამ კი ისტორიულად მაღალ მაჩვენებელს მიაღწია და 7.5 მლრდ აშშ დოლარს გადააჭარბა გამოცემის ნახვა შესაძლებელია ეროვნული ბანკის ოფიციალურ ვებგვერდზე „პუბლიკაციების“ რუბრიკაში.
1788530393
საქართველოს ბანკის მხარდაჭერით ნიუ-იორკში eZo Festival გაიმართება
ამჯერად ნიუ-იორკში ქართული ელექტრონული მუსიკისა და ხელოვნების ფესტივალი eZo Festival გაიმართება. პარტნიორობის ფარგლებში, 17-18 ოქტომბერს, ნიუ-იორკში, ბრუკლინის The 1896 Studios & Stages-ში, eZo Festival Showcase გაიმართება. ქართული ელექტრონული მუსიკისა და არტის ფესტივალი ნიუ-იორკში პირველად ჩატარდება და ადგილობრივ აუდიტორიას eZo-სთვის დამახასიათებელ მუსიკალურ და შემოქმედებით გამოცდილებას გააცნობს. eZo Festival, რომელიც საქართველოში წლების განმავლობაში ელექტრონული მუსიკისა და ხელოვნების მნიშვნელოვან პლატფორმად ჩამოყალიბდა. ფესტივალი გერმანული ტურის შემდეგ, პირველად ესტუმრება ნიუ-იორკს და ორი დღის განმავლობაში მუსიკისა და DIY ხელოვნების მოყვარულებს გააერთიანებს. საქართველოს ბანკის მომხმარებლებს eZo Festival-ის ბილეთების შეძენისას 20%-იანი ფასდაკლებით სარგებლობა შეუძლიათ. სპეციალური შეთავაზება მოქმედებს 10 სექტემბრამდე. ბილეთების შესაძენად ეწვიეთ ბმულს.ინფორმაციისთვის, საქართველოს ბანკისა და Emolas Corporation-ის თანამშრომლობის ფარგლებში დაგეგმილი ღონისძიებები ქართული კულტურის საერთაშორისო პოპულარიზაციას, ქართველი არტისტების მსოფლიო სცენებზე წარმოჩენასა და აშშ-ში მცხოვრებ ქართულ დიასპორასთან კულტურული კავშირის გაძლიერებას ემსახურება. ბანკისთვის ემიგრანტების მხარდაჭერა ერთ-ერთი მნიშვნელოვანი მიმართულებაა, რომლის ფარგლებშიც საზღვარგარეთ მცხოვრები ქართველებისთვის სხვადასხვა ფინანსური, კულტურული და სოციალური ინიციატივა ხორციელდება.
1788527473
გიორგი კაკაურიძე - ეკონომიკური ზრდის დინამიკა წელსაც გრძელდება
მომხსენებელმა საანგარიშო პერიოდში ქვეყნის ბიუჯეტის შესრულების მიმოხილვისას ეკონომიკური ზრდის პარამეტრებზე, ინფლაციის მაჩვენებელზე, საგარეო ვაჭრობის მიმართულებებზე, ნაერთი და სახელმწიფო ბიუჯეტის შესრულებაზე ისაუბრა.ფინანსთა მინისტრის პირველი მოადგილის თქმით, ეკონომიკური ზრდის დინამიკა წელსაც გრძელდება.„წელს, 6 თვეში ეკონომიკური ზრდის მაჩვენებელმა 7,9% შეადგინა. ჩვენ უკვე განვაახლეთ ეკონომიკური ზრდის პროგნოზი, რომელიც 6,3%-ის დონეზეა წარმოდგენილი. ეს მაჩვენებლები თანხვედრაშია საერთაშორისო საფინანსო ინსტიტუტების პროგნოზებთან, რომლებმაც ასევე გაზარდეს საქართველოს ეკონომიკური ზრდის პროგნოზი“, - განაცხადა გიორგი კაკაურიძემ.ფინანსთა მინისტრის პირველი მოადგილის ინფორმაციით, საანგარიშო პერიოდში საქართველოში საქონლით საგარეო სავაჭრო ბრუნვამ 12 925 მილიონი დოლარი შეადგინა, რაც წინა წელთან შედარებით 5,8%-ით არის გაზრდილი. აქედან, ექსპორტის მაჩვენებელი 3 876 მილიონი დოლარია, იმპორტის - 9 049 მილიონი დოლარი.გიორგი კაკაურიძემ ხაზგასმით აღნიშნა, რომ საქართველოს უმსხვილესი სავაჭრო პარტნიორი კვლავ ევროკავშირია, რომლის წილი ქვეყნის მთლიან საგარეო სავაჭრო ბრუნვაში 20.1%-ია.კომიტეტების ერთობლივ სხდომაზე ყურადღება დაეთმო საქართველოს ეკონომიკურ ურთიერთობებსა და სავაჭრო-ეკონომიკური თანამშრომლობის გაღრმავების შესაძლებლობებს ევროკავშირთან და ქვეყნის ეკონომიკური განვითარების პერსპექტივებს.მომხსენებელმა ტურიზმიდან მიღებულ შემოსავლებზე ისაუბრა და აღნიშნა, რომ წლის პირველ ნახევარში საქართველოს 2 734.5 ათასი საერთაშორისო ვიზიტორი ეწვია.რაც შეეხება ფულად გზავნილებს, ეს მაჩვენებელი 11%-ით არის გაზრდილი და 1 692 მილიონ დოლარს მიაღწია.გიორგი კაკაურიძის ინფორმაციით, საანგარიშო პერიოდში ნაერთი ბიუჯეტის შემოსავლებმა 15 086 მილიონი ლარი შეადგინა და ის 104%-ით არის შესრულებული.რაც შეეხება გადასახადებს, მიღებულმა შემოსავლებმა 13 303 მილიონ ლარს გადააჭარბა და დაგეგმილის 101,9% შეადგინა.მომხსენებლის თქმით, გრანტებიდან მიღებულმა შემოსავლებმა 170 მილიონ ლარზე მეტი შეადგინა. გადაჭარბებით არის შესრულებული სხვა შემოსავლებიც, რომელთა ოდენობა 1 613 მილიონი ლარია. პრივატიზაციიდან 248 მილიონი ლარია შემოსული და დაგეგმილი 134%-ით არის შესრულებული.რაც შეეხება უშუალოდ სახელმწიფო ბიუჯეტის შემოსავლებს, გიორგი კაკაურიძის განმარტებით, ჯამში 12 515 მილიონ ლარამდეა მობილიზებული, რაც დაგეგმილი მაჩვენებლის 103%-ია. გადასახადებიდან 6 თვეში მიღებულია 11 216 მილიონი ლარი, რაც დაგეგმილი მაჩვენებლის 101,3%-ია. მისი თქმით, გადაჭარბებაა სხვა შემოსავლების მიმართულებითაც.გიორგი კაკაურიძის ინფორმაციით, სახელმწიფო ბიუჯეტი დაგეგმილია 30 881 მილიონ ლარზე მეტით და წლის პირველ ნახევარში ათვისებულია 14 053 მილიონი ლარი.ფინანსთა მინისტრის პირველმა მოადგილემ სახელმწიფო უწყებების მიერ ბიუჯეტის ათვისების მაჩვენებლებზეც ისაუბრა და აღნიშნა, რომ ამ მხრივ, საშუალო მაჩვენებელი 92%-ია.მისი განცხადებით, საგარეო საქმეთა სამინისტრომ საანგარიშო პერიოდში 107 819 ათასი ლარი, კულტურის სამინისტრომ 163 553 ათასი ლარი, ხოლო სპორტის სამინისტრომ 168 605 ათასი ლარი აითვისა.სახელმწიფო ბიუჯეტის შესრულების ანგარიშის განხილვა კითხვა-პასუხის ფორმატში გაგრძელდა.საკითხის განხილვის შემდეგ, კომიტეტებმა 2026 წლის სახელმწიფო ბიუჯეტის შესრულების 6 თვის ანგარიში ცნობად მიიღეს.
1788526800
ყველაზე კითხვადი
რატომ აზიანებს ქვეყნის იმიჯს ნათია ჯანაშია
1787559369
რამდენი გაიფლანგა ნათია ჯანაშიას დირექტორობის დროს და როგორ მიიტაცეს 4...
1788162909
თავშესაფარი მიუსაფარი ცხოველებისთვის - „თეგეტა“ „ზაქარას კეთილი მანქან...
1787753520
20 ტონამდე მეორადი საბურავი - „თეგეტა გრინ პლანეტმა“ ტაბახმელა საავტომ...
1787665800
ეროვნული ბანკი 60 წელს გადაშორებული პირებისთვის აზარტული და კრიპტო ტრა...
1788176842
