აგრომეწარმეებს სესხის უზრუნველყოფად სამომავლო მოსავლის გამოყენება შეეძლებათ

მიმდინარე წლის აპრილი-ივნისის პერიოდში ბიზნესსექტორის გამოშვების მაჩვენებელმა 25.7 მლრდ ლარი შეადგინა, რაც 10.7%-ით აღემატება 2025 წლის შესაბამისი პერიოდის მაჩვენებელს.ეკონომიკის მინისტრის მოადგილე ხაზს უსვამს, რომ საშუალო თვიური შრომის ანაზღაურება გაზრდილია 6.6%-ით და 2471 ლარს აღემატება. ვახტანგ ცინცაძის თქმით, არსებული პოზიტიური დინამიკა საქართველოს მთავრობის სწორ ეკონომიკურ პოლიტიკაზე მეტყველებს.„აღნიშნული სტატისტიკა კიდევ ერთხელ ადასტურებს, რომ საქართველოს მთავრობას გააჩნია სწორი, თანმიმდევრული და განჭვრეტადი ეკონომიკური პოლიტიკა, რომელიც, საბოლოო ჯამში, აისახება ბიზნეს სექტორის კონკურენტუნარიანობის ზრდაში. ასევე უნდა აღინიშნოს, რომ სახელმწიფოს აქვს კონკრეტული მექანიზმები და აქტიურად უჭერს მხარს კერძო სექტორის განვითარებას, სხვადასხვა დივერსიფიცირებული ინსტრუმენტებით თუ პროგრამებით, ჩვენ მიზნობრივად ვეხმარებით როგორც საშუალო, ისე მცირე მეწარმეებს, გახდნენ უფრო კონკურენტუნარიანები“, - აღნიშნა მინისტრის მოადგილემ.ამასთან, ვახტანგ ცინცაძის შეფასებით, ზემოაღნიშნული ეკონომიკური ტენდენციები და მაჩვენებლები დასაქმებულთა რაოდენობის ზრდაში აისახება. მინისტრის მოადგილის განცხადებით, მეორე კვარტლის ჭრილში რეკორდულია დასაქმებულთა მაჩვენებელი, კერძოდ, ის 32.700-ით არის გაზრდილი და 828 ათასს აჭარბებს. მისივე თქმით,  გასული წლის ანალოგიურ პერიოდთან შედარებით სამუშაო ადგილების რაოდენობა ეკონომიკის თითქმის ყველა სექტორშია გაზრდილი.„ჩვენი ამოცანაა, რომ კიდევ უფრო გავაუმჯობესოთ ქვეყანაში საინვესტიციო და ბიზნეს გარემო, რაც, საბოლოო ჯამში, ქმნის მიმზიდველ გარემოს საერთაშორისო და ადგილობრივი ინვესტორებისთვის, რომ საქართველოში განახორციელონ ინვესტიციები. ეს პოზიტიურად აისახება ეკონომიკური ზრდის მაჩვენებლებზე და, საბოლოო ჯამში, უზრუნველყოფს ქვეყნის ეკონომიკური ზრდის დაჩქარებას“ - აღნიშნა ვახტანგ ცინცაძემ.

1788434215

საქართველოში აგრარული და სასაწყობე ხელწერილების ახალი სისტემის დანერგვა იგეგმება,- შესაბამისი საკანონმდებლო ცვლილებების მომზადება მთავრობის 2026 წლის საშემოდგომო სესიის კანონშემოქმედებითი საქმიანობის მოკლევადიან გეგმაშია გათვალისწინებული.ცვლილებებით უნდა განისაზღვროს აგრარული და სასაწყობე ხელწერილების სამართლებრივი სტატუსი, მათი გაცემისა და რეგისტრაციის პროცედურები, ასევე აგროფერმერების, საწყობის ოპერატორების, კრედიტორებისა და სისტემაში ჩართული სხვა მხარეების უფლებები და ვალდებულებები.მთავრობის შეფასებით, რეფორმის ერთ-ერთი მთავარი მიზანი აგროსექტორისთვის ფინანსებზე ხელმისაწვდომობის გაუმჯობესებაა. ამასთან, ახალი მექანიზმი შეამცირებს უძრავი ქონების, როგორც სესხის უზრუნველყოფის ძირითად საშუალებაზე, დამოკიდებულებას და ხელს შეუწყობს დასაწყობებული პროდუქციის მიმართ ნდობის გაზრდას.მთავრობის გეგმის მიხედვით, ცვლილებებმა ასევე უნდა შეუწყოს ხელი სასაქონლო ვაჭრობის განვითარებას. გრძელვადიან პერსპექტივაში კი, ხელისუფლება რეფორმის შედეგად სასაქონლო ბაზრებისა და ბირჟების ჩამოყალიბებას, შესაბამისი ინფრასტრუქტურის განვითარებასა და ფასების ფორმირების პროცესის გაუმჯობესებას ელოდება.

1788430854

სოფელ ნატანების ტერიტორიაზე ხე-ბუჩქნარისა და ნატანი მასისგან, ჯამში,  3 კილომეტრი სიგრძის კოლექტორული და  შემკრები ქსელი იწმინდება. ჩატარებული სამუშაოების შედეგად გაიზრდება არხების გამტარუნარიანობა და აღდგება სადრენაჟე მომსახურება 25 ჰექტარ სასოფლო-სამეურნეო დანიშნულების მიწის ფართობზე, რაც სასოფლო-სამეურნეო კულტურების წარმოებისთვის ხელსაყრელი პირობების შექმნას შეუწყობს ხელს.სადრენაჟე არხის გაწმენდით სამუშაოები მიმდინარე წლის სექტემბრის ბოლოს დასრულდება.სარწყავი და სადრენაჟე სისტემების მოწესრიგების სამუშაოები ქვეყნის მასშტაბით მიმდინარეობს და მიზნად ისახავს სოფლის მეურნეობის განვითარებისთვის აუცილებელი პირობების შექმნას.

1788425979

ინფლაციის ზრდაზე ყველაზე მნიშვნელოვანი გავლენა ტრანსპორტის, სურსათის, საცხოვრებლისა და ჯანდაცვის ჯგუფებში ფასების მატებამ მოახდინა.ტრანსპორტის ჯგუფში ფასები წლიურად 15.2%-ით გაიზარდა, რამაც მთლიან ინფლაციაზე 1.81 პროცენტული პუნქტით აისახა. ფასების ზრდა, ძირითადად, პირადი სატრანსპორტო საშუალებების საწვავით ექსპლუატაციასა (20.8%) და სატრანსპორტო მომსახურებას (12.8%) უკავშირდება.სურსათისა და უალკოჰოლო სასმელების ჯგუფში ფასები 5%-ით გაიზარდა, ხოლო მისი წვლილი წლიურ ინფლაციაში 1.72 პროცენტული პუნქტი იყო. ყველაზე მეტად გაძვირდა თევზეული — 18.1%-ით, ხორცი და ხორცის პროდუქტები — 9.8%-ით, ზეთი და ცხიმი — 7.8%-ით, პური და პურპროდუქტები — 7.1%-ით. ასევე მოიმატა ბოსტნეულის, ყავის, ჩაისა და კაკაოს, რძის პროდუქტებისა და კვერცხის ფასებმა. ამასთან, ხილისა და ყურძნის ფასი 6.1%-ით შემცირდა.საცხოვრებლის, წყლის, ელექტროენერგიისა და აირის ჯგუფში ფასები 8.5%-ით გაიზარდა, რამაც მთლიან ინდექსზე 0.82 პროცენტული პუნქტით იმოქმედა. ელექტროენერგიის, აირისა და სათბობის სხვა სახეების ფასები 10.3%-ით, საცხოვრებლის მიმდინარე მოვლისა და შეკეთების ღირებულება 8.7%-ით, ხოლო ფაქტობრივი გადასახადი საცხოვრებელზე 8.4%-ით გაიზარდა.ჯანდაცვის ჯგუფში ფასები 5.2%-ით გაიზარდა, რაც მთლიან ინფლაციაზე 0.44 პროცენტული პუნქტით აისახა. ამ პერიოდში სამედიცინო პროდუქციის, აპარატურისა და მოწყობილობის ფასები 8.7%-ით, ამბულატორიული სამედიცინო მომსახურების კი 2.4%-ით გაიზარდა.

1788425849

შეხვედრის მიზანს სექტორში არსებული ვითარების, საჭიროებებისა და გამოწვევების განხილვა წარმოადგენდა.„ჩვენი მიზანია, კერძო სექტორთან თანამშრომლობით განვიხილოთ მნიშვნელოვანი საკითხები და არსებული გამოწვევები. შეხვედრები ხელს უწყობს სექტორის შემდგომ განვითარებას, რაც თავის მხრივ კონკურენტუნარიანობის ზრდასა და ახალი შესაძლებლობების გაჩენაში გამოიხატება“, - განაცხადა ლაშა დოლიძემ.სამინისტროსა და კერძო სექტორის წარმომადგენლებს შორის შეხვედრები მომავალშიც გაგრძელდება.გარემოს დაცვისა და სოფლის მეურნეობის სამინისტროში გამართულ შეხვედრას სამინისტროს შესაბამისი უწყების ხელმძღვანელი პირები და სამსახურის წარმომადგენლები ესწრებოდნენ.

1788425519

ბიზნესის ბრუნვა და პროდუქციის გამოშვება2026 წლის II კვარტალში ბიზნეს სექტორის პროდუქციის გამოშვების მოცულობა 25.7 მილიარდი ლარით განისაზღვრა, რაც წლიურად 10.7%-ით მეტია.ბიზნეს სექტორის ბრუნვის 69.8% მსხვილ ბიზნესზე მოდიოდა, 11.6% – საშუალო, ხოლო 18.6% – მცირე ბიზნესზე.პროდუქციის მთლიან გამოშვებაში კი მსხვილი ბიზნესის წილი 48.6% იყო, საშუალო ბიზნესის – 23.6%, მცირე ბიზნესის – 27.8%.საანგარიშო პერიოდში საწარმოების მიერ განხორციელებულმა საქონლისა და მომსახურების მთლიანმა ყიდვებმა 32.5 მილიარდი ლარი შეადგინა, რაც გასული წლის შესაბამის პერიოდთან შედარებით 4.9%-იანი ზრდაა. გადასაყიდად განკუთვნილი საქონლისა და მომსახურების ყიდვები 19.4 მილიარდ ლარამდე გაიზარდა, წლიური ზრდა კი 9.3% იყო.ბიზნესში დასაქმებულთა რაოდენობა გაიზარდა2026 წლის II კვარტალში ბიზნეს სექტორში დასაქმებულთა საშუალო რაოდენობამ 828.4 ათასი ადამიანი შეადგინა, რაც წლიურად 4.1%-ით მეტია.დასაქმებულთა 56.2% კაცი, ხოლო 43.8% ქალი იყო.დასაქმებულთა მთლიან რაოდენობაში მსხვილი ბიზნესის წილი 42.6%-ს შეადგენდა, საშუალო ბიზნესის – 19.7%-ს, მცირე ბიზნესის კი 37.7%-ს.დაქირავებულთა რაოდენობამ 768.6 ათასი ადამიანი შეადგინა, რაც გასული წლის შესაბამის პერიოდთან შედარებით 3.1%-ით მეტია.ამასთან, საწარმოთა დანახარჯებმა პერსონალზე 5.83 მილიარდი ლარი შეადგინა და წლიურად 10.3%-ით გაიზარდა.საშუალო ხელფასი 2 471.5 ლარამდე გაიზარდა2026 წლის II კვარტალში ბიზნეს სექტორში დაქირავებით დასაქმებულთა საშუალო თვიური ხელფასი 2 471.5 ლარი იყო, რაც წინა წლის შესაბამის პერიოდთან შედარებით 153.8 ლარით მეტია.ქალების საშუალო თვიურმა ხელფასმა 1 944.9 ლარი შეადგინა და წლიურად 161.4 ლარით გაიზარდა.საწარმოთა ზომის მიხედვით საშუალო თვიური ხელფასი შემდეგნაირი იყო: მსხვილი ბიზნესი – 2 622.8 ლარი; საშუალო ბიზნესი – 2 918.9 ლარი; მცირე ბიზნესი – 1 972.3 ლარი. რომელ დარგებზე მოდის ბიზნესის ბრუნვის ყველაზე დიდი წილიბიზნეს სექტორის ბრუნვის სტრუქტურაში ყველაზე დიდი, 36.5%-იანი წილი ხელოვნების, გართობისა და დასვენების დარგს ეკავა.მეორე ადგილზე იყო ვაჭრობა, ავტომობილებისა და მოტოციკლების რემონტის ჩათვლით, 32.4%-იანი წილით.შემდეგ მოდიოდა: დამამუშავებელი მრეწველობა – 8.1%; ტრანსპორტი და დასაწყობება – 4.8%; მშენებლობა – 4.8%; ინფორმაცია და კომუნიკაცია – 3.4%; სხვა დარგები – 10.0%. პროდუქციის გამოშვებაში მრეწველობა ლიდერობსბიზნეს სექტორის პროდუქციის გამოშვების სტრუქტურაში ყველაზე დიდი წილი დამამუშავებელ მრეწველობას ჰქონდა – 20.5%.მას მოჰყვებოდა ვაჭრობა – 18.0%, მშენებლობა – 14.4%, ტრანსპორტი და დასაწყობება – 9.8%, ხოლო ინფორმაცია და კომუნიკაცია – 8.9%.დანარჩენ დარგებზე პროდუქციის მთლიან გამოშვებაში 28.4% მოდიოდა.ვაჭრობა დასაქმების მთავარი წყაროადასაქმებულთა რაოდენობის მიხედვით ბიზნეს სექტორში ყველაზე დიდი წილი ვაჭრობის დარგს ჰქონდა – 29.5%.შემდეგ მოდიოდა დამამუშავებელი მრეწველობა – 11.3% და ჯანდაცვისა და სოციალური მომსახურების საქმიანობები – 9.1%.მნიშვნელოვანი წილი ეკავა ასევე ტრანსპორტისა და დასაწყობების დარგს – 8.1%, მშენებლობას – 7.6%, ინფორმაციასა და კომუნიკაციას – 6.4%, ხოლო განთავსებისა და საკვების მიწოდების საქმიანობებს – 5.7%.დასაქმების 65% თბილისზე მოდისბიზნეს სექტორში დასაქმებულთა განაწილებაში რეგიონებს შორის მკვეთრად ლიდერობს თბილისი – ქვეყნის ბიზნეს სექტორში დასაქმებულთა 65% დედაქალაქზე მოდიოდა.რეგიონების მიხედვით შემდეგი სურათი იყო: აჭარის ა.რ. — 9.7%; იმერეთი — 6.5%; ქვემო ქართლი — 5.3%; სამეგრელო-ზემო სვანეთი — 3.5%; კახეთი — 3.0%; შიდა ქართლი — 2.2%; მცხეთა-მთიანეთი — 1.8%; სამცხე-ჯავახეთი — 1.6%; გურია — 0.9%; რაჭა-ლეჩხუმი და ქვემო სვანეთი — 0.3%.

1788422517