"ღვინის QR-ნიშანდება უფასო არ იქნება - ღირებულება შესაძლოა 10 თეთრამდე განისაზღვროს" - ლევან მეხუზლა

თიბისი ბიზნესის მხარდაჭერით, მაისში, შვიდი სხვადასხვა თემატიკის შეხვედრა გაიმართა. ბიზნესების წარმომადგენლებს შესაძლებლობა ჰქონდათ, სფეროს ექსპერტებისგან მათთვის საინტერესო საკითხებზე მიეღოთ ამომწურავი ინფორმაცია.   პირველი ტრენინგი პრობლემების სისტემური გადაჭრის თემატიკას დაეთმო. ინტერაქციულ  ვორქშოფზე, მონაწილეებმა რეალურ პრობლემებზე იმუშავეს და  ისწავლეს, როგორ უნდა იპოვონ ძირეული მიზეზები და მიიღონ სწორი გადაწყვეტილებები.    მეორე შეხვედრის თემას  ფინანსების მართვის 10 ოქროს წესი წარმოადგენდა და მას Amadeo-ს დამფუძნებელი, გიორგი ჩუგოშვილი უძღვებოდა.   მესამე შეხვედრა ციფრული მარკეტინგის თემატიკაზე ჩატარდა. ალექსანდრე ჩომახიძემ აუდიტორიას მეტას განახლებების და ალგორითმის ცვლილებების შესახებ მიაწოდა ინფორმაცია და მათ ციფრული მარკეტინგის მიმართულებით საინტერესო და სასარგებლო რჩევები გაუზიარა.  მაისის თვის ტრენინგები  ასევე შეეხო საცალო ქსელებში შესვლის სტრატეგიას, საგადასახადო სიახლეებს და ხარჯების მართვის თემებსაც. მეწარმეებს შესაძლებლობა ჰქონდათ სფეროს ექსპერტებისგან მიეღოთ ინფორმაცია  ხარჯების ეფექტურად მართვისა  და  სწორი ფინანსური სტრუქტურის ჩამოყალიბების შესახებ.  თიბისის ბიზნესგანათლების პროგრამა გრძელდება. ივნისის თვის ტრენინგებზე რეგისტრაცია დაწყებულია და მასში ჩართვა თიბისის ბიზნესმომხმარებლებს  წინასწარი რეგისტრაციით შეუძლიათ, ბმულზე: https://tbcbank.ge/ka/business/education  , სადაც კურსების შესახებ დეტალური ინფორმაციის მიღებაცაა შესაძლებელი.   ტრენინგებზე დასწრება თავისუფალია და ის ბიზნესგანათლების ხელმისაწვდომობასთან ერთად, ბიზნესის წარმომადგენლებისთვის უახლესი და სასარგებლო ინფორმაციის გაზიარებას ისახავს მიზნად.   

1781257763

დღეს მთავარი გამოწვევა ონლაინ სესხის აღებისას სანდო ფინანსური ინსტიტუტის შერჩევაა. ორგანიზაცია მომხმარებელს უნდა აძლევდეს საშუალებას ვერიფიკაცია ონლაინ, სწრაფად და უპრობლემოდ გაიაროს, თან ისე, რომ პირადი მონაცემები სრულად დაცული დარჩეს.სესხის აღება ბანკში მისვლის გარეშე: როგორ მუშაობს ონლაინ ვერიფიკაცია?ტრადიციულად სესხის აღება ბანკში მისვლას, საიდენტიფიკაციო დოკუმენტების წარდგენასა და ქაღალდის კონტრაქტზე ხელის მოწერას მოითხოვდა.თანამედროვე ონლაინ ვერიფიკაციის მექანიზმები ამ პრაქტიკას უკვე სრულად ანაცვლებს. მომხმარებელი განაცხადის შევსებიდან თანხის ჩარიცხვამდე სრულ პროცესს პირდაპირ სმარტფონის ეკრანიდან გადის.კრედო ბანკში ეს პროცესი მაქსიმალურად გამარტივებულია Mycredo აპლიკაციის დახმარებით.ზოგიერთ ფინანსურ ორგანიზაციებში იდენტიფიკაციის პროცესი ჯერ კიდევ მოითხოვს ქოლ-ცენტრის ოპერატორთან ვიდეოზარს ან სატელეფონო დადასტურებას. კრედო ბანკის ციფრული სერვისი კი სრულად ავტომატიზებულია. ტექნოლოგია მაქსიმალურად ამარტივებს დადასტურების ეტაპს, მომხმარებელს საერთოდ არ სჭირდება სერვისცენტრში ვიზიტი.კრედო ბანკის გუნდს კარგად ესმის, რომ თანამედროვე ადამიანისთვის დრო ძვირფასი რესურსია. სესხი ციფრულად კრედო ბანკისგან პირველ რიგში სწორად დროის ეკონომიაზეა გათვლილი. მომხმარებელი ფინანსურ ოპერაციებს სრულად დისტანციურ ფორმატში წარმართავს, ხშირად სხვა საქმეების პარალელურადაც.ვერიფიკაციის ეტაპი ამ პროცესში ყველაზე მომთხოვნი ეტაპია. ვერიფიკაციის წარმატებით გავლის შემდეგ, დაინტერესებულ პირს სულ რამდენიმე წუთი სჭირდება სასურველი ფინანსური პროდუქტის მოსათხოვად. ბანკი აგზავნის პასუხს მოკლე ტექსტური შეტყობინების (SMS) სახით, ხელშეკრულების პირობებზე (გადახდის გრაფიკის ჩათვლით) დათანხმება აპლიკაციაშივე ხდება.ონლაინ სესხი 5 წუთში? რეალურად რა დრო სჭირდება ადამიანს, რომ აიღოს სესხი ციფრულად ონლაინ სესხი სტანდარტულ სესხებთან შედარებით ბევრად უფრო სწრაფად მტკიცდება, მაგრამ ბანკს მონაცემთა დამუშავებისთვის მაინც სჭირდება გარკვეული დრო.კრედო ბანკის შიდა სპეციფიკიდან გამომდინარე, განაცხადის განხილვასა და დამტკიცებას როგორც წესი 30 წუთამდე სჭირდება, მოთხოვნის დადასტურებისთანავე, თანხა მყისიერად აისახება მომხმარებლის პირად ანგარიშზე.ონლაინ სესხის კიდევ ერთი ძლიერი მხარე მასზე მუდმივი წვდომაა, მათ შორის არასტანდარტულ საათებშიც. თუ მოულოდნელმა ფინანსურმა საჭიროებამ დასვენების დღეებში ან გვიან ღამით იჩინა თავი, ის რომ ფიზიკური სერვისცენტრები დახურულია პრობლემას აღარ წარმოადგენს. მაგალითად, კრედო ბანკის სესხი ციფრულად 24/7 რეჟიმში ხელმისაწვდომია.მომხმარებელს თავისუფლად შეუძლია გაიაროს ვერიფიკაცია Mycredo-ში დასვენების დღეებსა თუ ღამის საათებში და პირდაპირ შეავსოს განაცხადი. მონაცემები შეფერხების გარეშე მუშავდება და ბანკი თანხას პირდაპირ ანგარიშზე რიცხავს. თუ მოთხოვნა არ დაკმაყოფილდა,  Mycredo-ს სისტემა იძლევა შესაძლებლობას, განაცხადი განმეორებით გაიგზავნოს 30 დღის შემდეგ.ვის შეუძლია ონლაინ სესხის აღება?საზოგადოებაში დამკვიდრებულია მოსაზრება, რომ ბანკის სესხის ასაღებად საჭიროა ფიქსირებული, ოფიციალური საბანკო ჩარიცხვები. კრედო ბანკის მოქნილი პოლიტიკა კი დასაქმების განსხვავებულ ფორმებსაც ითვალისწინებს.ციფრულ სესხზე განაცხადის გაკეთება ყველას შეუძლია, შემოსავლის წყაროს მიუხედავად. ბანკი თითოეულ განაცხადს ინდივიდუალურად განიხილავს.შემოსავლის ალტერნატიულ წყაროებად შეიძლება ჩაითვალოს: თვითდასაქმებიდან მიღებული შემოსავალი, აგროსაქმიანობიდან მიღებული მოგება, საზღვარგარეთიდან ფულადი გზავნილები და სხვა. ბანკი ასევე ითვალისწინებს ხელზე აღებულ გასამრჯელოსაც.ბიომეტრიული მონაცემების გამოყენება და ძლიერი ტექნოლოგიური ინფრასტრუქტურა მომხმარებლის პირად მონაცემებს საიმედოდ იცავს. კრედო ბანკის მიდგომა სრულად ითვალისწინებს დისტანციურ ტრანზაქციებთან დაკავშირებულ რისკებს. სესხი ონლაინ არა მხოლოდ კომფორტული და ავტომატიზებული მომსახურებაა, არამედ სრულიად უსაფრთხოც. ამ უსაფრთხოების უკან მრავალწლიანი გამოცდილება და უახლესი ტექნოლოგიები დგას.

1781252861

სიმპოზიუმში მონაწილეობდნენ მსოფლიოს 30-მდე ცენტრალური ბანკისა და მონეტარული ორგანოს პრეზიდენტები და მაღალი რანგის წარმომადგენლები, მათ შორის - საფრანგეთის, გერმანიის, შვეიცარიის, გაერთიანებული სამეფოს, სინგაპურის, ჰონგ კონგის, ბრაზილიის, არგენტინის, ინდონეზიის, საუდის არაბეთისა და კატარის ცენტრალური ბანკების წარმომადგენლები.მასშტაბური საერთაშორისო ღონისძიება ემსახურება მაღალი დონის პლატფორმის შექმნას, სადაც ცენტრალური ბანკების, საერთაშორისო ფინანსური ინსტიტუტებისა და კერძო სექტორის წარმომადგენლები იმსჯელებენ გლობალურ მაკროეკონომიკურ და ფინანსურ პროცესებზე, რეზერვების მართვის თანამედროვე სტრატეგიებზე, საერთაშორისო მონეტარული სისტემის განვითარების პერსპექტივებსა და ფინანსური ბაზრების მიმდინარე და გრძელვადიან ტენდენციებზე.სიმპოზიუმის პირველ სესიაზე - „გლობალური მაკროეკონომიკური და ფინანსური ბაზრების განვითარება“, ნათია თურნავამ მიმოიხილა საერთაშორისო ფინანსურ ბაზრებზე მიმდინარე სტრუქტურული ცვლილებები, საინვესტიციო გადაწყვეტილებებზე  გეოპოლიტიკური პროცესების გავლენა და ცენტრალური ბანკების რეზერვების მართვის თანამედროვე გამოწვევები.სიტყვით გამოსვლისას ეროვნული ბანკის პრეზიდენტმა აღნიშნა, რომ გლობალური საინვესტიციო გარემო გეოპოლიტიკური დაძაბულობის, სავაჭრო ფრაგმენტაციისა და მაკროეკონომიკური გაურკვევლობის ზრდის ფონზე კიდევ უფრო კომპლექსური ხდება.„გრძელვადიანმა სავაჭრო დაძაბულობამ, სამხედრო კონფლიქტებმა ახლო აღმოსავლეთსა და ევროპაში, ასევე მიწოდების ჯაჭვების გლობალურმა შეფერხებამ მნიშვნელოვნად გაზარდა ბაზრების ცვალებადობა და საინვესტიციო რისკები. დღეს გეოპოლიტიკური მოვლენები უკვე მხოლოდ გარე რისკები აღარ არის - ის ეკონომიკურ ცვლადებად იქცა, რომლებიც პირდაპირ გავლენას ახდენს ინფლაციაზე, კაპიტალის ნაკადებზე, სავალუტო კურსებსა და საინვესტიციო სტრატეგიებზე“, - განაცხადა ნათია თურნავამ.საქართველოს ეროვნული ბანკის პრეზიდენტმა განსაკუთრებული ყურადღება სავალუტო რეზერვების მართვის საკითხს დაუთმო და აღნიშნა, რომ მზარდი გეოპოლიტიკური რისკების პირობებში უსაფრთხოება რეზერვების მართვის უმთავრეს პრიორიტეტად იქცა. მისი შეფასებით, ოქროს მიმზიდველობა გაიზარდა, რადგან რეზერვების მმართველები ეძებენ ისეთ აქტივებს, რომლებიც ნაკლებადაა  დამოკიდებული სუვერენულ და გეოპოლიტიკურ რისკებზე.მისივე თქმით, მსოფლიოში სარეზერვო პორტფელების დივერსიფიკაციის ტენდენცია თვალსაჩინოა, ასევე შეიმჩნევა აზიური კაპიტალის ბაზრების მზარდი მიმზიდველობა.„ცენტრალური ბანკებისთვის რეზერვების მართვის სამი ძირითადი პრინციპი არსებობს - უსაფრთხოება, ლიკვიდობა და მომგებიანობა. ბოლო წლებში უსაფრთხოების მნიშვნელობა საგრძნობლად გაიზარდა. სწორედ ამიტომ, მრავალი ცენტრალური ბანკი ცდილობს გააძლიეროს პორტფელების მდგრადობა და გაზარდოს დივერსიფიკაცია როგორც ვალუტების, ისე აქტივების კლასების მიხედვით“, - აღნიშნა ნათია თურნავამ.სებ-ის პრეზიდენტმა ასევე აღნიშნა, რომ ოქროში განხორციელებულმა ინვესტიციებმა მნიშვნელოვნად დადებითი გავლენა მოახდინა საქართველოს საერთაშორისო რეზერვების შემოსავლიანობაზე. მისივე განმარტებით, საქართველოს ეროვნული ბანკი რეზერვების განთავსებისთვის ბაზრების გეოგრაფიულ და სავალუტო დივერსიფიკაციას ახორციელებს და ამ კონტექსტში, ტრადიციული ბაზრების პარალელურად, აზიური ბაზრები და ვალუტები მზარდ ინტერესს წარმოადგენს.ნათია თურნავას განმარტებით, ასეთ გარემოში რისკების დისციპლინირებული მართვა, თანმიმდევრულობა და მოქნილობა, შესაძლოა, გრძელვადიანი საინვესტიციო წარმატების ყველაზე მნიშვნელოვან განმსაზღვრელ ფაქტორებს შორის აღმოჩნდეს.

1781252755

მხარეებმა განიხილეს საქართველოსა და ჩინეთს შორის არსებული ეკონომიკური და ფინანსური თანამშრომლობის საკითხები, ფინანსური ბაზრებისა და სერვისების მიმართულებით მიმდინარე თანამშრომლობა და სამომავლო პარტნიორობის გაღრმავების შესაძლებლობები.აღინიშნა საქართველოს ეროვნულ ბანკსა და ჩინეთის ცენტრალურ ბანკს შორის გასულ წელს გაფორმებული ურთიერთგაგების მემორანდუმის ფარგლებში მიღწეული პროგრესი.„ურთიერთგაგების მემორანდუმის გაფორმების შემდეგ, საქართველოს ეროვნულ ბანკსა და ჩინეთის ცენტრალურ ბანკს შორის თანამშრომლობა მნიშვნელოვნად გაღრმავდა. განსაკუთრებით აღსანიშნავია ფინანსურ ბაზრებისა და ორ ქვეყანას შორის არსებული ფინანსური სერვისების განვითარებით მიმართულებით გადადგმული ნაბიჯები. მათ შორის, საერთაშორისო რეზერვების დივერსიფიკაციის მიმართულებით“, - დასძინა ნათია თურნავამ.შეხვედრაზე ასევე ისაუბრეს საქართველო-ჩინეთის სავაჭრო-ეკონომიკურ ურთიერთობებზე. აღსანიშნავია, რომ ჩინეთი საქართველოს ერთ-ერთი უმსხვილესი სავაჭრო პარტნიორია. მნიშვნელოვნად გაიზარდა როგორც ექსპორტისა და იმპორტის მოცულობა, ასევე ჩინური ინვესტიციები და ტურისტული ნაკადები.„ჩინეთსა და საქართველოს შორის ეკონომიკური თანამშრომლობა დინამიკურად ვითარდება, რაც ქმნის მყარ საფუძველს, რომ ჩვენი თანამშრომლობა კიდევ უფრო გავაღრმავოთ საფინანსო სექტორში“, - აღნიშნა ეროვნული ბანკის პრეზიდენტმა.შეხვედრის ფარგლებში მხარეებმა კიდევ ერთხელ დაადასტურეს მზადყოფნა აქტიური თანამშრომლობის გაგრძელების შესახებ, რათა ხელი შეუწყონ საქართველოსა და ჩინეთს შორის ფინანსური და ეკონომიკური კავშირების კიდევ უფრო განმტკიცებას.

1781252625

როგორც ლევან მეხუზლამ "ბიზნესპარტნიორთან" განაცხადა, QR-ნიშანდების კონკრეტული ფორმა და ფუნქციონირების მოდელი შემდგომი რეგულაციების ფარგლებში განისაზღვრება."ჩვენთვის როგორც მარეგულირებლისთვის და ამ დარგის ზედამხედველი ორგანოსთვის ეს არის ძალიან კარგი ინსტრუმენტი მიკვლევადობისთვის. ანუ, ამ ნიშანდების საშუალებით სრულად იქნება უზრუნველყოფილი პროდუქტის მიკვლევადობა და შესაბამისად, ის პრობლემები რაც არის - რომ სადღაც გაურკვეველი წარმომავლობის ღვინო იყიდება ხოლმე - ეს ამ პრობლემის მოგვარების ძალიან კარგი საშუალება იქნება.აღნიშნული ფართოდ გამოიყენება სურსათის სფეროში, რაც მარეგულირებლისთვის ძალიან ბევრ ინფორმაციას იძლევა”, - აცხადებს სააგენტოს თავმჯდომარე.მისი თქმით, ნიშანდების სისტემამ სახელმწიფო კონტროლის პროცესიც უნდა გაამარტივოს."ფაქტობრივად, ყველა ბოთლი წარმოების პროცესში უკვე მიკვლევადი იქნება, რაც შემოწმების, სახელმწიფო კონტროლის ან სახელმწიფო ზედამხედველობის დროს ერთი ორად გაგვიადვილებს ისეთ პრობლემებთან ბრძოლას როგორიც არის ფალსიფიკაცია ან არაკონდიციური ღვინო. ეს არის ის, რაც ჩვენთვის მნიშვნელოვანია”, - აღნიშნა მან.ლევან მეხუზლას განმარტებით, QR-ნიშანდებას მხოლოდ კონტროლის ფუნქცია არ ექნება და შესაძლებელია დამატებითი გამოყენებებიც შეიძინოს."გარდა ამისა, შესაძლებელია, რომ ამ ნიშანდებას ბევრი სხვა შესაძლებლობა ჰქონდეს. მაგალითად, ნიშანდება, რომ წაიკითხოს მარეგულირებელმა შესაძლოა სხვა ინფორმაცია მიიღოს და იგივე ნიშანდება შესაძლებელია გამოყენებულ იქნეს მარკეტინგული მიზნებისთვის და საზოგადოდ ცნობილი იყოს, რომ ეს ნიშანდებული ღვინო არის ნამდვილად ქართული, უსაფრთხო და სახელმწიფო პასუხს აგებს მის შემადგენლობაზე.გარდა მიკვლევადობისა ძალიან ბევრი შესაძლებლობაა და გვინდა, რომ დარგს გავაცნოთ და შევჯერდეთ იმ ყველა შესაძლებლობაზე, რაც აი ამ აღნიშნულ ნიშანდებას აქვს. ეს ყველაფერი ჯერ კიდევ განხილვის პროცესშია.ნიშანდება არ იქნება უფასო. ჩვენ როდესაც ეს კანონპროექტი პარლამენტში წარვადგინეთ, რა თქმა უნდა, იქ განმარტებით ბარათში განვმარტეთ ეს ყველაფერი, რომ ეს შესაძლოა დაჯდეს მაქსიმუმ 10 თეთრი. თუმცა ეს ჯერჯერობით არ არის გადაწყვეტილი და მსჯელობის საკითხია, მათ შორის, დარგთან”, - აცხადებს ლევან მეხუზლა.bp.ge

1781252277

იოშიჰირო ნაკატა, Toyota Motor Europe-ის პრეზიდენტი და გენერალური დირექტორი: „Ichiban-ის გამარჯვებულები ყოველდღიურად აჩვენებენ, რას ნიშნავს მომხმარებლის ნდობის დამსახურება. ისინი არ შემოიფარგლებიან მოლოდინების დაკმაყოფილებით - უსწრებენ ამ მოლოდინებს, თავად აყალიბებენ მათ და მთელი ჩვენი ქსელისთვის უფრო მაღალ სტანდარტს აწესებენ. სწორედ მათი უნარი, მოერგონ ცვლილებებს, ითანამშრომლონ და განუწყვეტლივ ისწრაფონ გაუმჯობესებისკენ, განსაზღვრავს Toyota-ს მომავალს ევროპაში“.„იჩიბანი“ იაპონური სიტყვაა და ქართულად ნომერ პირველს ნიშნავს. ეს ჯილდო ენიჭებათ მხოლოდ იმ დილერებს, რომლებიც მომხმარებელს უფრო მეტს სთავაზობენ, ვიდრე უბრალოდ სერვისია. წლევანდელი ღონისძიება ერთგვარი პლატფორმა გახდა გამოცდილების გაზიარების, პარტნიორობის განმტკიცებისა და ინდუსტრიის მომავლის ერთობლივად განსაზღვრისთვის.მარიამ მელიაშვილი, „ტოიოტა ცენტრი თეგეტას" გენერალური დირექტორი: „იჩიბანის ჯილდოს ზედიზედ მეორედ მოპოვება „ტოიოტა ცენტრი თეგეტასთვის“ უდიდესი პატივი და პასუხისმგებლობაა. ეს აღიარება ადასტურებს ჩვენი გუნდის ერთგულებას, პროფესიონალიზმსა და იმ მაღალი სტანდარტის დაცვას, რომელსაც Toyota მსოფლიოს მასშტაბით აწესებს. განსაკუთრებით საამაყოა, რომ რეგიონში მოქმედ დილერებს შორის სწორედ საქართველოდან „ტოიოტა ცენტრი თეგეტამ“ შეძლო ამ პრესტიჟული ჯილდოს მოპოვება. ეს არა მხოლოდ ჩვენი კომპანიის, არამედ მთლიანად ქვეყნისთვის მნიშვნელოვანი მიღწევაა, რომელიც კიდევ ერთხელ უსვამს ხაზს ქართული გუნდის შესაძლებლობებს საერთაშორისო დონეზე. მადლობას ვუხდი თითოეულ თანამშრომელს, რომელთა ყოველდღიური შრომაც ამ წარმატების საფუძველია, ჩვენს მომხმარებლებს კი - ნდობისა და ერთგულებისთვის“.„ტოიოტა ცენტრი თეგეტა“ ერთადერთი ქართული კომპანიაა გამარჯვებულთა შორის, რომელიც, აღმოსავლეთ ევროპის რეგიონის წამყვან დილერებთან ერთად, საქართველოს წარმოადგენდა ცერემონიაზე. ეს წარმატება კიდევ ერთხელ ადასტურებს, რომ მომხმარებლის კმაყოფილების მაღალი მაჩვენებლები, მომსახურების ხარისხის უწყვეტი გაუმჯობესება და თანამშრომელთა აქტიური ჩართულობა კომპანიის გუნდის ყოველდღიური საქმიანობის განუყოფელი ნაწილია.Toyota Ichiban-ის ჯილდო ყოველწლიურად გადაეცემა ევროპის საუკეთესო დილერებს, რომლებიც მომხმარებელთა კმაყოფილების მაღალი მაჩვენებლებით, მომსახურების უწყვეტი გაუმჯობესებითა და თანამშრომელთა აქტიური ჩართულობით გამოირჩევიან. „ტოიოტა ცენტრი თეგეტასთვის“ ზედიზედ მეორედ მოპოვებული ჯილდო არა მხოლოდ ადგილობრივ, არამედ რეგიონულ ბაზარზე ლიდერობის კიდევ ერთ დასტურია და ცხადყოფს, რომ ხარისხი, ინოვაცია და მომხმარებელზე ზრუნვა ბრენდის ძირითად ღირებულებებად რჩება.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად „ტოიოტას“ ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს „ტოიოტას“ უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

1781247720