დავით სონღულაშვილი: ტყის დაცვა ჩვენი პრიორიტეტია, შესაბამისად, ამ მიმართულებით მნიშვნელოვანი რეფორმა ხორციელდება

შეთავაზების ფარგლებში, საკრედიტო Amex ბარათის მფლობელები City Mall-ში შოპინგისას 10-ჯერ მეტ MR ქულას დააგროვებენ (ჯამში მაქსიმუმ 10,000 MR ქულა).აქციით სარგებლობისთვის აუცილებელია შეთავაზების წინასწარ გააქტიურება მობილბანკში და გადახდის განხორციელება Wallet-ში დამატებული ბარათით.ინფორმაციისთვის, აქცია ვრცელდება City Mall საბურთალოსა და გლდანში მდებარე მაღაზიებზე და არ მოქმედებს კვების ობიექტებში, აფთიაქებსა და მარკეტებში.აღსანიშნავია, რომ საქართველოს ბანკმა საკრედიტო Amex ბარათის მიღების პროცესი კიდევ უფრო გაამარტივა. მომხმარებლებს შესაძლებლობა აქვთ ბარათი სრულად ციფრულად, მობილბანკიდან, რამდენიმე წამში მიიღონ. ბარათის დამტკიცებისთანავე შესაძლებელია მისი დამატება Apple Pay-სა და Google Pay-ში და გადახდის განხორციელება როგორც საქართველოში, ისე საზღვარგარეთ.

1774433375

კონკრეტულად კი შპს ,,ავერსი-ფარმა“ იღებს ვალდებულებას, რომ ქალაქ თბილისის მუნიციპალიტეტში რეგისტრირებული ბენეფიციარებისთვის კალკულაციები გასცეს ფასდაკლების დღეებში არსებული ფასებით, კვირის ნებისმიერ დღეს.მემორანდუმი ძალაში შედის მხარეთა მიერ მისი ხელმოწერის დღიდან და მოქმედებს 1 წლის ვადით.მემორანდუმს ხელი მოაწერეს ქალაქ თბილისის მუნიციპალიტეტის საკრებულოს თავმჯდომარემ ზურაბ აბაშიძემ და ავერსის სააფთიაქო ქსელის დირექტორმა ეკატერინე ბურძენიძემ.

1774432958

ამის შესახებ Bloomberg-მა სამშაბათს, წყაროებზე დაყრდნობით განაცხადა.„საკითხში ჩახედული პირების ცნობით, ისინი ცდილობენ თითო გემისგან 2 მილიონი დოლარის საფასურის აკრეფას თითოეული შემთხვევის მიხედვით, რაც არსებითად საზღვაო მარშრუტის გამოყენების არაფორმალურ გადასახადს წარმოადგენს... წყაროებმა აღნიშნეს, რომ ზოგიერთმა გემმა გადაიხადა, თუმცა გადახდის მექანიზმი ჯერ კიდევ გაურკვეველია, მათ შორის რა ვალუტაში და, როგორც ჩანს, ეს სისტემატური პრაქტიკა არ არის“, - იუწყება სააგენტო.წყაროებმა აღნიშნეს, რომ გადახდები საჯაროდ გამჟღავნების გარეშე ხორციელდება. ირანის საგარეო საქმეთა სამინისტრომ კომენტარის გაკეთებაზე უარი თქვა.ერთ-ერთმა წყარომ განაცხადა, რომ თეირანი განიხილავს ასეთი მოსაკრებლების აკრეფის ფორმალიზებას კონფლიქტის მოგვარების უფრო ფართო შეთანხმების ფარგლებში.თუმცა, წყაროები აღნიშნავენ, რომ ასეთი გადახდები, თუნდაც არაფორმალური, მიუღებელი იქნება სპარსეთის ყურის ქვეყნებისთვის, რომლებიც მათ თავიანთი სუვერენიტეტის საფრთხედ, სახიფათო პრეცედენტად და ჰორმუზის სრუტეზე - ენერგორესურსების ექსპორტისთვის აუცილებელ საზღვაო მარშრუტზე - კონტროლის ბოროტად გამოყენებად მიიჩნევენ.რეგიონში სამხედრო კონფლიქტის დაწყების შემდეგ, სრუტე მხოლოდ მცირე რაოდენობის გემებმა გაიარეს, რომელთაგან ბევრი ირანთანაა დაკავშირებული. ინდოეთისკენ მიმავალი გაზის ოთხი გადამზიდავიც სპარსეთის ყურიდან გავიდა.

1774430969

ამის შესახებ Reuters-ი გერმანიის ფედერალურ საავტომობილო ტრანსპორტის ორგანოზე დაყრდნობით იტყობინება.გამოწვევა გამოწვეულია აკუმულატორის მოდულების პრობლემებით, რომლებიც არ აკმაყოფილებს სპეციფიკაციებს და შეიძლება გამოიწვიოს მოძრაობის დიაპაზონის შემცირება. ასევე არსებობს ხანძრის რისკი.გამოწვევა ეხება თითქმის 75 000 Volkswagen ID სერიის ავტომობილს, ასევე თითქმის 20 000 Cupra Born ავტომობილს, რომლებიც 2022 წლის თებერვლიდან 2024 წლის აგვისტომდე პერიოდში გამოვიდა კონვეიერის ხაზიდან.მანქანები გაივლიან პროგრამული უზრუნველყოფის განახლებებს, მაღალი ძაბვის აკუმულატორის შემოწმებას და საჭიროების შემთხვევაში ინდივიდუალური მოდულები შეიცვლება.

1774430576

შეხვედრაზე განიხილეს რუსთავის წყალმომარაგების სისტემაზე მიმდინარე და დაგეგმილი სარეაბილიტაციო სამუშაოები, იმსჯელეს მომსახურების ხარისხის გაუმჯობესების მიზნით მიმდინარე წელს განსახორციელებელ პროექტებზე, რომელთა შესრულებასაც მონიტორიგს ერთობლივად გაუწევენ სემეკი და რუსთავის მერია.შპს „ჯორჯიან უოთერ ენდ ფაუერი“ მიმდინარე წელს რუსთავში 15 მილიონი ლარის ინვესტიციას განახორციელებს. საინვესტიციო პროექტების ფარგლებში იგეგმება ცენტრალური მაგისტრალის, ქსელური წყალსადენებისა და წყალარინების რეაბილიტაცია. ამასთანავე, დაგეგმილია რუსთავის წყალმომარაგების სისტემის გამართული ფუნქციონირებისათვის ელექტროენერგიის ალტერნატიული წყაროს შექმნა.

1774426719

"ახლო აღმოსავლეთში გამწვავებული გეოპოლიტიკური ვითარებისა და ჰორმუზის სრუტის გავლით ტრანსპორტირების მნიშვნელოვანი შეფერხებების შედეგად, ტრადიციული მიწოდების ჯაჭვები დროებით დაირღვა. აღნიშნულმა პროცესებმა, ერთი მხრივ, საერთაშორისო ბაზრებზე უკვე მნიშვნელოვნად გაზარდა ენერგომატარებლებისა და ტრანსპორტირების ფასები. მეორე მხრივ, ამ ტენდენციის ხანგრძლივად შენარჩუნების შემთხვევაში, იზრდება რისკი, რომ გლობალურად ინფლაციური პროცესები უფრო ყოვლისმომცველი გახდეს. საყურადღებოა, რომ გეოპოლიტიკური ვითარების გამწვავებამდე ინფლაციის დინამიკა საქართველოს ეროვნული ბანკის ცენტრალურ სცენარს შეესაბამებოდა, რომლის მიხედვითაც, 2026 წლის მეორე კვარტალიდან, დროებითი ფაქტორების ზემოქმედების მილევის ფონზე, ინფლაცია მიზნობრივ 3 პროცენტიან მაჩვენებელს უნდა დაახლოებოდა. 2026 წლის თებერვალში, მოლოდინების შესაბამისად, მთლიანმა ინფლაციამ 4.6 პროცენტი შეადგინა. მნიშვნელოვანია, რომ სურსათის ფასების წვლილმა ინფლაციაში კლება დაიწყო, ხოლო ხისტი ფასების ინდიკატორები და ინფლაციური მოლოდინების საზომები  კვლავ მიზნობრივ მაჩვენებელთან ახლოს იყო. თუმცა, მიმდინარე გეოპოლიტიკური პროცესების ფონზე გაზრდილი ნავთობის ფასები, საქართველოს ბაზარს ნაწილობრივ უკვე გადმოეცა, რაც მარტში მთლიან ინფლაციაზე ზრდის მიმართულებით იმოქმედებს. შესაბამისად, ეროვნული ბანკის განახლებული შეფასებით, მოკლევადიან პერიოდში ინფლაცია ცენტრალურ სცენართან შედარებით უფრო მაღალი იქნება. საშუალოვადიან პერიოდში კი ინფლაციის მოსალოდნელ ტრაექტორიას უმთავრესად განსაზღვრავს გლობალური ინფლაციური პროცესების სიმწვავე და ხანგრძლივობა, რის გარშემოც მაღალი გაურკვევლობა ნარჩუნდება.მონეტარული პოლიტიკის კომიტეტის შეფასებით, მიმდინარე მდგომარეობა ბოლო გამოქვეყნებული ცენტრალური სცენარიდან  მაღალინფლაციური სცენარისკენ გადაიხარა, რომელიც ერთ-ერთ რისკად სწორედ გამწვავებული გეოპოლიტიკური ვითარების  ფონზე გაზრდილ ნავთობის ფასებს მოიაზრებდა. საყურადღებოა, რომ გეოპოლიტიკური მდგომარეობიდან მომდინარე ინფლაციური ზეწოლის საქართველოს ეკონომიკაზე გადმოცემის სიმწვავე და ხანგრძლივობა მნიშვნელოვნად არის დამოკიდებული პროცესების შემდგომ განვითარებაზე. ასევე აღსანიშნავია, რომ მიუხედავად ამ ტენდენციებისა, საქართველოს სუვერენული რისკის პრემიის მაჩვენებელი სტაბილურად დაბალ დონეზე ნარჩუნდება. აღნიშნული კი საგარეო შოკის სიმწვავეს გარკვეულწილად ანეიტრალებს.მიმდინარე სხდომაზე მონეტარული პოლიტიკის კომიტეტმა დამატებით იმსჯელა არსებული ვითარებისთვის რელევანტურ მაღალინფლაციურ და დაბალინფლაციურ რისკებზე.კერძოდ, ენერგომატარებლების მაღალი ფასების ხანგრძლივად შენარჩუნება გლობალურ დონეზე გაზრდის ტრანსპორტირებისა და წარმოების ხარჯებს, რაც დამატებითი მიწოდების შოკს გამოიწვევს. ერთმანეთის მიყოლებით წარმოქმნილი შოკების პირობებში, ასევე იზრდება მეორე რაუნდის ეფექტების გამწვავების რისკი. ამ პროცესებზე საპასუხოდ, განვითარებული ქვეყნების ცენტრალურ ბანკებს შესაძლოა მონეტარული პოლიტიკის გამკაცრებაც კი მოუწიოთ, რაც, თავის მხრივ, განვითარებადი ეკონომიკებიდან კაპიტალის გადინების რისკს შექმნის. აღნიშნული ფაქტორების გათვალისწინებით, საქართველოში იმპორტირებული ინფლაციის ზრდის რისკები გაძლიერდება. აღნიშნული რისკების რეალიზების შემთხვევაში, ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს.მეორე მხრივ, იკვეთება დაბალინფლაციური რისკების რეალიზების ნიშნებიც. კერძოდ, გეოპოლიტიკური ფაქტორებიდან მომდინარე ინფლაციური წნეხი შესაძლოა დროებითი აღმოჩნდეს. ჰორმუზის სრუტეში არსებული შეფერხებების შედარებით სწრაფი აღმოფხვრისა ან ნავთობის სხვა მწარმოებელი ქვეყნების მხრიდან მიწოდების ზრდის შემთხვევაში, ენერგომატარებლების ფასები შესაძლოა პიკურ ფასთან შედარებით სწრაფად შემცირდეს. ამასთან, საქართველოს სუვერენული რისკის პრემიის დაბალ დონეზე ხანგრძლივად შენარჩუნების შემთხვევაში, შესაძლოა საგარეო ბალანსი უფრო მეტად გაუმჯობესდეს, რაც ინფლაციაზე შემცირების მიმართულებით იმოქმედებს. დაბალინფლაციური რისკების რეალიზაცია მონეტარული პოლიტიკის პოზიციის შერბილების შესაძლებლობას მოიაზრებს.მიმდინარე მაკროეკონომიკური ანალიზისა და არსებული რისკების განხილვის შედეგად, მპკ-მ ოპტიმალურად მიიჩნია ამ ეტაპზე მონეტარული პოლიტიკის განაკვეთის, უცვლელად, 8 პროცენტზე დატოვება. მაღალი გაურკვევლობის პირობებში, სებ განაგრძობს აქტიურად დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები ხანგრძლივი იქნება და/ან მათი მასშტაბი ე.წ „მეორე რაუნდის“ ეფექტების რისკებს გააძლიერებს, მპკ გამოთქვამს მზაობას, არსებული მკაცრი პოზიცია მოსალოდნელზე ხანგრძლივად შეინარჩუნოს და საჭიროების შემთხვევაში დამატებით  გაამკაცროს.მონეტარული პოლიტიკის კომიტეტის შემდეგი სხდომა 2026 წლის 6 მაისს ჩატარდება,"-ნათქვამია სებ-ის მიერ გავრცელებულ ინფორმაციაში. 

1774426404