ბაზისბანკის 2025 წლის ფინანსური მაჩვენებლების მიხედვით, ბანკი განაგრძობს ქართულ საფინანსო ბაზარზე მდგრად განვითარებას და პოზიციების თანმიმდევრულ განმტკიცებას ყველა საკვანძო სეგმენტში.
ბაზისბანკის ფინანსური მაჩვენებლები ციფრებში ასე გამოიყურება:
- მთლიანი აქტივები 4.9 მილიარდი ლარი, ზრდა წინა წლის ანალოგიურ პერიოდთან შედარებით 21.5%.
- მთლიანი საკრედიტო პორტფელი 3.3 მილიარდი ლარი, ზრდა - 12.1%.
- მთლიანი დეპოზიტების პორტფელი 3.5 მილიარდი ლარი, ზრდა - 35.7%.
- წმინდა მოგება 122.4 მილიონი ლარი, ზრდა - 40%.
ბაზისბანკი კვლავ რჩება ქართული ბიზნესის ერთ-ერთ მთავარ მხარდამჭერად და სტაბილურად იკავებს ადგილს უმსხვილესი ბანკების სამეულში. 2025 წელს, ბაზისბანკის მიერ ბიზნესის დაფინანსების ტემპი კიდევ უფრო გაიზარდა და იურიდიული პირების პორტფელის ზრდამ 13.7%, 2.3 მილიარდი ლარი, ხოლო იურიდიული პირების დეპოზიტების მოცულობამ 2 მილიარდი ლარი შეადგინა.
2025 წელს, საცალო სესხების მოცულობამ 1 მილიარდი ლარი, ხოლო საცალო დეპოზიტების მოცულობამ 1.5 მილიარდი ლარი შეადგინა.
ბაზისბანკის ჯგუფში შემავალი კომპანიების, ბბ ლიზინგისა და ბბ დაზღვევის 2025 წლის მონაცემებით - ბბ ლიზინგის პორტფელმა 46.5 მილიონ ლარს გადააჭარბა, პორტფელის ზრდამ წინა წლის ანალოგიურ პერიოდთან შედარებით 7.3% შეადგინა. ბბ დაზღვევის მიერ 2025 წელს მოზიდულმა პრემიამ 24 მილიონი ლარი შეადგინა.
2025 წლის 31 დეკემბრის მდგომარეობით, უკუგებამ მთლიან აქტივებზე (ROA) 2.8% შეადგინა, ხოლო უკუგებამ საკუთარ კაპიტალზე (ROE) 18.3%.
„ბაზისბანკის აქტივების დინამიკური ზრდა და 4.9 მილიარდიან ნიშნულთან მიახლოება პირდაპირი დასტურია იმისა, რომ ბანკი სწორი სტრატეგიით ვითარდება. განსაკუთრებით საამაყოა ჩვენი პოზიცია უმსხვილეს ბანკთა სამეულში ბიზნესის დაფინანსების კუთხით. 2.3 მილიარდი ლარი, რომელიც იურიდიული პირების საკრედიტო პორტფელშია აკუმულირებული, ნიშნავს მრავალ მხარდაჭერილ წარმატებულ პროექტს, შექმნილ სამუშაო ადგილებსა და ბანკის მიერ შეტანილ წვლილს ქვეყნის ეკონომიკის განვითარებაში”, - დავით ცაავა, ბაზისბანკის გენერალური დირექტორი.
ბაზისბანკის გუნდის მიერ გადადგმული ნაბიჯები ორიენტირებულია პროცესების მაქსიმალურ გამარტივებასა და საუკეთესო საბანკო გამოცდილების შექმნაზე. კომფორტული საბანკო, სალიზინგო და სადაზღვევო მომსახურების ერთიან სივრცეში შეთავაზებით, ქმნის ეკოსისტემას, რომელიც მომხმარებლის წარმატებასა და გრძელვადიან ნდობაზეა ფოკუსირებული.
