“ანსამბლი საქართველოდან” კარნეგი ჰოლის სცენაზე | სუხიშვილები

მთავრობის მეთაურის თქმით, აეროპორტის გაფართოებისთვის განხორციელდება 150 მილიონი დოლარის ინვესტიცია, რაც უზრუნველყოფს მგზავრთნაკადის გაზრდას, სერვისების უწყვეტ გაუმჯობესებას, მგზავრებისთვის კომფორტული და უსაფრთხო გარემოს შექმნას, სწრაფ და ეფექტიან ოპერაციულ პროცესებს და თანამედროვე, საერთაშორისო სტანდარტების შესაბამისი სამგზავრო გამოცდილების დანერგვას.„ხელშეკრულების ფარგლებში, Groupe ADP-ის მფლობელობაში არსებული კომპანია TAV-ი აეროპორტის მართვას დამატებით 5 წლით, 2031 წლის ბოლომდე, ვაზიანში თბილისის ახალი საერთაშორისო აეროპორტის მშენებლობის დასრულებამდე უზრუნველყოფს. აეროპორტის გაფართოებისთვის განხორციელდება 150 მილიონი დოლარის ინვესტიცია, რაც მის გამტარუნარიანობას მნიშვნელოვნად გაზრდის და ამასთან ერთად, მგზავრთა მომსახურების ხარისხს მნიშვნელოვნად გააუმჯობესებს.ინვესტიცია უზრუნველყოფს მგზავრთნაკადის გაზრდას, სერვისების უწყვეტ გაუმჯობესებას, მგზავრებისთვის კომფორტული და უსაფრთხო გარემოს შექმნას, სწრაფ და ეფექტიან ოპერაციულ პროცესებს და თანამედროვე, საერთაშორისო სტანდარტების შესაბამისი სამგზავრო გამოცდილების დანერგვას. განსაკუთრებული მადლობა მინდა გადავუხადო ჩვენს უცხოელ პარტნიორებს - Groupe ADP-ს და კომპანია TAV-ს საქართველოს აეროპორტების განვითარების პროცესში მრავალწლიანი ნაყოფიერი თანამშრომლობისთვის,“- განაცხადა პრემიერმა.

1768484359

მარეგულირებლის ცნობით, უცხოეთიდან საქართველოში ფულადი გზავნილების 97.3% იმ 29 უმსხვილეს პარტნიორ ქვეყანაზე მოდის, საიდანაც გზავნილების მოცულობა დეკემბერში თითოეულზე 1 მლნ აშშ დოლარს აღემატებოდა. იმავე 29 ქვეყანაზე გასული წლის დეკემბერში მთელი ფულადი გზავნილების 97.1% მოდიოდა.სებ-ის მიერ დღეს გამოქვეყნებული სტატისტიკით ირკვევა, რომ გზავნილების მაქსიმალური წილი ევროკავშირის ქვეყნებზე მოდის და 45.18%-ს შეადგენს, შესაბამისი 152.69 მლნ აშშ დოლარით, წლიური ზრდის ტემპი კი 18.59%-ს შეადგენს. ევროკავშირის ქვეყნებიდან აღსანიშნავია ესპანეთის, გერმანიის და საბერძნეთის მაღალი წილი მთლიან ფულად გზავნილებში. 2025 წლის დეკემბერში საქართველოდან საზღვარგარეთ 40.8 მლნ აშშ დოლარი (110.2 მლნ ლარი) გადაიგზავნა. რაც 2024 წლის დეკემბრის (34.8 მლნ აშშ დოლარი) ანალოგიურ მაჩვენებელთან შედარებით 17.5% მეტია.

1768482863

მინისტრის მოადგილის ინფორმაციით, ზრდის მიმართულებით გადაიხედა 2026 წლის ეკონომიკური ზრდის პროგნოზიც.„ჩვენ ვხედავთ, რომ 2026 წლის საქართველოს ეკონომიკური ზრდის პროგნოზი 0,5 პროცენტული პუნქტით არის გაზრდილი და ის, მსოფლიო ბანკის შეფასებით, 5,5 პროცენტი იქნება. საქართველოს 2026-2027 წლების ეკონომიკური ზრდის პროგნოზი ევროკავშირის სხვა კანდიდატი ქვეყნების საშუალო მაჩვენებელს დაახლოებით 1,6 - ჯერ აღემატება. აღსანიშნავია ის გარემოება, რომ ბოლო 5 წლის განმავლობაში საქართველოში ეკონომიკური ზრდა იმაზე გაცილებით მაღალი იყო, ვიდრე საერთაშორისო საფინანსო ორგანიზაციები პროგნოზირებდნენ,“ - აღნიშნა ვახტანგ ცინცაძემ.„ჩვენი მიზანია, მომდევნო წლებშიც შევინარჩუნოთ აღნიშნული ტენდენცია, უზრუნველვყოთ მაღალი ეკონომიკური ზრდა, რაც დადებითად აისახება ჩვენი მოქალაქეების კეთილდღეობაზე და ზოგადად, ხელს შეუწყობს ქვეყნის კონკურენტუნარიანობასა და საერთაშორისო პოზიციების გაუმჯობესებას,“ - აღნიშნა მინისტრის მოადგილემ.

1768481898

საერთაშორისო ფორუმის მონაწილეებმა ცენტრალური და აღმოსავლეთ ევროპის რეგიონის მაკროეკონომიკურ გარემოზე, ფინანსურ სტაბილურობაზე, საინვესტიციო პერსპექტივებსა და კაპიტალის ბაზრების განვითარებაზე იმსჯელეს.ეკატერინე მიქაბაძემ მონაწილეობა მიიღო პანელურ დისკუსიაში - „ცენტრალური ბანკების პრიორიტეტები“, რომელიც გლობალური შოკების გავლენაზე, მონეტარული პოლიტიკის განახლებულ ჩარჩოსა და რისკებზე დაფუძნებული გადაწყვეტილების მიღების თანამედროვე მიდგომებზეა ფოკუსირებული.პანელზე გამართული განხილვისას განსაკუთრებული ყურადღება გამახვილდა მონეტარული პოლიტიკის ეფექტიანობაზე გლობალური გაურკვევლობის პირობებში, როგორც ინფლაციის თარგეთირების რეჟიმის ფარგლებში, ისე მაკროპრუდენციული ინსტრუმენტების პარალელური გამოყენებით.პანელური განხილვისას ეკატერინე მიქაბაძემ მონაწილეებს საქართველოს გამოცდილება გაუზიარა და აღნიშნა, რომ მცირე და ღია ეკონომიკები განსაკუთრებით მოწყვლადია გლობალური შოკების მიმართ. მისი თქმით, საქართველოს ეკონომიკამ ბოლო წლებში პანდემიასთან, გლობალურ ინფლაციასთან და გეოპოლიტიკურ გაურკვევლობასთან დაკავშირებულ გამოწვევებს წარმატებით გაუძლო და მაკროეკონომიკური სტაბილურობა შეინარჩუნა.„ეროვნული ბანკის დროულმა მონეტარულმა და მაკროპრუდენციულმა ნაბიჯებმა გადამწყვეტი როლი ითამაშეს ინფლაციის სწრაფ სტაბილიზაციასა და ეკონომიკური მოლოდინების გამყარებაში. ეროვნული ბანკის ცენტრალური პროგნოზის შესაბამისად, როგორც მოსალოდნელი იყო, მთლიანმა ინფლაციამ ნორმალიზება დაიწყო. ხოლო კომუნიკაციის განახლებული ჩარჩო გრძელვადიან პერსპექტივაში მეტ გამჭვირვალობასა და სანდოობას უზრუნველყოფს“, - აღნიშნა ეკატერინე მიქაბაძემ.მისი თქმით, ეროვნული ბანკი სცენარებზე დაფუძნებულ ანალიზს იყენებს, რაც ამცირებს გაურკვევლობას, ზრდის პოლიტიკის მოქნილობას და ეხმარება საზოგადოებასა და ფინანსური სექტორის წარმომადგენლებს უკეთ გაიგონ გადაწყვეტილებების ლოგიკა და რისკები: „ერთ პროგნოზზე დაყრდნობა აღარ არის საკმარისი. ჩვენ ვაანალიზებთ როგორც საბაზისო, ისე ალტერნატიულ სცენარებს, რაც საშუალებას გვაძლევს გავზარდოთ ეფექტიანობა და გამჭვირვალობა,“  -  განაცხადა მან.ღონისძიების ფარგლებში ასევე განიხილეს ფინანსური ინფრასტრუქტურისა და ფინტექ ეკოსისტემის განვითარების საკითხები. ყურადღება დაეთმო ფინტექ სექტორის განვითარებასა და ინოვაციური ტექნოლოგიების დანერგვას, როგორც გადახდების სისტემების საერთაშორისო სტანდარტებთან დაახლოების მიმართულებას.ვენაში გამართული ფორუმი მაღალი დონის საერთაშორისო პლატფორმაა, რომელიც სხვადასხვა ქვეყნის ფინანსთა მინისტრებს, ცენტრალური ბანკების პრეზიდენტებსა და ვიცე-პრეზიდენტებს, წამყვანი კომერციული ბანკებისა და კორპორაციების ხელმძღვანელებს, ინვესტორებსა და საერთაშორისო საფინანსო ინსტიტუტების წარმომადგენლებს აერთიანებს.ღონისძიების ორგანიზატორია Financial Times Group-ის წევრი  -  FT Live.ინფორმაციას ეროვნული ბანკი ავრცელებს

1768481727

მხოლოდ 2025 წელს, საქართველოს ბანკმა 30 საგანმანათლებლო პროექტი განახორციელა, რომელთა მეშვეობით 300 000-ზე მეტი მოსწავლისთვის, სტუდენტისთვის, ახალგაზრდა პროფესიონალისა და მასწავლებლისთვის შექმნა განათლების შესაძლებლობა.მათ შორის ერთ-ერთი გამორჩეული ინიციატივა საქართველოს ბანკის ინოვაციური ბიბლიოთეკები - იდეათეკებია.მეექვსე წელია, საქართველოს ბანკი პარტნიორებთან ერთად, მულტიფუნქციურ ბიბლიოთეკებს - იდეათეკებს მთელი საქართველოს მასშტაბით სხვადასხვა რეგიონის სკოლაში ხსნის, რითაც ახალგაზრდებს აძლევს წვდომას განათლების მისაღებად საჭირო ყველა რესურსზე.ყოველი იდეათეკა აღჭურვილია 2000-ზე მეტი წიგნისგან დაკომპლექტებული მრავალფეროვანი ბიბლიოთეკით, პროექტორებითა და კომპიუტერებით. ამასთან, სივრცე მოსწავლეებს აძლევს წვდომას STEM კუთხეზე, რაც ეხმარება მათ, გაეცნონ STEM მიმართულების საფუძვლებს და გადადგან პირველი ნაბიჯები დიდი აღმოჩენებისკენ.დღეისათვის საქართველოს ბანკის ინოვაციური ბიბლიოთეკა ქვეყნის მასშტაბით 11 რეგიონის 25 სკოლაში ფუნქციონირებს და 18 000-ზე მეტი მოსწავლისთვის ქმნის ახალი აღმოჩენებისა და შემეცნების სივრცეს.იდეათეკების პროექტი გრძელდება და ინიციატივის ფარგლებში, საქართველოს მასშტაბით კიდევ არაერთი ინოვაციური ბიბლიოთეკის გახსნა იგეგმება.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს: ganatleba.bog.ge

1768480080

„ტოიოტა ცენტრი თეგეტამ“ კამპანია Toyota Global-ის საერთაშორისო ინიციატივის ფარგლებში დაგეგმა. Dream Car Contest - ეს არის ყოველწლიური კონკურსი, სადაც ბავშვები თავიანთ საოცნებო ავტომობილებს ხატავენ. წლევანდელი კონკურსი საქართველოსთვის განსაკუთრებული აღმოჩნდა - საერთაშორისო დონეზე, 660 000 ნახატს შორის 14 წლის ანა დუმბაძის ნამუშევარმა გაიმარჯვა. სწორედ ეს გახდა იმის ინსპირაცია, რომ „ტოიოტა ცენტრი თეგეტას“ კონკურსში მონაწილე ბავშვების შემოქმედება პატარა ფურცლიდან დიდ ბილბორდებზე გადაეტანა. მათ ემოციებს ასახავს ვიდეორგოლი, რომელიც კომპანიამ კრეატიულ სააგენტო Quick-თან თანამშრომლობით მოამზადა.ანი თედიაშვილი, „ტოიოტა ცენტრი თეგეტას“ მარკეტინგის მენეჯერი: „ჩვენი კამპანიის შინაარსი მარტივი, თუმცა ძალიან ემოციური იყო - ლოკალურ კონკურსში გამარჯვებული ბავშვების ნახატები თბილისის ქუჩებში ბილბორდებზე გამოვფინეთ, შემდეგ ნამუშევრების ავტორები, მშობლების დახმარებით, ადგილზე მივიყვანეთ, ისე, რომ მათ ამ ინიციატივის შესახებ არაფერი იცოდნენ და ბილბორდზე გადატანილი მათი შემოქმედება ვაჩვენეთ. გულწრფელი ემოციებით სავსე ეს მომენტები კი ერთ ვიდეორგოლში გავაერთიანეთ, რომელიც ბავშვების მოულოდნელ სიხარულს ასახავს. ეს იყო ძალიან თბილი და გამორჩეული კამპანია, რომელსაც ორი მიზანი ჰქონდა - ერთი მხრივ, გვინდოდა, გვეჩვენებინა, რომ ფანტაზიის რეალობად ქცევა შესაძლებელია და, მეორე მხრივ, Toyota-ს ბრენდის გაძლიერება, როგორც კომპანიის, რომელიც მომავალ თაობებს უჭერს მხარს. გვინდოდა, გაგვეჩინა რწმენა, რომ ბავშვობის ოცნებები შეიძლება რეალობად ვაქციოთ. აქვე განსაკუთრებული მადლობა მინდა გადავუხადო ჩვენი კონკურსის მონაწილეებს - ემილია სულამანიძეს, ანასტასია ჭანიასა და ლუკა საკანდელიძეს თავიანთი ნახატებით ქალაქის გაფერადებისთვის“.Toyota Global-ის ფილოსოფიის მიხედვით, რომელიც Going Beyond იდეას ეფუძნება, ეს კონკურსი არა მხოლოდ შეჯიბრებაა, არამედ მომავლის ავტომობილების ინსპირაციის წყაროცაა, სადაც ბავშვური ხედვები შესაძლოა, ერთ დღეს რეალური ინოვაციების საფუძველი გახდეს.საქართველოში კონკურსის გამარჯვებულებს „ტოიოტა ცენტრი თეგეტასგან“ საჩუქრები გადაეცათ. გარდა ამისა, მათთვის ხატვის მასტერკლასი გამართა ზალიკომ. „ტოიოტა ცენტრი თეგეტამ“ საზოგადოებას კამპანიით კიდევ ერთხელ შეახსენა, რომ ყველა დიდი მიღწევა ბავშვური ოცნებით იწყება, ოცნების ავტომობილი კი ბავშვობიდან მოდის და ზრდასრულობაში რეალურიც ხდება.„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

1768479600