გიორგი შაგიძე "საქართველოს ბანკის" გენერალური დირექტორის მოადგილე გახდა

„ტოიოტა ცენტრი თეგეტამ“ კამპანია Toyota Global-ის საერთაშორისო ინიციატივის ფარგლებში დაგეგმა. Dream Car Contest - ეს არის ყოველწლიური კონკურსი, სადაც ბავშვები თავიანთ საოცნებო ავტომობილებს ხატავენ. წლევანდელი კონკურსი საქართველოსთვის განსაკუთრებული აღმოჩნდა - საერთაშორისო დონეზე, 660 000 ნახატს შორის 14 წლის ანა დუმბაძის ნამუშევარმა გაიმარჯვა. სწორედ ეს გახდა იმის ინსპირაცია, რომ „ტოიოტა ცენტრი თეგეტას“ კონკურსში მონაწილე ბავშვების შემოქმედება პატარა ფურცლიდან დიდ ბილბორდებზე გადაეტანა. მათ ემოციებს ასახავს ვიდეორგოლი, რომელიც კომპანიამ კრეატიულ სააგენტო Quick-თან თანამშრომლობით მოამზადა.ანი თედიაშვილი, „ტოიოტა ცენტრი თეგეტას“ მარკეტინგის მენეჯერი: „ჩვენი კამპანიის შინაარსი მარტივი, თუმცა ძალიან ემოციური იყო - ლოკალურ კონკურსში გამარჯვებული ბავშვების ნახატები თბილისის ქუჩებში ბილბორდებზე გამოვფინეთ, შემდეგ ნამუშევრების ავტორები, მშობლების დახმარებით, ადგილზე მივიყვანეთ, ისე, რომ მათ ამ ინიციატივის შესახებ არაფერი იცოდნენ და ბილბორდზე გადატანილი მათი შემოქმედება ვაჩვენეთ. გულწრფელი ემოციებით სავსე ეს მომენტები კი ერთ ვიდეორგოლში გავაერთიანეთ, რომელიც ბავშვების მოულოდნელ სიხარულს ასახავს. ეს იყო ძალიან თბილი და გამორჩეული კამპანია, რომელსაც ორი მიზანი ჰქონდა - ერთი მხრივ, გვინდოდა, გვეჩვენებინა, რომ ფანტაზიის რეალობად ქცევა შესაძლებელია და, მეორე მხრივ, Toyota-ს ბრენდის გაძლიერება, როგორც კომპანიის, რომელიც მომავალ თაობებს უჭერს მხარს. გვინდოდა, გაგვეჩინა რწმენა, რომ ბავშვობის ოცნებები შეიძლება რეალობად ვაქციოთ. აქვე განსაკუთრებული მადლობა მინდა გადავუხადო ჩვენი კონკურსის მონაწილეებს - ემილია სულამანიძეს, ანასტასია ჭანიასა და ლუკა საკანდელიძეს თავიანთი ნახატებით ქალაქის გაფერადებისთვის“.Toyota Global-ის ფილოსოფიის მიხედვით, რომელიც Going Beyond იდეას ეფუძნება, ეს კონკურსი არა მხოლოდ შეჯიბრებაა, არამედ მომავლის ავტომობილების ინსპირაციის წყაროცაა, სადაც ბავშვური ხედვები შესაძლოა, ერთ დღეს რეალური ინოვაციების საფუძველი გახდეს.საქართველოში კონკურსის გამარჯვებულებს „ტოიოტა ცენტრი თეგეტასგან“ საჩუქრები გადაეცათ. გარდა ამისა, მათთვის ხატვის მასტერკლასი გამართა ზალიკომ. „ტოიოტა ცენტრი თეგეტამ“ საზოგადოებას კამპანიით კიდევ ერთხელ შეახსენა, რომ ყველა დიდი მიღწევა ბავშვური ოცნებით იწყება, ოცნების ავტომობილი კი ბავშვობიდან მოდის და ზრდასრულობაში რეალურიც ხდება.„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

1768479600

ამის შესახებ მოლდოვას ენერგეტიკის მინისტრმა დორინ ჯუნგიეტუმ რადიო „თავისუფლების“ მოლდოვურ ფილიალთან ინტერვიუში განაცხადა.„მათ არსებითად არჩევანი არ აქვთ. წინააღმდეგ შემთხვევაში, ტრანზაქციები დაიბლოკება“, - უპასუხა მინისტრმა, როდესაც რუსული კომპანიის მიერ მოლდოვური აქტივების გაყიდვაზე უარის თქმის შესაძლებლობაზე ჰკითხეს.მან განაცხადა, რომ მთავრობა არ არის დაინტერესებული „ლუკოილ-მოლდოვას“ შვილობილი კომპანიის ბენზინგასამართი სადგურების ქსელის შეძენით. თუმცა, მოლდოვას ხელისუფლება კიშინიოვის აეროპორტში კომპანიის საწვავის კომპლექსის ექსპროპრიაციას ახორციელებს მისი შესყიდვის შესახებ მოლაპარაკებების დასრულების გარეშე.ჯუნგიეტუს თქმით, კომპანიის მენეჯმენტი აქტივების გადაცემას ხელს არ უშლის.„ამ დროისთვის არანაირი აშკარა წინააღმდეგობა ან განზრახ შეფერხება არ ყოფილა. კომპანია თანამშრომლობს პროცესის დასასრულებლად“, - აღნიშნა მინისტრმა.მანამდე, აშშ-ის ფინანსთა სამინისტრომ ნავთობკომპანიები „ლუკოილი“ და „როსნეფტი“, ასევე მათი 34 შვილობილი კომპანია, აშშ-ის სანქციების ახალ პაკეტში შეიყვანა.აშშ-ის გადაწყვეტილების შემდეგ, მოლდოვას ენერგეტიკის მინისტრმა ჟურნალისტებს განუცხადა, რომ მთავრობა აეროპორტის საწვავის კომპლექსს შეიძენდა მთავარი აეროპორტის შეუფერხებელი ფუნქციონირების უზრუნველსაყოფად და რომ ფასზე მოლაპარაკებები დაწყებული იყო. თუმცა, შემდგომში ხელისუფლებამ ეს იდეა მიატოვა. მოლდოვას მთავრობის ცნობით, რუსული კომპანია მოლდოვაში მოქმედი 570 საწვავის სადგურიდან დაახლოებით 110-ს ფლობს. „ლუკოილ-მოლდოვა“ ნავთობპროდუქტების იმპორტიორი და საბითუმო მოვაჭრეა.

1768477999

გავრცელებული ინფორმაციით, გიორგი მურუსიძე იტალიაში დააკავეს.მის წინააღმდეგ სისხლის სამართლებრივი დევნა საქართველოს პროკურატურამ გასული წლის ნოემბერში დაიწყო და საერთაშორისო ძებნა გამოაცხადა.შეგახსენებთ, თაღლითობის წინააღმდეგ ბრძოლის სამმართველოს წარმოებაში არსებულ „სფერო ჰოლდინგის“ საქმეზე, მოქალაქეთა კუთვნილი დიდი ოდენობით თანხების სამსახურებრივი მდგომარეობის გამოყენებით, წინასწარი შეთანხმებით ჯგუფის მიერ მოტყუებით დაუფლების ფაქტზე „სფერო ჰოლდინგის“ დამფუძნებელი გივი წულეისკირი დააკავეს, ხოლო სისხლისსამართლებრივი დევნა დაიწყო „სფერო ინვესტის“ დირექტორის გიორგი მურუსიძის მიმართ. პროკურატურის ინფორმაციით, გივი წულეისკირმა და გიორგი მურუსიძემ 244 მოქალაქეს, ორგანიზაციის საბანკო ანგარიშზე ჩაარიცხვინეს დიდი ოდენობის თანხები. თავად კი, არ შეასრულეს ნაკისრი ვალდებულებები და 12 მილიონამდე ლარს მოტყუებით დაეუფლნენ.

1768477562

"დიდი სიხარულით მინდა გაგიზიაროთ სიახლე: მარტიდან, მარეგულირებლის მხრიდან შესაბამისი დასტურის მიღების პირობით, შევუერთდები Bank of Georgia-ს, გენერალური დირექტორის მოადგილისა და ფინანსური დირექტორის პოზიციაზე.გასული წლების განმავლობაში მქონდა პატივი, სათავეში ჩავდგომოდი სრული ტრანსფორმაციის პროცესს maib-ში. ეს ეტაპი ახლა სრულდება და მე ძალიან მადლიერი ვარ იმ ადამიანებისა და პარტნიორების, რომლებმაც ეს მოგზაურობა შესაძლებელი გახადეს.ამ გამოცდილებითა და ფინანსურ დირექტორად მუშაობის მრავალწლიანი პრაქტიკით აღჭურვილი, მოუთმენლად ველი ჯგუფის ხელმძღვანელობასთან და გუნდებთან თანამშრომლობას, რათა ერთად შევუწყოთ ხელი ზრდის შემდეგ ფაზას, გავფართოვდეთ საერთაშორისო ასპარეზზე და შევქმნათ გრძელვადიანი, მდგრადი ღირებულება.მინდა გულწრფელი მადლობა გადავუხადო არჩილ გაჩეჩილაძეს ნდობისა და ლიდერობისთვის, ასევე სამეთვალყურეო საბჭოსა და მენეჯმენტს გამოცხადებული ნდობისთვის. მსურს, ცალკე აღვნიშნო სულხან გვალიას ღვაწლი, მისი პარტნიორობა და მრავალი წლის განმავლობაში შეტანილი წვლილი.ჩემი კარიერის უფრო ადრეულ ეტაპზე "საქართველოს ბანკში" ვმუშაობდი, რა დროსაც მჭიდრო და წარმატებული თანამშრომლობა მქონდა სულხანთან. ახლა უკან დაბრუნება - გაცილებით ფართო პასუხისმგებლობითა და მასშტაბით - ჩემთვის ერთდროულად ბევრის მთქმელიცაა და დიდი სტიმულის მომცემიც", - წერს გიორგი შაგიძე.

1768472418

2026 წლის მარტიდან Lion Finance Group PLC-ის მთავარი ფინანსური ოფიცრის, ასევე საქართველოს ბანკის გენერალური დირექტორის მოადგილისა და მთავარი ფინანსური ოფიცრის პოზიციას (ექვემდებარება მარეგულირებლის დამტკიცებას) დაიკავებს გიორგი შაგიძე, რომელიც აქამდე Maib-ის, მოლდოვის უდიდესი ბანკის, გენერალური დირექტორი იყო.გიორგი შაგიძე ჯგუფის ფინანსებსა და საერთაშორისო ზრდაზე იქნება პასუხისმგებელი. იგი ამ პოზიციაზე სულხან გვალიას შეცვლის, რომელმაც ბანკში 20-წლიანი საქმიანობის შემდეგ, ახალ ეტაპზე გადასვლა გადაწყვიტა. სულხან გვალია რჩება არააღმასრულებელ წევრად Lion Finance Group PLC-ის სხვადასხვა შვილობილი კომპანიის სამეთვალყურეო საბჭოებში, მათ შორის Ameriabank-ში, სომხეთში.Maib-ში, გიორგი შაგიძის ხელმძღვანელობით განხორციელდა მასშტაბური Agile და ციფრული ტრანსფორმაცია, განვითარდა ციფრული შესაძლებლობები, დაინერგა მომხმარებელზე ორიენტირებული კულტურა და, ბაზრის წილისა და ციფრული ჩართულობის მნიშვნელოვან ზრდასთან ერთად, გაძლიერდა ფინანსური მაჩვენებლები.გიორგის საბანკო გამოცდილება მოიცავს TBC Bank Group-ის აღმასრულებელი დირექტორის მოადგილისა და ფინანსური დირექტორის თანამდებობას, სადაც მან მნიშვნელოვანი როლი შეასრულა ჯგუფის IPO-სა და უზბეკეთში მისი გაფართოების ადრეულ ეტაპებზე, ასევე მუშაობდა გლობალური ოპერაციების აღმასრულებელ დირექტორად Barclays PLC-ში. ფლობს კემბრიჯის უნივერსიტეტის ბიზნესის ადმინისტრირების მაგისტრის ხარისხს, არის CFA-ს პროფესიული წოდების მფლობელი და სტენფორდის ბიზნესის სკოლაში სტენფორდის აღმასრულებელი პროგრამის კურსდამთავრებული.კიდევ ერთი ცვლილების მიხედვით, გიორგი გურეშიძე, რომელიც 2025 წლის მარტიდან წარმატებით ხელმძღვანელობს საქართველოს ბანკის საცალო საბანკო საქმიანობის მიმართულებას, გენერალური დირექტორის მოადგილედ დაინიშნა (ექვემდებარება მარეგულირებლის დამტკიცებას).მას მრავალფეროვანი პროფესიული გამოცდილება აქვს. ის 2017 წლიდან 2023 წლამდე Georgia Global Utilities-ში სხვადასხვა პოზიციას იკავებდა. გიორგი იყო საინვესტიციო ანალიტიკოსი, ფინანსური ანალიზისა და კვლევის მიმართულების ხელმძღვანელი. ის ასევე იკავებდა სტრატეგიული პროექტებისა და ბიზნესის განვითარების განყოფილების ხელმძღვანელის თანამდებობას, 2020-2023 წლებში კი კომპანიის ფინანსური დირექტორი იყო.გიორგი გურეშიძემ კარიერა Deloitte-ში აუდიტორად დაიწყო. ის ასევე მუშაობდა თიბისი ბანკში, ინვესტორებთან ურთიერთობის მენეჯერად. გიორგიმ ეკონომიკასა და გლობალურ საკითხებში ბაკალავრის ხარისხი იელის უნივერსიტეტში მიიღო.„მინდა, მადლობა გადავუხადო სულხან გვალიას მისი თავდადებული საქმიანობისა და ჩვენს წარმატებაში შეტანილი ფასდაუდებელი წვლილისთვის. ის აღმასრულებელი გუნდის მნიშვნელოვანი წევრი იყო, წარმატებით ხელმძღვანელობდა ჩვენს ფინანსურ მიმართულებას და ხელს უწყობდა ჩვენი ბიზნესისა და კულტურის განვითარებას. მოხარული ვარ, რომ ის ჯგუფში არააღმასრულებელ თანამდებობაზე დარჩება. ასევე, მივესალმები გუნდში გიორგი შაგიძეს. Maib-ის აღმასრულებელი დირექტორის თანამდებობაზე წარმატებული საქმიანობით, მას დიდი გამოცდილება აქვს ციფრული ტრანსფორმაციის მართვისა და მომხმარებელზე ორიენტირებული საბანკო საქმიანობის განვითარებაში. მჯერა, რომ მისი გამოცდილება, ლიდერული თვისებები და ფართო რეგიონის ცოდნა მთელ გუნდს გააძლიერებს. და ბოლოს, მინდა მივულოცო გიორგი გურეშიძეს დამსახურებული დაწინაურება. მისი ხელმძღვანელობით, საქართველოს ბანკის საცალო საბანკო მიმართულება სულ უფრო და უფრო ძლიერდებოდა. მას ახალ თანამდებობაზე წარმატებას ვუსურვებ“, - განაცხადა „საქართველოს ბანკის“ გენერალურმა დირექტორმა არჩილ გაჩეჩილაძემ.

1768472092

ეს მაჩვენებელი წინა წლის პერიოდთან შედარებით 20.4 ლარით მეტია, 2025 წლის ნოემბერთან შედარებით კი 4.5 ლარით ნაკლები. საქსტატის ცნობით, 2025 წლის დეკემბერში საშუალო მომხმარებლის საარსებო მინიმუმი 250.9 ლარს შეადგენდა, მაშინ, როცა ნოემბერში 255.4 ლარს, 2024 წლის დეკემბერში კი 230.5 ლარს.საქსტატის ცნობით, შრომისუნარიანი ასაკის მამაკაცის საარსებო მინიმუმი 2025 წლის დეკემბერში 283.3 ლარს შეადგენდა, ნოემბერში 288.4 ლარს, ხოლო 2024 წლის დეკემბერში 260.3ლარს. BPN წერს, რომ საარსებო მინიმუმი დგინდება მინიმალური სასურსათო კალათის საფუძველზე. მინიმალური სასურსათო კალათა არის კვების პროდუქტების განსაზღვრული ნორმატიული კალათა, რომელიც შეიცავს შრომისუნარიანი ასაკის მამაკაცის ნორმალური სიცოცხლისა და შრომისუნარიანობისათვის ფიზიოლოგიურად აუცილებელ საკვების რაოდენობას, მისი შემადგენელი ელემენტების (ცილების, ცხიმების და ნახშირწყლების) და კალორიულობის მინიმალურ ოდენობას.

1768469029