მსოფლიო მასშტაბით ქვანახშირის ფასები გაიზარდა

5 მარტს გამოქვეყნებული გადაწყვეტილების თანახმად, „კრედო ბანკი“ 60 000 ლარით შემდეგი მიზეზებით დაჯარიმდა: შემოწმების პროცესში მოთხოვნილი ინფორმაციის/დოკუმენტაციის არასწორად წარმოდგენის 2 შემთხვევის გამო; 6 კლიენტთან მიმართებით არ განხორციელდა კანონმდებლობისა და შიდა პოლიტიკა/პროცედურების შესაბამისად საქმიანი ურთიერთობის მონიტორინგი, გარიგების, საქმიანობის, ქონების და ფულადი სახსრების წარმომავლობის შესწავლა; 2 კლიენტთან მიმართებით, რისკის შესაბამისად არ განხორციელდა კანონმდებლობით გათვალისწინებული ინფორმაციის განახლება; 1 კლიენტთან მიმართებით, კომერციულმა ბანკმა არ განახორციელა შიდა პოლიტიკა/პროცედურებით განსაზღვრული შესაბამისი რისკფაქტორების გათვალისწინებით რისკის მინიჭება; 1 კლიენტთან მიმართებით, გამოვლინდა პოლიტიკურად აქტიურ პირთან დაკავშირებული კანონმდებლობით გათვალისწინებული ვალდებულებების დარღვევა.

1772784524

შეთავაზების ფარგლებში, 8 მარტს, ის მომხმარებლები, რომლებიც „ელიტში“ სასურველ ნივთს საქართველოს ბანკის ნაწილ-ნაწილ გადახდით შეიძენენ, 20%-იან ქეშბექს მიიღებენ. (მაქსიმუმ 200 ლარი) აქცია ვრცელდება როგორც ფიზიკურ, ასევე ონლაინ არხებში განხორციელებულ ტრანზაქციებზე. ქეშბექი ერთჯერადია და მომხმარებლებს ის სამი სამუშაო დღის განმავლობაში დაუბრუნდებათ.ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). ამასთანავე, მომხმარებლებს შეუძლიათ თანხის ნაწილი გადაიხადონ, დარჩენილი კი მომდევნო თვეებზე გადაანაწილონ. შესაბამისად, ნაწილ-ნაწილ გადაიხდით ზუსტად იმდენს, რასაც ერთიანად გადაიხდიდით.შეთავაზების შესახებ მეტი ინფორმაციისთვის ეწვიეთ ბმულს.

1772782740

აღსანიშნავია, რომ მსგავსი ტიპის სტატიები საქართველოზე განსაკუთრებით გააქტიურდა მას შემდეგ, რაც დაიწყო რუსეთის შეჭრა უკრაინაში. ამ პუბლიკაციების მნიშვნელოვანი ნაწილი ქვეყნდება ოპინიონ-ფორმატში, რაც ავტორებს საშუალებას აძლევს არა ხოლოდ საკუთარი ანალიტიკური შეფასებები, არამედ პოლიტიკური რეკომენდაციები წარმოადგინონ.სტატიაში ერთ-ერთ მთავარ არგუმენტად მოყვანილია მონაცემი, რომლის მიხედვითაც 2022–2025 წლებში 72 კომპანიამ ირანული ნავთობპროდუქტები შემოიტანა საქართველოში. ავტორი ეყრდნობა ორგანიზაციის — Civic IDEA — კვლევას. აღნიშნული ორგანიზაცია საქართველოში მოქმედი არასამთავრობო ინსტიტუტია, რომელიც მუშაობს დემოკრატიული მმართველობის, კანონის უზენაესობისა და საქართველოს ევროატლანტიკური ინტეგრაციის საკითხებზე.სტატიაში ასევე აღნიშნულია, რომ საქართველოში 12 800-ზე მეტი ირანული კომპანიაა რეგისტრირებული, რომელთა ნაწილი ერთსა და იმავე მისამართებზე ფიქსირდება. ავტორი ამ ფაქტიდან გამომდინარე ვარაუდობს, რომ გარკვეული კომპანიები შესაძლოა დაკავშირებული იყვნენ პოლიტიკურ ელიტებთან და გამოიყენებოდნენ სანქციების გვერდის ავლისთვის.თუმცა აქ მნიშვნელოვანია ფაქტისა და ინტერპრეტაციის ერთმანეთისგან გამიჯვნა. ირანული ბიზნესის რაოდენობის ზრდა საქართველოში მართლაც ფიქსირდება, მაგრამ დასკვნა, რომ ეს კომპანიები სისტემურად გამოიყენება სანქციების გვერდის ავლისთვის, დამატებით მტკიცებულებებს საჭიროებს.ამასთან, საქართველოს კანონმდებლობით ირანთან სავაჭრო ურთიერთობები სრულად აკრძალული არ არის. მიუხედავად რეგისტრირებული კომპანიების რაოდენობის ზრდისა, პრაქტიკაში მათი მნიშვნელოვანი ნაწილი ან მცირე მასშტაბის ბიზნესია, ან საერთოდ არ ახორციელებს აქტიურ ეკონომიკურ საქმიანობას.ამ ფონზე დასკვნა, რომ საქართველო უკვე ჩამოყალიბდა როგორც „სანქციების გვერდის ავლის ჰაბი“, შესაძლოა შეფასდეს როგორც სულ მცირე გადაჭარბებული ინტერპრეტაცია, რომელიც სტატისტიკური მონაცემების პირდაპირ შედეგს არ წარმოადგენს.სტატიაში განსაკუთრებით მკვეთრია ავტორის პოლიტიკური შეფასებები, სადაც საუბარია იმაზე, რომ შეერთებულმა შტატებმა შესაძლოა საქართველოზე ზეწოლის მექანიზმები გამოიყენოს. ასეთი რეკომენდაციები კიდევ ერთხელ მიუთითებს, რომ ტექსტი წარმოადგენს არა ნეიტრალურ ჟურნალისტურ რეპორტაჟს, არამედ ავტორის პოლიტიკურ ანალიტიკურ პოზიციას.ასევე მნიშვნელოვანია ის ფაქტორი, რომელსაც აღნიშნული სტატია პრაქტიკულად არ განიხილავს — საქართველოს ლიბერალური ბიზნესგარემო. საერთაშორისო ეკონომიკური რეიტინგების მიხედვით, ქვეყანა ერთ-ერთ ყველაზე მარტივ იურისდიქციად ითვლება ბიზნესის რეგისტრაციის თვალსაზრისით. კომპანია საქართველოში ხშირად შესაძლებელია დარეგისტრირდეს ძალიან მოკლე დროში, ხოლო უცხოელი ინვესტორებისთვის შეზღუდვები მინიმალურია. ამას ემატება დაბალი საგადასახადო ტვირთი და შედარებით მარტივი რეგულაციები.ამ პირობებში უცხოური კომპანიების დიდი რაოდენობის რეგისტრაცია ყოველთვის არ ნიშნავს, რომ ისინი რეალურად ახორციელებენ აქტიურ ოპერაციებს ან გამოიყენებიან კონკრეტული ფინანსური სქემებისთვის.საგულისხმოა კიდევ ერთი სამართლებრივი ასპექტიც. საქართველო არ არის იურიდიულად ვალდებული ავტომატურად შეუერთდეს არც ევროკავშირის და არც აშშ-ის ყველა სანქციას, გარდა კონკრეტული საერთაშორისო ვალდებულებებისა. პრაქტიკაში ქვეყანა ხშირად პოლიტიკურად უერთდება გარკვეულ სანქციურ ზომებს, თუმცა ეს ყოველთვის სავალდებულო სამართლებრივ ვალდებულებას არ წარმოადგენს.ამ გარემოებათა გათვალისწინებით, დასავლურ ანალიტიკურ სივრცეში პერიოდულად ჩნდება ეჭვი, რომ კომპანიებმა შესაძლოა გამოიყენონ საქართველო როგორც ტრანზიტული ან შუამავალი ბაზარი. თუმცა დღემდე ასეთი სქემების არსებობა ფართომასშტაბიან დონეზე დოკუმენტურად არ დადასტურებულა.ახლა რაც შეეხება უშუალოდ სტატისტიკურ მონაცემებს. საქართველოსა და ირანი შორის სავაჭრო ურთიერთობები ბოლო წლებში შედარებით მცირეა, მაგრამ სტაბილური. ქვემოთ არის 2024 წლის სრული მონაცემები და 2025 წლის (იანვარი–ნოემბერი) მიმდინარე მონაცემები.საქართველო–ირანის ექსპორტ-იმპორტი 2024–2025 წლებში, დიდად არ გაზრდილა. 2024 წელს საქართველოს ექსპორტი ირანში დაახლოებით 36.7 მლნ აშშ დოლარი იყო, ხოლო საქართველოს იმპორტი ირანიდან: დაახლოებით 285 მლნ აშშ დოლარი, სავაჭრო ბრუნვა ჯამში: დაახლოებით 321–322 მლნ დოლარია. 2025 წელი (იანვარი–ნოემბერი) ექსპორტი საქართველოდან ირანში: 32.8 მლნ დოლარი, იმპორტი ირანიდან საქართველოში: 229.8 მლნ დოლარი, სავაჭრო ბრუნვა: დაახლოებით 262.6 მლნ დოლარი. პროცენტული თვალსაზრისით მთლიან ექსპორტ იმპორტში ძალიან მცირეა: ექსპორტში ირანის წილი 0.5–0.6%-ია, ხოლო იმპორტში 1,7 %.როგორც ვხედავთ ბოლო 2 წელიწადში არანაირი ზრდა არ არსებობს, პირიქით 2025 წელს მცირედით შემცირებულია და თუ ბოლო წლებს შევადარებთ იგი სრულ თანხვედრაშია სამშენებლო ინდუსტრიის მაღალი ზრდის ტემპებთან.საქართველოს მთავარი იმპორტი ირანიდან არის სამშენებლო ინდუსტრიის ნაწილი: რკინა-ფოლადი, პლასტმასა, კერამიკული ფილები, მინა და მინის პროდუქცია, ასევე საკვები პროდუქტები (რძის ნაწარმი და სხვ.), რაზეც ამ სტატიაში მინისნებაც კი არ არის. მართალია, ირანი საქართველოსთვის სტაბილური სავაჭრო პარტნიორია, თუმცა წამყვანი სავაჭრო ქვეყნების ტოპ-10-ში არ შედის და ძირითადად ძირითად 20 ულშია სავაჭრო ბრუნვის მიხედვით. ვიზუალური შედარება, რომ მოვახდინოთ რეგიონის ქვეყნებთან თუ წარმოვიდგენთ საქართველოს ვაჭრობას 100%-ად პირველ მეორე ადგილზე თურქეთი და რუსეთიაშესაბამისად 15% და 12%, შემდეგ მოდის აზერბაიჯანი 6-7 % და სომხეთი 4-5 %, ირანის წილი მთლიან ვაჭრობაში სულ 1 %-ის ფარგლებშია. ჩემი შეფასებით, აქ არის კიდევ ერთი საინტერესო ფაქტორი მიუხედავად იმისა, რომ ირანი რეგიონში ერთ-ერთი ყველაზე დიდი ეკონომიკაა, საქართველოსთან ვაჭრობა მაინც მცირეა. ამის უკან რამდენიმე ეკონომიკური და პოლიტიკური ფაქტორი დგას.პირველ რიგში ეს არის საერთაშორისო სანქციების ზეგავლენა, ირანი წლებია იმყოფება ფართო სანქციების ქვეშ, განსაკუთრებით აშშ-ის და ევროკავშირის მხრიდან.თავის მხრივ, საერთაშორისო სანქციები იწვევს - საბანკო გადარიცხვების სირთულეს, საერთაშორისო ფინანსურ სისტემაში შეზღუდვებს (ირანის ბანკები შეზღუდულად მუშაობს საერთაშორისო სისტემაში, მაგალითად SWIFT-თან შეზღუდვები, რასაც ემატება კომპანიების რისკი, რომ სანქციები შეეხოთ. ამიტომ ბევრი ქართული და უცხოური კომპანია ერიდება ირანთან დიდ მასშტაბზე ვაჭრობას.ბოლო წლებში საქართველოს სავაჭრო პოლიტიკა ძლიერ არის დაკავშირებული ევროკავშირთან, არსებობს ღრმა და ყოვლისმომცველი თავისუფალი სავაჭრო შეთანხმება (DCFTA) ევროკავშირთან და საკრედიტო რესურსების დასავლურ ბაზრებთან, ამიტომ კომპანიები ხშირად ევროპისა და თურქეთის ბაზრებზე არიან ორიენტირებული.ამ მონაცემებისა და ფაქტობრივი გარემოებების ფონზე ბუნებრივად ჩნდება კითხვა: რამდენად შეესაბამება სტატიის მყვირალა სათაური რეალურ ეკონომიკურ სურათს და რამდენად არის იგი უბრალოდ სენსაციური ნარატივის შექმნის მცდელობა. სტატისტიკა და მოქმედი სამართლებრივი გარემო მიუთითებს შედარებით მცირე მასშტაბის სავაჭრო ურთიერთობებზე და არა იმგვარ სისტემურ მექანიზმზე, რომლის მიხედვითაც საქართველო ირანის მიერ სანქციების გვერდის ავლის ჰაბად შეიძლება შეფასდეს.ასეთ პირობებში საფუძვლიანია ეჭვი, რომ საქმე გვაქვს თემის ხელოვნურ დრამატიზებასთან და ეკონომიკური რეალობის პოლიტიზებულ ინტერპრეტაციასთან", - წერს ცუცქირიძე.

1772726881

„ახალგაზრდა ადვოკატები“ აღნიშნავს, რომ 2024 წლის 13 მაისს, საქართველოს შს სამინისტროს აჭარის ა/რ პოლიციის დეპარტამენტის ხელვაჩაურის რაიონულ სამმართველოში დაიწყო გამოძიება სისხლის სამართლის საქმეზე, ქეთევან კაიკაციშვილის სიცოცხლის გაუფრთხილებლობით მოსპობის შესაძლო ფაქტზე, დანაშაული გათვალისწინებული საქართველოს სსკ-ის 116-ე მუხლის პირველი ნაწილით, რაც ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით ორიდან ოთხ წლამდე. ოჯახის ძირითადი პრეტენზია მიმართულია ირის ბორჩაშვილის სახელობის ჯანმრთელობის ცენტრ „მედინას“ სამედიცინო პერსონალის - მეან - გინეკოლოგ ჯუმბერ უნგიაძის, მეან - გინეკოლოგ ნათია ზამთარაძის, თერაპევტ მამუკა ბაკურიძის, რეანიმატოლოგ-ანესთეზიოლოგ შორენა ფოცხიშვილისა და მეან-გინეკოლოგ, რეპროდუქტოლოგ დიანა ჭანუყვაძის მიმართ, რომელიც არ არის ჯანმრთელობის ცენტრ „მედინას“ ექიმი და საქმიანობს სხვა კლინიკაში. საგამოძიებო ორგანოს ჩვენება უკვე მისცეს დასახელებულმა ექიმებმა და საქმესთან შემხებლობაში მყოფმა სხვა პირებმა. სასამართლოს განჩინების საფუძველზე, საქმეზე ყოველმხრივი გამოძიების ჩატარების უზრუნველყოფის მიზნით, თურქეთის რესპუბლიკის ქალაქ ტრაბზონის შავი ზღვის საუნივერსიტეტო კლინიკიდან (KTU Farabi Hospital) ამოღებული იქნა სამედიცინო დოკუმენტაცია, ხოლო 2024 წლის 18 ივლისის დადგენილებით, მიღებული იქნა გადაწყვეტილება სამედიცინო (კომისიური) ექსპერტიზის დანიშვნის შესახებ.„ახალგაზრდა ადვოკატები“ აღნიშნავს, რომ საქმეზე მიმდინარეობს გამოძიება და შემაჯამებელი გადაწყვეტილება მიღებული არ არის, რასაც აფერხებს თურქეთის რესპუბლიკიდან ამოღებული სამედიცინო დოკუმენტაცის თარგმანის გაჭიანურება. შესაბამისად, ორგანიზაცია მიმართავს საქართველოს გენერალურ პროკურატურას საკითხზე დროულ და სწრაფი მოქმედებების განხორციელებისთვის, ვინაიდან თარგმანის დაყოვნება უკვე ცდება ყველა გონივრულ ვადებს. „ახალგაზრდა ადვოკატები“ აღნიშნავს, რომ სამართლის ჯგუფმა შეისწავლა სამედიცინო საქმის მასალები, აღდგენილი იქნა გარდაცვლილი ქეთევან კაიკაციშვილის მოპასუხე კლინიკასთან და მოპასუხე ექიმებთან 2024 წლის 28 იანვრიდან 2024 წლის 12 თებერვლის ჩათვლით კომუნიკაციის, ჩატარებული სამედიცინო მომსახურების, დაყოვნების, კრიტიკული მდგომარეობის სრული სურათი. დეტალურად, ქრონოლოგიურად და თანმიმდევრულობით დოკუმენტირდა ქეთევან კაიკაციშვილისა და ოჯახის წევრების ურთიერთობა კლინიკასთან და მოპასუხე ექიმებთან, მოხდა შექმნილი ვითარების კრიტიკული ანალიზი, სამედიცინო მომსახურებისა და ექიმების ქცევის შესახებ მომზადდა დეტალური კვლევა და ანგარიში, რაც ცალსახად ტოვებს ირის ბორჩაშვილის სახელობის ჯანმრთელობის ცენტრ „მედინას“ და ექიმების ერთობლივ სამართლებრივ პასუხისმგებლობის საკითხს.  ამასთან, აღდგენილი და დოკუმენტირებული იქნა ქეთევან კაიკაციშვილის ჯანმრთელობის მდგომარეობის განვითარება ბათუმიდან ტრაბზონში გადაყვანისა და დაყოვნების მთელ პერიოდზე.საქმის ფაქტობრივი და სამართლებრივი გარემოებების თანახმად, დგინდება, რომ მას შემდეგ, რაც ქეთევან კაიკაციშვილმა გაიკეთა ხელოვნური განაყოფიერება და 14-წლიანი მოლოდინის შედეგად დადგა ფეხმძიმობა, 2023 წლის 7 სექტემბერს, ქეთევან კაიკაციშვილი სამედიცნო აღრიცხვაზე დარეგისტრირდა კლინიკა „მედინაში“. 2023 წლის სექტემბრიდან 2024 წლის თებერვალმდე, პაციენტი თითქმის ყოველთვიურად გადიოდა კონსულტაციას სამედიცინო ცენტრ „მედინაში“. ორგანიზაციას მიზანშეწონილად მიაჩნია საზოგადოებას ამომწურავი ინფორმაცია, თუმც მოკლე სახით მიაწოდოს პაციენტის ტრაგიკული ისტორიის შესახებ, ვინაიდან არც ოჯახს და არც საქმის მაწარმოებელ ჯგუფს, არავითარი პასუხგაუცემელი კითხვები აღარ გააჩნია საკითხზე, თუ რას ემსხვერპლა ქეთევან კაიკაციშვილი. 02.2024 გამთენიისას, პაციენტს აღენიშნებოდა მრავალჯერადი გულის რევა. გამოცხადდა კლინიკის ემერჯენსში და ჩაითვალა, რომ შესაძლებელია ადგილი ჰქონოდა ინტოქსიკაციას. ამავე დღეს, საღამოს, 19:38 საათზე, პაციენტს უკვე აღენიშნებოდა ტემპერატურა 37.3., ექიმი კი ფიქრობს, რომ აქვს გრიპი, და პაციენტს პასუხობს, რომ შეეძლო დაელია „კოფოლი“ (KOFOL SF Syrup) ან ლინკასის სიროპი (Linkus syrup) 10 მლ დღეში 3-ჯერ და თუ მოემატებოდა, მისულიყო თერაპევტთან. 02.2024 პაციენტს აღენიშნებოდა ხველა და ჰქონდა სიცხე. იგი იმყოფებოდა სახლის პირობებში და ღებულობდა ექიმების მიერ მითითებულ პრეპარატებს. პაციენტი იმედოვნებდა, რომ მიღებული წამლების შედეგად გამოკვეთილი სიპტომები აილაგმებოდა. 02.2024 პაციენტი, ასევე პაციენტის მეუღლე უკავშირდება ექიმს და ატყობინებს, რომ პაციენტს აღენიშნება ხველა და მაღალი ტემპერატურა. მოსმენილი იქნა პაციენტის ფულტვები, სადაც ექიმს არ ჰქონდა კითხვითი ნიშნები. მას გამოუწერეს სიცხის დამწევი - ნუროფენი (Nurofen). პაციენტი ამავე დღეს გაესინჯა ინფექციონისტს, რომელიც განმარტავდა, რომ პაციენტს აღენიშნებოდა ენტეროვირუსი, რომელიც იყო მართვადი და გამოწერა დანიშნულება ორი პრეპარატის სახით და ბორჯომის ინჰალაცია. ვინაიდან მას ურჩიეს გადასხმაც, პაციენტი გადასხმის უზრუნველყოფის მიზნით მიდის „მედინაში“, სადაც არ ჰქონდათ გადასასხმელი სითხე. პაციენტის მეუღლე აფთიაქში იძენს გადასხმის სითხეს და ემერჯენსის განყოფილებაში პაციენტი იკეთებს გადასხმას. 02.2024 პაციენტს ექიმი უნიშნავს ალერგიული ფონის მოხსნისთვის განკუთვნილ მედიკამენტებს. ასევე, ექიმი ურჩევს პაციენტს რომ დალიოს თბილი სითხეები და თუ უკეთესად არ გახდება, დაწოლილიყო კლინიკაში. პაციენტის მდგომარება გართულდა ღამის საათებში, რაც გამოიხატა გულის რევით, ინტენსიური ხველით, აღენიშნებოდა სიცხე 38,3 მდგომარეობით. 02.2024 დილის საათებში, პაციენტი გამოცხადდა „მედინაში“ და პირდაპირ შეხვდა ჯუმბერ უნგიაძეს, რომელმაც მოისმინა პაციენტის მდგომარეობა. ექიმს პაციენტის მეუღლემ უთხრა, რომ არსებობდა გამოკვეთილი სირთულეები და გაეკეთებია საკეისრო ოპერაცია, რაზეც ჯუმბერ უნგიაძემ განმარტა, რომ პაციენტს საკეისრო კვეთას ვერ გაუკეთებდნენ, ვიდრე არსებული მდგომარეობა არ დასტაბილურდებოდა. შემდეგ, ჯუმბერ უნგიაძე პაციენტს ამისამართებს თერაპიულ განყოფილებაში, სადაც თერაპევტ-ნეპროლოგი, ექიმმა მამუკა ბაკურიძემ გასინჯა პაციენტი, მოისმინა პაციენტის ფილტვები და აუღო მას სისხლის ანალიზი. ვინაიდან ანალიზის და გასინჯვის შედეგებით, ექიმმა არ ჩათვალა საჭიროდ პაციენტის კლინიკაში განთავსება, რადგანაც ფილტვების მოსმენის შედეგად არ იყო მისთვის გამოკვეთილი საეჭვო მდგომარეობა, მისცა მას რეკომენდაცია სახლში თვითმოვლაზე. პაციენტი, ჩატარებული მანიპულაციების მიუხედავად, იმყოფებოდა რთულ მდგომარეობაში. ამაზე მეტყველებს ამავე დღეს, 05:03 საათზე, მეჯვარე ირმა გ.-სთან პაციენტის ხმოვანი შეტყობინება, სადაც ნათქვამია, რომ იმყოფებოდა კლინიკა „მედინაში“, არ დაიტოვეს სტაციონარულ განყოფილებაში, თუმცა სიცხე ჰქონდა 38,4 და თავს გრძნობდა ძალიან ცუდად. ამ მდგომარეობის საწინააღმდეგოდ, ამბობს, რომ უნდა გაიკეთოს ანალგინი. პაციენტი იმდენად მძიმე მდგომარეობაში აღმოჩნდა, რომ ხველის დროს იღებს ნახველის მსგავსს შავი მასას და ექიმის პასუხად ამბობს, რომ ეს არ იყო სისხლი. ამ ფაქტის მიუხედავად, ექიმი დამატებით რჩევებს არ იძლევა და პაციენტს აიმედებს, რომ ხვალ უკეთ იქნება. 02.2024 დილით, პაციენტი მიდის კლინიკა „მედინაში“ და პირდაპირ ხვდება ჯუმბერ უნგიაძეს, რომელსაც დეტალურად მიეწოდა ინფორმაცია პაციენტის მდგომარეობისა და განვლილი დღეების სირთულეებზე, რაზეც ჯუმბერ უნგიაძე (ხელის აწევის ჟესტიკულაციით) ოჯახის წევრებს ეუბნება, რომ ეს არ იყო მისი სფერო და ამისამართებს თერაპიულ განყოფილებაში. პაციენტის მეუღლემ ჯუმბერ უნგიაძეს კვლავ სთხოვა, რომ გაკეთებულიყო საკეისრო კვეთა და ჯუმბერ უნგიაძის მხრიდან კვლავ იყო უარყოფითი და კატეგორიული ხასიათის უარი. პაციენტი შევიდა თერაპიულ განყოფილებაში, შეხვდა თერაპევტ-ნეპროლოგ მამუკა ბაკურიძეს, რომელსაც ასევე დეტალურად მიეწოდა 05.02.24 დღის და ღამის განმავლობაში პაციენტის არსებული ჯანმრთელობის შესახებ ინფორმაცია, რის შემდეგაც, მამუკა ბაკურიძემ მოისმინა პაციენტის ფილტვები. ექიმმა განმარტა, რომ მოსმენით არ აღენიშნებოდა გართულებები, მაშინ, როდესაც ოჯახი მოითხოვდა პაციენტი განთავსებულიყო სტაციონარულ განყოფილებაში. მამუკა ბაკურიძის განმარტებით, განთავსებისთვის საჭირო იქნებოდა დოკუმენტი, რომელიც განთავსების საჭიროებას დაადასტურებდა. ამიტომ, ამ მიზნით და ოჯახის მოთხოვნითაც, პაციენტზე გადაღებული იქნა რეტგენი. შედეგებმა აჩვენა, რომ მარჯვენა ფილტვზე დაწყებული იყო ანთებითი პროცესი, რაც გახდა საფუძველი, რომ პაციენტი თერაპიულ განყოფილებაში განთავსებულიყო. პაციენტის სტაციონარში განთავსების შემდეგ, ოჯახის წევრები - მეუღლე, რძალი და დედამთილი შედიან ექიმ თერაპევტ-ნეპროლოგ მამუკა ბაკურიძის სამუშაო ოთახში იმის დასადგენად, იყო თუ არა რაიმე ტიპის საშიშროება პაციენტის წინაშე. ექიმი პასუხობს, რომ პაციენტს არანაირი საფრთხე არ ემუქრება, არის ჩვეულებრივი, მიმდინარე ანთებითი პროცესი და შედარებისთვის მაგალითი მოიყვნა, რომ ამ დღეს საავადმყოფოდან ეწერბოდა ფეხმძიმე ქალბატონი, რომელიც სრულად გამოჯანმრთელდა და შესული იყო კლინიკაში ორმხრივი პლერმონიით და საშარდო გზების ინფექციით. 02.2024 პაციენტი ოჯახის წევრს - რძალს სოციალურ ქსელში წერს, რომ ახველებდა, ბალიშზე თავის დადება უჭირდა, გრადუსიც არ ჰქონდა და მეუღლისგან ელოდებოდა შეგზავნას და მას შემდეგ, რაც სიცხე გაიზომა, აღმოაჩნდა 38,5. ამ მიმოწერით დგინდება, რომ მედიკამენტის მიღება ეთხოვა ექთანს, რომელსაც ექიმთან უნდა გაევლო კონსულტაცია, პაციენტის განმარტებით კი ექთანი „დაიკარგა“. დილით, ოჯახის წევრები გამოცხადნენ კლინიკაში. დედამთილმა შენიშნა, რომ პაციენტს ჰქონდა ფეხები დასიებული და ამ გამოვლინების მიზეზებზე მიმართა ექიმ თერაპევტ-ნეპროლოგ მამუკა ბაკურიძეს. ექიმი განმარტავდა, რომ ფეხების დასიება ორსული ქალებისთვის იყო დამახასიათებელი და ვინაიდან დედამთილის მხრიდან საკითხი მკაფიოდ დაისვა, ექიმის მიმართ შეხსენებული იქნა პაციენტის ისტორია და ისიც, რომ არაფერი არ უნდა გამორჩენილიყო მკურნალობის პროცესში, მამუკა ბაკურიძეს ასეთი დიალოგი არ მოეწონა და თქვა, რომ ყველას თავისი საქმე უნდა გაეკეთებია. დედამთილმა ექიმს ისევ სთხოვა თავმდგმურობა, ვინაიდან პაციენტი გამოკვეთილად ცუდად გრძნობდა თავს და უჭირდა გადაადგილება, რაზეც მამუკა ბაკურიძემ განმარტა, რომ ამ ღამეს თავად იყო მორიგე ექიმი და საჭიროების შემთხვევაში, მასზე უკეთესად ვერავინ მიხედავდა პაციენტს. 02.2024 პაციენტს დილით აღენიშნებოდა სიცხე 37.2 და ექიმი განმარტავდა, რომ მდგომარეობა იყო სტაბილური. პაციენტმა პირველად ვერ გამოყო შარდი. აღენიშნებოდა ჰაერის უკმარისობა, გაუჭირდა დამოუკიდებლად გადაადგილება. დაახლოებით, ღამის 24:00 საათისთვის პაციენტს აღენიშნებოდა მაღალი ტემპერატურა 39 გრადუსი, რაზეც მორიგე ექიმმა განმარტა, რომ ეს მდგომარეობა - ტემპერატურა კარგი იყო, რადგანაც ორგანიზმი იჩენდა ბრძოლისუნარიანობას. დაახლოებით, 04:30 საათისთვის, გამთენიისას, პაციენტს დაეწყო ძლიერი ხველა, რის შემდეგაც მასთან მივიდა მორიგე ექიმი, გაუსინჯა მას სატურაცია და მოახდინა ჟანგბადის მიწოდება. 02.2024 პაციენტი ატყობინებს თავისი ოჯახის წევრებს, რომ უპირებდნენ რეანიმაციულ განყოფილებაში გადაყვანას. პაციენტი იმყოფება გადასხმის რეჟიმში და შეიქმნა მდგომარეობა, როდესაც ორგანიზმი არ ღებულობდა სითხეს. დღის მეორე ნახევარში, ექიმი შორენა ფოცხიშვილი იბარებს ოჯახის წევრებს და აცნობს, რომ პაციენტის მდგომარეობა იყო ურთულესი, მდგომარეობა იყო დამძიმებული, პაციენტს ორივე მხარეს აღენიშნებოდა პნევმონია, სუნთქვისა და ფილტვის უკმარისობა. ჯუმბერ უნგიაძე სამუშაო კაბინეტში იბარებს პაციენტის მეუღლეს და ატყობინებს, რომ მდგომარეობა მნიშვნელოვნად იყო გართულებული. ჯუმბერ უნგიაძის მოწვევით, კლინიკაში მიდის ინფექციონისტი ილია ნაკაშიძე, რომელიც პაციენტის მეუღლეს ჯერ კიდევ კლინიკაში მისვლამდე, განუმარტავს, რომ არ გამორიცხავდა პაციენტს ჰქონოდა რესპირატორული დისტრეს-სინდრომი (Acute respiratory distress syndrome (ARDS)) და აღნიშნავდა, რომ ეს იყო ვერაგი დაავადება. კლინიკაში ექიმების მონაწილეობით შედგა შეხვედრა პაციენტის ოჯახის წევრებთან, სადაც ოჯახს განემარტა, რომ წინ იგეგმებოდა ძალიან რთული ოპერაცია, პაციენტი დაიკარგებოდა, თუ არ იქნებოდა ამოღებული პლაცენტა, დაიწყებოდა სისხლდენა და საშვილოსნო ამოსაკვეთი დარჩებოდა. კლინიკა და ექიმები უპასუხოდ ტოვებდნენ კითხვებს, თუ თუ რატომ მივიდა საქმე ამ მდგომარეობამდე, რატომ არ გაკეთდა საკეისრო კვეთა, პაციენტის ჯანმრთელობის მდგომარეობის გაუმჯობესების ნაცვლად, კლინიკა რატომ აღმოჩნდა პაციენტის დაღუპვის წინაშე. ოპერაციის ჩატარების შემდეგ, ოჯახის წევრებმა მიიღეს ინფორმაცია, რომ ბავშვი დაიბადა, პაციენტს შეუნარჩუნდა საშვილისნო და ამოღებული იქნა პლაცენტა. კლინიკის განმარტებით, ბავშვი თავს გრძნობდა დამაკმაყოფილებლად. ამასთან, საკეისრო ოპერაციის შემდეგ, მცირე ხანში, ჯუმბერ უნგიაძე შეხვდა ოჯახის წევრებს და მიაწოდა ინფორმაცია, რომ ოპერაცია წარმატებით იქნა ჩატარებული, მაგრამ პაციენტის მდგომარეობა იქნა დამძიმებული და იმყოფებოდა ჟანგბადის კონცენტრატორებზე მიერთებული (მიეწოდებოდა ხელოვნური ჟანგბადი). 02.2024 დილა კლინიკაში იწყება პაციენტის დედამთილის ექიმ შორენა ფოცხიშვილთან შეხვედრით და კითხვის დასმით, ხომ არ არსებობდა სეფსისის განვითარების წინაპირობა. მზია თავდგირიძემ შენიშნა, რომ პაციენტი არ გამოყოფდა შარდს (შარდის ტომარა იყო ცარიელი, რის გამოც, მას გაუჩნდა შეკითხვა). შეკითხვაზე შორენა ფოცხიშვილმა უპასუხა, რომ შარდის ტომარა სულ ახლახან იქნა დაცლილი. ასევე, მზია თავდგირიძემ შორენა ფოცხიშვილს ჰკითხა, თუ რატომ ჰქონდა თვალზე წვრილად დაკრული სანტავიკი, რაზეც შორენა ფოცხიშვილმა განმარტა, რომ პაციენტი თვალს ახამხამებდა და სანტავიკის გამოყენება თვალის გუგების დაცვის მიზნით იქნა განხორციელებული. მზია თავდგირიძემ, ასევე შენიშნა, რომ პაციენტს ორივე თვალზე ჰქონდა ყვითელი გამონადენი, რაც ასევე უთხრა შორენა ფოცხიშვილს. ამ ურთიერთობების დროს, პაციენტთან იმყოფებოდა დამხმარე ექიმი გიორგი ესეფაძე, რომელიც პაციენტის მიმართ მაღალი ყურადღებით გამოირჩეოდა. მას თითქოს დამატებითი განმარტების გაკეთებაც სურდა შარდის გამოყოფის საკითხზე, მაგრამ მზია თავდგირიძემ შენიშნა, რომ მოულოდნელად დუმილი ამჯობინა. ექიმმა გიორგი ესეფაძემ მხოლოდ უთხრა მზია თავდგირიძეს, რომ „რაც იცოდა და შეეძლო, იმაზე მეტს აკეთებდა და თუ ოჯახს შესაძლებლობა გააჩნდა, პაციენტი უნდა გაეყვანა ამ კლინიკიდან და გადაერჩინა!“ (სტილი დაცულია). მზია თავდგირიძე შორენა ფოცხიშვილისგან მოითხოვა ახსნილიყო, თუ რა შინაარსის მონაცემები არსებობდა პაციენტის მონიტორზე, რაზეც შორენა ფოცხიშვილისგან მიიღო პასუხად, რომ პაციენტი მართვით სუნთქვაზე იმყოფებოდა!. როდესაც აღმოჩნდა, რომ პაციენტს ტემპერატურა ესინჯებოდა 39.5, შორენა ფოცხიშვილმა კომენტარი აღარ გააკეთა. ამ დროს, მზია თავდგირიძე, უკვე განწირული ხმით საუბრობდა და მოუწოდებდა ექიმებს, ემოქმედათ პაციენტის გადასარჩენად. აღმოჩნდა, რომ პაციენტს ფეხები ჰქონდა გაყინული და უკვე სილურჯე აღენიშნებოდა. რეანიმაციულ განყოფილებაში მიმდინარე ამ ფაქტის პარალელურად, კლინიკაში მოვიდნენ პაციენტის მეგობრები - ირმა გ. და ნინო მ. ისინი ინტერესდებიან, გამოყოფდა თუ არა შარდს პაციენტი და მუშაობდა თუ არა თირკმელი. პაციენტის მეგობრები ამბობდნენ, რომ მათ ჰქონდათ ინფორმაცია, რომ პაციენტს თირკმელი უკვე აღარ უმუშავებდა. ამ ინფორმაციის მოსმენის შემდეგ, მზია თავდგირიძე რწმუნდება, რომ ცოტა ხნის წინ და წინ დღით, შარდის ტომრის დაცლასთან დაკავშირებით შორენა ფოცხიშვილის განმარტებები წარმოადგენდა სიცრუეს და დაუყოვნებლივ გადის კლინიკის რეანიმაციულ განყოფილებაში და მას პასუხს სთხოვს, თუ რატომ იქნა ოჯახი მოტყუებული. მზია თავდგირიძე ისევ მიდის შარდის ტომარასთან და ერთად ნახულობენ, რომ ტომარა ისევ ცარიელია. ამ დროს, შორენა ფოცხიშვილი იძულებული ხდება აღიაროს, რომ პაციენტი ნამდვილად აღარ გამოყოფდა შარდს.ვინაიდან და რადგანაც, პაციენტის მდგომარეობა უკიდურესად მძიმე და სიცოცხლისთვის შეუთავსებელი გართულებებით აღინიშნებოდა, კლინიკა უმოქმედო აღმოჩნდა შექმნილ ვითარებაში კონკრეტული სამედიცინო მოქმედებებისთვის, კლინიკა უპასუხოდ ტოვებდა ოჯახის წევრების ინტერესებს და კითხვებს. მეტიც, როდესაც ოჯახის წევრებმა შენიშნეს, რომ მოქმედებების ნაცვლად, ექიმი შორენა ფოცხიშვილი განმარტოებით იჯდა კაბინეტში და პირადი მობილური ტელეფონის დათვალიერებით იყო დაკავებული, ამ ეპიზოდმა დამატებით გაუჩინა ოჯახს პროტესტის და დაუცველობის შეგრძნება. შედეგად, ოჯახმა წამოიწყო ხმაური და შევიდა შორენა ფოცხიშვილის სამუშაო კაბინეტში და კატეგორიულად მოითხოვა შეკრებილიყო ყველა ის პასუხისმგებელი ექიმი, რომელიც შექმნილ ვითარებაში პაციენტის სიცოცხლის გადარჩენისთვის რაიმე სასიკეთო გადაწყვეტილებას მიიღებდა. ოჯახმა მოითხოვა პაციენტისთვის დიალეზის აპარატის დადგმა, რაზეც კლინიკის მესვეურებმა განმარტეს, რომ კლინიკას დიალეზის აპარატი არ გააჩნდა და რაც გააჩნდა, არ მუშაობდა. ასეთი პასუხის გამო, პაციენტის რძალი  - მარი სალუქვაძე მობილურ ტელეფონზე უკავშირდება ჯუმბერ უნგიაძეს და ატყობინებს, რომ სურთ პაციენტის გადაყვანა და ამ გადაყვანის პროცესში აღმოეჩინა სასწრაფო დახმარება.დაახლოებით, ღამის 24:00 საათისთვის, კლინიკის ეზოში შემოდის რეანომობილი, ისე, რომ აღნიშნულის შესახებ არავითარი ინფორმაცია არ ყოფილა მიწოდებული პაციენტის ოჯახისთვის. ერთ-ერთმა ნათესავმა, მძღოლთან გასაუბრების დროს აღმოაჩინა, რომ რეანომობილი გამოგზავნილი იქნა პაციენტის ქ. ქუთაისში გადასაყვანად. აღმოჩნდა, რომ რეანომობილი გამოძახებული იქნა ექიმ ჯუმბერ უნგიაძის მიერ, რომელმაც შემდგომში ოჯახს განუმარტა, რომ მხოლოდ ქუთაისის საავადმყოფოში არსებობდა დიალზეის აპარატი. ამ დროს, კლინიკა „მედინა“ დაუყოვნებლივ მოითხოვდა პაციენტის გადაყვანას და როგორც სამედიცინო პერსონალის მხრიდან ოჯახის წევრებთან არაოფიციალურ ურთიერთობებში გახდა ცნობილი, კლინიკა „მედინას“ დირექტორი კატეგორიულად მოითხოვდა პაციენტის კლინიკიდან გაყვანას, რადგანაც მას არ სურდა პაციენტის ბიოლოგიური სიკვდილი დამდგარიყო თავის სამედიცინო დაწესებულებაში. ამ გარემოების შეფასების შემდეგ, ოჯახის წევრები წინ აღუდგნენ პაციენტის ქუთაისში გადაყვანას და ტრანსპორტირებას, ვინაიდან, ასევე ადგილზე ცნობილი გახდა, რომ რეანომობილს არ გააჩნდა საჭირო და სათანადო სამედიცინო აღჭურვილობა, რომლითაც ობიექტურად შესაძლებელი გახდებოდა პაციენტის უსაფრთხოდ გადაყვანა. ამიტომაც, რეანომობილმა კლინიკა დატოვა.მას შემდეგ, რაც კლინიკაში თავი მოიყარა ყველა მკურნალმა ექიმმა და ჩატარდა მათი შეხვედრა, რომელსაც ოჯახის წევრები და ახლობლები ესწრებოდნენ (დაახლოებით 20-ზე მეტი ადამიანი. საუბარი მიმდინარეობდა მწვავე დიალოგის ფონზე), მათი, ყველას ერთად საუბრის ერთადერთი თემა იყო, კლინიკა „მედინას“ გარდა, სხვა სამედიცინო დაწესებულებაში, პაციენტის გადარჩენის, თუ რა შანსები და რა საშუალებები არსებობდა. ექიმების პირველადი პოზიცია იყო პაციენტის ქ. თბილისში გადაყვანა, მაგრამ ოჯახის წევრებს განემარტათ, რომ გზის სიშორის გამო, პაციენტი შეიძლება ცოცხალი არ დარჩენილიყო. ოჯახმა დასვა საკითხი პაციენტის თურქეთში გადაყვანაზე, რაზეც ჯუმბერ უნგიაძის პოზიცია იყო შემდეგი: „ტრაბზონიდან ხალხი ჩვენთან მოჰყავთ, იმათმა არაფერი იციან“ (სტილი დაცულია).შეხვედრაზე ილია ნაკაშიძემ განმარტა, რომ ერთადერთი გამოსავალი შეიძლება აღმოჩენილიყო ექმო აპარატზე პაციენტის მიერთება, მაგრამ მაღალი საშიშროება არსებობდა ტრანსპორტირების დროს პაციენტის დაღუპვისთვის. მისივე სიტყვებით, „პაციენტი ლიფტამდეც ვერ მიაღწევდა“ (სტილი დაცულია), მაგრამ ოჯახმა, ამ ვითარებაში, დაჟინებით მოითხოვა პაციენტის გადაყვანა.თავდაპირველად, განიხლებოდა პაციენტის ქ. თბილისში ტრანსპორტირება. ჯუმბერ უნგიაძე ტელეფონით დაუკავშირდა პირველი საუნივერსიტეტოს კლინიკის დირექტორ ლევან რატიანს. ოჯახისთვის მიწოდებული ინფორმაციით, ლევან რატიანი განმარტავდა, რომ ასეთი რთული პაციენტის მის კლინიკაში გადაყვანას პრინციპული მნიშვნელობა აღარ ჰქონდა. დროის ამ მონაკვეთში, ოჯახის და ნათესავების ალტერნატიული მსჯელობის შედეგად, გზის ხანგრძლივობისა და ექმო-აპარატის არსებობის მხედველობაში მიღებით, გადაწყდა, რომ პაციენტი თბილისის ნაცვლად, გადაეყვანათ ტრაბზონში. ეს გადაწყვეტილება ოჯახმა ისევ გააცნო კლინიკაში შეკრებილ ექიმებს. (აღსანიშნავია, რომ ჯუმბერ უნგიაძის განმარტებით, თბილისიდან წამოსული რეანომობილი, რომელსაც პაციენტი ტრაბზონში უნდა გადაეყვანა, თითქოსდა გზის მონაკვეთზე დაეჯახა ცხენს, რის გამოც რეანომობილი უკან დაბრუნდა. აღნიშნული ფაქტი, მაღალი ალბათობით, სიმართლეს არ შეესაბამება და ცნობილი ხდება, რომ სხვა პაციენტების შემთხვევაშიც, მათი ოჯახის წევრებს იდენტური ისტორიები მოუსმენიათ). 02.2024 ტრაბზონის შავი ზღვის საუნივერსიტეტო კლინიკაში (KTU Farabi Hospital) პაციენტის შესვლა ხდება თურქეთის დროით 20:00 საათისთვის. პაციენტის მოთავსება ხდება კლინიკის გულ-სისხლძარღვთა ქირურგიის ინტენსიური თერაპიის განყოფილებაში, სადაც შეყვანიდან 3 წუთის შემდეგ, მოხდა პაციენტის გულის გაჩერება. მისი არტერიული წნევის აღება ვერ მოხერხდა. პაციენტს სასწრაფოდ ჩაუტარდა რეანიმაცია და აღუდგა გულის რითმი. პაციენტი მიერთებული იქნა ECMO აპარატს. ჩატარდა სისხლის ანალიზები და რეტგენოლოგიური გამოკვლევები. პაციენტის მკურნალი ექიმი ახმედ ჯოშკუნი (Prof. Dr. Ahmet Coşkun ÖZDEMİR) ოჯახის წევრებს, ამავე დღეს ატყობინებს, რომ პაციენტის მდგომარეობა უმძიმესია, რადგანაც მას ერთდროულად აღენიშნებოდა სეფსისი, ბაქტერია და ვირუსი. 02.2024 – 05.03.2024 – ჩატარებულ გამოკვლევებში, გამოვლინდა ლეიკოციტონის რეგრესია და პერიფერიული და ფილტვის შეშუპების დაქვეითება, ვინაიდან პაციენტი იყო თირკმლის მწვავე უკმარისობით. დაიწყო Cart მკურნალობა და ჩატარდა სისხლის და თრომბოციტეტების ჩანაცვლება. პაციენტმა დაიწყო აუდიო სტიმულებზე რეაგირება. პაციენტს დაუბრუნდა სპონტანური სუნთქვა. მნიშვნელოვანი გაუმჯობესება დაფიქსირდა გულ-მკერდის რენტგენოგრაფიაში. გაგრძელდა ECMO და CRRT მკურნალობა, თუმცა პაციენტის წინაშე პრობლემურ საკითხად რჩებოდა თირკმლის, ფილტვებისა და სისხლში დიდი ოდენობით ინფექციის აღმოფხვრა. ექიმი ახმედ ჯოშკუნი განმარტავდა, რომ პაციენტის მდგომარეობა იყო დამძიმებული, არსებობდა მისი გადარჩენის შესაძლებლობა და მიმდინარეობდა ინტენსიური მოქმედებები ჯანმრთელობის შესანარჩუნებლად. 05.03.2024 დილიდან, პაციენტის მდგომარეობა დამძიმდა. კონცენტრატორი აჩვენებდა 100-ს. დავარდა წნევის მაჩვენებელი - 50/70-ზე. პაციენტს განუვითარდა ინფექცია და მოიწამლა სისხლი. მოწამლულმა სისხლმა ვერ გამოკვება ფილტვი. შესაბამისად, ჟანგბადი აღარ მიეწოდა არც ფილტვს და არც ტვინს, რამაც პაციენტის გადაღლილი ორგანიზმის ბრძოლისუნარიანობა სიცოცხლესთან შეუთავსებელი მდგომარეობით განავითარა. შედეგად, ყოველივე აღნიშნულმა გამოიწვია გულის გაჩერება - ქეთევან კაიკაციშვილი გარდაიცვალა. „ახალგაზრდა ადვოკატები“ აღნიშნავს, რომ 2024 წლის 11 მარტს, შეხვედრა შედგა ჯუმბერ უნგიაძესთან. მთავარ კითხვაზე, თუ რატომ დადგა ფატალური შედეგი, რამ გამოიწვია ჯანმრთელობის მდგომარეობის გართულება და სად და როდის იქნა დაშვებული შეცდომა, ჯუმბერ უნგიაძემ ცალსახად, ერთმნიშვნელოვნად და ცხადად განმარტა, რომ „ადგილი ჰქონდა ხარვეზს. ჩვენ დავუშვით ხარვეზი“ (სტილი დაცულია). ჯუმბერ უნგიაძის განმარტებით, დაშვებული ხარვეზი გამოიხატებოდა თავდაპირველი პაციენტის სიპტომების არაჯეროვან შეფასებასა და არასათანადო სამედიცინო დახმარებაში. ორგანიზაციის ხელმძღვანელი, არჩილ კაიკაციშვილი და ქეთევან კაიკაციშვილის მეუღლე მერაბ დიასამიძე (სარჩელის ჩაბარების მიზნით), 2025 წლის 17 ივნისს იმყოფებოდნენ კლინიკაში და შეხვდნენ ექიმებს: ჯუმბერ უნგიაძეს, ნათია ზამთარაძეს, მამუკა ბაკურიძესა და შორენა ფოცხიშვილს, რა დროსაც ჯუმბერ უნგიაძემ დასახელებული ექიმების თანდასწრებით დასმული კითხვის საპასუხოდ კვლავ დაადასტურა 11.03.2024 გამოთქმული პოზიცია პაციენტის წინაშე დაშვებული ხარვეზის თაობაზე.„ახალგაზრდა ადვოკატები“ განმარტავს, რომ სისხლის სამართლებრივი წარმოების პარალელურად, ბათუმის საქალაქო სასამართლოს წარმოებაშია მერაბ დიასამიძის სამოქალაქო სარჩელი, როგორც კლინიკის, ასევე ჯუმბერ უნგიაძის, ნათია ზამთარაძის, მამუკა ბაკურიძის, შორენა ფოცხიშვილისა და დიანა ჭანუყვაძის მიმართ, სოლიდარულად, მორალური და მატერიალური ზიანის ანაზღაურების მოთხოვნით. ამასთან, მოთხოვნილია მარჩენალდაკარგულის გამო არასრულწლოვანისთვის ყოველთვიური სარჩოს დაკისრება. მოპასუხე კლინიკამ და მოპასუხე ექიმებმა სასარჩელო მოთხოვნები არ ცნეს.მხარე, წინამდებარე დავის ფარგლებში ადასტურებს, რომ ქეთევან კაიკაციშვილის სიკვდილი დამდგარია მოპასუხე დაწესებულებისა და მოპასუხე ექიმების გაუფრხილებლობით, არასათანადო სამედიცინო დახმარების, არასწორი და მცდარი მკურნალობის, პაციენტის მიმართ აუცილებელი გულისხმიერებისა და ყურადღების გარეშე. შესაბამისად, მხარე მიზანშეწონილად მიიჩნევს დაიცვას სარჩოს მიმღები პირის - არასრულწლოვანი შვილის ინტერესები და მოპასუხეებს დაეკისროთ სარჩოს გადახდა მარჩენალის გარდაცვალების დროიდან - არასრულწლოვანის სრულწლოვანებამდე. ასეთ დროს, სწორედ მხედველობაშია მისაღები მარჩენალის შემოსავალი, რომელიც მას ფულადი სახით ერიცხებოდა და დამსაქმებელი ორგანიზაცია თანხმობას აცხადებდა შრომით-სამართლებრივი ურთიერთობა აღდგენილიყო. რაც შეეხება ფინანსურ ზიანს, მოსარჩელე აღმოჩნდა რთული ფინანსური და ეკონომიური მდგომარეობის წინაშე და სახელმწიფოს მიერ დაფინანსებული მკურნალობის ხარჯების გარდა, გაიღო მნიშვნელოვანი ხარჯი: მკურნალობის, მედიკამენტების შეძენის, ტრანსპორტირების, სამედიცინო დამხმარე პერსონალის, გადმოსვენების, დაკრძალვის, საფლავის მოწყობის, სხვა მასთან დაკავშირებული საჭიროებების უზრუნველყოფის, რაც მიზეზ-შედეგობრივი კავშირით, სამართლებრივი საფუძვლებიდან გამომდინარე, მოთხოვნილია სოლიდარულად დაეკისროს კლინიკას და მოპასუხე ექიმებს.და ბოლოს, „ახალგაზრდა ადვოკატები“ აღნიშნავს, რომ ქეთევან კაიკაციშვილის საქმეზე საჯარო ინტერესის შექმნა ემსახურება სამართლიანობის აღდგენას. ორგანიზაციას გააჩნია პრაქტიკული გამოცდილება, თუ რამდენად დაუცველია პაციენტის უფლებები და რთული სამართლებრივი პასუხისმგებლობის დადგომა თითოეულ ფატალურ სამედიცინო შემთხვევაზე.  ხშირ შემთხვევაში, დაზარალებული ოჯახი ვერ ახდენს დარღვეული უფლების რეალიზებას, ვერ მოიძიებს სამართლებრივ მრჩეველს, ვერ ახდენს ადვოკატის დაქირავებას, დამოუკიდებლად არ შესწევს ძალა მოიძიოს საჭირო დოკუმენტაცია და მოამზადოს სარჩელი. იმყოფება სტიგმატირებული შეხედულებების ქვეშ, როდესაც საკითხი შეეხება კლინიკის ან რომელიმე ექიმის კავშირებს, ძალაუფლებას, არ აქვს ნდობა გამოძიების ან სასამართლოს სამართლიანობის მიმართ. შესაბამისად, ასეთ ვითარებაში, ამჯობინებს უარი თქვას სამართლებრივ დავაზე ან სასამართლოს გარეშე შეუთანხმდეს კლინიკას, ექიმს. ორგანიზაცია, კიდევ ერთხელ კლინიკის, ექიმებისა და საზოგადოების საყურადღებოდ განმარტავს, რომ ქეთევან კაიკაციშვილის საქმეს სტრატეგიული სამართალწარმოებისთვის აქვს პრინციპული მნიშვნელობა და ნებისმიერი ფაქტი, პოზიცია და შედეგი იქნება გამოვლენილი, შეფასებული და ცხადი, რათა კანონიერების პრინციპის დაცვით, ერთის მხრივ მოხდეს განსაზღვრული (დამსახურებული) პასუხისმგებლობის დაკისრება, მეორეს მხრივ დაზარალებული ოჯახისთვის დამდგარი ნეგატიური შედეგების აღმოფხვრა. ქეთევან კაიკაციშვილის სამოქალაქო სამართალწარმოებას პირადად ორგანიზაცია „ახალგაზრდა ადვოკატების“ ხელმძღვანელი, არჩილ კაიკაციშვილი წარმართავს, ხოლო სისხლის სამართალწარმოებას ოჯახის ინტერესების დამცველი, ადვოკატი - ნიკა სადრაძე. როგორც პროკურატურას, ასევე სასამართლოს არაერთი მამხილებელი დოკუმენტი მიეწოდა.

1772721262

საქართველოს პარლამენტმა „ვაზისა და ღვინის შესახებ“ კანონში ცვლილებებს მეორე მოსმენით მხარი უკვე დაუჭირა. კანონს ემატება ნორმა, რომლითაც განისაზღვრება ვენახის გაშენებაზე თანხმობის ცნება, რაც განიმარტება შემდეგნაირად: საჯარო სამართლის იურიდიული პირის, ღვინის ეროვნული სააგენტოს მიერ გაცემული დოკუმენტი, რომელიც ფიზიკურ ან/და იურიდიულ პირს აძლევს უფლებას გააშენოს სამეწარმეო ვენახი.იმ ფაქტის გათვალისწინებით, რომ გაიზარდა გაშენებული ვენახების რაოდენობა და შესაბამისად ყურძნის მოსავლიანობა, ცვლილების თანახმად, დაცული ადგილწარმოშობის ღვინისა და სპირტიანი სასმელის მაღალი ხარისხის უზრუნველსაყოფად, ადგილწარმოშობის დასახელების ალკოჰოლიანი სასმელი წარმოებული უნდა იყოს მხოლოდ ამ ღვინის ან/და სპირტიანი სასმელის წარმოების სპეციფიკაციაში განსაზღვრულ მიკროზონაში მოწეული ყურძნისგან.ცვლილება ასევე განსაზღვრავს ღვინის ყველა კომპანიისთვის მევენახეობა-მეღვინეობის პრაქტიკაში ტექნოლოგიური პროცესების აღრიცხვა-შეტყობინების მოთხოვნების შესრულებას.ცვლილებების მიზანია ხარისხიანი, კონკურენტუნარიანი ყურძნისეული წარმოშობის ალკოჰოლიანი სასმელების წარმოების, ასევე, რეალიზაციისათვის აუცილებელი ადგილობრივი და საერთაშორისო ბაზრების მოთხოვნათა გათვალისწინების ხელშეწყობა.„ქართული ღვინო უნდა პოზიციონირებდეს იმ სეგმენტში, სადაც წარმოდგენილია უნიკალური და პრემიუმ ხარიხის ღვინოები. ვენახის გაშენებაზე თანხმობა უფასოდ გაიცემა და თანხმობის აღება მოუწევს მხოლოდ იმ პირებს, რომლებიც გეგმავენ კომერციულ საქმიანობას. ამ ეტაპზე, ვენახების მასიური გაშენების ტემპი შენელებულია. ბოლოს წლების სტატისტიკით, ყოველწლიურად, 500 ჰექტრამდე ფართობი ახალი ვენახი შენდება. ამ მონაცემზე დაყრდნობით, შეგვიძლია ვთქვათ, რომ ვენახების გაშენებაზე თანხმობის მიღება შეეხება დაახლოებით 100-მდე პირს“, - აღნიშნა ლევან მეხუზლამ.

1772717442

ფინანსთა სამინისტროს მიერ გავრცელებული ინფორმაციის თანახმად, მხარეებმა გამართულ შეხვედრაზე მიმოიხილეს საქართველოსა და აზიის განვითარების ბანკს შორის მრავალწლიანი ურთიერთობები. აზიის განვითარების ბანკი არსებული მდგომარეობით, საერთაშორისო საფინანსო ინსტიტუტებს შორის საქართველოში ყველაზე დიდ პორტფელს ფლობს, რაც როგორც საჯარო, ასევე კერძო სექტორის მიმართულებით $5 მილიარდს აღემატება."ყურადღება გამახვილდა მსხვილ ინფრასტრუქტურულ პროექტებში ADB-ის ჩართულობაზე, რაც შუა დერეფნის სატრანსპორტო ინფრასტრუქტურაში საქართველოს შესაძლებლობებისა და პოზიციების გაძლიერებას ისახავს მიზნად.ლაშა ხუციშვილმა ბანკის პრეზიდენტს გააცნო ქვეყნის მაკროეკონომიკური და ფისკალური პარამეტრები, საქართველოს მიერ გაწეული ძალისხმევა, რომელიც მიმართულია ენერგეტიკული უსაფრთხოების, კონკურენტუნარიანობის განმტკიცების, რეგიონული და საერთაშორისო მნიშვნელობის მქონე სატრანსპორტო ინფრასტრუქტურის მშენებლობის დაჩქარებისკენ. საუბარი შეეხო აზიის განვითარების ბანკის როლს კერძო სექტორის მხარდაჭერის პროცესში.აღსანიშნავია, რომ აზიის განვითარების ბანკი პირველი საერთაშორისო საფინანსო ინსტიტუტია, რომელმაც საქართველოსთვის სუვერენული სესხის გამოყოფა ადგილობრივ ვალუტაში განახორციელა.თავის მხრივ, აზიის განვითარების ბანკის პრეზიდენტმა ისაუბრა საქართველოსა და აზიის განვითარების ბანკს შორის პარტნიორობის მნიშვნელობაზე, როგორც ორმხრივი, ისე რეგიონული მიმართულებით. როგორც მან აღნიშნა, ბანკი გააგრძელებს აზიასა და ევროპას შორის რეგიონალურ კარიბჭედ საქართველოს წარმოჩინების ამბიციის მხარდაჭერას. მისი თქმით, აზიის განვითარების ბანკის წარმომადგენლობის ოფისის გაფართოების ფაქტი ბანკსა და საქართველოს შორის პარტნიორობასა და თანამშრომლობის დიდ მასშტაბზე მეტყველებს", - წერია ფინანსთა სამინისტროს მიერ გავრცელებულ ინფორმაციაში.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე და ცოტნე ყავლაშვილი, ADB-ის ცენტრალური და დასავლეთ აზიის დეპარტამენტის გენერალური დირექტორი ლეა გუტიერესი, ბანკის საქართველოს მუდმივი წარმომადგენლობის დირექტორი ლესლი ბეარმან ლაჰმი და სხვა პირები.

1772717297