აფბას მონიტორინგის სამსახურმა ნათია ჯანაშიას უძრავი ქონების შესწავლა საქართველოში დაასრულა

ქართული ღვინის წარდგენა ღვინის ეროვნული სააგენტოს მხარდაჭერით მოხდა.„აღნიშნულ გამოფენაში მონაწილეობა ქართული ღვინის მწარმოებლებს შესაძლებლობას აძლევს, საერთაშორისო პროფესიულ აუდიტორიას გააცნონ ქართული ღვინო, დაამყარონ ახალი საქმიანი ურთიერთობები და გააძლიერონ საექსპორტო პოზიციები აზიის ბაზარზე“, - აღნიშნავენ ღვინის ეროვნულ სააგენტოში.HKTDC Hong Kong International Wine & Spirits Fair აზიის ერთ-ერთი მნიშვნელოვანი გამოფენაა, რომელიც მსოფლიოს სხვადასხვა ქვეყნის ღვინისა და ალკოჰოლური სასმელების მწარმოებლებს, იმპორტიორებს, დისტრიბუტორებსა და სავაჭრო სექტორის წარმომადგენლებს აერთიანებს.რიგით მე-18 გამოფენაში HKTDC Hong Kong International Wine & Spirits Fair წელს მსოფლიოს 25-მდე ქვეყნის 600-ზე მეტი მწარმოებელი მონაწილეობდა.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ახორციელებს ამერიკის, ევროპის და სამხრეთ-აღმოსავლეთ აზიის ბაზრებზე.ჰონკონგში ქართული ღვინის გადაზიდვები მცირეა. მიმდინარე წლის 9 თვეში ჯამში ამ მიმართულებით 34 ათასი დოლარის ღირებულების 3 332 ლიტრი ღვინო გავიდა, რაც 2025 წლის იანვარ-სექტემბრის მაჩვენებელს სამჯერ ჩამორჩება.

1794208185

შეგახსენებთ, აფბა აღნიშნული ბიზნესდავის საზოგადოებრივ მონიტორინგს აწარმოებს.აფბას მონიტორების თქმით, პრაქტიკულად დასრულებულია ნათია ჯანაშიას საკუთრებაში არსებული იმ აქტივების შესწავლა, რაც საქართველოში მდებარეობს. „როგორც ირკვევა, ნათია ჯანაშიას საკუთრებაშია:• 3 820 კვადრატული მეტრის ფართობის მქონე საცხოვრებელი სასახლე ლისის ტბის მიმდებარედ (საბაზრო ღირებულება - 20 მილიონი ლარი);• 1677 კვ.მეტრ მიწაზე განთავსებული 297,6 კვ.მეტრის ფართობის ექსკლუზიური ვილა „ამბასადორი კაჭრეთში“ (საბაზრო ღირებულება - 5 მილიონი ლარი);• თბილისში, ბზის ქუჩაზე მდებარე 207 კვ.მ -ის ფართობის ბინა - (საბაზრო ღირებულება - 1 მილიონი ლარი);• თბილისში, ასათიანის ქუჩაზე (#10) მშენებარე 126 კვ.მ -ის ფართობის ბინა - (საბაზრო ღირებულება - 600 000 ლარი);• 4 000 კვ. მეტრის ფართობის არასასოფლო-სამეურნეო დანიშნულების მიწის ნაკვეთი ლისის მიმდებარედ (საბაზრო ღირებულება - 3 მილიონი ლარი);„ამ მონაცემებით ჩვენ ვასრულებთ ნათია ჯანაშიას საქრთველოში მდებარე იმ უძრავი ქონების შესწავლას, რაც მისმა ოჯახმა „აკადემიაში“ ინვესტორის შესვლის შემდგომ პერიოდში შეიძინა. მოპოვებული ინფორმაციიდან ბუნებრივად გამომდინარეობს, რომ ნათია ჯანაშიას აქტივების ზრდაში „აკადემიაში“ ინვესტორის გამოჩენას უდიდესი როლი უკავია“, - აცხადებენ აფბაში.ორგანიზაციის მკვლევრების თქმით, რაც შეეხება ნათია ჯანაშიას მთლიანი აქტივების ანალიზს, აქ პირველ რიგში გასათვალისწინებელია „ბრიტანულ-ქართული აკადემიის“ 70%-ის გაყიდვის შედეგად მიღებული შემოსავალი და დარჩენილი 30%-იანი წილის ღირებულება, რომლის გამოსყიდვის შეთავაზებაც 2024 წელს ინვესტორის მისთვის აქვს გაკეთებული. ასევე, გასათვალისწინებელია ის მოგება, რომელიც „ბრიტანულ-ქართულმა აკადემიამ“ 2019-2025 წლებში დააგენერირა, რა პერიოდიდანაც აკადემიის საკონტროლო პაკეტს ინვესტორი ფლობს.ნათია ჯანაშიას საქართველოში არსებული მთლიანი აქტივების გაანალიზებისას ასევე გასათვალისწინებელია თავად მის მიერ რამდენჯერმე საჯაროდ ნახსენები ძვირადღირებული ავტომანქანები და კატარღები.ასევე, მართალია დადასტურებულად რთული სათქმელია თუმცა, მის მთლიან აქტივებში უნდა მოვიაზროთ საბრძოლო იარაღები, ძვირფასეულობა, საიუველირო ნაკეთობები, შვეიცარული საათები და სახელგანთქმული დიზაინერების ძვირფასი სამოსი, რომლებსაც ნათია ჯანაშიას და დავით ცეცხლაძის ოჯახი, სავარაუდოდ, ფლობს და რაც დეკლარირებული არ არის.ნათია ჯანაშიას და დავით ცეცხლაძის აქტივშია ასევე, მათთვის 5 წლის განმავლობაში, ინვესტორის მხრიდან, ყოველწიური სახელფასო ანაზღაურება - 1 მილიონი ლარის მოცულობით (ჯამში 5 მლნ ლარი), რაც უპრეცენდენტოდ მაღალი ანაზღაურებაა საგანმანათლებლო ბიზნესში“ , – აცხადებენ აფბას მონიტორინგის სამსახურში.შეგახსენებთ, აფბა “ბრიტანულ-ქართული აკადემიის” გარშემო მიმდინარე ბიზნესდავის საზოგადოებრივ მონიტორინგს მიმდინარე წლის გაზაფხულიდან აწარმოებს. მონიტორინგი,ინვესტორის წინააღმდეგ ნათია ჯანაშიას მიერ წამოწყებული არაპროვოცირებული დავის დასაწყისიდან 2 წლიან პერიოდს მოიცავს.დავა ნათია ჯანაშიამ ინვესტორის, - „საქართველოს განათლების ჯგუფის“ წინააღმდეგ მას შემდეგ დაიწყო, რაც მენეჯმენტ-კონტგრაქტის ვადის ამოწურვის შემდეგ, დირექტორის თანამდებობიდან გაათავისუფლეს.საყურადღებოა, რომ ფინანსთა სამინისტროს საგამოძიებო სამსახური “საქართველოს განათლების ჯგუფის” მიმართვის საფუძველზე, სისხლის სამართლის საქმეს აწარმოებს, რომელიც 2019-2024 წლებში “ბრიტანულ-ქართული აკადემიის” მენეჯმენტში ნათია ჯანაშიას და მისი მეუღლის დავით ცეცხლაძის ყოფნის 5 წლიან პერიოდში, 4 მილიონ აშშ დოლარზე მეტი რესურსის შესაძლო მიტაცება-გაფლანგვის ფაქტს უკავშირდება.

1794207787

ანგარიშში დადებითად არის შეფასებული საქართველოს მიერ გატარებული მაკროეკონომიკური პოლიტიკა, მათ შორის, ეროვნული ბანკის მონეტარული პოლიტიკა. აღნიშნულია, რომ მონეტარული პოლიტიკა სათანადოა, და ინფლაციის ბოლოდროინდელი დაჩქარება ძირითადად ენერგორესურსების გლობალური ფასების მკვეთრმა ზრდამ და მიწოდების სხვა შოკებმა განაპირობა.ანგარიშში ყურადღება გამახვილდა საერთაშორისო რეზერვების ზრდაზე და ფინანსური სექტორის რეგულირებისა და ზედამხედველობის მიმართულებით განხორციელებულ მნიშვნელოვან ნაბიჯებზე. მათი შეფასებით, სებ-ი განაგრძობს ფინანსური სექტორის მდგრადობის, გამჭვირვალობის და ეფექტიანი ზედამხედველობის გაძლიერებას და ხელს უწყობს ევროკავშირის საუკეთესო პრაქტიკასა და მარეგულირებელ სტანდარტებთან დაახლოებას.გამოქვეყნებული ანგარიშის მიხედვით, გაძლიერდა საქართველოს საგარეო პოზიცია, შემცირდა მიმდინარე ანგარიშის დეფიციტი და გაიზარდა საერთაშორისო რეზერვები. 2026 წლის ივლისში, ქვეყნის მთლიანმა საერთაშორისო რეზერვებმა ისტორიულ მაქსიმუმს - 8.1 მილიარდ აშშ დოლარს მიაღწია, რაც საერთაშორისო სავალუტო ფონდის მეთოდოლოგიით განსაზღვრულ(ARA METRIC) ადეკვატურობის ზღვარს აღემატება და 128%-ს შეადგენს.ანგარიშში აღნიშნულია, რომ ქვეყნის ჯანსაღი მაკროეკონომიკური ფუნდამენტური ფაქტორები და ფისკალური და საგარეო ბუფერები, საქართველოსთვის გლობალური შოკების გასანეიტრალებლად ხელსაყრელ პოზიციას უზრუნველყოფს.მათი შეფასებით, საქართველოს საბანკო სექტორის აქტივების ხარისხი კვლავ ძლიერია: 2026 წლის აპრილში უმოქმედო სესხების წილმა მთლიან სესხებში 2.6%-ს შეადგინა, ხოლო საბანკო სისტემის კაპიტალის ადეკვატურობის კოეფიციენტი 22.2% იყო. ამავე პერიოდში სექტორის უკუგებამ კაპიტალზე (ROE) 21.9% შეადგინა. გარდა ამისა, დადებით ტენდენციადაა აღნიშნული დეპოზიტების დოლარიზაციის 3 პროცენტული პუნქტით, 48.6%-მდე შემცირება.ევროკომისიის ანგარიშში განსაკუთრებული ყურადღება ეთმობა ფინანსური სექტორის რეგულირებისა და ზედამხედველობის ჩარჩოს პროგრესს. ამ მხრივ, დადებითადაა შეფასებული საქართველოს ეროვნული ბანკის შესახებ ორგანულ კანონში განხორციელებული ცვლილებები, რომელიც ეროვნულ ბანკს ვირტუალური აქტივის მომსახურების პროვაიდერებზე სრული პრუდენციული ზედამხედველობის განხორციელების უფლებამოსილებას ანიჭებს. ანგარიშში ხაზგასმითაა აღნიშნული, რომ სტაბილკოინებისა და ვირტუალური აქტივების მომსახურების პროვაიდერებისთვის ახალი რეგულაციების მიღება ევროკავშირის კრიპტოაქტივების ბაზრების რეგულირების (MiCA) სტანდარტებთან დაახლოების მიზნით მოხდა.ამასთან, საქართველოს ეროვნულმა ბანკმა კიდევ უფრო მეტად შეძლო საკუთარი ანგარიშგების სისტემების ინტეგრირება ევროპოლის ევროს გაყალბებასთან ბრძოლის ცენტრალურ ოფისთან და შემოიღო ახალი რეგულაციები სტაბილკოინებისა და ვირტუალური აქტივების მომსახურების პროვაიდერებისთვის, რათა დაახლოებოდა კრიპტოაქტივების ბაზრების შესახებ ევროკავშირის რეგულაციით (Regulation (EU) 2023/1114) დადგენილ შესაბამის წესებს.ანგარიშში ცალკე თავი მიეძღვნა საბანკო სექტორის მდგრადობის გაძლიერების მიზნით განხორციელებულ ღონისძიებებს. კერძოდ, სისტემური კომერციული ბანკებისთვის საკუთარი სახსრებისა და დაშვებული ვალდებულებების მინიმალური მოთხოვნა (MREL) 10%-დან 15%-მდე გაიზარდა, ხოლო კომერციულმა ბანკებმა სარეზოლუციო ფონდში შენატანების განხორციელება დაიწყეს. აღნიშნული მექანიზმები ფინანსური სექტორის მდგრადობისა და კრიზისების მართვის ჩარჩოს გაძლიერებას ემსახურება.ამასთან, 2026 წლის მარტში ცვლილებები შევიდა კომერციული ბანკის გაჯანსაღების გეგმის შემუშავებისა და შეფასების წესში, რომლის მიხედვითაც ეროვნული ბანკი გაჯანსაღების გეგმის შესაბამისობას ექვსი თვის ვადაში აფასებს.ევროკომისია ასევე დადებითად აფასებს ეროვნული ბანკის მიერ მდგრადი ფინანსების განვითარების მიმართულებით გადადგმულ ნაბიჯებსაც. კერძოდ, 2026 წლის იანვარში ამოქმედდა მწვანე სესხების მონაცემთა პანელი, ხოლო 2026 წლის თებერვალში - გარემოსდაცვითი, სოციალური და მმართველობითი(ESG) ანგარიშგებისა და გამჭვირვალობის განახლებული ფორმა. მათი თქმით, აღნიშნული ინიციატივები ხელს უწყობს ფინანსურ სექტორში მდგრადი დაფინანსების ხელშეწყობასა და გამჭვირვალობის გაუმჯობესებას.ევროკომისია პოზიტიურად აფასებს საგადახდო მომსახურების მარეგულირებელი ჩარჩოს გაუმჯობესებისა და ეროვნული ბანკის მიერ ფინანსური სექტორის ზედამხედველობის გაძლიერების მიზნით განხორციელებულ ღონისძიებებსაც. მათ შორისაა, გადახდის ინიცირების მომსახურებისა და დავების ალტერნატიული გადაწყვეტის მიმართულებით მიღებულ საკანონმდებლო ცვლილებები და კომერციული და მიკრობანკების დისტანციური ზედამხედველობის სახელმძღვანელო მითითებების დამტკიცება. ამავე პოზიტიურ კონტექსტშია შეფასებული ცენტრალური ბანკის დამოუკიდებლობასთან დაკავშირებით, საერთაშორისო სავალუტო ფონდის რეკომენდაციების შესაბამისად პასუხისმგებლობების გადანაწილების ცვლილება ეროვნული ბანკის საბჭოს წევრებს შორის.საგადახდო მომსახურების მიმართულებით, ეროვნული ბანკისთვის ასევე განისაზღვრა იმ არასაბანკო საგადახდო მომსახურების პროვაიდერების ანგარიშების ფლობის უფლებამოსილება, რომლებიც მნიშვნელოვანი საგადახდო სისტემების მონაწილეები არიან.გარდა ამისა, Moneyval-ის რეკომენდაციების შესრულების მიზნით, 2025 წლის ნოემბერში ცვლილებები შევიდა ფულის გათეთრებისა და ტერორიზმის დაფინანსების აღკვეთის ხელშეწყობის შესახებ კანონში.ანგარიშის მიხედვით, საანგარიშო პერიოდში საქართველოს კორპორაციული ობლიგაციების ბაზარი გაფართოვდა: შვიდი ადგილობრივი ემიტენტის მიერ გამოშვებულ იქნა 13 საჯარო კორპორაციული ობლიგაცია, რის შედეგადაც მიმოქცევაში არსებული ობლიგაციების მოცულობამ მშპ-ის დაახლოებით 2.5% შეადგინა. ამასთან, ყურადღება გამახვილდა 2026 წლის მარტში მიღებულ კანონზე „ფაქტორინგის შესახებ“, რომელიც მცირე და საშუალო საწარმოებს ფინანსებზე ხელმისაწვდომობის დამატებით ინსტრუმენტს სთავაზობს და ფინანსურ ბაზარზე ფაქტორინგული კომპანიების ახალი სეგმენტის განვითარებას შეუწყობს ხელს.ევროკომისიის შეფასებით, არასაბანკო საფინანსო სექტორი მიუხედავად ბოლო პერიოდში მიღწეული ზრდისა, კვლავ მცირეა. შესაბამისად, ქვეყნის შემდგომ პრიორიტეტებს შორის დასახელებულია კაპიტალის ბაზრისა და სადაზღვევო სექტორის განვითარება, რაც ხელს შეუწყობს ფინანსური სისტემის დივერსიფიკაციასა და დაფინანსების ალტერნატიული წყაროების გაძლიერებას.

1794058860

როგორც მან „ბიზნესპარტნიორის“ ეთერში განაცხადა, სამშენებლო ნებართვის გაცემა ავტომატურად არ ნიშნავს, რომ შენობა ხარისხიანად შენდება. მისი შეფასებით, სანქციები გამოსავალი არ არის და ყველა დეველოპერს მშენებლობის უფლება არ უნდა ჰქონდეს.„ნამდვილად გვაქვს მოცულობითი სანქციები. სახელმწიფო ორგანოების დაკვირვების მიხედვით, გამკაცრება ეტაპობრივად ხდება და კოდექსში ცვლილებები შედის. პრობლემა ის არის, რომ ხშირ შემთხვევაში, „ერთ ქვაბში იხარშება“ ყველა ტიპის დარღვევა. მოქალაქე, რომელიც საცხოვრებელ სახლს აშენებს ან კონსტრუქციას აკეთებს, და დეველოპერი ერთი და იმავე სტანდარტს ექვემდებარებიან. ეს ხშირ შემთხვევაში პრობლემატურია: მოქალაქესთან მიმართებით ზედმეტია, დეველოპერთან მიმართებით კი შეიძლება საკმარისი არ იყოს. მე სანქციებში გამოსავალს არასდროს ვხედავ ხოლმე. მთავარი ის არის, რომ სანქციებამდე არ მივიდეთ.პირველი - ქვეყანას ბევრი ნებართვა არ სჭირდება. უკვე საკმარისად აშენებულია შენობა-ნაგებობები. თავდაპირველად, მიწის ნაკვეთის სამშენებლოდ განვითარებას შევზღუდავდი. შესაბამისი კვლევების საფუძველზე გამოვიკვლევდი საჭიროებას და მშენებლობებს მხოლოდ ამ შესაძლებლობის ფარგლებში დავუშვებდი.მეორე, ყველა დეველოპერმა არ შეიძლება რომ ააშენოს, საქმიანობა ლიცენზირებული უნდა იყოს. ჩვენ უნდა ვიცოდეთ, რომ სანდო კომპანია შემოდის ბაზარზე, დავუდგინოთ მას პირობები და შემდეგ შევაფასოთ, რამდენად სწორად მოქმედებენ ლიცენზირებული კომპანიები.მთავარი ისიც უნდა იყოს, რომ „ჰაერის გაყიდვა“ აიკრძალოს. პროექტის ფარგლებში განაშენიანებას გააკეთებს დეველოპერი და შემდეგ ყიდის. ამ შემოსავლების საფუძველზე აშენებს. ორი კაცი შეამხანაგდება და შედეგად ვიღებთ დაუმთავრებელ, უხარისხო მშენებლობას. ბუნებრივია, ეს რისკია. ამიტომ, თუ განაშენიანების საფუძველზე „ჰაერის გაყიდვას“ ავკრძალავდით, ბაზარზე ისეთი კომპანიები დარჩებოდნენ, რომლებსაც თავიდანვე შეუძლიათ მშენებლობის ფინანსურად და ხარისხიანად უზრუნველყოფა“, - განაცხადა კობა ყალიჩავამ.მისი თქმით, ერთ-ერთი გამოწვევა კვალიფიციური კადრების დეფიციტია.„ძალიან ბევრია სამუშაო კვალიფიკაციის ასამაღლებლად. საზოგადოებაში ცოდნის ამაღლება სფეროს უშველიდა და უფრო მეტად პოზიტივისკენ წაიყვანდა, ვიდრე დღეს გვაქვს“, - განაცხადა კობა ყალიჩავამ.

1793975185

როგორც მან „ბიზნესპარტნიორის“ ეთერში განაცხადა, BARTA-ს მიზანია, წაახალისოს კომპანიები, რომლებსაც აქვთ ამბიცია და ინტერესი, კორპორაციული ანგარიშგება გააუმჯობესონ.„ამ წლების განმავლობაში BARTA ჩამოყალიბდა, როგორც გარკვეული სტანდარტი ქართულ ბიზნესში და უკვე აღიარებაც მოიპოვა. BARTA-ს ჯილდოს ფლობა კომპანიების ხარისხისა და ნდობის მაჩვენებელია. შეიძლება კომპანიამ რომელიმე წელს ვერ გაიმარჯვოს, მაგრამ მას ეძლევა შესაძლებლობა, BARTA-ს ჟიურის თვალით შეაფასოს თავისი ანგარიშგება და დაინახოს, რა მიმართულებით უნდა განვითარდეს, რათა მომდევნო წლებში BARTA-ს ჯილდო მოიპოვოს. ქულები თვალსაჩინოდ არის წარმოდგენილი ვებგვერდზე. განაცხადებს 10 ნოემბრამდე ველოდებით“, – განაცხადა ირინა გორდელაძემ.მისი თქმით, BARTA-ს კონკურსის მიმართ კომპანიების რაოდენობა და ინტერესი სტაბილურად იზრდება.„განაცხადები უფრო მეტად იმ კომპანიებისგან არის შემოსული, რომლებიც BARTA-ს ერთგული მონაწილეები და, რიგ შემთხვევებში, გამარჯვებულებიც არიან. ასევე, სასიხარულოა, რომ განაცხადები ახალი კომპანიებისგანაც მივიღეთ. ზუსტ რაოდენობაზე საუბარი რთულია, რადგან განაცხადების მიღების ვადა ჯერ არ დასრულებულა. ხშირად ხდება, რომ ბოლო დღეს ბევრი განაცხადი შემოდის“, – განაცხადა ირინა გორდელაძემ.მისი თქმით, კონკურსში მონაწილეობა შეუძლიათ საზოგადოებრივი დაინტერესების მქონე პირებსა და მსხვილ კომპანიებს.რაც შეეხება კრიტერიუმებს, ირინა გორდელაძის განმარტებით, მთავარი მოთხოვნაა, კომპანიას ჰქონდეს ხარისხიანი ანგარიშგება და აუდიტის დასკვნა არ იყოს მოდიფიცირებული.„ეს ის ფილტრებია, რომლებსაც ჟიური პირველ რიგში შეამოწმებს. თუ აუდიტის დასკვნა მოთხოვნებს დააკმაყოფილებს, შემდეგ მოხდება ქულების განაწილება და კომპანია კონკურსში მონაწილეობას მიიღებს“, – განაცხადა ირინა გორდელაძემ.მისი შეფასებით, მსგავსი კონკურსების არსებობა ძალიან მნიშვნელოვანია კორპორაციული ანგარიშგებისა და გამჭვირვალობის ხარისხის გასაუმჯობესებლად.„ეს უკვე მერვე წელია, შვიდი კონკურსი ჩატარდა. წლების განმავლობაში ამ კონკურსსა და კომპანიების ანგარიშგების ხარისხს ვაკვირდებოდი. რამდენიმე მიმართულებით გაუმჯობესება შეინიშნება და ამის დასკვნის გაკეთება სხვადასხვა მეთოდით შეგვიძლია. პირველი არის ჟიურის მიერ მინიჭებული ქულები. კომპანიებს, რომლებიც ამ წლების განმავლობაში მონაწილეობენ, პირველ წელთან შედარებით, ქულები საგრძნობლად აქვთ გაუმჯობესებული. დინამიკა ძალიან თვალსაჩინო და მზარდია.გარდა ამისა, კომპანიები პირდაპირ სვამენ კითხვას, თუ რისი გაუმჯობესება შეუძლიათ და იღებენ შესაბამის უკუკავშირს. როდესაც მომდევნო წელს ანგარიშებს წარადგენენ, ისინი მნიშვნელოვნად გაუმჯობესებულია. BARTA იმისთვის არის დაარსებული, რომ წაახალისოს კომპანიები, რომლებსაც აქვთ ამბიცია და ინტერესი, კორპორაციული ანგარიშგება გააუმჯობესონ“, – განაცხადა ირინა გორდელაძემ.შეგახსენებთ, BARTA 2019 წელს ევროკავშირის და მსოფლიო ბანკის ფინანსური ჩართულობისა და ანგარიშვალდებულების ერთობლივი პროექტის ფარგლებში დაარსდა. BARTA-2026 მხარდაჭერილია მსოფლიო ბანკის ბუღალტრული აღრიცხვის, აუდიტისა და მდგრადობის ანგარიშგების (EAASURE) რეგიონალური პროგრამის მიერ, რომელსაც ფინანსური და მდგრადობის ანგარიშგების რეფორმების ცენტრი (CFRR) ახორციელებს.

1793974955

მისი თქმით, დოკუმენტში, მათ შორის, ასახულია პენსიის ზრდა ინდექსაციაზე უფრო მაღალი მოცულობით, ასევე გაზრდილია საყოველთაო ჯანდაცვის დაფინანსება. „ჯამში, 2027 წლის ბიუჯეტში მაკროეკონომიკური პარამეტრები შეცვლილი არ არის, თუმცა ასახულია პარლამენტის მხრიდან გამოთქმული შენიშვნებისა და წინადადებების უმეტესობა, მათ შორის, ასახულია პენსიის ზრდა ინდექსაციაზე უფრო მაღალი მოცულობით. დაახლოებით, იგივე პროცენტული მაჩვენებლით იზრდება 70 წლამდე პირთა პენსია, რაც 70 წელზე ზევით მეტი ასაკის პირთა პენსია. ამავდროულად, შეზღუდული შესაძლებლობის მქონე პირთა პენსიაც და ისევე, როგორც 70 წლამდე პირთა პენსია, ინდექსაციის მიღმა იზრდება. ამ მიმართულებებით, ჯამში, 150 მლნ ლარზე მეტია გამოყოფილი. გარდა ამისა, გაზრდილია საყოველთაო ჯანდაცვის დაფინანსება. მნიშვნელოვანი მიმართულება უკავშირდება იძულებით გადაადგილებულ პირთა საცხოვრებელი სახლების უზრუნველყოფის ნაცვლად კომპენსაციების თანხის გამოყოფას. ამ მიმართულებით, 2026-2027 წლებში, ჯამში, 300 მლნ ლარზე მეტი იქნება გამოყოფილი. გარდა ამისა, დამატებითი რესურსები გამოიყო თავდაცვისა და პოლიციის მიმართულებით. ასევე, მნიშვნელოვანია სოფლის მეურნეობის მიმართულებით ახალი ინიციატივების დაფინანსება“, - განაცხადა ფინანსთა მინისტრის პირველმა მოადგილემ. როგორც მან აღნიშნა ორშაბათს პარლამენტში, ასევე, დარეგისტრირდება 2026 წლის ბიუჯეტში ცვლილებების პროექტი. „ეს არის 2027 წლის ბიუჯეტის, გარკვეულწილად, შემავსებელი დოკუმენტი. ჩვენ წელს უფრო მაღალი ეკონომიკური ზრდა გვაქვს, ვიდრე თავიდან იყო დაგეგმილი, რაც დამატებით შემოსავლებს გვაძლევს. დამატებითი რესურსი გამოყენებულ იქნა ერთი მხრივ, ბიუჯეტის დეფიციტის შესამცირებლად, მეორეს მხრივ, იმ საჭიროების დასაფინანსებლად, რაც წლის განმავლობაში გამოიკვეთა. ამავდროულად, გარკვეული რესურსები გამოიყო იმ პროექტებზე, რომელთა განხორციელება დაგეგმილია მომდევნო წელს“, - აღნიშნა გიორგი კაკაურიძემ.

1793972130