ბიტკოინის ღირებულება კვლავ იზრდება

წლიური ინფლაცია, ზედიზედ მეორე თვეა, 3%-იან მიზნობრივ მაჩვენებელს აღემატება, ხოლო მიმდინარე წლის აპრილში 3.4% შეადგინა. მიუხედავად იმისა, რომ 2025 წელს მიზნობრივზე მცირედით მაღალი ინფლაცია ჯერ კიდევ შარშან ჩვენს საბაზო სცენარს წარმოადგენდა, უნდა აღინიშნოს, რომ ბოლო რამდენიმე თვის განმავლობაში ინფლაციური წნეხი შედარებით გაზრდილია. კერძოდ, სეზონურად შესწორებული და გაწლიურებული თვიური ინფლაცია ბოლო 6 თვეში, წინა პერიოდებთან შედარებით, საკმაოდ მაღალია. გარდა ამისა, ნაწილობრივ ამოწურვის მიუხედავად, წლიური ინფლაციის მაჩვენებლებზე ჯერ კიდევ შემცირების მიმართულებით მოქმედებს ფასების ერთჯერადი ცვლილების ეფექტები რიგ პროდუქტებზე. ჩვენი მოლოდინით, ინფლაცია წლის განმავლობაში მცირედით კვლავ გაიზრდება და დეკემბრისთვის, დაახლოებით, 4%-ს მიაღწევს.2025 წლის პირველ ოთხ თვეში საშუალო ინფლაციამ 2.8% შეადგინა. შედარებისთვის, 2024 წელს საშუალო ინფლაცია 1.1% იყო. რასაკვირველია, ინფლაციის აჩქარება, გარკვეულწილად, შარშანდელი დაბალი საბაზო ეფექტითაც არის განპირობებული. 2024 წლის საშუალოსთან შედარებით, ინფლაცია ყველაზე მეტად შერეულ პროდუქტებზეა გაზრდილი, ხოლო იმპორტულ პროდუქციაზე ინფლაცია, პირიქით, შემცირებულია. პარალელურად, ადგილობრივ პროდუქტებზე ფასების ზრდა, უკვე სამი თვეა, მიზნობრივ მაჩვენებელს აჭარბებს. აღნიშნულში საკუთარი წვლილი მარტსა და აპრილში პურის გაძვირებამაც შეიტანა, თუმცა ადგილობრივი ინფლაცია ამ ეფექტის გარეშეც მიზნობრივზე მაღალი იქნებოდა. ფასების დინამიკა ადგილობრივ პროდუქციაზე საყურადღებო ინდიკატორია, რადგან იგი შედარებით ხისტია და უკეთ ასახავს ადგილობრივ ბაზარზე არსებულ ტენდენციებს.ამავდროულად, ადგილობრივად წარმოებული პროდუქცია შუალედური მოხმარებისთვის იმპორტის საკმაოდ მაღალ კომპონენტსაც მოიცავს. შესაბამისად, ჩვენი აზრით, ინფლაციური მოლოდინებისა და გრძელვადიანი ტრენდის შეფასებისთვის ყველაზე შესაფერისი მომსახურების ინფლაციაა, რადგან იგი ნაკლები მერყეობითა და იმპორტული კომპონენტის შედარებით მცირე წილით ხასიათდება. ინფლაციის ამ კუთხით ანალიზი აჩვენებს, რომ 2025 წელს ჯამური ინფლაციის აჩქარება მთლიანად საქონლის ინფლაციის ზრდით იყო განპირობებული, მაშინ როდესაც მომსახურების ინფლაცია ფაქტობრივად არ შეცვლილა. მეორე მხრივ, გასათვალისწინებელია ინტერნეტის გადასახდელის შემცირების ერთჯერადი ეფექტი, რომლის გარეშეც მომსახურების ინფლაცია აპრილში მიზნობრივ 3%-იან მაჩვენებელზე მცირედით მაღალი იქნებოდა. საყურადღებოა, რომ მომსახურების ინფლაციაში აჩქარება შეინიშნება სეზონურად შესწორებულ თვიურ ჭრილში, რაც, თუ ეკონომიკური ზრდის მიმდინარე შეფასებას გავითვალისწინებთ, ამ არხიდან ფასებზე გადაცემის მექანიზმთან თანხვედრაშია. რაც შეეხება საქონლის ინფლაციას, ზრდაში ერთ-ერთი მსხვილი წვლილი საკვებზე ფასების მატებამ შეიტანა.თავის მხრივ, საკვებზე ფასების ზრდა განპირობებულია როგორც ადგილობრივი, მათ შორის ზემოაღნიშნული პურის ფასების, ასევე გლობალური ფაქტორებით. მიუხედავად იმისა, რომ სამომხმარებლო კალათაში საკვები პროდუქციის უმრავლესობა ადგილობრივად წარმოებულად არის კლასიფიცირებული, როგორც ზემოთ ითქვა, მრავალი პროდუქტი იმპორტულ კომპონენტებს მოიცავს. რაოდენობრივი შეფასებით, ვლინდება მჭიდრო კავშირი სურსათზე გლობალურ ფასებს, ლარის გაცვლით კურსსა და ადგილობრივ ბაზარზე სურსათის ფასებს შორის. თავისთავად, ცალკეული საკვები პროდუქტის შემთხვევაში ეს კავშირი კიდევ უფრო ძლიერია. რასაკვირველია, გლობალური ფასებისა და გაცვლითი კურსის გადაცემის მექანიზმი ძალზე გამოკვეთილია სრულად იმპორტული პროდუქტების მაგალითზე, როგორიცაა საწვავი. აპრილში ბენზინის ფასების კლებამ წლიური ინფლაციის შემცირებაში 0.2 პროცენტული პუნქტის წვლილი შეიტანა, რაც ჩვენს მოლოდინებთან თანხვედრაშია. თუ გლობალური ფასები არსებულ დონეზე შენარჩუნდა, ინფლაციის შემცირების კუთხით კონტრიბუცია პოტენციურად 0.5 პროცენტულ პუნქტს ან მცირედით მეტსაც კი მიაღწევს.რაც შეეხება ინფლაციის უფრო ანალიტიკურ მაჩვენებლებს, როგორიცაა სხვადასხვა მეთოდით გაანგარიშებული საბაზო ინფლაცია, ბოლო 6 თვის განმავლობაში აჩქარება ამ კუთხითაც შეინიშნება, თუმცა აპრილში, წინა თვეებთან შედარებით, ინფლაციური ზეწოლა ნაკლებად გამოკვეთილი იყო. გარდა ამისა, გამოვყოფთ მწარმოებელთა ფასების ინდექსის დინამიკას, რომელიც ხშირად სამომხმარებლო ფასების წინმსწრები მაჩვენებელია და, მარტის მდგომარეობით, შედარებით მაღალ ნიშნულზე ნარჩუნდება.საერთაშორისო ფასების კუთხით, აღსანიშნავია, რომ, მარტის მდგომარეობით, გაზრდილია როგორც ექსპორტის, ასევე იმპორტის ფასების ინდექსები. ამავე დროს, საერთაშორისო ბაზრებზე ბოლო პერიოდში ფართო მოხმარების საქონელი კლების ტენდენციით ხასიათდება, რაც ინფლაციაში, სავარაუდოდ, სრულად ჯერ არ ასახულა. რაც შეეხება ლარს, მართალია, დოლარის გლობალური გაუფასურების ფონზე ლარი დოლართან მიმართებით მცირედით გამყარდა, თუმცა კიდევ უფრო მეტად გამყარდა საქართველოს მთავარი სავაჭრო პარტნიორი ქვეყნების ვალუტები. ამდენად, ლარის რეალური ეფექტური გაცვლითი კურსი, შეწონილი სავაჭრო პარტნიორების ვალუტების მიმართ, პირიქით, გაუფასურდა. გრძელვადიან ტრენდზე დაკვირვებით, ლარი მიმდინარე პერიოდში წონასწორულთან შედარებით მცირედით გაუფასურებულია, რაც იმპორტული პროდუქციის გაძვირების გარკვეულ რისკს შეიცავს.დასასრულს, გამოვყოფთ ორ შედარებით უფრო სტრუქტურულ საკითხს. პირველი; მიმდინარე მდგომარეობით, შრომის ბაზრიდან ინფლაციაზე ზეწოლა არ იკვეთება. მიუხედავად ბოლო ორი-სამი წლის განმავლობაში ეკონომიკაში რეალური ხელფასების მნიშვნელოვანი მატებისა, გაზრდილია შრომის პროდუქტიულობის მაჩვენებელიც, რის გამოც წარმოების ერთეულზე სახელფასო ხარჯი რეალურ გამოსახულებაში განსაკუთრებულად არ შეცვლილა. შესაბამისად, ამ კუთხით ინფლაციური ზეწოლის წარმოქმნის წინაპირობა რეალური ხელფასების მხოლოდ დამატებით გამოკვეთილი ზრდა შეიძლება გახდეს. მეორე; ფართო რეგიონის ქვეყნების ინფლაციის მონაცემთა რაოდენობრივი ანალიზით ვლინდება, რომ როგორც საქართველოში, ასევე რეგიონის ქვეყნებში ბოლო ათი წლის განმავლობაში ინფლაციის დინამიკას ძირითადად საერთო რეგიონული ფაქტორები განსაზღვრავდა, ხოლო ადგილობრივ ფაქტორებზე შედარებით მცირე წვლილი მოდიოდა. კერძოდ, საქართველოს შემთხვევაში, ინფლაციის, დაახლოებით, 75% სწორედ ამ საერთო ფაქტორებით აიხსნება.

1747129885

14 მაისი, 20:00 — ბიზნეს იდეის გენერირება, რეგისტრაცია და იურიდიული ფორმის შერჩევა (დავით მარკოზაშვილი); 21 მაისი , 20:00 — ბაზრის კვლევა, სეგმენტაცია, კონკურენტული ანალიზი (ვასკა ჩუბინიძე); 28 მაისი, 20:00 — გუნდის შექმნა და მართვა (ნინო ოხანაშვილი); 4 ივნისი , 20:00 — ფინანსური პროექცია და დაფინანსების მოძიება (გიგა ფაიქიძე); 11 ივნისი, 20:00 — ბრენდინგი და კომუნიკაციის სტრატეგია (მარიამ ბებიაშვილი); 18 ივნისი, 20:00 — ბიზნესის გაციფრულება და ელ-კომერცია (გიორგი ბერეჩიკიძე).  პირველ სესიაზე რეგისტრაციისთვის ეწვიეთ ბმულს.აღსანიშნავია, რომ ბიზნეს სესიები საქართველოს ბანკის ბიზნეს განათლებისა და ბიზნეს 360°-ის შემადგენელი ნაწილია. მასზე ხელმისაწვდომია 60-მდე კურსი სხვადასხვა თემატიკაზე. ხოლო ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1747129816

„მივიღე გადაწყვეტილება ბათუმის მერის თანამდებობის დატოვების შესახებ. ქალაქის ხელმძღვანელად ყოფნა იყო დიდი პატივი და მნიშვნელოვანი პასუხისმგებლობა. მინდა მადლობა გადავუხადო ბათუმელებს გამოცხადებული ნდობისა და მხარდაჭერისთვის, მადლობა იმ გუნდს, რომელთან ერთადაც წლების განმავლობაში ვმუშაობდი ჩვენი ქალაქის საკეთილდღეოდ. განსაკუთრებული მადლობა მინდა გადავუხადო ქართული ოცნების დიდ ოჯახს და, რა თქმა უნდა, ვრჩები ამ გუნდის ერთგულ წევრად“, – წერს ჩიქოვანი.ჩიქოვანი თანამდებობას 2021 წლიდან იკავებდა.  2020 – 2021 წლებში კი მერის მოვალეობის შემსრულებელი იყო.

1747127908

კერძოდ, Lion Finance Group-ის (BGEO LN) აქციები დაიხურა 65.35 ბრიტანულ ფუნტ სტერლინგში (GBP), +7.75% წინა კვირასთან შედარებით და +33.69% გასულ თვესთან შედარებით. ვაჭრობის მოცულობამ 227 ათას აქციაზე მეტი შეადგინა, GBP 60.30 - 65.55 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 54 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 43.85 ბრიტანულ ფუნტ სტერლინგში (GBP), -6.70% წინა კვირასთან შედარებით და +18.03% გასულ თვესთან შედარებით. ვაჭრობის მოცულობამ 647 ათას აქციაზე მეტი შეადგინა, GBP 41.05 - 49.00 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 103 ათასი აქცია შეადგინა.Georgia Capital-ის (CGEO LN) აქციები დაიხურა 19.16 ბრიტანულ ფუნტ სტერლინგში (GBP), +14.05% წინა კვირასთან შედარებით და +55.02% გასულ თვესთან შედარებით. ვაჭრობის მოცულობამ 671 ათას აქციაზე მეტი შეადგინა, GBP 16.46 - 19.44 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 123 ათასი აქცია შეადგინა.

1747127351

„ეროვნული ბანკის თანმიმდევრული ქმედებები, თუნდაც მანამდე როდესაც გასამკაცრებელი იყო პოლიტიკა და ეროვნულმა ბანკმა თამამად გაამკაცრა მონეტარული პოლიტიკა, შემდეგ როდესაც იყო ამისი შესაძლებლობა, თამამად შეამცირა საპროცენტო განაკვეთი, სწორედ ამ თანმიმდევრული მოქმედების შედეგია ის, რომ ნდობაა ეროვნული ბანკის მიმართ, რაც გამოისახება იმაში, რომ ინფლაციური მოლოდინები არის სტაბილური. აქვე მინდა აღვნიშნო, რომ ყველას ინფლაციური პროგნოზი არის მიზნობრივ მაჩვენებელთან ახლოს. გარდა რისკების ანალიზისა ჩვენ ასევე გვაქვს ცენტრალური პროგნოზიც.ჩვენი ცენტრალური პროგნოზის მიხედვით, რომელიც ასევე მოიაზრებს რისკების გარკვეულ რეალიზაციას, ამ პირობებშიც კი ველოდებით, რომ 2025 წელს საშუალოდ ინფლაცია დაახლოებით 3.8 % იქნება - მიზნობრივ მაჩვენებელთან ახლოს. საშუალო ვადიან პერიოდში ინფლაცია 3%-თან ახლოს შენარჩუნდება. ასევე, განვაახლეთ ეკონომიკური ზრდის პროგნოზი. ეკონომიკური ზრდის პროგნოზი დაახლოებით 5-დან 6.7%-მდე გავზარდეთ იმიტომ, რომ ვხედავთ, რომ პირველ კვარტალშიც მაღალი ეკონომიკური აქტივობა და ძლიერი ეკონომიკური აქტივობა შენარჩუნდა და პირველი კვარტლის მონაცემებით 9.3% არის. ასევე ვხედავთ, ვაანალიზებთ იმასაც თუ რა დგას ამ ძლიერი ეკონომიკური ზრდის უკან და ძირითადად ამის განმაპირობებელი არის მაღალპროდუქტიულ სექტორში მაღალი ზრდა, რაც მიუთითებს იმაზე, რომ ერთობლივ მოთხოვნასთან ერთად ქვეყნის ეკონომიკის წარმოების პოტენციალი იზრდება და ეს არის განმაპირობებელი მაღალი ეკონომიკური ზრდის. ერთობლივ მოთხოვნასთან ერთად პოტენციალიც იზრდება შესაბამისად, ინფლაციაზე და ფასებზე დამატებით ზეწოლას არ ქმნის და ასეთ პირობებში ყალიბდება ერთი მხრივ არის დაბალი ინფლაცია და მეორე მხრივ მაღალი ეკონომიკური ზრდა“, - განაცხადა თამთა სოფრომაძემ. 

1747127269

„ეს არის გარკვეული ბუფერი, რომელსაც გამოიყენებ იმისთვის, რომ ნეგატიური ზეგავლენები რაც მოდის ეგზოგენური საგარეო შოკებიდან გაანეიტრალონ. შესაბამისად, რეზერვების მართვის პოლიტიკა არის ის, რომ გვქონდეს ადეკვატურ დონეზე, საჭირო დონეზე. ადეკვატურობის დონის შეფასებისას რაც არსებობს საერთაშორისო ინდიკატორები არის გარკვეული მინიმუმი ზღვარი და არის ასევე მაქსიმალური ზღვარი. რეზერვების უსასრულო დაგროვება არც ერთი ქვეყნის მიერ არ ხდება და გარკვეული ეტაპის შემდეგ, ეს შეიძლება ხარჯიანიც იყოს. აქედან გამომდინარე, როდესაც საერთაშორისო სავალუტო ფონდი აფასებს რეზერვების ადეკვატურობას არის გარკვეული მინიმუმი და არის გარკვეული მაქსიმუმი. ჩვენი მიზანი ყოველთვის არის, რომ რეზერვები ამ ადეკვატურობის ფარგლებში გვქონდეს. როდესაც ბაზარი გვაძლევს ამის შესაძლებლობას ყოველთვის ეროვნული ბანკი არის კონცენტრირებული იმაზე, რომ რეზერვები დააგროვოს და საჭიროება როცა დგება, საჭირო ხდება ამ გარე ფაქტორების განეიტრალება - ინტერვენციების სახით ბაზარს მიაწოდო შესაბამისი უცხოური ვალუტა. რომ შევაჯამოთ გასული წელი და წლევანდელი წელი რა ტენდენციებიც არის, არის ის, რომ იყო ბაზარზე გარკვეული უარყოფითი მოლოდინებით გაჩენილი რყევები და ეროვნული ბანკის სტრატეგიის შესაბამისად, როდესაც გაცვლითი კურსის მერყეობას ჭარბი ფაქტორები და არა ფუნდამენტური ფაქტორები იწვევს ეროვნული ბანკი ერევა.ჩვენ მცურავი გაცვლითი კურსის რეჟიმი გვაქვს და გაცვლით კურსს საბოლოო ჯამში ეკონომიკის ფუნდამენტური ფაქტორები აყალიბებს. შარშან იყო ის მომენტი, რომ ეკონომიკური, ფუნდამენტი ფაქტორები იყო ძლიერი, აქედან გაცვლით კურსზე ზეწოლა არ მომდინარეობდა, თუმცა უარყოფითი მოლოდინებიდან და სენტიმენტებიდან გამომდინარე წარმოიქმნა ჭარბი ზეწოლა და ინტერვენციებით ეროვნულმა ბანკმა ეს ჭარბი ზეწოლა გაანეიტრალა. იქიდან გამომდინარე, რომ ეკონომიკური მდგომარეობა იყო ძლიერი, გაცვლითი კურსის ტენდენცია შემოტრიალდა და ამ ტენდენციებიდან გამომდინარე ეროვნულ ბანკს ჰქონდა შესაძლებლობა რეზერვები დაეგროვებინა და ნოემბერშიც, დეკემბერშიც და მარტის მონაცემებითაც, რაც უკვე გამოქვეყნებული არის, ეროვნულმა ბანკმა წმინდა შესყიდვები განახორციელა.  აპრილის მდგომარეობით, საერთაშორისო რეზერვები წინა თვესთან შედარებით 208 000 000-ით გაიზარდა და 4 500 000 000 არის. ასევე მინდა ხაზი გავუსვა იმასაც, რომ გარდა ამ პოლიტიკისა მნიშვნელოვანი არის სარეზერვო აქტივები. აქედან გამომდინარე, შარშან ეროვნულმა ბანკმა მიიღო გადაწყვეტილება, რომ აქტივების დივერსიფიკაცია გაეკეთებინა და დაემატა ოქრო, როგორც ერთ-ერთი აქტივი და ოქროს ფასის ზრდიდან გამომდინარე ოქრო შესყიდვის მომენტიდან დღემდე დაახლოებით 250 000 000 -მდე დამატებითი შემოსავალი მივიღეთ რეზერვებში“, - აცხადებს თამთა სოფრომაძე.

1747127116