თბილისის ტრამვაი, 1904-2012 წლები – 200 უნიკალური ფოტო პირადი არქივებიდან

მისივე თქმით, ახალი პორტების მშენებლობასთან ერთად, პირველ რიგში და დროულად, არსებული პორტების გამტარუნარიანობის გაუმჯობესებაზე უნდა ვიზრუნოთ.ამასთან, Camex Airlines-ის ხელმძღვანელი საუბრისას, როგორც საგზაო, ასევე სარკინიგზო ინფრასტრუქტურის გაუმჯობესებას და ავიაციის მიმართულებით არსებულ პოტენციალსა და გამოწვევებსაც შეეხო.„რაც შეეხება საგზაო ინფრასტრუქტურას, გეგმის მიხედვით ვითარდება და იმედი მაქვს, რომ მომდევნო დაახლოებით 2-3 წლის განმავლობაში საგზაო ინფრასტრუქტურას საკმაოდ სერიოზული სიმძლავრეები დაემატება. ამასთან, ამ მიმართულებით,  ერთ-ერთი მთავარი, რა თქმა უნდა, რკინიგზის განვითარებაა.ავიაციის მიმართულებით პოტენციალი კიდევ გვაქვს, მომავალი 2 წლის განმავლობაში, რომ გაორმაგდეს. ეს გამოიხატება სატვირთო ხომალდების დამატებაში - ქართულმა ოპერატორებმა რომ დაიმატონ ეს ხომალდები, რაც მარტივი არ არის, რადგან დღეს მსოფლიოში სატვირთო თვითმფრინავების ნაკლებობაა და მომავალი დაახლოებით 5-6 წლის განმავლობაში ეს დეფიციტი კიდევ შესამჩნევი იქნება“ - აღნიშნა Camex Airlines-ის ხელმძღვანელმა, გიორგი სეთურიძემ.

1745574475

„მსოფლიოში მიმდინარე დაპირისპირებების ფონზე საქართველომ შეძლო მშვიდობის, ბიზნესის განვითარებისთვის, ინვესტირებისთვის ხელსაყრელი და მიმზიდველი გარემოს შენარჩუნება, მსხვილი ინფრასტრუქტურული/საინვესტიციო პროექტების შეუფერხებლად გაგრძელება და ახლის დაანონსება, ექსპორტის და ტურისტული ნაკადების გაზრდა. ეს პროცესი ყველაზე მეტად კონკურენციის კანონმდებლობის აღსრულების ნაწილზე კონცენტრაციების - იგივე ბიზნესის გამსხვილების კუთხით აისახა. 2024 წელს, GCCA-ს მიერ 18 თანხმობა იქნა გაცემული. მათ შორის, 2 სპეციალური ვალდებულებებით. ეს თითქმის კონცენტრაციების იგივე რაოდენობაა, რაც 2020-2023 წელს ერთად აღებული. მიზეზი ორია - ეფექტური მონიტორინგი და საქართველოში ბიზნეს სექტორის დინამიური განვითარება. ყველაზე მეტი გამსხვილება FMCG, მშენებლობა/სამშენებლო მასალების და წარმოების სექტორში განხორციელდა.მოკვლევების კუთხით 2 ქეისი დასრულდა. მათ შორის, ერთში იქნა დადგენილი არაკეთილსინდისიერი კონკურენციის ფაქტი და მეორეში გაიცა მნიშვნელოვანი რეკომენდაცია ონლაინ სერვისების ბაზარზე კონკურენციული გარემოს გაუმჯობესების მიზნით. მიმდინარე რეჟიმში რჩება ფარმაცევტული, ავტოსადგომების, თევზის და ონლაინ სერვისების ბაზარზე 4 მოკვლევა. ვფიქრობ, 2025 წელს, მნიშვნელოვანი გადაწყვეტილებები და რეკომენდაციები იქნება გაცემული.დასრულდა აგროპროდუქტების - თხილის და ლურჯი მოცვის საექსპორტო ბაზრების მონიტორინგი. GCCA-ს შეფასებით ბაზრები დინამიურია, საკმარისი რაოდენობის ექსპორტიორი კომპანია ოპერირებს და კონკურენციაც აქტიურია. მაღალი საზოგადოებრივი ინტერესიდან გამომდინარე გრძელდება - FMCG, საავტომობილო საწვავის და თამბაქოს ბაზრების მონიტორინგი. ამ ბაზრების დინამიური განვითარების და შედარებით მაღალი კონცენტრირების ფონზე შეფასებები და გამოწვევებიდან გამომდინარე რეკომენდაციები მნიშვნელოვანია. შესაბამისად, GCCA-ი ამ კუთხით პროაქტიულ ქმედებას გააგრძელებს და საჭიროების შემთხვევაში უზრუნველყოფს ეფექტურ ჩარევას.ვფიქრობ, ეფექტური იყო GCCA-ის მოქმედება დემპინგური იმპორტის თემაზე, სადაც კონკრეტულ სექტორში ადგილობრივი ინდუსტრიის დაცვის, მათი სამართლიანი მოთხოვნით იმპორტიორებმა უზრუნველყვეს კონკურენტული ფასების ფორმირება, შესაბამისად, შესწავლა მორიგებით დასრულდა. დაწყებული იქნა რუსეთიდან და ირანიდან ფოლადის პროდუქციის შესაძლო იმპორტის საქმე, რომელიც მიმდინარეობს და რეკომენდაციები, დიდი ალბათობით, 2025 წელს გახდება ცნობილი.მომხმარებლების დაცვის კუთხით მომართვიანობა თითქმის გაორმაგებულია, რაც მომხმარებლების უფრო მეტ ინფორმირებულობაზე მიუთითებს. უმრავლესობა პრეტენზია ონლაინ ვაჭრობის დროს ტანსაცმლის და საყოფაცხოვრებო ტექნიკის შესყიდვაზე მოდის, შემდეგ მოდის გადაზიდვების/მიტანის და სარესტორნო სერვისების მიმართულებები. GCCA-ს მიერ მიღებული იქნა 10 სამოქმედო სტანდარტი. მათ შორის, ყველაზე მნიშვნელოვანი მომხმარებლების დაცვის კუთხით არის - ფასდაკლებების, დეტალური ინფორმირების, კვების მენიუში ფასის მითითების, ქართულ ენაზე სერვისის მიწოდების საკითხები. მომხმარებლის უფლებების დაცვის კანონმდებლობის აღსრულების დაწყებიდან 2 წლისთავზე, მსოფლიო ბანკის (World Bank Group) მიერ, GCCA-ს ერთ-ერთი ქეისი საუკეთესოდ იქნა მიჩნეული 40 ქვეყანას შორის და შესაბამისი პრიზიც იქნა მოპოვებული, რაც, ვფიქრობ, მნიშვნელოვანი მიღწევაა და საამაყოა“, - განაცხადა საქართველოს კონკურენციისა და მომხმარებლის დაცვის სააგენტოს თავმჯდომარე ირაკლი ლექვინაძემ.GCCA-ის წლიური ანგარიშის მიხედვით, 2014-2024 წლებში, 57 მოკვლევის პროცესი დასრულდა და 102 სავალდებულოდ შესასრულებელი რეკომენდაცია გაიცა. სააგენტოს მიერ დაკისრებული ჯარიმების მოცულობამ ჯამში შეადგინა - 116 225 003.55 ლარი. დასრულდა 15 ბაზრის მონიტორინგი. თანხმობა გაიცა 50 კონცენტრაციებზე.მომხმარებლის უფლებების დაცვის მიმართულებით, 2022-2024 წლებში, სულ შემოვიდა - 1468 განაცხადი, დადასტურდა - მომხმარებელთა ჯგუფის უფლების 158 დარღვევის ფაქტი (282 საქმე), ხოლო პირობითი ვალდებულების ხელშეკრულების ფორმატში გაფორმდა - 261 შეთანხმება (354 საქმე). ანტიდემპინგური ღონისძიებების მიმართულებით, 2021-2024, დასრულდა 2 საქმის შესწავლა და 3 სექტორული მონიტორინგი.წლიური ანგარიში ვრცლად", - აღნიშნულია ინფორმაციაში.

1745574312

,,რუსული ფქვილის ფასები ძალიან მაღალია. შემომტანებს ვეკითხებით და გვეუბნებიან, რომ გაიზარდა გადასახადი. ტონაზე გახდა 300 ლარი. შემომტანებს შემოტანის საშუალება გადაუკეტეს. მეუბნებიან, რომ 3 ათასი ტონა ფქვილი შემოდისო რუსეთიდან. სად არის ეს ფქვილი? ჩემთვის გაუგებარია, რადგან ხელმისაწვდომობა არ აქვთ პურის მცხობელს. პურის მცხობელები ვერ ყიდულობენ რუსულ ფქვილს. ამაშია ძირითადად ჩვენი თავის ტკივილი. თუ იყიდიან შეიძლება გაკოტრდნენ. ყველა ვერ შეძლებს ყიდვას. ჩადენილი არის ბოროტება. ცალმხრივად ნაფიქრალია. არ შეიძლება ასე. მე მიმაჩნია, რომ ეს არ არის სწორი. თუ საბაზრო ეკონომიკა გვაქვს, საბაზრო ეკონომიკაში უნდა მქონდეს არჩევანის საშუალება.’’- აცხადებს მალხაზ დოლიძე.რატომ არის რუსული ფქვილი მნიშვნელოვანი ქართული პურის წარმოებისთვის? მალხაზ დოლიძე განმარტავს, რომ ქართული ფქვილი თავისი ხარისხით ვერ უზრუნველყოფს ხარისხიანი პურის წარმოებას, რის გამოც მცხობელები ცომში რუსულ ფქვილს ურევენ. მალხაზ დოლიძე აცხადებს, რომ პურის ფასის შენარჩუნება მისი ხარისხის დათმობით იქნება შესაძლებელი.,,ფასს შევინარჩუნებთ, მაგრამ ხარისხზე ვლაპარაკობთ. ხარისხზე იმოქმედებს ეს. 100 კგ. ფქვილში უნდა ჩავაბარო 130 კგ. პური. ქარხნის გამოსავლიანობაზეც მოქმედებს. თუ წყლის შთანთქმის უნარი არ აქვს ფქვილს, მე გამოსავალი როგორ გამომივა. ეს ძალიან ცუდია ტექნოლოგიური პროცესისთვის, რადგან ტექნოლოგია განიხილავს, იმას რომ ძლიერი და სუსტი ფქვილები უნდა შეურიო და ისინი ერთმანეთს აბალანსებენ. რუსულ ფქვილს გააჩნია მაღალი წებოგვარა, გლუტენი, პროტეინი, რომელიც პურის ცხობისთვის აუცილებელია. თუ გვინდა ხარისხიანი პური მივიღოთ, როდესაც ფქვილი ცოტა სუსტია მას უნდა შეურიო მაღალი ხარისხის ფქვილი. რუსული ხორბალი გამოიყენება შერევის მიზნით. როდესაც ვლაპარაკობთ მაღალ ხარისხზე, აქ საუბარი არის წებოვნებაზე. მთავარია, რომ მშრალმა ნივთიერებამ წყლის შთანთქმა შეძლოს და პური იყოს ელასტიური, ფაფუკი და ტექნოლოგიურ პროცესში მოგვცეს კარგი გამოსავლიანობა.’’- აცხადებს მალხაზ დოლიძე.„საქართველოს პურის მრეწველთა კავშირის“ თავმჯდომარე აცხადებს, რომ მცხობელებს ხელი უნდა შეეწყოთ და ფქვილის შეძენის დროს მათ არჩევანის გაკეთების საშუალება უნდა ჰქონდეთ.  მალხაზ დოლიძე მიიჩნევს, რომ გადასახადის დაწესებით სექტორი ახალი გამოწვევის - პურის ხარისხის შენარჩუნების წინაშე დადგა.,,მცხობელმა თუ ვერ იყიდა ფქვილი როგორ შეურევს? ხომ უნდა ვიყიდო ბაზარზე? უმაღლესი ხარისხის ფქვილი ერთი ტომარა 20 ლარით გაძვირდა. ისედაც ტენდენცია იყო ფასების მომატების. ამ დროს შენ საერთოდ გადაკეტო ეს საშუალება, ეს არის ვიღაცის მიერ შეგნებულად გაკეთებული და ეს არის დიდი ბოროტება. პურის ხარისხი უკეთესი უნდა იყოს და ამის საშუალება უნდა მოგვცენ. დღეს ყველა წარმოება მუშაობს დეკლარირებულ სტანდარტზე. ეს რას ნიშნავს? შენ როგორც მიგაჩნია, როგორი უნდა იყოს საუკეთესო პური, რომ ბაზარზე ყველას აჯობო, თავად შეიმუშავებ სტანდარტს. მინდა 5 კგ.-ს შევურევ, მინდა 7 კგ.-ს შევურევ. მცხობელებს უნდა შევუწყოთ ხელი როგორც ფასში, ასევე ხარისხში ხელმისაწვდომობაში. როდესაც გექნება რუსული ფქვილი ქართული წისქვილი ეცდება, რომ თავისი ხარისხი ასწიოს რუსული ფქვილის დონეზე და ფასზე. ჩვენ რა გავაკეთეთ? ის მოვსპეთ და დავტოვეთ ერთი მოთამაშე ბაზარზე. არავითარი შეჯიბრითობა და არავითარ ხარისხზე საუბარი არ არის აქ. ეს არ პასუხობს იმ მოთხოვნებს, რაც საჭიროა საბაზრო ეკონომიკისთვის და დარგის განვითარებისთვის. დააქცევდა ვინმეს, რომ გვქონოდა საშუალება, რომ შეგვერია ფქვილები ერთმანეთში და კარგი ხარისხის პური გამოგვეცხო?’’- აცხადებს მალხაზ დოლიძე.„საქართველოს პურის მრეწველთა კავშირის“ თავმჯდომარე იმედოვნებს, რომ გარემოს დაცვისა და სოფლის მეურნეობის სამინისტროში უახლოეს პერიოდში შეხვედრა გაიმართება, სადაც ის მცხობელების პოზიციას დააფიქსირებს და პრობლემის მოგვარების გზებზე ისაუბრებს. commersant.ge

1745573183

მისი თქმით, საქართველოს აქვს ისტორიულად საუკეთესო შედეგი.„ძალიან კარგი პროგნოზი გამოაქვეყნა საერთაშორისო სავალუტო ფონდმა 2030 წლის ჩათვლით - მსოფლიო ეკონომიკური ზრდის მაჩვენებლები, როგორც მსყიდველუნარიანობის პარიტეტის მიხედვით, ისე რეალურ გამოხატულებაში. საქართველოს აქვს ისტორიულად საუკეთესო შედეგი. პირველად მოხდა, რომ საერთაშორისო სავალუტო ფონდის შეფასებით, საქართველო ერთ სულზე რეალური და მსყიდველუნარიანი ეკონომიკის ზრდით, 21-ე საუკუნის საუკეთესო სამეულშია და ამ ლიდერობას 2030 წლის ჩათვლით ინარჩუნებს - ანუ 2030 წელს, 30-წლიანი ეკონომიკური ზრდით, 21-ე საუკუნის მაჩვენებლით ჩვენი ქვეყანა იქნება საუკეთესო სამეულში.გარდა ამისა, გაანალიზებულია 2012 წლის შემდგომ მიღწეული პროგრესი, სადაც ასევე ძალიან კარგი შედეგია. 2012 წლის შემდეგ ერთ სულზე რეალური ეკონომიკის 12-წლიანი ზრდით საქართველო მსოფლიოს საუკეთესო ხუთეულშია, 2028 წლიდან კი საუკეთესო სამეულში გადაინაცვლებს 2012 წლის შემდეგ განცდილი პროგრესის მიხედვით. 2012 წლის შემდეგ ერთ სულზე მსყიდვეულნარიანი ეკონომიკის 12-წლიანი ზრდით საქართველო მსოფლიოს საუკეთესო სამეულშია და ამ ლიდერობას 2030 წლისთვისაც ინარჩუნებს. თქვენ გახსოვთ პერიოდი, როდესაც 2012 წლამდე, საქართველო იყო კავკასიის სამეულში და მას ორი ან ერთი ქვეყანა მაინც უსწრებდა ეკონომიკური ზრდით. დღეს ჩვენ გვაქვს სიტუაცია, როდესაც მსოფლიო სამეულში ვართ, 2024 წელს, ერთ სულზე რეალური ეკონომიკის გაზრდით საქართველო მსოფლიოში მეორე ადგილზეა, აღმოსავლეთ ნახევარსფეროში - პირველ ადგილზე.საქართველოს ძლიერი ეკონომიკური პოლიტიკა სჭირდება ინკლუზიური განვითარებისთვის, ტურიზმისა თუ საერთაშორისო ინფრასტრუქტურული პროექტების, მაგალითად, როგორიცაა შავი ზღვის ელექტროკაბელი, განვითარებისთვის. პროექტის იდეა, იცით, რომ საქართველოს ეკუთვნის და მისი განხორციელება მნიშვნელოვანია ჩვენი პარტნიორებისთვის, ევროპისა და აზიის ძლიერი ენერგეტიკული კავშირის შექმნისთვის და ზოგადად, საქართველოს პროგრესისთვის“, - განაცხადა ფინანსთა მინისტრის მოადგილემ, მიხეილ დუნდუამ.

1745572836

ვიზიონერი საგანმანათლებლო ფონდია, რომელიც სოციალურად დაუცველ და სახელმწიფო მზრუნველობის ქვეშ მყოფ ახალგაზრდებს ეხმარება პროფესიის შერჩევასა და კარიერული მიზნების დასახვაში.ამ მიზნით, ვიზიონერი სტუდენტებს სამ საგანმანათლებლო მიმართულებას სთავაზობს, რომლებიც სტუდენტებსა და აბიტურიენტებისთვის, მათი ინტერესების იდენტიფიცირებას და არჩეულ სპეციალობებში პროფესიულ რეალიზებას უზრუნველყოფენ.აბიტურიენტებს ვიზიონერში ეროვნული გამოცდებისთვის მომზადების შესაძლებლობაც ეძლევათ, ხოლო უნივერსიტეტში საშუალოზე მაღალი აკადემიური მოსწრების შემთხვევაში - სწავლის დაფინანსების გარანტია.პროფესიული თვითგამორკვევისა და კარიერის დაგეგმვის მხრივ ვიზიონერმა 2 პროექტი განახორციელა: კარიერული ორიენტაციის ღონისძიება და HR მენტორინგის პროგრამა “UP – U Pathfinder”. Ეს პროექტები შექმნილია ახალგაზრდების გაძლიერებისა და მათი სრული პოტენციალის გამოვლენის მიზნით.დაინტერესების შემთხვევაში, ახალგაზრდებს შეუძლიათ, ეწვიონ ვიზიონერის ვებგვერდს ან სოციალურ ქსელებს და გაუგზავნონ ფონდს თავიანთი მონაცემები. ვიზიონერი მოუთმენლად ელის აბიტურიენტებსა და სტუდენტებს, რომლებსაც მაღალი აკადემიური მოსწრება და საკუთარი უნარების რეალიზებისთვის საჭირო მოტივაცია აქვთ. 

1745572668

ღონისძიება საქართველოს ბანკის მხარდაჭერით ხორციელდება.Caucasus Build საინტერესოა იმ მცირე და საშუალო ბიზნესისთვის, რომლებიც სამშენებლო/სარემონტო მასალების სექტორში მუშაობენ. გამოფენა აერთიანებს დეველოპერებს, ინტერიერის/ექსტერიერის მასალების ან ჭკვიანი სახლის მოწყობილობების მწარმოებლებს. ასევე, საინჟინრო და არქიტექურულ სერვისების თუ სამშენებლო ტექნიკისა და დანადგარების მიმწოდებლებს.გამოფენა მოიცავს პანელურ დისკუსიებსა და კონფერენციებს, სადაც დეველოპერები საკუთარ ცოდნასა და გამოცდილებას გააზიარებენ.გამოფენის ფარგლებში ჩატარდება ტექნიკური ვორკშოპიც — ინტერაქციულ სივრცეში მონაწილე კომპანიები გამართავენ პრაქტიკულ დემონსტრაციებსა და ტრენინგებს მასალების ადგილზე გატესტვით, მათი გამძლეობისა თუ ხარისხის შემოწმებით. ვორკშოპი შესაძლებლობას მისცემს ნებისმიერ დაინტერესებულ პირს, ნახოს სხვადასხვა სამშენებლო თუ სარემონტო მასალის რეალური შესაძლებლობები, ამასთან, ჩაერთოს გათამაშებებში და მოიგოს პრიზები.გამოფენის შესახებ დამატებით დეტალებს შეგიძლიათ გაეცნოთ ვებგვერდზე - www.buildexpo.ge.აღსანიშნავია, რომ საქართველოს ბანკი ღონისძიებას მხარს უჭერს ბიზნეს 360°-ის ფარგლებში. ბიზნეს 360° პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

1745572511