ლონდონის ბირჟაზე დალისტული ქართული კომპანიების აქციები გაძვირდა

„თბილისის სატრანსპორტო კომპანია“ მეტროსადგურების საპროექტო-სახარჯთაღრიცხვო დოკუმენტაციის შედგენის და მშენებლობის შესყიდვის თაობაზე ე.წ. Design-Build მეთოდით ბაზრის კვლევას ატარებს.დოკუმენტებიდან ირკვევა, რომ ჯამში 4 სადგურის დაპროექტება უნდა განხორციელდეს, აქედან გათვალისწინებულია 2 ახალი, 2 არსებული მეტროსადგურების - ვარკეთილისა და გლდანის მიმართულებით - პროექტირება.ამასთან, ტექნიკური დავალების თანახმად, ერთი მეტროსადგური დაემატება გლდანის, მეორე კი ვარკეთილის მიმართულებით. აღსანიშნავია ისიც, რომ მეტროს ხაზის დაგრძელების სავარაუდო ჯამური სიგრძე 5.2 კმ იქნება, მათ შორის გლდანის მიმართულებით 2.2 კმ, ხოლო ვარკეთილის მიმართულებით 3 კმ.პროექტის განხორციელების საორიენტაციო ვადა ხუთ წელს შეადგენს, სამუშაოები რამდენიმე ეტაპად უნდა განხორციელდეს.ამასთან, რაც შეეხება ფინანსურ ნაწილს, პროექტისთვის 2025 წელს ბიუჯეტი გათვალისწინებული არ არის, 2026 და 2027 წელს კი იგეგმება 15-15 ანუ ჯამში, 30 მლნ აშშ დოლარის დახარჯვა.www.bpn.ge

1743507224

ენერგეტიკის სასწავლო ცენტრის საბჭოს წევრმა, ელეონორა ლაგვილავამ  შეხვედრის მონაწილეებს მიაწოდა ინფორმაცია გაეროს ბავშვთა ფონდის (UNICEF)-ის მხარდაჭერით მიმდინარე პროექტის შესახებ. მან ყურადღება გაამახვილა მოსწავლე-ახალგაზრდობის ცნობიერების დონის ამაღლების აუცილებლობაზე. პროექტის ექსპერტმა, თემურ თორდინავამ შეხვედრის მონაწილეებს გააცნო პროექტის ფარგლებში დაგეგმილი ღონისძიებები.პროექტის -  „წყალი, გარემო და ჯანმრთელობა მოზარდების უსაფრთხო მომავლისათვის“ მიზანია  საქართველოს სხვადასხვა რეგიონის სკოლების მოსწავლეების ცნობიერების დონის ამაღლება სასმელი წყლის, გარემოს, შიდა ჰაერის დაბინძურებისა და კატასტროფების რისკის შემცირების საკითხებზე. პროექტის ფარგლებში ყურადღება გამახვილდება გარემოს დაცვის საკითხებში ახალგაზრდების ჩართულობის ზრდის მექანიზმების განვითარების ხელშეწყობაზე, ამასთანავე მონაწილეებს მიეწოდებათ სიღრმისეული ინფორმაცია წყლის რესურსების რაციონალურად გამოყენებისა და დაცვის აუცილებლობის შესახებ. პროექტში ჩართული იქნება ბათუმის, რუსთავის, ქუთაისისა და ფოთის ორმოცი სკოლის 650 მოსწავლე, ასევე ქუთაისისა და ბათუმის სახელმწიფო უნივერსიტეტების 50 სტუდენტი. პროექტის ფარგლებში მოსწავლე-ახალგაზრდებს ჩაუტარდებათ ტრენინგები და საჯარო ლექციები. ასევე, დაგეგმილია საინფორმაციო შეხვედრები მუნიციპალური ხელისუფლებისა და საბავშვო ბაღების წარმომადგენლებთან. პროექტის ხანგრძლივობაა 8 თვე.

1743505859

ამასთან, გამომცემლობამ საქართველოს ბანკის პრემიუმ მიმართულებას საუკეთესო ციფრული გადაწყვეტებისთვის მეორე ჯილდოც გადასცა.Euromoney-ს ჟიურის შეფასებით, საქართველოს ბანკის მიერ პრემიუმ მომხმარებლებისთვის შექმნილი ციფრული საბანკო პროდუქტები და სერვისები სრულად ერგება მათ სურვილებსა და საჭიროებებს, რომლებიც ტექნოლოგიური განვითარების პარალელურად, მუდმივად იცვლება.საქართველოს ბანკის პრემიუმ მიმართულება შესაძლებლობას აძლევს მომხმარებლებს, ისარგებლონ პირადი ბანკირის, კონსიერჟის, პირადი ბროკერის სერვისებით. მობილბანკის, ინტერნეტ ბანკინგის თუ იმეილ საბანკო სერვისების მეშვეობით განახორციელონ ტრანზაქციები როგორც ქვეყნის შიგნით, ასევე, საზღვარგარეთ, მართონ საკუთარი ფინანსური აქტივები, ქასთოდი პროფილები და ჰქონდეთ პირდაპირი კავშირი პირად ბანკირთან.„მოხარული ვარ, რომ უკვე ორი წელია საქართველოს ბაზრის ერთპიროვნული ლიდერები ვართ პრემიალური საბანკო მომსახურების კუთხით High-Net-Worth მომხმარებლებისთვის. განსაკუთრებულ სირთულეს წარმოადგენს არა მხოლოდ ამ წოდების მიღება, არამედ შემდგომ მისი შენარჩუნება წლების მანძილზე. ბედნიერი ვარ, რომ ჩვენმა გუნდმა ამ ამოცანასაც თავი გაართვა, რაც ხაზს უსვამს, რომ ჩვენ არ ვჩერდებით, მიღწეულით არ ვკმაყოფილდებით და მუდმივად ვამატებთ და ვაუმჯობესებთ ჩვენს მაქსიმალურად მომხმარებელზე ორიენტირებულ შეთავაზებას. Euromoney-ისგან, როგორც დამოუკიდებელი მხარისგან, მიღებული აღიარება კიდევ ერთხელ უსვამს ხაზს, თუ რაოდენ უპირატესია საქართველოს ბანკის მომსახურება ადგილობრივ ბაზარზე“, - აღნიშნავს თეონა ბერია, დაგროვილი ქონების მართვის მიმართულების ხელმძღვანელი.უკვე 20 წელზე მეტია, Euromoney-ს ჟიური ყოველწლიურად საუკეთესო პრემიუმ საბანკო სერვისებისა და მომსახურების მიმწოდებელ ფინანსურ ინსტიტუტებს აფასებს მთელი მსოფლიოდან. მკვლევრები და გამომცემლობის რედაქციის წევრები კი ქვეყნის მასშტაბით საუკეთესო შედეგის მქონე ფინანსურ ინსტიტუტებს ასახელებენ.თითქმის 20 წელია, საქართველოს ბანკის დაგროვილი ქონების მართვის მიმართულება ყოველდღიურად ზრუნავს საკუთარი მომხმარებლებისთვის ინოვაციური, მათ სურვილებსა და საჭიროებებზე მორგებული პროდუქტებისა თუ სერვისების შექმნაზე.

1743503574

ღია ბანკინგის სისტემის დანერგვა თანამედროვე საგადამხდელო ურთიერთობებს უფრო სწრაფსა და მოქნილს ხდის, თუმცა ადგილობრივი პლასტიკური ბარათებისთვის საფრთხეა, რადგან მას უცხოეთში მუშაობის შესაძლებლობას უსპობს. არსებობს მოსაზრება, რომ სებ-ის ასეთი გადაწყვეტილება სპეციალურად გამიზნულია სანქცირებული ადამიანებისთვის და მათთვის ალტერნატივის შექმნის მცდელობაა. არ არის გამორიცხული, რომ ამით ადგილობრივი პლასტიკური ბარათები სრულად ჩანაცვლდეს.საქართველოს ეროვნული ბანკის განცხადებით, მყისიერი გადახდების სისტემა ჩვენი მოსახლეობისთვის და ბიზნესის წარმომადგენლებისთვის ხელმისაწვდომი 2026 წლის მეორე ნახევრიდან იქნება. როგორც ეროვნული ბანკის მიერ გავრცელებული ინფორმაციიდან ირკვევა, მყისიერი გადახდის სისტემებს აქვთ პოტენციალი განსაკუთრებით მცირე მეწარმეებს შესთავაზონ მომსახურების საფასურის მიღების ეფექტური გზა.მყისიერი გადახდის სისტემა არის ელექტრონული საცალო გადახდის გადაწყვეტა, რომელიც ხელმისაწვდომია წლის ნებისმიერ დღეს და ნებისმიერ დროს. გადახდის შესრულება ხორციელდება იმავე მომენტში, მყისიერად და შესრულებისთანავე მიმღებისთვის თანხა დაუყოვნებლივ ხდება ხელმისაწვდომი. საქართველოს ეროვნული ბანკის მიერ დანერგილი სისტემით გადახდა განხორციელდება ლარში. მყისიერი გადახდის სისტემაში ჩართული იქნებიან კომერციული ბანკები და სხვა (არასაბანკო) საგადახდო მომსახურების პროვაიდერები. მომხმარებლებს გადახდის ინიცირებისთვის ყველა შესაძლო არხის და საშუალების გამოყენება შეეძლებათ, იქნება ეს ფილიალი, ინტერნეტბანკი, მობილური აპლიკაცია, "ქიუარ" კოდი და ა.შ."ფინანსური ტექნოლოგიების განვითარებამ, საშუალება მისცა მსოფლიოს წამყვან ტრადიციულ საგადახდო სისტემებს გაეუმჯობესებინათ მათი ეფექტიანობა, კერძოდ, შეიქმნა ახალი თაობის სისტემა - მყისიერი გადახდის სისტემა, რომელიც დღეის მდგომარეობით უკვე 120-ზე მეტ ქვეყანაში დაინერგა. ეს სისტემები მუშაობენ ბარათების გამოყენების გარეშე და აქვთ შესაძლებლობა საბოლოო მომხმარებელს შესთავაზონ საბარათე გადახდების ანალოგიური გადახდის მეთოდი, გარკვეულ შემთხვევებში მეტი უპირატესობებით, როგორიცაა ოპერაციის განხორციელების ხარჯი და გადარიცხვის მიმღებისთვის თანხის დაუყოვნებელი ხელმისაწვდომობა.უნდა აღინიშნოს, რომ არასაბანკო საგადახდო მომსახურების პროვაიდერების ინსტიტუტის ჩამოყალიბება და „ღია ბანკინგის“ მომსახურების ხელშეწყობა, საქართველოს ევროკავშირთან ასოცირების ხელშეკრულების ერთ-ერთი მოთხოვნაა, რომელიც სრულად იყო შესრულებული 2022 წელს განხორციელებული საკანონმდებლო ცვლილებებით. მყისიერი გადახდებისა და ღია ბანკინგის მომსახურებების სინერგია საშუალებას მისცემს მომხმარებლებს და კერძო სუბიექტებს თავიანთ მოთხოვნებზე მორგებული და ხელმისაწვდომი მომსახურება მიიღონ.უნდა აღინიშნოს რომ საქართველოში საბარათე გადახდების საკმაოდ მაღალ დონეზე განვითარების მიუხედავად, კვლავ მცირე მეწარმეებისთვის ეს გადახდის მეთოდი არ არის ფართოდ ხელმისაწვდომი მისი მომსახურების მაღალი საკომისიოს გამო. სწორედ, მყისიერი გადახდების სისტემა ფინტექ კომპანიებთან კოლაბორაციით, გაზრდის ელექტრონული გადახდების ხელმისაწვდომობას იმ სექტორში, რომელიც დღეს ამ მომსახურებას მოკლებულია," - განმარტავენ ეროვნული ბანკში.რამდენადაც ღია ბანკინგი საგადამხდელო ურთიერთობებს ამარტივებს, ამავე დროს ალტერნატიული ინსტრუმენტების გამოყენებით ზღუდავს საერთაშორისო პროვაიდერების საქმიანობას. სწორედ ამ ფაქტორზე გააკეთა აქცენტი ,,ბიზნეს-რეზონანსთან" საბანკო სფეროს სპეციალისტმა მიხეილ თოქმაზიშვილმა, რომელმაც გამოთქვა ვარაუდი, რომ ღია ბანკინგის შექმნა სანქცირებული მოქალაქეების დაცვის მიზნით გადაწყდა და მიზნად ისახავს მათთვის ალტერნატივის შეთავაზებას.,,ღია ბანკინგი ამარტივებს გადახდის პროცესს და  ამავე დროს უფრო  სწრაფსა და მოქნილს ხდის ურთიერთობებს. ეს თავისთავად მისასალმებელია. თუმცა, რამდენადაც ალტერნატიულ ინსტრუმენტებს ეხება და საერთაშორისო ინსტრუმენტებს უპირისპირდება, ეს გარემოება ეჭვს ბადებს ამ თვალსაზრისით, თუ რამდენად უსაფრთხო იქნება ადგილობრივი პლასტიკური ბარათები, რამდენად შეძლებენ საერთაშორისო გადარიცხვებს და სხვა. სხვაგვარად რომ ვთქვათ, საერთაშორისო გადარიცხვების შიში გაჩნდა.არ ვიცი, რაზეა ეს ცვლილება  დაფუძნებული, მაგრამ თუკი ამ გლობალური სისტემის გათიშვა მოიწადინეს, ამ შემთხვევაში თვითონ კომერციული ბანკები საფრთხის ქვეშ დადგებიან. ეს არ უნდა დაუშვან. აქ არ არის საუბარი კონკურენციაზე, ლაპარაკია ალტერნატივის შექმნაზე. ჩვენი პლასტიკური ბარათებით, რაც გაგვაჩნია, შესაძლებელია ნებისმიერ საერთაშორისო სისტემასთან ჩართვა. თუ ჰიპოტეტურად დავუშვებთ, რომ ამ  სისტემიდან გათიშვა მოიწადინეს, კატასტროფა იქნება, არ ვიცი, რამდენად გამოუვათ. ეს არის ინსტრუმენტი, რითაც ხდება ანგარიშსწორება სხვადასხვა სისტემაში და სხვადასხვა ადგილას. მომხმარებლებისთვის აქ იმდენად არაფერი იცვლება, უფრო გამიზნულია დასანქცირებული ადამიანებისთვის, რომლებიც  ამ სისტემისგან გათიშული არიან, ამიტომ ცდილობენ მათთვის ალტერნატივის შექმნას. თუკი სავალდებულოდ მიიჩნევენ, რომ ადგილობრივი ბარათები სრულად ჩანაცვლდეს, ეს უკვე საშიში ტენდენციაა და აქამდე არ უნდა მივიდეს საქმე", - აღნიშნა თოქმაზიშვილმა ,,ბიზნეს-რეზონანსთან" საუბრისას.აღნიშნული პროექტის განვითარებაზე ეროვნული ბანკი 2021 წლიდან მოყოლებული მსოფლიო ბანკთან პარტნიორობით მუშაობს. პარტია ფედერალისტების წევრის, თენგო კირთაძის მოსაზრებით, "ღია ბანკინგი" პრობლემა არ არის.,,მისი ძირითადი დანიშნულება ფინანსურ სექტორში ინოვაციის და კონკურენციის წახალისებაა. ის არც "სვიფტის" ალტერნატივაა, ტექნიკურად ვერც იქნება, რადგან პირველი შიდა ფინანსურ სისტემებს ეხება, მეორე კი საერთაშორისო ბანკთაშორის გადარიცხვებს ახორციელებს.შესაბამისად პანიკა რომ "რეჟიმი "სვიფტიდან" გათიშვისთვის ემზადება და მალე "ტემუდან" ვერაფერს გამოვიწერთ, უსაფუძვლოა", - დაწერა კირთაძემ."ვიზა" და "მასტერქარდის" ბარათების გამოყენების აკრძალვასთან დაკავშირებით გავრცელებულ დეზინფორმაციას ფინანსისტი ირაკლი ერაძეც გამოეხმაურა."ვიზა" და "მასტერქარდზე" ატეხილი აჟიოტაჟი და ანალოგიები რუსულ "მირ"-ის ბარათთან, არის უპასუხისმგებლო ბოდვა. ერთი მხრივ, საერთოდ წარმოდგენა არ უნდა გქონდეს ადამიანს, "ექსპერტს" "ღია ბანკინგზე", რომ მსგავსი დასკვნები გამოიტანო და მეორე მხრივ, უპასუხისმგებლობის და არაკომპეტენტურობის მაღალი დონე უნდა გააჩნდეს მედიას, რომ ამაზე აჟიოტაჟი შექმნა და სკანდალის შექმნას შეეცადო.ბრიტანეთი, ევროკავშირი, აშშ, ბრაზილია, ინდოეთი, სამხრეთ კორეა და ავსტრალია. ესაა ქვეყნების ჩამონათვალი, სადაც "ღია ბანკინგი" საკმაოდ განვითარდა ბოლო პერიოდში და ერთ-ერთი შედეგი ზუსტად "ვიზა" და "მასტერქარდის" გავლენის შემცირება მოიტანა, კონკურენციის (და არამარტო) ზრდის ხარჯზე. სირცხვილია არაფრისგან დრამების დადგმა!" -  დაწერა ირაკლი ერაძემ.საქართველოში ღია ბანკინგის დანერგვასთან დაკავშირებით მუშაობა 2019 წელს დაიწყო. თავდაპირველად სისტემაში კომერციული ბანკები ჩაერთნენ, არასაბანკო ინსტიტუტებზე კი შესაბამის ნებართვას ეროვნული ბანკი გასცემს. ამ დროისთვის, ეროვნული ბანკის მხრიდან სულ 4 ლიცენზიაა გაცემული.წყარო: resonancedaily.com

1743499603

ვორკშოპის მონაწილეები ისწავლიან, როგორ უზრუნველყონ სტაბილური შემოსავლები და ეფექტურად მართონ ხარჯები; გაეცნობიან ბუღალტრული აღრიცხვის თანამედროვე მეთოდებს და ტექნოლოგიებს; აღმოაჩენენ, როგორ ხდება აღრიცხვა და დეკლარირება მარტივად, Fas Group-ის ახალი პროდუქტის დახმარებით და სხვა.შეხვედრა 2 ნაწილისგან შედგება:· I ნაწილში ნათია ისაუბრებს ორგანიზაციებისთვის მნიშვნელოვან საკითხებზე, როგორებიცაა: ფინანსური მდგრადობა, შემოსავლების სტაბილურობა, ხარჯების ოპტიმიზაცია, ეფექტური ფინანსური დაგეგმვა, რისკების მართვა და ა.შ.· II ნაწილში კი სპიკერთან ერთად დამსწრეები განიხილავენ მცირე მეწარმეების საჭიროებებს როგორც სააღრიცხვო, ისე საგადასახადო თვალსაზრისით. გაეცნობიან საკანონმდებლო სიახლეებს და Fas Group-ის ახალ პროდუქტს.ღონისძიება  2 აპრილს 16:00-დან 18:00 საათამდე, საქართველოს ბანკის ბიზნეს სივრცეში, 4B-ში, ა. ყაზბეგის გამზ. №15-ში გაიმართება. მონაწილეობის მისაღებად  მსურველები უნდა დარეგისტრირდნენ ბმულზე. 

1743498000

ბოლო წლებში, გაზრდილმა ეკონომიკურმა აქტივობამ და საცალო სექტორის ზრდამ პოზიტიური გავლენა მოახდინა კომერციული უძრავი ქონების სექტორზე, მათ შორის სავაჭრო ცენტრებზე, ქუჩის სავაჭრო ობიექტებსა და ბიზნეს ცენტრებზე.ხელფასების ზრდამ მოსახლეობის მსყიდველობითი უნარი გაზარდა, რაც სამომხმარებლო პროდუქტებზე დანახარჯების ზრდაზე აისახა. ასევე, მზარდი ურბანიზაცია ქალაქებში საცალო და სამომხმარებლო სექტორზე მოთხოვნას ზრდის. სავაჭრო ცენტრებისაქართველოში ეკონომიკური აქტივობა და შესაბამისად, კომერციული უძრავი ქონებაც, ძირითადად, თბილისშია კონცენტრირებული. თბილისში 10 თანამედროვე, მრავალფუნქციური სავაჭრო ცენტრია, რომელთა ჯამური გასაქირავებელი ფართი 291 728 კვ.მ-ს შეადგენს. ბათუმში წარმოდგენილია 5 სავაჭრო ცენტრი, რომელთა ჯამური გასაქირავებელი ფართი 53 901 კვ.მ-ს შეადგენს. ქუთაისში, ზუგდიდსა და თელავში წარმოდგენილი სავაჭრო ცენტრები ძირითადად სავაჭრო ცენტრებისა და ღია ბაზრობების კომბინაციას წარმოადგენენ. ზუგდიდს თანამედროვე სავაჭრო ცენტრი 2023 წელს შეემატა, სადაც წარმოდგენილია ქსელური მაღაზიები, საერთაშორისო და ადგილობრივი ბრენდები.2024 წელს თბილისის სავაჭრო ცენტრებში საშუალო იჯარამ კვ.მ-ზე $24.1 შეადგინა, რაც წინა წელთან შედარებით, 7.4%-ით მაღალია. იმავე პერიოდში, ბათუმის სავაჭრო ცენტრებში საშუალო იჯარა კვ.მ-ზე $23.1 იყო, 5%-ით მაღალი ვიდრე 2023 წელს. დადებითი დინამიკა ახალი სავაჭრო ცენტრების გახსნითა და აჭარაში არსებული დადებითი ეკონომიკური ტენდენციებით იყო განპირობებული.მომდევნო წლებში ახალი სავაჭრო ცენტრები თბილისს, ბათუმსა და თელავს შეემატება. თბილისის სამომავლო მიწოდებიდან აღსანიშნავია სავაჭრო ცენტრებიდან აღსანიშნავია თბილისი აუთლეტ ვილიჯი, რომელიც მიმდინარე წლის მაისში გაიხსნება და ასევე, სავაჭრო სახლი - ბავშვთა სამყარო, რომელზეც სამშენებლო ნებართვა 2024 წელს გაიცა. მომდევნო წლებში ბათუმს ორი სავაჭრო ცენტრი შეემატება: ორბი სითი და მსოფლიო სავაჭრო ცენტრი. თელავში კი, ახალი სავაჭრო ცენტრი მიმდინარე წლის შემოდგომაზე გაიხსნება.ქუჩის სავაჭრო ობიექტები2024 წელს საშუალო იჯარა თბილისის ცენტრალურ ქუჩაზე მდებარე სავაჭრო ობიექტებში ყველაზე მაღალი იყო და კვ.მ.-ზე $31-ს შეადგენდა, მეორე ადგილზე კი ბათუმი იყო  - კვ.მ.-ზე $25.5 -ით.თბილისში ყველაზე მაღალი საშუალო იჯარა რუსთაველის (კვ.მ. - $33.3) და ჭავჭავაძის (კვ.მ. - $33.2) გამზირებზეა. ბათუმში გორგილაძის ქუჩა ლიდერობს, სადაც საშუალო იჯარა კვ.მ.-ზე $29.4-ს შეადგენს.თბილისში 2024 წელს 29 სავაჭრო ობიექტზე გაიცა სამშენებლო ნებართვა, რაც ნიშნავს, რომ მომავალი 3-4 წლის განმავლობაში, სავარაუდოდ თბილისის ბაზარზე კომერციული ფართების მიწოდება გაიზრდება. ბიზნესცენტრები და ოფისები2024 წელს თბილისის ბიზნესცენტრებში საშუალო იჯარა წლიურად 6%-ით გაიზარდა და კვ.მ.-ზე $23.4-ს გაუტოლდა. საშუალო იჯარა მნიშვნელოვნად განსხვავდება ბიზნესცენტრების ტიპების მიხედვით:  A კლასის ბიზნესცენტრში საშუალო იჯარა კვ.მ-ზე $28-ს შეადგენს, B კლასის ბიზნეცენტრში კი - $15.1-ს. C კლასის საოფისე სივრცეებზე, რომლებიც ძირითადად საცხოვრებელი შენობების პირველ სართულზეა განთავსებული საშუალო იჯარა კვ.მ-ზე $13-ს შეადგენს.2024 წელს თბილისის ბიზნეს ცენტრებში ვაკანტურობის კოეფიციენტის საშუალო მაჩვენებელი 12%-ს შეადგენდა, რაც წინა წელთან შედარებით, 2 პროცენტული პუნქტით დაბალია. დატვირთულობის გაუმჯობესება განსაკუთრებით შესამჩნევია A კლასის ბიზნეს ცენტრებში, სადაც ვაკანტურობის კოეფიციენტი 10%-მდე შემცირდა. 2024 წელს თბილისში 18 ახალი ბიზნესცენტრის მშენებლობის ნებართვა გაიცა, რაც ნიშნავს, რომ  მომავალი 3-4 წლის განმავლობაში, სავარაუდოდ, თბილისში ახალი მსხვილი ბიზნესცენტრები გამოჩნდება. ახალი ბიზნესცენტრების მშენებლობის ნებართვები ძირითადად ვაკეში და საბურთალოზეა კონცენტრირებული. ბათუმში საოფისე უძრავი ქონების იჯარა მიახლოებულია თბილისის საშუალო მაჩვენებელთან და კვ. მ-ზე $16.2 აშშ დოლარს შეადგენს. ბათუმის, ქუთაისის, ზუგდიდისა და თელავის საოფისე უძრავი ქონების ბაზარზე ორგანიზებული საოფისე ფართების ნაკლებობაა, ვინაიდან ქალაქებში ოფისების უმეტესობა საცხოვრებელი შენობების პირველ სართულებზეა განთავსებული. რაც შეეხება სამომავლო მიწოდებას, ბათუმში, ზუგდიდსა და თელავში,  საოფისე ფართები სამომავლოდ, ძირითადად, მრავალფუნქციურ შენობებსა და სავაჭრო ცენტრებში იქნება განთავსებული. საცხოვრებელი უძრავი ქონება საქართველოს საცხოვრებელი უძრავი ქონების ბაზარი, ბოლო წლებში, მნიშვნელოვნად გაიზარდა. საცხოვრებელი უძრავი ქონების ბაზრის 72% თბილისს უჭირავს, 20% - ბათუმს, 8% კი სხვა ქალაქებს. უძრავი ქონების პირველად ბაზარზე 2022-2023 წლებში აქტივობა ძალიან გაიზარდა, 2024-ში კი ზრდის ტემპი დასტაბილურდა. თბილისის საცხოვრებელი უძრავი ქონების ბაზრისთვის 2025 წელი შედარებით სუსტად დაიწყო. გაყიდვები პირველ 2 თვეში წლიურად 5%-ით შემცირდა, რაც ძველი ბინების გაყიდვების კლებითაა გამოწვეული. თბილისში ახალი ბინების გაყიდვები 2025 წლის იანვარში საგრძნობლად გაიზარდა წლიურად, თუმცა თებერვალში ტრანზაქციები შენელდა.თბილისის უბნებში გაყიდვების კუთხით აღსანიშნავია კრწანისის გააქტიურება, სადაც 2025 წლის პირველ 2 თვეში ტრანზაქციების რაოდენობა, წინა წლის იმავე პერიოდთან შედარებით, თითქმის გაორმაგდა. ეს უმეტესწილად, მეორადი ბაზრის გააქტიურებასთანაა დაკავშირებული. მთაწმინდასა და ვაკეში, სადაც ფასების დონე ყველაზე მაღალია, თებერვალში დაახლოებით 6%-იანი წლიური კლება დაფიქსირდა. 2024 წელს ქირა დასტაბილურდა და ეს ტენდენცია 2025 წელსაც გრძელდება. როგორც მოსალოდნელი იყო, ქირის შემცირების და ფასის მაღალ დონეზე შენარჩუნების ფონზე, დასტაბილურდა უძრავი ქონების ამონაგებიც და მის გრძელვადიან საშუალო დონეს მიუახლოვდა.2023-2024 წლებში, თბილისში ჯამურად დაახლოებით 2.7 მილიონ კვ.მ. საცხოვრებელ ფართობზე გაიცა სამშენებლო ნებართვა. ნებართვების მსგავსი ზრდა ძირითადად გამოწვეულია გაყიდვებსა და გასაყიდ ფასში არსებული გასული წლების პოზიტიური ტრენდებით. თუმცა, 2025 წლის იანვარსა და თებერვალში ნებართვებში კლება შეინიშნება. აღსანიშნავია, რომ თბილისში მშენებლობის ნებართვების 23% დიღომზე მოდის.2025 წელი ბათუმისთვის შედარებით პოზიტიურად დაიწყო. ტრანზაქციების რაოდენობა პირველ 2 თვეში, გასული წლის იმავე პერიოდთან შედარებით, 4%-ით გაიზარდა, გასაყიდი ფასი კი - 20%-ით.

1743496624