„ეროვნული ბანკისთვის გასული წელი განსაკუთრებით წარმატებული იყო - მივაღწიეთ საერთაშორისო რეზერვების რეკორდულ მაჩვენებელს“

სიტყვით გამოსვლისას ეკატერინე მიქაბაძემ ყურადღება გაამახვილა მდგრადობის ანგარიშგების მნიშვნელობაზე საბანკო სექტორისა და კაპიტალის ბაზრის განვითარებისათვის. მისი განცხადებით, საერთაშორისო დონეზე მდგრადობის ანგარიშგება სულ უფრო მეტად ყალიბდება კორპორაციული მართვის, ეფექტიანი რისკების მართვისა და ინფორმირებული საინვესტიციო გადაწყვეტილებების მიღების მნიშვნელოვან კომპონენტად.„საქართველოს ეროვნული ბანკი მდგრად დაფინანსებას ფინანსური სტაბილურობისა და გრძელვადიანი ეკონომიკური მდგრადობის ერთ-ერთ მნიშვნელოვან საფუძვლად მიიჩნევს“, - აღნიშნა ეკატერინე მიქაბაძემ.მან ასევე ისაუბრა ეროვნული ბანკის მიერ მდგრადი დაფინანსების მიმართულებით განხორციელებულ რეფორმებსა და ინიციატივებზე. კერძოდ, კომერციული ბანკებისთვის ESG სახელმძღვანელო პრინციპების, ESG ანგარიშგებისა და ინფორმაციის გამჟღავნების ჩარჩოს დანერგვაზე, ასევე მწვანე, სოციალური, მდგრადობისა და მდგრადობასთან დაკავშირებული ობლიგაციების მარეგულირებელი ჩარჩოს შემუშავებაზე.ეკატერინე მიქაბაძის განცხადებით, მდგრადი ფინანსების განვითარებისათვის განსაკუთრებული მნიშვნელობა აქვს ინფორმაციის ხარისხსა და სანდოობას, ხოლო შესაბამისი მარწმუნებელი მომსახურება ხელს უწყობს ინვესტორთა ნდობის გაძლიერებასა და ე.წ. „greenwashing“-ის რისკების შემცირებას.„ვფიქრობთ, მდგრადობის ანგარიშგების დანერგვის პარალელურად ყურადღება უნდა გამახვილდეს ადგილობრივ ბაზარზე შესაბამისი მარწმუნებელი მომსახურების განვითარებასა და დანერგვაზეც“, - განაცხადა ეკატერინე მიქაბაძემ.შეხვედრის ფარგლებში გამართულ პანელურ დისკუსიაში - "მდგრადობის ანგარიშგების სარგებელი და გამოწვევები“, მონაწილეობა მიიღო ეროვნული ბანკის ფინანსური სტაბილურობის დეპარტამენტის უფროსმა დავით უტიაშვილმა.ღონისძიებაში ასევე მონაწილეობდნენ საქართველოს ფინანსთა სამინისტროს, პოლონეთის აუდიტის ზედამხედველობის სააგენტოს (PANA), საპენსიო ფონდის, მსოფლიო ბანკისა და კერძო სექტორის წარმომადგენლები. შეხვედრის მონაწილეები საქართველოში მდგრადობის ანგარიშგების განვითარების მიმართულებებსა და საერთაშორისო პრაქტიკის გაზიარების მნიშვნელობაზე მსჯელობდნენ. 

1779444172

როგორც მარიამ ქვრივიშვილმა აღნიშნა, არსებული რეალობიდან გამომდინარე, საქართველოსთვის ტურისტული ნაკადების ზრდა საკმაოდ საგულისხმოა. “აზერბაიჯანი წლების განმავლობაში მნიშვნელოვანი პარტნიორია. დღეს, როდესაც მხოლოდ საჰაერო მიმოსვლით ხდებოდა ორი დედაქალაქის ერთმანეთთან დაკავშირება, სარკინიგზო მიმოსვლის აღდგენა უმნიშვნელოვანეს როლს შეიტანს ხალხთაშორისი კავშირების გაღრმავებაში, სავაჭრო-ეკონომიკურ ურთიერთობაში, ასევე ტურისტული ნაკადების ზრდაში უკვე პირდაპირ ზაფხულის ტურისტული სეზონიდან,” - განაცხადა მინისტრმა. 

1779441178

„ეროვნული ბანკის შესახებ“ კანონის შესაბამისად, ჩვენ ყოველწლიურად წარვადგენთ ხოლმე წინა წლის გაწეული სამუშაოს ანგარიშს. ეროვნულ ბანკის პოლიტიკა გამომდინარეობს ქვეყნის მაკროეკონომიკური მდგომარეობიდან, მაკროეკონომიკური ტენდენციებიდან და გამოდის, რომ ჩვენი ანგარიში არის მთლიანად გასული წლის ეკონომიკის, ეკონომიკური მდგომარეობის შეჯამება. ამ თვალსაზრისით, 2025 წელი იყო საკმაოდ წარმატებული, როგორც ეროვნული ბანკისთვის, ასევე მთლიანად ჩვენი ეკონომიკისთვის.დავიწყებ იმით, რომ ეკონომიკური ზრდა კვლავაც იყო ძალიან ძლიერი - უსწრებდა რეგიონს, უსწრებდა ფართო რეგიონსაც, რომ შევადაროთ, რა თქმა უნდა, უფრო განვითარებულ ეკონომიკებსაც - 7.5%. ეს ტენდენცია წელსაც გრძელდება. იცით, რომ პირველი კვარტლის ზრდა 9%-ზე მეტი არის და ეს უკვე ძალიან კარგი დასაწყისია, მიუხედავად ყველა გამოწვევისა“, - აღნიშნა სებ-ის პრეზიდენტმა.ნათია თურნავა განცხადებით, 2025 წელს საქართველოში წლიურმა ინფლაციამ 3.9% შეადგინა, რაც ეროვნული ბანკის 3%-იანი მიზნობრივი მაჩვენებლიდან ზომიერ გადახრად მიიჩნეოდა. მისივე თქმით, ეკონომიკური ზრდის მთავარი მამოძრავებელი ძალა, წინა წლების მსგავსად, მაღალპროდუქტიული სექტორები იყო.„ჩვენი კუთხით, ვინაიდან ინფლაცია არის ერთ-ერთი მაჩვენებელი, რომელზეც ჩვენ ზოგადად ორიენტირებულები ვართ ჩვენს პოლიტიკაში, ამ თვალსაზრისითაც 2025 წელი არ იყო ცუდი, იმიტომ რომ მთლიანობაში წლიური ინფლაცია 3,9% იყო, რაც ჩვენი მიზნობრივი 3%-იანი დონიდან ზომიერ გადახრად მიიჩნეოდა.ძალიან მნიშვნელოვანია, როდესაც ეკონომიკურ ზრდაზე ვსაუბრობთ, ვთქვათ ის, თუ საიდან მომდინარეობს ეს ეკონომიკური ზრდა. ძირითადად, მსგავსად წინა წლებისა - 2023 და 2024 წელს, 2025 წელსაც ძირითადი მამოძრავებელი ძალა ამ ჩვენი ეკონომიკური ზრდის იყო ე.წ. მაღალპროდუქტიული სექტორები. ეს არის IT სექტორი, ანუ კომუნიკაციები და ინტერნეტ ტექნოლოგიები და IT მომსახურების ექსპორტი; ეს არის განათლება, ეს არის საფინანსო სექტორი, ეს არის ლოგისტიკა და ტრანსპორტი.ერთის მხრივ, მაღალპროდუქტიული ნიშნავს, რომ აქედან არ მომდინარეობს ინფლაციური ზეწოლა მოთხოვნის მხრიდან და მეორე  ეს არის ის დარგები, რომლებიც ჩვენს ექსპორტს, მომსახურების ექსპორტს ამ შემთხვევაში, აძლიერებს, განსაკუთრებით  IT ტექნოლოგიები, IT მომსახურება, და აუმჯობესებს ქვეყნის საგარეო პოზიციებს. ეროვნული ბანკისთვის იყო განსაკუთრებით წარმატებული ეს წელი, გასული წელი. ჩვენ მივაღწიეთ საერთაშორისო რეზერვების რეკორდულ მაჩვენებელს“, - განაცხადა თურნავამ.საქართველოს ეროვნული ბანკის პრეზიდენტის განმარტებით, 2026 წლის თებერვალში საქართველოს საერთაშორისო რეზერვებმა ისტორიულ მაქსიმუმს - 6.7 მილიარდ დოლარს მიაღწია. მისი თქმით, რეზერვების მოცულობაში მნიშვნელოვანი წილი შეაქვს ოქროს მარაგსაც.„ზოგადად, პიკი დაფიქსირდა 2026 წლის თებერვალში, როდესაც ისტორიულ მაქსიმუმს - 6.7 მილიარდ დოლარს მიაღწია ჩვენმა რეზერვებმა. მათ შორის, ოქროს ნაწილი, რაც ჩვენ ორი წლის წინ შევიძინეთ, ასევე მილიარდზე მეტი ღირებულების შემომტანია ამ მთლიან მასაში და ეს, რა თქმა უნდა, მნიშვნელოვანია. მე ავხსნი მაყურებლისთვის, რატომ არის ეს ჩვენი რეზერვების მოცულობა ძალიან მნიშვნელოვანი. ეს არის ე.წ. ბუფერი, რომელიც გააჩნია ამა თუ იმ ქვეყანას იმისთვის, რომ უპასუხოს საგარეო შოკებს“, - აღნიშნა თურნავამ.მისივე თქმით, არსებული რეზერვები ზომა და მათი მდგომარეობა მოასწავებს ქვეყნის მდგრადობას სხვადასხვა გამოწვევის წინაშე.„იმ ქვეყნებს, ვისაც გააჩნიათ მდიდარი მინერალური რესურსები, ნავთობი, გაზი, იმათ აქედან აქვთ ძირითადად შეგროვებული რეზერვები და ეს მთავარი წყაროა. ჩვენ ეს მდგომარეობა არ გვაქვს, ამიტომ ჩვენთვის მთავარი შემავსებელი რეზერვებისა - ეს არის საგარეო შემოდინებები უცხოურ ვალუტაში, რომელიც მომდინარეობს ექსპორტიდან, მომდინარეობს ტურიზმიდან, მომდინარეობს გზავნილებიდან, მომდინარეობს პირდაპირი უცხოური ინვესტიციებიდან, და აი, ეს ყველა შემოდინება იყო ძლიერი და მოგვცა საშუალება, რომ გაგვეზარდა რეზერვები.სხვათა შორის, სწორედ ეს ფაქტი იყო აღნიშნული სხვადასხვა საერთაშორისო სარეიტინგო სააგენტოს ანგარიშებში. ერთ-ერთმა მათგანმა, Fitch-მა, მაგალითად, გაგვიუმჯობესა ქვეყნის ეკონომიკური პერსპექტივა - ნეგატიურიდან სტაბილურამდე აგვიყვანა მიუხედავად იმისა, რომ სტაბილურობა ჩვენს რეგიონში ამ ეტაპზე არ არსებობს, მაგრამ ამ გამოწვევების მიუხედავად, საქართველოს ეკონომიკა გამოიყურება ძალიან კეთილსაიმედოდ და ჩვენ მოხარულები ვართ, რომ ერთი ჩვენი, ასე ვთქვათ, აგური შეგვაქვს ამ მთლიან კონტექსტში“, - აღნიშნა ნათია თურნავამ.

1779440932

ყაზახეთის სოფლის მეურნეობის მინისტრის მოადგილე, იერმეკ კენჟეხანული, ჩინეთის ეროვნული სურსათისა და სტრატეგიული რეზერვების ადმინისტრაციის (NAFRA) გენერალურ დირექტორს, ლიუ ჰუანქსინს შეხვდა.მოლაპარაკებების დროს განსაკუთრებული ყურადღება დაეთმო მარცვლეულისა და ზეთოვანი კულტურების მიწოდების გრძელვადიანი კონტრაქტების დადების პერსპექტივებს, ლოგისტიკური ჰაბებისა და მშრალი პორტების შექმნას, ასევე სასოფლო-სამეურნეო პროდუქციის შენახვისა და გადამუშავების ტექნოლოგიების გაცვლას.

1779440533

„საბანკო სექტორი რჩება ჩვენი ეკონომიკის ხერხემლად, თუ შეიძლება ასე ითქვას, იმიტომ რომ ის ფინანსური რესურსით უზრუნველყოფს ნებისმიერი დარგის, ნებისმიერი ბიზნესის განვითარებას. ზოგადად, ამ თვალსაზრისით, საქართველოს ეკონომიკაში სესხზე ხელმისაწვდომობა არის საკმაოდ მაღალი - თუ შევხედავთ მთლიან სესხს მთლიან შიდა პროდუქტთან, ის 73%-ს აჭარბებს, რაც საკმაოდ მაღალი მაჩვენებელია. ყველაზე მნიშვნელოვანი კი ის არის, რომ ბოლო სამი ათწლეულის მანძილზე არ არსებობს არც ერთი ფაქტი, როდესაც ვინმეს დაეკარგოს თავისი დეპოზიტი. იმდენად სანდოა ჩვენი საბანკო სისტემა, რომ სულ მუდმივად, საკმაოდ მაღალი ტემპით იზრდება დანაზოგები და დეპოზიტები - მათ უკვე 70 მილიარდ ლარს გადააჭარბეს. აქედან დაახლოებით 30% უცხოელების დანაზოგებია, ანუ უცხო ქვეყნის ფიზიკური და იურიდიული პირები, ე.წ. არარეზიდენტები, ენდობიან ჩვენს საბანკო სისტემას“, - აღნიშნა სებ-ის პრეზიდენტმა.მისივე განმარტებით, საქართველოს საბანკო სისტემა ერთ-ერთი ყველაზე სანდოა და ამასთანავე, მაღალი ტექნოლოგიური განვითარებითაც გამოირჩევა. ნათია თურნავას თქმით, ქართული ბანკების  მობაილ ბანკინგი მომხმარებელზე მეტად მორგებული და განვითარებულია, ვიდრე დასავლეთის არაერთ საბანკო დაწესებულებაში.„ჩვენ რომ ვენდობით, ეს ერთია, მაგრამ მეორეა, რომ გარედან დანახული თვალითაც ჩვენი საბანკო სისტემა ერთ-ერთი ყველაზე სანდოა. სანდოობის გარდა, უნდა აღვნიშნო ის ტექნოლოგიური განვითარების დონე, რაც ჩვენს საბანკო სისტემას გააჩნია. არაერთხელ მომისმენია, თუნდაც უცხოელის შეფასება, რომ  მობაილ ბანკინგი, რომელიც გააჩნია ჩვენს ბანკებს, განსაკუთრებით წამყვან ბანკებს, გაცილებით უფრო კომფორტულია, მომხმარებელზე მორგებული და განვითარებულია, ვიდრე სხვა, უფრო ხანგრძლივი ისტორიის მქონე საბანკო დაწესებულებებში საზღვარგარეთ, დასავლეთში პირველ რიგში.ეს არის ძალიან მნიშვნელოვანი, იმიტომ რომ განვითარება მუდმივია და სესხების პორტფელიც საკმაოდ მდგრადად იზრდება. გასულ წელს დაახლოებით 15%-იანი ზრდა იყო, წელს კიდევ უფრო მაღალი ზრდა ფიქსირდება და ეს არის მეორე მხარე ეკონომიკური ზრდისა, ერთის მხრივ, ეკონომიკური ზრდა უფრო მეტ ფინანსურ რესურსს და ფინანსებზე ხელმისაწვდომობას განაპირობებს და ბანკები ამას უზრუნველყოფენ. მეორეს მხრივ, თვითონ ბანკები აძლევენ ბიძგს ჩვენს ეკონომიკურ ზრდას. მაგალითად, პირდაპირი უცხოური ინვესტიციების თვალსაზრისით თუ შევხედავთ, ერთ-ერთი ყველაზე ტოპ-მიმზიდველი დარგი კვლავაც საფინანსო-საბანკო სექტორია - პირდაპირი უცხოური ინვესტიციებით მიღებული შემოდინებების დაახლოებით 36% სწორედ ამ სექტორზე მოდის“, - განაცხადა ნათია თურნავამ.

1779440400

ABC.AZ იუწყება, რომ ბაქოდან 400-ზე მეტი ბილეთი, ხოლო თბილისიდან 500 გაიყიდა.ამჟამად, ბილეთებზე მაღალი მოთხოვნის გამო, ბაქოდან გამავალ პირველ მატარებელს დამატებითი ვაგონი დაემატა.აღსანიშნავია, რომ ბაქო-თბილისი-ბაქოს მარშრუტზე ბილეთებზე მაღალი მოთხოვნის გამო, ბილეთების გაყიდვის სისტემასა და ბილეთების სალაროებში გარკვეული შეფერხებები დაფიქსირდა.„ბოდიშს ვუხდით დროებით სირთულეებს და მგზავრებს გაგებისკენ ვთხოვთ“, - ნათქვამია დეპარტამენტის განცხადებაში.შეგახსენებთ, რომ ამ მარშრუტზე მატარებლები ბაქოდან 25 მაისს, ხოლო თბილისიდან 26 მაისს დაიწყებენ მოძრაობას. აზერბაიჯანის რკინიგზის თანახმად, ბაქოდან თბილისის მიმართულებით ბილეთის მინიმალური ფასი იქნება 81 მანათი, რაც 127 ლარს შეადგენს. აზერბაიჯანიდან თბილისის მიმართულებით ბილეთის ფასი ყველაზე მოკლე მარშრუტის შემთხვევაში 51 მანათი, ანუ 80 ლარი იქნება, თუმცა სრული მარშრუტის, ბაქო-თბილისის საფასური 81 მანათიდან იწყება. ანალოგიურად, თბილისიდან ბაქოს მიმართულებით ბილეთის საფასურიც 81 მანათი იქნება.

1779440331