მექსიკის უმდიდრესი ადამიანი „ლუკოილის“ აქტივებს შეიძენს

– სომხეთ–საქართველოს ბოლო ინტენსიური ვიზიტების დროს, რა იყო ძირითადი ეკონომიკური საკითხები, რომლებიც მხარეებმა განიხილეს შეხვედრებზე? რა სავაჭრო, ეკონომიკური და საინვესტიციო შესაძლებლობები განიხილეს ორივე მხარემ? ასევე, რა ახალი მიმართულებები წარმოიშვა თბილისი–ერევნის გაძლიერებული თანამშრომლობის შედეგად — უფრო ღრმა თავისუფალი ვაჭრობის შეთანხმებები, სატრანზიტო ქსელები, ენერგეტიკა, ტურიზმი თუ სხვა?— სომხეთ–საქართველოს ბოლო პერიოდში გამართული ინტენსიური კონტაქტების ფარგლებში, მათ შორის 6 მაისს ერევანში, სომხეთ–საქართველოს ბიზნესფორუმის ფარგლებში ჩატარებული შეხვედრის დროს, განხილვები ძირითადად ორიენტირებული იყო ორმხრივი ეკონომიკური თანამშრომლობის გაღრმავებასა და ვაჭრობისა და ინვესტიციებისთვის არსებული პრაქტიკული ბარიერების მოხსნაზე.საქართველოს ეკონომიკისა და მდგრადი განვითარების მინისტრთან შეხვედრაზე განვიხილეთ ეკონომიკური საკითხების ფართო სპექტრი. განსაკუთრებული ყურადღება დაეთმო შემდეგ მიმართულებებს:ვაჭრობის ხელშეწყობა და ბაზარზე წვდომა — მხარეები ვთანხმდებით, რომ აუცილებელია სავაჭრო პროცესში შესაძლო დაბრკოლებების ადრეულ ეტაპზე გამოვლენა და ორმხრივი სავაჭრო ნაკადების შეფერხების თავიდან აცილება. განსაკუთრებული ყურადღება დაეთმო საბაჟო პროცედურების გამარტივებასა და საქონლის შეუფერხებელ გადაადგილებას.სავაჭრო ბრუნვის გაფართოება — სომხეთ–საქართველოს სავაჭრო და ეკონომიკური ურთიერთობები პოზიტიურად ვითარდება. ამასთან, შევთანხმდით, რომ საჭიროა დამატებითი ღონისძიებები იმ ფაქტორების მოსახსნელად, რომლებიც სავაჭრო მიმოქცევას ანელებს.საინვესტიციო გარემო და თანამშრომლობა — განხილვაში გამოკვეთილად აღინიშნა გამჭვირვალე, პროგნოზირებადი და ინვესტორებისთვის ხელსაყრელი გარემოს ხელშეწყობის მნიშვნელობა. ჩვენი მიზანია, სტიმულირდეს ორმხრივი ინვესტიციები და ერთობლივი ბიზნესინიციატივები.გაღრმავებული თანამშრომლობის შედეგად, პრიორიტეტულ მიმართულებებად გამოიკვეთა: სოფლის მეურნეობა, მათ შორის სასოფლო-სამეურნეო პროდუქციის წარმოების, გადამუშავებისა და ვაჭრობის მიმართულებით თანამშრომლობა; განახლებადი ენერგია და მდგრადი განვითარება; გარემოსდაცვითი ტექნოლოგიები, როგორც ინოვაციებზე დაფუძნებული თანამშრომლობის ახალი სფერო; ტურიზმი, მათ შორის ისეთი ტურისტული პროდუქტებისა და რეგიონული მარშრუტების განვითარება, რომლებიც ორივე ქვეყანას სარგებელს მოუტანს; ტრანზიტი და სატრანსპორტო-ლოჯისტიკური კავშირები, რაც ასახავს საერთო ინტერესს ლოჯისტიკის გაუმჯობესების, სავაჭრო დერეფნების განვითარებისა და რეგიონული სატრანსპორტო ეფექტიანობის ზრდის მიმართ. საერთო ჯამში, ბოლო ვიზიტებმა და შეხვედრებმა კიდევ ერთხელ დაადასტურა ორივე ქვეყნის მზადყოფნა ეკონომიკური კავშირების გაღრმავებისთვის პრაქტიკულ, კონკრეტულ გადაწყვეტებზე ორიენტირებული თანამშრომლობის გზით. აქცენტი გაკეთდა პრობლემების წინასწარ პრევენციაზე, უფრო თავისუფალ და შეუფერხებელ ვაჭრობაზე და სექტორული პარტნიორობების გაფართოებაზე. ეს ყველაფერი სომხეთ–საქართველოს ეკონომიკურ ურთიერთობებში მდგრად ზრდას დაუჭერს მხარს.– რა კონკრეტული და გაზომვადი ეკონომიკური სარგებელი შეიძლება მიიღოს სომხეთმა რეგიონული კომუნიკაციების გახსნით — მშპ-ის ზრდის, ვაჭრობის, ინვესტიციების, ტრანზიტული შემოსავლების, ლოგისტიკური ჰაბების განვითარების და სხვა მაჩვენებლების თვალსაზრისით?— რეგიონული კომუნიკაციების გახსნამ სომხეთს შეიძლება მოუტანოს მკაფიო და გაზომვადი ეკონომიკური სარგებელი. ამასთან, ეს სარგებელი შეიძლება შეეხოს მეზობელ ქვეყნებსაც. ამ კონტექსტში, „მშვიდობის გზაჯვარედინის“ ინიციატივა შექმნილია იმისთვის, რომ ქვეყნის ეკონომიკური როლი რეგიონში გარდაიქმნას და რეალურ გარდამტეხ ფაქტორად იქცეს.პირველ რიგში, ღია საზღვრები აფართოებს ვაჭრობასა და ტრანზიტს. უფრო მოკლე და ნაკლებ ხარჯიანი მარშრუტები გაზრდის ექსპორტისა და იმპორტის მოცულობას. ისინი გაამრავალფეროვნებს სავაჭრო პარტნიორებს და შეამცირებს შეზღუდულ ბაზრებზე დამოკიდებულებას. გაუმჯობესებული სატრანსპორტო და სავაჭრო კავშირები ხელს შეუწყობს ლოგისტიკური ცენტრების განვითარებას, სამუშაო ადგილების შექმნასა და რეგიონულ განვითარებას. ამასთან, სომხური ბიზნესი უფრო აქტიურად ჩაერთვება საერთაშორისო მიწოდების ჯაჭვებში.კომუნიკაციების გახსნა და მდგრადი მშვიდობა გააძლიერებს ინვესტორების ნდობას. ვაჭრობის ზრდის, ტრანზიტული შემოსავლების გაფართოების, ახალი ინვესტიციებისა და ეკონომიკური დივერსიფიკაციის შედეგად, ბუნებრივად გაიზრდება მშპ. ეს პროცესი რეგიონულ სტაბილურობასა და თანამშრომლობის გაძლიერებას შეუწყობს ხელს.მთლიანობაში, „მშვიდობის გზაჯვარედინის“ ინიციატივამ შეიძლება გარდაქმნას სომხეთის ეკონომიკური როლი და ხელი შეუწყოს გრძელვადიან სტაბილურობასა და თანამშრომლობას რეგიონში.ამავე დროს, საზღვრების გახსნის ეკონომიკური სარგებელი მხოლოდ სომხეთით არ შემოიფარგლება. კომუნიკაციების გახსნას პოზიტიური ეფექტი ექნება მთელ რეგიონზე და მის ფარგლებს გარეთაც.სამხრეთ კავკასიაში ათწლეულების განმავლობაში დახურულმა საზღვრებმა ხელი შეუშალა რეგიონულ ქვეყნებს, დამოუკიდებლობის მოპოვების შემდეგ სრულად გამოეყენებინათ საკუთარი ეკონომიკური, სავაჭრო და საინვესტიციო პოტენციალი. კომუნიკაციების გახსნა ყველა ქვეყანას მისცემს შესაძლებლობას, გაააქტიუროს ეს პოტენციალი და მიიღოს სარგებელი უფრო მჭიდრო ეკონომიკური თანამშრომლობიდან.მოსალოდნელია, რომ ინვესტიციების მოცულობა გაიზრდება მთელ რეგიონში და არა მხოლოდ სომხეთში. ღია მარშრუტები, პროგნოზირებადი ლოგისტიკა და გაუმჯობესებული რეგიონული სტაბილურობა ქმნის პირობებს, რაც ინვესტორებს სჭირდებათ. ნდობის ზრდასთან ერთად, სავარაუდოდ გაიზრდება ინვესტიციები ტრანსპორტში, ლოგისტიკაში, ენერგეტიკაში, ტურიზმსა და მრეწველობაში.სავაჭრო ურთიერთობებშიც უკვე შეინიშნება ცვლილებები. ბოლო დრომდე სომხეთსა და აზერბაიჯანს შორის სავაჭრო ურთიერთობები არ არსებობდა. თუმცა, 2025 წლის ბოლოს განხორციელდა პირველი სავაჭრო გარიგება, იმ მიზნით, რომ მომავალში სავაჭრო მოცულობები გაიზარდოს. ეს პრაქტიკული მაგალითია იმისა, როგორ შეიძლება კომუნიკაციების გახსნამ პოლიტიკური შეთანხმებები რეალურ ეკონომიკურ თანამშრომლობად აქციოს.დადებითი გავლენა მხოლოდ ეკონომიკას არ შეეხება. კულტურული თანამშრომლობისა და ბიზნესკავშირების გაღრმავების შედეგად, რეგიონული თანამშრომლობა გაძლიერდება. ეს ნდობის ზრდასა და გრძელვადიან თანამშრომლობას შეუწყობს ხელს.ვაჭრობის გაფართოების, ინვესტიციების ზრდისა და რეგიონული სატრანსპორტო კავშირების გაუმჯობესების პარალელურად, გაიზრდება მშპ სამხრეთ კავკასიის ყველა ქვეყანაში. დროთა განმავლობაში რეგიონი შეიძლება ჩამოყალიბდეს მიმზიდველ სატრანზიტო და თანამშრომლობის ჰაბად, რომელიც ფართო ბაზრებს დააკავშირებს. ამის შედეგად სამხრეთ კავკასია უფრო საინტერესო გახდება გლობალური ეკონომიკისთვის.– როგორია სომხეთის სტრატეგიული პოზიციონირება რეგიონულ სატრანსპორტო ქსელებში — მხოლოდ ტრანზიტული ქვეყნის როლით, თუ ლოჯისტიკურ-ეკონომიკური ჰაბის შექმნის მიზნით?— სომხეთის ხედვა რეგიონულ სატრანსპორტო ქსელებში მხოლოდ ტრანზიტული ქვეყნის ფუნქციით არ შემოიფარგლება. ეკონომიკური ინიციატივის — „მშვიდობის გზაჯვარედინის“ — მეშვეობით, სომხეთის მთავრობა მიზნად ისახავს ქვეყნის გარდაქმნას ლოგისტიკურ და ეკონომიკურ ჰაბად.„მშვიდობის გზაჯვარედინის“ ინიციატივა მხოლოდ სომხეთს არ ეხება. ის მიზნად ისახავს სამხრეთ კავკასიის პოზიციონირების შეცვლას გლობალურ ეკონომიკაში — რეგიონული კომუნიკაციების გახსნით და ვაჭრობის, ინვესტიციებისა და თანამშრომლობის ახალი შესაძლებლობების შექმნით. მისი მიზანია რეგიონში სატრანსპორტო და ეკონომიკური კომუნიკაციების სრულად ამოქმედება, რაც ეკონომიკურ კეთილდღეობას შეუწყობს ხელს როგორც სომხეთში, ისე მეზობელ ქვეყნებში.ამ კონტექსტში, 8 აგვისტოს სამმხრივი შეთანხმება წარმოადგენს ერთ-ერთ პირველ მნიშვნელოვან პრაქტიკულ ნაბიჯს ამ ხედვის რეალიზაციისკენ. მიუხედავად იმისა, რომ ბოლო წლების ეკონომიკურმა და ინსტიტუციურმა რეფორმებმა გააძლიერა სომხეთის შესაძლებლობა ინვესტიციების მოზიდვის მიმართულებით, დახურული საზღვრები კვლავ რჩებოდა მნიშვნელოვან დაბრკოლებად. შესაბამისად, სატრანსპორტო და ეკონომიკური კავშირების გახსნა აუცილებელია, რათა ქვეყანამ სრულად გამოიყენოს საკუთარი პოტენციალი.ამ სტრატეგიული მიდგომის დამატებითი მაგალითია თურქეთის საზღვართან დაგეგმილი „მშრალი პორტის ინიციატივის“ პროექტი. ეს პროექტი ასახავს სომხეთის მზადყოფნას, ინტეგრირდეს რეგიონულ მიწოდების ჯაჭვებში და შექმნას თანამედროვე ლოგისტიკური ინფრასტრუქტურა, რომელიც რეგიონულ სავაჭრო ნაკადებს მოემსახურება.სომხეთი მიიჩნევს, რომ „მშვიდობის გზაჯვარედინის“ ინიციატივის წარმატებისთვის არსებითია რეგიონული ქვეყნების აქტიური მონაწილეობა. საერთო თანამშრომლობა უზრუნველყოფს, რომ რეგიონი განვითარდეს, როგორც დაკავშირებული, კონკურენტუნარიანი და მდგრადი ეკონომიკური სივრცე.– რა პირობებში შეიძლება რეგიონული კომუნიკაციების გახსნა სტრატეგიულ ეკონომიკურ შესაძლებლობად იქცეს და არა გეოპოლიტიკურ რისკად? რამდენად შეიძლება ღია საზღვრები გეოპოლიტიკურ რისკს წარმოადგენდეს?— რეალურად, გეოპოლიტიკური რისკები წარმოიშობა მაშინ, როდესაც საზღვრები დახურულია და კავშირები ბლოკირებულია. ღიაობა და ურთიერთსასარგებლო  თანამშრომლობა ამცირებს რისკებს, რადგან ქმნის საერთო ეკონომიკურ ინტერესებს და ურთიერთპასუხისმგებლობას.ღია საზღვრები ხელს უწყობს ვაჭრობას, ინვესტიციებსა და სატრანსპორტო ურთიერთკავშირებს. თუ გარკვეული რისკები არსებობს, მათი მართვა შესაძლებელია გამჭვირვალე წესებით, ძლიერი ინსტიტუტებითა და ეფექტიანი რეგულირებით.ამ დროისთვის სამხრეთ კავკასიის ქვეყნებმა დახურული საზღვრების გამო სატრანსპორტო და ინფრასტრუქტურული პოტენციალის მხოლოდ ნაწილი გამოიყენეს. რეგიონული კომუნიკაციების სრულად გახსნა ამ პოტენციალის სრულ გამოყენებას გახდის შესაძლებელს. ამავე დროს, რეგიონი წარმოაჩენს თავს, როგორც მიმზიდველ ჰაბს პარტნიორებისთვის სპარსეთის ყურის ქვეყნებთან -  აზიასთან, შეერთებული შტატებთან და ევროკავშირთან.ეკონომიკური თვალსაზრისით, რეგიონული კომუნიკაციების გახსნა წარმოადგენს სტრატეგიულ შესაძლებლობას. სომხეთის სამართლებრივი ჩარჩო, ინსტიტუტები და ინფრასტრუქტურა ქმნის პირობებს უსაფრთხო, პროგნოზირებადი და სათანადოდ მართული სატრანსპორტო და სავაჭრო კავშირებისთვის. ეს ზრდასა და ინვესტიციებს შეუწყობს ხელს მთელ რეგიონში.ჩვენი მიზანია ისეთი ურთიერთკავშირები, რომლებიც ქმნის ღირებულებას, გამძლეობას და გრძელვადიან ზრდას რეგიონში. ღია და ურთიერთდამოკიდებული ეკონომიკური ურთიერთობების განვითარებით, რეგიონული კომუნიკაციები ამცირებს გეოპოლიტიკურ რისკებს და არ ქმნის მათ.

1768909585

„აზარტული ადამიანი არ ვარ. არც არაფრის მოგების მჯეროდა ცხოვრებაში. ყოველთვის ვფიქრობდი- თუ თანხა გინდა, საკუთარი შრომით უნდა გამოიმუშაო.  საზღვარგარეთ ვმუშაობ და გზავნილების განაღდება  ხშირად მიწევს, თანხის მოგების მოლოდინი არც მქონია. წარმოიდგინეთ, ჩემი ემოცია, როდესაც ახალ წელს სამეგრელოში მშობლებთან ჩასულს თიბისი ბანკიდან დამირეკეს და მითხრეს, რომ გათამაშების გამარჯვებული ვიყავი და ნახევარ საათში, ერთგულ ყულაბაში 15 000 ლარი დამერიცხებოდა. ბედნიერებისგან გავოგნდი. საოცარი ახალი წელი მქონდა“, - გვიზიარებს ემოციებს გიორგი ჯალაღონია.17 ნოემბრიდან 28 დეკემბრის ჩათვლით გზავნილების წინასაახალწლო კამპანიაში ჩართვა ყველას შეეძლო, ვინც მინიმუმ 100 ერთეულ ლარს/აშშ დოლარს, ფუნტს ან ევროს გაანაღდებდა.  ყოველდღიურად 1000 ლარი თამაშდებოდა და იმ მომხმარებელს გადაეცემოდა, ვისი გზავნილიც თიბისის ინტერნეტ ან მობაილბანკში განაღდებულ გზავნილებს შორის დღის განმავლობაში მე-1000 აღმოჩნდებოდა. სუპერ პრიზი 15 000 ლარი კი, ყველაზე აქტიურ მომხმარებელს ერგო, ვინც რაოდენობრივად ყველაზე მეტი გზავნილი გაანაღდა.გიორგი ორმაგად იღბლიანი აღმოჩნდა. სანამ  საახალწლო კამპანიის გამარჯვებული გახდებოდა, იქამდეც  გაუღიმა ბედმა და კამპანიის პირველ დღეს 1000 ლარი მოიგო.“ინტერესის გამო დღის ბოლოს მარათონის დავალებებს ვასრულებდი. მშობლებს დისტანციურად პროდუქტებს თუ საყოფაცხოვრებო ნივთებს აპლიკაციით ვუწერ და შესაბამისად, ერთგულ ბარათს აქტიურად ვიყენებ. ქეშბექებიც ხშირად მიგროვდება ხოლმე. როცა დღის ბოლოს მობაილბანკში შევედი და ყულაბაში 1000 ლარი დამხვდა დავიბენი, ვერ მივხვდი რომელმა ობიექტმა დამიბრუნა  ამ რაოდენობის  თანხა.  დიდი სიხარული იყო იმის გააზრება, რომ რაღაცაში გავიმარჯვე”,- იხსენებს გიორგი.თიბისისთვის მსგავსი კამპანიები მხოლოდ ერთჯერადი ინიციატივა არ არის. გზავნილების კამპანია  ზაფხულშიც მიმდინარეობდა და აქტიური მომხმარებლები ყოველდღიურად იგებდნენ ფულად პრიზებს. სამი ყველაზე აქტიური იღბლიანი კი, სამოგზაურო ტურით დასაჩუქრდა.  შემდეგი ტალღა მომავალშიც იგეგმება. ამიტომ მთავარია, გჯეროდეს და თვალი ადევნო სიახლეებს. იქნებ, მომდევნო გამარჯვებული შენ  ხარ?

1768907780

გარიგებამ უკვე მიიღო კიშინიოვის ხელისუფლების დამტკიცება ეროვნული უსაფრთხოების მოსაზრებებიდან გამომდინარე. თუმცა, გადაწყვეტილებამ ექსპერტებში დავა გამოიწვია, ქვეყნის ერთადერთი საზღვაო პორტის სტრატეგიული მნიშვნელობის გათვალისწინებით.Danube Logistics-ის ( მფლობელი EBRD-ი) უმცირესობის აქციონერმა სცადა გარიგების გასაჩივრება რუმინეთის სასამართლოში, იმ მოტივით, რომ ფასი შესაძლოა გაბერილი იყოს და რომ შესყიდვის დაფინანსება სააქციო კაპიტალის გაზრდით შეიძლება ჩაითვალოს უკანონო სახელმწიფო დახმარებად. სასამართლომ ასევე მიუთითა პორტის აქტივებზე იურიდიულ გირავნობაზე. თუმცა, სასამართლომ უარყო ტრანზაქციის შეჩერების მოთხოვნა.კონსტანტას პორტის სამსახურმა (APM), რომელმაც შეიძინა გიურგიულესტის პორტი, განაცხადა, რომ გარიგების პირობებში გათვალისწინებულია ყველა პოტენციური რისკი.რუმინული მხარე პროექტს სტრატეგიულად მიიჩნევს, როგორც სამოქალაქო ლოგისტიკის განვითარების, ასევე რეგიონის სამხედრო და სატრანსპორტო ინფრასტრუქტურის კონტექსტში. კერძოდ, პორტი უზრუნველყოფს ნატოს ტვირთების სწრაფ გადატანას „აღმოსავლეთ ფლანგის“ სამხრეთ ნაწილში, რომელსაც ამჟამად კოალიციის მოკავშირეები აძლიერებენ.გიურგიულესტის პორტი ასევე გახდება უკრაინული მარცვლეულის ექსპორტისა და სამხედრო საქონლის მიწოდების მთავარი ლოგისტიკური ცენტრი, რადგან უკრაინიდან ორი სარკინიგზო მარშრუტი მიდის იქ.

1768906004

საქსტატის ცნობით, 2025 წლის ნოემბერთან შედარებით ფასები 0.2 პროცენტით გაიზარდა სამთო-მოპოვებითი მრეწველობისა და კარიერების დამუშავების ჯგუფზე, რამაც 0.01 პროცენტული პუნქტით იქონია ზეგავლენა ჯამური ინდექსის ცვლილებაზე. ამავე პერიოდში ფასები 0.2 პროცენტით გაიზარდა დამამუშავებელი მრეწველობის პროდუქციის ჯგუფზე, რამაც 0.19 პროცენტული პუნქტი შეიტანა მთლიანი ინდექსის ცვლილებაში. ჯგუფში შემავალი პროდუქტებიდან აღსანიშნავია ფასების 0.4-პროცენტიანი ზრდა კვების პროდუქტებზე და 3.0-პროცენტიანი მატება ძირითად ლითონებზე. გარდა ამისა, ფასების 1.0-პროცენტიანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.1 პროცენტული პუნქტი შეადგინა.„12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 22.4 პროცენტით, რაც მთლიანი ინდექსის ცვლილებაზე 1.44 პროცენტული პუნქტით აისახა. ჯგუფში აღსანიშნავია ფასების მატება ლითონის მადნებზე (30.8 პროცენტი);დამამუშავებელი მრეწველობის პროდუქცია: ფასები გაიზარდა 4.8 პროცენტით, რამაც მთლიანი ინდექსის ზრდაზე 3.83 პროცენტული პუნქტით მოახდინა გავლენა. ფასები გაიზარდა კვების პროდუქტებზე (11.5 პროცენტი) და ძირითად ლითონებზე (5.3 პროცენტი);ელექტროენერგია, აირი, ორთქლი და კონდიცირებული ჰაერი: ფასები გაიზარდა 7.6 პროცენტით, რამაც მთლიანი ინდექსის წლიურ ცვლილებაზე 0.79 პროცენტული პუნქტით იქონია გავლენა;წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 1.5 პროცენტით, რამაც მთლიან ინდექსზე 0.04 პროცენტული პუნქტით იქონია გავლენა“, – აღნიშნულია საქსტატის მიერ გამოქვეყნებულ ანგარიშში.

1768905488

ეს გამომდინარეობს ჯგუფის მიერ მექსიკის საფონდო ბირჟისთვის გაგზავნილი შეტყობინებიდან.„Grupo Carso-მ, თავისი შვილობილი კომპანია Zamajal-ის მეშვეობით, ხელი მოაწერა სავალდებულო შეთანხმებას Lukoil International Upstream Holding-თან და Lukoil International Holding-თან Fieldwood Mexico-ს კაპიტალის 100%-ის შეძენის შესახებ“, - ნათქვამია განცხადებაში.Fieldwood Mexico პირდაპირ და ირიბად ფლობს ოპერაციულ სუბიექტებს „Fieldwood Energy de México“ და Fieldwood Energy E&P México. ეს კომპანიები ოპერირებენ და ფლობენ 50%-იან წილს იჩალკილისა და პოკოჩის ნავთობისა და გაზის საბადოებში, მექსიკის ყურეში, კამპეჩეს ოფშორში. დარჩენილ 50%-ს უკვე აკონტროლებს Grupo Carso თავისი შვილობილი კომპანია Zamajal-ის მეშვეობით 2024 წლის ტრანზაქციის შემდეგ.ტრანზაქციის ფასი აქციაზე 270 მილიონი აშშ დოლარია და Grupo Carso ასევე იღებს ვალდებულებას, დაფაროს Fieldwood Mexico-ს 330 მილიონი აშშ დოლარის ვალი Lukoil-ის მიმართ. ტრანზაქციის საბოლოო პირობები „დახურვისას კორექტირებას ექვემდებარება“.ტრანზაქციის დასრულება დამოკიდებულია რიგ პირობებზე, მათ შორის მექსიკის მარეგულირებელი ორგანოების დამტკიცებაზე და აშშ-ის უცხოური აქტივების კონტროლის ოფისის (OFAC) ცალკეულ და სპეციალურ დამტკიცებაზე.Grupo Carso-მ ხაზგასმით აღნიშნა, რომ ტრანზაქცია კომპანიას საშუალებას მისცემს გააერთიანოს პროექტის კონტროლი და ოპერატიული მართვა, რაც ადასტურებს ჯგუფის გრძელვადიან ვალდებულებას მექსიკაში ნახშირწყალბადების წარმოების მიმართ.Grupo Carso ლათინური ამერიკის ერთ-ერთი უდიდესი დივერსიფიცირებული ჰოლდინგური კომპანიაა, რომელიც ოპერირებს ინდუსტრიის, ინფრასტრუქტურის, ენერგეტიკის, ვაჭრობისა და ტელეკომუნიკაციების სფეროში. მას აკონტროლებს მილიარდერი კარლოს სლიმი, რომელიც მექსიკის უმდიდრეს ბიზნესმენად ითვლება.

1768902378

ამის შესახებ BFMTV-მ საფრანგეთის პრეზიდენტთან დაახლოებულ პირებზე დაყრდნობით განაცხადა.„ეს მიუღებელია და არაეფექტურია“, - ციტირებს არხი წყაროს და აღნიშნავს, რომ საფრანგეთის პრეზიდენტის ადმინისტრაციამ „გაითვალისწინა ტრამპის განცხადებები“.ადრე Bloomberg-მა გაავრცელა ინფორმაცია, რომ მაკრონი არ აპირებს მიიღოს ამერიკელი ლიდერის მოწვევა, შეუერთდეს მის მიერ შექმნილ „მშვიდობის საბჭოს“. სააგენტოს ცნობით, საფრანგეთის პრეზიდენტი მიიჩნევს, რომ ახალი ორგანიზაციის წესდება სცილდება ღაზას სექტორთან დაკავშირებულ საკითხებს, რაც სერიოზულ შეშფოთებას იწვევს.წყარომ აღნიშნა, რომ პარიზი განსაკუთრებით შეშფოთებულია გაეროს პრინციპებისა და ინსტიტუციური ჩარჩოს დაცვის აუცილებლობით, რომელსაც საფრანგეთი განიხილავს, როგორც არამოლაპარაკებადს. ეს ინფორმაცია მოგვიანებით დაადასტურა საფრანგეთის საგარეო საქმეთა მინისტრმა ჟან-ნოელ ბარომ.შემდგომში ტრამპმა განაცხადა, რომ შეერთებული შტატები აპირებს ფრანგულ ღვინოებზე, მათ შორის შამპანურზე, 200%-იანი ტარიფების დაწესებას, რათა მაკრონი აიძულოს „მშვიდობის საბჭოს“ მუშაობაში მონაწილეობა.

1768899600