ყაზახეთმა 2025 წელს ბაქო-თბილისი-ჯეიჰანის მილსადენით 1.3 მილიონი ტონა ნავთობი მიაწოდა

Artifact Apart Hotel თბილისის ისტორიულ უბანში მდებარეობს და 15 ინდივიდუალურ საცხოვრებელ აპარტამენტს აერთიანებს. აპარტამენტები სრულად არის აღჭურვილი საჭირო თანამედროვე ტექნიკითა და ინვენტარით. სასტუმროს ინფრასტრუქტურა მოიცავს შიდა ეზოს და კაფეს Maluli by Chocoart, სადაც სტუმრებს ხელნაკეთი შოკოლადისა და სხვადასხვა კერძების დაგემოვნების შესაძლებლობა აქვთ.“Artifact Apart Hotel-ის პროექტზე მუშაობის პროცესში ჩვენი ძირითადი მიზანი იყო სივრცის გარდაქმნა ისე, რომ შეგვენარჩუნებინა მისი ისტორიული იდენტობა და კავშირი წარსულთან. ჩვენი გუნდი აქტიურად იკვლევდა უბანს, რათა პროექტის არქიტექტურულ და სივრცით გადაწყვეტაში ისტორიული მემკვიდრეობა სწორად ასახულიყო. პროექტის განხორციელებისას განსაკუთრებული ყურადღება დავუთმეთ მის ფუნქციურ დაგეგმარებასა და ინტერიერის დიზაინში გამოყენებულ მასალებს, რაც ყოველდღიური გამოყენებისთვის ადაპტირებულ, კომფორტულ გარემოს ქმნის. Artifact Apart Hotel უკვე წარმატებით ოპერირებს ბაზარზე და აქტიურად ვმასპინძლობთ როგორც მოკლევადიან, ისე გრძელვადიან ვიზიტორებს. ჩვენი მიზანია მათ მაღალი ხარისხის მომსახურება მივაწოდოთ  და სასიამოვნო გამოცდილება შევუქმნათ”, - განაცხადა ლიკა ჭუმბურიძემ, Artifact Apart Hotel - ის დირექტორმა.„საქართველოს ბანკი აქტიურ რეჟიმში აგრძელებს პარტნიორი ბიზნესების და მათი ინიციატივების მხარდაჭერას, რომლებიც ქვეყანაში სტუმარმასპინძლობის სექტორის განვითარებას უწყობს ხელს. მოხარულები ვართ, რომ ჩვენი მხარდაჭერით, თბილისში კიდევ ერთი აპარტ-სასტუმრო გაიხსნა. გვჯერა, სასტუმრო მიმზიდველი იქნება როგორც ადგილობრივი, ისე საერთაშორისო ტურისტებისთვის. მინდა წარმატებები ვუსურვო გუნდს, ჩვენ კი არ ვჩერდებით და ვაგრძელებთ ბიზნესების გაძლიერებას“, - განაცხადა საქართველოს ბანკის კორპორაციული გაყიდვების სექტორის უფროსმა ირაკლი კიკალიშვილმა. 

1768558578

ქალბატონი მზექალა, ათწლეულებია ქართული ენის სადარაჯოზე დგას და პირნათლად ემსახურება მეცნიერებას. ძალზედ დიდია მისი ღვაწლი როგორც, ენათმეცნიერის და ფილოლოგის, ასევე აღსანიშნავია მის მიერ აღზრდილი სტუდენტთა არაერთი თაობა. იგი გახლდათ საქართველოს რესპუბლიკის პირველი მოწვევის უზენაესი საბჭოს წევრი და საქართველოს სახელმწიფოებრივი დამოუკიდებლობის აღდგენის 1991 წლის 9 აპრილის აქტზე ერთ-ერთი ხელმომწერი.2026 წლის 16 იანვარს ქალბატონი მზექალა შანიძე 100 წლის შესრულდა. მისი მრავალწლიანი მოღვაწეობა ნათლად აჩვენებს, როგორ შეიძლება ერთმა ადამიანმა შექმნას ხიდი ტრადიციასა და თანამედროვეობას შორის. თავისი მოღვაწეობით იგი გვასწავლის, რომ ენის სიყვარული მხოლოდ მისი დაცვა კი არა, არამედ მისი მუდმივი განვითარება და ბალანსის დამყარებაა ისტორიულ მეხსიერებასა და სიახლეს შორის.თიბისისთვის, როგორც #წერექართულად-ის შემქმნელი ბრენდისთვის მნიშვნელოვანია ქართული ენის, როგორც მემკვიდრეობის შენარჩუნება და მის განვითარებაში მონაწილეობა. თიბისის ვიდეორგოლში ნახავთ და მოისმენთ ქალბატონი მზექალას პასუხს დღევანდელობის ერთ-ერთ ყველაზე მნიშვნელოვან საკითხზე: გლობალიზაციის ფონზე, ენასთან მიმართებაში, ჩნდება მთავარი კითხვა - როგორ გავუფრთხილდეთ ქართულ ენას?„თიბისიში გვჯერა, რომ ენა ცოცხალი მემკვიდრეობაა, რომელიც დაცვასთან ერთად განვითარებასაც საჭიროებს. ქალბატონი მზექალა შანიძე ის ადამიანია, ვინც ათწლეულების განმავლობაში ქართული ენის ისტორიული ფესვების დაცვას და ამავდროულად მის გააზრებულ გარდაქმნას ემსახურება. გვსურს, მისდამი, არა მხოლოდ ჩვენი უსაზღვრო პატივისცემა გამოვხატოთ, არამედ, როგორც #წერექართულად-ის ავტორმა ბრენდმა, ჩვენი ღირებულებების ბუნებრივ გაგრძელებად, ავიღოთ პასუხისმგებლობა - გავუფრთხილდეთ ქართულ ენას და შევუწყოთ ხელი მის განვითარებას“ - მაკუნა თავბერიძე, თიბისის მარკეტინგის და ბრენდის გამოცდილების ლიდერი.ქართული მეცნიერების მემატიანეს, ქალბატონი მზექალა შანიძის, 100 წლის საიუბილეო თარიღის აღნიშვნას თიბისიც უერთდება და მისი რჩევით, ბრენდმა სიმბოლურად თავის გზავნილს სასვენი ნიშანი დაურთო - მთავარია, გჯეროდეს!

1768552211

„2025 წელია შეჯამებულია და როგორც მოსალოდნელი იყო ძალიან კარგი ციფრებით დასრულდა.  ჩვენ წლის დასაწყისშივე ვარაუდობდით, რომ ძალიან წარმატებული წელი იქნებოდა, ასეც აღმოჩნდა. ზრდა გვაქვს თითქმის ყველა ჩვენი სტრატეგიული ქვეყნიდან. აღსანიშნავია, რომ ტურისტული ვიზიტების ოდენობამ გადააჭარბა. 2025 წელი იყო რეკორდული საქართველოს ტურისტული ინდუსტრიისთვის ვიზიტების მიმართულებით, მათ შორის ევროკავშირის ქვეყნებიდან ვიზიტორების მიმართულებით, ასევე აღსანიშნავია საუდის არაბეთიდან ისრაელიდან, დიდი ბრიტანეთიდან უპრეცედენტოდ გაზრდილი მოგზაურთა რაოდენობა საქართველოში“, – განაცხადა მაია ომიაძე.როგორც ტურიზმის ეროვნული ადმინისტრაციის ხელმძღვანელი აღნიშნავს, ვიზიტების ზრდას მნიშვნელოვნად ხელი შეუწყო საქართველოდან მიზნობრივი ტურისტული ბაზრების მიმართულებით პირდაპირი ავიარეისების დანიშვნამ და ფრენების სიხშირეების გაზრდამ.„ძალიან დიდი როლი აქვს ამ ყველაფერში პირდაპირ ფრენებს. წლევანდელი წლიდან, 2026 წლიდან, აქტიურად იგეგმება ახალი ფრენები, ახალი მიმართულებები და სიხშირეების დამატება, ასევე ტრადიციული მარკეტინგული კამპანიები, რომლებსაც ტურიზმის ეროვნული ადმინისტრაცია სამიზნე ბაზრებზე ახორციელებს. 2025 წელი იყო გამორჩეული, ჩვენ გვქონდა ძალიან მასშტაბური მარკეტინგული კამპანიები, რომელიც 32 ქვეყანაში ჩატარდა და შესაბამისად შედეგიც სახეზეა.  ვიმედოვნებთ და დარწმუნებული ვართ. 2026 წელიც წარმატებული იქნება“, – განაცხადა მაია ომიაძემ.ტურიზმის ეროვნული ადმინისტრაციის ინფორმაციით, საქართველოში 2025 წელს ტურისტული ვიზიტების რეკორდული მაჩვენებელი დაფიქსირდა და ისტორიულ მაქსიმუმს, 5,521,866 ვიზიტს მიაღწია, ზრდა 2024 წელთან შედარებით +8.4%-ით მეტია.„გასულ წელს საქართველოში 7,803,239 საერთაშორისო მოგზაურის ვიზიტი შედგა, რაც 2024 წელთან შედარებით +5.9%-ით მეტია.2025 წელს საერთაშორისო ტურისტული ვიზიტებით გამორჩეული იყო მე-4 კვარტალი. გასული წლის სექტემბერი-დეკემბრის პერიოდში საერთაშორისო ტურისტული ვიზიტების რეკორდული ზრდა დაფიქირდა და ისტორიული მაქსიმუმი 1,214,772 ვიზიტი შეადგინა, ზრდა 2024 წლის ანალოგიურ პერიოდთან შედარებით +10.5%-ია.რაც შეეხება საერთაშორისო მოგზაურთა ვიზიტებს, გასული წლის სექტემბერი-დეკემბრის პერიოდში, საქართველოში 1,693,484 საერთაშორისო მოგზაურის ვიზიტი შედგა, ზრდა 2024 წლის მე-4 კვარტალთან შედარებით +7.6%-ია“, – აღნიშნულია ტურიზმის ეროვნული ადმინისტრაციის ინფორმაციაში.

1768551828

მინისტრის მოადგილის ინფორმაციით, მნიშვნელოვანი ზრდაა ყველა იმ მიზნობრივ ბაზარზე, სადაც ეკონომიკის სამინისტრო და ტურიზმის ადმინისტრაცია წლების განმავლობაში თანმიმდევრულად მუშაობს მარკეტინგული კამპანიების, ქვეყნის ცნობადობის ამაღლებისა და პირდაპირი საჰაერო მიმოსვლის მხარდაჭერის მიმართულებით.მინისტრის მოადგილემ განსაკუთრებული ყურადღება გაამახვილა ევროკავშირისა და დიდი ბრიტანეთის ბაზრებზე, საიდანაც 2025 წელს ტურისტული ნაკადები 14 პროცენტით გაიზარდა, ასევე მნიშვნელოვანი მატებაა ისრაელიდან, სადაც ზრდამ დაახლოებით 30 პროცენტი შეადგინა, ჩინეთიდან და სხვა მიზნობრივი ბაზრებიდან.ირაკლი ნადარეიშვილის ინფორმაციით, 2026 წელს გაგრძელდება, როგორც მარკეტინგული კამპანიები მიზნობრივ ბაზრებზე, ასევე ტურიზმის ეროვნული ადმინისტრაცია, კერძო სექტორთან თანამშრომლობით, მონაწილეობას მიიღებს პოპულარულ საერთაშორისო ტურისტულ გამოფენებზე საქართველოს ტურისტული პოტენციალის გაცნობის მიზნით.„ჩვენ ველოდებით უფრო წარმატებულ შედეგებს 2026 წლისთვის, რაც, თავის მხრივ, ასევე დადებითად აისახება ქვეყნის ეკონომიკაზე. ტურიზმი საქართველოს ეკონომიკის მთლიანი შიდა პროდუქტის დაახლოებით 10%-ს და დასაქმების 9%-ს შეადგენს, ამასთან, მომსახურების ექსპორტის თითქმის 60% სწორედ ტურიზმზე მოდის. ბოლო წლებში მნიშვნელოვანი სამუშაოები იქნა გაწეული სექტორის განვითარების მიმართულებით და ეს ტენდენცია 2026 წელს და მომდევნო პერიოდშიც გაგრძელდება“, – განაცხადა ირაკლი ნადარეიშვილმა.

1768551725

ამის შესახებ ნავთობისა და გაზის კომპანია KazMunayGas-ის პრესსამსახურმა განაცხადა.„ყაზახური ნავთობის მიწოდებამ აქტაუს პორტიდან ბაქო-თბილისი-ჯეიჰანის მიმართულებით 1.3 მილიონი ტონა შეადგინა. 2026 წლისთვის მოსალოდნელი მოცულობა 1.6 მილიონ ტონამდე ნავთობია“, - ნათქვამია 2025 წელს ნავთობის მიწოდების შედეგების შესახებ განცხადებაში.ყაზახეთის ენერგეტიკის სამინისტროს მონაცემებით, 2024 წელს ბაქო-თბილისი-ჯეიჰანის მარშრუტით დაახლოებით 1.4 მილიონი ტონა ყაზახური ნავთობი გადაიტანეს.

1768550176

ამ ქვეყნებში იტალიის გავლით მიწოდება კიდევ უფრო აფართოებს აზერბაიჯანული გაზის არეალს ევროპაში. ეს აზერბაიჯანული გაზის იმპორტიორი ქვეყნების რაოდენობას 16-მდე ზრდის.აზერბაიჯანის პრეზიდენტის, ილჰამ ალიევის ხელმძღვანელობით შემუშავებული გაზის სტრატეგიის ფარგლებში მოქმედი SOCAR მუდმივად აფართოებს თავის მარკეტინგულ საქმიანობას ევროპასა და ახლო აღმოსავლეთში, აფართოებს უცხოელ პარტნიორებთან თანამშრომლობის პორტფელს და აძლიერებს აზერბაიჯანის, როგორც საიმედო ენერგომომწოდებლის პოზიციას საერთაშორისო ბაზრებზე.

1768550026