„საგადასახადო ცვლილებები იძლევა საშუალებას, მოვიზიდოთ მეტი კაპიტალი, ინვესტიცია, ქონება და ვიყოთ მიმზიდველი ინვესტორებისთვის“

დღეს “ფარკონის” მფლობელობაში 2 საწარმოო ობიექტია, რომლებიც იმერეთში, კერძოდ, ქუთაისსა და ვანში, ეკოლოგიურად სუფთა ადგილებში მდებარეობს. საწარმოების ჯამური ფართობი 7000 კვადრატულ მეტრზე მეტს შეადგენს. კომპანიას 40-მდე ადამიანი ჰყავს დასაქმებული და მსოფლიოს 20-მდე ქვეყანაშია წარმოდგენილი თავისი პროდუქციით.კომპანია ბაზარზე რამდენიმე ბრენდითაა წარმოდგენილი:„ფარკონი”- პირველი სავაჭრო ნიშანი, რომელიც სამკურნალო მცენარეებს: ბალახეულსა და ველურ კენკრას მოიცავს. საქართველოს კლიმატური პირობები და მცენარეული სამყაროს მრავალფეროვნება, კომპანიას საშუალებას აძლევს აწარმოოს სამკურნალო თვისებებით მდიდარი სხვადასხვა პროდუქცია.„ხომლი“ ქართული სურნელოვანი სანელებლების ხაზია, რომელიც ტრადიციულ რეცეპტებზეა დაფუძნებული. მრავალსაუკუნოვანი ისტორიის მქონე სანელებლები, რომლებიც ჯანსაღ კლიმატურ პირობებში მოპოვებული მცენარეებით მზადდება, განსაკუთრებულ გემოვნურ თვისებებს სძენს ხომლს. პროდუქცია თავისი ეკოლოგიურობითა და არომატულობით გამორჩეულია როგორც ადგილობრივ, ისე საერთაშორისო ბაზარზე.„ქართული დაფნის“ სახელით კი კომპანია წარმოდგენილია საკუთარ პლანტაციაში მოყვანილი, სერთიფიცირებული დაფნის ფოთლის პროდუქციით.წელს, კომპანიის დამფუძნებელმა, მამუკა ალფაიძემ გადაწყვიტა, რომ ეკოლოგიურად სუფთა პროდუქციის მწარმოებელი ქარხანა, სუფთა ენერგიითაც მოემარაგებინა და ქარხანაში მზის პანელების დამონტაჟება გადაწყვიტა.ამ იდეის განსახორციელებლად მან უკვე ბევრი წლის პარტნიორ, ფინანსურ ინსტიტუტს, პროკრედიტ ბანკს მიმართა.„საქართველო არა მხოლოდ ფლორა-ფაუნით, არამედ ენერგიის ალტერნატიული წყაროებითაც მდიდარი ქვეყანაა. გადავწყვიტე, რომ ეს რესურსიც ამეთვისებინა და მზის პანელების საშუალებით მომემარაგებინა ქარხანა საჭირო ენერგეტიკული რესურსებით. ახლა უკვე, არა მხოლოდ თავად ქარხანა მოიხმარს მზის ენერგიას, არამედ ამ რესურსის სხვა დამკვეთზე რეალიზაციაც შესაძლებელია. ჩვენს ქვეყანაში ვფიქრობ ასეთი ინიციატივების მხარდაჭერა განსაკუთრებულად მნიშვნელოვანია.“ - მამუკა ალფაიძე.მზის პანელებისგან მიღებული განახლებადი ენერგია ამცირებს სათბურის გაზების გამოყოფას და ელექტროენერგიის კომუნალურ გადასახადებს. ამ ინიციატივის განხორციელების შემდეგ ფარკონი გახდა კიდევ უფრო მეტად ეკომეგობრული ობიექტი და შეუერთდა იმ ბიზნესების რიცხვს, რომლებიც ალტერნატიული ენერგიის მოხმარებით ქვეყანაში გარემო პირობების გაუმჯობესებას უწყობენ ხელს.მამუკა ალფაიძის თქმით, საქართველოს აქვს დიდი პოტენციალი, იყოს მსოფლიო ბაზრის ერთ-ერთი ლიდერი სუნელ-სანელებლებისა და მცენარეების მიწოდებაში, რომლებიც ქართული ავთენტურობით გამოირჩევა. ფარკონი სწორედ ამ იდეას ემსახურება თავისი საქმიანობით და მხარს უჭერს ჩვენი ქვეყნის ამ უნიკალური კულტურისა და ტრადიციის კიდევ უფრო გაფართოებას, როგორც ჩვენს ქვეყანაში, ასევე მის საზღვრებს გარეთაც.

1758033096

მიღებული მედლები შემდეგნაირად გადანაწილდა:ოქრო Kupata’s Legacy | კატეგორია: PR კამპანიები Independence: First person experience | SUPERMARKET - კატეგორია: ინტეგრირებული ბრენდული გამოცდილება Kupata | GARNAMATAC - კატეგორია: ანიმაცია Iveria - დამოუკიდებლობის დღისადმი მიძღვნილი გამოცემა - კატეგორია: ჟურნალები და გაზეთები ვერცხლი Blood Bank of Georgia | Windfor's - კატეგორია: ადამიანები Kupata’s Legacy - კატეგორია: ინტეგრირებული სარეკლამო კამპანიები Kupata’s Legacy - კატეგორია: ცნობიერების ასამაღლებელი და აქტივაციის კამპანიები CAMPAIGN THAT DOESN’T STOP - კატეგორია: გრძელვადიანი სტრატეგია Once You See It, You Can't Unsee It | Windfor's - კატეგორია: ტაქტიკური გადაწყვეტები ბრინჯაო Kupata’s Legacy - კატეგორია: კორპორატიული ღირებულება & სოციალური პასუხისმგებლობა Kupata | GARNAMATAC - კატეგორია: რეჟისურა Kupata | GARNAMATAC - კატეგორია: ფროდაქშენ დიზაინი და არტ დაირექშენი Independence: First person experience | Supermarket - კატეგორია: გარე პრინტისა და ბანერების გამოყენება Once You See It, You Can't Unsee It | Windfor's - ინფლუენსერებთან თანამშრომლობა ინფორმაციისთვის, Ad Black Sea-ს ფესტივალის ფარგლებში გამარჯვებულები 14 კატეგორიაში გამოვლინდა. მათ საერთაშორისო ჟიური აფასებდა, რომელიც 20 ქვეყნიდან მოწვეულ 28 წევრს აერთიანებდა. ფესტივალში მონაწილეობდნენ როგორც ქართველი, ასევე უცხოური კომპანიები და კრეატიული სააგენტოები.Ad Black Sea საერთაშორისო ფესტივალია, რომელიც ყოველწლიურად ბათუმში თავს უყრის კრეატიული ინდუსტრიის წარმომადგენლებს და აძლევს მათ შესაძლებლობას, გაიღრმაონ პროფესიული ცოდნა, გამოცდილება და დაამყარონ საერთაშორისო კავშირები.

1758029880

ამის შესახებ ბურჯანაძემ, მედიაჰოლდინგ “კვირას” პრესკლუბში გამართულ პრესკონფერენციაზე განაცხადა. ბურჯანაძემ ზაფხულის ტურისტული სეზონის შედეგები შეაფასა.“სეზონი, გარკვეულწილად, შეიძლება, ითქვას, რომ არ დაიწყო ისე, რა სურვილიც ,ზოგადად, ჩვენს სფეროს , თუ ქვეყანას ექნებოდა, მიუხედავად ამისა, ძალიან კარგად გაგრძელდა და პირდაპირ შეიძლება, შეფასდეს, რომ სეზონმა გაამართლა. არა მარტო სფეროზე [სარესტორნო] მოხდა მისი გავლენა, არამედ ქვეყნის ეკონომიკურ მდგომარეობაზე, ასევე გავლენა იქონია ლარის კურსზეც. შესაბამისად, რაოდენობრივად, თუ ფისკალურად ერთი სიტყვით თუ შევაჯამებთ, ქვეყნის ტურისტულ ისტორიაში ერთ-ერთ საუკეთესო სეზონად შეიძლება, ჩაითვალოს. ამაზე ,რა თქმა უნდა, იმოქმედა გაწეულმა სამუშაოებმა, რაც ტურისტების მოზიდვას გულისხმობს, ასევე, ინტერესმა, რომელიც ჩვენი ქვეყნის მიმართ არსებობდა და არსებობს. შეფასებას რეგიონებისა და თბილისის კუთხით თუ გავაკეთებთ, ორივე შემთხვევაში შეიძლება, ითქვას, რომ წარმატებული სეზონია, მაგრამ განსაკუთრებულად ამ შემთხვევაში შავი ზღვისპირეთი გამოირჩევა.ამასთან, გარკვეული პრობლემა არსებობს, რომელიც უნდა აღინიშნოს. ესაა ტურისტების ის ხასიათი, რომელიც ჩვენი ქვეყნისთვის ახალი იყო. იგულისხმება ტურისტები ინდოეთიდან, არაბული ქვეყნებიდან ( მიუხედავად იმისა, რომ არაბული ქვეყნებიდან ტურისტები უკვე გვყავდა, გარკვეული, რაღაც ახალი კონტინგენტია მოზიდული) და ჩინეთიდან, რომლებსაც ჩვენი ქვეყნის, ჩვენი კულტურის მიმართ თავისი მოთხოვნები გააჩნიათ. დასავლეთიდან, თუ ჩვენი მეზობელი ქვეყნებიდან ჩამოსული ტურისტებისთვის მიზიდულობის ძალა ქართული გასტრონომია, ქართული ღვინოა. გარკვეულწილად, ამის საპირისპირო მოთხოვნაა ინდოეთიდან, ჩინეთიდან, თუ არაბული ქვეყნებიდან ჩამოსულებისგან, რომლებიც მრავლად იყვნენ.დღესდღეობითაც ტურისტული სეზონი ჯერ დამთავრებული არ არის და ძალიან ბევრი სასტუმროა გადავსებული. ძალიან მიხარია, რომ ეს მინიმუმ სექტემბრის ბოლომდე გრძელდება, მაგრამ ძირითადი მასა ზუსტად ამ ქვეყნის ტურისტები არიან. შესაბამისად, აქ გარკვეული დისონანსი იქმნება. ჩვენი კულტურული მიწოდების თვალსაზრისით უმნიშვნელოვანესი გასტრონომიაა, გარკვეულწილად დისონანსი აქ გვაქვს. ძირითადად, მათ კულტურასთან შეუსაბამობაა. მაგალითად, როგორც ჩვენთვის პირობითად, რომელიმე ქვეყნის გასტრონომია შეიძლება, შეუსაბამო იყოს. ამ კონკრეტულ შემთხვევაში სექტორი ამას, გარკვეულწილად, არ უნდა მოერგოს. ჩვენი გასტრონომიული კულტურული განვითარება რამაც მოიყვანა , ზუსტად ამ კურსით უნდა განვითარდეს, რათა ავთენტიკურობა არ დაიკარგოს.შეიძლება, ითქვას, რომ ჩვენი მუშაობა უნდა გაგრძელდეს არა მარტო ამ ქვეყნებიდან ტურისტების მოზიდვით, არამედ მათი მოზიდვით, ვინც ჩვენს კულტურას პირდაპირ იზიარებს, დასავლეთიდან ტურისტების მოზიდვა უნდა გაძლიერდეს. შესაბამისად, შემდეგ ჩამოყალიბდება ის რეალური თანაფარდობა, რომლითაც ქვეყანა შეძლებს, ამ გამოწვევას უპასუხოს”- განაცხადა ბურჯანაძემ.მანვე ქვეყანაში გასტროტურიზმის განვითარება შეაფასა და აღნიშნა, რომ საქართველოში ჩამოსულ ტურისტებს, იმ ავთენტიკურობის გაცნობის შესაძლებლობა უნდა მიეცეთ, რაც ქართულ კერძებს რეგიონების კუთხით აქვს.“გასტრონომია, მიუხედავად ჩვენი მრავალსაუკუნოვანი არსებობისა, ახლად დაბადებული ბავშვია, იქიდან გამომდინარე, რომ წლების განმავლობაში, ჩვენი ძირითადი გასტრონომია შიდა მოხმარებისთვის იყო. ტურიზმი, განვითარების ის სფერო არ იყო, როგორიც დღესდღეობითაა. ამიტომაც მე ასე შევაფასებდი, გასტრონომია ახლად დაბადებული ბავშვია, რომელსაც სწორი აღზრდა და განვითარება სჭირდება. თუ არასწორად განვითარდა, ამ შემთხვევაში პრობლემები უფრო მეტი იქნება, მისი გამოსწორება კი რთული.საქართველოში არსებულ სარესტორნო სფეროს და ამ სფეროში მოღვაწე ქართველ მზარეულებს დიდი მადლობა შეიძლება, ვუთხრათ, რადგან ქართული გასტრონომიის ცნობადობასა და განვითარებაში დიდი წვლილი მიუძღვით. სწორი განვითარებაში იგულისხმება ის, რომ მიმართულება ნელ-ნელა ვითარდება, მაგრამ რეგიონებში უფრო სწრაფად უნდა განვითარდეს. პირობითად, ჩვენ ხშირად გვინახავს “ღვინის გზა”, “ყველის გზა” და ა.შ. გასტრონომიული მიმართულებები ზუსტად ასე უნდა განვითარდეს. საქართველოში ჩამოსულ ტურისტებს, იმ ავთენტიკურობის გაცნობის შესაძლებლობა უნდა მიეცეთ, რომელიც რეგიონების კუთხით ჩვენს კერძებს გააჩნია. თუნდაც, როდესაც ქართველი ადამიანი მიდის სამოგზაუროდ და ხშირად იმ ქვეყანაში გასტრონომია მაღალ დონეზეა, ტურისტს ტურისტულ უბნებში არსებული რესტორნების მოხმარება არ უნდა, არამედ რაღაც ავთენტიკური სურს. არსებობს მაღალი დონის და სახლური რესტორნების შესაძლებლობა. ვინც ამ კუთხითაა დაინტერესებული, იმას [ ე.წ. სახლურს] უფრო ეძებს. ამ მიმართულებით ინფრასტრუქტურის განვითარების აუცილებლობაა, რათა სწორი განვითარება მოვახდინოთ. უნდა დაინერგოს ავთენტიკური გასტრონომიური განვითარების შესაძლებლობა, რომ ის, რაც ჩვენ გვაქვს და ქართულ გასტრონომიას ახასიათებს, არ დაიკარგოს და მასობრივ, ასე ვთქვათ, სარესტორნო პროდუქტის მიწოდებაზე არ გადავიდეს “- განაცხადა ბურჯანაძემ.მანვე სექტორში არსებული გამოწვევების შესახებ ისაუბრა.“გამოწვევები ძალიან ბევრია. მაგალითად, ერთ-ერთი პირველი შეიძლება, ითქვას, რომ სტაბილური სიტუაციაა, რომელიც მნიშვნელოვანია. სტაბილური მდგომარეობის შემთხვევაში განვითარება ძალიან სწრაფად მოხდება და ნაბიჯები სწორად გადაიდგმება. მეორეა დასაქმებულთა ნაკლებობა, ანუ ჩვენ კადრები გვაკლია და ეს ძალიან მტკივნეულია. შემდეგ შეიძლება, ითქვას, რომ სერვისის ხარისხია. სამწუხაროდ, დღეს ჩვენი სფერო ამ სერვისს ჩამოსულ და ადგილობრივ მომხმარებელს ვერ აწვდის. ამის გამოსწორების აუცილებლობა არსებობს. ასევე, სახელმწიფოს მხრიდან აუცილებელია კიდევ უფრო მეტი ჩართულობა, რომ ამ სფეროში მომუშავე ადამიანების სტაბილურობა სწორად იყოს განსაზღვრული. რა იგულისხმება ამაში: დღეს ჩვენს სფეროში დასაქმებულების დიდი უმრავლესობა ამ სფეროში დასაქმებას ხშირ შემთხვევაში მათ ძირითად საქმედ არ თვლის. ეს მათთვის ცხოვრებაში, გარკვეულწილად, რაღაც გავლითი პროცესია, შემდეგ კი უკვე სხვა სფეროში უნდა დასაქმდნენ. ეს გამოწვეულია სფეროში არსებული სიტუაციებიდან, დამსაქმებლის მხრიდან, გარკვეული არასწორი მიდგომებიდან, ასევე გამოწვეულია არასწორი განათლების მიღებით. შეიძლება, ითქვას, რომ აქ სახელმწიფოს ჩართულობა აუცილებელია, რადგან სფერო ძალიან დიდია და ბევრ სხვადასხვა მიმართულებას მოიცავს.რაც შეეხება იმას, თუ რამდენად ადეკვატურია სექტორში არსებული ფასები მომსახურების ხარისხთან მიმართებით – ერთ სიტყვაში გეტყვით, არაადეკვატურია, მაგრამ ამას განმარტებები სჭირდება. მე ვერ დავეთანხმები მოსაზრებას, რომ საქართველო სხვა, განვითარებულ ქვეყნებზე უფრო ძვირი ქვეყანაა [სერვისის, გასტრონომიის კუთხით] . საქართველო ამ ქვეყნებთან შედარებით კიდევ უფრო იაფია, მაგრამ როდესაც ეს ითქმება, შემდეგ არგუმენტია: არის, თუ არა ფასი სერვისთან შესაბამისი. დიახ, ეს შეუსაბამოა. ამას, გარკვეულწილად, თავისი მიზეზი აქვს და კიდევ ერთხელ ვუბრუნდები იმ თემას, რაც არასტაბილურობის განცდაა. როდესაც ბიზნესში დასაქმებულ ადამიანებს, გარკვეულწილად, მოლოდინი აქვთ, რომ შეიძლება, მომდევნო თვე უარესი იყოს , ხშირად არასწორი გათვლის გამო ბიზნესის ისე წარმოჩენა ხდება, რომ ამ ერთ თვეში მათი შემოსავლის სრული შესაძლებელი რეალიზაცია უნდა მოახდინონ. ამიტომაცაა, როდესაც ჩვენთვის გარკვეული ფასები მიუღებელია არა მარტო სერვისთან მიმართებაში, არამედ ზოგადადაც.შეიძლება ვიღაცა არ დამეთანხმოს, მაგრამ შეიძლება, პირდაპირ ითქვას, რომ დღეს სარესტორნო სფეროში ფასები იაფია. რა იგულისხმება სიიაფეში: სერვისის მიწოდება, ვალდებულებები სახელმწიფო, თუ სხვადასხვა სტრუქტურებთან, სტანდარტების დაცვა, რომელიც აუცილებლად გათვალისწინებული უნდა იყოს – ამ ყველაფრის გათვალისწინებით ფასები ძალიან იაფია. ჩვენს ქვეყანაში პრობლემა არ არის ფასები, ჩვენს ქვეყანაში პრობლემა ანაზღაურებაა, რომელიც ადგილობრივ მომხმარებელს აქვს. ჩვენს ქვეყანაში სამჯერ მეტი ხელფასები რომ იყოს, ამ შემთხვევაში ფასები ადეკვატური იქნება. ჩვენი ერთობლივი მოთხოვნა უნდა იყოს, რომ ხელფასები მაღალი იყოს და არა ვთქვათ, ფასი დაბალი. ტურისტული ქვეყანა, რომელიც დაბალი ფასებით ოპერირებს, მოგებიანი არ არის. ამ შემთხვევაში ტურისტი რადგანაც ბევრი გვყავს, ფასი მაღალი უნდა იყოს , მაგრამ ანაზღაურება შესაბამისად ადეკვატური. აი ეს არის ჩემი აზრით, სწორი მიდგომა.თუ კონკურენტი არ იცავს იმ სტანდარტებს, რაზედაც ვსაუბრობ, ამ შემთხვევაში მას ფასი დაბალი აქვს, მაგრამ თქვენ როგორც მომხმარებლები, გარკვეული რისკის წინაშე დგახართ. თუ ყველა სტანდარტი დაცული არის, რისკი ნაკლებია. ბევრი ნაბიჯია გადასადგმელი. პირველ რიგში ხელფასებია გასაზრდელი, რათა ადამიანს დღეს ადეკვატური ხელფასი ჰქონდეს და არა ის, რომ თავის ცხოვრებას გადარჩენისთვის ბრძოლის კუთხით უყურებდეს. არცერთ რესტორანს არა აქვს იმის სურვილი, ფასი იმხელა იყოს, რომ მომხმარებელი ვერ შედიოდეს”- განაცხადა ბურჯანაძემ.

1758029700

პროგრამაში მონაწილეობით დაინტერესებული ახალგაზრდებისთვის კი საქართველოს ბანკი 19 სექტემბერს, 19:00 საათზე ონლაინ შეხვედრას მართავს.CHEVENING-ის პროგრამაზე განაცხადების მიღება უკვე დაიწყო და ის 7 ოქტომბერს დასრულდება.ღონისძიების ფარგლებში, საქართველოს ბანკის სტიპენდიატი - ლუკა ხუნდაძე და CHEVENING-ის პროგრამის კოორდინატორი - ვიკა ზამთარაძე მონაწილეებს მათთვის საინტერესო კითხვებზე პასუხებს გაუზიარებენ. კერძოდ, ვებინარის მონაწილეები გაიგებენ: როგორ მოიპოვონ საქართველოს ბანკის 100%-იანი სტიპენდია CHEVENING-ის პროგრამაში; როგორ მიიღონ ინფორმაცია სააპლიკაციო პროცესის შესახებ; მოისმენენ რჩევებს, რომლებიც საზღვარგარეთ სწავლისა და ცხოვრების გამოწვევების დაძლევაში დაეხმარებათ. შეხვედრაზე დასწრების მსურველებმა უნდა გაიარონ რეგისტრაცია ბმულზე: http://go.bog.ge/46uENpoაპლიკაციის შევსების შესახებ ინფორმაციის მისაღებად ეწვიეთ ბმულს.ღონისძიების შესახებ დეტალური ინფორმაცია ხელმისაწვდომია ბმულზე.

1758029321

მისივე თქმით, ბაზარზე ფასი, შესაძლოა, უშუალოდ საბაზრო პირობებიდან გამომდინარე გაიზარდოს, თუმცა ასევე შესაძლებელია, გარკვეულ ხელოვნურ ზრდასაც ჰქონდეს ადგილი და, სწორედ, ამ ფაქტორებზე დაკვირვებას ემსახურება ბაზარზე მონიტორინგის დაწყება.„სტრატეგიულად მნიშვნელოვან ბაზრებს მუდმივ რეჟიმში აკვირდება GCCA. ჩვენ განვახორციელეთ ასევე სამედიცინო მომსახურების ბაზრის მომიჯნავე ბაზრის მონიტორინგი - ფარმაცევტულ ბაზარს ვგულისხმობ. ფარმაცევტული ბაზრის მონიტორინგით გაცემული რეკომენდაციები საფუძველი გახდა ბაზარზე განხორციელებული სისტემური რეფორმებისა. ასევე, გამოვავლინეთ შეთანხმებული ქმედება ონკოლოგიურ მედიკამენტებთან დაკავშირებით, იყო დომინანტური მდგომარეობის ბოროტად გამოყენებაც, რისთვისაც რამდენიმე კომპანია დავაჯარიმეთ,“- განაცხადა გიორგი ქედელიძემ.მისივე თქმით, რაც შეეხება საწვავის ბაზრის მონიტორინგს, წარსულში იდენტიფიცირებული შეთანხმებული ქმედებების გათვალისწინებით, აღნიშნული ბაზარი ითვლება მაღალი რისკის მქონედ და, შესაბამისად, იმ შემთხვევაში, თუ გამოიკვეთება ფასების ზრდა არასაბაზრო ფაქტორებით, სააგენტო კვლავ დაიწყებს ბაზრის შესწავლას.„სააგენტოს წარსულშიც არაერთხელ ჰქონდა ამ ბაზარზე იდენტიფიცირებული შეთანხმებული ქმედებები, შესაბამისად, ეს ბაზარი ითვლება მაღალი რისკის მქონედ. ამასთან, ბაზარი სტრატეგიულად მნიშვნელოვანია მოცულობის და სხვა ბაზრებზე გავლენის გათვალისწინებით. აქედან გამომდინარე, ჩვენ ყოველკვარტალურად და ყოველწლიურად ვახორციელებთ მონიტორინგს, რომლის შედეგებიც საჯაროა. ვაკვირდებით პირველ რიგში იმას, თუ როგორ იცვლება საცალო ფასები მასზე მოქმედი ფაქტორების, კერძოდ ლარის გაცვლითი კურსის და შესასყიდი საწვავის ღირებულების გათვალისწინებით,“- განაცხადა GCCA-ის სტრატეგიული ბაზრების მონიტორინგის დეპარტამენტის უფროსმა.გიორგი ქედელიძის თქმით, სააგენტო ასევე ახორციელებს პესტიციდების ბაზრის მონიტორინგს და ამ მიმართულებით, სავარაუდოდ წლის ბოლომდე, პირველადი ანგარიში გამოქვეყნდება.

1758026684

ღონისძიება 2025 წლის 19 სექტემბერს გაიმართება და იგი ყურადღებას საქართველოს ზამთრის კურორტების პოტენციალზე, მათ კონკურენტულ უპირატესობებსა და განვითარების პერსპექტივებზე გაამახვილებს.მონაწილეებს ექნებათ შესაძლებლობა, გაეცნონ უახლეს ტენდენციებს, ტექნოლოგიურ გადაწყვეტილებებსა და საკანონმდებლო სიახლეებს, რაც მათ ბიზნესის მოდერნიზაციასა და კონკურენტუნარიანობის ზრდაში დაეხმარება.ღონისძიებაზე განხილული იქნება: პირდაპირი ჯავშნების ზრდა; ციფრული მარკეტინგის გამოყენება ადგილობრივი ტურისტების მოსაზიდად; კურორტების ოთხივე სეზონზე ვიზიტირებადობის ზრდის სტრატეგიები; საერთაშორისო ტურისტების მოზიდვა რეგიონული კონკურენციის პირობებში; ახალი ტურიზმის კანონის გავლენა სექტორზე. ღონისძიება თბილისში, 19 სექტემბერს 14:00 – 18:00 საათზე სასტუმრო მუზეუმში გაიმართება. დეტალური დღის წესრიგი იხილეთ ტურისტერის ვებგვერდზე. დასწრება თავისუფალია. რეგისტრაციისთვის ეწვიეთ ბმულს: https://tourister.ge/ka/registration-190925

1758022920