შექმენი პირველი შეთავაზება Ads მენეჯერში - საქართველოს ბანკის შეთავაზება ბიზნესს

კამპანია მოქმედებს 31 იანვრის ჩათვლით და განკუთვნილია: რესტორნებისა და ბარებისთვის სილამაზის სალონებისა და ესთეტიკის ცენტრებისთვის სპორტდარბაზებისთვის სასტუმროებისთვის მომსახურების სექტორში არსებული ნებისმიერი ბიზნესისთვის ბიზნესები, რომლებიც საქართველოს ბანკის Ads მენეჯერით პირველად განათავსებენ შეთავაზებას, მიიღებენ ერთკვირიანი სარეკლამო შეთავაზების სრულ დაფინანსებას საქართველოს ბანკისგან. კამპანიის ფარგლებში, ბიზნესებს შესაძლებლობა აქვთ, ერთჯერადად შექმნან 10-ჯერ მეტი PLUS ქულის შეთავაზება, სადაც თითოეული მომხმარებლისთვის დასაბრუნებელი ქულების მაქსიმალური ოდენობა 4 000 PLUS-ს შეადგენს. შექმნილი შეთავაზების შესახებ ინფორმაციის გავრცელება კი ბიზნესს საქართველოს ბანკის არხებში — მობილბანკში, offers.bog.ge-ზე, sCoolApp-ში, ასევე ბანკის სოციალური მედიის ინსტრუმენტებით შეუძლიათ. კამპანიის ფარგლებში თითოეული ბიზნესისთვის შეთავაზების დაფინანსების მაქსიმალური მოცულობა 1000 ლარით განისაზღვრება.Ads მენეჯერი საქართველოს ბანკის უნიკალური ციფრული პლატფორმაა, რომელიც ბიზნესს შესაძლებლობას აძლევს, თავად შექმნას ქეშბექის, ფასდაკლების ან ქულების დაგროვების შეთავაზებები და წარადგინოს ისინი ბანკის არხებში, რომელთაც 1 800 000-ზე მეტი მომხმარებელი იყენებს.აღნიშნული შეთავაზების გარდა, კამპანიის ფარგლებში, მომსახურების სფეროში მოქმედ ბიზნესებს შესაძლებლობა აქვთ: მიიღონ პირველი POS ტერმინალი 3 თვის განმავლობაში საკომისიოს გარეშე ისარგებლონ 3%-იანი ქეშბექით Gulf-ის ობიექტებზე საწვავის შეძენისას ისარგებლონ სპეციალური ფასდაკლებებით, რაც მოიცავს: Nova-ს შერჩეულ პროდუქციაზე 10%-იან ფასდაკლებას Altido-ს ბუღალტრულ და საგადასახადო მომსახურებაზე 50%-იან შეღავათს; Inventer-ის მარაგების მართვასა და ინვენტარიზაციაზე 20%-იან ფასდაკლება; ხოლო Bolt-ში - 20%-იან ფასდაკლებას მგზავრობაზე და თანამშრომლების ულიმიტო დამატების შესაძლებლობას დამატებით, ბიზნესებისთვის ხელმისაწვდომია პრაქტიკული ონლაინ კურსები კონტენტის მენეჯმენტის, ხელოვნური ინტელექტისა და სარესტორნო ბიზნესის მართვის მიმართულებით.შეთავაზების შესახებ მეტი ინფორმაციის მისაღებად ეწვიეთ საქართველოს ბანკის ვებგვერდს.

1766575555

„ახლა მზად ვარ განვიხილო 20-პუნქტიანი დოკუმენტის პროექტი. ეს პოლიტიკური დოკუმენტია ჩვენს, ამერიკას, ევროპასა და რუსეთს შორის“, - განაცხადა ვოლოდიმირ ზელენსკიმ.მისი თქმით, ამ დროისთვის, ამერიკულ მხარესთან საერთო პოზიცია ორ საკითხთან დაკავშირებით არ არსებობს: დონეცკის ოლქის და ზაპოროჟიეს ატომურ ელექტროსადგურთან დაკავშირებით.უკრაინის პრეზიდენტის ცნობით, შეთანხმებაში შემდეგი პუნქტები შედის: უკრაინის სუვერენიტეტის კვლავ დადასტურება. შეთანხმების ყველა ხელმომწერი ამას თავისი ხელმოწერით დაადასტურებს.რუსეთსა და უკრაინას შორის თავდაუსხმელობის სრული და უპირობო შეთანხმება. ხანგრძლივი მშვიდობის შესანარჩუნებლად კონტაქტის ხაზზე მონიტორინგის მექანიზმი შეიქმნება.უკრაინა უსაფრთხოების ძლიერ გარანტიებს მიიღებს. უკრაინის შეიარაღებული ძალების რაოდენობა მშვიდობიან პერიოდში 800 000 სამხედრო იქნება. აშშ, ნატო და ევროპის ხელმომწერი სახელმწიფოები უკრაინას ნატო-ს მე-5 მუხლის მსგავს უსაფრთხოების გარანტიებს მისცემენ.რუსეთი ევროპისა და უკრაინის მიმართ თავდაუსხმელობის პოლიტიკას ყველა საჭირო კანონში დაამტკიცებს და რატიფიცირებას მოახდენს.უკრაინა კონკრეტულად განსაზღვრულ ვადაში ევროკავშირის წევრი გახდება.უკრაინა გლობალური განვითარების ძლიერ პაკეტს მიიღებს, რომელიც ინვესტიციებს განსაზღვრავს.უკრაინის ეკონომიკური აღდგენისა და რეგიონების რეკონსტრუქციისთვის რამდენიმე ფონდი შეიქმნება. მიზანი 800 მილიარდი დოლარის მოზიდვა იქნება.უკრაინა ამერიკის შეერთებულ შტატებთან თავისუფალი ვაჭრობის შეთანხმების დადების პროცესს დააჩქარებს.უკრაინა დაადასტურებს, რომ ბირთვული იარაღის გაუვრცელებლობის შესახებ ხელშეკრულების შესაბამისად, ის არაბირთვულ სახელმწიფოდ დარჩება.ზაპოროჟიეს ატომური ელექტროსადგურის მართვას სამი ქვეყანა, უკრაინა, აშშ და რუსეთი ერთობლივად უზრუნველყოფს, თუმცა დეტალები კვლავ განიხილება.ორივე ქვეყანა იღებს ვალდებულებას, რომ სკოლებსა და საზოგადოებაში პროგრამებს განახორციელებენ, რომლებიც კულტურულ გაგებასა და ტოლერანტობას ხელს შეუწყობს და ასევე რასიზმს აღმოფხვრის. უკრაინა რელიგიური ტოლერანტობისა და უმცირესობათა ენების დაცვის შესახებ ევროკავშირის წესებს შეასრულებს.ტერიტორიების შესახებ პუნქტები შეთანხმებული არ არის. თუმცა, გადაწყვეტის რამდენიმე ვარიანტია: პირველი - „იქ ვდგავართ, სადაც ვდგავართ“. დონეცკის, ლუგანსკის, ზაპოროჟიესა და ხერსონის ოლქებში, ამ შეთანხმების თარიღის მიხედვით, ჯარების განლაგების ადგილი დე-ფაქტო კონტაქტის ხაზად იქნება აღიარებული, რომელსაც საერთაშორისო ძალები გააკონტროლებენ. მეორე - დონბასის თავისუფალი ეკონომიკური ზონის შექმნა, რომელიც ამ ზონის დემილიტარიზაციას ითვალისწინებს. უკრაინა ჯარების გაყვანას ეწინააღმდეგება. ეს ვარიანტი რეფერენდუმის ჩატარებას მოითხოვს. ტერიტორიული საკითხი შეიძლება, საბოლოოდ ლიდერების დონეზე გადაწყდეს.რუსეთის ფედერაცია და უკრაინა იღებენ ვალდებულებას, რომ მომავალში ტერიტორიულ მოწყობას ძალის გამოყენებით არ შეცვლიან.რუსეთი უკრაინას მდინარე დნეპრისა და შავი ზღვის კომერციული მიზნებისთვის გამოყენებაში ხელს არ შეუშლის.ჰუმანიტარული კომიტეტი შეიქმნება, რაც ტყვეების, პოლიტპატიმრებისა და ბავშვების დაბრუნებას ითვალისწინებს.უკრაინამ შეთანხმების ხელმოწერიდან მოკლე ვადაში არჩევნები უნდა ჩაატაროს.ეს შეთანხმება იურიდიულად სავალდებულო იქნება და მის შესრულებას „მშვიდობის საბჭო“ გააკონტროლებს, რომელსაც აშშ-ის პრეზიდენტი, დონალდ ტრამპი უხელმძღვანელებს.როგორც კი შეთანხმებაზე თანხმობას ყველა მხარე გამოაცხადებს, სრული ცეცხლის შეწყვეტა მაშინვე ამოქმედდება.ამასთან, ვოლოდიმირ ზელენსკიმ განაცხადა, რომ დღეს ამ პროექტთან დაკავშირებით რუსული მხარისგან პასუხს ელის.

1766575210

მისი თქმით, გიორგი კანდელაკს აღკვეთის ღონისძიება პატიმრობა 200 000-ლარიანი გირაოთი შეეცვალა.ცნობისთვის, ფინანსთა სამინისტროს საგამოძიებო სამსახურმა 75 137 ბოთლი ალკოჰოლური სასმელი და 318 000 კოლოფი უაქციზო სიგარეტი ამოიღო, რასთან დაკავშირებითაც 7 პირი, მათ შორის, გიორგი კანდელაკი დააკავა. მათ ბრალდება სისხლის სამართლის კოდექსის 200-ე მუხლის მე-3 და მე-4 ნაწილებით (ორგანიზებული ჯგუფის მიერ, განსაკუთრებით დიდი ოდენობით ღირებულების მარკირებას დაქვემდებარებული აქციზური საქონლის აქციზური მარკის გარეშე გამოშვება და შენახვა), ასევე, 196-ე მუხლის მე-3 ნაწილით (დიდი ოდენობით სხვისი სასაქონლო ნიშნისა და რეგისტრირებული საფირმო სახელწოდებით უკანონოდ ნიშანდებული საქონლის წარმოება) წარედგინათ, რაც სასჯელის სახედ და ზომად შვიდიდან ათ წლამდე თავისუფლების აღკვეთას ითვალისწინებს.გამოძიების ინფორმაციით, ბრალდებულებმა 2022 წლიდან, ფინანსური სარგებლის უკანონოდ მიღების მიზნით, ორგანიზებული დანაშაულებრივი ჯგუფი შექმნეს.მათ ქალაქ გორში იჯარით აღებულ მიწის ნაკვეთზე მოწყობილი ჰქონდათ დანაშაულის ჩასადენად გამოსაყენებელი ინფრასტრუქტურა და სრული ტექნიკური აღჭურვილობა, სადაც სისტემატურად ახორციელებდნენ აქციზური მარკის სავალდებულო დართვას დაქვემდებარებული ალკოჰოლური სასმელების - ვისკისა და არყის აქციზური მარკის გარეშე დამზადებასა და შენახვას, მათი შემდგომი რეალიზაციის მიზნით.

1766574721

მომდევნო წელს ეკონომიკური ზრდის პერსპექტივისთვის ყველაზე მნიშვნელოვან ფაქტორად რუსეთ-უკრაინის ომი რჩება. გვსურს, კიდევ ერთხელ გამოვთქვათ იმედი, რომ მიმდინარე მოლაპარაკებები სამართლიანი და მდგრადი სამშვიდობო შეთანხმებით დასრულდება. ამავდროულად, კონფლიქტის დასრულების სცენარი, როგორც ეს ჩვენს არაერთ პუბლიკაციაშია განხილული, 2022 წლიდან საქართველოში გაზრდილი სავაჭრო ნაკადების ნაწილობრივ კვლავ რეორიენტაციას მოიაზრებს. მეორე მხრივ, აღნიშნულ სცენარში სხვა დადებითი ეკონომიკური ფაქტორებიც გასათვალისწინებელია, როგორებიცაა უფრო დაბალი რისკის პრემია და მაღალი ეკონომიკური ზრდა რეგიონში, ფართო მოხმარების საქონელზე ფასების შესაძლო კლება და ევროს გამყარება, რაც ლარისთვის პოზიტიურია. ორმხრივი არგუმენტების ერთობლიობითა და ომის დასრულების გაზრდილი ალბათობის შესაბამისად, თიბისი კაპიტალის პროგნოზით, 2026 წელს ეკონომიკური ზრდა გრძელვადიან ტენდენციას დაუახლოვდება და 4.5%-ს მიაღწევს. რასაკვირველია, მოცემულ პროგნოზზე მნიშვნელოვან გავლენას მოახდენს სამშვიდობო შეთანხმების მიღწევის ვადები და პირობები, რაც ჯერ კიდევ გაურკვეველი რჩება, თუმცა აუცილებლად მხედველობაშია მისაღები.რაც შეეხება კვლავ 2025 წელს, როგორც მესამე კვარტალში, ასევე ჯამურად ცხრა თვეში ეკონომიკური ზრდის ძირითადი კონტრიბუტორები ინფორმაციისა და კომუნიკაციის და განათლების სექტორები იყო. უფრო გრძელვადიან ჭრილში, 2019 წელთან შედარებით, ზრდის ყველაზე მსხვილ კომპონენტებს ინფორმაცია და კომუნიკაცია, ტრანსპორტირება და ვაჭრობა შეადგენდა.ამავდროულად, ისევ მაღალია წმინდა სავალუტო შემოდინებები. კერძოდ, ნოემბერში ექსპორტი 44.2.%-ით გაიზარდა, იმპორტში კი 1.2%-იანი კლება დაფიქსირდა. შედეგად, საქონლით ვაჭრობის დეფიციტი ბოლო წლებთან შედარებით მნიშვნელოვნად არის შემცირებული. ნოემბრის ექსპორტის ზრდას, ერთი მხრივ, რე-ექსპორტი განაპირობებდა, დიდწილად ავტომობილების გამო, ხოლო, მეორე მხრივ, ადგილობრივი ექსპორტი, კერძოდ კი ძვირფასი ლითონის მადნები, ნავთობი და ფეროშენადნობები. თავის მხრივ, იმპორტის კლება ძირითადად ავტომობილების იმპორტით იყო განპირობებული, რომელიც წლიურად 17.5%-ით შემცირდა, ექსპორტის 53.2%-იანი ზრდის პარალელურად. როგორც ადრეც აღინიშნა, ავტომობილებით ვაჭრობის დადებითი ბალანსი დროებითია და სამომავლოდ იმპორტის ზრდის ან ექსპორტის კლების არხით კორექტირდება. მაგალითისათვის, ჩვენი შეფასებით, სეზონური ფაქტორების გამორიცხვით, ბოლო თვეების განმავლობაში სავაჭრო ნაკადების უცვლელ დონეზე შენარჩუნების შემთხვევაში, ავტომობილებით ვაჭრობის ჯამური დეფიციტი მიმდინარე წელს, დაახლოებით, 300 მილიონი აშშ დოლარით მეტი იქნებოდა.აღსანიშნავია, რომ, ავტომობილების გარდა, საქონლით ვაჭრობის დეფიციტის შემცირებას ძვირფასი ლითონები და ნავთობიც განაპირობებს. კერძოდ, ძვირფას ლითონებზე მსოფლიო ფასის მნიშვნელოვანი მატების პარალელურად, გაზრდილია ძვირფასი ლითონის მადნების ექსპორტი, ხოლო მსოფლიო ბაზარზე ნავთობის ფასების კლება, პირიქით, იმპორტის შემცირებას უწყობს ხელს. ამ ფაქტორების ერთობლივი ეფექტი, ჩვენი შეფასებით, 250 მილიონ აშშ დოლარს აღწევს.სავალუტო შემოდინებების სხვა კომპონენტების მხრივ, ფულადი გზავნილები ნოემბერში 13.1%-ით გაიზარდა, რაც ოქტომბრის 13.4%-ს მხოლოდ მცირედით ჩამორჩება. მიმდინარე წელს გზავნილების ზრდის ფაქტორები ქვეყნების მიხედვით განსხვავებულია. კერძოდ, აშშ-დან გზავნილების ზრდას როგორც გზავნილების რაოდენობა, ასევე გზავნილის საშუალო მოცულობა განაპირობებს. ევროკავშირის ქვეყნების შემთხვევაში კი, როგორებიცაა იტალია, საბერძნეთი და გერმანია, აშშ დოლარში გზავნილების ზრდა თითქმის მთლიანად ევროს გამყარებით არის გამოწვეული, რადგან ევროში გზავნილის საშუალო მოცულობა დიდწილად უცვლელია. მსგავსი ტენდენციაა რუსეთიდან გზავნილების მხრივაც.ამავდროულად, დეკემბერში მზარდია უნაღდო დანახარჯების დინამიკა, განსაკუთრებით არარეზიდენტების ხარჯების კუთხით, რომლებიც ტურიზმიდან შემოსავლების შეფასებისთვის გამოიყენება. შიდა დანახარჯები შედარებით მცირედითაა გაზრდილი, ხოლო მიგრანტების ხარჯვა მეტნაკლებად უცვლელია.ჯამურად, წმინდა სავალუტო შემოდინებები ნოემბრის მდგომარეობით მაღალ ნიშნულზე რჩება. აღნიშნული, რეინვესტიციების კლებასთან ერთად, მიმდინარე ანგარიშის დეფიციტის მნიშვნელოვან მოსალოდნელ შემცირებაზე მიუთითებს. თიბისი კაპიტალის პროგნოზით, სხვა თანაბარ პირობებში, 2025 წელს მიმდინარე ანგარიშის დეფიციტი, დაახლოებით, მშპ-ის 3.5%-მდე შემცირდება. ამასთან, როგორც ზემოთ აღინიშნა, საგარეო ბალანსის გაუმჯობესებას ერთდროულად ხელს უწყობს ავტომობილებით ვაჭრობის დინამიკა და ოქროს ფასები ერთი მხრივ, და ნავთობის ფასებისა და ჯამურად იმპორტის კლება მეორე მხრივ, რაც საშუალოვადიან პერიოდში რთულად შესანარჩუნებელი კომბინაციაა. შესაბამისად, მიმდინარე ანგარიშის ბალანსი 2026 წელს მცირედით გაუარესდება და 5%-ს მიაღწევს.წმინდა სავალუტო შემოდინებებთან ერთად, სავალუტო ბაზარზე არსებულ სიჭარბეს კვლავ დეპოზიტების ლარიზაციაც განაპირობებს. დღიურ მონაცემებზე დაყრდნობით, დეკემბრის მეორე კვირიდან ლარიზაცია ისევ გააქტიურებულია. ვინაიდან ლარიზაცია სებ-ის სავალუტო ინტერვენციებთან მჭიდრო კავშირშია, ჩვენი შეფასებით, აქტიური ინტერვენციები დეკემბერშიც გრძელდება და, დღევანდელი მდგომარეობით, სებ-ს დამატებით, დაახლოებით, 200 მილიონი აშშ დოლარი აქვს შეძენილი. შესაბამისად, მარტიდან დეკემბრის ჩათვლით ჯამური შესყიდვები 2.3 მილიარდ აშშ დოლარს აღწევს. საერთაშორისო სავალუტო ფონდის შეფასებით, ნოემბრის ბოლოსთვის სებ-ის სავალუტო რეზერვები შესაბამისობის ნორმის 100%-ს დაუახლოვდა, თუმცა მოსალოდნელია, რომ, ლარის მხარდამჭერი გარემოს შენარჩუნების პირობებში, ინტერვენციები გაგრძელდება. შესაბამისად, ლარის მნიშვნელოვანი გამყარება საბაზო სცენარი არ არის. მეორე მხრივ, ომის დასრულების სცენარი, როგორც ზემოთ აღინიშნა, სავალუტო ნაკადების გარკვეულ რეორიენტაციას მოიაზრებს, რაც გაცვლითი კურსისთვის მოკლევადიან პერიოდში ნეგატიური ფაქტორია. ამ სცენარში მოსალოდნელია სავალუტო კონვერტაციებიც, თუმცა, სავალუტო რეზერვების შევსების ფონზე, ასევე გასათვალისწინებელია სებ-ის მიმდინარე პოლიტიკა, რომელიც ლარის ჭარბი მერყეობის შეზღუდვას გულისხმობს.იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30007270-macro-update-georgia

1766573041

25 დეკემბრიდან 31 დეკემბრის ჩათვლით ყოველი მე-5 მომხმარებელი, რომელიც QR განვადებით 1,000 ლარზე მეტი ღირებულების ნივთს შეიძენს, საჩუქრად 20,000 PLUS ქულას მიიღებს.მოგების სტატისტიკის ნახვა ლაივ რეჟიმში შესაძლებელია ამ ბმულზე.QR განვადება მარტივი, სწრაფი და კომფორტული სერვისია, რომელიც შესაძლებლობას გაძლევთ, სასურველი ნივთის შესაძენად განვადება, ყოველგვარი საბუთებისა და რიგების გარეშე, სულ რამდენიმე წუთში დაიმტკიცოთ.ბმულზე კი თქვენთვის ხელმისაწვდომი განვადების ლიმიტს გაიგებთ: https://go.bog.app/ngj2/yk91rwyqაქციის და QR განვადების შესახებ მეტი ინფორმაციისთვის კი ეწვიეთ ბმულს.

1766571255

ტრენინგის ფარგლებში, განხილული იყო შემდეგი ძირითადი მოდულები: ევროკავშირის მმართველი ინსტიტუტები და მათი ურთიერთდაქვემდებარება, საქართველოსა და ევროკავშირს შორის გაფორმებული ასოცირების შეთანხმება, ასევე ღრმა და ყოვლისმომცველი თავისუფალი სავაჭრო შეთანხმების (DCFTA) ფარგლებში განხორციელებული საკანონმდებლო დაახლოება.მონაწილეებმა მიიღეს ამომწურავი ინფორმაცია საქართველოსა და ევროკავშირს შორის გაფორმებული ასოცირების შეთანხმების კოორდინაციის არსებულ მექანიზმებზე.„აღნიშნული პროექტის მიზანია შრომის ბაზრის განვითარებისა და ბიზნეს სექტორის ინსტიტუციური გაძლიერების ხელშეწყობა. ტრენინგის შედეგად, მონაწილეებს მიეცათ შესაძლებლობა, დამოუკიდებლად დაგეგმონ ევროკავშირის ბაზარზე ექსპორტთან დაკავშირებული პროცედურები, რაც მნიშვნელოვნად ზრდის ბიზნეს სექტორის ინფორმირებულობას. მადლობას ვუხდით ჩვენს დანიელ პარტნიორებს თანამშრომლობისა და მხარდაჭერისთვის, რაც მნიშვნელოვანი სარგებლის მომტანია როგორც კერძო სექტორისთვის, ასევე ქვეყნის ეკონომიკური განვითარებისათვის“ განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.

1766568343