ცალკეულ პროდუქტებზე, დღგ-ს გამორიცხვით, თვითღირებულებიდან დახლამდე საშუალო ფასნამატი დაახლოებით 90%-ს შეადგენს - მინისტრის მოადგილე

მომდევნო წელს ეკონომიკური ზრდის პერსპექტივისთვის ყველაზე მნიშვნელოვან ფაქტორად რუსეთ-უკრაინის ომი რჩება. გვსურს, კიდევ ერთხელ გამოვთქვათ იმედი, რომ მიმდინარე მოლაპარაკებები სამართლიანი და მდგრადი სამშვიდობო შეთანხმებით დასრულდება. ამავდროულად, კონფლიქტის დასრულების სცენარი, როგორც ეს ჩვენს არაერთ პუბლიკაციაშია განხილული, 2022 წლიდან საქართველოში გაზრდილი სავაჭრო ნაკადების ნაწილობრივ კვლავ რეორიენტაციას მოიაზრებს. მეორე მხრივ, აღნიშნულ სცენარში სხვა დადებითი ეკონომიკური ფაქტორებიც გასათვალისწინებელია, როგორებიცაა უფრო დაბალი რისკის პრემია და მაღალი ეკონომიკური ზრდა რეგიონში, ფართო მოხმარების საქონელზე ფასების შესაძლო კლება და ევროს გამყარება, რაც ლარისთვის პოზიტიურია. ორმხრივი არგუმენტების ერთობლიობითა და ომის დასრულების გაზრდილი ალბათობის შესაბამისად, თიბისი კაპიტალის პროგნოზით, 2026 წელს ეკონომიკური ზრდა გრძელვადიან ტენდენციას დაუახლოვდება და 4.5%-ს მიაღწევს. რასაკვირველია, მოცემულ პროგნოზზე მნიშვნელოვან გავლენას მოახდენს სამშვიდობო შეთანხმების მიღწევის ვადები და პირობები, რაც ჯერ კიდევ გაურკვეველი რჩება, თუმცა აუცილებლად მხედველობაშია მისაღები.რაც შეეხება კვლავ 2025 წელს, როგორც მესამე კვარტალში, ასევე ჯამურად ცხრა თვეში ეკონომიკური ზრდის ძირითადი კონტრიბუტორები ინფორმაციისა და კომუნიკაციის და განათლების სექტორები იყო. უფრო გრძელვადიან ჭრილში, 2019 წელთან შედარებით, ზრდის ყველაზე მსხვილ კომპონენტებს ინფორმაცია და კომუნიკაცია, ტრანსპორტირება და ვაჭრობა შეადგენდა.ამავდროულად, ისევ მაღალია წმინდა სავალუტო შემოდინებები. კერძოდ, ნოემბერში ექსპორტი 44.2.%-ით გაიზარდა, იმპორტში კი 1.2%-იანი კლება დაფიქსირდა. შედეგად, საქონლით ვაჭრობის დეფიციტი ბოლო წლებთან შედარებით მნიშვნელოვნად არის შემცირებული. ნოემბრის ექსპორტის ზრდას, ერთი მხრივ, რე-ექსპორტი განაპირობებდა, დიდწილად ავტომობილების გამო, ხოლო, მეორე მხრივ, ადგილობრივი ექსპორტი, კერძოდ კი ძვირფასი ლითონის მადნები, ნავთობი და ფეროშენადნობები. თავის მხრივ, იმპორტის კლება ძირითადად ავტომობილების იმპორტით იყო განპირობებული, რომელიც წლიურად 17.5%-ით შემცირდა, ექსპორტის 53.2%-იანი ზრდის პარალელურად. როგორც ადრეც აღინიშნა, ავტომობილებით ვაჭრობის დადებითი ბალანსი დროებითია და სამომავლოდ იმპორტის ზრდის ან ექსპორტის კლების არხით კორექტირდება. მაგალითისათვის, ჩვენი შეფასებით, სეზონური ფაქტორების გამორიცხვით, ბოლო თვეების განმავლობაში სავაჭრო ნაკადების უცვლელ დონეზე შენარჩუნების შემთხვევაში, ავტომობილებით ვაჭრობის ჯამური დეფიციტი მიმდინარე წელს, დაახლოებით, 300 მილიონი აშშ დოლარით მეტი იქნებოდა.აღსანიშნავია, რომ, ავტომობილების გარდა, საქონლით ვაჭრობის დეფიციტის შემცირებას ძვირფასი ლითონები და ნავთობიც განაპირობებს. კერძოდ, ძვირფას ლითონებზე მსოფლიო ფასის მნიშვნელოვანი მატების პარალელურად, გაზრდილია ძვირფასი ლითონის მადნების ექსპორტი, ხოლო მსოფლიო ბაზარზე ნავთობის ფასების კლება, პირიქით, იმპორტის შემცირებას უწყობს ხელს. ამ ფაქტორების ერთობლივი ეფექტი, ჩვენი შეფასებით, 250 მილიონ აშშ დოლარს აღწევს.სავალუტო შემოდინებების სხვა კომპონენტების მხრივ, ფულადი გზავნილები ნოემბერში 13.1%-ით გაიზარდა, რაც ოქტომბრის 13.4%-ს მხოლოდ მცირედით ჩამორჩება. მიმდინარე წელს გზავნილების ზრდის ფაქტორები ქვეყნების მიხედვით განსხვავებულია. კერძოდ, აშშ-დან გზავნილების ზრდას როგორც გზავნილების რაოდენობა, ასევე გზავნილის საშუალო მოცულობა განაპირობებს. ევროკავშირის ქვეყნების შემთხვევაში კი, როგორებიცაა იტალია, საბერძნეთი და გერმანია, აშშ დოლარში გზავნილების ზრდა თითქმის მთლიანად ევროს გამყარებით არის გამოწვეული, რადგან ევროში გზავნილის საშუალო მოცულობა დიდწილად უცვლელია. მსგავსი ტენდენციაა რუსეთიდან გზავნილების მხრივაც.ამავდროულად, დეკემბერში მზარდია უნაღდო დანახარჯების დინამიკა, განსაკუთრებით არარეზიდენტების ხარჯების კუთხით, რომლებიც ტურიზმიდან შემოსავლების შეფასებისთვის გამოიყენება. შიდა დანახარჯები შედარებით მცირედითაა გაზრდილი, ხოლო მიგრანტების ხარჯვა მეტნაკლებად უცვლელია.ჯამურად, წმინდა სავალუტო შემოდინებები ნოემბრის მდგომარეობით მაღალ ნიშნულზე რჩება. აღნიშნული, რეინვესტიციების კლებასთან ერთად, მიმდინარე ანგარიშის დეფიციტის მნიშვნელოვან მოსალოდნელ შემცირებაზე მიუთითებს. თიბისი კაპიტალის პროგნოზით, სხვა თანაბარ პირობებში, 2025 წელს მიმდინარე ანგარიშის დეფიციტი, დაახლოებით, მშპ-ის 3.5%-მდე შემცირდება. ამასთან, როგორც ზემოთ აღინიშნა, საგარეო ბალანსის გაუმჯობესებას ერთდროულად ხელს უწყობს ავტომობილებით ვაჭრობის დინამიკა და ოქროს ფასები ერთი მხრივ, და ნავთობის ფასებისა და ჯამურად იმპორტის კლება მეორე მხრივ, რაც საშუალოვადიან პერიოდში რთულად შესანარჩუნებელი კომბინაციაა. შესაბამისად, მიმდინარე ანგარიშის ბალანსი 2026 წელს მცირედით გაუარესდება და 5%-ს მიაღწევს.წმინდა სავალუტო შემოდინებებთან ერთად, სავალუტო ბაზარზე არსებულ სიჭარბეს კვლავ დეპოზიტების ლარიზაციაც განაპირობებს. დღიურ მონაცემებზე დაყრდნობით, დეკემბრის მეორე კვირიდან ლარიზაცია ისევ გააქტიურებულია. ვინაიდან ლარიზაცია სებ-ის სავალუტო ინტერვენციებთან მჭიდრო კავშირშია, ჩვენი შეფასებით, აქტიური ინტერვენციები დეკემბერშიც გრძელდება და, დღევანდელი მდგომარეობით, სებ-ს დამატებით, დაახლოებით, 200 მილიონი აშშ დოლარი აქვს შეძენილი. შესაბამისად, მარტიდან დეკემბრის ჩათვლით ჯამური შესყიდვები 2.3 მილიარდ აშშ დოლარს აღწევს. საერთაშორისო სავალუტო ფონდის შეფასებით, ნოემბრის ბოლოსთვის სებ-ის სავალუტო რეზერვები შესაბამისობის ნორმის 100%-ს დაუახლოვდა, თუმცა მოსალოდნელია, რომ, ლარის მხარდამჭერი გარემოს შენარჩუნების პირობებში, ინტერვენციები გაგრძელდება. შესაბამისად, ლარის მნიშვნელოვანი გამყარება საბაზო სცენარი არ არის. მეორე მხრივ, ომის დასრულების სცენარი, როგორც ზემოთ აღინიშნა, სავალუტო ნაკადების გარკვეულ რეორიენტაციას მოიაზრებს, რაც გაცვლითი კურსისთვის მოკლევადიან პერიოდში ნეგატიური ფაქტორია. ამ სცენარში მოსალოდნელია სავალუტო კონვერტაციებიც, თუმცა, სავალუტო რეზერვების შევსების ფონზე, ასევე გასათვალისწინებელია სებ-ის მიმდინარე პოლიტიკა, რომელიც ლარის ჭარბი მერყეობის შეზღუდვას გულისხმობს.იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30007270-macro-update-georgia

1766573041

25 დეკემბრიდან 31 დეკემბრის ჩათვლით ყოველი მე-5 მომხმარებელი, რომელიც QR განვადებით 1,000 ლარზე მეტი ღირებულების ნივთს შეიძენს, საჩუქრად 20,000 PLUS ქულას მიიღებს.მოგების სტატისტიკის ნახვა ლაივ რეჟიმში შესაძლებელია ამ ბმულზე.QR განვადება მარტივი, სწრაფი და კომფორტული სერვისია, რომელიც შესაძლებლობას გაძლევთ, სასურველი ნივთის შესაძენად განვადება, ყოველგვარი საბუთებისა და რიგების გარეშე, სულ რამდენიმე წუთში დაიმტკიცოთ.ბმულზე კი თქვენთვის ხელმისაწვდომი განვადების ლიმიტს გაიგებთ: https://go.bog.app/ngj2/yk91rwyqაქციის და QR განვადების შესახებ მეტი ინფორმაციისთვის კი ეწვიეთ ბმულს.

1766571255

ტრენინგის ფარგლებში, განხილული იყო შემდეგი ძირითადი მოდულები: ევროკავშირის მმართველი ინსტიტუტები და მათი ურთიერთდაქვემდებარება, საქართველოსა და ევროკავშირს შორის გაფორმებული ასოცირების შეთანხმება, ასევე ღრმა და ყოვლისმომცველი თავისუფალი სავაჭრო შეთანხმების (DCFTA) ფარგლებში განხორციელებული საკანონმდებლო დაახლოება.მონაწილეებმა მიიღეს ამომწურავი ინფორმაცია საქართველოსა და ევროკავშირს შორის გაფორმებული ასოცირების შეთანხმების კოორდინაციის არსებულ მექანიზმებზე.„აღნიშნული პროექტის მიზანია შრომის ბაზრის განვითარებისა და ბიზნეს სექტორის ინსტიტუციური გაძლიერების ხელშეწყობა. ტრენინგის შედეგად, მონაწილეებს მიეცათ შესაძლებლობა, დამოუკიდებლად დაგეგმონ ევროკავშირის ბაზარზე ექსპორტთან დაკავშირებული პროცედურები, რაც მნიშვნელოვნად ზრდის ბიზნეს სექტორის ინფორმირებულობას. მადლობას ვუხდით ჩვენს დანიელ პარტნიორებს თანამშრომლობისა და მხარდაჭერისთვის, რაც მნიშვნელოვანი სარგებლის მომტანია როგორც კერძო სექტორისთვის, ასევე ქვეყნის ეკონომიკური განვითარებისათვის“ განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.

1766568343

ღონისძიება გახსნეს და მონაწილეებს მისასალმებელი სიტყვით მიმართეს, ფინანსთა მინისტრმა, ლაშა ხუციშვილმა, ფინანსთა სამინისტროს შემოსავლების სამსახურის ხელმძღვანელმა, ირაკლი (დაჩი) ბერაიამ და პარლამენტის საფინანსო-საბიუჯეტო კომიტეტის თავმჯდომარემ, პაატა კვიჟინაძემ.ფინანსთა მინისტრმა ლაშა ხუციშვილმა სიტყვით გამოსვლისას ისაუბრა მიმდინარე წლის მაკროეკონომიკურ მაჩვენებლებსა და 2026 წლის ბიუჯეტის ძირითად პარამეტრებზე, ასევე საგადასახადო და საბაჟო პოლიტიკის მიმართულებით განხორციელებულ ცვლილებებსა და ბიზნესთან სამომავლო თანამშრომლობის საკითხებზე.როგორც შემოსავლების სამსახურის ხელმძღვანელმა, ირაკლი (დაჩი) ბერაიამ გამოსვლისას აღნიშნა, უწყების მიზანია გადასახადის გადამხდელებთან მოხდეს პარტნიორული ურთიერთობების კიდევ უფრო განვითარება, რაც გულისხმობს ნდობის მაღალ ხარისხს და მჭიდრო თანამშრომლობას.,,თქვენი მოსაზრებები, შენიშვნები და კრიტიკული შეფასებები წარმოადგენს იმ მნიშვნელოვან საფუძველს, რომელზეც იგეგმება შემოსავლების სამსახურის შემდგომი ნაბიჯები. აღსანიშნავია, რომ შემოსავლების სამსახურის ეფექტური მუშაობის შედეგად, 2025 წლის 11 თვის ნაერთი ბიუჯეტის საგადასახადო შემოსავლების მაჩვენებელი შესრულებულია 100%-ით და მობილიზებულმა გადასახადებმა 23 მილიარდ ლარს გადააჭარბა. ასევე, დღგ-ის ავტომატური დაბრუნების პროგრამის ფარგლებში, ბიზნესს 2025 წლის 11 თვეში დაუბრუნდა 2 მილიარდ ლარზე მეტი, რაც ბიზნესისთვის ფინანსურ რესურსებზე დროული წვდომის საუკეთესო შესაძლებლობაა’’, - განაცხადა შემოსავლების სამსახურის ხელმძღვანელმა.ფინანსთა სამინისტროს შემოსავლების სამსახურის 2025 წლის საქმიანობის ანგარიშის წარდგენას ესწრებოდნენ პარლამენტის წევრები, ბიზნესასოციაციებისა და საფინანსო ინსტიტუტების წარმომადგენლები, ასევე უწყების ხელმძღვანელის მოადგილეები, პაატა კილაძე, ირაკლი შარტავა, ლევან წითელაშვილი და სხვადასხვა დეპარტამენტის ხელმძღვანელები.ინფორმაციას ფინანსთა სამინისტროს შემოსავლების სამსახური ავრცელებს.

1766568220

საქართველოში პროდუქტზე მაღალ ფასნამატსა და მიმწოდებლისთვის დაკისრებული ფინანსური ტვირთის შესახებ დღეს პრემიერ-მინისტრმა ირაკლი კობახიძემ ისაუბრა. პრემიერ-მინისტრის ინფორმაციით, კვლევა აჩვენებს, რომ საქართველოში ქსელური მარკეტების ფინანსური მოგება ევროპულზე გაცილებით უფრო მაღალია, კერძოდ, საქართველოში კონკრეტული საცალო ქსელების წმინდა მოგების მარჟა 7, 8 და 14 პროცენტიც კია, როდესაც ევროპაში წმინდა მოგების მარჟა საშუალოდ 2 პროცენტია.ქართულ და ევროპულ ქსელურ მარკეტებში ფასთაშორის მაღალ სხვაობაზე საუბრობს ეკონომიკისა და მდგრადი განვითარების მინისტრის მოადგილეც. ვახტანგ ცინცაძის ინფორმაციით, შესადარის პროდუქტებზე ღირებულება საქართველოში 20%-დან 180%-მდე უფრო მაღალია ევროპულ ქსელურ მარკეტებთან შედარებით.ამასთან, მინისტრის მოადგილე ხაზს უსვამს, რომ ადგილობრივ მწარმოებლებს უჭირთ ქსელურ სავაჭრო მარკეტებში შესვლა, რასაც ის სახელშეკრულებო პირობები განაპირობებს, რომელსაც ქსელური მარკეტები მათ უწესებენ.„აღნიშნული გამოწვევა არახალია და მხოლოდ საქართველოში არ ფიქსირდება, მსგავსი ტიპის გამოწვევები არსებობდა მათ შორის ევროპის ქვეყნებშიც და მას სხვადასხვა ქვეყნებმა სხვადასხვა ადეკვატური მექანიზმებით უპასუხეს. ჩვენი მიზანია, რომ ეს საკითხი სიღრმისეულად შევისწავლოთ, რათა გამოწვევას შესაბამისი ადეკვატური მექანიზმებით ვუპასუხოთ“, - აღნიშნა ეკონომიკის მინისტრის მოადგილემ.

1766568052

პროექტის ჯამური ღირებულება 35 მლნ. აშშ დოლარია. საქართველოს ბანკის მიერ განხორციელებული ინვესტიცია კი 20.5 მლნ. აშშ დოლარს შეადგენს.აღნიშნული პროექტი 65,000 კვ.მ ფართობზე შენდება. კომპლექსი ჯამში 220 ბინას, კომერციულ ფართებს, სამუშაო სივრცეებს, საცურაო აუზებს, ფიტნეს დარბაზს, სქვოშის კორტს, საპარკინგე და სხვა სივრცეებს აერთიანებს. მშენებლობა 2024 დაიწყო და 2027 წელს დასრულდება.„ჩვენი მთავარი მიზანი მაცხოვრებლებისთვის, უსაფრთხოების უმაღლესი სტანდარტის დაცვით, მაქსიმალური კომფორტის შექმნაა. პროექტი მომხმარებელს პრემიუმ ხარისხის ბინებთან, ერთად პანორამულ ხედებს და რეკრეაციულ სივრცეებს სთავაზობს, რაც მაქსიმალურ კომფორტს და თანამედროვე ცხოვრების სტილს უზრუნველყოფს. აღსანიშნავია, რომ მშენებლობისას გამოიყენება ენერგოეფექტური მასალები, რაც მაქსიმალურ თბოიზოლაციასა და ხმის იზოლაციას უზრუნველყოფს. ჩვენ გვაქვს მკაფიო და ამბიციური გეგმა - შევქმნათ პრემიუმ კლასის ახალი სივრცეები თბილისის სხვადასხვა უბანში. საქართველოს ბანკთან დაარსების დღიდან ვთანამშრომლობთ და ჩვენთვის ეს პარტნიორობა არის სანდოობის გარანტია, რაც პროექტის უმაღლეს ხარისხსა და დროულად დასრულებას უზრუნველყოფს. სამომავლოდ, მომხმარებლებს კიდევ არაერთ საინტერესო და მასშტაბურ პროექტს შევთავაზებთ“, - განაცხადა „ზიგმა საბურთალოს“ დირექტორმა, ზვიად ჩოხელმაინფორმაციისთვის, მომხმარებლებს შესაძლებლობა აქვთ ისარგებლონ საახალწლო შეთავაზებით და „ზიგმა საბურთალოს“ პრემიუმ კომპლექსში 50,000 ლარამდე ფასდაკლება მიიღონ.

1766566959