ლიბერთი ბანკის საცალო საბანკო მიმართულების დირექტორად ნინო ჩადუნელი დაინიშნა

საირიგაციო მიზნებისთვის წყლის მოხმარება მხოლოდ წინასწარ შეთანხმებული პ...

„სემეკის მიერ 2024 წელს ამოქმედებული რეგულაციით, საირიგაციო წყლის მოხმარება დასაშვებია მხოლოდ წინასწარ შეთანხმებულ პერიოდში და შეთანხმებული მოცულობით. წყალსარგებლობის შეთანხმების გაფორმება ინდივიდუალურად იწყება პირველი თებერვლიდან.  წყალსარგებლობის განრიგის შეთანხმება და წყალმომარაგებაში არსებული წყლის ათვისება ხდება შემდეგი პრიორიტეტის გათვალისწინებით: წყალსარგებლობის განრიგის შეთანხმებისას პირველი მარტის ჩათვლით უპირატესობით სარგებლობენ წყალმომხმარებელთა ორგანიზაციები (რომლებიც ახლა იქმნება), ხოლო პირველი მარტიდან პირველ აპრილამდე პერიოდში უპირატესობით სარგებლობენ პროფილური მომხმარებლები (ის მომხმარებლები, რომლებიც წყალს იყენებენ საირიგაციო მიზნით, მათ შორის სასოფლო-სამეურნეო, საყოფაცხოვრებო მომხმარებლები და ფერმერები) არაპროფილურ მომხმარებლებთან მიმართებით. პირველი აპრილიდან, კი ყველა მომხმარებელი თანაბარი უფლებებით სარგებლობს წყალსარგებლობის განრიგის შეთანხმებისას, კერძოდ საირიგაციო სისტემაში არსებული წყლის ათვისებამდე ვინც პირველად მოითხოვს შესაბამის პერიოდზე წყალს მასთან შეთანხმდება წყალსარგებლობის განრიგი.აღსანიშნავია, რომ წყალსარგებლობის განრიგის შეთანხმებაში, მორწყვის ოპერაციაზე შეთანხმება დამოკიდებულია მიწოდების რეჟიმით განსაზღვრულ წყალმომარაგების პერიოდებზე. წესების შესაბამისად, მიწოდების რეჟიმი მტკიცდება ყოველ წლიურად, პირველ თებერვლამდე“, - აღნიშნავს ვანო მეჭურჭლიშვილი. მისივე თქმით, თუ ფერმერი არ გააფორმებს წყალსარგებლობის განრიგს და მელიორაციის კომპანიასთან შეუთანხმებლად თვითნებურად მოიხმარს საირიგაციო წყალს, ეს ჩაითვლება უკანონო მოხმარებად, რაც ისჯება საქართველოს კანონმდებლობით. უკანონო მოხმარების შემთხვევაში, ფერმერს დაეკისრება შესაბამისი ჯარიმა და დამატებით დაერიცხება უკანონოდ მოხმარებული წყლის საფასური. ამგვარი ფინანსური სანქციების თავიდან ასაცილებლად, აუცილებელია, რომ ფერმერებმა მელიორაციის კომპანიასთან წინასწარ გააფორმონ წყალსარგებლობის განრიგი და დაიცვან ამ შეთანხმებით გათვალისწინებული წყალმომარაგების ვადები და პირობები. ამასთან, იმის გათვალისწინებით, რომ პროფილური მომხმარებელი წყალსარგებლობის განრიგის შეთანხმებისას 1-ელი მარტიდან - 1-ელ აპრილამდე უპირატესობით სარგებლობს არაპროფილურ მომხმარებელთან მიმართებით, სასურველია ფერმერმა წყალსარგებლობის განრიგის შეთანხმებაზე მელიორაციის კომპანიას მიმართოს ამ ვადის გასვლამდე.

სემეკის გადაწყვეტილებით, „ენერგო-პრო ჯორჯიას“ ქსელისთვის მიკროსიმძლავრ...

საკითხის დეტალურად შესწავლის საფუძველზე კომისიის მიერ მიღებული გადაწყვეტილებით, გამანაწილებელ ქსელში მიკროსიმძლავრის ელექტროსადგურების დადგმული სიმძლავრე 500 კვტ-ზე შენარჩუნდა. ამასთანავე, კომისიის გადაწყვეტილების შესაბამისად, ელექტროენერგიის გამანაწილებელ ქსელში მიკროელექტროსადგურების დატვირთვის დადგენილი ზღვარი 20%-მდე გაიზარდა.აღსანიშნავია, რომ ელექტროენერგიის წარმოების საკუთარ საშუალებაზე, დადგმულ სიმძლავრეზე შეზღუდვა არ ვრცელდება, გარდა იმ შემთხვევისა თუ ისინი მოინდომებენ მიკროსიმძლავრის ელექტროსადგურის სტატუსის მოპოვებასა და შესაბამისად მასთან დაკავშირებული დარიცხვის სისტემით (ე.წ. „Net Metering“-ით) სარგებლობას.

დავით ნარმანია: სემეკი ჩართულია და მონიტორინგს უწევს „ენერგო-პრო ჯორჯი...

„ბოლო დღეებში მოსულმა უხვმა ნალექმა მაღალმთიან რეგიონებში გამოიწვია ელექტროენერგიისა და ბუნებრივი გაზის ინფრასტრუქტურის დაზიანება. კომისია ჩართულია და მონიტორინგს უწევს „ენერგო-პრო ჯორჯიას“ და „სოკარ ჯორჯია გაზის“ სამუშაოებს. უწყვეტად გრძელდება სამუშაოები, გზების გაწმენდისთანავე კომუნალური კომპანიები იწყებენ ინფრასტრუქტურის შესაბამის აღდგენით სამუშაოებს. უკვე აღუდგა მომარაგება ბევრ აბონენტს გურიაში, აჭარაში, ასევე იმერეთის მაღალმთიან რაიონებში“, - აღნიშნა დავით ნარმანიამ პრესკლუბ „მთავარში“ ჟურნალისტებთან შეხვედრისას.მისივე თქმით, კომუნალური კომპანიები მოსახლეობას სმს შეტყობინებების სახით პერიოდულად აწვდიან ინფორმაციას, თუ სად დაფიქსირდა ავარიები, რა პერიოდში მოხდება მისი აღმოფხვრა და როდის აღდგება ელექტროენერგიისა და ბუნებრივი გაზის მიწოდება. 

საქართველოში საწვავის მარაგისა და ფასის მხრივ სრული სტაბილურობაა

ნავთობპროდუქტების ბაზარზე მარაგების და ფასების მხრივაც სტაბილურობაა. ბოლო პერიოდში გლობალურ ბაზრებზე მინდინარე ტენდენციას ქართული კომპანიებიც ადეკვატურად პასუხობენ, თუმცა რეაგირება ობიექტური მიზეზის გამო ერთდროულად ვერ ხერხდება. როგორც ცნობილია, საქართველოს კონკურენციისა და მომხმარებლის დაცვის სააგენტომ 2024 წელს საავტომობილო საწვავის (ბენზინი, დიზელი) ბაზრის მონიტორინგი ჩაატარა და მისი ერთ-ერთი შენიშვნა სწორედ კომპანიების საფასო პოლიტიკას უკავშირდება.კონკურენციის სააგენტოს პრესსამსახურის მიერ გავრცელებული ინფორმაციით, საცალო ფასების მიმართულებით, 2024 წლის იანვარი-თებერვლის პერიოდი ფასების შემცირების ტრენდით ხასიათდებოდა.,,მარტი-ივნისის პერიოდში მსხვილი კომპანიების მიერ იმპორტირებული საწვავის თვითღირებულება, ამავე წლის იანვარი-თებერვლის პერიოდთან შედარებით, გაზრდილია, შესაბამისად, გაიზარდა საცალო ფასებიც. ივლისი-სექტემბრის პერიოდში მსხვილი კომპანიების მიერ იმპორტირებული საწვავის თვითღირებულება შემცირდა, ამავე წლის მარტი-ივნისის პერიოდთან შედარებით. აღნიშნულის პარალელურად, საცალო ფასების შემცირება მოხდა 23 სექტემბრიდან ოქტომბრის თვის ჩათვლით პერიოდში, რაც, სააგენტოს პოზიციით, შესაძლებელია, განხილულ იქნეს როგორც დაგვიანებული ასახვა.კონკურენციის სააგენტო ბენზინისა და დიზელის ბაზარს, გამომდინარე მისი მოცულობიდან და გავლენიდან სხვადასხვა ბაზარზე, მათ შორის ლოგისტიკურ პროცესებზე, განიხილავს სტრატეგიულ ბაზრად. აღნიშნულის და იმ ფაქტის გათვალისწინებით, რომ სააგენტოს მიერ განსახილველ ბაზართან მიმართებით წარსულში იდენტიფიცირებულია კონკურენციის შემზღუდველი შეთანხმებები, ბაზრის მონიტორინგი უწყვეტად ხორციელდება, რაც, პრევენციულ ეფექტთან ერთად, მიზნად ისახავს უწყვეტ რეჟიმში დაკვირვების შედეგად კონკურენციის კანონმდებლობის დარღვევის რისკების იდენტიფიცირების შემთხვევაში კანონმდებლობით გათვალისწინებულ რეაგირებას“, - აღნიშნულია ინფორმაციაში.ანგარიშის მიხედვით, 2024 წელს, ქვეყანაში 47 ეკონომიკური აგენტის მიერ 1 668 280 ათასი ლიტრი 2 781 481 558 ლარის ღირებულების ბენზინისა და დიზელის იმპორტი განხორციელდა, რაც 2023 წლის ანალოგიურ მაჩვენებელს (1 541 612 ლიტრი) 8.2%-ით აღემატება. ბაზრის იმპორტის დონის კონცენტრაციის (HHI) ინდექსმა 959 ერთეული შეადგინა, რაც დაბალკონცენტრირებული ბაზრის მაჩვენებელია. სამი ყველაზე მსხვილი იმპორტიორი ეკონომიკური აგენტის წილმა საერთო იმპორტში შეადგინა 44%, 5 იმპორტიორის – 62%. ბაზრის იმპორტის დონეზე დომინანტი ეკონომიკური აგენტი არ ფიქსირდება, ასევე ადგილი არ აქვს ჯგუფური დომინანტური მდგომარეობის არსებობისთვის აუცილებელ ერთ-ერთ კომპონენტს საბაზროს წილების სახით.ნავთობპროდუქტების იმპორტიორთა კავშირის ხელმძღვანელმა ვახტანგ იობაშვილმა "ბიზნეს-რეზონანსთან" დეტალურად ისაუბრა იმ ფაქტორების შესახებ, რის გამოც კომპანიები ფასებზე დროულად ვერ რეაგირებენ, თუმცა ცვლილებას ადეკვატურად ასახავენ, რის შესაძლებლობასაც გლობალური ტენდენცია იძლევა.,,ნავთობპროდუქტების ბაზარზე ფასებთან დაკავშირებით მოლოდინი ყოველთვის ვერ ამართლებს. ბოლო დროს იმდენად დიდი სხვაობაც არ ყოფილა, რომ ბიზნესს გრძელვადიანი გადაწყვეტილებები მიეღო. ყველა კომპანიებს აქვთ მარაგი, მცირე კომპანანიებსაც კი, ვინაიდან მიბმული არიან ქეყნის სანვთობო ბაზრზე და ყველა მუშაობს ერთი ფორმულით, რომ აკონტროლონ ვალუტის კურსი, შემდეგ უკვე საერთაშორისო ბაზრები და მომწოდებელი ქვეყანა, შეთავაზებული ფასები, რასაც ყოველთვის გრძელვადიან პერსპექტივაში ვერ განიხილავ. შეთავაზება ხშირად იცვლება, ამიტომ დროული რეაგირება დიდ ძალისხმევას მოითხოვს, ხშირად ჭირს.კომპანიების მხრიდან დიდი სიფრთხილეა საჭირო, რომ ფასი არ გაექცეთ, არც შესასყიდი, არც - სარეალზიაციო. გაუგებრობაა იმის გამოც, რომ ვაჭრობა უცხოურ ვალუტაში მიმდინარეობს, ხოლო ჩვენ საკუთარი ვალუტა გვაქვს, რომლის კურსიც იცვლება. დამოკიდებული ვართ მწარმოებელ ქვეყნებზე, ვისგანაც ვიძენთ საწვავს.ზოგადად ჩვენი მიზანი უნდა იყოს, რომ იმპორტზე დამოკიდებულება საკუთარი წარმოების ხარჯზე შევამციროთ. თუნდაც მცირე პროცენტული მაჩვენებლით გვეწარმოებინა საწვავის ის რაოდენობა, რაც ხელს შეუწყობდა ადგილობრივი ბაზრის სტაბილურობას და ფასების მეტ-ნაკლებად შენარჩუნების საშუალებას მოგვცემდა“, - განაცხადა ვახტანგ იობაშვილმა.ნავთობპროდუიქტების იმპორტიორთა კავშირის ხელმძღვანელი  ,,ბიზნეს-რეზონანსთან“ საუბრისას რუსეთში ბენზინის ექსპორტის აკრძალვის გახანგრძლივების გადაწყვეტილებასაც შეეხო. გავრცელებული ინფორმაციის თანახმად, არამწარმოებელი კომპანიებისთვის 1-ლი მარტიდან 31 აგვისტოს ჩათვლით, რუსეთში ბენზინის ექსპორტის აკრძალვის შემოღებას მხარი დაუჭირეს. მიზანი მაღალი მოთხოვნის პერიოდში ბაზრის დაბალანსებაა. ნავთობგადამმუშავებელი საწარმოებისა და მათი მფლობელი ნავთობკომპანიებისთვის ნავთობის ექსპორტი დაშვებული იქნება. ემბარგო ნარჩუნდებოდა არამწარმოებლებისთვის - ტრეიდერებისთვის, ნავთობის ბაზებისთვის და კომპანიებისთვის, რომელთა წარმადობა წელიწადში 1 მილიონ ტონაზე ნაკლები არაა.ვახტანგ იობაშვილის შეფასებით, რუსული საწვავის იმპორტის შეზღუდვის მიუხედავად, ბაზარი სტაბილურია და მარაგის მხრივ არანაირი პრობლემა არ არის.,,პროდუქტს რა ფასში მოგვცემს, რუსეთის მთავრობა წყვეტს. უბრალოდ, შერჩევითი მიდგომაა და ეს არის ცუდი, აფხაზეთსა და სამაჩაბლოში, ასევე აზიურ რესპუბლიკებში ექსპორტი არ შეუზღუდავს. მიუხედავად ამისა, ჩვენზე შეზღუდვა რაიმე გავლენას არ იქონიებს, საწვავს ევროპიდან და სხვა ქვეყნებიდან ვიღებთ. არც რაოდენობრივად დაგვაკლდება და მით უმეტეს, არც დეფიციტი  შეიქმნება. ჩვენ გვყავს სანავთობო ქვეყნები ირგვლივ და გვაქვს საშუალება საკმარისი მარაგი გაგვაჩნდეს. უბრალოდ, ვისურვებდი უფრო სტაბილურ პარტნიორებს ამ ბაზარზე, ვიდრე რუსეთია.ალტერნატიული მომწოდებლები არიან ევროპული ქვეყნები:  ბულგარეთი, რუმინეთი, საბერძნეთი და ბელარუსიც კი, რაც აკმაყოფილებს მოთხოვნას. მთავარია, რეგიონში მშვიდობა დამყარდეს, რაზეც კომპანიების საფასო პოლიტიკაც დიდწილად არის დამოკიდებული“, - განუცხადა ,,ბიზნეს-რეზონანსს“ ვახტანგ იობაშვილმა.ცნობისთვის, 2024 წელს, საწვავის ყველაზე დიდი მოცულობის იმპორტი განხორციელდა რუსეთის ფედერაციიდან – 54%, რომელსაც მოჰყვება ბულგარეთი – 16.7% და რუმინეთი – 14.7%. აღსანიშნავია, რომ 2023 წელთან შედარებით შემცირებულია საწვავის იმპორტი რუსეთიდან და გაზრდილია ევროპული საწვავის წილი.წყარო: resonancedaily.com

გაეროს ბავშვთა ფონდის მხარდაჭერით ენერგეტიკის სასწავლო ცენტრი აგრძელებ...

პროექტის ფარგლებში ყურადღება გამახვილდება გარემოს დაცვის საკითხებში ახალგაზრდების ჩართულობის ზრდის მექანიზმების განვითარების ხელშეწყობაზე, ამასთანავე მონაწილეებს მიეწოდებათ სიღრმისეული ინფორმაცია წყლის რესურსების რაციონალურად გამოყენებისა და დაცვის აუცილებლობის შესახებ.პროექტში ჩართული იქნება ბათუმის, რუსთავის, ქუთაისისა და ფოთის ორმოცი სკოლის 650 მოსწავლე, ასევე ქუთაისისა და ბათუმის სახელმწიფო უნივერსიტეტების 50 სტუდენტი. პროექტის ფარგლებში მოსწავლე-ახალგაზრდებს ჩაუტარდებათ ტრენინგები და საჯარო ლექციები. ასევე, დაგეგმილია საინფორმაციო შეხვედრები მუნიციპალური ხელისუფლებისა და საბავშვო ბაღების წარმომადგენლებთან.პროექტის ხანგრძლივობაა 8 თვე.გაეროს ბავშვთა ფონდის მხარდაჭერით და პარტნიორობით, 2022-2024 წლებში ენერგეტიკის სასწავლო ცენტრში განხორციელებული პროექტების ფარგლებში 1000-ზე მეტმა მოსწავლემ მიიღო მონაწილეობა, რომლებსაც სხვადასხვა მნიშვნელოვან საკითხზე ცნობიერების ამაღლების მიზნით ჩაუტარდათ თემატური ტრენინგები და საჯარო ლექციები.ენერგეტიკის სასწავლო ცენტრის შესახებ: საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებული ელიზბარ ერისთავის სახელობის ენერგეტიკის სასწავლო ცენტრის მიზანია ელექტროენერგეტიკის, ბუნებრივი გაზის, წყალმომარაგებისა და მელიორაციის სექტორების აქტუალურ საკითხებზე საზოგადოების ცნობიერების ამაღლება, პროფესიული განვითარებისა და კვალიფიკაციის ამაღლებისთვის სპეციალური სასწავლო კურსების/პროგრამების განხორციელება, ქალთა ჩართულობის ზრდა ენერგეტიკის სექტორში, სკოლის მოსწავლეებისთვის საგანმანათლებლო პროექტების განხორციელება და სხვა. ენერგეტიკის სასწავლო ცენტრში დაინტერესებულ პირებს აქვთ შესაძლებლობა, კვალიფიკაციის ამაღლების მიზნით, გაიარონ სასწავლო კურსები ელექტროენერგეტიკის, ბუნებრივი გაზის, წყალმომარაგებისა და მელიორაციის, სატარიფო რეგულირების შესახებ.გაეროს ბავშვთა ფონდის შესახებ: გაეროს ბავშვთა ფონდი (UNICEF) 70 წელზე მეტია მუშაობს მსოფლიოს ყველაზე რთულ რეგიონებში, რათა დაეხმაროს მსოფლიოს ყველაზე მოწყვლად ბავშვებს. 190-ზე მეტ ქვეყანასა და ტერიტორიულ ერთეულში, ჩვენ ვმუშაობთ ყოველი ბავშვისთვის ყველგან, რათა ავაშენოთ უკეთესი მსოფლიო ყველასთვის. იუნისეფი 20 წელზე მეტია ეხმარება საქართველოს მთავრობას ბავშვთა უფლებების დაცვასა და ბავშვის უფლებათა კონვენციით ნაკისრი ვალდებულებების შესრულებაში. ჩვენი მიზანია, დავეხმაროთ ყველაზე დაუცველ ბავშვებს, ხელი შევუწყოთ მათ გაძლიერებასა და სოციალურ ინკლუზიას, შევამციროთ უთანასწორობა, რაც უარყოფითად ზემოქმედებს ბავშვებსა და მათ ოჯახებზე.დამატებითი ინფორმაციისთვის დაუკავშირდით: მაია ქურციკიძე, გაეროს ბავშვთა ფონდის კომუნიკაციის სპეციალისტი, Tel: +995 599 533071, mkurtsikidze@unicef.org, www.unicef.org/georgia,გამოგვყევით Twitter-სა and Facebook-ზექეთევან ბერიკაშვილი, სემეკთან არსებული ელიზბარ ერისთავის სახელობის ენერგეტიკისსასწავლო ცენტრი საბჭოს წევრი Mob.(+995) 577310011, k.berikashvili@entc.ge, www.entc.ge