„საქართველოს მელიორაციაში“ სარწყავი სეზონის შედეგები შეაჯამეს

როგორც სემეკის თავმჯდომარემ, დავით ნარმანიამგანაცხადა, კომისიის მიერ შექმნილი სამუშაო ჯგუფის დასკვნა გადაეგზავნებათ დაინტერესებულ პირებს და კომპანიებს, რათა წარადგინონ საკუთარი მოსაზრებები, რის შემდეგაც, ორი კვირის ვადაში კომისია დაასრულებს საკითხის განხილვას და მიიღებს შესაბამის ზომებს, მათ შორის განიხილება კომპანიების დასანქცირების საკითხი.„მარეგულირებელი კომისიის მიერ შექმნილმა სამუშაო ჯგუფმა დაასრულა 24 და 25 ივლისის სისტემური ავარიების საკითხების დეტალური შესწავლა. შესწავლილი იქნა გადამცემი და გენერაციის ობიექტების საქმიანობის ქსელის წესებთან შესაბამისობის საკითხები. არაერთი ხარვეზი და დარღვევა იქნა აღმოჩენილი სამუშაო ჯგუფის მიერ და მომზადებული და ხელმოწერილი დასკვნა გადაეგზავნებათ შესაბამის დაინტერესებულ პირებს, სახელმწიფო ელექტროსისტემას, ხრამჰესს და გენერაციის სხვა ობიექტებს, ასევე ენერგოპროს, იმისათვის, რომ გაეცნონ დასკვნაში წარმოდგენილ საკითხებს და წარმოადგინონ მათი მოსაზრებები ამ საკითხთან დაკავშირებით, რომლის შემდეგაც ორი კვირის ვადაში მარეგულირებელი კომისია დაასრულებს საკითხის განხილვას და მიიღებს შესაბამის ზომებს და შედეგად დასანქცირდებიან კომპანიები“, – განაცხადა დავით ნარმანიამ.მისივე თქმით, დასკვნაში წარმოდგენილი საკითხები სავსებით საკმარისია იმისათვის, რომ კომისიამ გამოიყენოს კანონმდებლობით გათვალისწინებული სანქციის მაქსიმალური ზომა – 75 000 ლარი ერთ შემთხვევაში.„ორი სისტემური ავარიაა, შესაბამისად ცალ-ცალკე მოხდება ამ საკითხებზე დასანქცირება“, – აღნიშნა ნარმანიამ.ამასთან, როგორც დავით ნარმანიამ განაცხადა, მარეგულირებელი კომისიის მიერ შექმნილი სამუშაო ჯგუფი მიიჩნევს, რომ 24 და 25 ივლისს მომხდარი სისტემური ავარიების თავიდან არიდება შესაძლებელი იქნებოდა შესაბამისი რეგულირებების გაკეთებით, რომელიც არ განხორციელდა თავის დროზე.„ასევე, მწყობრში უნდა ყოფილიყო ავტომატიკა და შესაბამისად სხვა მარეგულირებელი ტექნიკური ინსტრუმენტები. ამ ყველაფერზე საკმაოდ ვრცლად არის საუბარი იმ დეტალურ ანგარიშში, რომელიც იქნა წარმოდგენილი“, – თქვა დავით ნარმანიამ.ამასთან, როგორც სემეკის თავმჯდომარემ აღნიშნა, მარეგულირებელი კომისია საკითხს სწავლობს კომპანიების საქმიანობისა ქსელის წესებთან შესაბამისობის ნაწილში, ტექნიკურ ნაწილში და შესაბამისად, სისხლის სამართლებრივ დანაშაულთან დაკავშირებით მსჯელობა არ არის მარეგულირებელი კომისიის უფლებამოსილება.„ამას სწავლობს შესაბამისი სამსახური. ჩვენ, რა თქმა უნდა, კოორდინაციაში ვიმყოფებით სახელმწიფო უსაფრთხოების სამსახურთან და ვნახოთ, რა შედეგებზე გავლენ ისინი. დასკვნა, რა თქმა უნდა, საჯარო დოკუმენტია და მართაც ექნებათ საშუალება, რომ გაეცნონ დასკვნას“, – განაცხადა დავით ნარმანიამ.რაც შეეხება ენგურჰესთან დაკავშირებულ საკითხს, როგორც დავით ნარმანიამ აღნიშნა, სისტემური ავარიის შედეგად გამოიკვეთა, რომ ენგურჰესზეც არსებობდა რეგულირებასთან დაკავშირებული გარკვეული ხარვეზები.„რა თქმა უნდა, ენგურჰესის მიერ მოწვეულ იქნა შესაბამისი სპეციალისტები. დღესაც ენგურჰესი დაკვირვების ქვეშ არის. საზოგადოებისთვის ცნობილია, რომ ენგურჰესმა შესყიდვა უნდა გამოაცხადოს დამატებითი მოწყობილობების შეძენასთან დაკავშირებით, რათა სრულად ტექნიკურად მოწესრიგდეს ენგურჰესთან არსებული შესაბამისი მარეგულირებელი სისტემები. აქედან გამომდინარე, ეს სამუშაოები გრძელდება და ენგურჰესი ჯერჯერობით არ მუშაობს სრული დატვირთვით. წყალი დაგროვებულია ენგურჰესის რეზერვუარში და როგორც კი აღმოიფხვრება შესაბამისი ხარვეზები, ეტაპობრივად მოხდება მისი დატვირთვა.მოკლე ჩართვამ, რაც გეგუთის ხაზზე განხორციელდა, მერე ჩაითრია ენგურჰესიც. ენგურჰესზე ხუთ აგრეგატზე არსებული მარეგულირებელი ინსტრუმენტიდან ერთმა იმუშავა გამართულად, სხვა დანარჩენებზე ჩვენი დაკვირვების შედეგად გამოვლინდა ხარვეზი და სწორედ ამ ხარვეზების აღმოფხვრას ემსახურება ის შესყიდვა, რა შესყიდვაც მათ გამოაცხადეს“, – განაცხადა დავით ნარმანიამ.

1792578976

მათ შორის, ერთ-ერთი ცვლილებით იქმნება სამართლებრივი საფუძველი, რომლის მიხედვით, ეროვნულ ბანკს ევროკავშირის წევრი და მსოფლიოს სხვა წამყვანი ქვეყნების მსგავსად, ციფრული ლარის მიმართულებით სხვადასხვა საპილოტე პროექტის განხორციელების შესაძლებლობა ექნება.ამასთან, მიუხედავად იმისა, რომ განხორციელებული საკანონმდებლო ცვლილებები ციფრული ლარის გამოშვების სამართლებრივ საფუძველს ქმნის, უახლოეს წლებში ეროვნული ბანკი არ გეგმავს ციფრული ლარის სრულმასშტაბიან გამოშვებას, რაც ხაზგასმულია კიდეც „საქართველოს ეროვნული ბანკის შესახებ“ საქართველოს ორგანულ კანონში ცვლილების შეტანის თაობაზე" საქართველოს ორგანული კანონის განმარტებით ბარათში. ამავე კანონით, ერთმნიშვნელოვნად არის განსაზღვრული და ნარჩუნდება ლარის ნაღდი ფორმით გამოშვება.ციფრული ლარის საპილოტე პროექტი მიზნად ისახავს ახალი ტექნოლოგიური შესაძლებლობების შესწავლას, გამოცდასა და იმის შეფასებას, თუ რა პრაქტიკული სარგებელი შეიძლება შექმნას ციფრულმა ვალუტამ მოქალაქეებისა და ბიზნესებისთვის, რაც მომავალში ხელს შეუწყობს საქართველოს საფინანსო სისტემის ინოვაციურ განვითარებასა და ტექნოლოგიური ცვლილებებისთვის მომზადებას.დღესდღეობით, ციფრული ვალუტა ფინანსური ტრანზაქციების ჩვეული ნაწილი გახდა. საქართველოს მოსახლეობისა და ფინანსური ბაზრის მონაწილეებისთვის უკვე კარგად ნაცნობია ისეთი ციფრული ვალუტები, როგორიცაა, USDT, USDC და სხვა. ამასთან, ყველა მათგანი უცხოურ ვალუტაზე მიბმულ, კერძო პირის მიერ გამოშვებულ ციფრულ აქტივს წარმოადგენს, რაც როგორც საბირჟო ვაჭრობისას, ისე ტრანსსასაზღვრო გადარიცხვების დროს ფართოდ გამოიყენება. ეროვნული ბანკების მიერ გამოშვებული ციფრული ვალუტა კი მხარდაჭერილია ცენტრალური ბანკის მიერ და შესაბამისად, სანდოობის უმაღლესი ხარისხი გააჩნია.აღსანიშნავია, რომ ქვეყნები ციფრული ვალუტების განვითარების სხვადასხვა მოდელს ირჩევენ. მაგალითად, ამერიკის შეერთებული შტატები კერძო ციფრული ვალუტების (სტაბილქოინების) განვითარებაზეა ორიენტირებული. ევროკავშირი კი კერძო ციფრული ვალუტების პარალელურად, ცენტრალური ბანკის ციფრული ვალუტის განვითარებას და დომინირებას უჭერს მხარს.  სწორედ ამ უკანასკნელ მიდგომას იზიარებს საქართველოს ეროვნული ბანკიც.ამასთან, ეროვნული ბანკი,  თავისი უფლებამოსილების ფარგლებში, კერძო სექტორის მიერ გამოშვებულ ციფრულ ვალუტასთან დაკავშირებულ საქმიანობას არეგულირებს. მათ შორის, მნიშვნელოვანია სტაბილქოინების გამოშვებისა და უზრუნველყოფის ჩარჩო, რომელიც ფინანსური ინოვაციების უსაფრთხო განვითარებასა და მომხმარებელთა ინტერესების დაცვას ემსახურება.ინფორმაციას ეროვნული ბანკი ავრცელებს.

1792577762

მისივე თქმით, რუსეთის ფედერაციასთან კონფლიქტის მშვიდობიანი მოგვარება, არსებული სავაჭრო-ეკონომიკური ურთიერთობების შენარჩუნება და განვითარება და ჰუმანიტარულ საკითხებზე მუდმივი დიალოგის წარმოება საქართველოსთვის ერთ-ერთი უმნიშვნელოვანესი პრიორიტეტია.„რუსეთის ფედერაციასთან კონფლიქტის მშვიდობიანი მოგვარება, არსებული სავაჭრო-ეკონომიკური ურთიერთობების შენარჩუნება და განვითარება და ჰუმანიტარულ საკითხებზე მუდმივი დიალოგის წარმოება ჩვენი ქვეყნის ერთ-ერთი უმნიშვნელოვანესი პრიორიტეტია. საქართველოსა და რუსეთის ფედერაციას შორის დიპლომატიური ურთიერთობების არარსებობის პირობებში, ჟენევის ფორმატთან ერთად, პრემიერ-მინისტრის სპეციალური წარმომადგენლის თანამდებობას ამ ამოცანების შესრულებაში საკვანძო მნიშვნელობა ენიჭება.ბატონი გიორგი ზურაბაშვილი არის ძალზე გამოცდილი დიპლომატი. წლების განმავლობაში ის იკავებდა სხვადასხვა მაღალ თანამდებობას საჯარო სამსახურში; საგარეო საქმეთა სამინისტროში იყო სხვადასხვა დეპარტამენტის დირექტორი, აგრეთვე საგანგებო და სრულუფლებიანი ელჩი; 2024 წელს კი დაინიშნა საქართველოს საგარეო საქმეთა მინისტრის მოადგილედ, ხოლო 2025 წლის 1 ივლისს - საგარეო საქმეთა მინისტრის პირველ მოადგილედ.დარწმუნებული ვართ, ბატონი გიორგი ზურაბაშვილი, მისი ცოდნითა და გამოცდილებით, საუკეთესოდ შეასრულებს პრემიერ-მინისტრის სპეციალური წარმომადგენლისთვის დაკისრებულ ამოცანებს,“- აღნიშნა პრემიერმა.ინფორმაციას მთავრობის ადმინისტრაცია ავრცელებს.

1792577649

10+ პროექტი, 600+ სტიპენდიატი 70 000 + ბენეფიციარი საქართველოს ბანკის მიერ შექმნილი განათლების შესაძლებლობების ფარგლებში  მოსწავლეებს შეუძლიათ, შეიძინონ ახალი უნარები, გაეცნონ მათთვის საინტერესო პროფესიებს და მიიღონ ცოდნა საქართველოს ბანკის სრული დაფინანსებითსტიპენდია პროფესიულ აკადემიებშისაქართველოს ბანკი სკოლის მოსწავლეებს აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს 20-მდე პროფესიულ აკადემიაში საქართველოს ბანკის სტიპენდიით.ინიიატივის ფარგლებში, მოსწავლეებს შეუძლიათ აირჩიონ სასურველი კურსი ვებპროგრამირების, გრაფიკული და UI/UX დიზაინის, IT პროექტების მართვის, პროგრამირების საფუძვლების, ხელოვნურ ინტელექტისა და სხვა მიმართულებებით. დეტალური ინფორმაციის მისაღებად და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა ექნებათ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.STEM განათლების ხელშეწყობა მთელი საქართველოს მასშტაბითსაქართველოს ბანკისა და კომაროვის STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც მოსწავლეებს შესაძლებლობას აძლევს, სასწავლო პროცესში საქართველოს ნებისმიერი კუთხიდან ჩაერთონ. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს. უფრო მეტი დეტალისთვის შეგიძლიათ ეწვიოთ ვებგვერდს.ფოთის საჭადრაკო კლუბი - შესაძლებლობა მომავალი ჩემპიონებისთვისსაქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს, ერთი წლის განმავლობაში, სწავლას სრულად დაუფინანსებს. გაიგეთ უფრო მეტიUWC-ის სტიპენდია მოსწავლეებისთვის - ისწავლეთ მსოფლიოს 18 სკოლაშისაქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და მათ შესაძლებლობას აძლევს, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა. უფრო მეტი დეტალისთვის შეგიძლიათ ეწვიოთ ვებგვერდს.Code IT - პირველი ნაბიჯები პროგრამირებაშიპროგრამირებით დაინტერესებული 14-18 წლის მოზარდებისთვის Code IT-ის პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ.საქართველოს ბანკის მიერ შექმნილი განათლების კიდევ უფრო მეტი შესაძლებლობის აღმოსაჩენად ეწვიეთ ვებგვერდს.

1792577311

ღონისძიება მოიცავდა პროფესიულ მასტერკლასს, დეგუსტაციასა და ქართულ ღვინის ფესტივალს, რომელსაც 400-მდე მოწვეული სტუმარი დაესწრო. მათ შორის იყვნენ ღვინის ინდუსტრიის ექსპერტები, სომელიეები, ბაიერები, მედიის წარმომადგენლები და ინფლუენსერები. დეგუსტაციაზე ქართული ღვინის მწარმოებელი 10 კომპანიის სხვადასხვა დასახელების ღვინოები იყო წარმოდგენილი.ღონისძიებას კორეის რესპუბლიკაში საქართველოს საგანგებო და სრულუფლებიანი დესპანი მიხეილ თიგიშვილი დაესწრო, რომელმაც სტუმრებს სიტყვით მიმართა. ქართული ღვინის ისტორიისა და თანამედროვე ინდუსტრიის შესახებ პრეზენტაცია ღვინის ეროვნული სააგენტოს მარკეტინგის კოორდინატორმა მარიამ მეტრეველმა წარადგინა.აზიის რეგიონში, ჩინეთთან და იაპონიასთან ერთად, კორეის რესპუბლიკა ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, ქვეყანაში ქართული ღვინის პოპულარიზაციისა და საექსპორტო პოტენციალის გაზრდის მიზნით, სხვადასხვა მარკეტინგული ღონისძიება იმართება. სეულში ქართული ღვინის მსგავსი ფორმატის ღონისძიება უკვე მეხუთედ ჩატარდა.ღვინის ეროვნული სააგენტოს კონტრაქტორი მარკეტინგული კომპანია „Wine21.com“ კორეის რესპუბლიკაში ღვინის ერთ-ერთი უმსხვილესი ონლაინ პლატფორმაა. დარგის ექსპერტების მიერ შექმნილი პორტალი მომხმარებლებს კორეის ბაზარზე წარმოდგენილი ღვინოების შესახებ ინფორმაციას აწვდის და ასევე ახორციელებს საზოგადოებასთან ურთიერთობისა და მარკეტინგულ საქმიანობას.ქართული ღვინის ცნობადობის ამაღლებისა და საექსპორტო ბაზრების დივერსიფიკაციის მიზნით, ღვინის ეროვნული სააგენტო საერთაშორისო ბაზრებზე ქართული ღვინის პოპულარიზაციის ღონისძიებებს აქტიურად უჭერს მხარს. სააგენტოს მხარდაჭერით, ქართული ღვინის მწარმოებელი კომპანიები მონაწილეობენ ისეთ საერთაშორისო გამოფენებში, როგორებიცაა „Seoul International Wine and Spirits Expo“ და „Daejeon International Wine Festival“.

1792575684

მებაჟე ოფიცრების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტოსატრანსპორტო საშუალებების დეტალური დათვალიერების შედეგად ჯამში - 898 გრამი ოქროს საიუველირო ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ ჯამში - 189 715 ლარი შეადგინა.5 კანონდამრღვევი მოქალაქის საქმის მასალები ფინანსთა სამინისტროს საგამოძიებო სამსახურს გადაეცა, ხოლო 8 კანონდამრღვევ მოქალაქეს საქართველოს საბაჟო კოდექსის 168-ე მუხლის I ნაწილის შესაბამისად სანქციის სახით, ჯარიმა ჯამში - 82 714 ლარის ოდენობით შეეფარდა.

1792575607