პროგრამების ფარგლებში მოსწავლეებს შეუძლიათ, შეიძინონ ახალი უნარები, გაეცნონ მათთვის საინტერესო პროფესიებს და მიიღონ ცოდნა საქართველოს ბანკის სრულიდაფინანსებით.საქართველოს ბანკის მიერ შექმნილიგანათლების შესაძლებლობებიმოსწავლეებისთვის:სტიპენდია პროფესიულ აკადემიებშისაქართველოს ბანკი სკოლის მოსწავლეებს აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს 20-მდე პროფესიულ აკადემიაში საქართველოს ბანკის სტიპენდიით.ინიციატივის ფარგლებში, მოსწავლეებს შეუძლიათ აირჩიონ სასურველი კურსი ვებპროგრამირების, გრაფიკული და UI/UX დიზაინის, IT პროექტების მართვის, პროგრამირების საფუძვლების, ხელოვნურ ინტელექტისა და სხვა მიმართულებებით. დეტალური ინფორმაციის მისაღებად და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებითდაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა ექნებათ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამდაიწყო სწავლა.STEM განათლების ხელშეწყობა მთელისაქართველოს მასშტაბითსაქართველოს ბანკისა და კომაროვის STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც მოსწავლეებს შესაძლებლობას აძლევს, სასწავლო პროცესში საქართველოს ნებისმიერი კუთხიდან ჩაერთონ. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს.ფოთის საჭადრაკო კლუბი - შესაძლებლობამომავალი ჩემპიონებისთვისსაქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს, ერთი წლის განმავლობაში, სწავლას სრულად დაუფინანსებს.UWC-ის სტიპენდია მოსწავლეებისთვის - ისწავლეთ მსოფლიოს 18 სკოლაშისაქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და მათ შესაძლებლობას აძლევს, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა.Code IT - პირველი ნაბიჯები პროგრამირებაშიპროგრამირებით დაინტერესებული 14-18 წლის მოზარდებისთვის Code IT-ის პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ.საქართველოს ბანკის მიერ შექმნილიგანათლების კიდევ უფრო მეტი შესაძლებლობისაღმოსაჩენად ეწვიეთ ვებგვერდს.

1792490576

საქსტატის ცნობით, 2026 წლის აგვისტოსთან შედარებით ფასები 0.1 პროცენტით შემცირდა სამთო-მოპოვებითი მრეწველობისა და კარიერების დამუშავების ჯგუფზე, რამაც -0.01 პროცენტული პუნქტით იქონია ზეგავლენა ჯამური ინდექსის ცვლილებაზე. ამავე პერიოდში -0.1 პროცენტით ფასები შემცირდა დამამუშავებელი მრეწველობის პროდუქციის ჯგუფზე, რამაც -0.05 პროცენტული პუნქტი შეიტანა მთლიანი ინდექსის ცვლილებაში. გარდა ამისა, ფასების 0.4-პროცენტიანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.04 პროცენტული პუნქტი შეადგინა.„12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 12.6 პროცენტით, რაც მთლიანი ინდექსის ცვლილებაზე 0.88 პროცენტული პუნქტით აისახა. ჯგუფში აღსანიშნავია ფასების მატება ლითონის მადნებზე (12.1 პროცენტი);დამამუშავებელი მრეწველობის პროდუქცია: ფასები გაიზარდა 4.1 პროცენტით, რამაც მთლიანი ინდექსის ზრდაზე 3.22 პროცენტული პუნქტით მოახდინა გავლენა. ფასები გაიზარდა კვების პროდუქტებზე (4.1 პროცენტი) და ძირითად ლითონებზე (8.5 პროცენტი); ელექტროენერგია, აირი, ორთქლი და კონდიცირებული ჰაერი: ფასები გაიზარდა 3.2 პროცენტით, რამაც მთლიანი ინდექსის წლიურ ცვლილებაზე 0.34 პროცენტული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 5.8 პროცენტით, რამაც მთლიან ინდექსზე 0.18 პროცენტული პუნქტით იქონია გავლენა“, – აღნიშნულია საქსტატის მიერ გამიქვეყნებულ ანგარიშში.

1792488885

მარნეულის მუნიციპალიტეტში, სოფელ კუშჩუში,  წმინდა გიორგის მიმყვან არხზე  გადამღვრელი კვანძი მოეწყო. განხორციელებული სამუშაოები გააუმჯობესებს წყლის რეგულირების პროცესს და ხელს შეუწყობს დაახლოებით 700 ჰექტარი სასოფლო-სამეურნეო მიწის მორწყვას.საექსპლუატაციო სამუშაოები დასრულდა გარდაბნის მუნიციპალიტეტშიც. ვაზიანის მიმყვან არხზე მოწყობილი გადამღვრელი კვანძი ჭარბი წყლის დროულად გადაღვრას  უზრუნველყოფს, რაც წყლის რეგულირებას გაამარტივებს. აღნიშნული არხით დაახლოებით 650 ჰექტარი სასოფლო-სამეურნეო მიწის ფართობი ირწყვება.ინფრასტრუქტურის მოწესრიგება და წყლის რესურსების რაციონალურად გამოყენება მნიშვნელოვნად ზრდის გასარწყავიანებულ ფართობებს, რაც გადამწყვეტია სასოფლო-სამეურნეო წარმოების განვითარებისა და პროდუქტიულობის ზრდისთვის.

1792487362

სექტემბრის მაჩვენებელზე განსაკუთრებით დიდი გავლენა უმაღლესი განათლების საფასურის შემცირებამ მოახდინა. სახელმწიფო უნივერსიტეტებში დაფინანსების წესის ცვლილების შედეგად, სწავლის საფასური სექტემბერში თვიურად დაახლოებით 33%-ით შემცირდა, რამაც მთლიანი ინფლაცია 0.8 პროცენტული პუნქტით შეამცირა. ამ ცვლილების გარეშე, მთლიანი ინფლაცია 6.3%-ს გაუტოლდებოდა, რაც აპრილის პიკზე მაღალია. საბაზო ინფლაციასა და მომსახურების ფასებზე ეფექტი კიდევ უფრო დიდია: სწავლის საფასური უცვლელი რომ დარჩენილიყო, საქსტატის საბაზო ინფლაცია 3.7%-ის ნაცვლად 5.1%, მომსახურების ინფლაცია კი იმავე 3.7%-ის ნაცვლად 6.6% იქნებოდა.საპირისპირო მიმართულებით მოქმედებს ელექტროენერგიისა და პურის ადრინდელი გაძვირება, რაც წლიურ მაჩვენებელს, დაახლოებით, 1.0 პროცენტული პუნქტით ზრდის. კიდევ უფრო დიდი წვლილი შეაქვს საწვავს, რომელზეც მთლიანი ინფლაციის მეოთხედზე მეტი მოდის - ახლო აღმოსავლეთში დაძაბულობის ფონზე ბენზინი შარშანდელთან შედარებით, დაახლოებით, 30%-ით, დიზელი კი ნახევარზე მეტით გაძვირდა.სხვადასხვა მიმართულებით მოქმედი ამ ფაქტორების მიღმა, საერთო სურათის შესაფასებლად რამდენიმე მეთოდი გამოიყენება, რომლებიც ფასების ყველაზე მკვეთრი ზრდისა და კლების გავლენას ზღუდავს, აგრეთვე გამორიცხავს კონკრეტულ, განსაკუთრებით მერყევ ან ადმინისტრაციულ გადაწყვეტილებებზე დამოკიდებულ კომპონენტებს. ამ მაჩვენებელთა უმეტესობა სექტემბერში 5%-დან 6%-მდე მერყეობს, მედიანა კი 5.5%-ს შეადგენს, რაც თებერვალი-მარტის ბოლოს არსებულ 3%-თან შედარებით მნიშვნელოვნად გაზრდილია. თუ საბაზო ინფლაციიდან ადმინისტრაციულად განსაზღვრულ ყველა ფასს გამოვრიცხავთ, მარტის შემდეგ მისი ზრდის თითქმის ორი მესამედი მომსახურებაზე, მათ შორის ქირაზე, მოდის.თუმცა, ბოლო თვეების დინამიკა არაერთგვაროვანია. სწავლის საფასურის კლებისა და სეზონური ფაქტორების გამორიცხვით, სექტემბერში ფასები თვიურად 0.8%-ით გაიზარდა, რაც აპრილის შემდეგ ყველაზე მაღალი ზრდაა. ბოლო სამი თვის მონაცემებით კი ფასების უკიდურესი ცვლილებების გავლენის შეზღუდვით მიღებული მაჩვენებლების ზრდის ტემპი, დაახლოებით, გაზაფხულამდე არსებულ დონეს დაუბრუნდა. შენელება ძირითადად საქონელზე მოდის - ხილისა და ბოსტნეულის გარეშე საკვების წლიური გაძვირება იანვრიდან ნახევარზე მეტად შემცირდა, ხოლო ენერგიის, თამბაქოსა და ადმინისტრაციულად განსაზღვრული ფასების გარდა, არასასურსათო საქონლის ფასები გაზაფხულის შემდეგ თითქმის არ შეცვლილა. ამის საპირისპიროდ, ადმინისტრაციულად განსაზღვრული ყველა ფასის გარეშე დათვლილი საბაზო ინფლაციის ტემპი ბოლო თვეებში კვლავ გაძლიერდა. აგრეთვე, სამომხმარებლო ხარჯების ნახევარზე მეტი იმ პროდუქტებსა და მომსახურებაზე მოდის, რომელთა წლიური გაძვირება 3%-ს აღემატება, თუმცა ეს წილი ივნისის შემდეგ თითქმის უცვლელია.ინფლაციური წნეხის ხანგრძლივობის მხრივ ყველაზე საყურადღებო მომსახურებაა, რადგან მომსახურების ფასები ადგილობრივ ეკონომიკურ გარემოსთან უფრო მჭიდრო კავშირშია და მათი ზრდა, როგორც წესი, უფრო მდგრადია. ადმინისტრაციულად განსაზღვრული ფასებისა და განათლების გარეშე, მომსახურების გაძვირების ტემპი ბოლო თვეებში 2023 წლის შემდეგ ყველაზე მაღალია, განსაკუთრებით ქირისა და სამედიცინო მომსახურების მხრივ, თუმცა ამ ორი კომპონენტის გამორიცხვითაც ზრდის ტემპი მაღალი რჩება.როგორც თიბისი კაპიტალის წინა განახლებებშიც იყო აღნიშნული, ახლო პერიოდის პერსპექტივისთვის ყველაზე მნიშვნელოვანი ფაქტორები კვლავ ნავთობისა და სურსათის ფასებია. ოქტომბერში ბრენტის ტიპის ნავთობის ფასი ისევ ბარელზე 100 დოლარზე ზემოთ ივაჭრება, რაც, ახლო აღმოსავლეთიდან მიწოდების აღდგენის ნიშნების მიუხედავად, გაზრდილ გეოპოლიტიკურ რისკს უკავშირდება. საერთაშორისო და ადგილობრივ ფასებს შორის ისტორიულად მაღალი კავშირის გათვალისწინებით, გლობალურ ბირჟაზე ნავთობის გაძვირება ინფლაციური წნეხის ზრდაში აისახება. დღიურ მონაცემებზე დაყრდნობით, ოქტომბერში საწვავი მსხვილ ქსელებში დამატებით გაძვირდა. თიბისი კაპიტალის საბაზო სცენარი დეკემბრისთვის ბრენტის ტიპის ნავთობის ფასის 80-85 აშშ დოლარის ფარგლებში დასტაბილურების დაშვებას მოიაზრებდა. ამდენად, ფასის მაღალ დონეზე შენარჩუნება ინფლაციის პროგნოზზე ზრდის მიმართულებით მოქმედებს.რაც შეეხება სურსათს, საერთაშორისო ფასების ცვლილება ადგილობრივ ფასებზე უფრო ნელა და ნაკლები მასშტაბით აისახება. სექტემბერში სურსათის გლობალური ფასების ინდექსი კვლავ გაიზარდა და 2022 წლის ბოლოს შემდეგ ყველაზე მაღალ დონეს მიაღწია. მიუხედავად ამისა, საქართველოში სურსათის წლიური ინფლაცია 2025 წლის საშუალო 8.4%-დან სექტემბერში 3.6%-მდე შენელდა, ხოლო ხილისა და ბოსტნეულის შემთხვევაში დეფლაცია ფიქსირდება. ეს შენელება მთლიან ინფლაციაზე შემაკავებელი მიმართულებით მოქმედებს, ამიტომ სურსათის გაძვირების ხელახალი აჩქარება ინფლაციის ზრდის მთავარ რისკად რჩება.საერთო ჯამში, თიბისი კაპიტალი 2026 წლის ბოლოსთვის ინფლაციის პროგნოზს მცირედით, 6.0%-დან 5.7%-მდე ამცირებს. უმაღლესი განათლების საფასურის კლების გავლენა ნავთობისა და საკვების მხრიდან დამატებით ზეწოლას აჭარბებს. მოსალოდნელია, რომ ოქტომბერ-ნოემბერში წლიური ინფლაცია შემცირდება, ხოლო დეკემბერში კვლავ გაიზრდება, რაც საბაზო ეფექტებს უკავშირდება.2027 წელს ინფლაციის შემცირების მოლოდინი დიდწილად საგარეო პირობებზეა დამოკიდებული. თიბისი კაპიტალის საბაზო სცენარი მომავალი წლის ბოლოსთვის ნავთობის დაახლოებით 70–75 აშშ დოლარამდე გაიაფებასა და საკვების გლობალური გაძვირების ადგილობრივ ფასებზე შედარებით სუსტ ასახვას ითვალისწინებს. ამ პირობებში, წლიური ინფლაცია მეორე კვარტლიდან 3%-იან მიზნობრივ მაჩვენებელს მიუახლოვდება და შემდგომ მცირედით ჩამოსცდება, ელექტროენერგიისა და საწვავის ფასებთან დაკავშირებული საბაზო ეფექტების ფონზე. თუმცა, მომსახურების უფრო მდგრადი გაძვირების გამო, ინფლაციის ძირითადი ტენდენციის მაჩვენებლები, სავარაუდოდ, მთლიან ინფლაციაზე 1-1.5 პროცენტული პუნქტით მაღალი დარჩება. თიბისი კაპიტალის შეფასებით, ნავთობის ფასის ყოველი დამატებითი 10 დოლარი, პირდაპირი და არაპირდაპირი ეფექტების ჩათვლით, წლიურ ინფლაციას ჯამში, დაახლოებით, 0.5 პროცენტული პუნქტით ზრდის. ამდენად, ნავთობის ფასის მოსალოდნელი ტრაექტორია ადგილობრივი ინფლაციისთვის ძალზე მნიშვნელოვან ფაქტორად რჩება.ამ ფონზე, მოსალოდნელია, რომ 21 ოქტომბრის სხდომაზე სებ მონეტარული პოლიტიკის განაკვეთს უცვლელად, 8.25%-ზე შეინარჩუნებს, თუმცა პოლიტიკის გამკაცრების არგუმენტები, წინა სხდომებთან შედარებით, უფრო ძლიერია. მომსახურების ინფლაციის მზარდი ტენდენცია, გლობალურად გამკაცრებულ ფინანსურ პირობებთან ერთად, განაკვეთის დამატებით გაზრდის არგუმენტია. მეორე მხრივ, უახლესი დინამიკის კუთხით არაერთგვაროვანი სურათი და მომდევნო წელს ინფლაციის მოსალოდნელი შემცირება - რაც დიდწილად საგარეო პირობებზეა დამოკიდებული - გადაწყვეტილებაზე საწინააღმდეგო მიმართულებით მოქმედებს. საბოლოო ჯამში, მოსალოდნელია, რომ ამ ეტაპზე კვლავ პროცესებზე შემდგომი დაკვირვება გაგრძელდება. დეკემბერში აშშ-სა და ევროზონაში საპროცენტო განაკვეთების ზრდის მოლოდინის ფონზე, ინფლაციის მდგრადი კომპონენტების შემდგომი გაძლიერება წლის ბოლომდე განაკვეთის 8.5%-მდე გამკაცრების ალბათობას გაზრდის.იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30007733-macro-update-georgia

1792487158

2027 წელს ჩატარდება პირველი სატესტო რბოლა, 2028-30 წლებში კი ოფიციალური, კალენდარული ეტაპები გაიმართება.„ევრონასკარის“ სერიების საქართველოში ჩატარების შესახებ „NASCAR-ის“ ევროპის სერიების პრეზიდენტის საქართველოში ვიზიტის დროს, მიმდინარე წლის მარტში, სპორტის სამინისტროში გამართულ შეხვედრაზე ისაუბრეს.„ჩვენთვის დიდი პატივია და სიამოვნებით ვიწყებთ საქართველოში ამ ღონისძიების ჩატარების შესაძლებლობის შესწავლას. ჩვენ ძალიან კარგი ურთიერთობა ჩამოგვიყალიბდა ქართულ გუნდთან - ქართველ მრბოლელებთან და საქართველოს საავტომობილო სპორტის ფედერაციასთან. ეს ჩვენთვის შესანიშნავი შესაძლებლობა იყო, პირადად გაგვეცნო საქართველო, რომელიც მართლაც საოცარი ქვეყანაა. NASCAR-ის საქართველოში ჩამოყვანა კი უნიკალური შესაძლებლობაა, რომელიც დიდ პერსპექტივას ქმნის ყველა ჩვენგანისთვის“, - განაცხადა  „NASCAR“-ის ევროპის სერიების პრეზიდენტმა ჯერომ გაპლიმ.„ევრონასკარის“ 2026 წლის ჩემპიონები ქართველი მრბოლელები - სანდრო თავართქილაძე და დავით ქაჯაია - გახდნენ.სანდრო თავართქილაძემ გამარჯვება „მასტერსის” კლასში მოიპოვა, დავით ქაჯაიამ კი „ჩელენჯერ თროფიში”. ევროპული „ნასკარის“ სერიები სეზონზე 12 რბოლას მოიცავს. ტურნირის ჩემპიონებს კი 12-ვე რბოლის შედეგად დაგროვებული ქულებით ავლენენ.საქართველო 2026 წლის „ევრონასკარზე“ ორი გუნდით იყო წარმოდგენილი. ქართველი მრბოლელები - სანდრო თავართქილაძე და სანდრო ქაჯაია - ნიდერლანდური გუნდის, „Bleekemolen”-ის, შემადგენლობაში ასპარეზობდნენ.მრბოლელები ევროპის სერიებზე საქართველოს სპორტის სამინისტროს მხარდაჭერით იმყოფებოდნენ. სანდრო ქაჯაიამ NASCAR EURO SERIES-ის ბელგიის ფინალური ეტაპი მესამე ადგილზე დაასრულა, რვა ეტაპის ჯამში კი „როკი ჩელენჯის“ ვიცე-ჩემპიონი გახდა.„NASCAR“-ის ევროპის სერიებზე კერძო სპონსორების მხარდაჭერით იმყოფებოდა ქართული გუნდი „კოლხი”. „კოლხის” შემადგენლობაში დავით ქაჯაია და მარიამ დავითაძე არიან. მარიამ დავითიძე „ლედი ჩელენჯის” კლასს წარმოადგენდა.„NASCAR-ის“ ევროპის სერიები 2008 წელს დაარსდა და მასში მონაწილეობენ ევროპის სხვადასხვა ქვეყნიდან პროფესიონალი ავტომრბოლელები.ქართველი სპორტსმენები „ევრონასკარზე" საქართველოს სპორტის სამინისტროს მხარდაჭერით გასულ წელს პირველად ასპარეზობდნენ.

1792486236

მსოფლიო ჩემპიონატის საკვალიფიკაციო ეტაპის მეორე რაუნდი საქართველოს ეროვნულმა ნაკრებმა შთამბეჭდავად დაიწყო. აგვისტოს ბოლოს ორი მატჩი გავმართეთ: შინ მონტენეგრო დავამარცხეთ (101:74), გასვლაზე კი პორტუგალიასაც ვძლიეთ (90:98).ამ ორი გამარჯვების შემდეგ, საქართველომ 13 ქულას მოუყარა თავი და მე-3 ადგილს იკავებს. სატურნირო ცხრილში ვითარება დაძაბულია. ჯგუფს უკრაინა ლიდერობს (14 ქ.), ხოლო მეორე ადგილზე მყოფ ესპანეთს ჩვენსავით 13 ქულა აქვს და მხოლოდ ბურთების უკეთესი სხვაობით გვასწრებს. 4-6 ადგილებს პორტუგალია, საბერძნეთი და მონტენეგრო იყოფენ (12-12 ქულით).შესანიშნავი სტარტის მიუხედავად, მეორე რაუნდში ჯერ არაფერია გადაწყვეტილი. ვინაიდან მომდევნო ეტაპზე ჯგუფიდან 3 საუკეთესო ნაკრები გადის, შანსს ექვსივე გუნდი ინარჩუნებს. წინ კიდევ 4 მატჩია და მთავარი ბრძოლები ახლა იწყება.მომდევნო ორ შეხვედრას ქართველი კალათბურთელები ნოემბერში გამართავენ: 26 ნოემბერს გასვლაზე საბერძნეთს დაუპირისპირდებიან, ხოლო 29 ნოემბერს სახლში, პორტუგალიას უმასპინძლებენ.სამწუხაროდ, NBA-ის გადატვირთული კალენდრის გამო, ამ ციკლში ნაკრებს სანდრო მამუკელაშვილი და გოგა ბითაძე ვერ დაეხმარებიან. სანამ რეგულარული ჩემპიონატის დაწყებამდე, ორივე ქართველმა NBA-ის წინასასეზონო შეხვედრებში მიიღო მონაწილეობა.მსოფლიოში ყველაზე ძლიერ და კონკურენტულ ლიგაში ახალი, 2026-2027 წლების სეზონი სტარტს 20 ოქტომბერს იღებს. 82-მატჩიანი რეგულარული მარათონი უზომოდ გადატვირთული კალენდრით ხასიათდება. სწორედ ეს არის იმის მთავარი მიზეზი, რომ უმაღლეს დონეზე ასპარეზობის მიუხედავად, ბითაძე და მამუკელაშვილი ნოემბრის სანაკრებო ფანჯრის მატჩებს გამოტოვებენ.სანდრო მამუკელაშვილს ლეგენდარული „ლეიკერსის“ შემადგენლობაში სულ ახლახან ჰქონდა დებიუტი. ეს იყო წინასასეზონო შეხვედრა „საკრამენტო კინგსის“ წინააღმდეგ. 19 წუთში ქართველმა ფორვარდმა 8 ქულა, 5 შედეგიანი გადაცემა და 1 მოხსნა დააგროვა.მატჩის შემდეგ სანდრომ ჟურნალისტების კითხვებს უპასუხა და აღნიშნა - „ჩემთვის მთავარია მოედანზე გავიდე, მონდომებით ვითამაშო, მაქსიმუმი გავაკეთო და დანარჩენი თავისით მოხდებაო“.მამუკელაშვილის ადაპტაციასა და სათამაშო ასპექტებზე ისაუბრა „ლეიკერსის“ მთავარმა მწვრთნელმა ჯეი ჯეი რედიკმაც, რომელმაც ხაზი გაუსვა, რომ სანდრო გუნდის სათამაშო სისტემასა და ტაქტიკას უკვე კარგად შეეწყო.წინასასეზონო სამზადისში „ლეიკერსმა“ 5 მატჩი გამართა. მამუკელაშვილი პარკეტზე ხუთივე შემთხვევაში ვიხილეთ (საშუალოდ 20 წუთს ატარებდა). ჩინებულად ითამაშა „გოლდენ სტეიტთან“ შეხვედრაში (15 ქულა, 3 მოხსნა, 2 პასი), თუმცა სტეფ კარისთან და კომპანიასთან “ლეიკერსმა” ვერაფერი გააწყო და დიდი ანგარიშით (128:98) დამარცხდა.„საკრამენტოსთან“ მატჩში მამუ გუნდის ერთ-ერთ ლიდერად მოგვევლინა და მეტოქის კალათში 19 ქულა ჩააგდო, რისთვისაც ლუკა დონჩიჩისგან საქებარი სიტყვებიც დაიმსახურა.„თამაშს კარგად კითხულობს და შესანიშნავ გადაცემებს აკეთებსო“, - აღნიშნა სლოვენიელმა.მამუკელაშვილმა „გოლდენ სტეიტთან“ მორიგ მატჩშიც მიიქცია ყურადღება, სადაც საოცარი, ეფექტური ჩატენა შემოგვთავაზა. ცხადია, ეს ვიდეო სოციალურ ქსელებში ელვის სისწრაფით გავრცელდა.„ლეიკერსი“ NBA-ის რეგულარულ ჩემპიონატში პირველ მატჩს 22 ოქტომბერს ჩაატარებს და პირველსავე შეხვედრაში სწორედ „გოლდენ სტეიტს“ დაუპირისპირდება.NBA-ის მორიგი სეზონისთვის აქტიურად ემზადება „ორლანდო მეჯიქის“ ქართველი ცენტრი გოგა ბითაძეც. „ორლანდომ“ წინასასეზონო ეტაპზე პირველი შეხვედრა „მემფის გრიზლის“ წინააღმდეგ ჩაატარა. ბითაძემ პარკეტზე თითქმის 13 წუთი გაატარა და 7 ქულა, 2 მოხსნა და 1 დაფარება მიითვალა.იქნება თუ არა იგი ძირითადი შემადგენლობის წევრი, ამას ცოტა ხანში ვიხილავთ. თუმცა, გოგა აღნიშნავს, რომ „ვეცდები გუნდისთვის საუკეთესო გავაკეთო, დავიწყებ სასტარტოში თუ სკამზე ვიქნები, ნებისმიერ როლს გამოწვევად მივიღებო“.ერთად ვუგულშემატკივროთ ჩვენს სპორტსმენებს.საქართველოს ბანკი კალათბურთის ეროვნული ნაკრების მთავარი სპონსორია.

1792486092