მსოფლიო გელოდება MyCellfie APP-ში! მოიგე მეგაბაიტები, ყველაფერი ულიმიტო და PlayStation 5

დავით ნარმანიას ინფორმაციით,  3 ივნისიდან „თელასში“ შესული განახლებადი ენერგიის სადგურების განაცხადები ნეტო აღრიცხვაში ჩართვასთან დაკავშირებით,  ავტომატურად ხარვეზდება.მზის ელექტროსადგურების მფლობელებს რეგიონების მსგავსად, დედაქალაქშიც უკვე მხოლოდ ნეტო დარიცხვის მოდელით სარგებლობის შესაძლებლობა ეძლევათ.„დადგენილი 20 პროცენტიანი კვოტა 2 ივნისს „თელასის“ ქსელშიც შეივსო. სამი ივნისიდან მიღებული განაცხადები ავტომატურად იქნება დახარვეზებული. თუმცა მომხმარებლებს, რომლებსაც უნდათ მწვანე ენერგიის შესაბამისი ობიექტი შექმნან,  აქვთ საშუალება გააკეთონ განაცხადები 100 კილოვატამდე სიმძლავრის, ერთ საკადასტრო ერთეულზე - ერთი აბონენტისთვის,“- აღნიშნა დავით ნარმანიამ.მისივე თქმით, სექტორის წარმომადგენლები ითხოვდნენ,  რომ ნეტო აღრიცხვა გაგრძელებულიყო.„გამომდინარე იქიდან,  რომ ეს იწვევს ქსელის არასტაბილურობას, ასევე სამომხმარებლო ტარიფზე ზეწოლას, ქსელური გატარების შეღავათების გამო, მარეგულირებელმა კომისიამ არ მიიჩნია მიზანშეწონილად რომ გადაეხედა დადგენილი ზღვრისთვის,“ - აღნიშნა დავით ნარმანიამ.BP.GE

1781710143

თუ გსურთ გაიგოთ, რა ფინანსური სარგებლის მოტანა შეუძლია მზის ენერგიის გამოყენებას თქვენთვის და თქვენი ბიზნესისთვის, რა ეტაპები უნდა გაიაროთ მზის ელექტროსადგურის მშენებლობისას საქართველოში და რა უნდა გაითვალისწინოთ ამ პროცესში, Businesscourse.ge-ზე შეგიძლიათ სრულად დაფინანსებული კურსი გაიაროთ.კურსს უძღვება Helios Energy-ს დამფუძნებელი თორნიკე დარჯანია, რომელიც გაგიზიარებთ როგორც ტექნიკურ, ასევე პრაქტიკულ გამოცდილებას მზის ენერგიის გამოყენების მიმართულებით.კურსის ფარგლებში გაიგებთ: როგორ ვითვისებთ მზის ენერგიას; რა უპირატესობები აქვს მზის ენერგიის გამოყენებას; როგორ მუშაობს მზის ელექტროსადგური; როგორ შეიძლება მზის ენერგიის გამოყენება საკუთარი მოხმარების შესამცირებლად; რას წარმოადგენს ინდუსტრიული მზის ელექტროსადგურები; რა დაფინანსების წყაროები არსებობს მსგავსი პროექტებისთვის; როგორ განისაზღვრება პროექტის ეკონომიკური სარგებლიანობა; რა შეცდომებს უშვებენ ყველაზე ხშირად კომპანიები და როგორ შეიძლება მათი თავიდან აცილება; როგორია მზის ენერგიის მომავალი და თანამედროვე ინოვაციები. Businesscourse.ge საქართველოს ბანკის საგანმანათლებლო პლატფორმაა, რომელიც ბიზნესით დაინტერესებულ ადამიანებს პრაქტიკულ და სრულად დაფინანსებულ კურსებს სთავაზობს. პლატფორმაზე ამჟამად 70-ზე მეტი კურსია ხელმისაწვდომი, პროგრამებზე უკვე 100,000-ზე მეტი რეგისტრაცია დაფიქსირდა.კურსები მუდმივად ახლდება და თანამედროვე ბიზნესის საჭიროებებს პასუხობს, რაც მომხმარებლებს შესაძლებლობას აძლევს ნებისმიერ დროს, ნებისმიერი ადგილიდან მიიღონ მათ ინტერესებზე მორგებული ცოდნა.

1781708520

ბერეკაშვილის თქმით, საქართველოს ეკონომიკის სტაბილურ ზრდას ყველა საერთაშორისო ორგანიზაცია პროგნოზირებს.„საქართველო კანდიდატ ქვეყნებს შორის ერთ-ერთ მოწინავე ადგილზეა ეკონომიკური განვითარების თვალსაზრისით. ბოლო ოთხი წლის განმავლობაში ნომინალური ანგარიშით საქართველოს ეკონომიკა ერთ სულ მოსახლეზე გაორმაგდა. უფრო მეტიც, უფრო მეტად გაიზარდა. მაგალითისთვის, თუ 2022 წელს ერთ სულ მოსახლეზე შემოსავალი იყო დაახლოებით 4 200 დოლარი, 2025 წლის მონაცემებს რომ დავეყრდნოთ, ეს უკვე 10 200 დოლარს შეადგენს.ყველა საერთაშორისო ორგანიზაცია, როგორიც არის საერთაშორისო სავალუტო ფონდი, მსოფლიო ბანკი და ა.შ. პროგნოზირებს საქართველოს ეკონომიკის სტაბილურ ზრდას.აღნიშნული მონაცემები კანდიდატ ქვეყნებს შორის ერთ-ერთი საუკეთესოა“, - აღნიშნა შოთა ბერეკაშვილმა.მმართველი გუნდი სალომე სამადაშვილს მიზანმიმართულ ტყუილში ადანაშაულებს. „ლელოს“ წევრმა სალომე სამადაშვილმა თქვა, რომ ევროკავშირსა და კანდიდატ ქვეყნებს შორის, საქართველო ყველაზე ღარიბი ქვეყანაა. ხელისუფლება სამადაშვილს საერთაშორისო რეიტინგებს ახსენებს, სადაც საქართველო მოწინავე პოზიციებზეა. მათ შორის, საერთაშორისო სავალუტო ფონდის მონაცემებითაც, საქართველო ეკონომიკური მაჩვენებლით უსწრებს უკრაინასა და მოლდოვას.

1781704406

როგორც მან გადაცემა "ბიზნესპარტნიორში" აღნიშნა, ეროვნული ბანკის გადაწყვეტილება მიუთითებს, რომ მარეგულირებელი მიმდინარე რისკებს აკვირდება და საჭიროების შემთხვევაში რეაგირებას მოახდენს."მონეტარული პოლიტიკის განაკვეთი მკაცრ დონეზე რჩება, რაც ნიშნავს იმას, რომ დღეის მდგომარეობით ინფლაციისგან გამოწვეული რისკები სრულად არ არის აღმოფხვრილი არა მხოლოდ საქართველოს, არამედ მსოფლიოს მასშტაბით. როგორც ვიხილეთ ევროპულმა ცენტრალურმა ბანკმა გაზარდა მონეტარული პოლიტიკის განაკვეთი და ველოდებით დოლარზე რა გადაწყვეტილებას მიღებს აშშ-ში ფედერალური რეზერვი. რაც შეეხება ინფლაციის შინაარსს - დღეის მდგომარეობით, ინფლაციის ძირითადი შინაარსი უფრო მეტად კავშირშია იმ პროდუქტების თვითღირებულებასთან, რისი მიწოდებაც ხდება მომხმარებელზე და არა მოთხოვნის ზრდაზე. მონეტარული პოლიტიკის განაკვეთის ზრდა არ მოხდა - შეგვიძლია ვიგულისხმოთ, რომ ეროვნული ბანკი სიტუაციას აკვირდება და რეაგირებას მოახდენს იმის შედეგად, თუ რისკები კვლავ დღის წესრიგში იქნება. ნავთობის ფასი, რომელმაც უკვე შემცირების დინამიკა აჩვენა, კვლავ იძლევა იმედს, რომ ინფლაციის მაჩვენებელს მეტ-ნაკლებად შეამცირებს და ამ პროცესში მონეტარული პოლიტიკის გამკაცრებამ შეიძლება უარყოფითი როლი შეასრულოს ეკონომიკური ზრდის მაჩვენებელზე. აქედან გამომდინარე, ლოგიკური იყო დღევანდელი გადაწყვეტილება.მკაცრი მონეტარული პოლიტიკა პირდაპირ ნიშნავს ლარზე მაღალ საპროცენტო განაკვეთს. ანუ, რაც უფრო მაღალია მონეტარული პოლიტიკის განაკვეთი მით უფრო მაღალია ლარის რესურსი. ასევე, სესხები ლარში ძვირდება. მეორე მხარეს გვაქვს სადეპოზიტო ბაზა, სადაც ლარი მყარია. ლარში ინვესტირება და დეპოზიტზე თანხის განთავსება უფრო საინტერესო გახდა. დღეს დეპოზიტების ლარიზაციის პროცესი კარგად მიმდინარეობს, როდესაც დაკრედიტების კუთხით ვხედავთ, რომ ან შეჩერებულია, ან დოლარიზაციის მაჩვენებელი მინიმალურად, მაგრამ მაინც ზრდას აჩვენებს. აქედან გამომდინარე, შეგვიძლია ვთქვათ, რომ მკაცრი მონეტარული პოლიტიკა პირდაპირ აისახება პროცენტზე, ანუ ეკონომიკის დაფინანსების ნაწილზე. უნდა აღინიშნოს, რომ მხოლოდ ლარი არ ძვირდება, მოსალოდნელია ყველა ვალუტის რა ვალუტაშიც სესხების მიწოდება ხდება, მინიმალური ზრდა”, - აცხადებს ალექსანდრე ძნელაძე.რაც შეეხება არაჰეჯირებული უცხოური ვალუტის სესხების ზღვრის 750 000 ლარიდან 1 მლნ ლარამდე ზრდას -  როგორც ალექსანდრე ძნელაძე აჩხადებს, ეს უფრო მეტად საშუალო კომპანიების დაფინანსებაზე აისახება, ვიდრე ფიზიკური პირების დაფინანსებაზე, რადგან ძალიან მცირე ნაწილია იმ ფიზიკური პირების, რომელიც ამ ზღვარში ხვდებოდა.მანვე აღნიშნა, რომ ეს ყველაფერი არა მხოლოდ მომხმარებლის სავალუტო რისკისგან დაცვისთვის კეთდება, არამედ ლარიზაციის ხელშეწყობისთვისაც."სებ-მა მიიღო გადაწყვეტილება და ლარში დასაფინანსებელი სესხების ზღვარი მილიონ ლარამდე გაზარდა, ანუ შეზღუდა უცხოურ ვალუტაში დაფინანსება. როდესაც ქვეყანას გადაწყვეტილება აქვს მიღებული, რომ ლარიზაციისკენ უნდა წავიდეს - მთელი პოლიტიკა მოწყობილია იმაზე, რომ მაღალი ლარიზაციის შემთხვევაში როგორ რეაგირებდეს მარეგულირებელი და მთავრობა. ამ შემთხვევაში მნიშვნელოვანია, რომ მათ შორის, მონეტარული  პოლიტიკის განაკვეთის ასახვა ეკონომიკაზე, ინფლაციაზე და ყველა მაჩვენებელზე მოხდეს მომენტალურად”, - აცხადებს ალექსანდრე ძნელაძე.BP.GE

1781704139

რა კავშირი აქვთ ლილუაშვილსა და მერკვილაძეს დავით ფერაძესთან? - ცნობილი ხდება, რომ გრიგოლ ლილუაშვილი, დავით ფერაძე და მამუკა მერკვილაძე, წლების განმავლობაში ერთად მუშაობდნენ და სწორედ ამ დროიდან ჩამოუყალიბდათ მათ ახლო მეგობრული ურთიერთობა.ლილუაშვილი და ფერაძე იყვნენ 2018 წელს მერკვილაძის მეჯვარეებიც და შესაბამისად, მისი შვილის ნათლიები. ცნობილია ისიც, რომ მამუკა მერკვილაძე და დავით ფერაძე ბავშვობის მეგობრები არიან.დავით ფერაძეს, რომელიც რკინიგზას 2017-2025 წლებში ხელმძღვანელობდა, სუს-მა ბრალდება დაუსწრებლად წარუდგინა. საქმეში ფიგურირებენ უწყების სხვა ყოფილი მაღალი თანამდებობის პირები და კერძო საწარმოების მფლობელები - ჯამში ბრალდება რვა პირს წარედგინა, რომელთაგან ექვსი დაკავებულია, ხოლო ფერაძესა და კიდევ ერთ პირზე ძებნა გამოცხადდა. სუს-ის მასალების მიხედვით, საქმე ეხება რკინიგზის კუთვნილი ქონების უკანონოდ დაუფლებას, კერძოდ, კომპანიაში აღნიშნული პირების მუშაობის პერიოდში გამოყენებული იყო კორუფციული სქემები, რითაც სხვადასხვა დანაშაულებრივი ხერხით დაეუფლნენ სახელმწიფოს კუთვნილ დიდი ოდენობით თანხებს და უკანონოდ მოპოვებულ ქონებას მისცეს კანონიერი სახე.წყარო „პრაიმტაიმი“

1781701973

ყურადღება გამახვილდა ხორცის მიწოდების უწყვეტობის უზრუნველყოფაზე, ბაზრის სტაბილურობაზე, იმპორტზე დამოკიდებულების შემცირებასა და სექტორში თანამშრომლობის ეფექტიანი მექანიზმების ჩამოყალიბებაზე.„შეხვედრაზე არაერთი მნიშვნელოვანი საკითხი გამოიკვეთა, რომელთა ნაწილი სახელმწიფოს მხრიდან შესაბამის რეაგირებას საჭიროებს. მნიშვნელოვანია, რომ სექტორმა მკაფიოდ ჩამოაყალიბოს საკუთარი მოთხოვნები და განვითარების ხედვა, რაც სახელმწიფოს ეფექტიანი გადაწყვეტილებების მიღებაში დაეხმარება. განხილვის ერთ-ერთი მთავარი თემა იყო ხორცის მიწოდების უწყვეტობის უზრუნველყოფა და სექტორის წარმომადგენელთა შესაძლო გაერთიანება, რაც დარგში თანამშრომლობისა და კოორდინაციის გაძლიერებას შეუწყობს ხელს“, - აღნიშნა ლაშა ავალიანმა.შეხვედრაზე ხაზი გაესვა სექტორის წარმომადგენელთა კოორდინაციის გაძლიერების აუცილებლობას. აღინიშნა, რომ დარგის წინაშე არსებული გამოწვევების დასაძლევად მნიშვნელოვანია ფერმერების, მსხვილი შემსყიდველებისა და სახელმწიფოს ერთობლივი მუშაობა. ამასთან, მონაწილეებმა იმსჯელეს ხორცის კატეგორიზაციის სისტემის განვითარებაზე, ფერმერთა გადამზადების შესაძლებლობებზე, საბრუნავი კაპიტალის ხელმისაწვდომობაზე, ადგილობრივი წარმოების წახალისების მექანიზმებსა და სახელმწიფო მხარდაჭერის პროგრამებზე.„ხორცის წარმოების მთავარი გამოწვევა დღეს ადგილობრივი პირუტყვის რაოდენობის შემცირებაა. მნიშვნელოვანია ისეთი სისტემის შექმნა, რომელიც ფერმერს წარმოების გაზრდისა და პროდუქციის სტაბილური რეალიზაციის მოტივაციას მისცემს. სახელმწიფოსა და სექტორის ერთობლივი ჩართულობით შესაძლებელი იქნება ადგილობრივი წარმოების ზრდა, სოფლის გაძლიერება და იმპორტზე დამოკიდებულების შემცირება“, - აღნიშნა ფერმერმა ბექა გონაშვილმა.აღსანიშნავია, რომ 2026 წლის 1 ივლისიდან ამოქმედდება აგროთანადაფინანსების ახალი სახელმწიფო პროგრამა, რომლის ერთ-ერთი კომპონენტი მეხორცული მიმართულების განვითარების ხელშეწყობა და შესაბამისი ინვესტიციების მხარდაჭერაა.

1781700814