როგორ იქმნება Spotlight: ახალი იდეებისა და აღმოჩენების სივრცე - ღონისძიების წარმდგენია საქართველოს ბანკი

ამ პერიოდის განმავლობაში, Spotlight-ი იქცა მარკეტინგის, ტექნოლოგიების, მედიის, ბიზნესის, დიზაინისა და შემოქმედებითი ინდუსტრიების პროფესიონალების თავშეყრის სივრცედ, სადაც მონაწილეები გამოცდილების, ცოდნის და ინსპირაციის გასაზიარებლად იკრიბებიან.საქართველოს ბანკისა და Spotlight-ის თანამშრომლობის შესახებ კი უფრო დეტალურად საქართველოს ბანკის ბრენდის მიმართულების ხელმძღვანელი, მარიამ ცანავა და Spotlight-ის ორგანიზატორი, აკო ახალაია გვიყვებიან.საქართველოს ბანკისა და Spotlight-ის თანამშრომლობა უკვე რამდენიმე წელს ითვლის. როგორ განვითარდა ეს პარტნიორობა?“ჩვენი თანამშრომლობა უკვე რამდენიმე წელია გრძელდება. წლების წინ Spotlight-ი ერთ დღიანი ღონისძიება იყო, თუმცა, ინიციატივისადმი მუდმივად მზარდი ინტერესის შედეგად, დღეს Spotlight-ი წელიწადში ორჯერ ტარდება - გაზაფხულზე Spotlight Tech-ი, წლის ბოლოს კი - შემაჯამებელი Spotlight-ი. ორივე შემთხვევაში, ჩვენი ღონისძიების წარმდგენი საქართველოს ბანკია”, - აღნიშნავს აკო ახალაია.რა ღირებულებები აერთიანებს საქართველოს ბანკსა და Spotlight-ს?“საქართველოს ბანკის ერთ-ერთი მთავარი ღირებულებაა, ხელი შეუწყოს ადამიანებს, გამოავლინონ და სრულად აითვისონ საკუთარი პოტენციალი. ამ პროცესში კი გვჯერა, რომ მთავარი მამოძრავებელი ძალა არგაჩერებაა. სწორედ ამ იდეით შეიქმნა ჩვენი ბრენდის მთავარი მოწოდებაც - “არ გაჩერდე”.ამ კონტექსტში კი Spotlight-ი ზუსტად ეხმიანება ჩვენს ღირებულებებს - ინსპირაცია, კრეატივი, მუდმივი განვითარებისკენ სწრაფვა და გამოცდილებები გაზიარება ის ფორმულაა, რომელიც ადამიანებს ეხმარება, არ გაჩერდნენ და მიაღწიონ დასახულ მიზნებს.შესაბამისად, საქართველოს ბანკსა და Spotlight-ის გუნდს გვაერთიანებს საერთო სურვილი და მისწრაფება, ხელი შევუწყოთ ახალ თაობას, საკუთარი წვლილი შეიტანონ ინდუსტრიის განვითარების პროცესში და მუდმივი განვითარების გზაზე არ გაჩერდნენ”, - აღნიშნავს მარიამ ცანავა.ხშირად, სპონსორშიპი მხოლოდ ბანერებზე ლოგოს განთავსებით შემოიფარგლება, როგორია თქვენი თანამშრომლობა ვიზუალური მხარის მიღმა?“ჩვენ შორის ურთიერთობა არასდროს იყო პირდაპირი სპონსორშიპი. ეს არის იმ ორი ბრენდის თანამშრომლობა, რომლებიც ერთმანეთს ძალიან ჰგვანან შინაარსით, მიზნებით და ღირებულებებით. ასეთი თანხვედრა კი, ორივეს გვაძლიერებს.ჩვენ გვჯერა რომ ბიზნესებს, ბრენდებს და ადამიანებს აქვთ შთამაგონებელი ისტორიები, რომელსაც სამყაროს და ცხოვრების შეცვლა შეუძლიათ. სწორედ ამიტომ, შევქმენით სივრცე, სადაც მაინსპირირებელი ადამიანები საკუთარ გამოცდილებას ფართო აუდიტორიას უზიარებენ და აძლევენ მათ მოტივაციას, დასახული მიზნებისკენ მიმავალ გზაზე არ გაჩერდნენ. ამ მიმართულებით, საქართველოს ბანკის მთავარი მესიჯიც ხომ არ გაჩერებაა. ამასთან, ბრენდის მთავარი ღირებულებაა - მისცეს ადამიანებს შესაძლებლობა, გამოავლინონ და სრულად აითვისონ საკუთარი პოტენციალი.შესაბამისად, საქართველოს ბანკის გუნდი მთლიანი ღონისძიების გულშემატკივარია და ეს ყველა დეტალში იგრძნობა. ისინი მარტო საკუთარ წარმოჩენაზე არ ზრუნავენ, ფიქრობენ ისეთ დეტალებზე რაც საერთო ჯამში ამ ღონისძიებისა და მონაწილეებისთვის ქმნის დიდ ღირებულებას”, - გვიყვება აკო ახალაია.როგორ დაახასიათებდით დღეს Spotlight-ს?“დღეს Spotlight-ი იქცა არა მხოლოდ შეკრების ადგილად, არამედ სივრცედ, სადაც სხვადასხვა ინდუსტრიის პროფესიონალები საკუთარ გამოცდილებას ფართო აუდიტორიას უზიარებენ, არღვევენ საზღვრებს და ადგენენ ახალ სტანდარტებს.Spotlight-ის ყოველი ღონისძიების დაგეგმვა და სპიკერების შერჩევა საგულდაგულოდ ხდება იმისათვის, რომ გაჩნდეს ახალი კითხვები, ახალი სივრცე ახალი იდეებისთვის და ინსპირაცია, რომ ერთად შევქმნათ რაღაც განსხვავებული”, - აღნიშნავს მარიამ ცანავა.რა გამოარჩევს წლევანდელ Spotlight-ს წინა წლებისგან?“Spotlight-ს ქმნიან სპიკერები და აუდიტორია, შესაბამისად ის საკუთარი არსით ყოველთვის განსხვავებულია, მაგრამ ყოველთვის დაუვიწყარი”, - გვიყვება აკო ახალაია.“ყოველი შემდგომი სპიკერი სცენაზე ახალ იდეებს გვპირდება, რაც Spotlight-ის ყოველ მომდევნო ღონისძიებას განსაკუთრებულს ხდის. ამიტომ, გელოდებით წლევანდელ Spotlight-ზე და ინსპირაციის ძიების გზაზე არ გაჩერდეთ”, - აღნიშნავს მარიამ ცანავა.

1766064984

რეიტინგი ითვალისწინებს ინფლაციის დინამიკას, უმუშევრობის დონეს, მთლიანი შიდა პროდუქტის (მშპ) ზრდას და საფონდო ბირჟის მაჩვენებლებს 36 განვითარებულ ქვეყანაში. რეიტინგის ავტორების თქმით, პორტუგალიამ პირველი ადგილი მშპ-ის მაღალი ზრდისა და ადგილობრივი კომპანიების კაპიტალიზაციის, ასევე დაბალი ინფლაციის წყალობით მოიპოვა.წლის ბოლოს სხვა საუკეთესო შედეგების მქონე ქვეყნებს შორის იყვნენ საბერძნეთი, ესპანეთი, ირლანდია და ისრაელი.წლის საუკეთესო შედეგები ჩრდილოეთ ევროპის, ბალტიისპირეთის და ცენტრალური ევროპის ქვეყნებმა მოიპოვეს. საუკეთესო სამეულში შედიან ესტონეთი, ფინეთი და სლოვაკეთი.

1766060015

კურსი განკუთვნილია მცირე და საშუალო ბიზნესების წარმომადგენლებისთვის, რომლებსაც სურთ, გაიგონ: როგორ შექმნან პროფესიონალური ვიზუალური კონტენტი Canva-ს დახმარებით; როგორ მოამზადონ სოციალური მედიის პოსტები, ვიდეოები და სარეკლამო მასალები ერთიანი ვიზუალური სტილით; როგორ გააძლიერონ ბრენდის აღქმა ციფრულ არხებში მინიმალური რესურსებით; როგორ გამოიყენონ Canva, როგორც ყოველდღიური მარკეტინგული ინსტრუმენტი. კურსს უძღვება ციფრული მარკეტერი ლაშა ხორგუაშვილი, რომელიც მონაწილეებს Canva-ს გამოყენების შესახებ პრაქტიკულ რჩევებსა და რეალურ მაგალითებს გაუზიარებს.კურსზე რეგისტრაციისთვის ეწვიეთ საქართველოს ბანკის ვებგვერდს.„დღეს ციფრულ არხებში ეფექტიანი კომუნიკაცია ბიზნესს კონკურენტული უპირატესობის მიღწევაში ეხმარება. ახალი კურსით გვინდა, მცირე და საშუალო ბიზნესებს გავუზიაროთ მარტივი და ხელმისაწვდომი ინსტრუმენტები, რომლებიც მათ პროფესიონალური და ეფექტიანი კომუნიკაციის ჩამოყალიბებაში დაეხმარება. რაც მთავარია, არ ვჩერდებით და ბიზნესკურსის პლატფორმის კიდევ უფრო განვითარებას განვაგრძობთ”, - აცხადებენ საქართველოს ბანკში.ბიზნესკურსი საქართველოს ბანკის საგანმანათლებლო პლატფორმაა, რომელიც ნებისმიერ დაინტერესებულ პირს აძლევს შესაძლებლობას, მარკეტინგის, ფინანსების, გაყიდვებისა და სხვა მიმართულებებით ცოდნა გამოცდილი სპეციალისტებისგან მიიღოს. კურსები ადგილობრივი ბაზრის საჭიროებებზეა მორგებული, ხოლო პლატფორმა მუდმივად ახლდება.ბიზნესკურსი საქართველოს ბანკის პლატფორმა Business 360°-ის ნაწილია. ესაა პლატფორმა, რომელიც აერთიანებს საგანმანათლებლო პროექტებს, ვორკშოპებსა და პრაქტიკულ რესურსებს ბიზნესის განვითარების ყველა ეტაპისთვის.

1766059680

მან გაიხსენა, რომ ათწლიანი კონტრაქტის თანახმად, რომლის ვადაც 1 იანვარს იწურება, ლიეტუვის სახელმწიფო კომპანია „ამბერ გრიდმა“ „გაზპრომთან“ შეთანხმების ფარგლებში ყოველწლიურად დაახლოებით 13 მილიონი ევრო მიიღო. ახლა წინადადებაა გადახდის 29 მილიონ ევრომდე გაზრდაზე.„მნიშვნელოვანი ინვესტიციები განხორციელდა იმ პერიოდში, როდესაც სატრანზიტო შეთანხმება ხელმოწერილი იყო (2015 წელს) და ათი წლის წინ დადგენილი ხარჯები ან ფასები არ შეესაბამება იმ ხარჯებს, რომლებსაც დღეს ვიხდით. ეს იყო ტარიფების სისტემისა და ტარიფების გადახედვის ერთ-ერთი მთავარი მიზეზი. მეორეც, ტარიფები ამჟამად ევროპული კანონმდებლობისა და ევროპული ქსელური კოდექსის მოთხოვნების შესაბამისად დგინდება“, - თქვა პოციუსმა.მან ახალი შეთანხმების ვადა არ დააკონკრეტა, მაგრამ აღნიშნა, რომ ბუნებრივი გაზის შესახებ კანონის შესაბამისად, VERT მომსახურების ფასების ზღვრებს ხუთი წლის განმავლობაში აწესებს.შეგახსენებთ, რომ 2015 წლის 24 დეკემბერს ხელმოწერილი ათწლიანი შეთანხმება მოიცავდა პუნქტს „გადაიზიდე ან გადაიხადე“, რომელიც ითვალისწინებდა, რომ ყოველწლიურად 2.5 მილიარდი კუბური მეტრი გაზი უნდა გადაეზიდათ ან გადაეხადათ. გასულ წელს ლიეტუვის გავლით კალინინგრადში ტრანზიტის მოცულობა 9%-ით გაიზარდა და 2.5 მილიარდ კუბურ მეტრს მიაღწია.

1766059422

თიბისის მისია ადამიანების ცხოვრების გამარტივებაა, რომლის მნიშვნელოვან ნაწილსაც ქალთა გაძლიერება და მათთვის სხვადასხვა სფეროში შესაძლებლობების შექმნა წარმოადგენს. ამ მიზნის მისაღწევად კომპანია ქმნის მრავალფეროვან და თანასწორ სამუშაო გარემოს, ახორციელებს და მხარს უჭერს პროექტებს, რომლებიც ქალების პროფესიულ განვითარებას, დასაქმებას, მეწარმე ქალების მხარდაჭერასა და თანამშრომლების გაძლიერებას ემსახურება, ასევე ხელს უწყობს საზოგადოებაში გენდერული თანასწორობის შესახებ ცნობიერების ამაღლებას.როგორც თიბისის გენერალური დირექტორის მოადგილე ნინო მასურაშვილი აღნიშნავს, ქალთა გაძლიერება თიბისისთვის სტრატეგიული მიმართულებაა: „ESG სტრატეგიაზე მუშაობის პროცესში ქალთა გაძლიერებას ერთ-ერთი მთავარი ადგილი დავუთმეთ. თიბისისა და გაეროს ქალთა ორგანიზაციის სტრატეგიული პარტნიორობის ფარგლებში უკვე ოთხი წელია მნიშვნელოვან ინიციატივებს ვახორციელებთ. მათ შორის არის მეწარმე ქალების პროდუქციის გამოფენა-გაყიდვა, რომელსაც თიბისი ოთხი წელია მხარს უჭერს და რომელსაც ამ დროის განმავლობაში 500-ზე მეტი მონაწილე ჰყავდა. ასევე, აღსანიშნავია გრეის ჰოპერის დაჯილდოება, რომელიც ტექნოლოგიებში ქალების გაძლიერებასა და აღიარებას ემსახურება. თიბისი განსაკუთრებულ ყურადღებას უთმობს ქალებისა და გოგოების ჩართულობას ტექნოლოგიურ სფეროში - ჩვენს IT აკადემიაში მათი წილი ყოველწლიურად იზრდება, ხოლო კურსდამთავრებულთა 45% ქალები არიან, რაც დაახლოებით 2 400 მონაწილეს შეადგენს“.გაეროს ქალთა გაძლიერების პრინციპები წარმოადგენს საერთაშორისო პლატფორმასა და გზამკვლევს კომპანიებისთვის, თუ როგორ გააძლიერონ ქალები სამუშაო ადგილზე, საბაზრო ურთიერთობებსა და საზოგადოებაში. საქართველოში გაეროს ქალთა ორგანიზაცია ქალთა გაძლიერების პრინციპების დანერგვაზე 2016 წლიდან მუშაობს და ამ საქმიანობას ის ნორვეგიის მთავრობის მხარდაჭერით ახორციელებს. პლატფორმა ღიაა ახალი წევრების ხელმოწერისთვის და მისი გაფართოებისთვის მუშაობას გაეროს ქალთა ორგანიზაცია სამომავლოდაც განაგრძობს.თიბისისა და გაეროს ქალთა ორგანიზაციას შორის ოფიციალური პარტნიორობა 2021 წელს დაიწყო და ამით თიბისი საქართველოში პირველი კომპანია გახდა, რომელმაც UN Woman Georgia-სთან სტრატეგიული თანამშრომლობის მემორანდუმი გააფორმა და ჩაერთო ქალების გაძლიერების პროგრამებში. ამასთან, თიბისი არის გაეროს ქალთა გაძლიერების პრინციპების (WEPs) ხელმომწერი, რითაც დასტურდება, რომ კომპანია გრძელვადიანად უყურებს ამ მიმართულებას და გენდერული თანასწორობის საკითხებს ასახავს მის პოლიტიკებში, პროცესებსა და ბიზნეს გადაწყვეტილებებში.

1766058480

მისი თქმით, დღევანდელ შეხვედრაზე ყველა მნიშვნელოვანი საკითხი განიხილეს.„გასულ ისტორიაში ჩვენ კონკრეტული ფორმა მივეცით ყველაფერს, რასაც ვგრძნობდით ერთმანეთთან მიმართებაში. ჩვენ ჩამოვაყალიბეთ პირდაპირი ფრენები, დავნიშნეთ პირდაპირი ფრენები თბილისი-ბელგრადი. ეს არის ეკონომიკური და სხვა ურთიერთობების ნაყოფი, მე ამით ვამაყობ.მალე გავხსნით თბილისში საელჩოს, რომელიც იქნება რეალური ადგილი იმისთვის, რომ ძალიან ბევრმა ბიზნეს ინიციატივამ იხილოს დასაწყისი და რა თქმა უნდა, პოლიტიკური თანამშრომლობის გაღრმავების შესაძლებლობა. დღეს ჩვენ განვიხილეთ ყველა მნიშვნელოვანი საკითხი. დაწყებული მსოფლიო პოლიტიკური სიტუაციით, გეოპოლიტიკური სიტუაციით, განვიხილეთ სიტუაცია კავკასიის რეგიონში, დასავლეთ ბალკანეთის რეგიონში, სამხრეთ-აღმოსავლეთ ევროპაში. ჩვენ ერთმანეთს ძალიან კარგად გავუგეთ“, - აღნიშნა მან.

1766057399