ნათია ჯანაშიას ცილისმწამებლური კამპანიები სოცქსელების მომხმარებლებისთვისაც მიუღებელია - აფბა

მედიაპროექტი საქართველოს ეროვნული ბანკისა და კავკასიის საერთაშორისო უნივერსიტეტის თანამშრომლობით შეიქმნა და ეროვნული ვალუტის - ლარის შემოღებიდან 30 წლის იუბილესა და ქართული ფულის 26 საუკუნოვან ისტორიას მიეძღვნა. ფილმების ციკლი საქართველოს ფულად-საკრედიტო სისტემისა და ეროვნული ვალუტის განვითარების დოკუმენტურ მიმოხილვას წარმოადგენს. იგი ასახავს ქართული ფულის ემისიისა და მიმოქცევის, ნუმიზმატიკური მემკვიდრეობის, საფინანსო ინსტიტუტების ჩამოყალიბებისა და ქვეყნის ეკონომიკური განვითარების ძირითად ეტაპებს.პროექტის მიზანია საქართველოს ფინანსური ისტორიის სისტემატიზაცია და მისი ფართო აუდიტორიისთვის ვიზუალურად, სამეცნიერო-პოპულარული ფორმით წარმოჩენა.ღონისძიებაზე სიტყვით გამოსვლისას ნათია თურნავამ აღნიშნა, რომ დოკუმენტური ფილმების სერია ერთ-ერთი პირველი მასშტაბური მცდელობაა, ქართული ფულის ისტორია ქრონოლოგიურად, სისტემურად და სანდო, დოკუმენტურად დადასტურებულ წყაროებზე დაყრდნობით გადმოიცეს.„ფული მხოლოდ გადახდის საშუალება არ არის - ის ისტორიის სარკეა. თითოეულ მონეტასა და ბანკნოტში ასახულია ეპოქები, პოლიტიკური ცვლილებები, ეკონომიკური აღმავლობა და გამოწვევები, რომლებმაც საქართველო დღემდე მოიყვანა“, - განაცხადა ნათია თურნავამ.მისივე თქმით, პროექტი მნიშვნელოვან წვლილს შეიტანს ფინანსური განათლების განვითარებასა და საზოგადოების ცნობიერების ამაღლებაში.ეროვნული ბანკის პრეზიდენტმა მადლობა გადაუხადა კავკასიის საერთაშორისო უნივერსიტეტს, პროექტის ავტორებსა და შემოქმედებით ჯგუფს დოკუმენტური ფილმების მომზადებისთვის.მედიაპროექტი მეცნიერების პოპულარიზაციის საგრანტო კონკურსის ფარგლებში, კავკასიის საერთაშორისო უნივერსიტეტის სრული დაფინანსებით განხორციელდა. პროექტის ხელმძღვანელია უნივერსიტეტის კანცლერის მრჩეველი ნინო ჭალაგანიძე, ხოლო იდეის ავტორი და შემოქმედებითი ჯგუფის ხელმძღვანელი - სულხან მელაძე.ღონისძიებას ესწრებოდნენ კულტურის, განათლების, მეცნიერებისა და ახალგაზრდობის სამინისტროების წარმომადგენლები, ეროვნული ბანკის საბჭოს წევრები, აღმასრულებელი დირექტორი და მიმართულებების ხელმძღვანელები. ასევე, ბანკი „ქართუს“ გენერალური დირექტორი ზურაბ გელენიძე, საზოგადოებრივი მაუწყებლის გენერალური დირექტორი თინათინ ბერძენიშვილი, აკადემიური წრეების წარმომადგენლები, კავკასიის საერთაშორისო უნივერსიტეტის ადმინისტრაცია და პროფესურა.

1779353682

„თეგეტასა“ და Datamind-ს შორის თანამშრომლობა სტრატეგიული პარტნიორობაა, რომელიც კომპანიის ოპერაციული ეფექტიანობის ზრდასა და გადაწყვეტილებების მიღების პროცესის გარდაქმნას ისახავს მიზნად. ტექნოლოგიური ტრანსფორმაციის პროცესში ერთ-ერთი მთავარი გამოწვევა მონაცემთა მართვის ცენტრალიზაცია იყო. სხვადასხვა სისტემაში გაფანტული ინფორმაციის გაერთიანება და მისი ერთიან პლატფორმაზე გადატანა კომპანიისთვის კრიტიკულად მნიშვნელოვანი აღმოჩნდა.ნიკა კოხოძე, „თეგეტა ჰოლდინგის“ ციფრული ტრანსფორმაციის ლიდი: „ჩვენთვის მნიშვნელოვანი იყო მონაცემთა მართვის ცენტრალიზებული სისტემის შექმნა, რისთვისაც საკმაოდ ხანგრძლივი პერიოდის განმავლობაში ვარჩევდით შესაბამის პარტნიორს როგორც საქართველოს ბაზარზე, ისე საერთაშორისო დონეზე. Datamind-მა შემოგვთავაზა გადაწყვეტა, რომელიც სრულად პასუხობდა „თეგეტას“ მოთხოვნებსა და საჭიროებებს. მნიშვნელოვანია ისიც, რომ პლატფორმის დანერგვამ არ მოითხოვა რადიკალური ტექნოლოგიური ტრანსფორმაცია - არსებული ინფრასტრუქტურის მაქსიმალური გამოყენებით შევძელით ახალი სისტემის ინტეგრაცია, რაც მნიშვნელოვნად ამცირებს როგორც დანერგვასთან დაკავშირებულ რისკებს, ისე ხარჯებს. მონაცემების ერთიან ხედვასთან ერთად, უნისტრიმის პლატფორმაზე ხელოვნური ინტელექტის ბოტებმა შესაძლებლობა მოგვცა, ეს მონაცემები სასაუბრო ფორმატშიც გადაგვეყვანა. დეპარტამენტების მიხედვით ბიზნესოუნერებს შესაძლებლობა აქვთ, ხელოვნური ინტელექტის მეშვეობით მონაცემები გააცოცხლონ, აწარმოონ ანალიტიკა სწრაფად და ეფექტურად, რამაც მონაცემებზე დაყრდნობით გადაწყვეტილების მიღებაც საკმაოდ ააჩქარა“.Datamind-ის მიერ შექმნილი პლატფორმა Unistream მონაცემთა ეკოსისტემაა, რომელიც ანალიტიკას, რეპორტინგს, მონაცემთა საცავსა და ხელოვნურ ინტელექტზე დაფუძნებულ გადაწყვეტილებებს აერთიანებს. ეს არის პროდუქტი, რომელიც ბიზნესს აძლევს შესაძლებლობას, ერთ სივრცეში მართოს ყველა მონაცემი და მიიღოს სწრაფი, ზუსტი და ეფექტიანი გადაწყვეტილებები. ამ შედეგის მისაღწევად კი გაცილებით ნაკლები ფინანსური ინვესტიციაა საჭირო, ვიდრე რამდენიმე განსხვავებული სისტემის დანერგვა მოითხოვდა.რატი კუნჭულია, Datamind-ის თანადამფუძნებელი: „ჩვენ შევქმენით უნივერსალური, დესტრუქციულად ინოვაციური პროდუქტი, რომლის ალტერნატივაც მსოფლიოში არ არსებობს. ეს არის პლატფორმა, რომელიც პასუხობს ყველა იმ გამოწვევას, რომლებიც ბიზნესს მონაცემებთან დაკავშირებით აქვს ან მომავალში შეიძლება ჰქონდეს. მომხმარებელს აღარ სჭირდება სხვადასხვა სისტემა და მრავალი დეველოპერი - ყველაფერი ერთ სივრცეშია გაერთიანებული, მათ შორის ინოვაციური AI-ინსტრუმენტები, რომლებიც რთულ ანალიტიკასა და ბიზნესგადაწყვეტილებებს ავტომატურად ასრულებს. საკმარისია, მომხმარებელმა მისცეს დავალება ტექსტით ან სიტყვიერად და სისტემა სამუშაოს თავად შეასრულებს“.„თეგეტა“ პირველი კომპანია იყო, რომელმაც Unistream პლატფორმის გამოყენება დაიწყო. უკვე 10 თვეზე მეტია, ის სრულად ითვისებს Datamind-ის შესაძლებლობებს, რაც კომპანიის შედეგებზე მნიშვნელოვნად აისახა.თანამშრომლობის ერთ-ერთი ყველაზე მნიშვნელოვანი შედეგი კი გადაწყვეტილებების მიღების პროცესის გარდაქმნაა. „თეგეტაში“ ჩამოყალიბდა მონაცემებზე დაფუძნებული მართვის მოდელი, სადაც ინფორმაცია ხელმისაწვდომია რეალურ დროში და ანალიტიკა ყოველდღიური ოპერაციების განუყოფელი ნაწილი გახდა.ვახტანგ ბურჭულაძე-კალანდაძე, Datamind-ის თანადამფუძნებელი: „თეგეტამ“ პრაქტიკულად სრულად მოხსნა ე.წ. Ad Hoc Reporting-ის საჭიროება. დღეს მენეჯმენტი, ანალიტიკოსები და სხვადასხვა მიმართულების თანამშრომლები თავად იყენებენ ჩვენს AI-ინსტრუმენტებს, რაც ნიშნავს, რომ აღარ არის საჭირო ხელით სამუშაოს შესრულება ან კოდების წერა. პლატფორმას ყოველდღიურად ასზე მეტი მომხმარებელი ჰყავს. შედეგად, კომპანიამ მნიშვნელოვნად გაზარდა ანალიტიკის ხარისხი და სიჩქარე, ხოლო რესურსების გამოყენება ბევრად ეფექტიანი გახდა“.მონაცემთა ცენტრალიზებული სისტემის დანერგვამ კომპანიას მისცა შესაძლებლობა, სწრაფად და მარტივად მიიღოს რეპორტები, მნიშვნელოვნად შეამციროს მონაცემების მოძიებისა და დამუშავების დრო, გაზარდოს ანალიტიკის სიზუსტე და გაამარტივოს მონაცემებზე წვდომა ყველა დონეზე. ეს ქმნის საფუძველს პროგნოზირებადი ანალიტიკის განვითარებისთვის და AI-ზე დაფუძნებული გადაწყვეტილებების მასშტაბირებისთვის.რატი მამაგეიშვილი, „თეგეტა ჰოლდინგის“ მონაცემთა და ანალიტიკის დეპარტამენტის ხელმძღვანელი: „მთავარი შედეგი არის მონაცემებზე დაფუძნებული გადაწყვეტილებების მიღების ხარისხისა და სისწრაფის მნიშვნელოვნად გაუმჯობესება. კომპანიაში ჩამოყალიბდა ცენტრალიზებული და სანდო მონაცემთა სისტემა, გაჩნდა ანალიტიკის ახალი შესაძლებლობები AI-ის გამოყენებით და მნიშვნელოვნად შემცირდა მონაცემების დამუშავებაზე დახარჯული დრო და რესურსი. ეს არის პირველი მნიშვნელოვანი ნაბიჯი Data Driven ორგანიზაციისაკენ“.Datamind-ის პლატფორმა მუდმივად ვითარდება და ახალი ფუნქციონალები ემატება, რაც პარტნიორ კომპანიებს, მათ შორის „თეგეტას“, დამატებითი ხარჯის გარეშე აძლევს საშუალებას, უახლესი ტექნოლოგიური რესურსებით ისარგებლონ.სამომავლოდ, Datamind საერთაშორისო ბაზრებზე გაფართოებას გეგმავს, რაც  პლატფორმის შესაძლებლობებს კიდევ უფრო გააძლიერებს და პარტნიორი კომპანიებისთვის დამატებით ღირებულებას შექმნის. „თეგეტასთვის“ ეს ნიშნავს, რომ ახალი ბაზრების ათვისების პროცესში მას უკვე ექნება მძლავრი, ცენტრალიზებული და ადაპტირებადი მონაცემთა მართვის სისტემა, რომელიც სხვადასხვა გამოწვევასთან გამკლავებას გაამარტივებს.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1779351900

თუმცა, როგორც ჩანს, მისი ნარატივის აბსურდულობა მხოლოდ სპეციალისტების მიერ არ არის შემჩნეული. სოც ქსელში ნათია ჯანაშიასთან აქტიურ პოლემიკაში შესული ცნობილი ჟურნალისტის, მზია ნოზაძის მიერ გამოთქმული მოსაზრებებიც ამის დასტურია", - ნათქვამია "ახალგაზრდა ფინანსისტთა და ბიზნესმენთა ასოციაციის" - აფბას სოციალური მედიის მონიტორინგის სამსახურის მიერ გავრცელებულ განცხადებაში. აფბა "ბრიტანულ-ქართული აკადემიის" გარშემო მიმდინარე დავის საზოგადოებრივ მონიტორინგს ახორციელებს.აფბას მონიტორინგის სამსახურის ანალიტიკოსების ყურადღება მიიპყრო, სოცქსელში, ნათია ჯანაშიასთან აფილირებულ რესურსზე განთავსებული პუბლიკაციის კომენტარებში ჟურნალისტ მზია ნოზაძის დისკუსიამ ნათია ჯანაშიასთან და მისი პოზიციების კრიტიკამ.„აბსურდული კონფლიქტია. ყოველგვარ ნორმალურობის ფარგლებსაა გაცილებული ყოფილი მესაკუთრეების და დამფუძნებლების პრეტენზიები. რომელი სულელი იყიდდა ბიზნესის 70%-ს ისე, რომ ყოფილ მფლობელებს მაინც მართვის ბერკეტებს სრულად დაუტოვებდა.ციცქნა პაკეტის მფლობელს, რომელიც შეგნებულად ანგრევს ახალი პარტნიორის და ინვესტორის რეპუტაციას, შეურაცხყოფს, აბულინგებს,  პროვოკაციებით და ძალით  ცდილობს გაყიდული ბიზნესის დაბრუნებას, რომელი იდიოტი კაპიტალისტი დაუთმობდა დასახარჯად საკუთარ ფულს?“ - კითხულობს ქალბატონი მზია ნოზაძე.აფბას გავრცელებული ინფორმაციის მიხედვით, ცხადია რომ ჟურნალისტის კითხვებზე ნათია ჯანაშიას მხარე პასუხს ვერ სცემს. პოლემიკის დროს განსაკუთრებულად გამოირჩა, მზია ნოზაძის მიერ მოტანილი შედარებები იმ კომენტარის საპასუხოდ, სადაც ნათია ჯანაშია ამბობს, რომ გადაუხდის იგივე თანხას ინვესტორს, რაც მან 2019 წელს გადაიხადა 70%-იან წილში და ასე გაისტუმრებს კომპანიიდან. მზია ნოზაძე ნათია ჯანაშიას ერთადერთ ოპტიმალურ გამოსავალს კონკრეტული მაგალითების ჩვენებით სთავაზობს:„ერთ-ერთი ბინა, რომელშიც ახლა ვიმყოფები $5000-ად მაქვს ნაყიდი წარსულში, მინიმუმ 30 000-40 000 დოლარი ღირს ახლა და ყოფილმა მფლობელმა გადახდილი ფული რომ მომცეს, დავუთმობ სახლს? ოცდაათიოდე წლის წინათ მუხიანში 300$-ად გავყიდეთ მიწის ნაკვეთი, რომელიც ახლა რამდენიმე ათეულ ათასი ღირს, მივადგე ახლანდელ მფლობელს დავუბრუნო რაც გადაგვიხადა და ნამდვილად შეელევა და დატოვებს იქაურობას? რა მიამიტობას წერთ? ფასს ახლა თქვენ, ყოფილი მფლობელი კი არ ადგენთ, არამედ, ახლანდელი. შესთავაზეთ იყიდოს დარჩენილი პაკეტიც".აფბას სოციალური მედიის მონიტორინგის სამსახური  სოციალური ქსელების ანალიზს ახორციელებს და დაინტერესებული საზოგადოებისთვის პერიოდულად წარმოაჩენს დავასთან დაკავშირებულ პოლემიკას.

1779349399

საქსტატის ცნობით, 2026 წლის მარტთან შედარებით ფასები 1.6 პროცენტით შემცირდა სამთო-მოპოვებითი მრეწველობისა და კარიერების დამუშავების ჯგუფზე, რამაც -0.13 პროცენტული პუნქტით იქონია ზეგავლენა ჯამური ინდექსის ცვლილებაზე. ამავე პერიოდში ფასები 0.7 პროცენტით გაიზარდა დამამუშავებელი მრეწველობის პროდუქციის ჯგუფზე, რამაც 0.54 პროცენტული პუნქტი შეიტანა მთლიანი ინდექსის ცვლილებაში. ჯგუფში შემავალი პროდუქტებიდან აღსანიშნავია ფასების 8.4-პროცენტიანი ზრდა ძირითად ქიმიურ ნივთიერებებზე და ქიმიურ პროდუქტებზე და 7.9-პროცენტიანი მატება კოქსსა და რაფინირებულ ნავთობპროდუქტებზე. გარდა ამისა, ფასების 1.1-პროცენტიანი მატება დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.11 პროცენტული პუნქტი შეადგინა.„12 თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 27.6 პროცენტით, რაც მთლიანი ინდექსის ცვლილებაზე 1.8 პროცენტული პუნქტით აისახა. ჯგუფში აღსანიშნავია ფასების მატება ლითონის მადნებზე (34.3 პროცენტი); დამამუშავებელი მრეწველობის პროდუქცია: ფასები გაიზარდა 5.3 პროცენტით, რამაც მთლიანი ინდექსის ზრდაზე 4.28 პროცენტული პუნქტით მოახდინა გავლენა. ფასები გაიზარდა კვების პროდუქტებზე (6.3 პროცენტი) და სასმელებზე (5.6 პროცენტი); ელექტროენერგია, აირი, ორთქლი და კონდიცირებული ჰაერი: ფასები გაიზარდა 3.7 პროცენტით, რამაც მთლიანი ინდექსის წლიურ ცვლილებაზე 0.39 პროცენტული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 6.8 პროცენტით, რამაც მთლიან ინდექსზე 0.21 პროცენტული პუნქტით იქონია გავლენა“, – აღნიშნულია საქსტატის მიერ გავრცელებულ ანგარიშში.

1779278532

სწორედ ამ მიზნით, LEAF-თან თანამშრომლობის ფარგლებში, 25 მაისს, 17:00 საათზე საერთაშორისო სასტიპენდიო პროგრამების ვებინარს მართავს. დასწრების მსურველებმა უნდა გაიარონ რეგისტრაცია ბმულზე.ვებინარზე მონაწილეებს შესაძლებლობა ექნებათ, მიიღონ ინფორმაცია საზღვარგარეთ სწავლის შესახებ; გაიგონ, როგორ შეუძლიათ მიიღონ სრული დაფინანსება Fulbright-ის, Chevening-ის, Miami Ad School-ისა და UWC პროგრამების ფარგლებში.შეხვედრას ჩაატარებენ გიორგი ჩავლეიშვილი, განათლების ცენტრ LEAF-ის დამფუძნებელი და ჯულიეტა პაკაცოშვილი, აკადემიური მრჩეველი.ღონისძიების შესახებ დეტალური ინფორმაციის მისაღებად ეწვიეთ ბმულს.ინფორმაციისთვის, განათლების ცენტრი LEAF 2008 წლიდან ეხმარება საზღვარგარეთ სწავლით დაინტერესებულ ახალგაზრდებს მსოფლიოს სხვადასხვა უნივერსიტეტებში ჩაბარებასა და დაფინანსების მოპოვებაში.ამასთან, საქართველოს საგანმანათლებლო ინიციატივების შესახებ დეტალური ინფორმაციის მისაღებად ეწვიეთ ვებგვერდს.

1779276780

ამასთან ერთად, 2027 წლის 1-ელ იანვრამდე ნებადართული გახდა რუსული წარმოების გათხევადებული ბუნებრივი აირის (LNG) საზღვაო გზით ტრანსპორტირება. ცნობისთვის, უკრაინაში შეჭრის გამო მოსკოვისთვის 2022 წლიდან დაწესებული დანარჩენი შეზღუდვები კვლავ სრულად მოქმედებს.სანქციების ნაწილობრივი შემსუბუქების მიზეზად გლობალურ ბაზარზე შექმნილი კრიზისი სახელდება. ირანის წინააღმდეგ აშშ-ისა და ისრაელის სამხედრო მოქმედებებმა და სტრატეგიული მნიშვნელობის მქონე ჰორმუზის სრუტის ჩაკეტვამ მსოფლიოში მიწოდების შეფერხება და საწვავზე ფასების მკვეთრი ზრდა გამოიწვია. როგორც სააგენტო Reuters-ი იუწყება, ბრიტანეთის შიდა ბაზარზე ენერგორესურსების გაძვირებამ გაზარდა ზეწოლა მთავრობაზე, რამაც მათ ხელმისაწვდომობის პრობლემის გადასაჭრელად ამ ნაბიჯის გადადგმისკენ უბიძგა.პარალელურად, ანალოგიური მიზეზების - ახლო აღმოსავლეთში მიმდინარე მოვლენებისა და ჰორმუზის სრუტის ბლოკირების - გამო, შეერთებულმა შტატებმა 18 მაისს დამატებით 30 დღით გაახანგრძლივა რუსული ნავთობისა და ნავთობპროდუქტების საზღვაო იმპორტზე გაცემული ლიცენზია, რომელიც დროებით აჩერებს უკრაინის ომის გამო დაწესებულ სანქციას.სააგენტო Bloomberg-ის ინფორმაციით, შექმნილმა კონფლიქტმა და ნავთობზე ფასების ზრდამ რუსეთს საშუალება მისცა, უკრაინის ომის დაწყების შემდეგ ექსპორტით რეკორდული მოგება მიეღო. კერძოდ, 3 მაისამდე არსებული მონაცემებით, მოსკოვის ყოველკვირეული შემოსავალი ამ მიმართულებით საშუალოდ 2.42 მილიარდ აშშ დოლარს აღწევდა.

1779276510