ღვინის ეროვნული სააგენტოს მხარდაჭერით, ქართული ღვინის დეგუსტაცია ქალაქ კიოლნში გაიმართა

ამერიკული აერონავტიკის კორპორაცია SpaceX-ის აქციები ზედიზედ მესამე დღეა დაეცა საინვესტიციო კლასის ობლიგაციების შეთავაზების გამოცხადების შემდეგ.როგორც Bloomberg-ი წერს, SpaceX-ის აქციები 16%-ით დაეცა და აქციაზე 154.60 დოლარამდე ივაჭრება. სამ სესიაზე ჯამურმა კლებამ 23%-ს მიაღწია, რის შედეგადაც აერონავტიკის გიგანტმა საბაზრო ღირებულება 600 მილიარდ დოლარზე მეტით დაკარგა. კომპანიის ამჟამინდელი საბაზრო კაპიტალიზაცია დაახლოებით 2 ტრილიონ დოლარს შეადგენს.საინვესტიციო ბანკმა KeyBanc Capital Markets-მა SpaceX-ის აქციებს ნეიტრალური „შენარჩუნების“ რეიტინგი მიანიჭა და აღნიშნა, რომ კომპანიის მომავალი ზრდის პოტენციალი ხელოვნური ინტელექტის სტარტაპ xAI-თან ინტეგრაციის შედეგად უკვე შეფასებულია მიმდინარე ფასში.

1782207859

როგორც გადაცემა "ბიზნესპარტნიორში" სოფლის განვითარების სააგენტოს დირექტორის მოადგილე, გიორგი ავალიანი აღნიშნავს, ცვლილების მიზანი ქართული პროდუქციის კონკურენტუნარიანობის ზრდა და მისი საექსპორტო პოტენციალის გაძლიერებაა.მისივე განმარტებით, სახელმწიფო მხარდაჭერის მოდელს ცვლის და თანადაფინანსების ფორმატზე გადადის, რაც შედეგზე ორიენტირებულ მიდგომას გულისხმობს."პროგრამის ფარგლებში სახელმწიფოს თანადაფინანსება იქნება 50%-იანი, არაუმეტეს 2 მლნ ლარისა. პროგრამაში მონაწილეობის მიღებას საქართველოს ნებისმიერი მოქალაქე შეძლებს. ამ ეტაპზე ტექნიკური პარამეტრები ზუსტდება და შესაბამისი კრიტერიუმების ჩამონათვალი მოგვიანებით გახდება ცნობილი. ცვლილებები ორი ძირითადი მიმართულებით იყო განპირობებული. პირველი - ქვეყანამ უნდა იზრუნოს სასურსათო უსაფრთხოებაზე და იმ კომპონენტების განვითარებაზე, რომლებიც მის უზრუნველყოფას ემსახურება. მეორე, კონკრეტული მიმართულებები, რომლებიც მაღალი საექსპორტო პოტენციალით და შედეგიანობით გამოირჩევიან, სახელმწიფოსგან დამატებით მხარდაჭერას იმსახურებენ. ცვლილებების განხორციელება აუცილებელი იყო და გადაწყვეტილება ბიზნესთან აქტიური კონსულტაციების შედეგად ჩამოყალიბდა. გასულ წელს რეგიონებში არაერთი შეხვედრა გაიმართა, ხოლო მიმდინარე წელს აღნიშნული პროცესი უკვე დაწყებულია - მინისტრთან ერთად რეგიონებში ვიზიტები გრძელდება.მნიშვნელოვანია, რომ პროცესი ცოცხალია და სახელმწიფო აქტიურად თანამშრომლობს სხვადასხვა ასოციაციასა და ბიზნეს გაერთიანებასთან. ცვლილებები იმ გამოწვევებისა და საჭიროებების პასუხია, რომლებიც ქვეყანაში ბოლო პერიოდში დაგროვდა. ერთ-ერთი მნიშვნელოვანი მიმართულებაა სასაკლაოების გაფართოება და ახალი სასაკლაოების შექმნა. აღნიშნული წლების განმავლობაში ქვეყნისთვის გამოწვევას წარმოადგენდა, ამიტომ ამ სფეროს სახელმწიფო თანადაფინანსების კომპონენტი დაემატა", - განაცხადა გიორგი ავალიანმა.ცნობისთვის, აგროსექტორის სახელმწიფო პროგრამები ერთიანდება. პირველი ივლისიდან ფერმერებსა და მეწარმეებს შესაძლებლობა ექნებათ ერთი პროგრამის ფარგლებში მხარდაჭერა მიიღონ, როგორც პირველადი წარმოების, ასევე პროდუქციის შენახვისა და გადამუშავების მიმართულებით. ინიციატივა მიზნად ისახავს, სოფლის მეურნეობაში თანამედროვე ტექნოლოგიების დანერგვას, წარმოების ზრდას და ქართული პროდუქტის კონკურენტუნარიანობის გაზრდას.BP.GE

1782207115

თიბისიმ აღიარება ვაჭრობის ხელშეწყობის პროგრამის - TFP-ის - ფარგლებში განხორციელებული ტრანზაქციების რაოდენობის მიხედვით მოიპოვა.  პროგრამის ფარგლებში, EBRD პარტნიორ ბანკებთან ერთად საერთაშორისო ვაჭრობას უჭერს მხარს და ბიზნესებს გლობალურ ბაზრებზე საქმიანობის გაფართოებაში ეხმარება. პროგრამა ყოველწლიურად აჯილდოებს იმ ბანკებს, რომლებიც ამ მიმართულებით ყველაზე აქტიურად მუშაობენ და მნიშვნელოვანი წვლილი შეაქვთ საერთაშორისო ვაჭრობის განვითარებაში. წელს EBRD-მა ყველაზე აქტიური ბანკის ნომინაციაში 22 ქვეყნის ფინანსური ინსტიტუტი დააჯილდოვა.„EBRD-ის ჯილდო თიბისისთვის მნიშვნელოვანი საერთაშორისო აღიარებაა, რომელიც კიდევ ერთხელ ადასტურებს ჩვენს ლიდერულ პოზიციას ბაზარზე. 45%-ზე მეტი წილით ვაჭრობის დაფინანსებაში პირველები ვართ, რაც ჩვენი მომხმარებლებისა და საერთაშორისო პარტნიორების ნდობის შედეგია. 1000-ზე მეტ კლიენტს ვთავაზობთ თანამედროვე და მოქნილ ფინანსურ სერვისებს, რომლებიც მათ საერთაშორისო ბაზრებზე საქმიანობის განვითარებასა და გაფართოებაში ეხმარება. ამ გზით, ხელს ვუწყობთ საერთაშორისო ვაჭრობის ზრდას და საქართველოს ეკონომიკის განვითარებას“, - თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.

1782206483

500 Global in Eurasia საქართველოში საქართველოს ბანკისა და საქართველოს ინოვაციებისა და ტექნოლოგიების სააგენტოს (GITA) მხარდაჭერით ხორციელდება და მიზნად ისახავს რეგიონში ტექნოლოგიური სტარტაპების განვითარებას, მათთვის საერთაშორისო ექსპერტიზის გაზიარებასა და გლობალურ ბაზრებზე ზრდის შესაძლებლობების შექმნას.დემო დღის ფარგლებში, 12-კვირიანი აქსელერაციის პროგრამის მონაწილეები აუდიტორიას საკუთარ პროდუქტებს, მიღწეულ პროგრესსა და სამომავლო ხედვას წარუდგენენ. ღონისძიება სტარტაპებისთვის უნიკალური შესაძლებლობაა, შეხვდნენ პოტენციურ ინვესტორებს, დაამყარონ ახალი პარტნიორობები და საერთაშორისო ეკოსისტემის წარმომადგენლებისგან პროფესიონალური უკუკავშირი მიიღონ.თუ გაინტერესებთ ტექნოლოგიური ინოვაციები, სტარტაპები, ვენჩურული ინვესტიციები და რეგიონში განვითარებადი სამეწარმეო ეკოსისტემა, დაესწარით 500 Global in Eurasia-ს მეათე ნაკადის დემო დღეს. ღონისძიებაზე დასასწრებად გაიარეთ რეგისტრაცია: https://events.500.co/500eurasiabatch10demoday/BOGინფორმაციისთვის, 2022 წელს 500 Global-მა, საქართველოს ბანკთან და GITA-სთან ოთხწლიანიპარტნიორობის ხელშეკრულება გააფორმა, რომლისფარგლებშიც, 500 Global in Eurasia-ს აქსელერაციისპროგრამა საქართველოში, თბილისში წელიწადშიორჯერ იმართება.500 Global-ის შესახებ:500 Global არის გლობალური ვენჩურული საინვესტიციო კომპანია, რომელიც, 2023 წლის 31 დეკემბრის მონაცემებით, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 20-ზე მეტ ქვეყანაშია განთავსებული, რომლებსაც ანტეპრენერობის, ინვესტორობის და წამყვან ტექნოლოგიურ კომპანიებში მუშაობის გამოცდილება აქვთ.

1782201903

ღონისძიების მთავარი კონცეფცია ქართული ღვინის ადგილობრივ სამზარეულოსთან შეხამება იყო. დეგუსტაციას 20-მდე ინფლუენსერი, კონტენტ-კრეატორი და მედიის წარმომადგენელი დაესწრო. მონაწილეებს შესაძლებლობა ჰქონდათ დაეგემოვნებინათ საქართველოს სხვადასხვა მევენახეობის რეგიონიდან წარმოდგენილი შვიდი დასახელების ქართული ღვინო.ღონისძიებას უძღვებოდა ცნობილი კულინარიული ბლოგერი და კონტენტ-კრეატორი ჯელენა ლოზო (Jelena Lozo), რომლის აუდიტორია ხარისხიანი სამზარეულოთი და ღვინით დაინტერესებულ მომხმარებლებს აერთიანებს. მისი ჩართულობა მნიშვნელოვანია ქართული ღვინის პოპულარიზაციისა და ცნობადობის ზრდისთვის გერმანიაში, რომელიც ქართული ღვინის ერთ-ერთი სტრატეგიული საექსპორტო ბაზარია.გერმანიის ბაზარზე ქართული ღვინის საექსპორტო პოტენციალის ზრდის მიზნით, ღვინის ეროვნული სააგენტო მარკეტინგულ კომპანია ff.k Public Relations-თან  2021 წლიდან თანამშრომლობს. კამპანიის ფარგლებში გერმანიის სხვადასხვა ქალაქში ტარდება დეგუსტაცია-სემინარები ღვინის პროფესიონალებისთვის, სავაჭრო სექტორის წარმომადგენლებისა და მომხმარებლებისთვის; ქართული ღვინო წარმოდგენილია საერთაშორისო გამოფენებზე; ხორციელდება მიზნობრივი სარეკლამო და მედია კამპანიები; ასევე, მედიის, ღვინის პროფესიონალებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში.გერმანია ქართული ღვინის ექსპორტიორი ქვეყნების ხუთეულში შედის და გაყიდვების მზარდი დინამიკით გამოირჩევა. მიმდინარე წლის იანვარ-მაისში საქართველოდან გერმანიაში ექსპორტირებულია 670 ათას ლიტრამდე ღვინო, რაც გასული წლის ანალოგიურ პერიოდთან შედარებით 33%-ით მეტია. 

1782199239

„მოახლეები“ ლინჩის თეატრში საქართველოს ბანკისა და Emolas Corporation-ის თანამშრომლობის ფარგლებში დაგეგმილი მორიგი პროექტია, რომელიც ამერიკის შეერთებულ შტატებში მცხოვრებ ქართველ მაყურებელს თანამედროვე ქართული თეატრის ერთ-ერთ გამორჩეულ ნამუშევარს წარუდგენს. სპექტაკლი რეჟისორ ნიკა თავაძის დადგმაა, რომელშიც ქართველი თეატრის გამორჩეული მსახიობები - ნატა მურვანიძე, ნინო კასრაძე და ბარბარე დვალიშვილი მონაწილეობენ.სპექტაკლზე დასასწრები ბილეთების შეძენა შესაძლებელია ამ ბმულზე.აღსანიშნავია, რომ საქართველოს ბანკმა და Emolas Corporation-მა 2026 წელს გრძელვადიანი პარტნიორობა დაიწყეს, რომლის ფარგლებშიც ამერიკის შეერთებულ შტატებში არაერთი კულტურული ღონისძიება გაიმართება, მათ შორის კონცერტები, თეატრალური წარმოდგენები და სხვა შემოქმედებითი პროექტები, რომლებიც ქართულ დიასპორასთან კავშირის გაღრმავებასა და ქართული კულტურის საერთაშორისო მასშტაბით პოპულარიზაციას ემსახურება.ინფორმაციისთვის, საქართველოს ბანკისთვის ემიგრანტების მხარდაჭერა ერთ-ერთი პრიორიტეტული მიმართულებაა. ბანკი აქტიურად მუშაობს, რათა საზღვარგარეთ მცხოვრებ ქართველებს შესთავაზოს მათ საჭიროებებზე მორგებული სერვისები, გაამარტივოს საბანკო მომსახურებაზე წვდომა და ხელი შეუწყოს სამშობლოსთან კავშირის შენარჩუნებას.სპეციალურად ემიგრანტებისთვის შექმნილი ინიციატივების და დაგეგმილი აქციების  შესახებ ინფორმაციისთვის ეწვიეთ ბმულს ან გაწევრიანდით საქართველოს ბანკის Facebook ჯგუფში, რათა პირველებმა გაიგოთ საინტერესო სიახლეების შესახებ.

1782198900