ტრამპის ტარიფები Apple-ს 2 მილიარდი დოლარი დაუჯდება

Visa-ს სრულ PayFac სერტიფიკატს იღებენ მხოლოდ ის კომპანიები, რომლებიც აკმაყოფილებენ კომპანიის მაღალ ტექნიკურ, იურიდიულ და ფინანსურ მოთხოვნებს. ასეთი კომპანიების გადახდების პლატფორმა უნდა იცავდეს PCI DSS-ის უსაფრთხოების სტანდარტებს, ეფექტურად მართავდეს რისკებს და უზრუნველყოფდეს მომხმარებლის მონაცემთა დაცვას.აღნიშნული სერტიფიკატით, კომპანია აღიარებულია, როგორც დამოუკიდებელი გადახდების ოპერატორი Visa-ს გლობალურ ქსელში და აღარ არის უბრალოდ შუამავალი. მას შეუძლია მართოს გადახდების პროცესი დამოუკიდებლად, ყოველგვარი გარე შეზღუდვის გარეშე. ასევე, მოემსახუროს ბიზნესების კიდევ უფრო ფართო სპექტრს და არსებულ მერჩანტებს შესთავაზოს გადახდების მიღების უფრო სწრაფი, მარტივი და ტექნოლოგიურად გამართული პროცესი. Flitt მერჩანტებს სრულად ონლაინ, რამდენიმე წუთში არეგისტრირებს და მათ გადახდების მიღების დაწყება დარეგისტრირებისთანავე შეუძლიათ.სერტიფიცირების პროცესის ფარგლებში, Flitt-მა  გაიარა რამდენიმე კრიტიკული მიმართულების დეტალური შემოწმება და შეფასება, რომელიც მოიცავდა: ტექნიკური უსაფრთხოების სტანდარტებთან შესაბამისობის შემოწმება, მათ შორის PCI DSS  მოთხოვნებთან; კომპანიაში არსებული რისკების მართვის ჩარჩოს და პროცედურების ეფექტიანობის შეფასებას, ფულის გათეთრების წინააღმდეგ ბრძოლის (AML) პოლიტიკა/პროცედურების შესაბამისობას საერთაშორისო სტანდარტებთან, მერჩანტთა რეგისტრაციის და ტრანზაქციების მონიტორინგის ეფექტიანობას. აღნიშნული პროცესის წარმატებით გავლა ადასტურებს Flitt-ის პროცესების სრულ შესაბამისობას საერთაშორისო სტანდარტებთან და Visa-ს მოთხოვნებთან.სერტიფიცირების შედეგად, Flitt-ს უკვე აქვს შესაძლებლობა: დამოუკიდებლად დაარეგისტრიროს მერჩანტები და მოემსახუროს გადახდების სრულ პროცესში; მოემსახუროს მაღალრისკიან მერჩანტებს და შიდა რისკების მართვის სისტემის გამოყენებით, დაეხმაროს რისკების ეფექტურ მართვაში; უზრუნველყოს ინოვაციური და კონკურენტუნარიანი გადახდების სერვისები. „ეს არის ძალიან მნიშვნელოვანი მიღწევა ჩვენი კომპანიისთვის. მიუხედავად იმისა, რომ Flitt ახალია, ჩვენ შევძელით პირველებს მიგვეღო ეს სერტიფიკატი საქართველოში, რაც ადასტურებს, რომ ჩვენი ფინანსური სერვისები სიმარტივისა და ინოვაციურობის გარდა არის უსაფრთხო და სანდო”, - გიორგი ქუთათელაძე, Flitt-ის CE0.Visa-ს სრული PayFac სერტიფიკატის მიღებით, Flitt კიდევ ერთ მნიშვნელოვან ნაბიჯს დგამს იმ მიმართულებით, რომ ფინანსური ტექნოლოგიებით უპასუხოს მომხმარებლების ყოველდღიურ საჭიროებებს და გაამარტივოს გადახდების გამოცდილება ქვეყნის მასშტაბით. მიუხედავად სწრაფი ზრდისა, კომპანია მუდმივად მუშაობს ხელმისაწვდომობის ზრდის მიმართულებით და მაღალი სტანდარტებით იცავს უსაფრთხოების და სანდოობის კრიტერიუმებს, რაც კრიტიკულად მნიშვნელოვანია გადახდების სერვისის მომწოდებლებისთვის. 

1754053920

„STEM მიმართულება განსაკუთრებულად მნიშვნელოვანია თანამედროვე მსოფლიოში,  სწორედ ეს სფეროები ქმნიან იმ ახალ ტექნოლოგიებსა და გადაწყვეტებს, რომლებიც ჩვენს ყოველდღიურ ცხოვრებას აუმჯობესებენ. თეორიული ცოდნისა და პრაქტიკული გამოცდილების კომბინაციით იზრდებიან მომავალი ინჟინრები, პროგრამისტები, მეცნიერები, რომლებიც შეცვლიან სამყაროს”, - აღნიშნავს ლაშა ნიშნიანიძე, გუნდის მენტორი.ოლიმპიადამდე გუნდები აქტიურად ემზადებოდნენ, როგორც თეორიულად, ისე პრაქტიკულად, თავისუფალი სკოლის გუნდმა გამარჯვებამდე საკმაოდ ბევრი იშრომა:„მზადება იყო ინტენსიური, მიზანმიმართული და შთამბეჭდავი. სკოლის გაკვეთილების დასრულების შემდეგ გუნდი მუდმივად მეცადინეობდა, ფინალის დღემდე მოსწავლეები ყოველდღიურად ემზადებოდნენ, დილის 10 საათიდან გვიან ღამემდეც კი, თანაც ამას დიდი ენთუზიაზმით აკეთებდნენ. მზადების ძირითადი ნაწილი უკავშირდებოდა რთული ტექნიკური დავალებების გადაჭრას, ცოდნის გამყარებასა და გუნდური მუშაობის დახვეწას. ყოველთვის განსხვავებულ და კომპლექსურ დავალებებს ვაძლევდი. ისინი ისხდნენ, ფიქრობდნენ, კოდს წერდნენ, წრედებს აწყობდნენ, დაშვებულ შეცდომებს ასწორებდნენ - ასეთი თავდადება და შეუპოვრობა გახდა  წარმატების მთავარი ფაქტორი “, - ამბობს ლაშა ნიშნიანიძე.გადამწყვეტი მნიშვნელობა ფინალურ პროექტს ჰქონდა, ამ ეტაპზე გუნდები დამოუკიდებლად და ინოვაციურად უნდა გამკლავებოდნენ პრაქტიკულ დავალებას:„როდესაც ოლიმპიადა დაიწყო, მალევე შეგვატყობინეს მთავარი დავალება -  საგულშემატკივრო ჰოლში  დაიდო ლიფტის კონსტრუქციის მაკეტი. სწორედ ამ ტიპის სისტემაზე უნდა ემუშავათ მონაწილეებს. პროექტი იყო კომპლექსური და მაღალტექნოლოგიური, თუმცა ჩემი მოსწავლეებისთვის ეს სიახლე არ ყოფილა: მრავლად ჰქონდათ ნამუშევარი მსგავს ელექტრონულ კომპონენტებზე, სენსორებზე, ძრავებზე. მჯეროდა, რომ დავალებას კარგად შეასრულებდნენ. სირთულე მაინც არსებობდა — ტექნიკური დეტალების ზუსტი შესრულება, დროის შეზღუდვა და კონკურენციის მაღალი დონე “, - აღნიშნავს ლაშა.პირველი ადგილის მოპოვების შთაბეჭდილებები გაგვიზიარეს გუნდის წევრებმაც:„STEM ოლიმპიადაში მონაწილეობაც კი ძალიან დიდი გამოცდილება იყო ჩემთვის, ოლიმპიადის განმავლობაში ვსწავლობდით ბევრ ისეთ დეტალს, რომელიც ყოველდღიურ ცხოვრებაში ძალიან გამოსადეგი იყო. სიტყვებით რთულია იმის აღწერა, რასაც  მოგებისას განვიცდიდი, ბედნიერად მახსენდებოდა დღეები, როდესაც მთელი დღე ვისხედით და ვვარჯიშობდით”, - ლუკა უფლისაშვილი.„ამ პროექტმა გვასწავლა, როგორ გადავაქციოთ იდეა რეალურ შედეგად. გუნდურად მუშაობა, პრობლემების ანალიზი და გადაწყვეტილებების პოვნა  - ეს უნარები მომავალში აუცილებლად გამოგვადგება, როგორც სწავლის, ისე პროფესიული განვითარების გზაზე”, - ლუკა დუდაური.საქართველოს ბანკი საგანმანათლებლო შესაძლებლობების შექმნას აქტიურად განაგრძობს  მათთვის, ვინც არ ჩერდება, ცნობისმოყვარეა, აინტერესებს, ეძებს და ცდილობს, მეტი ისწავლოს. სწორედ ასეთი ახალგაზრდები ქმნიან უკეთეს მომავალს  ქვეყნისთვის. STEM მიმართულებების წახალისებაც ამ მთავარი მიზნის ნაწილია, რაც მომავალშიც ბევრ ნიჭიერ მოსწავლეს მისცემს საკუთარი პოტენციალის გამოვლენის შესაძლებლობას.

1754045213

როგორც ელგუჯა თავბერიძემ განმარტა, ბრალდებული, პირადი ქონებრივი სარგებლის მიღების მიზნით, აქტიურად იყო ჩართული ორგანიზებული ჯგუფის დანაშაულებრივ საქმიანობაში და სააგენტოს ყოფილ თანამშრომელ ლ.დ.-სა და ჯგუფის სხვა წევრებთან ერთად, ახდენდა მართლსაწინააღმდეგოდ დაუფლებული თანხების ურთიერთშორის განაწილებას.„საზოგადოებას შევახსენებთ, რომ საგამოძიებო სამსახურში მიმდინარე გამოძიების ფარგლებში, 2025 წლის 18 ივლისს, „სასოფლო - სამეურნეო ტექნიკის თანადაფინანსების სახელმწიფო პროგრამის“ ფარგლებში გაცემული გრანტების, ჯამში 826 815 ლარის თაღლითურად დაუფლების ფაქტზე, დაკავებულია 11 პირი, მათ შორის ერთ-ერთი ორგანიზატორი - ა(ა)იპ „სოფლის განვითარების სააგენტოს“ ყოფილი თანამშრომელი ლ.დ.გამოძიებით დადგენილია, რომ 2021-2024 წლებში, ბრალდებულებმა გრანტების მისაღებად, სხვადასხვა ბენეფიციარის სახელით არაერთხელ მიმართეს ა(ა)იპ - სოფლის განვითარების სააგენტოს და წარუდგინეს ყალბი ინვოისები, სასაქონლო ზედნადებები, ტექნიკის მიღება-ჩაბარების აქტები და აუდიტორული დასკვნები.წარდგენილი ყალბი დოკუმენტების საფუძველზე,სააგენტომ ბრალდებულებს, მათივე მფლობელობაში არსებულ საბანკო ანგარიშებზე ჩაურიცხა სასოფლო-სამეურნეო ტექნიკის შესაძენად გამოყოფილი თანადაფინანსების თანხა - 826 815 ლარის ოდენობით.სახელმწიფოზე მიყენებული ზიანის ანაზღაურების უზრუნველსაყოფად, დაყადაღებულ იქნა ბრალდებულისა და მასთან კავშირში მყოფი პირების სახელზე რიცხული დიდი ოდენობით ქონება და საბანკო ანგარიშები.გამოძიება მიმდინარეობს საქართველოს სისხლის სამართლის კოდექსის 210-ე, 180-ე და 362-ე მუხლებით, რაც სასჯელის სახედ და ზომად ითვალისწინებს თავისუფლების აღკვეთას შვიდიდან ათ წლამდე ვადით.სახელმწიფოზე მიყენებული ზიანის სრული ოდენობის დადგენისა და დამნაშავე პირთა წრის გაფართოების მიზნით, ინტენსიურად გრძელდება საგამოძიებო მოქმედებები.საქართველოს ფინანსთა სამინისტროს საგამოძიებო სამსახური მომავალშიც გაატარებს საფინანსო-ეკონომიკურ სფეროში ჩადენილი დანაშაულის წინააღმდეგ მკაცრ სისხლის სამართლის პოლიტიკას“, - განაცხადა ელგუჯა თავბერიძემ.

1754043829

კერძოდ, ანალიზმა აჩვენა, რომ საქართველოში ჩამოტვირთვის სიჩქარის მედიანური მაჩვენებელი 2024 წლის ივლისის მდგომარეობით დაახლოებით 20 მბ/წმ იყო, მაშინ, როდესაც ევროკავშირის ქვეყნების ანალოგიური მაჩვენებელი 150 მბ/წმ-ს უტოლდებოდა. ფიქსირებული ფართოზოლოვანი ინტერნეტ მომსახურების ანალიზის შედეგები მსოფლიო ბანკის ციფრული განვითარების სპეციალისტმა, ჰიმატ სინგჰ სანდუმ, სახელმწიფოსა და ტელეკომ სექტორის წარმომადგენლებთან შეხვედრაზე წარადგინა.გარდა ამისა, WB-ის კვლევის თანახმად, საქართველოსთვის სიჩქარის ტესტის შედეგების 93%-მა 30 მბ/წმ-ზე დაბალი სიჩქარე აჩვენა, მაშინ, როდესაც ანალოგიური მაჩვენებელი სომხეთისთვის - 80%, აზერბაიჯანისთვის - 90%, მოლდოვასთვის - 43%, ხოლო უკრაინისთვის - 74% იყო. მსოფლიო ბანკის სპეციალისტის შეფასებით, აღნიშნული პრობლემის გადასაჭრელად კრიტიკულად მნიშვნელოვანია ინფრასტრუქტურის განვითარება, რასაც საყოველთაო ინტერნეტიზაციის სახელმწიფო პროგრამის ფარგლებში, „ოუფენ ნეტის“ მიერ აშენებული ოპტიკურ-ბოჭკოვანი ინფრასტრუქტურის ზონებში ინტერნეტის სიჩქარეების ზრდის ტენდენცია მოწმობს.კერძოდ, 2025 წლისთვის, „ოუფენ ნეტის“ ინფრასტრუქტურის გამოყენებით, უკვე 12 ინტერნეტ პროვაიდერი და 2 მობილური ოპერატორი აწვდის მომსახურებას 60,000-ზე მეტ მოსახლეს და 100-ზე მეტ სკოლას 12 ლოკაციაზე. გარდა ამისა, 2021 წლიდან 2025 წლამდე, აღნიშნული 12 ლოკაციიდან 10-ში, ფიქსირებული ინტერნეტის სიჩქარის ზრდის მაჩვენებელი ქვეყნის საშუალო ზრდის მაჩვენებელს, რომელიც 10%-ს შეადგენს, მნიშვნელოვნად აღემატება: აბაშა - 39%, ამბროლაური - 85%, ბაღდათი - 27%, ჩოხატაური - 6%, ქობულეთი - 15%, ლენტეხი - 64%, ონი - 84%, ოზურგეთი - 14%, სამტრედია - 4%, ტყიბული - 36%, ცაგერი - 58%, წყალტუბო - 14%.მსოფლიო ბანკის მიერ განხორციელებული ანალიზის მიხედვით, ქვეყანაში ფიქსირებული ფართოზოლოვანი ინტერნეტის სიჩქარის გამოწვევებზე ნათლად მიუთითებს საგანმანათლებლო დაწესებულებების, სამედიცინო ცენტრების, ასევე, ფინანსური და საჯარო ინსტიტუტების ინტერნეტ სიჩქარის ტესტირების შედეგებიც. კერძოდ, იურიდიული პირი აბონენტების ინტერნეტ მომსახურების სიჩქარეები უმეტესად არ აღემატებოდა 30 მბ/წმ-ს. ევროკავშირში დადგენილი სტანდარტის მიხედვით კი, აღნიშნული ინსტიტუციები მინიმუმ 1 გბ/წმ-იანი კავშირით უნდა სარგებლობდნენ.კვლევის შედეგად გამოიკვეთა ისიც, რომ 2024 წლის მდგომარეობით, ფიქსირებული ფართოზოლოვანი ინტერნეტ მომსახურების ყველაზე მაღალი მედიანური სიჩქარე - 29 მბ/წმ - თბილისში დაფიქსირდა და 2021 წლიდან წელიწადში საშუალოდ 13%-ით იზრდებოდა. ხოლო რეგიონებიდან სიჩქარის ზრდის ყველაზე მაღალი მაჩვენებელი სამცხე-ჯავახეთში დაფიქსირდა, რამაც 39% შეადგინა და 2021 წელს 8 მბ/წმ-დან 22 მბ/წმ-მდე გაიზარდა. საგულისხმოა, რომ 2024 წელს ფიქსირებული ქსელის მსხვილმა ოპერატორებმა გაზარდეს აბონენტებისთვის მიწოდებული ფიქსირებული ინტერნეტის სიჩქარეები და ყველაზე მეტად მოხმარებადი 30 მბ/წმ-იანი პაკეტი 50 მბ/წმ-იანით ჩაანაცვლეს, თუმცა, მსოფლიო ბანკის მიერ ჩატარებული კვლევის მიხედვით, ფიქსირებული ინტერნეტის სიჩქარე ქვეყანაში კვლავ გამოწვევად რჩება.გარდა ფიქსირებული ინტერნეტისა, კვლევა მოიცავდა მობილური ინტერნეტის მომსახურების ანალიზსაც, რომლის მიხედვით, მობილური ინტერნეტის სიჩქარეები 2024 წლის ბოლო პერიოდიდან მკვეთრი ზრდის ტენდენციით ხასიათდება, რაც ComCom-ის მიერ, 5G აუქციონის სამჯერ ჩატარებითა და სამივე მსხვილი ოპერატორის მიერ 5G ტექნოლოგიის დანერგვით არის განპირობებული. შესაბამისად, განსხვავებით ფიქსირებული ინტერნეტის შედეგებისგან, მობილური ინტერნეტის სიჩქარის მაჩვენებლით საქართველო რეგიონში ლიდერია. ამას მოწმობს ისიც, რომ მობილური ინტერნეტის მომსახურების წლიური ზრდის საშუალო მაჩვენებელმა თბილისსა და რეგიონებში 2021-2024 წლამდე 53% შეადგინა, მაშინ, როდესაც ფიქსირებული მომსახურებების შემთხვევაში ანალოგიური მაჩვენებელი მხოლოდ 17% იყო.მსოფლიო ბანკის გუნდმა კვლევა კომპანია Ookla-ს მიერ შეგროვებული ინტერნეტ მომსახურების სიჩქარის ტესტის მონაცემების გამოყენებით განახორციელა. ანალოგიური ანალიზი საქართველოს გარდა უკრაინაში, სომხეთში, აზერბაიჯანსა და მოლდოვაში ჩატარდა. ანალიზი ეყრდნობა 2021 წლის იანვრიდან 2024 წლის ბოლომდე პერიოდში ჩატარებული 7 მილიონი ტესტის მედიანურ მაჩვენებლებს როგორც მობილური, ისე ფიქსირებული ფართოზოლოვანი ინტერნეტ მომსახურებებისთვის.შეხვედრაში მსოფლიო ბანკის წარმომადგენელთან ერთად, კომუნიკაციების კომისიის, სახელმწიფო ინტერნეტიზაციის პროგრამის „ოუფენ ნეტის“, საქართველოში ევროკავშირის წარმომადგენლობის, ეკონომიკისა და მდგრადი განვითარების სამინისტროს, საქართველოში სოლიდარობის ფონდი პლ-ის (SFPL), ასევე, საქპატენტისა და „საქართველოს სატელეკომუნიკაციო ოპერატორების ასოციაციის“ წარმომადგენლები იღებდნენ მონაწილეობას.

1754042182

ამის შესახებ Wall Street Journal-თან ინტერვიუში კამბოჯის მთავრობის ვიცე-პრემიერმა, სუნ ჩანთოლმა განაცხადა.„მან (აშშ-ის პრეზიდენტმა დონალდ ტრამპმა) ნობელის პრემია არა მხოლოდ კამბოჯაში, არამედ სხვა რეგიონებში მუშაობისთვისაც უნდა მიიღოს“, - თქვა მან.ჩანთოლმა ხაზგასმით აღნიშნა, რომ ტრამპის მონაწილეობის გარეშე ქვეყნები ძნელად თუ შეთანხმდებოდნენ კონფლიქტის დასრულებაზე.24 ივლისის ღამეს, სადავო ტერიტორიაზე ორი ქვეყნის სახმელეთო ძალებს შორის სროლა დაიწყო. ტაილანდის ხელისუფლებამ კამბოჯა კონფლიქტის წაქეზებაში დაადანაშაულა, მოგვიანებით კი ქვეყნის საჰაერო ძალებმა მის ტერიტორიაზე სამიზნეები დაბომბეს.

1754041819

„2 აგვისტოდან თურქეთის გავლით მოწოდებული აზერბაიჯანული ბუნებრივი აირი უზრუნველყოფს 800 მეგავატი სიმძლავრის ელექტროენერგიის გამომუშავებას, რაც 5 მილიონ სახლს გაანათებს. ეს მნიშვნელოვანი ნაბიჯია სიტუაციის მოგვარებისა და კრიტიკულ მომენტში სტაბილურობისკენ“, - წერს დიპლომატი.

1754041621