ირანმა ჰორმუზის სრუტეში გემებისთვის ახალი წესები შემოიღო

Fitch Ratings-ის განმარტებით, ბაზისბანკის მიერ ლიბერთის შესყიდვა ორჯერ მეტად ზრდის ბანკის ზომას და მას სექტორში სიდიდით მესამე უმსხვილეს ბანკად აყალიბებს. „პოზიტიური“ პროგნოზი ასახავს Fitch-ის მოლოდინს, რომ აღნიშნული ტრანზაქცია მნიშვნელოვნად გაზრდის გაერთიანებული ჯგუფის ბიზნესის მასშტაბებს, გააძლიერებს კონკურენციას და დივერსიფიკაციას საქართველოს საფინანსო ბაზარზე.„Fitch-ის მიერ ბაზისბანკის და ლიბერთის რეიტინგის პროგნოზის „პოზიტიურ“ დონემდე გაზრდა არის მნიშვნელოვანი აღიარება იმ სტრატეგიული ნაბიჯისა, რომელიც ლიბერთის შესყიდვით გადავდგით. ეს გადაწყვეტილება ადასტურებს, რომ ჩვენი ერთობა ქმნის მძლავრ, დივერსიფიცირებულ და მაღალკონკურენტულ ფინანსურ ინსტიტუტს.“ - Fitch-ის მიერ რეიტინგის პროგნოზის გაუმჯობესებასთან დაკავშირებით, აღნიშნა ბაზისბანკისა და ლიბერთის გენერალურმა დირექტორმა, დავით ცაავამ.

1778064262

აფბას შეფასებით ეროვნული ბანკი ინფლაციური პროცესების საპასუხოდ სწრაფად და დროულად რეაგირებს. გეოპოლიტიკური გაურკვევლობისა და საერთაშორისო ბაზრებზე ენერგომატარებლებზე მკვეთრად გაზრდილი ფასების ფონზე, მონეტარული პოლიტიკის გამკაცრება წარმოადგენს ეფექტურ და მიზნობრივ ნაბიჯს, რომელიც მიმართულია ინფლაციური რისკების შეკავებისკენ.აფბას შეფასებითვე, რომ აპრილში დაფიქსირებული 5.9%-იანი ინფლაცია და გაძლიერებული საგარეო შოკები ქმნიდა ობიექტურ წინაპირობას მონეტარული პოლიტიკის გამკაცრებისთვის. ამასთან, ხაზგასასმელია, რომ მიმდინარე ეტაპზე ფასების ზრდა ძირითადად განპირობებულია საგარეო, ეგზოგენური ფაქტორებით და არა შიდა მოთხოვნის ჭარბი ზრდით. კერძოდ, ახლო აღმოსავლეთში მიმდინარე პროცესებმა საერთაშორისო ბაზრებზე ენერგორესურსების მნიშვნელოვანი გაძვირება გამოიწვია, რაც პირდაპირ აისახება იმპორტირებული პროდუქციის თვითღირებულებაზე. აღნიშნულ წნეხს ამძაფრებს შიდა ფაქტორებიც, მათ შორის ელექტროენერგიის ტარიფებისა და საწვავის ფასების ზრდა, რაც ზრდის წარმოების ხარჯებს და საბოლოოდ აისახება სამომხმარებლო ფასებზე. აფბას შეფასებით, მიუხედავად იმისა, რომ ინფლაციის ძირითადი წყარო საგარეო ფაქტორებია, მონეტარული პოლიტიკის გამკაცრება მნიშვნელოვან როლს ასრულებს ინფლაციური მოლოდინების მართვაში.ორგანიზაციის განცხადებით, გლობალური გაურკვევლობის პირობებში, საქართველოს ეროვნული ბანკის მიერ არჩეული „ფრთხილი, თუმცა მკაცრი“ მონეტარული პოლიტიკა წარმოადგენს აუცილებელ ინსტრუმენტს როგორც ფასების სტაბილურობის უზრუნველსაყოფად, ისე გრძელვადიანი მაკროეკონომიკური სტაბილურობის შესანარჩუნებლად.

1778062777

როგორც დავით სონღულაშვილმა აღნიშნა, ორ ქვეყანას შორის არსებობს შესაძლებლობები თანამშრომლობის პოზიტიური დინამიკის გასაძლიერებლად, განსაკუთრებით სოფლის მეურნეობის მიმართულებით.შეხვედრაზე ხაზი გაესვა საქართველოს სოფლის მეურნეობის სამეცნიერო-კვლევით ცენტრსა და უზბეკეთის სოფლის მეურნეობის ცოდნისა და ინოვაციების ეროვნულ ცენტრს შორის გაფორმებული ურთიერთგაგების მემორანდუმის მნიშვნელობას, რომელიც მევენახეობა-მეღვინეობის მიმართულებით თანამშრომლობასა და გამოცდილების გაზიარებას ითვალისწინებს.„საქართველოს მეღვინეობის მრავალსაუკუნოვანი ტრადიცია ქმნის მყარ საფუძველს საერთაშორისო თანამშრომლობისთვის.  უზბეკეთში ეს სექტორი აქტიურად ვითარდება და ახალ შესაძლებლობებს აჩენს. თანამშრომლობა ყურძნის ჯიშების გაუმჯობესების, დაავადებებისადმი მდგრადობის გაზრდისა და თანამედროვე ტექნოლოგიების დანერგვის მიმართულებით ორმხრივ სარგებელს შექმნის და სექტორის კონკურენტუნარიანობას გააძლიერებს. სამეცნიერო-კვლევითი მიმართულება თანამედროვე სოფლის მეურნეობის განვითარების ერთ-ერთი მთავარი ფაქტორია. სწორედ ამიტომ, მნიშვნელოვანია კვლევით ინსტიტუტებს შორის თანამშრომლობის შემდგომი გაძლიერება, რაც ხელს შეუწყობს ინოვაციების დანერგვას და არსებულ გამოწვევებთან უფრო ეფექტიან გამკლავებას“, - განაცხადა დავით სონღულაშვილმა.შეხვედრაზე ყურადღება დაეთმო აგროსასურსათო პროდუქციით ვაჭრობის დინამიკას, რომელიც მზარდია და ასახავს ქვეყნებს შორის ეკონომიკური კავშირების გაძლიერებას.„საქართველოსთან ჩვენ ისტორიულად ძალიან კარგი თანამშრომლობა გვაკავშირებს. გასულ წელს ვაჭრობის მოცულობა მნიშვნელოვნად გაიზარდა, რაც დადებითი ტენდენციაა, თუმცა მიუხედავად მიღწეული შედეგებისა არსებობს მეტი პოტენციალი. შესაძლებლობა  გვაქვს სოფლის მეურნეობის პროდუქტებით ვაჭრობის, ასევე კვლევების, ინოვაციებისა და ცოდნის გაზიარების მიმართულებით. ჩვენ ვაწარმოებთ ყურძენს დიდი რაოდენობით, თუმცა ღვინის წარმოების მიმართულებით განსაკუთრებით დიდი გამოცდილება და განვითარებული პრაქტიკა სწორედ საქართველოში არსებობს, რის გამოც ეს სფერო ჩვენთვის ინტერესის  საგანს გამორჩეულად წარმოადგენს”, - აღნიშნა იბროჰიმ აბდურახმანოვმა.შეხვედრაზე ასევე განიხილეს ჩაის კულტურის, ციტრუსის, თევზჭერისა და აკვაკულტურის მიმართულებებით ქვეყნებს შორის სავაჭრო ურთიერთობების გაღრმავებისა და გამოცდილების გაზიარების შესაძლებლობები.დავით სონღულაშვილთან ერთად შეხვედრას ესწრებოდნენ მინისტრის მოადგილე ლაშა დოლიძე, საერთაშორისო ურთიერთობებისა და ევროინტეგრაციის დეპარტამენტის უფროსი დავით ჩიტაიშვილი, სოფლის განვითარების სააგენტოს დირექტორი ზურაბ გოზალიშვილი და სურსათის ეროვნული სააგენტოს უფროსი გიორგი იაკობაშვილი.

1778061555

კონცერტი გაიმართება თბილისში, "დინამო არენაზე", Starring Georgia-ს ორგანიზებით და თიბისის პარტნიორობით.ბილეთების საყოველთაო გაყიდვა 12 მაისს, 12:00 საათზე, Tkt.ge-ზე დაიწყება. თუმცა თიბისიმ თავის მომხმარებლებს განსაკუთრებული შეთავაზება მოუმზადა:თიბისის ნებისმიერი ბარათის მფლობელებს ექნებათ ექსკლუზიური შესაძლებლობა, TKT.GE-ზე ბილეთები 24 საათით ადრე - 11 მაისის შუადღის 12 საათიდან - 25%-იანი ფასდაკლებით, პირველებმა შეიძინონ. ასევე, ისარგებლონ თიბისი განაწილებით, რომლის შემთხვევაშიც იმოქმედებს 20%-იანი ფასდაკლება. 11 მაისს ბილეთების ყიდვის შესახებ დეტალური ინფორმაციისთვის ეწვიეთ ბმულს.თიბისის მომხმარებლებისთვის ყველა კატეგორიის ბილეთზე (Star Ring, Orbit, VIP) გავრცელდება 25%-იანი ფასდაკლება როგორც წინასწარი გაყიდვის, ისე საერთო გაყიდვების პერიოდში. თიბისი განაწილებით სარგებლობის შემთხვევაში კი, 20%-იანი.YE-ს კონცერტი გამოირჩევა მასშტაბური შოუთი, ინოვაციური ვიზუალური ეფექტებითა და ენერგიული პერფორმანსით, რაც ღონისძიებას განსაკუთრებულ გამოცდილებად აქცევს.2026 წლის მარტში არტისტმა ახალი ალბომი- Bully გამოსცა. რელიზს მსოფლიო მასშტაბით ექსკლუზიური შოუებიც მოჰყვა და სწორედ ამ ტურის ფარგლებში წარდგება YE დინამო არენაზე შეკრებილი მსმენელის წინაშე.არ გამოტოვო შანსი, დაესწრო წლის ერთ-ერთ ყველაზე მოთხოვნად კონცერტს ექსკლუზიური შესაძლებლობით.თუ ჯერ კიდევ არ გაქვს თიბისი ბარათები, აიღე მობაილბანკიდან, 30 წამში, ფილიალებში მისვლისა და ზედმეტი დროის ხარჯვის გარეშე.

1778061364

აპრილში ინფლაციის დონემ 5.9%-ს მიაღწია, რაც მისი შეფასებით, ძირითადად გეოპოლიტიკური კრიზისის შედეგად ნავთობის ფასების ზრდამ და მიწოდების ჯაჭვების დაზიანებამ გამოიწვია.„მასშტაბურმა საომარმა მოქმედებებმა ახლო აღმოსავლეთში, რასაც საერთაშორისო ვაჭრობის ერთ-ერთი ძირითადი არტერიის – ორმუზის სრუტის ჩაკეტვა მოჰყვა, მიწოდების გლობალური შოკი წარმოქმნა. ენერგორესურსების მკვეთრი გაძვირება და მიწოდების ჯაჭვების შემდგომი რღვევის რისკი უკვე აისახა მსოფლიო ფასებზე და მნიშვნელოვანი გავლენა მოახდინა ფასების დინამიკაზე საქართველოშიც“ – აღნიშნა კაკულიამ.მერაბ კაკულია მიიჩნევს, რომ ამ ფონზე დამაიმედებელია ის გარემოება, რომ ხისტი ფასების ინდიკატორები (საბაზო ინფლაცია, მომსახურების ინფლაცია), რომლებიც იმის დასადგენად გამოიყენება, თუ რამდენად ნელა, ან ინერტულად რეაგირებენ ფასები მოთხოვნის, ან მიწოდების შოკებზე, გარკვეული ზრდის მიუხედავად, ინფლაციის მიზნობრივ მაჩვენებელთან ახლოსაა.„ამიტომ, შეიძლება ვივარაუდოთ, რომ დღეის მდგომარეობით, საქმე გვაქვს დროებით შოკთან და არა – სტრუქტურულ ინფლაციასთან, რომელიც ხანგრძლივად ნარჩუნდება. ხისტი ფასების მიზნობრივ მაჩვენებელთან სიახლოვე მიუთითებს, რომ ინფლაციური მოლოდინები შედარებით სტაბილურია და მეორე რიგის ეფექტები (მაგ, ხელფასი-ფასების სპირალი) ჯერჯერობით სუსტია. ასეთ ვითარებაში მონეტარული პოლიტიკის ზომიერი გამკაცრება, სხვა მაკროეკონომიკური ინდიკატორების (მაგ. რეალური მშპ-ის ზრდის მაღალი ტემპის) გათვალისწინებით, არგუმენტირებულ გადაწყვეტილებად შეიძლება ჩაითვალოს“, – აღნიშნავს მერაბ კაკულია.

1778059610

მისი თქმით, ცენტრალური ბანკები შედარებით მკაცრი მონეტარული პოლიტიკიდან გამოსვლას გლობალური შოკების გამო, რაც გეოპოლიტიკური სიტუაციიდან გამომდინარეობს, ჯერ კიდევ ვერ ახერხებენ."საქართველოს ეროვნული ბანკის მიერ მონეტარული პოლიტიკის გამკაცრება, მზარდი ინფლაციისა და არსებული გეოპოლიტიკური არასტაბილურობის ფონზე, მართებული ნაბიჯია. ეროვნული ბანკი პრევენციის რეჟიმშიც უნდა მუშაობდეს და დღევანდელი გადაწყვეტილება, 0.25 პროცენტული პუნქტით, 8.25%-მდე განაკვეთის გაზრდა, სწორედ პრევენციულად მუშაობის ერთ-ერთი გამოხატულებაა. ზოგადად, რომ გადავხედოთ ცენტრალური ბანკების მიერ ბოლო პერიოდში გატარებულ მონეტარული პოლიტიკის პრაქტიკას, დავინახავთ, რომ სხვადასხვა ქვეყნების ცენტრალური ბანკები მკაცრი მონეტარული პოლიტიკის პრაქტიკიდან გამოსვლას ვერ რისკავენ, რადგან მსოფლიოში გეოპოლიტიკური მოვლენები სწრაფად იცვლება.მაგალითად, ევროპის ცენტრალურმა ბანკმა (ECB) რეფინანსირების განაკვეთი უცვლელად დატოვა. ჩვენს მეზობელ აზერბაიჯანში იგივე გადაწყვეტილება მიიღეს და ქვეყნის ცენტრალურმა ბანკმა მონეტარული პოლიტიკის განაკვეთი უცვლელად, 6.5%-ზე შეინარჩუნეს. თურქეთმა, სადაც უკვე წლებია ორნიშნა განაკვეთია, უცვლელად 37%-ზე დატოვა. უცვლელად დატოვების გადაწყვეტილება მიიღო ინგლისმა, იაპონიამ და ა.შ.ასე რომ, საქართველოში აპრილში დაფიქსირებული გაზრდილი, 5.9%-იანი ინფლაციის და ეგზოგენური ფაქტორების გათვალისწინებით ფონზე, მონეტარული პოლიტიკის შემცირების მოლოდინი საქართველოში ნაკლებად თუ ვინმეს ექნებოდა", - აღნიშნა აფბას ანალიტიკოსმა, ბაჩანა ჯინჭარაძემ.შეგახსსენებთ, რომ საქართველოს ეროვნული ბანკის მონეტარული პოლიტიკის კომიტეტმა 2026 წლის 6 მაისის სხდომაზე მონეტარული პოლიტიკის განაკვეთი 0.25 პროცენტული პუნქტით გაზარდა. მონეტარული პოლიტიკის განაკვეთი 8.25 პროცენტს შეადგენს.

1778059425