ფაშინიანი: სომხეთს სხვა გზა არ ჰქონდა, გარდა იმისა, რომ აზერბაიჯანის ტერიტორიული მთლიანობა ეღიარებინა

მიხეილ დუნდუას თქმით, მიზანი კეთილდღეობის იმ დონის დაფიქსირებაა, რომ საქართველო მაღალშემოსავლიანი ქვეყანა გახდეს.„10 პროცენტით არის გაზრდილი საშუალო წლიური ნომინალური ხელფასი. მეორე კვარტალში 2200 ლარს გადააჭარბა და ბუნებრივია, გაგრძელდება ხელფასების მატება.მიზანი კეთილდღეობის იმ დონის დაფიქსირებაა, რომ საქართველო მაღალშემოსავლიანი ქვეყანა გახდეს. 2030 წლისთვის საქართველო იქნება მაღალშემოსავლიანი ქვეყანა“, - აღნიშნა მიხეილ დუნდუამ.

1757936093

მიხეილ ჯიბუტის პოსტს BFM.GE უცვლელად გთავაზობთ:"1995 წლის 2 ოქტომბერს ლარი საქართველოში ერთადერთ საგადამხდელო საშუალებად გამოცხადდა, ხოლო მიმოქცევაში ლარი გაშვებულ იქნა უფრო ადრე - 1995 წლის 25 სექტემბერს.ლარის ისტორიკოსებისთვის კითხვა - რა ფუნქცია ჰქონდა ლარს 25 სექტემბრიდან 2 ოქტომბრამდე?სწორი პასუხი საჯაროდ არავისგან მომისმენია და ამიტომ არც ახლა ველოდები. ამიტომ გთავაზობთ სწორ პასუხს: ამ პერიოდში ხდებოდა მანამდე არსებული ქართული ეროვნული ვალუტის - კუპონის ფიზიკური ჩანაცვლება ახალი ბანკნოტებითა და მონეტებით - ლარებითა და თეთრებით, როგორც ნაღდ, ისე უნაღდო ანგარიშებზე. ამდენად, 1995 წლის 2 ოქტომბერს მოხდა არა ქართული ეროვნული ვალუტის შემოღება საქართველოში, არამედ არსებული ეროვნული ვალუტის - კუპონის ჩანაცვლება ახალი ფორმით - ლარით, რომელიც განხორციელდა ეროვნული ვალუტის დენომინაციიასთან ერთად.ქართული კუპონი (Georgian Coupon) იყო პირველი ქართული ეროვნული ვალუტა - ის ერთადერთ საგადამხდელო საშუალებად გამოცხადდა 1993 წლის 20 აგვისტოს ( მანამდე კი - 1993 წლის 3 აპრილიდან ასრულებდა ერზაც - სუროგატი ვალუტის როლს) და ასეთად რჩებოდა 1995 წლის 2 ოქტომბრამდე. ლარის ისტორია კუპონის ისტორიას მოიცავს. ქართული კუპონის ISO (სტანდარტების საერთაშორისო ორგანიზაციის) კოდი GEK შეიცვალა GEL-ით, ე.ი. ორთავე სრულფასოვან, თანაბარუფლებიან ვალუტადაა აღიარებული. კუპონის გარეშე ლარის ისტორია - ეროვნული ვალუტის ისტორიის ნაწილია.ეროვნული ვალუტის ისტორიის დაყვანა ლარის ისტორიამდე - ისტორიის ფალსიფიცირება და დამახინჯებაა. ვის რაში სჭირდება ეს? მრავალი მიზეზი შეიძლება იყოს ამისათვის. ერთ-ერთი, ჩემი აზრით, „კუპონის წარუმატებელი“ ისტორიის დავიწყების მცდელობაა. ამას შეიძლება რაიმენაირი შიდა მოხმარების მნიშვნელობა ჰქონდეს, მაგრამ საერთაშორისო თვალსაზრისით ძალიან აზიანებს საქართველოს პოლიტიკურ-ეკონომიკურ ისტორიას. მასში დაკარგულია საქართველოს მიერ რუბლის ზონის უკეთეს პირობებში გამოსვლის ამბები, სხვა ქვეყნებთან შედარებით. აქ შეასრულა კუპონმა, როგორც ეროვნულმა ვალუტამ, საქართველოს სახელმწიფოებრივი დამოუკიდებლობის მექანიზმის ფუნქცია. აქ არ შევჩერდები კუპონთან დაკავშირებულ უბედურებებზე, ვიტყვი მხოლოდ მის პოზიტივზე. აფხაზეთის ომის ყველა პერიპეტია საქართველომ კუპონით გადაიტანა, ისე რომ არ აუღია არც ერთი ცენტი (აშშ) სახელმწიფო ვალად! იმასაც ვიტყვი, რომ არ არსებობს ცუდი ფული: არსებობს - ცოტა ფული! ჩვენმა მეზობლებმა, სომხეთმა და აზერბაიჯანმა, სუროგატი ვალუტებიდან - ერთადერთ საგადამხდელო საშუალებაზე გადასვლა მოახდინეს შესაბამისად, 1993 წლის 22 ნოემბერს (დრამი) და 1994 წლის 1 იანვარს (მანათი), ანუ საქართველოსთან შედარებით 3-4 თვით გვიან. და, ჰოი საოცრებავ! სომხეთმა, ეროვნული ვალუტის 30 წლისთავი აღნიშნა 2023 წელს, აზერბაიჯანმა -2024 წელს, ხოლო საქართველო აღნიშნავს - 2025 წელს, ეროვნული ვალუტის ისტორიის ლარის ისტორიად ფალსიფიცირებული ტრანსფორმაციის გამო! ერთ მშვენიერ დღეს, როდესაც „მიმავალნი“, ვისაც ეს ისტორია გვახსოვს, წავალთ, ჩვენს შთამომავლებს ეტყვიან, მეზობელი ქვეყნების შთამომავლები ეტყვიან, რომ თქვენ ეროვნული ვალუტა ჩვენზე გვიან შემოიღეთო და არგუმენტად, მათი წინაპრების, ანუ დღეს ცოცხალი და „მიმავალი“ ადამიანების მიერ გადახდილი იუბილეებს წარუდგენენ.ასეთი პერსპექტივის თავიდან ასაშორებლად, მაქვს გამოსავალი: დადგინდეს საქართველოში ეროვნული ვალუტის დღე - 20 აგვისტო, რომლის ათვლა დაიწყოს 1993 წლიდან! 2025 წელი - ქართული ეროვნული ვალუტის არა 30-ე, არამედ 32 -ე წლისთავია!P.S. ისტორიისათვის მნიშვნელოვანია ისიც, თუ როდის „გაჩნდა“ ლარი და როდის „გავიდა“ ის ხალხში. დახედეთ დღესაც მიმოქცევაში მყოფ მონეტებს. ავერსზე მათ აქვთ „ბორჯღალი“ და დამზადების თარიღი - „1993“. იმ დროისათვის არ იყო დამტკიცებული საქართველოს გერბი. შემდეგ პერიოდში მონეტები გამოიცემა ავერსზე საქართველოს გერბისა და დამზადების წელის ჩვენებით. ამდენად, ლარი დამზადდა 1993 წელს, მიმოქცევაში გაეშვა 1995 წლის 25 სექტემბერს, ერთადერთ საგადამხდელო საშუალებად იქცა 1995 წლის 2 ოქტომბერს, შეცვალა რა მანამდე არსებული ეროვნული ვალუტა-კუპონი", - წერს ჯიბუტი.

1757934970

„ვიცით, რომ ძალიან დიდი ინტერესია Emaar-ის ინვესტიციის შესახებ. ეს არის ისტორიული სიდიდის პროექტი, მათ შორის ინვესტიციის კუთხით. 6,5 მილიარდი დოლარის ინვესტიცია არის დადასტურებული Emaar-ის მხრიდან. ჩვენ ვსაუბრობთ ორ უმსხვილეს პროექტზე გონიოსა და დედაქალაქში კრწანისის ტერიტორიაზე, სადაც ფაქტობრივად 5000-ზე მეტი ადამიანი იქნება დასაქმებული. ეს იქნება უდიდესი, მულტიფუნქციური 2 კომპლექსი, რომელიც გააერთიანებს საცხოვრებელ. განთავსების ობიექტებს, ისევე როგორც სხვა კომერციულ სივრცეებს. ჩვენ ძალიან მოხარულები ვართ, რომ ეს ხდება ჩვენს ქვეყანაში, ძალიან მჭიდრო თანამშრომლობა გვაქვს კომპანია Emaar-თან, პირადად მე - დამფუძნებელთან.ჩვენი გუნდები ძალიან აქტიურად მუშაობენ. ფაქტობრივად პროექტი უკვე სრულყოფილია იმისთვის, რომ გადავიდეთ შემდგომ ნაბიჯებზე. დღეს გაქვს ძალიან დიდი პროგრესი, მათ შორის დაწყებულია არაერთი კვლევა, პროექტირება და ასე შემდეგ. შესაბამისად, ეს მათ შორის იყო დიდი სტიმული სხვა ინვესტორებისთვის. განსაკუთრებით ყურის ქვეყნებისთვის, ამან ძალიან გააძლიერა ჩვენი ქვეყნისადმი ნდობა, ნდობა იმისა, რომ ამ ქვეყანაში არის სტაბილური საინვესტიციო გარემო. ის, რომ ამ ქვეყნის მომავალი არის მხოლოდ პოზიტიური, და რა თქმა უნდა ასეთი მსხვილი ინვესტორის შემოსვლა, ამ მოცულობის თანხით, უზრუნველყოფს იმას, რომ არამხოლოდ ყურის ქვეყნებიდან, სხვა ქვეყნებიდანაც მსხვილი ინვესტორების დაინტერესება გამოიწვიო“, - აღნიშნა მარიამ ქვრივიშვილმა.Business Insider Georgia

1757934733

ამის შესახებ The Times of Israel იტყობინება.აღნიშნულია, რომ ნატოს მსგავსი ალიანსის შექმნის წინადადება პირველად დაახლოებით ცხრა წლის წინ გაკეთდა, მაგრამ არ განხორციელებულა და ამ ინიციატივის განხილვაზე დაბრუნება ირიბად უკავშირდება ისრაელის მიერ კატარზე თავდასხმას.გავრცელებული ინფორმაციით, კაირო გეგმავს დაახლოებით 20 000 სამხედრო მოსამსახურის შეიარაღებულ ძალებში ჩართვას და მუშაობს მექანიზმის შემუშავებაზე, რომლითაც ასეთი ძალები განლაგდება, „რაც საშუალებას მისცემს მათ საჭიროების შემთხვევაში ისე განლაგდნენ, რომ ისინი არაბული ქვეყნების მოსახლეობასა და მათ შეიარაღებულ ძალებს შეესაბამებოდეს“.ეგვიპტელმა ოფიციალურმა პირმა, ანონიმურობის პირობით, განაცხადა, რომ ეგვიპტეს სურს პოტენციურ ალიანსში წამყვანი პოზიციის დაკავება, მეორე ადგილზე საუდის არაბეთი და მესამეზე სპარსეთის ყურის ერთ-ერთი სახელმწიფო იქნება.

1757932677

,,სხვა საკითხია, აპირებს თუ არა რუსეთი ნატო-სთან ომს, ვიდრე უკრაინაში ომს დაამთავრებს. ეს ახლა სრული სიგიჟე მგონია, უფრო მეტიც, დატესტვაც კი. თუ რუსეთი აპირებს ნატო-სთან ომს, ომში კი ვგულისხმობ იმას, რომ მაგალითად, თავს დაესხას ლატვიას, ეს მოხდება მხოლოდ და მხოლოდ მაშინ, როდესაც უკრაინაში ომს დაამთავრებს და თუ ლატვიაში ამერიკელები აღარ იდგებიან…. ბევრი ელოდება, რომ ტრამპი რაღაცას იზამს, მაგრამ რა უნდა გააკეთოს? დარჩა რაიმე სერიოზული ბერკეტი დასავლეთს რუსეთზე ზემოქმედებისთვის? ვინმეს ილუზია აქვს, რომ რუსული ნავთობი მსოფლიოში არ გაიყიდება? თუ არ გაიყიდება, ამას მოჰყვება ნავთობის ფასის კატასტროფული ზრდა და მთელი მსოფლიოს ეკონომიკის კოლაფსი. შესაძლოა ცოტა უფრო იაფად იყიდონ, ვიდრე რუსეთს აწყობს. ეს სხვა ამბავია – სწორედ მაგაშია საქმე, რამდენად დააზარალებს ნავთობის სიიაფე. არ იყიდიან ევროპელები? იყიდიან ჩინელები. ცოტა უფრო იაფად, მაგრამ ამით საბოლოოდ რუსეთიც დაზარალდება და ევროპაც. მოგებულები კი ამ ომიდან პირველ რიგში ჩინელები რჩებიან. ყველაზე წაგებულია, ცხადია, უკრაინა, რუსეთი და შემდეგ ევროპა.სხვა ქვეყნის ჯარი უკრაინაში არ ჩადგება, ყოველ შემთხვევაში, ჯერჯერობით. შეხედეთ, საფრანგეთს ისევ კრიზისი აქვს და წარმოიდგინეთ, ამ სიტუაციაში მაკრონმა ჯარი გაგზავნოს და თუნდაც ერთი სამხედრო დაიღუპოს, ამას რა მოჰყვება. რაც შეეხება სხვა ქვეყნებს, სად ჰყავთ ევროპის ქვეყნებს ჯარი? ვისაც შედარებით სერიოზული ჯარი ჰყავს ევროპის კვალობაზე, საფრანგეთია და მერე, ალბათ, პოლონეთი. როგორც გითხარით, მეხუთე მუხლის ამოქმედება დამოკიდებულია იმაზე, თუ რას იზამს ამერიკა. მაგალითად, შევიდა პოლონეთი უკრაინაში, ესროლა რუსეთმა, დახოცა პოლონელი ჯარისკაცები და პოლონეთმა შეიძლება მოითხოვოს მეხუთე მუხლის ამოქმედება, მაგრამ ამერიკელებმა შეიძლება უთხრან, რომ შენ უკრაინელების ტერიტორიაზე იყავი და ვერ ავამოქმედებთო _ ანუ პოლონეთს სჭირდება ამერიკის გარანტია, რომ მეხუთე მუხლს ასეთ შემთხვევაშიც აამოქმედებს და შესაბამისად, ამერიკელების ნებართვის გარეშე ამას ვერ გააკეთებს. ამ სიტუაციაში კი ამერიკელები მისცემენ ნებართვას? ვფიქრობ, არა.“ჩემი აზრით, ნატო-ს ეგიდით უკრაინის ტერიტორიის გამყოფი ხაზის დაცვა თუ გაკონტროლება შეიძლება მოხდეს მხოლოდ და მხოლოდ ომის დასრულების შემდგომ. ვიდრე ომი მიდის და რუსეთი ისვრის რაკეტებს უკრაინის ტერიტორიაზე, იქ არავინ არ ჩადგება, ევროპელები, მით უმეტეს. დასრულება დამოკიდებული იყო კომპრომისზე, კომპრომისის მიღწევა კი, როგორც ვხედავთ, ჯერჯერობით შეუძლებელია. რუსეთმა რაც დაიკავა, იმის მიერთებას და დანარჩენი უკრაინის სრულ ნეიტრალიზაციას ითხოვს. ამაზე ცხადია, არ მიდიან, რუსეთის პირობა მიუღებელია. ამიტომაც ომი, ალბათ, იქნება მანამდე, სანამ ერთ-ერთი მხარე სერიოზულად არ ჩამოიშლება”,- აცხადებს შარაშენიძე.კითხვაზე, ,,ამ ყველაფრიდან გამომდინარე, ნატოს პერსპექტივა როგორია? შეიძლება იმის თქმა, რომ მისი ფუნქცია არ ამოწურულა?” – უპასუხა:,,ჯერჯერობით თავის თავს იცავს და მეტი რა უნდა ქნას. პრობლემა ის არის, რომ თავის დროზე ნატოზე მოლოდინი ძალიან გაზარდეს, აი, ნატო დაიცავს იმათაც, ვინც მისი წევრი არ არისო. რეალურად სისულელე გააკეთეს, როცა არ გაქვს შნო, უნდა შეეშვა, ხომ? მოინდომეს რუსეთის დამარცხება, მაგრამ ჯერ ვერ ამარცხებენ და დაიწყეს ვიშვიში, ვაიმე დავიღუპეთ, ნატო იშლებაო. რატომ უნდა დაიშალოს, როცა თავის ფუნქციას ასრულებს, თავის თავს იცავს. ილუზიებში ცხოვრობენ და ყველაფერი ამის ბრალია. მე ნატო-ს ძალიან ბევრ შეხვედრაში მიმიღია მონაწილეობა და შევამჩნიე, რომ ეს ამერიკას ნაკლებად ეხება, მაგრამ ევროპელებს დაეტყოთ გაზარმაცება და პოლიტიკურ პენსიაზე გასვლა. ევროკავშირი ხომ რეალურად ცალკე სამოთხეა, მშვიდად არიან პოლიტიკურ პენსიაზე და ცხოვრებით ტკბებიან. ევროკავშირს ეს პოლიტიკურად ძალიან დაეტყო, დაკარგეს ძველი ფხა, რეალისტურად ვეღარ აღიქვამენ გეოპოლიტიკას.გაიხსენეთ ფონ დერ ლაინის განცხადება, რუსეთი ჩამოიშალა, ჩიპებისთვის სარეცხ მანქანებს შლიანო. ამას რომ ამბობ, საკუთარ თავს ხომ უნდა დაუსვა კითხვა, რუსეთს ამხელა ჩინეთი ჰყავს გვერდზე და ის ვერ მისცემს რუსეთსო? როდესაც ამხელა ეკონომიკური მონსტრი გყავს ჩინეთის სახით, ეს ხომ მიუთითებს პოლიტიკური კლასის დაქვეითებაზე? ყველაფერი აქედან გამომდინარეობს”,- განაცხადა შარაშენიძემ.

1757931988

GSMArena-ზე დაყრდნობით, ბატარეის გაუმჯობესების მიუხედავად, Apple-ის სმარტფონები მნიშვნელოვნად ჩამორჩებიან კონკურენტებს დაცემისადმი მდგრადობის თვალსაზრისით.ამრიგად, ახალი ევროპული ეტიკეტირების სისტემა მოწყობილობებს გამძლეობისა და შეკეთების კლასებს ანიჭებს. სტანდარტიზებული ტესტების შედეგების მიხედვით, iPhone 17 Pro Max-მა მიიღო B კლასის რეიტინგი. ეს ნიშნავს, რომ მას გარანტირებული აქვს 180 ვარდნის გაძლება. მიუხედავად იმისა, რომ ეს ორჯერ უკეთესია, ვიდრე გასული წლის iPhone 16 Pro Max-ის (90 ვარდნა, C კლასი), შედეგი მაინც ჩამორჩება კონკურენტებს.შედარებისთვის, ფლაგმანებმა Samsung Galaxy S25 Ultra-მ და Google Pixel 10 Pro XL-მა მიიღეს ყველაზე მაღალი A კლასი, რადგან გაუძლეს 270 ვარდნას. ეს ნიშნავს, რომ ყოველდღიური გამოყენებისას Apple-ის ფლაგმანი უფრო მგრძნობიარე იქნება დაზიანების მიმართ. თხელმა iPhone Air-მა აჩვენა Pro Max-ის მსგავსი შედეგი - B კლასი (180 ვარდნა).შეკეთების თვალსაზრისით, iPhone 17 ასევე შორს არის ლიდერისგან. ტელეფონს C კლასი მიენიჭა - იგივე, რაც Samsung-ს, მაგრამ უარესი, ვიდრე Pixel (კლასი B).ამავდროულად, ბატარეის ტესტებში iPhone 17 Pro Max-მა აჩვენა შესანიშნავი მახასიათებლები: A კლასი ენერგოეფექტურობისთვის და შთამბეჭდავი 53 საათიანი ბატარეის ხანგრძლივობა, კონკურენტებს უსწრებს. თუმცა, არსებობს ერთი ნიუანსი: iPhone-ის ბატარეა გათვლილია მხოლოდ 1000 დატენვის ციკლისთვის, ხოლო Samsung-ის ბატარეა 2000 ციკლისთვისაა გათვლილი, რაც ორჯერ მეტ ექსპლუატაციის ვადას ნიშნავს.თავად Apple არ ეთანხმება ევროკავშირის ტესტირების მეთოდოლოგიას და ადრეც გამოთქვა მკაცრი კრიტიკა. კომპანია ამტკიცებს, რომ ვარდნისა და შენჯღრევის ტესტების განმარტებები ბუნდოვანია, მათი შედეგების რეპროდუცირება რთულია და ხუთი მოწყობილობის ნიმუში ძალიან მცირეა ობიექტური შეფასებისთვის (Apple მოითხოვს მინიმუმ 30 ერთეულს).

1757928214