აზერბაიჯანის სავალუტო რეზერვები 15.7%-ით გაიზარდა და 90.7697 მილიარდი დოლარი შეადგინა

Testers' Day 2026-მა ერთ სივრცეში გააერთიანა ყველა, ვინც გლობალური და ადგილობრივი ტექნოლოგიების მომავალს ქმნის. ღონისძიება ტრადიციულად აერთიანებს QA ინჟინრებს და ტექ-ლიდერებს. წლევანდელი კონფერენციის ერთ-ერთი მთავარი სიახლე Safety by Design (SbD) პრინციპების წარდგენა გახლდათ.„ლიბერთი, ბაზისბანკ ჯგუფის წევრი, წელსაც შეუერთდა Testers’ International Day-სა და Testing Cup-ს, როგორც ღონისძიების სტრატეგიული პარტნიორი. ჩვენთვის მნიშვნელოვანია იმ პროფესიული გარემოს მხარდაჭერა, რომელიც საქართველოში ტექნოლოგიური სფეროს განვითარებასა და ცოდნის გაზიარებას უწყობს ხელს. ლიბერთის ტექნოლოგიურ გუნდში დღეს დაახლოებით 60 ტესტერი მუშაობს და სწორედ ამიტომ განსაკუთრებულ მნიშვნელობას ვანიჭებთ როგორც ჩვენი თანამშრომლების პროფესიულ განვითარებას, ისე QA პროფესიული community-ის გაძლიერებას. მსგავსი ინიციატივები ხელს უწყობს ცოდნისა და გამოცდილების გაცვლას და თანამედროვე ტექნოლოგიური სტანდარტების დამკვიდრებას. ამასთანავე, აძლიერებს ბანკის, როგორც ტექნოლოგიური მიმართულებით მსხვილი დამსაქმებლის პოზიციონირებას“, - ავთანდილ ყავრელიშვილი, ლიბერთის IT დირექტორის მოადგილე.ბაზისბანკ ჯგუფის შესახებ:2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. იგი ქვეყნის მასშტაბით ყველაზე ფართო ქსელით არის წარმოდგენილი: 500-მდე მომსახურების ცენტრით და 700-მდე ბანკომატით საქართველოს ყველა რეგიონსა და მუნიციპალიტეტში.2026 წლის პირველი ნახევრის მონაცემებით, ბაზისბანკ ჯგუფის აქტივები 12 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9 მლრდ ლარი. ჯგუფის 2026 წლის 6 თვის წმინდა მოგებამ 127 მილიონი ლარი შეადგინა.

1788952895

მისი თქმით, მიუხედავად იმისა, რომ ინფლაცია მიზნობრივ დონეს მნიშვნელოვნად აღემატება, მიმდინარე ინფლაციური წნეხის ძირითადი წყარო კვლავ მიწოდების მხარესაა, რაც მონეტარული პოლიტიკის მხრიდან შედარებით ფრთხილ მიდგომას განაპირობებს.„მიუხედავად იმისა, რომ ინფლაცია მიზნობრივ დონეს აღემატება, მნიშვნელოვანია, თუ საიდან მოდის ეს ინფლაციური წნეხი. ამ ეტაპზე ის ძირითადად მიწოდების მხრიდან მომდინარე ფაქტორებით არის განპირობებული.ახლო აღმოსავლეთში გეოპოლიტიკური დაძაბულობის ხელახალი გამწვავების ფონზე, სექტემბრის დასაწყისში Brent-ის ტიპის ნავთობის ფასი 90 დოლარსაც კი გადააჭარბა. ეს, ბუნებრივია, იმპორტირებული ინფლაციის არხით დამატებით ზეწოლას ახდენს საქართველოში ფასების საერთო დონეზე.ამასთან, ამ ეტაპზე მნიშვნელოვანია, რომ მიწოდების შოკის გავლენა ინფლაციის შედარებით ხისტ კომპონენტებზე ჯერ კიდევ ზომიერია. კერძოდ, აგვისტოში წლიურმა საბაზო ინფლაციამ 3.6%, ხოლო მომსახურების ინფლაციამ 4.4% შეადგინა, რაც მთლიან ინფლაციაზე, 5.6%-ზე, დაბალი მაჩვენებელია.ეს მიუთითებს, რომ, მიუხედავად მიწოდების მხრიდან არსებული შოკებისა, მათი გავლენა ინფლაციურ მოლოდინებზე და, შესაბამისად, მეორე რაუნდის ეფექტებზე, ამ ეტაპზე მნიშვნელოვნად არ გაძლიერებულა. თუმცა, შოკის გახანგრძლივების შემთხვევაში, სწორედ ეს იქნება ერთ-ერთი მთავარი რისკი, რომელსაც მონეტარული პოლიტიკის გადაწყვეტილებებისას ყურადღება უნდა მიექცეს.სწორედ არსებული ფაქტობრივი მონაცემებისა და ინფლაციური რისკების გათვალისწინებით, ეროვნული ბანკი ფრთხილ მიდგომას ინარჩუნებს და მონეტარული პოლიტიკის განაკვეთი უცვლელად, 8.25%-ის დონეზე შეინარჩუნა“, - განაცხადა ლაშა ქავთარაძემ.მისი შეფასებით, მომდევნო პერიოდში მონეტარული პოლიტიკისთვის განსაკუთრებით მნიშვნელოვანი იქნება როგორც გეოპოლიტიკური ესკალაციის ხანგრძლივობა, ისე მისი გავლენა საერთაშორისო ენერგო- და სასურსათო ფასებზე.„შემდგომში მხედველობაში მისაღები იქნება, რამდენ ხანს გაგრძელდება ახლო აღმოსავლეთში განახლებული ესკალაცია და რამდენად ძლიერად აისახება ის საერთაშორისო ენერგო- და სასურსათო ფასებზე. ამასთან, განსაკუთრებული ყურადღება უნდა მიექცეს იმას, თუ რამდენად გადაეცემა მიწოდების მხრიდან მომდინარე შოკი ადგილობრივად წარმოებული საქონლისა და მომსახურების ფასებს და ინფლაციურ მოლოდინებს.მნიშვნელოვანი ფაქტორი იქნება ასევე ფედერალური სარეზერვო სისტემის მომავალი გადაწყვეტილებები. თუ აშშ-ის მონეტარული პოლიტიკა უფრო გამკაცრების მიმართულებით წავიდა, განვითარებად ბაზრებზე კაპიტალის ნაკადებისა და სავალუტო კურსების არხით შესაძლოა დამატებით აქტუალური გახდეს დოლარსა და ლარში საპროცენტო განაკვეთებს შორის არსებული დიფერენციალი და მისი გავლენა ლარში დენომინირებული აქტივების მიმზიდველობაზე“, - აცხადებს ლაშა ქავთარაძე.წყარო - Business Insider Georgia

1788950977

,,ჩვენც რამდენიმე დღის წინ გამოვაქვეყნეთ პუბლიკაცია, სადაც ვამბობდით რომ საბაზო სცენარში ველოდებით, რომ უცვლელი დარჩებოდა პოლიტიკის განაკვეთი, თუმცა აუცილებლად აღსანიშნავია, რომ წინა სხდომასთან შედარებით პოლიტიკის განაკვეთის გამკაცრების არგუმენტებიც შედარებით გაძლიერებული არის. ამის მიუხედავად, რადგან გაურკვევლობა მაღალია მსოფლიო ბაზრებზე და მნიშვნელოვნად შეიძლება შეიცვალოს ვითარება რამდენიმე დღეში, როგორც ეს ვნახეთ მაგალითად წინა თვეში და სექტემბრის დასაწყისშიც მოსალოდნელი იყო, რომ ეროვნული ბანკი დარჩებოდა დაკვირვების რეჟიმში ამიტომ ჩვენი პროგნოზიც იყო 8.25%-ზე უცვლელად განაკვეთის შენარჩუნება”, - განაცხადა ნიკოლოზ ზურაბიშვილმა.ნიკოლოზ ზურაბიშვილი ასევე საუბრობს მეორე რიგის ეფექტების მნიშვნელობაზე, ინფლაციურ მოლოდინებსა და სებ-ის გადაწყვეტილების არგუმენტებზე.,,საერთაშორისო ფაქტორები არის ძალიან მნიშვნელოვანი. გაზრდილია პოლიტიკის განაკვეთის გამკაცრების არგუმენტები, ეს სწორედ საერთაშორისო ფაქტორებს უკავშირდება. პირველ რიგში აღსანიშნავია, რომ გაზრდილი არის ინფლაციური მოლოდინები და ე.წ მეორე რიგის ეფექტები დანარჩენ მსოფლიოში ძირითადად, განვითარებულ ეკონომიკებს ეხება ეს ნაწილი, მათ შორის, ამერიკის ფედერალურ სააგენტოს სისტემას და ევროპის ცენტრალურ ბანკს. ბაზრები ელოდებიან რომ სექტემბერში ორივე ეს ცენტრალური ბანკი გაამკაცრებს მონეტარული პოლიტიკის განაკვეთს სწორედ ამ მეორე რიგის ეფექტების გამო და ეს მეორე რიგის ეფექტები იყო ერთ-ერთი ძირითადი არგუმენტი, რომელიც ეროვნულმა ბანკმა ახსენა მაისში როცა გაზარდა პოლიტიკის განაკვეთი. საქართველოში ჯერ-ჯერობით არ არის გამოხატული ეს მეორე რიგის ეფექტები.ძირითადად, იმპორტული ინფლაცია არის ინფლაციის წარმმართველი წარმმართველი კომპონენტი. ამის გამო არის სწორედ რომ ჩვენი პროგნოზი იყო პოლიტიკის განაკვეთის უცვლელად შენარჩუნება. ასევე, რომ შევხედოთ ინფლაციის დინამიკას ანუ ტოპ ხუთ პროდუქტს დღეს არის ბენზინი, დიზელი, ელექტროენერგიის ტარიფი, პურის ფასი და ძროხის ხორცის ფასი. ამ ხუთ პროდუქტზე მოდიოდა აგვისტოში წლიური ინფლაციის დაახლოებით ნახევარი - 45%.შესაბამისად, ინფლაციული ზეწოლა არის მეტად კონცენტრირებული, არ არის ფართოდ გავრცელებული საქონელსა და მომსახურებაში და ამ ეფექტების დიდი ნაწილი ან ამოიწურება წელს და მომავალი წლის დასაწყისში მაგალითად, პურის ფასის და ელექტროენერგიის ტარიფის შემთხვევაში ან საწვავის შემთხვევაში, მაშინ როცა დასტაბილურდება ახლო აღმოსავლეთში მდგომარეობა. ამიტომ პროგნოზი გვაქვს რომ ინფლაცია შენელდება მომავალ წელს, წელს არ ველოდებით მნიშვნელოვან შენელებას და მოგეხსენებათ რომ მონეტარული პოლიტიკა გარკვეული დაგვიანებით გადაეცემა ეკონომიკას ამიტომ პროგნოზი უფრო მნიშვნელოვანია გადაწყვეტილებისთვის, ვიდრე მიმდინარე დინამიკა და თუ პროგნოზი არის შენელების მოსალოდნელი არის რომ ეროვნულს ბანკს ექნება მომავალ წელს უკვე პოლიტიკის განაკვეთის შემცირების სივრცე, მაგრამ წელს როგორც გითხარით მნიშვნელოვან შენელებას არ ველოდებით ინფლაციის, ამიტომ ველოდებით რომ უცვლელი დარჩება პოლიტიკის განაკვეთის სხვა თანაბარ პირობებში, მაგრამ თუ დამატებითი ესკალაცია იქნა საერთაშორისო ბაზრებზე და ეს მეორე რიგის ეფექტები საქართველოშიც გამოიკვეთა ანუ მაგალითად ადგილობრივი ინფლაცია გაიზარდა, რაც ამჯერად ჯერ-ჯერობით ასე არ არის, მაშინ ეს შეიძლება დამატებით გამკაცრების არგუმენტი გახდეს”, - აღნიშნა ნიკოლოზ ზურაბიშვილმა.წყარო - Business Insider Georgia

1788950803

მისი შეფასებით, საერთაშორისო ბაზრებზე მიმდინარე პროცესები საქართველოს ეკონომიკასაც გადმოეცემა და აგვისტოში წლიურმა ინფლაციამ 5.6 პროცენტი შეადგინა. ინფლაციის მიზნობრივი 3 პროცენტიანი მაჩვენებლიდან გადახრას, ძირითადად, მიწოდების მხრიდან მოქმედი შოკები, მათ შორის ენერგორესურსების ფასების ზრდა განაპირობებს.„მნიშვნელოვანია ის, რომ მიწოდების შოკმა არ გაზარდოს ინფლაციური მოლოდინები. ამ მხრივ, ერთ-ერთი მნიშვნელოვანი ინდიკატორი - საბაზო ინფლაცია - აგვისტოს მდგომარეობით 3.6% იყო, რაც მიუთითებს იმაზე, რომ ეს გავლენა ჯერ კიდევ ზომიერი რჩება“, - აღნიშნა თამთა სოფრომაძემ.ეროვნული ბანკის შეფასებით, ინფლაციის მიმდინარე დინამიკა ცენტრალური პროგნოზის შესაბამისია. არსებული სცენარის მიხედვით, 2026 წელს საშუალო წლიური ინფლაცია 5.2 პროცენტის ფარგლებში იქნება, ხოლო საშუალოვადიან პერიოდში ინფლაცია ეტაპობრივად დაუბრუნდება 3 პროცენტიან მიზნობრივ მაჩვენებელს.ამასთან, ეკონომიკური აქტივობა კვლავ მაღალ დონეზე ნარჩუნდება. წინასწარი მონაცემებით, 2026 წლის ივლისში ეკონომიკურმა ზრდამ 8.0 პროცენტი, ხოლო წლის პირველ შვიდ თვეში საშუალოდ 7.9 პროცენტი შეადგინა.„მონეტარული პოლიტიკის კომიტეტმა მიზანშეწონილად მიიჩნია ზომიერად გამკაცრებული მონეტარული პოლიტიკის შენარჩუნება, რომლის მიზანიც არის, რომ მას შემდეგ, რაც საგარეო ფაქტორების გავლენა ამოიწურება, ინფლაცია სწრაფად დაუბრუნდეს 3%-იან მიზნობრივ მაჩვენებელს“, - აღნიშნა თამთა სოფრომაძემ.ეროვნული ბანკის ინფორმაციით, მარეგულირებელი აქტიურად გააგრძელებს მიმდინარე მოვლენებისა და მათი ადგილობრივ ეკონომიკაზე გადმოცემის ინტენსივობის მონიტორინგს. გახანგრძლივებული მიწოდების შოკის შედეგად ინფლაციურ მოლოდინებზე ზეწოლის გაძლიერების შემთხვევაში, მონეტარული პოლიტიკის განაკვეთის ზომიერი ზრდა შესაძლოა გაგრძელდეს, ხოლო ინფლაციური შოკის ამოწურვის შემდეგ სები ეტაპობრივად დაიწყებს პოლიტიკის ნორმალიზებას.საქართველოს ეროვნულმა ბანკმა მონეტარული პოლიტიკის განაკვეთის უცვლელად, 8.25 პროცენტზე შენარჩუნების გადაწყვეტილება მონეტარული პოლიტიკის კომიტეტის 9 სექტემბრის სხდომაზე მიიღო.მონეტარული პოლიტიკის კომიტეტის შემდეგი სხდომა 2026 წლის 21 ოქტომბერს არის ჩანიშნული.

1788948216

ღონისძიებაზე მონაწილეებმა სარკინიგზო სფეროში მოქმედი საერთაშორისო სამართლებრივი დოკუმენტების იმპლემენტაციაზე, ახალი ტექნოლოგიების დანერგვასა და სახელმწიფო მარეგულირებელ უწყებებსა და სარკინიგზო კომპანიებს შორის თანამშრომლობის გაძლიერებაზე იმსჯელეს.განსაკუთრებული ყურადღება დაეთმო საერთაშორისო სარკინიგზო გადაზიდვების მონაწილეებს შორის ელექტრონული მონაცემების ურთიერთგაცვლისა და ამ ტიპის გადაზიდვების შემდგომ დიგიტალიზაციის, საბაჟო და სასაზღვრო კონტროლის ეფექტიანობის გაზრდისა და შესაბამისი პროცედურების გამარტივების საკითხებს.დელეგაციის წევრებმა საერთაშორისო სარკინიგზო გადაზიდვებისას საბაჟო პროცედურების განხორციელების მიმართულებით, ერთმანეთს გამოცდილება გაუზიარეს და საბაჟო და სასაზღვრო კონტროლის პროცესში ახალი ტექნოლოგიების დანერგვისა და გამოყენების შესაძლებლობები განიხილეს.ღონისძიებაში UN ESCAP-ისა და OSJD-ის წევრი 18 სახელმწიფოს 80-ზე მეტი წარმომადგენელი, მათ შორის სახელმწიფო უწყებების, სარკინიგზო კომპანიებისა და შესაბამისი ორგანიზაციების წარმომადგენლები მონაწილეობდნენ.შეხვედრა რკინიგზების თანამშრომლობის ორგანიზაციისა (OSJD) და გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) ეგიდით გაიმართა.

1788948160

გახანგრძლივებული უძრავი ქონების კრიზისისა და მომხმარებელთა აქტივობის შემცირების გამო, შიდა გაყიდვები წლიდან დღემდე 20%-ზე მეტით შემცირდა. ავტომწარმოებლებს შორის ფასების ომმა ინდუსტრიის მოგებიანობა 3.6%-მდე შეამცირა.შიდა ვარდნის კომპენსაციის მიზნით, ჩინელმა ავტომწარმოებლებმა ყურადღება საზღვარგარეთ გაფართოებაზე გაამახვილეს:ექსპორტის ფეთქებადი ზრდა: ჩინეთის ავტომობილების ექსპორტი აგვისტოში 78%-ით გაიზარდა და 888,000 ერთეულს მიაღწია, ხოლო საზღვარგარეთ გადაზიდვების წილი მთლიან გაყიდვებში 38%-მდე გაიზარდა.ბაზრის ლიდერები: BYD-მ შეინარჩუნა ახალი ენერგიის მქონე ავტომობილების (NEV) უმსხვილესი ექსპორტიორის სტატუსი, საზღვარგარეთ 184,000-ზე მეტი ერთეულის გადაზიდვით და წლიური სამიზნე 2 მილიონ ერთეულამდე გაზარდა.Tesla-ს შანხაის ქარხანაში წარმოებული 86,000 ელექტრომობილიდან 36,000 საზღვარგარეთის ბაზრებზე გაიგზავნა.

1788947966