თიბისის და საქართველოს ბანკის აქციებმა 3%–ზე მეტი დაკარგეს

ღონისძიებაზე სიტყვით წარდგნენ საქართველოს ეროვნული ბანკის პრეზიდენტის მოვალეობის შემსრულებელი და პირველი ვიცე-პრეზიდენტი ნათია თურნავა, ეკონომიკისა და მდგრადი განვითარების მინისტრის მოადგილე ვახტანგ ცინცაძე, სემეკის თავმჯდომარე დავით ნარმანია. ენერგეტიკის სექტორის შესახებ კვლევის შედეგების პრეზენტაციას ესწრებოდნენ ენერგეტიკისა და საბანკო სექტორის წარმომადგენლები, დარგის ექსპერტები.დავით ნარმანიამ სიტყვით გამოსვლისას ყურადღება გაამახვილა ეროვნული ბანკის მიერ წარმოებული კვლევის მნიშვნელობაზე და აღნიშნა, რომ ენერგეტიკის სექტორის განვითარებისათვის, არსებული გამოწვევების უკეთ იდენტიფიცირებისათვის აუცილებელია კვლევების  ჩატარება. „მისასალმებელია, რომ მზარდია საბანკო სექტორის მიერ ენერგეტიკის სექტორით დაინტერესება, რაც მნიშვნელოვნად უწყობს ხელს დარგის განვითარებასა და სხვადასხვა პროექტის წახალისებას. საქართველოს ეროვნული ბანკის მიერ ჩატარებული კვლევა მოიცავს ენერგეტიკის სექტორში განხორციელებული პროექტების, არსებული გამოწვევებისა და  ფინანსური მაჩვენებლების ანალიზს. გარდა ადგილობრივი ბაზრის მახასიათებლებისა, კვლევაში მოცემულია სხვა ქვეყნების ენერგეტიკის სექტორების შედარებითი ანალიზი საქართველოს ენერგეტიკულ ბაზართან.აღსანიშნავია, რომ სემეკსა და ეროვნულ ბანკს შორის გაფორმდა ურთიერთთანამშრომლობის მემორანდუმი, რაც არის იმის წინაპირობა, რომ ორ უწყებას შორის თანამშრომლობა კიდევ უფრო გაღრმავდება და გაძლიერდება“, - აღნიშნა დავით ნარმანიამ. 

1714459870

შეთანხმებას ხელი მოაწერეს სემეკის თავმჯდომარემ, დავით ნარმანიამ და საქართველოს ეროვნული ბანკის პრეზიდენტის მოვალეობის შემსრულებელმა,  პირველმა ვიცე-პრეზიდენტმა, ნათია თურნავამ.ურთიერთთანამშრომლობის მემორანდუმის მიზანს წარმოადგენს ელექტროენერგიის, ბუნებრივი გაზისა და წყალმომარაგების სფეროებში სატარიფო რეგულირების ხარისხის განვითარების ხელშეწყობისათვის საფინანსო სექტორში არსებული სტატისტიკური და სხვა ინფორმაციის გაცვლა, კონსულტაციების გაწევა, ერთობლივი პროექტების განხორციელება. 

1714393878

საქართველოს ეროვნული ბანკის სტატისტიკის მიხედვით, ყველაზე მნიშვნელოვანი ცვლილება ეროვნულ ვალუტაში გაცემულ სესხებზე ფიქსირდება. გასული წლის მარტში საპროცენტო განაკვეთი 16,71 იყო, დღეის მონაცემებით კი 1,44 პროცენტული პუნქტით არის შემცირებული და 15,13%-ს შეადგენს. მარტში განსაკუთრებული ცვლილება იურიდიულ პირებზე გაცემულ სესხებზე ფიქსირდება - ერთწლიან ინტერვალში სესხები 14.07%-დან 11.91%-მდე შემცირდა, ერთთვიან პერიოდში კი 12.27%-დან 11,91%-მდე.სესხი გაუიაფდათ ფიზიკურ პირებსაც. ლარში აღებულ სესხზე საპროცენტო განაკვეთები წლიურად 1,01% შემცირდა, თვის განმავლობაში კი 0,17%-ით. კერძოდ, 2023 წლის მარტში ლარში აღებულ სესხებზე საპროცენტო განაკვეთი შეადგენდა 18.48%-ს, წელს მარტში - 17.47%-ს, 2024 წლის თებერვალში კი 17.64%-ს.რაც შეეხება სესხებს უცხოურ ვალუტაში, წლის განმავლობაში კლების ნაცვლად, მართალია მცირედით, მაგრამ ზრდა დაფიქსირდა. თუ 2023 წლის მარტში განაკვეთი 8,43%-ს შეადგენდა, დღეს უკვე საპროცენტო განაკვეთის სიდიდე 8,65 ნიშნულს შეადგენს. ზრდა ასევე ფიქსირდება თებერვალთან შედარებით, როდესაც საშუალო განაკვეთი 8,57%-ს შეადგენდა.

1714391322

„პოლარიზაციის გაღრმავება ქვეყანაში ყოველთვის იყო და იქნება ქართველი ბიზნესმენების ბუნებრივი შეშფოთების საგანი, რადგან მუდმივი რყევები და დაძაბულობა საზოგადოებაში არაპროგნოზირებადს ხდის ბიზნეს გარემოს. ეს კი შემაფერხებელია ნებისმიერი ინვესტორისთვის და შესაბამისად, ნიშნავს ნაკლებ ინვესტიციას, ნაკლებ სამუშაო ადგილს და ნაკლებ ბიუჯეტს სოციალური პროგრამებისთვის.სიტყვის თავისუფლება დემოკრატიის ქვაკუთხედია და არავინ შეიძლება იყოს მიტინგების და ცხარე დებატების წინააღმდეგი. მაგრამ, ქვეყნისთვის და ბიზნესისთვისაც დამაზიანებელია ის, რომ წლებია დაპირისპირებამ საზოგადოებაში შეიძინა შეურიგებელი ხასიათი, შეწყდა დიალოგი მხარეებს შორის, გაბატონებულია სიძულვილის ენა, ხდება ერთმანეთის სტიგმატიზაცია, გაუცხოება და საერთო საქვეყნო თემებზე ერთად მუშაობის იგნორირება. ეს აბრკოლებს ჩვენს სწრაფვას ევროპისკენ, რადგან ევროპა და ევროპული ღირებულებები, უპირველესად, განსხვავებული აზრების შეჯერებით განვითარებისა და წინსვლის  ხელოვნებაა.ჩემს მიერ დაფუძნებულმა "სმარტ კაპიტალის" ჯგუფმა, როგორც  სოციალურად პასუხისმგებლიანმა  ბიზნესმა,2012 წლიდან, როცა ბიზნესის კეთება საქართველოში თავისუფალი გახდა, ქვეყანაში განახორცილა ათეულ მილიონობით ლარის ინვესტიცია და დაასაქმა ათასობით ადამიანი. ეს წლები ასევე განუხრელად ვზრდიდით შენატანებს ბიუჯეტში და პარალელურად ვახორციელებდით სოციალურ პროგრამებს ქართული იდენტობის განმსაზღვრელი, ტრადიციული გალობისა და სიმღერის მხარდაჭერის, სმენადაქვეითებული მოზარდების ხელშეწყობის, ახალგაზრდებში ჯანსაღი ცხოვრების წესის დამკვიდრების და სხვა მიმართულებებით. მაგრამ ჩვენი წარმატების მთავარი პირობა მაინც ისაა, რომ ჩვენი ბიზნეს ჯგუფის საქმიანობა ყოველთვის იყო და არის ღია და გამჭვირვალე.მსოფლიოს დიდი ოთხეულის აუდიტორული კომპანიები ყოველწლიურად აქვეყნებენ ანგარიშს კომპანიის საქმიანობასა და ფინანსებზე, რომელიც  საჯაროა და გადამწყვეტი ფაქტორია ევროპელი პარტნიორებისათვის "სმარტ კაპიტალთან" სათანამშრომლოდ. ასე მუშაობს მსოფლიო ბიზნესი, განსაკუთრებით კი ევროპული, როგორც ერთიანი დემოკრატიული სისტემის შემადგენელი ნაწილი. ამ თვალსაზრისით, "უცხოური გავლენების გამჭვირვალობის შესახებ" კანონპროექტის განხილვის შეურიგებლად პოლარიზებული გარემო სცილდება თვითონ  დავის არსს. გამჭვირვალობას არ აქვს და არც შეიძლება ჰქონდეს ალტერნატივა, რადგან მისი ალტერნატივა არის  გაუმჭვირვალობა.ქართული ბიზნესი ევროპულია, მუშაობს ევროპულად და მას არაფერი აქვს  ქართველი ხალხისგან დასამალი, არც მთავრობას და  არასამთავრობო სექტორს არ შეიძლება ჰქონდეს რაიმე დასამალი ქართველი ხალხისგან. აქსიომაა, რომ პოლიტიკოსებმა თავიანთი საქმე უნდა აკეთონ, ბიზნესმენებმა თავიანთი და არასამთავრობოებმა თავიანი, მაგრამ თითოეულის საქმიანობა რომ უნდა იყოს ღია და გამჭვირვალე, ესეც აქსიომაა. ეს ევროპული უნივერსალური ღირებულება და ბერკეტია, რითაც ხდება ქვეყნების დემოკრატიული მართვა და რისკების აცილება. ჩვენს შემთხვევაში კი რისკები, გეოპოლიტიკური მდგომარეობიდან გამომდინარე, არის სერიოზული. ამიტომ, ვერაფერს ვხედავთ არადემოკრატიული და არა ევროპულს იმაში, რომქართველმა ხალხმა  იცოდეს ქვეყანაში შემოსული თითოეული ცენტის დანიშნულება. სხვა თუ არაფერი, ეს ნებისმიერ ევროპულ და ცივილიზებულ ქვეყანაში ფინანსების აღრიცხვისა და ანგარიშგების უპირველესი და ელემენტარული მოთხოვნაა.ბიზნესი და ეკონომიკა არ უნდა გახდეს პოლიტიკური დებატების მძევალი და საზოგადოებრივმა დაძაბულობამ კითხვის ნიშნის ქვეშ არ უნდა დააყენოს ყველა ის დადებითი ტენდენცია, რაც ბოლო წლებში იქნა მიღწეული.  2012 წლიდან  საქართველოს ეკონომიკა გახდა მდგრადი და განუხრელად იზრდება, რაშიც უდიდესი წვლილი ბიზნეს წრეებს შეაქვთ. ბიზნესი გათავისუფლდა რეკეტისგან, ბიუროკრატიული წნეხისა და კორუფციისგან, რასაც ადასტურებს არაერთი საერთაშორისო ინსტიტუტის კვლევა, ანალიზი და სტატისტიკა. მისასალმებელია  ისიც, რომ ხელისუფლების კარები ღიაა ბიზნესისთვის, რაც მთავრობის მხრიდან ბიზნესმენთა ინიციატივების მხარდაჭერასა და ხელსაყრელ საკანონმდებლო გარემოზე ერთად მუშაობაში ვლინდება, ბიზნესის განვითარებისა და ექსპორტის წამახალისებელი პროგრამების განხორციელებაში გამოიხატება. ვერ ვიხსენებ მთავრობის ვერცერთ მეტ-ნაკლებად მნიშვნელოვან ინიციატივას, რომელიც ბიზნესს ეხებოდა და ოფიციალურ მიღებამდე ბიზნესმენებთან არ ყოფილიყო განხილული.ჩვენთვის მნიშვნელოვანია, რომ მთავრობა სიტყვითაც და საქმითაც ყველაფერს აკეთებს  ჩვენი ისტორიული ევროპული არჩევანის გასაძლიერებლად. ფაქტია, რომ მათი  მმართველობის დროს მოხდა ევროკავშირთან ასოცირების ხელშეკრულების დადება, ვიზალიბერალიზაცია, თავისუფალი ვაჭრობის რეჟიმის ამოქმედება და ევროკავშირის კანდიდატობის მიღება.  დარწმუნებულები ვართ ასევე, რომ უმოკლესი გზა ევროკავშირის წევრობისკენ, ეს ჩვენი სუვერენიტეტის განტკიცებაა. ეს ასევე არის უმოკლესი გზა ჩვენი ბიზნესის გაძლიერებისკენ, დასაქმების გაზრდისკენ და კეთილდღეობისკენ, რის გარეშეც, უბრალოდ ვერ გავხდებით ევროპის  სრულფასოვანი პარტნიორი. ევროკავშირის დიდი ოჯახის წევრობა ნიშნავს: მშვიდობას, სტაბილურობას და რა თქმა უნდა, ღიად და გამჭვირვალედ საქვეყნო საქმეების ერთად კეთებას", - აცხადებს ვანო ჩხარტიშვილი.

1714389716

როგორც ილია წულაია სოციალურ ქსელში "რუსულ კანონთან" დაკავშირებით წერს, ევროპის ერთ-ერთი მთავარი ღირებულება სწორედ გამჭვირვალობაა. ბიზნესმენი აღნიშნავს, რომ დარწმუნებულია, ქვეყანა გააგრძელებს პროგრესს ევროკავშირში გაწევრიანების მიზნის მისაღწევად."მე, როგორც არქის დამფუძნებელი და ქართული ბიზნესის წარმომადგენელი, ვფიქრობ საჭიროებაა იმისა, რომ დავაფიქსირო ჩემი შეხედულება ქვეყანაში მიმდინარე მოვლენებთან დაკავშირებით.პირველ რიგში აღვნიშნავ, რომ ევროპა და ევროპული ღირებულებები პირადად ჩემი და ჩვენი ქვეყნის უალტერნატივო არჩევანია.ქართველი ხალხის აბსოლუტური უმრავლესობის მიზანია გახდეს ევროპის დიდი ოჯახის ნაწილი, რის მისაღწევადაც, ქართველ ხალხთან ერთად, სწორედ დღევანდელი ხელისუფლების მიერ გადაიდგა არაერთი უმნიშვნელოვანესი ნაბიჯი: ასოცირების შეთანხმების გაფორმება, ვიზალიბერალიზაცია, ევროკავშირში გაწევრიანების კანდიდატის სტატუსის მიღება.მე დარწმუნებული ვარ, რომ ჩვენი ქვეყანა - ქართველი ხალხი, ხელისუფლება გააგრძელებს პროგრესს ამ გზაზე და ერთად მივაღწევთ საბოლოო მიზანს - ევროკავშირში გაწევრიანებას!ასევე, მიუხედავად იმისა ხარ თუ არა დღევანდელი ხელისუფლების მხარდამჭერი, ერთი ძალიან მნიშვნელოვანი ფაქტი ყველასთვის ნათელი უნდა იყოს - 2012 წელს საქართველოში ხელისუფლების ცვლილების შემდეგ, ბიზნესისადმი მიდგომა რადიკალურად შეიცვალა, ჩამოყალიბდა ბიზნესის კეთებისთვის თავისუფალი და უსაფრთხო გარემო, მეწარმეებს შესაძლებლობა აქვთ გაზარდონ საკუთარი ბიზნესი და შექმნან ახალი სამუშაო ადგილები. შედეგად მივიღეთ სტაბილური და რაც მთავარია სწრაფი ტემპით მზარდი ეკონომიკა, რაც თითოეული მოქალაქის კეთილდღეობაზე აისახება.რაც შეეხება დღევანდელი აჟიოტაჟის თემას, გამჭვირვალობის კანონს, თითოეული ჩვენგანისთვის ცნობილია, რომ ევროპის ერთ-ერთი მთავარი ღირებულება სწორედ გამჭვირვალობა და კარგი მმართველობაა (Good Governance). ეს არის ძალიან მნიშვნელოვანი როგორც საჯარო, ისე კერძო სექტორისთვის. შეიძლება ითქვას, რომ დღეს საქართველოში ბიზნესი გამჭვირვალეა, მათ შორის საგადასახადო და ინვესტიციების წარმომავლობის კუთხით. ჩემი ღრმა რწმენით, ასევე მნიშვნელოვანია გამჭვირვალობა ნებისმიერ სხვა სექტორში, მათ შორის არასამთავრობო სექტორში.კარგად მოგეხსენებათ, რომ სწორედ ადგილობრივი რამდენიმე არასამთავრობო ორგანიზაციის უცხოური (დიდი ალბათობით ჩრდილოეთიდან) გაუმჭვირვალე დაფინანსებით მოხდა ხელოვნური აქციების გამართვა და არაერთი სტრატეგიული პროექტის განხორციელების შეფერხება (მათ შორის ნამახვანის ჰესი), რამაც უდიდესი ზიანი მიაყენა ჩვენს ქვეყანას და ქართველ ხალხს.ბოლოს, მინდა აღვნიშნო, რომ ჩვენი ვალია, არ მივცეთ ქვეყნის არაკეთილმოსურნეებს სიტუაციის არევის საშუალება და მშვიდობა და განვითარება შევინარჩუნოთ! დარწმუნებული ვარ, ბრძენი ქართველი ხალხი კიდევ ერთხელ იტყვის საკუთარ სიტყვას სიმშვიდის შენარჩუნების, საქართველოს განვითარების და ევროინტეგრაციის საქმეში!",- წერს ილია წულაია.

1714389541

კერძოდ, საქართველოს ბანკის ჯგუფის (BGEO LN) აქციები დაიხურა 53.60 ბრიტანულ ფუნტ სტერლინგში (GBP), +10.86%  წინა კვირასთან შედარებით და +9.28% გასულ თვესთან შედარებით. მათივე მტკიცებით, ვაჭრობის მოცულობამ 463 ათას აქციაზე მეტი შეადგინა, GBP 48.30 - 53.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 59 ათასი აქცია შეადგინა.თიბისი ბანკის ჯგუფის:გალტ & თაგარტის ინფორმაციით, (TBCG LN)  აქციები დაიხურა 34.50 ბრიტანულ ფუნტ სტერლინგში (GBP), +12.56% წინა კვირასთან შედარებით და +9.00% გასულ თვესთან შედარებით. ვაჭრობის მოცულობამ 329 ათას აქციაზე მეტი შეადგინა, GBP 30.65 - 34.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 56 ათასი აქცია შეადგინა.Georgia Capital-ის:(CGEO LN)  აქციები დაიხურა 13.32  ბრიტანულ ფუნტ სტერლინგში (GBP), +3.26% წინა კვირასთან შედარებით და +1.06% გასულ თვესთან შედარებით. ვაჭრობის მოცულობამ 124 ათას აქციაზე მეტი შეადგინა, GBP 12.78 - 13.40 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 33 ათასი აქცია შეადგინა.

1714383156