"ჩვენ მზად ვართ იმისთვისაც, რომ მონეტარული პოლიტიკა გავამკაცროთ, თუმცა დავაკვირდებით როგორ განვითარდება მოვლენები"

ბექა ციცქიშვილი, „თეგეტა ჰოლდინგის“ უფროსი ტექნოლოგიების ოფიცერი: „თუ წარსულში კონკურენცია პროდუქტის ხარისხსა და ფასზე მიმდინარეობდა, ახლა თამაშის წესებს მონაცემებზე დაფუძნებული გადაწყვეტილებები, მომხმარებლის პერსონალიზებული ციფრული გამოცდილება, პროგნოზირებადი სერვისი და სრულად ინტეგრირებული ციფრული ეკოსისტემები განსაზღვრავს. წარმატებას აღწევს ის ორგანიზაცია, რომელიც ტექნოლოგიას არ განიხილავს, როგორც მხარდამჭერ ფუნქციას, არამედ იყენებს მას, როგორც ზრდის, ეფექტიანობისა და ახალი ბიზნესმოდელების მთავარ მამოძრავებელს. ჩვენ ამ ტრანსფორმაციის ტალღას კი არ მივყვებით, არამედ ხშირ შემთხვევაში მას თავად ვქმნით“.აღნიშნულ გზაზე „თეგეტა ჰოლდინგის“ ერთ-ერთი ყველაზე მასშტაბური პროექტი 2026 წლისთვის SAP S/4HANA-ზე სრულად გადასვლაა. როგორც კომპანიაში განმარტავენ, ეს მხოლოდ სისტემის განახლება ან ტექნიკური მიგრაცია კი არ არის, არამედ ოპერაციული ხერხემლის გაძლიერებაა, რომელსაც „თეგეტას“ ყველა სხვა ციფრული პროდუქტი და ინიციატივა ეყრდნობა.„ჩვენ შეგნებულად ავირჩიეთ განსხვავებული მიდგომა ტიპური „ტექნიკური მიგრაციისგან“. ჩვენი მთავარი პრიორიტეტი არ ყოფილა მხოლოდ სწრაფი გადატანა, ჩვენი პრიორიტეტია ბიზნესპროცესების საფუძვლიანი რესტრუქტურიზაცია და მათი შესაბამისობაში მოყვანა საუკეთესო საერთაშორისო პრაქტიკებთან“, - განმარტავს ბექა ციცქიშვილი.პროექტის ფარგლებში, ჰოლდინგმა აქცენტი ბიზნესპროცესების საფუძვლიან გადახედვასა და მათ საერთაშორისო საუკეთესო პრაქტიკებთან შესაბამისობაში მოყვანაზე გააკეთა. უკვე რესტრუქტურიზებულია, დაახლოებით, 130 ბიზნესპროცესი, რაც იმას ნიშნავს, რომ ახალ სისტემაში ისტორიულად დაგროვილი მოდელები ავტომატურად არ გადადის, პირიქით, ყალიბდება ოპტიმიზებული, სტანდარტიზებული და მასშტაბირებადი ოპერაციული არქიტექტურა, რომელიც კომპანიის გრძელვადიან ზრდას უნდა დაედოს საფუძვლად.„თეგეტას“ ციფრული ტრანსფორმაციის ერთ-ერთი ყველაზე თვალსაჩინო შედეგი Tegeta App-ია, რომელიც მომხმარებლისთვის ავტომობილზე ზრუნვის სრულ ციფრულ გამოცდილებას ქმნის. ამ პლატფორმიდან შესაძლებელია ავტომობილის სერვისის ისტორიის, დაგეგმილი თუ პროაქტიური საჭიროებების ნახვა, ნაწილების შეკვეთა, სერვისცენტრში ვიზიტის დაჯავშნა და ავტომობილის მდგომარეობის კონტროლი.„ეს არ არის უბრალოდ აპლიკაცია. ეს არის ჩვენი ყველა სერვისის ერთიანი ციფრული შეხების წერტილი. მანქანის მოვლასთან დაკავშირებული საკითხები, პერსონალიზებული შეთავაზებები, ლოიალობის პროგრამა - ეს ყველაფერი App-ის მეშვეობით ერთიან ციფრულ გამოცდილებას ქმნის. მომდევნო ეტაპზე იგეგმება Tegeta App-ის ინტელექტუალიზაცია, რაც AI-ზე დაფუძნებული ვირტუალური ასისტენტის დახმარებით მომხმარებლისთვის ავტომობილის საჭიროებებსა და შესაბამის შეთავაზებებზე ინფორმაციის პროაქტიურად მიწოდებას უზრუნველყოფს“, - განმარტავს ბექა ციცქიშვილი.ციფრული ეკოსისტემის საფუძველი მონაცემთა ცენტრალიზაციაა. „თეგეტამ“ შექმნა Data Warehouse, რომელიც სხვადასხვა სისტემაში მიმოფანტულ მონაცემებს ერთ პლატფორმაზე აერთიანებს და მათ ოპერაციულ გამოყენებას უზრუნველყოფს. შედეგად, თანამშრომელს შეუძლია, ანალიტიკური კითხვა AI აგენტს სიტყვიერად დაუსვას და პასუხი წამებში მიიღოს - პროცესი, რასაც ადრე რამდენიმე დღე სჭირდებოდა.კომპანიის ციფრული ევოლუციის გზაზე მნიშვნელოვანი ადგილი უკავია ხელოვნურ ინტელექტს, რომელიც „თეგეტას“ ოპერაციული მოდელის ნაწილია. კომპანიამ უკვე დანერგა AI პროდუქტები, რომლებიც თანამშრომლებისთვის ოპერაციებს ამარტივებს, მომხმარებლებისთვის კი სწრაფ უკუკავშირსა და პერსონალიზებულ მიდგომას უზრუნველყოფს.„თეგეტაში“ გვჯერა, რომ მონაცემებზე დაფუძნებული გადაწყვეტილებები არის ჩვენი მომავალი. ეს არის კომპანიის პირველი, თუმცა ფუნდამენტური ნაბიჯი სრულფასოვანი Data-Driven ორგანიზაციისკენ. მომდევნო წლებში კონკურენტული უპირატესობა აღარ განისაზღვრება მხოლოდ იმით, ვინ იყენებს AI-ს, არამედ იმით - ვინ იყენებს მას უკეთესი ბიზნესშედეგებით. ჩვენთვის AI არის არა ჰაიპი, არამედ გადაწყვეტილებების დაჩქარების, ოპერაციული ეფექტიანობის ზრდისა და მომხმარებლის გამოცდილების რადიკალური გაუმჯობესების ინსტრუმენტი.ჩვენი ხედვის ცენტრში დგას პრინციპი - ტექნოლოგია უნდა აგვარებდეს რეალურ ბიზნესგამოწვევებს, როგორც კლიენტებისთვის, ისე თანამშრომლებისთვის. მისი ღირებულება განისაზღვრება მხოლოდ იმ შედეგით, რომელსაც ქმნის. ჩვენ ვისწრაფვით ავტობიზნესის ლიდერობისკენ - ტექნოლოგიით გაძლიერებული გადაწყვეტილებებით და მონაცემებზე დაფუძნებული მართვით“, - აღნიშნავს „თეგეტა ჰოლდინგის“ უფროსი ტექნოლოგიების ოფიცერი.„თეგეტაში“ ფიქრობენ, რომ ამ გზაზე გადადგმული თითოეული ნაბიჯი მომხმარებლებისთვის ნიშნავს უფრო სწრაფ სერვისს, ნაკლებ ლოდინს, პერსონალიზებულ კომუნიკაციასა და მარტივ, გამჭვირვალე პროცესებს, რაც სწორ დროს სწორ მომსახურებას უზრუნველყოფს. თანამშრომლებისთვის კი მთავარი შედეგი ოპერაციების გამარტივება და გადაწყვეტილებების დაჩქარებაა - ხელით ნაკლები სამუშაო, მეტი ავტომატიზაცია და ანალიტიკურ მონაცემებზე სწრაფი წვდომა, რაც ზრდის პროდუქტიულობას და ამცირებს საოპერაციო ხარჯებს.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1775559720

მისივე ინფორმაციით, ძალიან ღირებულია ის ტექნიკური დახმარება და რეკომენდაციები, რომელსაც სავალუტო ფონდი გვიზიარებს."ჯამში 10-ზე მეტი სხვადასხვა ტიპის ტექნიკური დახმარების მისია არსებობს. ასევე, რეგულარული მეოთხე მუხლის მიმოხილვა ყოველწლიურად, რომელიც საშუალებას გვაძლევს ვიმუშაოთ საკმაოდ სიღრმისეულად ქვეყანაში არსებულ პრიორიტეტებთან მიმართებაში.გარდა ამისა, არის მნიშვნელოვანი მიმართულებები, რომელიც მოიცავს მათ შორის, ეროვნული ბანკის და მთავრობის მიმართულებით რეფორმებს. მაგალითად, სახელმწიფო საწარმოების რეფორმა. ამ მიმართულებით ჩვენ ვიღებთ ყველა იმ სიკეთეს, რაც შესაძლებელია ქვეყანამ მიიღოს ტექნიკური ექსპერტიზის კუთხით. ძალიან ღირებულია ის ტექნიკური დახმარება და რეკომენდაციები, რომელსაც სავალუტო ფონდი გვიზიარებს. ეს არის პროცესი, რომელშიც სრულად არის ჩართული ფონდი და მომავალში გაცხადებულია, რომ ფონდი სრულად ჩაერთვება ამ რეფორმის განხორციელებაში. ჩვენ შეჯერებული ვართ, რომ რეფორმებთან მიმართებაში საერთაშორისო სავალუტო ფონდს მხარდაჭერის საკმაოდ აქტიური პოზიცია აქვს გამოხატული და იმედი მაქვს, რომ ურთიერთობა ამ მიმართულებით გაგრძელდება.ასევე, პროგრამასთან მიმართებაში არაერთხელ იქნა გაცხადებული, რომ ფონდი მზად არის ჩვენთან ნებისმიერ ფორმატში თანამშრომლობის იქიდან გამომდინარე თუ რა საჭიროებები ექნება ქვეყანას. დასაფასებელია, რომ ფონდს არა მხოლოდ მიმდინარე პროგრამებთან დაკავშირებით ძალიან აქტიური თანამშრომლობა აქვს საქართველოსთან, არამედ ასევე, აქვს მზაობა, რომ თუ პროგრამის საჭიროება იქნება - ასეთის მოთხოვნის შემთხვევაში განხორციელდება. თანამშრომლობა საკმაოდ აქტიურია”, - აცხადებს ლაშა ხუციშვილი.

1775556060

დღეს ეროვნულ ბანკში საერთაშორისო სავალუტო ფონდის მისიის ხელმძღვანელმა, ეროვნული ბანკის პრეზიდენტთან და საქართველოს ფინანსთა მინისტრთან ერთად, პრესკონფერენცია გამართა.მისიის დასასრულს გამართულ პრესკონფერენციაზე ჰაჟდენბერგმა განაცხადა, რომ გონივრული მაკროეკონომიკური მართვისა და პოლიტიკის საფუძველზე, საქართველოს ეკონომიკური შედეგები მყარია.„გონივრული მაკროეკონომიკური მართვისა და პოლიტიკის საფუძველზე, საქართველოს ეკონომიკური შედეგები მყარია. ამავდროულად, გლობალური გაურკვევლობის ზრდის ფონზე, განსაკუთრებით ახლო აღმოსავლეთში ომის გათვალისწინებით, პერსპექტივის მიმართ გამოწვევები იზრდება. კონფლიქტი მოკლევადიანი თუ იქნა, ველოდებით, რომ საქართველოს ეკონომიკა ძლიერ ზრდას განაგრძობს, თუმცა უფრო ზომიერი ტემპით. ეს იქნება ბოლო წლების გონივრული მართვის გაგრძელება. მიუხედავად იმისა, რომ სურსათისა და ენერგომატარებლების ფასების ზრდის გამო მთლიანმა ინფლაციამ სამიზნე მაჩვენებელს გადააჭარბა, საბაზო ინფლაცია შეზღუდული რჩება. საგარეო პოზიცია გაძლიერდა, რამეთუ მიმდინარე ანგარიშის დეფიციტი შემცირდა და საერთაშორისო რეზერვებმა ისტორიულ მაქსიმუმს მიაღწია. ფისკალური პოლიტიკის დისციპლინა შენარჩუნებულია, სახელმწიფოს ვალი დაბალია, თუმცა მზარდია ეკონომიკის პერსპექტივაზე მოქმედი გეოპოლიტიკური რისკები: მათ შორის, ახლო აღმოსავლეთის ომის შესაძლო გახანგრძლივების გამო. საქართველო უკეთ მომზადებულია საგარეო შოკებთან გასამკლავებლად, ძლიერი მაკროეკონომიკური საფუძვლით და პოლიტიკის ბუფერებით. სამომავლო პოლიტიკა უნდა მიიმართოს მაკროფინანსური სტაბილურობისა და დიდი შრომით მიღებული სანდოობის შენარჩუნებაზე. ძლიერი ზრდის შენარჩუნებისა და მეტი სამუშაო ადგილის შექმნის მიზნით, სტრუქტურული რეფორმები უნდა აჩქარდეს“, – აღნიშნა ალეხანდრო ჰაჟდენბერგმა.

1775552786

მისი თქმით, ზოგადად, საქართველოს ცენტრალური ბანკი შოკების მიმართ სხვებზე უფრო სწრაფად რეაგირებს და ასეც გაგრძელდება.„2023 და 2024 წლებში ძალიან დაბალი ინფლაცია გვქონდა. ჩვენი მიზნობრივი ინფლაცია კი 3%-ია. ჩვენი პროგნოზების მიხედვით, როდესაც ჩვენ მრავალ ფაქტორს ვითვალისწინებთ - ვიცოდით, რომ 2025-ში ინფლაცია გადააჭარბებდა მიზნობრივ 3%-ს, თუნდაც იმიტომ, რომ წინა წლების შესადარისი ბაზა უფრო დაბალი იყო და ზრდა გამოჩნდება. მოლოდინი გვქონდა, რომ 2025 წლის შემოდგომის შემდეგ ინფლაცია დაღმა სვლას დაიწყებდა და ეტაპობრივად დაუახლოვდება მის მიზნობრივ მაჩვენებელს. მოვლენები სწორედ ჩვენი პროგნოზის მიხედვით ვითარდებოდა. ოქტომბრის პიკის შემდეგ, ინფლაციის მაჩვენებელმა შემცირება დაიწყო. ეს ტენდენცია მარტის ჩათვლით გრძელდება მიუხედავად იმისა, რომ ახალი გამოწვევები გამოიკვეთა. მარტშიც ინფლაცია 4.3% იყო. რა თქვა უნდა საყურადღებოა ახალი გამოწვევა, რომელიც ახლო აღმოსავლეთის კონფლიქტთან, ჰორმუზის სრუტის გადაკეტვასთან, საერთაშორისო ნავთობის ბაზრებზე არსებულ მდგომარეობასთან. აქ არის ძალიან დიდი გაურკვევლობა, რაც დამოკიდებულია იმაზე თუ რამდენ ხანს გაგრძელდება ეს კონფლიქტი და ნავთობის მიწოდებასთან დაკავშირებული შეფერხებები, თუმცა მარტის თვით, რომ ვივარაუდოთ ეს შოკი მხოლოდ ნაწილობრივ არის ასახული. ასევე, საბაზრო ინფლაცია 2.4%-ია და მიზნობრივზე დაბალია, რაც იმას ნიშნავს, რომ ჩვენ დღემდე ვახერხებთ ინფლაციური მოლოდინები მართული გვქონდეს. ეს გვეხმარება ჩვენ, რომ უფრო მედეგად შევხვდეთ ახალ გამოწვევებს და შოკებს. ზემოქმედება, რომელსაც ახალი გეოპოლიტიკური გამოწვევა  მოახდენს ფასებზე დამოკიდებულია ამ საომარი მოქმედებების ხანგრძლივობაზე.ეროვნული ბანკი ყველა სცენარისთვის მზად არის. ჩვენ გვაქვს შიდა გათვლები, რომლიდანაც ჩვენი პოლიტიკის გადაწყვეტილებები მომდინარეობს ნავთობის სხვადასხვა ფასებთან კორელაციაში. ჩვენი პასუხი ზოგადად ინფლაციურ შოკებზე არის მონეტარული პოლიტიკის განაკვეთი.მიუხედავად იმისა, რომ ჩვენ დაბალინფლაიცური პერიოდები გვქონდა - გამომდინარე  დიდი გაურკვევლობიდან რეგიონში ჩვენ ამ გამოწვევას ისედაც შედარებით გამკაცრებული პოლიტიკით შევხვდით. დღეის  მდგომარეობით, ჩვენი მონეტარული პოლიტიკის განაკვეთი 8%-ია. ჩვენი ნეიტრალური განაკვეთი არის 7%“, - აცხადებს ნათია თურნავა.შეგახსენებთ, საერთაშორისო სავალუტო ფონდმა (IMF)  საქართველოში 2026 წლის მე-4 მუხლის კონსულტაციების მისია დაასრულა.

1775552631

"ალბათ, სახელმწიფო ბანკი არ არის სწორი დეფინიცია იმ სტრუქტურისთვის, რომლის შექმნაც არის გეგმაში. ეს არ არის სტრუქტურა, რომელიც კლასიკურად ბანკის ფუნქციას ასრულებს და რაიმე ფორმით იქნება ეროვნული ბანკის ზედამხედველობის ქვეშ, იქიდან გამომდინარე, რომ მას არ ექნება ის ფუნქციები, რაც საჭიროებს ეროვნული ბანკის ზედამხედველობას.ეს არის კლასიკური განვითარების ინსტიტუტის მოდელი, რომელიც ძალიან ბევრ ქვეყანას აქვს, განვითარებად თუ განვითარებულ ქვეყნებსაც მათ შორის, საგარეო მიმართულებით. ბუნებრივია, ჩვენი ეკონომიკის ზომიდან გამომდინარე, ის სრულად, 100%-ით იქნება კონცენტრირებული შიდა პროექტებზე და საქართველოს ეკონომიკის განვითარებაზე. ცალსახად რაც შეგვიძლია ვთქვათ ისაა, რომ ეს არ იქნება სახელმწიფო ბანკი, კლასიკური გაგებით, და არ ექნება ფუნქციები, რომლებიც სებ-ის ზედამხედველობას საჭიროებს. შეასრულებს მნიშვნელოვან ფუნქციებს, მათ შორის მოხდება არსებული ფუნქციების კონსოლიდირება და იქნება ახალი ელემენტებიც, რომლებიც, შესაძლოა, საკმაოდ საინტერესო იყოს ბიზნესის ხელშეწყობისა და განვითარებისთვის", - განაცხადა ლაშა ხუციშვილმა.

1775552289

„კრების თაობაზე პირველი ინფორმაცია, „ბრიტანულ-ქართული აკადემიის“ 30%-იანი აქციონერის ნათია ჯანაშიას მიერ გავრცელებული განცხადებიდან გახდა ცნობილი. მიუხედავად იმისა, რომ ინფორმაცია აკადემიისთვის ნაკლებად სასიამოვნო იყო, და შეიძლება ითქვას, რომ არასახარბიელოც, ნათია ჯანაშიას  განცხადებაში ვერ ამოვიკითხეთ აკადემიის საუკეთესო ინტერესებისთვის მოქმედების ინტერესი.საქმე ეხება კრებას, რომელზეც განიხილებოდა შემდეგი საკითხები: პირველი, ახალ კანონთან ბრიტანულ-ქართული აკადემიის სარეგისტრაციო მონაცემების შესაბამისობაში მოყვანის საკითხი, რათა დაკმაყოფილებულიყო საქართველოს კანონმდებლობის მოთხოვნა და 1 აპრილამდე, ანუ კანონით დადგენილ ვადამდე, ბრიტანულ-ქართული აკადემიის ხელახალი რეგისტრაცია დასრულებულიყო და მეორე, ბრიტანულ-ქართული აკადემიის შემდგომი განვითარებისა და უკვე გაცხადებულად დაინტერესებული მოსწავლეების მოზიდვის მიზნით, მაჟორიტარი აქციონერის მფლობელობაში არსებული მიწის ნაკვეთის ბრიტანული აკადემიის კაპიტალში შეტანის საკითხის განხილვა, მხარეთა შორის წარსულში შეთანხმებულ ფასად და წესით.როგორც ნათია ჯანაშიას მიერ გავრცელებული განცხადებაშია მითითებული, მისი მხარე იუსტიციის მინისტრის მიერ დამტკიცებული წესდების მიღების წინააღმდეგ წავიდა და მეორე მხარე (საქართველოს განათლების ჯგუფი) იძულებული იყო ერთპიროვნულად, არსებული კანონმდებლობის შესაბამისად მიეღო გადაწყვეტილება, რათა ბრიტანულ-ქართული აკადემია რეგისტრაციის გარეშე არ დარჩენილიყო,“ – ამბობს გიორგი კაპანაძე.აფბას ხელმძღვანელი აცხადებს, რომ შეწუხებულია იმ გულგრილი და არაემპათიური დამოკიდებულებით, რომელიც ნათია ჯანაშიას განცხადებაში აისახება.კერძოდ განცხადებაში ნათია ჯანაშია წერს: „იმ შემთხვევაში, თუ რეესტრის მიერ დადგენილი ხარვეზი არ აღმოიფხვრება, სკოლას ემუქრება რეგისტრაციის არათუ შეჩერება, არამედ გაუქმება, რაც სკოლის ლიკვიდაციის საფრთხეს ქმნის. შესაბამისად, კიდევ ერთხელ მყარდება ვარაუდი იმის შესახებ, რომ ე.წ. ინვესტორს შეგნებულად მიჰყავს სკოლა ლიკვიდაციის პროცესისკენ მისი მრავალმილიონიანი აქტივის მისაღებად“.გიორგი კაპანაძე ნათია ჯანაშიას საქციელში დესტრუქციულ და მიზანმიმართულად ზიანის მომტან ელემენტებს ხედავს. „რთულია, დაეწიო ნათია ჯანაშიას ლოგიკას. მისი მხარე კენჭისყრში არ მონაწილეობს, რათა აკადემიის რეგისტრცია გაუქმდეს და მისი ლიკვიდაცია დაიწყოს. შემდეგ ჩივის საჯარო რეესტრში, რომ მაჟორიტარი აქციონერის მიერ მიღებული წესდება არ დაამტკიცონ და ბრიტანულ-ქართულ აკადემიას სრულად შეეზღუდოს საბანკო ანგარიშების მართვა, თანხების განკარგვა, წარმომადგენლობითი უფლებამოსილებები და საოპერაციო საქმიანობის ფაქტობრივი პარალიზება გამოიწვიოს. არავინ ითხოვს ნათია ჯანაშიასგან გულისხმიერ დამოკიდებულებას, რადგან არც არავინ ელოდება ამას, მაგრამ რაოდენ გულქვა ხასიათის გამოვლენაა, როცა ხელს უწყობს შიშისა და პანიკის დათესვას სკოლის პედაგოგებსა და მშობლებში, აღვივებ ბავშვების შეშფოთებას და ღელვას“, – ასკვნის აფბას ხელმძღვანელი.გიორგი კაპანაძის აზრით, ამ კომპლექსურ სიტუაციაში სწორედ იქცევა 70%-იანი წილის მქონე „საქართველოს განათლების ჯგუფი“, რომელიც გავრცელებული განცხადების მიხედვით სრულად იღებს თავის თავზე ყველა ფინანსურ და ყველა სხვა სახის ვალდებულებას, რათა სკოლის მოსწავლეებმა და მასწავლებლებმა იურიდიული შეფერხებით გამოწვეული არანაირი დისკომფორტი არ იგრძნონ.„სკოლის საზოგადოება ყველაზე კარგად ხვდება გულშემტკივრისა და ავის მოსურნეს ხასიათსა და ქცევას. სამართლებრივი გაურკვევლობა უახლოეს მომავალში მოგვარდება – დარჩება კითხვები, თუ რატომ სურდა ნათია ჯანაშიას აკადემიის დაზიანება და ლიკვიდაცია“, – ამბობს კაპანაძე.

1775546568