საქართველოს ბანკის გენერალური დირექტორი Financial Times-ის ბრიტანეთის საუკეთესო CEO-ების რეიტინგის ლიდერებს შორისაა

სემეკმა „ჯივიპის“ მიერ მომხმარებლებზე განხორციელებული უსაფუძვლო დარიცხ...

მოქალაქეთა მომართვების საფუძველზე კომისიაში მიმდინარეობს აღნიშნული საკითხების ინდივიდუალურად მოკვლევა. თუ შესწავლის შედეგად დადასტურდება, რომ შპს „ჯორჯიან უოთერ ენდ ფაუერის“ მიერ ქსელზე მიერთების საფასურის დარიცხვა განხორციელდა უკვე მოქმედ აბონენტებზე, რაც არ შეესაბამება სემეკის რეგულაციებსა და წესებს, მომხმარებლებს აღნიშნული დარიცხვები ჩამოეწერებათ. (გარდა სასმელი წყლისა და წყალარინების ქსელებზე თვითნებური მიერთებების შემთხვევებისა).კომისია ხაზგასმით აღნიშნავს, რომ თუ შესწავლის შედეგად დადასტურდება აბონენტებზე მასობრივად უსაფუძვლო დარიცხვების განხორციელება, შპს „ჯორჯიან უოთერ ენდ ფაუერის“ მიმართ გამოყენებული იქნება კანონმდებლობით გათვალისწინებული მკაცრი რეაგირების მექანიზმები.აღნიშნული არ შეეხება იმ აბონენტებს, რომლებიც არ იხდიან მომსახურების საფასურს და არღვევენ კანონმდებლობით გათვალისწინებულ წესებს.

სოკარ ჯორჯია პეტროლეუმმა SOCAR Group-ის შემადგენლობაში შემავალი Italia...

სოკარ ჯორჯია პეტროლეუმმა SOCAR Group-ის შემადგენლობაში შემავალი Italiana Petroli-სგან მაღალი ხარისხის ბენზინის პირველი პარტია შემოიტანა. 5,000 ტონა მოცულობის საწვავი აკმაყოფილებს EN 228 ევროპულ სტანდარტს და საქართველოში SOCAR-ის გემით იქნა ტრანსპორტირებული.აღნიშნული მიწოდება სოკარ ჯორჯია პეტროლეუმსა და Italiana Petroli-ს შორის პირველი კომერციული ტრანზაქციაა, რაც SOCAR-ის მიერ API Holding-ისგან იტალიური კომპანიის აქციების 99.82%-ის შეძენის შედეგია. ტრანზაქცია ჯგუფის კომპანიებს შორის გაღრმავებული თანამშრომლობის მაგალითია. საქართველოს ბაზრისთვის ეს ტრანზაქცია საწვავის მომარაგების დამატებით დივერსიფიკაციასა და მიწოდების საიმედოობის გაძლიერებას ნიშნავს.„SOCAR Group-ის შემადგენლობაში ყოფნა რეალურ ღირებულებას ქმნის და ეს ტრანზაქცია ამის მაგალითია, რადგან იტალიის ბაზარზე არსებული გამოცდილება და შესაძლებლობები საქართველოს ბაზარზე ხელშესახებ სარგებელს მოგვიტანს. Italiana Petroli-ს ნავთობგადამუშავებისა და ხარისხის კონტროლის გამოცდილების SOCAR-ის საერთაშორისო ინფრასტრუქტურასთან გაერთიანებით, ჩვენ საქართველოში საწვავის მომარაგების პორტფელს კიდევ უფრო ვამრავალფეროვნებთ. ჩვენი ადგილობრივი მომხმარებლებისთვის ეს ნიშნავს ჩვენ მიერ დანერგილი მაღალი, ევროპული სტანდარტების შესაბამის ხარისხიან საწვავზე უწყვეტ და საიმედო წვდომას.“, - განაცხადა სოკარ ჯორჯია პეტროლეუმის დირექტორმა ნოდარ ყანჩაველმა.SOCAR-ის საქმიანობა ენერგეტიკული სექტორის მთელ ღირებულებათა ჯაჭვს მოიცავს: ენერგორესურსების მოძიებასა და მოპოვებას, გადამუშავებას, ტრანსპორტირებასა და რეალიზაციას. იტალია სოკარისთვის პირველი ევროპული ბაზარი არ არის: სოკარი უკვე ოპერირებს შვეიცარიაში, ავსტრიასა და რუმინეთში, ხოლო მისი ფართო რეგიონული წარმომადგენლობა ასევე მოიცავს თურქეთსა და უკრაინას. თუმცა, Italiana Petroli-ს შეძენამ, რომელიც 2026 წლის 8 მაისს დასრულდა, ევროპაში SOCAR-ის ნავთობგადამუშავებისა და რეალიზაციის მიმართულებით საქმიანობა კიდევ უფრო გააფართოვა.ამასთანავე, საქართველოს განსაკუთრებული ადგილი უკავია სოკარის საერთაშორისო განვითარების ისტორიაში. SOCAR Energy Georgia 2006 წელს დაფუძნდა, როგორც სოკარის პირველი შვილობილი კომპანია აზერბაიჯანის ფარგლებს გარეთ, ხოლო სოკარის ბრენდირებული პირველი ავტოგასამართი სადგური აზერბაიჯანის ფარგლებს გარეთ, რუსთავის მიმდებარე ტერიტორიაზე გაიხსნა. ამგვარად, ახალი თანამშრომლობა სოკარის პირველ უცხოურ ბაზარს მის ერთ-ერთ უახლეს ევროპულ ინვესტიციასთან აკავშირებს.SOCAR Georgia Petroleum-ის შესახებსოკარ ჯორჯია პეტროლეუმი საქართველოში საწვავის რეალიზაციის სფეროში ერთ-ერთი უმსხვილესი კომპანიაა, რომელიც ქვეყნის მასშტაბით ავტოგასამართი სადგურების ქსელს მართავს და საკუთარ სადგურებზე ყოველდღიურად 30,000-ზე მეტ მომხმარებელს ემსახურება. კომპანია მომხმარებლებს ბენზინით, დიზელის საწვავითა და თხევადი გაზით ამარაგებს, ასევე მართავს WayMart-ის მაღაზიების ქსელს და ელექტრომობილების დამუხტვის მომსახურებას უზრუნველყოფს.საწვავის ხარისხის მონიტორინგი მიწოდებისა და დისტრიბუციის მთელი ჯაჭვის განმავლობაში ხორციელდება, მათ შორის საწვავის მიღების, შენახვის, ტრანსპორტირებისა და ავტოგასამართ სადგურებზე მიწოდების ეტაპებზე. 2012 წლიდან SOCAR Georgia Petroleum-ში ფუნქციონირებს ქვეყანაში ერთ-ერთი ყველაზე მოწინავე ბენზინისა და დიზელის საწვავის ტესტირების ლაბორატორია, რომელიც ISO 17025-ის მოთხოვნების შესაბამისად მუშაობს და ევროპული და ამერიკული წარმოების სატესტო ტექნოლოგიებით არის აღჭურვილი. ლაბორატორია მუდმივად ამოწმებს საწვავის იმ პარამეტრებს,რომლებიც ეფექტიანობას, უსაფრთხოებასა და გარემოზე ზემოქმედებას უკავშირდება.სოკარი ასევე განაგრძობს დაბალი ემისიების მქონე ტრანსპორტის ხელშეწყობას და ენერგოეფექტური ინფრასტრუქტურის განვითარებას საქართველოში. 2026 წელს SOCAR-მა თბილისში სამხრეთ კავკასიაში ელექტრომობილების პირველი სრულად ელექტრო დამტენი სადგური გახსნა. ობიექტი ნაწილობრივ მზის ენერგიაზე მუშაობს, ისევე როგორც SOCAR-ის არაერთი სხვა ავტოგასამართი სადგური..Italiana Petroli-ს შესახებSOCAR Group-ის შემადგენლობაში შემავალი Italiana Petroli იტალიაში საწვავისა და ენერგეტიკის სფეროს ერთ-ერთი წამყვანი კომპანიაა. 90 წელზე მეტი ისტორიის მქონე კომპანია წარმოადგენს ინტეგრირებულ სამრეწველო და ლოგისტიკურ სისტემას, რომელიც მოიცავს ორ ნავთობგადამამუშავებელ ქარხანას, დაახლოებით 5 მილიონი კუბური მეტრის მოცულობის სასაწყობე ინფრასტრუქტურასა და იტალიის მასშტაბით 4,575 ავტოგასამართ სადგურს. კომპანიის ქსელში ყოველდღიურად საწვავის ჩასხმის 680,000-ზე მეტი ოპერაცია ხორციელდება.SOCAR-მა, ყველა საჭირო მარეგულირებელი თანხმობის მიღების შემდეგ, Italiana Petroli-ს აქციების 99.82%-ის შეძენა 2026 წლის 8 მაისს დაასრულა.სოკარის შესახებსოკარი, რომლის სათავო ოფისი აზერბაიჯანში მდებარეობს, გლობალური ენერგეტიკული კომპანიაა, რომელიც სპეციალიზებულია ენერგორესურსების მოპოვებაში, გადამუშავებასა და დისტრიბუციაში. ის არის სამხრეთ კავკასიის რეგიონში ერთ-ერთი უდიდესი ინტეგრირებულ ენერგეტიკული საწარმო, რომელსაც მნიშვნელოვანი საერთაშორისო დაფარვა აქვს, რაც სხვადასხვა ქვეყნის ბაზარზე მის წამყვან როლს უსვამს ხაზს.

ნუგზარ ბერიძე: ელექტროენერგეტიკის სექტორის განვითარება მნიშვნელოვანი ტ...

“ენერგეტიკული უსაფრთხოება თანამედროვე სახელმწიფოს ეკონომიკური, სოციალური და ეროვნული უსაფრთხოების ერთ-ერთ ფუნდამენტურკომპონენტს წარმოადგენს. ელექტროენერგიაზე მოთხოვნის მუდმივი ზრდის, ენერგეტიკული ბაზრების ლიბერალიზაციის, კლიმატის ცვლილებასთან დაკავშირებული გამოწვევებისა და განახლებადი ენერგიის სწრაფი განვითარების ფონზე, სულ უფრო აქტუალური ხდება ენერგეტიკული პოლიტიკის ეფექტიანობისა და ადეკვატურობის შეფასება. განსაკუთრებით მნიშვნელოვანია დადგინდეს, რამდენად შეესაბამება ენერგეტიკის სექტორში განხორციელებული პოლიტიკა ქვეყნის ენერგეტიკული უსაფრთხოების, მიწოდების საიმედოობისა და გრძელვადიანი მდგრადობის მიზნებს.საქართველოში ელექტროენერგეტიკის სექტორის განვითარება ბოლო ორი ათწლეულის განმავლობაში მნიშვნელოვანი ტრანსფორმაციით ხასიათდება. ქვეყანამ დაიწყო ენერგეტიკული ბაზრის ლიბერალიზაცია, უზრუნველყო კერძო ინვესტიციების მოზიდვა გენერაციის სექტორში და აქტიურად შეუწყოხელი განახლებადი ენერგიის წყაროების განვითარებას. აღნიშნული პოლიტიკის შედეგად გაიზარდა როგორც გენერაციის დადგმული სიმძლავრე, ისე ელექტროენერგიის გამომუშავება. პარალელურად, ენერგეტიკული სექტორის განვითარების ერთ-ერთ მთავარ მიმართულებად ჩამოყალიბდა ჰიდროენერგეტიკული, ქარისა და მზის რესურსების ათვისება, რაც სრულად შეესაბამება როგორც ქვეყნის ბუნებრივ პოტენციალს, ასევე დეკარბონიზაციისა და მდგრადი განვითარების საერთაშორისო დღის წესრიგს”, - აღნიშნავს ნუგზარ ბერიძე სამეცნიერო სტატიაში, რომლის სრული ვერსიაც ხელმისაწვდომია ენერგეტიკის სასწავლო ცენტრის ვებგვერდზე:  https://entc.ge/ka

დღეიდან რუსეთში საცალო ბენზინგასამართ სადგურებზე ევრო-2-ევრო-5 კლასის...

სამინისტროს ცნობით, რუსეთის მთავრობის შესაბამისი დადგენილება ძალაში იქნება 2026 წლის 1 სექტემბრიდან 2027 წლის 30 ივნისამდე. ადრე ნავთობგადასამუშავებელ ქარხნებს შეეძლოთ ამ კლასის საწვავის მიწოდება შიდა კონტრაქტებით, მაგრამ მათი შესაძლებლობა, გაეყიდათ ისინი საცალო ბენზინგასამართ სადგურებზე, შეზღუდული იყო.დადგენილი პერიოდის განმავლობაში, ეს საწვავი საცალო ვაჭრობაში ხელმისაწვდომი იქნება ერთიანი საბაზრო პირობებით, რაც გაზრდის მიწოდებას შიდა ბაზარზე და დააბალანსებს საწვავის სექტორს.

"დარწმუნებულები ვართ, რომ ენერგეტიკის სექტორში ჩვენ გვექნება ხელშესახე...

მისი ინფორმაციით, ეს მნიშვნელობა რა თქმა უნდა არა მხოლოდ ეკონომიკურ გაძლიერებაზე გადის, არამედ ჩვენი ქვეყნის ენერგოუსაფრთხოებაზეც."რა თქმა უნდა მნიშვნელოვანია რომ ჩვენ მაქსიმალური პასუხისმგებლობა და ყურადღება გამოვიჩინოთ აღნიშნული პროექტებისადმი, ისევე როგორც სხვა პროექტებისადმი იმისთვის რომ ყოველწლიურად, სახელმწიფომ კერძო სექტორთან ერთად უზრუნველყოს საქართველოში გენერირებული ელექტროენერგიის ზრდა.ამას აქვს ობიექტურად სტრატეგიული მნიშვნელობა ჩვენი ქვეყნისთვის, ჩვენი ქვეყნის სუვერენიტეტისთვის, ჩვენი ქვეყნის უსაფრთხოებისთვის, რომ ჩვენ გვქონდეს საქართველოში გენერირებული ელექტროენერგია იმ მოცულობის, რომელიც სრულად დააკმაყოფილებს ჩვენსავე საჭიროებას.ჩვენ დარწმუნებულები ვართ რომ ენერგეტიკის სექტორში ჩვენ გვექნება ძალიან ხელშესახები შედეგები, რაც ჩვენი ქვეყნის ეკონომიკას და ზოგადად, ჩვენს ქვეყანას ძალიან გააძლიერებს", - აღნიშნა მინისტრმა.