გალტ & თაგარტმა თბილისის კომერციული უძრავი ქონების ბაზრის შესახებ კონფერენცია გამართა

ბოლო რამდენიმე დღის ყველაზე მნიშვნელოვანი სიახლე აშშ-სა და ირანს შორის ომის დასრულების შესახებ შეთანხმების თაობაზე მიღწეული პროგრესია. აშშ-ს ოფიციალური პირების განცხადებით, შესაძლებელია, შეთანხმება უახლოეს დღეებში გაფორმდეს. თუმცა აღსანიშნავია ისიც, რომ, წინასწარი ინფორმაციით, დოკუმენტი საბოლოო არ იქნება და მხარეებს შორის გადასაჭრელი საკითხების მხოლოდ ნაწილს შეეხება. ამ ეტაპზე მოვლენათა განვითარება თანხვედრაშია ჩვენს საბაზო სცენართან, რომელიც ეყრდნობა საერთაშორისო ბაზრებზე არსებულ ძირითად მოლოდინებს და კონფლიქტის შედარებით მოკლე ვადაში დასრულებას მოიაზრებს. ჩვენი შეფასებით, ახლო აღმოსავლეთის ესკალაციის წმინდა ეფექტი საქართველოს ეკონომიკაზე დიდწილად ნეიტრალურია, საშუალო და გრძელვადიან პერიოდში, შესაძლოა, მცირედით პოზიტიურიც კი, პოტენციური მიგრაციული ნაკადების გათვალისწინებით. ამავდროულად, ნეიტრალური ეფექტი არ ნიშნავს, რომ ეკონომიკის სტრუქტურაში ცვლილებები არ იქნება - მოსალოდნელია, რომ მსოფლიო ბაზრებზე სასაქონლო პროდუქციის ფასების ნორმალიზებასთან ერთად ექსპორტის ზრდის ტემპიც შენელდება, ხოლო საპირისპიროდ ტურიზმის სექტორში აღდგენა დაჩქარდება. ადგილობრივ ეკონომიკაში მიმდინარე ტენდენციების მხრივ, წმინდა სავალუტო შემოდინებები აპრილში გაიზარდა, რაც საქონლით ვაჭრობის დეფიციტის შემცირებას უკავშირდება, მიუხედავად იმისა, რომ ფულადი გზავნილების ზრდის ტემპი შენელდა, ხოლო ტურიზმიდან შემოსავლები კვლავ დაბალი იყო. უახლეს ინდიკატორებზე დაყრდნობით, მაისში წმინდა სავალუტო შემოდინებები დამატებით გაიზრდება. უფრო დეტალურად, აპრილში ექსპორტის წლიურ 16.1%-იან ზრდას ძირითადად ნავთობის, ოქროს, ფეროშენადნობებისა და სასუქების ექსპორტი განაპირობებდა, რაც კონფლიქტის დაწყების შემდეგ მსოფლიო ბაზარზე გაზრდილ ფასებს უკავშირდება. თავის მხრივ, წლიურად 2.9%-ით შემცირდა იმპორტი, მიუხედავად გაძვირებული ნავთობისა, რისი მიზეზიც,მოლოდინების შესაბამისად, ავტომობილების იმპორტის 34%-იანი კლებაა, შედარებით სუსტ შიდა მოთხოვნასთან ერთად. რაც შეეხება სტუმარმასპინძლობის სექტორს, აპრილში საქართველოს აეროპორტებში ფრენების რაოდენობა წლიურად 10.6%-ით შემცირდა, რაც მარტის 6%-იან კლებაზე მეტია. მნიშვნელოვნად შენელდა არარეზიდენტების უნაღდო ხარჯების წლიური ზრდის ტემპიც, რაც ტურიზმიდან შემოსავლების რეალურ დროში პროგნოზირებისთვის გამოიყენება. თიბისი კაპიტალის შეფასებით, მარტსა და აპრილში ტურიზმიდან შემოსავლების დანაკლისმა, კონფლიქტის გარეშე ალტერნატიულ სცენართან შედარებით, დაახლოებით 170 მილიონი აშშ დოლარი შეადგინა. მეორე მხრივ, ეს დანაკლისი სასაქონლო პროდუქციაზე ექსპორტის, დაახლოებით, 160 მილიონი დოლარით დაჩქარებამ თითქმის სრულად დააკომპენსირა. საყურადღებოა, რომ, უახლესი მონაცემებით, საქართველოს აეროპორტებში დატვირთულობა მაისში გააქტიურებულია და, 25 მაისის მდგომარეობით, 2025 წლის მაჩვენებლებთან ახლოსაა. ამასთან, აპრილთან შედარებით ზრდა ფიქსირდება როგორც რეზიდენტების, ასევე არარეზიდენტების უნაღდო დანახარჯებშიც. მთლიანობაში, შეიძლება ითქვას, რომ აპრილსა და მაისში სავალუტო ბაზარზე კვლავ სიჭარბე შეინიშნება. მარტში 16 მილიონი აშშ დოლარის გაყიდვის შემდეგ, აპრილში სებ-მა 333 მილიონი აშშ დოლარი შეიძინა. ჩვენი შეფასებით, მოსალოდნელია, რომ მაისში შესყიდვები უფრო მასშტაბური იქნება. თავის მხრივ, სავალუტო ბაზარზე არსებული სიჭარბე ლარის მხარდამჭერი ფაქტორია. თიბისი კაპიტალის მოკლე და გრძელვადიანი წონასწორობის მოდელების თანახმად, ლარი კვლავ ზედმეტად გაუფასურებული რჩება. ამდენად, განახლებული პროგნოზით, წლის ბოლოსთვის აშშ დოლარი/ლარის გაცვლითი კურსი დაახლოებით 2.65-ის ნიშნულზეა. და ბოლოს, ინფლაციის კუთხით, ახლო აღმოსავლეთის კონფლიქტის დასრულების პარალელურად, პროგნოზზე კლების მიმართულებით მოქმედებს სასაქონლო პროდუქტებზე, მათ შორის ნავთობზე, ფასების მოსალოდნელი შემცირება. ორშაბათს, ვაჭრობის განახლების შემდეგ, გლობალურ ბაზრებზე ნავთობის ფასი 5.5%-ით ნაკლებია. ასევე გასათვალისწინებელია, რომ, უფრო გრძელვადიანი ინდიკატორები, როგორებიცაა მედიანური, საბაზო და მომსახურების ინფლაციები, ფასებზე ზეწოლის მნიშვნელოვან ზრდაზე არ მიუთითებს. მეორე მხრივ, მოსალოდნელია, რომ შედარებით მაღალი დარჩება სურსათის ფასები, რაც ენერგომატარებლებსა და სასუქებზე გაზრდილი ფასების საშუალო-გრძელვადიან ეფექტს უკავშირდება. ამასთან, საბაზო სცენარში საწვავზე ფასები, შემცირების მიუხედავად, კონფლიქტამდე ნიშნულზე მაღალი იქნება, რაც გაზრდილი ხარჯების არხით, არაპირდაპირ სხვა პროდუქტების ფასებსაც გადაეცემა.აღნიშნული ფაქტორების ერთობლიობით, თიბისი კაპიტალის უცვლელი პროგნოზით, წლიური ინფლაცია თავდაპირველი მცირედი ზრდის შემდეგ მომდევნო თვეებში გარკვეულწილად შენელდება, მათ შორის პურის ფასებთან დაკავშირებული საბაზო ეფექტის გამო, შემდგომ კი კვლავ გაიზრდება და დეკემბრისთვის 6%-ს მიაღწევს.იხილეთ პუბლიკაციის სრული ვერსია შემდეგ ბმულზე:https://tbccapital.ge/ge/publications/all-publications/singleview/30007513-macro-update-georgia

1779714293

„მომავალი არ ჩერდება, მომავალი მოდის“ - ეს არის მთავარი მესიჯი, რომელსაც წლევანდელი ვიდეორგოლი ეფუძნება. იდეას, რომ თავისუფლება მხოლოდ წარსულში მოპოვებული ისტორია არ არის - ის ყოველდღე თავიდან იბადება ადამიანებში, არჩევანში, სითამამეში და იმ თაობაში, რომელიც მოდის.სწორედ ამიტომ იქცა ვიდეორგოლის მთავარ გმირად მომავალი თაობა - თაობა, რომელიც მოძრაობას არ აჩერებს; რომელმაც ჯერ კიდევ არ იცის სიტყვა „შეუძლებელი“ და ყველა „არას“, ყველა „ვერას“ თუ ყველა დაკეტილი კარის მიუხედავად, მაინც პოულობს გზას ხოხვით, სირბილით, ქროლვით… და ასე, შეუჩერებლად მოდის.„26 მაისის მოახლოებასთან ერთად, ყოველთვის თავიდან ვიწყებთ ფიქრს, რას ნიშნავს თავისუფლება და დამოუკიდებლობა - ვინ ქმნის მას, ვინ აგრძელებს და ვის ეკუთვნის მისი მომავალი. წელს ამ კითხვებზე პასუხის ძიებამ მომავალ თაობამდე მიგვიყვანა. მომავალ თაობაში ცნობისმოყვარეობა შიშზე ძლიერია, მათთვის ყველა საზღვარი დროებითია და “თუ კარი დაკეტილია, ისინი ფანჯრიდან შემოდიან”. სწორედ ასე მოდის მომავალი - შეუჩერებლად. ასე შეიქმნა კამპანიის მთავარი გზავნილიც: “მომავალი არ ჩერდება, მომავალი მოდის“, - აღნიშნავს საქართველოს ბანკის ბრენდის მიმართულების ხელმძღვანელი, მარიამ ცანავა.ნახეთ საქართველოს ბანკის 26 მაისისადმი მიძღვნილი ვიდეორგოლი:

1779712980

ქუთაისის საერთაშორისო უნივერსიტეტმა პროკრედიტ ბანკის წარმომადგენლობით ვიზიტს უმასპინძლა. ვიზიტის ფარგლებში გაიმართა კამპუსზე ელექტრომობილების დამტენი სადგურების გახსნის ცერემონია, თანამშრომლობის მემორანდუმის გაფორმება და საჯარო ლექცია.აღსანიშნავია, რომ პროკრედიტ ბანკის მხარდაჭერით, KIU-ს ტერიტორიაზე ელექტრომობილების დამტენი სადგურები დამონტაჟდა. სადგურები KIU-ს აღმასრულებელმა დირექტორმა/რექტორმა ვახტანგ ცაგარელმა, პროკრედიტ ბანკის გენერალურ დირექტორთან, ალექსი მატუასთან ერთად გახსნა. ღონისძიებას უნივერსიტეტისა და ბანკის წარმომადგენლები დაესწრნენ.ვიზიტისას გაფორმდა თანამშრომლობის მემორანდუმი. დოკუმენტს ხელი KIU-ს აღმასრულებელმა დირექტორმა/რექტორმა ვახტანგ ცაგარელმა და პროკრედიტ ბანკის გენერალურმა დირექტორმა ალექსი მატუამ მოაწერეს. მემორანდუმის ფარგლებში, KIU და პროკრედიტ ბანკი ერთობლივად განახორციელებენ საგანმანათლებლო, საინფორმაციო და პრაქტიკულ პროექტებს, რომლებიც გარემოს დაცვის, ენერგოეფექტურობის, განახლებადი ენერგიების გამოყენებისა და მაღალი სოციალური პასუხისმგებლობის პოპულარიზაციას ითვალისწინებს. უნდა აღინიშნოს, რომ თანამშრომლობის ერთ-ერთი ძირითადი და მნიშვნელოვანი საკითხია სტუდენტთა კარიერული შესაძლებლობების განვითარების ხელშეწყობა და სტაჟირების პროგრამების შეთავაზება.ვიზიტის დასასრულს ქუთაისის საერთაშორისო უნივერსიტეტის სტუდენტებისთვის საჯარო ლექცია ჩატარდა, თემაზე: „მდგრადი განვითარება, თანამედროვე საბანკო სექტორი და ახალგაზრდების კარიერული შესაძლებლობები“. ლექციას პროკრედიტ ბანკის გენერალური დირექტორი ალექსი მატუა და ბანკის მდგრადი განვითარების განყოფილების უფროსი ალექსანდრე ჯაშიაშვილი უძღვებოდნენ. სტუდენტებმა ამომწურავი ინფორმაცია მიიღეს მწვანე პოლიტიკის, რესურსების ეფექტიანი გამოყენებისა და თანამედროვე გამოწვევების შესახებ. მხარეებმა აღნიშნეს, რომ განათლებისა და ბიზნესსექტორის თანამშრომლობა მნიშვნელოვან როლს ასრულებს მდგრადი და ეკომეგობრული გარემოს შექმნაში. სტუმრები, ასევე, გაეცნენ ქუთაისის საერთაშორისო უნივერსიტეტის ულტრათანამედროვე კამპუსს, რომელიც მოიცავს მსოფლიო სტანდარტის უნიკალურ აკადემიურ და საცხოვრებელ ინფრასტრუქტურას, გასართობ და რეკრეაციულ სივრცეებს.KIU, როგორც მდგრადი განვითარების საუნივესიტეტო სივრცე, აქტიურად უჭერს მხარს ინოვაციური, გარემოზე ორიენტირებული ეკო პროექტების განხორციელებას, ხოლო პროკრედიტ ბანკი, როგორც მაღალი სოციალური პასუხისმგებლობის მქონე ფინანსური ინსტიტუტი, უკვე მრავალი წელია ახორციელებს ეკოლოგიურ და ენერგოეფექტურ ინიციატივებს საქართველოში.

1779711622

ნათია თურნავამ ყურადღება გაამახვილა ეროვნული ბანკის პრიორიტეტებზე ფინანსური სექტორის ტექნოლოგიური განვითარების მიმართულებით და აღნიშნა, რომ ფინანსურ და მონეტარულ სტაბილურობასთან ერთად, ეროვნული ბანკისთვის მნიშვნელოვანია თანამედროვე ფინანსური სერვისებისა და ინოვაციების ხელშეწყობა.მისი განცხადებით, ეროვნული ბანკი აქტიურად მუშაობს ისეთი მარეგულირებელი გარემოს შექმნაზე, რომელიც ხელს უწყობს ფინანსური ტექნოლოგიების განვითარებასა და ინვესტიციების მოზიდვას. ამ მიმართულებით, საქართველოში დანერგილია ვირტუალური აქტივების მომსახურების პროვაიდერების (VASP) რეგისტრაციის რეჟიმი, ხოლო ეროვნულ ბანკს სექტორზე სრული საზედამხედველო უფლებამოსილება აქვს მინიჭებული.„ეროვნულმა ბანკმა ვირტუალური აქტივების სექტორისთვის თანამედროვე მარეგულირებელი ჩარჩო შექმნა, რომელიც საერთაშორისო საუკეთესო პრაქტიკას ეფუძნება და უზრუნველყოფს სექტორის გამჭვირვალე და სტაბილურ განვითარებას, რაც რეგიონში პირველი მსგავსი მარეგულირებელი ჩარჩოა. მისი მიზანია საქართველოში სტაბილური ვირტუალური აქტივების უსაფრთხო, გამჭვირვალე და სანდო გარემოში გამოშვების ხელშეწყობა. აღნიშნული განვითარება ეხმიანება გლობალურ საფინანსო ბაზრებზე არსებულ მოთხოვნას და ქმნის ახალ შესაძლებლობებს ქვეყანაში ინვესტიციების მოსაზიდად. ზოგადად ჩვენი მარეგულირებელი ჩარჩო არის ერთგვარად მკაცრი, მაგრამ ესაა ის გარემო, რომელიც მიმზიდველია გლობალურად კომპანიებისთვის, რომლებიც დაკავებული არიან ვირტუალური სექტორში, რადგან იძლევა პროგნოზირების შესაძლებლობას. ჩვენ ამ მიმართულებით კვლავაც გავაგრძელებთ მუშაობას", - განაცხადა ნათია თურნავამ.მისივე თქმით, ეროვნული ბანკის მიერ განხორციელებული რეფორმები საქართველოს მიმართ საერთაშორისო ფინანსური და ტექნოლოგიური კომპანიების ინტერესს ზრდის.„ჩვენთვის მნიშვნელოვანია ისეთი გლობალური კომპანიების დაინტერესება, როგორიცაა Tether. მსგავსი ინვესტიციები ადასტურებს, რომ საქართველო რეგიონში ფინანსური ტექნოლოგიებისა და ციფრული ფინანსების განვითარების მიმართულებით მიმზიდველ და კონკურენტუნარიან გარემოს ქმნის", - აღნიშნა ნათია თურნავამ.ღონისძიების ფარგლებში ყურადღება გამახვილდა საქართველოს ფინანსური სექტორის განვითარების, თანამედროვე ფინანსური ტექნოლოგიებისა და საერთაშორისო თანამშრომლობის მნიშვნელობაზე. შეხვედრას საჯარო და კერძო სექტორის, ასევე საერთაშორისო ფინანსური და ტექნოლოგიური სფეროს წარმომადგენლები ესწრებოდნენ.

1779710647

Studio Liberty-ის წევრებისთვის მოქმედებს 50% ქეშბექი, ლიმიტით 200 ლარი, რისთვისაც აუცილებელია გადახდა შესრულდეს Studio Liberty-ის Mastercard World Elite ბარათით.დეტალური პირობები: შეთავაზება ვრცელდება ლიბერთის Mastercard ბარათით გადახდისას; შეთავაზება ვრცელდება ლიბერთის ტერმინალზე გადახდისას; შეთავაზება ვრცელდება ყველა ტიპის პროდუქციაზე, მათ შორის ფასდაკლებულ პროდუქციაზეც. შეთავაზება ვრცელდება როგორც ფიზიკურ მაღაზიებში ასევე ონლაინ; ონლაინ გადახდისას აუცილებელია ლიბერთის გადახდის არხის არჩევა; ქეშბექი ვრცელდება ტოპქარდით გადახდაზე; შეთავაზება არ ვრცელდება სასაჩუქრე ბარათების შეძენაზე; შეთავაზების დროს არ მოქმედებს ნივთის უკან დაბრუნება, შესაძლებელია მხოლოდ გაცვლა; ბანკი იტოვებს უფლებას საეჭვო ტრანზაქციის აღმოჩენის შემთხვევაში, მომხმარებელს არ დაუბრუნოს ქეშბექის თანხა. გადავიმეოროთ ქეშბექის მიღების წესები: გადმოწერე აპლიკაცია ან შედი ვებგვერდზე: cashback.ge გაიაქტიურე სასურველი შეთავაზება წინასწარ გადაიხადე ლიბერთის Visa ბარათით, ლიბერთის ტერმინალზე თუ ჯერ კიდევ არ ხარ ლიბერთის მომხმარებელი, გახდი ჩვენიანი ონლაინ: https://onboarding.lb.ge *წესები დეტალურად: შეთავაზების გასააქტიურებლად, გადმოწერეთ CashBack ის აპლიკაცია: iOS | Android ან შედით ვებგვერდზე cashback.ge.თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს "აქტივაცია" და ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.

1779710350

ღონისძიებაში მონაწილეობას იღებდნენ უძრავი ქონების სექტორის წარმომადგენლები, ინვესტორები და სხვა დაინტერესებული მხარეები.კვლევა, რომელიც გალტ & თაგარტმა კონფერენციაზე წარადგინა, ფოკუსირებულია თბილისის საოფისე და სავაჭრო უძრავი ქონების ბაზრებზე, სადაც 2026 წლიდან მიწოდების ზრდაა დაგეგმილი. აღნიშნულის გათვალისწინებით, გალტ & თაგარტის კვლევა ბაზრის მონაწილეებს მკაფიო წარმოდგენას უქმნის არსებული შესაძლებლობების, რისკებისა და სექტორის განვითარების მოსალოდნელი ტენდენციების შესახებ.კვლევის მიხედვით, 2019–25 წლებში თბილისის საოფისე უძრავი ქონების ბაზარი მაღალი მოთხოვნით ხასიათდებოდა. ამ პერიოდში ვაკანტურობის მაჩვენებელი 10.0%-დან 6.6%-მდე შემცირდა, ხოლო საიჯარო ქირა სტაბილურად იზრდებოდა. 2026–28 წლებში კი დაგეგმილია 100 ათას კვ.მ-ზე მეტი ახალი საოფისე ფართის მიწოდება, რაც ვაკანტურობას, გალტ & თაგარტის შეფასებით, 16.8%-მდე გაზრდის. იმისთვის, რომ ვაკანტურობა ჯანსაღ 10%-იან ნიშნულს დაუბრუნდეს, გალტ & თაგარტის პროგნოზით საჭირო იქნება 2029-31 წლებში ახალი მიწოდების დროებით დაპაუზება.რაც შეეხება თბილისის სავაჭრო უძრავ ქონებას, თბილისის მთავარ სავაჭრო მოლებში გასაქირავებელ ფართებზე მოთხოვნა მნიშვნელოვნად გაიზარდა 2019-25 წლებში. შედეგად, ამ მოლებში საშუალო ვაკანტურობა 6.6%-მდე შემცირდა, ხოლო ქირის ღირებულება 73%-ით გაიზარდა. გალტ & თაგარტის შეფასებით 2026–30 წლებში დაგეგმილია 141 ათ. კვ.მ-ის ახალი გასაქირავებელი ფართის დამატება. მოთხოვნა კვლავ ძლიერი დარჩება და დამატებითი შესაძლებლობაა ტანსაცმლის და აქსესუარების პრემიუმ ბრენდების შემოყვანა საქართველოში. გალტ & თაგარტის კვლევაში ასევე გაანალიზებულია ცენტრალური სავაჭრო ქუჩების და ბაზრობების ძირითადი ინდიკატორები. კვლევის თანახმად, ბაზრობები ინარჩუნებენ მდგრად მოთხოვნას ლოიალური, ფასზე ორიენტირებული მომხმარებლების ხარჯზე, ხოლო ცენტრალური ქუჩების სავაჭრო უძრავი ქონება მოლების მხრიდან მზარდი კონკურენციის მიუხედავად, საინვესტიციოდ კვლავ მიმზიდველია.„კომერციული უძრავი ქონების ბაზარი განვითარების ახალ ეტაპზეა, რაც მიწოდების მნიშვნელოვანი ზრდითაა განპირობებული. ჩვენი მიზანია, ბაზრის მონაწილეებს დროული და სიღრმისეული ანალიზი გავუზიაროთ, რათა მათ შეძლონ რისკებისა და შესაძლებლობების სწორად შეფასება. დარწმუნებულები ვართ, რომ ჩვენი კვლევა დაეხმარება სექტორს, განაგრძოს განვითარება და მიიღოს ინფორმირებული, მონაცემებზე დაფუძნებული გადაწყვეტილებები“, - განაცხადა გიორგი კუპრაშვილმა, გალტ & თაგარტის გენერალურმა დირექტორმა,კვლევის შესახებ მეტი ინფორმაციის მისაღებად გთხოვთ, ეწვიოთ ვებგვერდს: www.gt.ge

1779709159